Rig pa rang shar chen po'i rgyud
@1
389
rig pa rang shar chen po'i rgyud bzhugs so
390
rgya gar skad du
bod skad du
de bzhin gshegs pa thams cad kyi ting nge 'dzin yongs su bshad pa
ye shes 'dus pa'i mdo
theg pa chen po
gsang ba bla na med pa'i rgyud
chos thams cad kyi 'byung gnas
sangs rgyas thams cad kyi dgongs pa
gsang sngags gcig pa'i ye shes
rdzogs pa chen po'i don gsal bar byed pa'i rgyud
rig pa rang shar chen po'i rgyud ces bya ba
391
bcom ldan 'das gzhon nu khro gnyer can dang
phyogs bcu'i sprul pa'i zhing khams dang bcas pa la phyag 'tshal lo
'di skad bdag gis bstan pa'i dus gcig na
rdo rje sems dpa' de bzhin nyid
sems can kun gyi rang rgyud la
gnas pa'i don nye bar ston to
byin gyi rlabs kyis bshad pa'i rgyud nye bar ston to
rigs kyi bu rnams ma yengs pa'i tshul gyis gus par nyon cig
rang rang gi don chen po ngas bshad kyis sems kyi rtog pa sol la
392
sems rtse gcig pa'i ting nge 'dzin gyis nyon cig
de skad ces ye shes kyi klong 'od kyi yul
rig pa'i gnas sku'i mkha'
gsung gi zer
thugs kyi dbyings
shes rab kyi pho brang nas
'di skad gsungs so
'di skad bdag gis thos pa'i dus gcig na
'di nas shar phyogs kyi 'jig rten gyi khams na
zhing khams mngon par drag ? ba zhes bya ba yod de
sprul pa sku'i zhing khams den
sprul pa'i sku rdo rje sems dpa' zhes byang de bzhin gshegs pa thams cad kyi dbang bskur dam pa thob pa'i gnas de na
gzhal yas khang gi yon tan dpag tu med pa yod de
de yang 'di lta ste
rin po che shel las grub pa'i gzhal yas khang sgo bzhi dang ldan pa
rin po che lnga'i rta babs dang ldan pa
sa thams cad kyang rin po che shel las grub pa
shin tu yid du 'ong ba
lta na sdug pa
them skas dang
skar khung dang ldan pa
phyogs bzhi nas
393
gseng dkar chen po bzhi yod pa
gseng dkar nas nyi ma shar bas
rin po che shel las grub pa'i khang pa la phog pas
nang du nyi ma 'od lnga'i snang ba lhug par 'char ro
gzhal yas khang de'i phyi rim na
yan lag brgyad dang ldan pa'i chu bo'i 'obs yod pa
chu de la nad kyis btab pa rnams kyis 'thungs na nang 'tsho bar 'gyur ba
de'i phyi rim na mcho'u brgyad yod pa
de rnams kyi nang na yang bya skad snyan pa sna tshogs te
de yang 'di lta ste
bya'i rgyal po dang pa gser ldan dang
mthing ril dang
bhu ga bi da dang
rma bya dang
ne tso mi skad shes pa dang
khu byug dang
shang shang te'u dang
ri skegs dang
de la sogs pa'i skad snyan pa'i bya rigs stong phrag brgyad chu dang
yid du 'ong ba'i bya'i rigs 'di lta ste
kang ka ri ka dang
zer mong dang
lbab dang
lha'i bya bril bu'i skad ca na dang
bya kri ti ba gser gyi rdo rje'i gzugs dang
de la sogs te
g.yu'i mdog ltar sngo ba nang
dung gi mdog ltar dkar ba dang
bye ru'i mdog ltar dmar ba dang
in dra ni la ltar mthing ba la sogs te
394
yid du 'ong ba dang
skad snyan pa bsam gyis mi khyab pa yod do
de'i phyi rim na rin po sna bdun gyi lcags ri phod do
de rnams kyi dbus na rin po che sna bdun gyi khri chos 'chang pa'i gdan dang bcas pa yod do
der sprul pa'i sku rdo rje sems dpa' zhes bya ba des srod la 'khor rnams la rgyu'i chos 'chad do
nam phyed sngags phyi'i chos 'chad do
tho rangs nang gi chos 'chad do
nyi ma phyed nas rdzogs pa chen po 'bras bu bla na med pa'i chos 'chad do
de ltar zhag re re la chos thun bzhi bzhi 'byung ngo
