skabs dgu pa rdzogs s+ho// / bod skad du/ byang chub sems bsgom pa/ yi ge med pa'i rgyud/ bcom ldan 'das dpal rdo rje 'dzin la phyag 'tshal lo// chos kyi dbyings gting dpag dka' ba'i don zab mo zhes bya ba'i ting nge 'dzin la snyoms par zhugs nas// thams cad yi ge med pa'i rang bzhin du bde la mchog gis gzigs te// rang bzhin gsung du med pa'i don 'di bka' stsar to// rang bzhin rang gis rtogs 'gyur ba// dra snyigs med pa'i zab mo nyid// dang po nyid ni zab mo'o// lung du bsgom bsgrub kun dang bral// byang chub sems nyid bltar mi mthong // 'bad pas don ni kun dang bral// bsgoms pas nyams rnyed mi 'gyur ro// de la bdud rnams bzhi 'byung ste// gzigs pa gzugs dang drag pa sgra// 'od kyi bdud dang slu ba rnams// rang gi rgyud ni 'byung ba'o// ye shes phyin ci ma log pa// dang po bzlas dang brjod du med// sems kyi skad cig dang po la// chos so cog gi rtsa ba ste// bslab par bya zhing goms par bya// shin tu goms pa'i stobs ldan na// mtshan ma spyi dang rang gi spangs// theg pa kun dang khyad par 'jug/ rang kha ma la ga la gnas/ ma sbubs thams cad lhun gyis rdzogs// rtogs pa thams cad mi g.yo brten// nges don snying po bla na med// byang chub kyi sems bsgom pa yi ge med pa las chos nyid kyi skabs// ring ba'i rgyu nyid rnam spang la/ nye ba nyid du 'jug pa yi// bsam pa dag dang ldan pas ni// thag bcad tshul bzung man ngag brtag/ thabs chen thabs myur thabs gsang bas// mtshan ma'i don la rnam mi brtag/ dbyings nyid rig pa skad cig la// mthong ba de yi b+h+rUM yis bslad// ma mthong mthong phyir mthong ni// gong na med de de ltar yin// mtshan ma'i bag chags rgyu ba tshod// de yang mtshan ma'i mthar phyin no// mtshan zad ye shes gsang ba ste// don dam bro yi spyod yul min// rtogs dang ma rtogs gnyis kyi cha// zung du 'jug dang 'od gsal med// dbang dang dam tshig ma lus rdzogs// 'khor ba mya ngan 'das mthar phyin// yon tam kun gyi tshogs nyid de// dngos med cir yang snang ba'i sems/ cig char 'jug pa'i rnal 'byor pas// stong pa nyid la blo gtad de// mthar phyin 'ga' med ka ye dag/ ye shes zab mo'i ngo bo yis// ma bsams ma sbyangs rab zhi ba// rnam rtog nyid kyang ye shes sku// bla med rdzogs chen brjod las 'das// rang byung rang zhi rang la gnas// mthong med rtsol ba las 'das pa// byang chub na mkha'i rang bzhin no// byang chub kyi sems bsgom pa'i yi ge med pa las rang bzhin gyi skabs// mthong ba med pa dbyings nyid la// ye shes zab mo skad cig mas// rang bzhin byung ba rab tu ste// de yis rtsol bral yang dag nyid// ye nas rang bzhin gnas pa yi// mnyam pa'i dbyings kyis kun la khyab// ye shes kyis kyang de bzhin no// dbyings la ye shes rab 'byor na// de nyid sangs rgyas sa las 'das// shes rab thabs rdzogs rtogs pas bskyed// de ni sangs rgyas sa nyid do// stong dang mi stong tshig las 'das// bsam med dag par gnas pa de/ rgyu dang 'bras bu lhun grub pas// gnyen pos ma bcos rab tu zhi// rang bzhin zhi ba thabs chen po// bag chags rgyu ni rang bzhin chad// bkag nas chad pa shin tu sog/ sog pas sdug bsngal byung tshor te// mthong dang bltar ni med par bzhag/ ye nas rang byung dbyings de la// ye nas rang byung ye shes dbab// rang la rang byung ye shes te// rig pa'i bya ras sod par bya// rig pas ma song ma tshor 'chor// bde ba snyam ste bying ba yin// yang dag bde ba ma yin no// bde ba rnyed pas thams cad bsdud// byang chub kyi sems bsgom pa yi ge med pa las// mthong ba bltar med pa'i skabs// // stong pa nyid las gzhan min pa// stong lta de ni thabs rgyal po// rgyal po mthu bo mi'i mchog/ de yi las rnams gzhan las dpags// gzhan mas las rnams gang byas kyang // rgyal po min te phal pa la// rgyal las dmangs byung tha mal rgyal// ye nas rgyal po rgyal sa yang // zungs thub rgyal pos dmangs rnams kyang // 'bad rtsol med pa'i thabs kyis bcom// rgyal po dpa' bo thams cad 'joms// bcom pas rgyal 