@#/_/rnying ma rgyud 'bum/ rjes su rnal 'byor/ dkon rgyud bcu gnyis/ zhi ba lha rgyud/

rgya gar skad du/ dre ba shAn ti nA ma tan tra/ bod skad du/ zhi ba'i lha rgyud zhes bya ba/ dpal kun tu bzang po rdo rje sems dpa' la phyag 'tshal lo// sgos bu dam pa gang dag gis ni nges dgongs pa// gang la dgongs pa gang gis nges par 'grel pa ni// skye med ches las skye ba'i cho 'phrul mang snang zhing // thugs rjes zhing 'dul cho 'phrul bdag la phyag 'tshal lo// skye ba med las thams cad skyes shing skyes nyid skye med dang // bdag gzhan kun rtog dbang gi 'khor la snying rje ma chog gi sems// skyed par gsungs pa'i lung la bsten te nges don snying po la// dgongs shing gsungs mdzad lnga rgyud don 'grel bdag gzhan rtog pa 'dul bar bshad// phung po la sogs chos rnams byang chub sems su gcig/ ma 'dres yongs rdzogs zhi gnas lhag mthong rnam pa gnyis// don dam nye bar brtags pas bde rol pan mdzad pa// lce rgyud dag gi kun smon kun gzhir gyur pas mo// de yang gdul bya'i dbang gis mdo deng rgyas snang ba// gnyis gsum gnyis gnyis gsum gsum bcu bdun gcig la sogs// rtog 'dul mtshan ma spyi dang khyad par mtshan nyid dang // rab 'bring thi ma'i blo yis ma 'ong dus su dpyad// de'ong sku mdog phyag mtshan dang // bzhugs thabs gdan khri rgyan chas kyi// ma nor de nyid nges par gzung // de nyid rnam pa lngar shes bya// de la dang po gnyis yin te// rang bzhin gyis ni sku mdog dang // rigs kyi dog bstan pa yin// rang bzhin sku mdog bzhi sde dung dang ni// ku mu te dang zla nyi ma'o// rigs ni lnga ste bai DUR+Ya dang ni// kang ka ri dang leb rgan lta bu dang // gser sbyangs pa dang sna tshogs lta bu'o// gnyis pa la'ang gsum ste phyag mtshan dang // phyag rgya'i rnam pa gsum ste rnam par dpe// phyag ni gnyis sam drug ste gzung 'dzin dang // ye shes rnam pa drug la dgongs pa'o// phyag mtshan rjes mthun thabs dang shes rab dang // dbyings dang ye shes pha rol phyin pa drug/ phyag rgya bzhi snga ma bcos mi 'da' dang // ma nges po dang 'brel pa las kyi rgya'i// mi btsas gnyis te ma skyes ma 'gags pa'o// ma 'gags po yang rnam bzhir shes pa ste// kha dog yul dang mtshon pa'i gzugs dang ni// mtshon rtags nye bar brtags pa'i phyag rgya'o// mi ma 'da' gsum ste zin mdzad mi bskyod pa'o// ma nges grangs ni tha dad gcig tha yas// 'grel pa gnyis las las dang dam tshig go// gsuM pa gsum ste thabs gnas tshul nyid do// thabs ni rang bzhin khyad par rnam pa gnyis// gnas ni phyi nang mtha'i dbus med pa ste// yon tan bsam yas rjod 'das gcig gnyis su// tshul 'di gsum gsum yang na bcu gnyis gsum// bzhengs dang gshegs pa dang ni gzigs pa dang // gnyen lcug 'khril ba'i tshul dang ldem pa dang // gzhon nu gsal mtshor tshul dang lhun sdug dang // gzi byin 'bar ba'i tshul dang 'khrug pa'i tshul// dgongs dang bsten dang brtan dang 'byings pa'i tshul// 'dud pa tsam me mal le lhan dang// sal le'i tshul du sI dang khad par gyi// be brag ci rigs par ni rnam par dpang// gzhi la gsam ste du rna kra dang // sa yi khang par yon tan che ba'o// lnga pa gnyis te rgyan chas gdan dang ldan// gzhan yang rnam pa mang por brjod pa ste// dbu rgyani snyan tshe da shal 'gur chu dang // phreng ba se mo phag gdub rgya no ta bdun// chas ni sku dang gsung thugs yon tan las kyis bsgyings// de phyir chos gis slad dkris ze'u ldir dang // smad g.yogs gsang dgos rnam lngas brjid par snang // gzhan yang mchin dpe 'phags pa'i lam la sogs// rdzogs par mnga' pir sras kyi