de na gnas pa'i byang chub sems dpa' de dag thams cad kyang skye pa gcig gis thogs pa sha stag go
lo yang lnga brgya lnga bcu thub po
zhing khams de na zas dang skom yang yid la dran pas tshim pa yod do
de na nad med pa dang
byung srid na'ang chu yan lag brgyad dang ldan pa de 'thung bas nad sel lo
me tog sna tshogs kyis sprul pa'i sku de la mchod pa cher byed pa sha stag go
gzhal yas khang de'i zur bzhin mu tig las grub pa'i mchod rten bzhi yod de
de bzhi'i bar na dril bu g.yer kha'i dra bas thag pa bres nas yod do
395
thag pa de rlung gis bskyod pa dang
dril bu'i sgra yid du 'ong ba sna tshogs 'byung ngo
phyogs bzhi na dar sna tshogs kyi bdan bzhi yod de rlung gis bskyod pa las
dri zhim pa sna tshogs 'byung ngo
gzhal yas khang de na yon tan dpag tu med pa de lta bu yod do
gzhal yas khang de ni 'di nas shar phyogs nad pag tshad lnga brgya 'das pa'i steng na yod de
der skyes pa'i byung chub sems dpa' de dag kyang
sum cu rtsa gsum gyi lha'i longs spyod dang mnyam mo
shar gyi sprul pa sku'i zhing khams de na de bzhin du yod do
'di nas lha'i phyogs na sdul ba sku'i zhing khams dpal dang ldan pa den yang
rin po che gser las grub pa'i khang pa gru bzhi pa gam dang bcas pa
sgo bzhi rta babs dang bcas pa
zur bzhi la mchod rten dang bcas pa
logs bzhi ba dan dang bcas pa dang
phyogs bzhi na gseng dkar dang bcas pa
mtshe'u bdun bya dang bcas pa
yan lag brgyad dang ldan pa'i chu lcags ri dang bcas pa
khri dang chos kyang gong ltar bshad do
byang chub sems dpa' de dag kyang skye ba gcig gis thogs ba sha stag go
396
sprul pa'i sku rin chen 'byung ldan gyi zhing khams de na yon tan de lta bu yod do
'di nas kyang nub phyogs pad ma brtsegs pa'i zhing khams de na yang
sprul sku snang ba mtha' yas zhes bya ba yod de
de na yang gong ma'i yon tan dang mnyam pa yod do
'di nas byang gi phyogs kyi 'jig rten gyi khams na
rin po che rnam par bkod pa zhes bya ba yod de
de na yang sprul pa'i sku don yod grub pa zhes bya ba'i zhing khams de na yang gzhal yas khang gi yon tan 'di lta bu yod de
rin po che in dra ni la las grub pa yod do
de'i phyi na chu yan lag brgyad dang ldan pa'i chu reg na bde ba dang
'thungs na nad thams cad sel ba yod do
de'i phyi rim na mtshe'u bdun yod de
de'i nang du bya skad snyan ba sgrigs pa gnas te
de yang 'di lta ste
bya'i rgyal po ngang pa gser ldan dang
397
mthing ril dang
bya ka ta ri dang
rma bya dang
ne tso mi skad shes pa dang
bu byug dang
shang shang te'u dang
ri skegs dang
de la sogs te skad snyan pa'i bya rigs stong phrag brgyad cu dang
yid du 'ong pa'i bya rigs 'di lta ste
kang ka ri dang
zer mang dang
lbab dang
lha'i bya dril bu'i skad can dang
bya kri ti pa gser gyi rdo rje'i gzugs can dang
de la sogs te yid du 'ong ba dang
g.yu'i mdog ltar sngo ba dang
dung gi mdog ltar dkar ba dang
bye ru'i mdog ltar dmar ba dang
in dra ni la'i mdog ltar mthing ba dang
de dag la sogs te yid du 'ong ba dang
skad snyan pa bsam gyis mi khyab pa yod do
de'i phyin rin po che sna bdun gyi lcags ri yod de
de rnams kyi da lus na rin po che mar gat las grub pa'i khri chos bshad pa'i gdan dang bcas pa yod de
der sprul pa'i sku don yod grub pa zhes bya ba yod de
srod la gdams ngag gi chos ston to
nam phyed na dbang gi chos ston to