'khor shin tu bzang // bzang mi dgos pa'i g.yog po de// kun las dpags pa yin pa grags/ dpa' bos de bsang slar 'tsho ba// de ni rgyal po rdzu 'phrul can// byang chub kyi sems bsgom pa yi ge med pa las ye shes zad mar bstan pa'i skabs// // gang gis dpag cing mtshon du med// de ni chos dbyings zad ma ste// gang gis ma bskyedarang byung ba// phyogs ris kun dang bral ba de// yi ge med de dbyings kyi mchog/ gleng bral tshig las dbyings 'das pas// sna tshogs sogs pa'i spyod yul min// shin tu 'phra bas rnam btags la// rtsing pos dpyad ma 'phra mo dag/ sgra phyir 'brangs na grub mtha' nyams// rtsol ba 'ba' zhig 'ching ba'i rgyu// ma rtsal bas na rtsol bzhi// de ni bcom ldan 'das zhes bya// mi dmigs dbyings kyi rang nyid ni// cis kyang mA gzhigs dngos med snang // mkha' zhes pa nyid dbyings kyi don// byang chub kyi sems bsgom pa yi ge med pa las// dbyings kyi don bstan pa'i skabs// // chos dbyings dag pa'i mkha' klong la// rgyu rkyen spangs pa'i ye shes phab// ye shes nyid de chos su dag/ de ltar sangs rgyas chos sku de// sangs rgyas nyid kyis gzigs su med// chos dbyings sgro med spros bral ba// ye shes lhun grub ma bskyed pas// de nyid rang byung rig pa nyid// yi gi med pa'i rgyud du grags// rmadu byung ba spros dang bral// sgra med dbyings dang ye shes ni// namakha' dbyings te/ ye shes so// na mkha' la ni namakha' bsgom// de kha nyal ba'i 'khor lo yin// dig ma'i rmi lam lha bu las/ 'di dang 'di zhes bstan du med// mkhas pas man ngag gsum dang ldan// byang chub kyi sems bsgom pa las// dbyings dang ye shes bstan pa'i skabs// / blun pos rtogs ge'i shes pa nyid// yod dang med pa'i chos la spyod/ byang chub sems la ming med pas// dmigs na rtog dang 'khor ba gnyis// rnam par rtog pa'i rgyu brtags na// rgyu yi rgyu de 'bras bu'i mchog/ der shes rig pa'i ye shes yin// dbyings dang ye shes bltas pa'i mthus snying po bstan dus med pa'o// shes pa thang sha ma chad par// kun bzang dang la mi g.yo bar// ye nas blang dor med pas na// sems nyid gang la'ang gtad mi bya// rtag chad bde ba'i rlung yin pas// chos dang bde kun grub pa med/ rnam dag 'khor ba'i don med pas// rdzogs sangs rgyas pas chos rnams med// rtog pa can la sna tshogs snang // dbyings dang ye shes gnyis yod na// de ni ye shes dbyings ma yin// byang chub nyid la byang chub kanas// rgya gnas bag chags bltas pa'i mthu// shes pa nang du rub pa yis// mthong ba med pa chos kyi sku// sems ni na mkha' dang 'dra ste// gang du mi g.yo cir mi brtag/ g.yos na nyams te chags na 'khor// byang chub kyi sems bsgom pa yi ge med pa las// bsgom pa'i skyon bstan pa'i skabs// // sems mi g.yo ba mnyam pa nyid// spyod yul thams cad las 'das pa// mtshon pa las 'das mi mtshon pa// bsgrub pa las 'das mi bsgrub pa// sgra ru med pas mi bsgom pa// de me nyams med nyams zhes bya// rnam shes yul la mi 'phro ga/ byang chub chen po zhes bya ba// rang byung chen po zang thal ba// sems ni dmigs med mkha' 'dra ba// nam mkha' la ni na mkha' rol// mkha' ru bsgoms pas mkha' mi smra// spyod yul gang la'ang mi spyod na// ye shes ye shes me po che// mi g.yo ba nyid de nyid de// yang dag yin phyir g.yo ba med// mi gnas pa'ang mi gnas na// gal te sems la gtad yod pas// sems kyi sems 'ching mi 'chor ro// snang ba med nam rtsal bzhag/ byang chub kyi sems bsgom pa yi ge med pa las// zab mor bstan pa'i skabs so// // rang byung snying po rang byung bas// byang chub sems la rgyu rkyen med// yul nyid sgyu mar shes na de yang rtogs// smras med gleng bral de la sems gang med// blo med kun bral chos rnams 'dzin mi byed// ma g.yos mnyam pa sems kyi gtsor bstan to// gang du ma mthong dngos ma grub// dngos grub yang dag don ma yin// ci yi ngo bo cir mi brtag/ bde gshegs ma lus lam mkhan yin// bsgrub byas bsgrub par bya ba'i chos// rtog pa'i dbang gis sna tshogs 'dzin rdzogs sangs rgyas