tshogs rnams kyang // bkra shis brgyad kyis yos su 'khyil ba'i// de las sogs pa dpag med brjod las 'das// de dag spyir snang khang par rab snang 'do'o// rnam shes tshegs brgyad ye shes lngar gyur pa// dus gsum bdi gshegs rgyal ba kun gyi yab// rdo rje sku dang gsung dang thugs ldan pas// dug gsum 'dzom mdzad bcom ldan rdo rje sems// kun gzhi gnas gyur chos dbyings ye shes thugs// bde ba chen po longs spyod rdzogs pa'i ste// skye yi longs spyod mtha' 'das brda mjal gsung // dug lnga zhi mdzad bcom ldan rnam snang mdzad// nyon mongs yid gyur mnyi ma nyid ye shes thugs// bsam 'das brjod mod dmigs med chos kyi sku// gzhan gyi mi brjod rig pa'i ye shes gsung // yon tan rgyas mdzad bcom ldan rin chen 'byung // yid gyur so sor rtog pa'i ye shes thugs// mtshan rdzogs mngon par byang chub brnyes pa'i sku// ljags kyi mi brjod yi ge med pa'i gsung // gdul bya dbang mdzad bcom ldan smang mtha' yas// sgo lnga gnas gyur nan tan ye shes thugs// thugs rje chen po cir yang sprul pa'i sku// ljags kyi stong gsum kun tu grags pa'o gsung // bdag gzhan don mdzad bcom ldan don yod grub// ye shes thugs rje chen pos 'gro ba rnams// rnam thar sgo gsum gnas su 'dren mdzad kyang // thugs kyi longs spyod thams cad mi dmigs pa// kun 'byung yum chen nam mkha' kun tu bzang // ye shes thugs rjes 'gro kun sangs rgyas 'god// ri dogs med par ye shes spyan gzigs kyang // sku'i longs spyod sna tshogs mi dmigs pa// kun skyed yum chenA sa gyur sangs rgyas spyan// ye shes thugs rjes 'gro la ma lta bur// dgos 'dod re ba yid bzhin bskongs gyur kya nga // yon tan longs spyod sna tshogs mi dmigs pa// kun bsdud yum chen chu gyur mA ma ki/ ye shes thugs rjes 'gro ba'i don mdzad kyang // tshul khrims gos la dri mas ma gos shing // gsung gi longs spyod sna tshogs mi dmigs pa// kun smin yum chen me gyur gis dkar mo// ye shes thugs rje chen po'i thugs dam gyis// 'gro kun 'khor ba'i 'dam las sgrol mdzad ma// phrin las longs spyod sna tshogs mi dmigs pa// kun grol yu mo chen rlung gyur dam tshig sgrol// chos kyi dbyings kyi ye shes khyad par las// rnam par snang mdzad thugs kyi sprul pa ni// dang po sems bskyed rin chen myu gu bsnams// sems las 'od 'byung thugs marnyog sa'i snying // mnyam pa nyid kyi ye shes khyad par ltas// ran n+dan 'byung ldan thugs kyi sprul pa ni// nyan mongs sgrubs gcod shes rab ral gri bsnams// yon tan mapar byin thugs mchog nam mkha'i snying // so sor rtog pa'i ye shes khyad par las// snang ba mtha' ya so thugs kyi sprul pa ni// shes pa'i sgrib skyong pad+ma dkar po bsnams// gsung dbyangs rnas dag thugs mchog spyan ras gzigs// bye bo nan tan shes khyad par las// don yod grub pa thugs kyi sprul po ni// mkhyen lnga lhun grub rdo rje rtse lnga rnams// phrin las mthar phyin thugs mchog rdo rje can// chos kyi dbyings kyi ye shes khyad par las// rnam par snang mdzad sku yi sgrol pa ni// dang po semos bskyed dga' bas 'greng ba'i tshul// sku yi 'gro 'dul po dz+wa la s+yai ma// mnyam pa nyid kyi ye shes khyad par los// rin chen 'byung ldan sku'i sprul pa ni// bsod nams tshogs rdzogs rin chen byed 'i bsnams// yoni tan 'gro ba 'dra/ mdzad nA l+ye mo// so sor rtog pa'i ye she saM khyad par las// snang ba mtha'o yas sku yi sprul pa ni// sku lnga ljon grub cir yang 'gyur ba'o lha// 'phrin las 'gro 'dul badz+ra nid+d+hi ma// chos kyi dbyings kyi ye shes khyad par las// rnam par snang mdzad gsung gi sprul pa ni// gti mug los kyi