tho rangs spyod pa'i chos ston to
nyi ma phyed na lta sgom gyi chos ston to
de ltar zhag re re la chos thun bzhi bzhis 'khor rnams kyi rgyud bkrol lo
398
de na nas pa'i byang chub sems dpa' de dag thams cad kyang skye ba gcig gis thogs pa sha stag ste
lo yang stong thub bo
zhing khams de na zas dang skom yang yid la dran pa tsam gyis tshims pa yod do
de na bad kan las gyur pa dang
rlung las gyur pa dang
mkhris pa las gyur pa dang
'dus pa las gyur pa'i nad med do
me tog sna tshogs kyis sprul pa'i sku de la mchod pa rgya cher byed pa sha stag go
byang chub sems dpa' de dag kyang kha dog ljang gu sha stag ste
rta dang zhon pa yang kha dog ljang gu sha stag go
khye'u dang bu mo'i gzugs su snang ba yang kha dog ljang gu sha stag go
kun kyang 'dod pa dang bral zhing chog shes pa sha stag go
kun kyang sems kyi rnam rtog med pa sha stag go
zhing khams den sems rnam pa gsum med do
yid drug med do
399
nyon mongs pa drug med do
ma rig pa'i rkyen bzhi dang bcas pa med do
ma rig pa dang bcas pa mtshungs par ldan pa'i yid med do
kun kyang rnam par rtog pa dang bral ba sha stag go
gzhal yas khang dang 'khor gyi yon tan no
gzhal yas khang de'i gru bzhi na rin po che shel gyi mchod rten khri 'phang dgu pa bzhi yod do
de'i bar du gser gyi dril bu g.yer kha'i drwa ba yod do
de rlung gis bskyod pa las dril bu'i sgra snyan pa sna tshogs 'byung ngo
mchod rten bzhi la nyi ma phog pas 'od lnga'i zhags pas sbrel nas yod do
phyogs bzhin rma bya'i ba dan bzhi yod do
de rlung gis bskyod pas yid du 'ong ba dang
mjos pa sna tshogs 'byung ngo
yon tan dpag tu med pa de lta bu yod do
gzhal yas khang de ni 'di nas byang phyogs na dpag tshad lnga brgya'i steng na yod do
der skyes pa'i byang chub sems dpa' de dag kyang gzugs khams kyi lha dang longs spyod mnyam mo
400
byang phyogs kyi sprul pa sku'i zhing khams den de bzhin du yod do
zhing khams de tsho'i mdun gyi bar snang la sprul pa'i sku khro bo'i zhing khams yod de
dur khrod chen po me ri 'bar ba zhes bya ba yod do
thod pa'i khang pu grub bzhi dang ldan pa yod de
de yang 'di lta ste
thod pa skam pos 'gram gzhi byas pa
sha ri ri yod pas brtsigs pa byas pa
bhan dha lcang lo can gyis kha bad byas pa
rgya dang 'phang dpag tu med pa
gnam lcags kyi gzer gyis bsngams pa
rak ta'i zham chu 'bab pa
nyi zlas ka gdan byas ba
chu srin kha'i ka zhu byas pa
lha chen brgyad kyi gdung ma bres pa
mchog chen po brgyad kyi drwa ba byas pa yod do
nyin bzhin rlung 'tshubs pa
mtshan bzhin me 'bar ba
gzhal yas khang de'i gru bzhin zhing chen gyi gdugs phub pa
lha mo lngas gar byed pa
sa gzhi thams cad kyang rak ta'i rba klong 'khrugs pa'o
gzhal yas khang de'i nang na bcom ldan 'das gzhon nu dpa' bo stobs ldan zhes bya ba thugs zhi ba las ma g.yos kyang
sku khro bo'i cha byad du bstan pa
mkha' 'gro ma dang khro bo dang khro mo'i tshogs dpag tu med pas bskor ba yod de
401
de yang 'di lta ste
mkha' 'gro ma pur na nye bar zhi ba dang
tshangs pa dung gi mgrin pa can dang
drang srong zla 'od gzhon nu dang
yang 'khor gyi mkha' 'gro ma e ka dza ti spun drug dang
de'i bran mo bcu gzhi dang
g.yog mo lnga bcu rtsa brgyad dang
yang g.yog 'bum khri 'bum stong la sogs te
mkha' 'gro ma'i 'khor dpag tu med pas bskor ba