pas chos rnams med// 'du 'bral med pa chos kyi sku// mtshan ma mtshan ma med pa nyid// yul la rig pa'i gnas mi bca'// byang chub kyi sems bsgom pa yi ge med pa las// rang rig pa'i skabs de nas chos kyi dbyings gting dpag dka' ba'i ting nge 'dzin las bzhengs te// 'khor gyi bde bar gshegs pa rnams la rigs kyi bu dag ces bos nas// byang chub gyi sems bsgom pa yi ge med pa'i rgyud 'di'i don mthong dam thos sam/ rtogs sam/ 'di'i don dang ldan pa dang / thog tu bab pa dang // rig pas phugs pa shin tu dka' ste// spros dang bral ba// bde bar gshegs pa rnams kyis gzigs par dka'o// de nas dpa' kho'i mchog la/ bde bar gshegs pa rnams kyis gsol pa// byang chub kyi sems bsgom pa yi ge med pa'i rgyud du gsungs pa 'di// gang ltar yang mkhums lags te shin tu brtag dka' ba'i don lags te// de bzhin nyid kyi don ma bcos pa 'di bka' stsal pa yi rang ste// mngon par bstod pa/ bka' stsal pa'i tshe na thams cad slar yang yi ge med pa'i rang bzhin du gyur to// byang chub kyi sems bsgom pa yi ge med pa'i rgyud ces bya ba/ man ngag gi snying po don dam pa'i dam pa las// thams cad yi ge med par gyur pa'i skabs shin tu brtag dka' ba'i don rdzogs so// / rgya gar gyi mkhan po dz+nyA na gar+b+ha dang / bod kyi dge slong bai ro tsa nas bsgyur cing zhus te gtan la phab pa'o// @/ bod skad du/ byang chub kyi sems bsgom pa yi ge med pa'i rgyud/ dpal bde ba'i mchog la na mo// bcom ldan 'das chos kyi dbyings rang bzhin med pa'i ting nge 'dzin la

te gtan la phab pa'o// @/ bod skad du/ byang chub kyi sems bsgom pa yi ge med pa'i rgyud/ dpal bde ba'i mchog la na mo// bcom ldan 'das chos kyi dbyings rang bzhin med pa'i ting nge 'dzin la snyoms par zhugs te// rang bzhin gyi 'khor la rang bzhin gyi ston pas rang bzhin gsung du med pa bka' stsal pa// rang bzhin rang bzhin tsam min te// de ni rang bzhin mi bzung ba// rang bzhin gab pa bag la nyal// rang bzhin gyi skabs// / dbyings dang ye shes gnyis med de// gnyis ni rim pa can zhes bya// rim pa'i cha la mi brten pa/ de kha yi ge med pa'o// yi ge med pa'i skabs// / rang bzhin tsam yang ma yin pa/ de ni rang bzhin chen po'o// rang bzhin rang gis rtogs// rtog/ tha~Md med dang rang bzhin snang // bltar med bag la nyal ba de// 'bad pas mi rnyed btang snyoms tsam// de yang min te cir mi gnas// yi ge med pa'i skabs// / 'di ltar snang ba'i khyad par la// bdud bzhi mi 'byung rnam rtog zad// nges thob sa chen khyad par 'phags// skyon bral rdzogs chen brjod las 'das// stong dang mi stong tshig las 'das// sangs rgyas chos dang dge 'dun med// yi ge med pa'i skabs// // man ngag gsum dang gsang ba gsum// yi ge med pas 'di mi brtag/ stong pa chen po'i rang bzhin stong de ni kun las dpags pa yin// mchog 'phags khyad par chen po'o// yi ge med pa'i skabs// mi dmigs mi rtog kun bzang dang // rang kha ma la rang bzhin yang // bag chags kun bzang lhun gyis grub// gser med bong ba med pa'i sems dran rtog bag chags ni byung yang // de nyid rang bzhin yig med dang // mtshon pa las 'das dpe med pa// de ni bsgrub pa chen po'o// yi ge med pa'i skabs// / gang yang mi bsam cir mi rtog/ chags bsams nyams te chags na 'khor// byang chub sems su gdags pa med// 'di ltar spyod pa'i khyad par la// sems dang yid du rnams mi dbye// phye bas chags pa'i mtshan ma'o// 'di zhes gang la'ang gnas mi bca'// bsgom chags skyon du ting 'dzin 'gro// yi ge med pa'i skabs// / lhun gyis grub pa'i ye shes de// ye shes kun gyi mthu bo yin// chos sku bde ba'i mchog yin pasarban mkha' che'o ting 'dzin gtso// yi ge med pa'i skabs// / rigs kyi bde bar gshegs pa rnams// ting 'dzin 'bum sde'i don 'di ni// rab tu rtogs dang dpyad dka' bas// rgyal chen rtsing por rab dpyad la// 'phra mo bag la nyal la dbab// gtan tshigs kyis kyang ma yin no// byang chub kyi sems bsgom pa yi ge med pa las bsdu gsungs pa'i skabs rdzogs so//