chos 'ching klu shing bsnams// chos dbyu'// A nis thugs rje byams pa'i gdu// mnyam pa nyid kyi ye shes khyad par las// rin tshon 'byung ldan gsong gi sprul pa ni// ngargyal lam sbyong chos 'chang po ti bsnams// mnyam nyid ye shes sgrib pa sel ba'i gsung // sor sor rtogs pa'i ye shes khyad par las// snang ba mtha' yas gsung gi sprul pa ni// 'dod chags lam skyong chos 'chang rin chen ste// rtog pa'i ye shes kun tu bzang po'i gsung // bya ba nan tan ye shes khyad par las// don yod grub pa gsung gi sprul pa ni// phrag dog lam sbyong chos 'chad ut+pal bsnams// nan tan ye shes 'jam dpal gzhon nu'i gsung // chos dbyings ye shes rnam par snang mdzad dang // phyogs dros 'phags pa mchod pa'i phrin las ni// snang ba gzugs mdzes mchod pas mnyes mdzad pa// spyan mnyes mdzad pa'i gzugs mchog me tog ma// mnyam nyid ye shes rin chen 'bru ldan dang // phyogs dus rgyal ba mchod pa'i 'phrin las ni// dri 'byung ye shes mchod pas mnyes mdzad pa// shings mnyes mdzad phyir dri mchog bdug pa mo// rtog pa'i ye shes snang ba mtha' yas dang // phyogs dus rgyal ba mchod pa'i 'phrin las ni// sgra gsal cwa sgra snyan mchod pas mnyes byed de// sgras mnyes mdzad pa rdo rje sgrol ma'i sku// nan tan ye shes don yod grub pa dang // phyogs dus rgyal ba mchod pa'i 'phrin las ni// ril pas reg pa'i mchod pas mnyes mdzad pa// sku mnyes mdzad phyir rig pa'i dri chab ma// chos dbyings ye shes rnam par snang mjed kyis// shar phyogs lha'i 'jig rten 'joms mdzad pa// lha ngan lam sbyong chos 'chad pi wang bsnams// brdung bzhi mdzad lha dang brgya byin sku// chos dbyings ye shes rnam par snang mdzad kyis// shar phyogs lha min 'jig rten don mdzad pa// nga rgyal lam sbyong chos 'chad go cha bsnams// 'thab rtsod zhi mdzad lha min thag bzangs rigs// chos dbyings ye shes rnam par snang mdzad kyis// sha rI phyogs mi yi 'jig rten don mdzad pa// phrag dog lam sbyong chos 'chad seg spar bsnams// 'gyur ba zhi mdzad mi dbang shAkya thub// chos dbyings ye shes rnam par snang mdzad kyis// shar phyogs byol song 'jig rten don mdzad pa// gti mug lam spong chos 'chad po ti bsnams// glen lkugaso zhi mdzad seng ge rab brtan mgon// chos dbyings ye shes rnam par snang mdzad kyis// shar phyogs yi dwags 'jig rten don mdzad pa// 'dod chags lam sbyong chos 'chad rin chen sgom// bkres skom sdug bsngal zhi mdzad kha 'bar ma// chos dbyings ye shes rnam par snang mdzad kyis// shar phyogs dmyal ba'i 'jig rten don mdzad po// zhe sdang lam sbyong chosu 'chad me chu bsnams// tsha grang sdug bsngal/ shi mdzad chos kyi rgyal// ye shes bzhi la rigs bzhi phrin las kyis// drug gi 'jig rten bye ba phrag brgya ru// sprul pa bye ba phrag brgyas 'gro drug gis// don rnams ji ltar 'dul mdzad thub pa drug/ chos kyi dbyings kyi ye shes khyad par las// rnam par snang mdzad drag po'i 'phrin las ni// sku yi dngos po 'joms pas thod dbyug bsnams// de phyi ri sha ri sgo bsrung ba'i gshin rje'i gshed// mnyam pa nyid kyi ye shes khyad par las// rin chen 'byung ldan 'phrin las drag pos ni// thugs kyi rdos po choms pas dongs gno// de phyir lho sgo bsrung ba'i rnam par rgyal// so sor dog pa'i ye shes byin brlabs las// snang ba mtha' yas 'phrin las drag pos ni// gsung gi dngol po 'joms mdzad thong sbrul gnos no gu tsun bsdu pa di 'grin dpa gtu na tan las khya par las/ don po dgu ba d+hi sbyin la rmA / srin rdza da ma sa mdzad rgya gram gnon// de phyir bar sgo bsrung ba'i bdud rtsi 'khyil// chos kyi dbyings kyi ye shes kha bar las// rnam par snang mdzad 'phrin las drag pos ni// brtag pa lta ba 'joms bsdad lcags kyu bsnams// log 'dren snying 'dren rta gdong lcags kyu ma// mnyam po nyid kyi ye shes khyad par las// rin chen 'byong ldan 'phrin las drag pos ni// chad par lta ba 'joms bsrung zhags pa bsnams// log lta zhi mdzad pag gdong zhags pa la// so sor rtog pa'i ye shes khyad par las// snang ba mtha' yas 'phrin las drag pos ni// mtshan ma lta ba dbang bsdud lcags sgrog bsnams// log lta dbang bsdud nyi zla lcags sgrog ma// bya ba nan tan ye shes khyad par las// don yod grub pa'i phrin las drag pos ni/ babodog tu lta ba 'joms mdzad dril bu bsnams// log lta brlag byed thal byed dril bu ma// stong pa nyid kyis ye shes khyad par las// 'khor ba ma ngan 'das pa'i rnam rtog rnams// bde chen mnyam pa'i dpal 'god mdzad pas// phyag zhabs mnyam bzhag yid gyur kun tu bzang // stong pa nyid kyi ye shes khad par las// 'dus pas 'dus ma byas kyi chos rnams kun// chos dbyings rnam par dag pa'i dbyings gyur pas// gsang gsal phyag rgya chos gyur kun bzang ma// kun 'byung kun gzhi chos nyid dbyings// ma skyes mi 'gag kun tu snang // smra bsam brjod med yul las 'das// mtha' yas mtha' yas bskyed pa'i gzhi// mi rtog dang las rtog nyid du// brtags pas stong pa gang byung ba// de nyid rtags pa// chen po ste// gang mi rtogs pa rtog pa'i rgyu// stong nyid mi g.yo nam mkha' la// mi bskyod bde bar gshegs mdzad pa'i// mi dmigs mi rtog de bzhin nyid// rtog pa sna tshogs bskyed par mdzod// nam mkha' dbyings kyi snying po las// rang bzhin kun tu snang ba'i dngos// yong la khyab pa'i snying rje'i yum// mtha' yas rgyal sras bskyed par mdzod// tha dad rnam par snang mdzad nas// gsung gi phyag rgya'i ye shes las// rgyal ba rnams ni yi gor snang // yi ge ye shes bskyed par mdzod// ye shes pha rol phyi ni rdzogs pa'i// rnal 'byor rig pa'i sgo mtshon pa// thugs kyi rtag snang snang bar mdzod// rnam grol ye shes snang bar mdzad// stong nyid mi rtog ye shes las// mu skyes mi 'gag gzugs snang brda mkha' la 'ja' snang ji bzhin du// dbyings las phyag rgya bzhes su gsol// de nyid yi ge'i rang bzhin te// rang byung yi ge mu du gsal// thams cad yi ge'i rang bzhin te// ma skyes gsal ba'i yi go aH// sems nyid yi gi'i rang bzhin te// sna tshogs yi ge hUM de gsol// dug gis nad sel ji bzhin du// rtog pas rtog pa zhi bar mdzad// dang po'i las can nges par 'byung ba'i gdul bya dag/ rab 'bring tha mas mtshan ma med dang mtshan ma yi// rnal 'byor rim pas 'bad de nyams su blangs bya'o// dam pa'i dgongs pa dman pas dpag par mi 'os kyang // bsam pas da ltar ma 'ongs dus kyi bdag gzhan la// phan phyir lung la sten pa'i bka' sgros rjed byang 'di// tshig don 'gal 'khrul 'phags dang mkhas po rnams la bzod par gsol// de ltar mos pa dag dang mos pa'i dga' ba gang dang gang // bsam dpod dge bskul shes rab 'phel 'gyur gcig pa yi// dge ba ci mchis ma 'ongs don du bsngos pa yis// 'di la mos pa mtha' dag grol zhing smin gyur cig/ slob dpon bi ma la mi tra sa/ zhang dz+nyA na la gnang / rgyud thams cad kyi 'grel pa/ lung dam pa'i bcud/ man ngag mthA dngag gi snying po// rnal 'byor gyi lam dam pa/ log pa'i rtog pa zhi bar byed pa/ zhi ba rtog pa'i lha rgyud de// gang dag dam pa 'di la mos pa med// snod min rnams dang nam du'ang ma 'phrad cig/ gal te 'phrad na'ang mos pa skye ba dang / mos shing 'phrad nas smin zhing grol bar shog/ rdzogs so// /