bcom ldan 'das de'i thugs las sprul pa'i 'khor phyag na rdo rje la sogs te
khro bo'i 'khor bsam gyis mi khyab pas bskor ba
dga' rab rdo rje la sogs te
mi'i 'khor bsam gyis mi khyab pas bskor ba
'khor rnams la 'bras bu gsang sngags bla na med pa'i chos 'dis zhi bas sprul pa'i byang chub sems dpa' rnams grol bar byed do
thams cad kyang khro bo'i gnyer ma dang ldan pa sha stag go
gzhal yas khang de ni shin tu yang ba dang ldan pa'i
dbang po tha ma'i gang zag dag ni
der brid cing sdangs nas
sprul pa sku'i zhi ba'i zhing du skye ba sha stag go
de dag la sogs te thun mong dang khyad par gyi 'khor dpag tu med pas bskor ba
402
chos kyi glu dang
chos kyi gar sna tshogs dang
chos kyi sgra sna tshogs sgrogs pa sha stag go
de nas bcom ldan 'das sar ba dhar ma snyoms par zhugs so
de rnams kyi 'og na las ma dag pa'i zhing khams shes bya pa yod de
de na yang mi gtsang ba'i khang pa rgya khyon dpag tu med pa yod do
sems can gyi gzugs tha dad pa sna tshogs yod do
nad kyis btab pa sna tshogs pa yod do
sems can lus 'pho ba dpag tu med pa yod do
zas dang skom gyi gdung ba yang yod do
de las byung ba'i ma dag pa'i khams lnga yang yod do
de na nyon mongs pa stong phrag brgyad cu rang kha mar spyod do
de ni sems can las ma dag pa lhung ba'i gnas yin no
de lta bu'i sdug bsngal dang ldan pa dag kyang yod do
de'i phyir na sems can gyi las bsam gyis mi khyab pa'i bye brag de lta bu yin no
403
de'i phyir na 'dul thabs kyi theg pa bsam gyis mi khyab pa gsungs kyang
gsang ba bla na med pa 'di ni 'jig rten du 'byung bar dka'o
'di ni dus la bab pa'i gang zag las sad pa 'ga' la snang ngo
nyon mongs pa stong phrag brgyad cu'i gnyen por chos kyi sgo mo stong phrag brgyad cu gsungs so
gsung ngo
gsung bar 'gyur ro
zhes rig pa rang shar chen po'i rgyud las
gleng gzhi'i le'u ste dang po'o
@2
de nas dur khrod chen po me ri 'bar ba de na
gzhon nu dpa' bo stobs ldan zhes bya ba ting nge 'dzin las bzhengs nas
sar ba a ka ma ni sar ba a ka ma ni zhes bya ba'i sgra brjod pas
'khor rnams rtog pa skyes te
de rnams kyi nang nas gsang ba'i bdag po phyag na rdo rjes bskor ba lan gsum byas nas 'di skad ces gsol to
kye kye bcom ldan gsang sngags bdag
'khor rnams rtog pa bsal du gsol
404
zhes zhu ba zhus so
de nas bcom ldan 'das kyis bka' stsal pa
e ma ho
rdo rje'i bdag po legs par nyon
e ma ngo mtshar che ba'i rgyud
thabs chen gtan tshigs 'byung ba yin
'di byung bas ni rtog pa sel
ma grol ba yang grol bar 'gyur
grol ba rnams ni mthar phyin 'gyur
ma rig sel ba'i nye ma 'byung
rnam rtog grol ba'i rgyud chen 'byung
de bzhin rgyud brjod de bzhin no
zhes bka' stsal to
de nas yang gsang ba'i bdag pos 'di skad ces zhu ba zhus so
kye kye bcom ldan stobs kyi bdag
rtog pa bsal ba ngo mtshar che
rgyud kyi rgyal po gsung du gsol
sems can rtog pa bsal ba'i phyir
rang rig thabs chen bshad du gsol
nyon mongs stong phrag brgyad cu la gcig gis bsdu pa gsung du gsol
gsang sngags rdo rje'i theg pa la
don chen dgrol ba gsung du gsol
zhes zhu ba zhus so
de nas yang bka' stsal pa
rgyud kyi rgyal po'i bshad lugs ni
405
tshig don 'brel pa chen po las
phun sum tshogs pa lnga dang ldan
gong du bshad pa'i rgyud chen po
rang rig thabs chen sbyor ba ni
gcig las du mar snang ba'o
du ma rtogs nag cig gi ngang
rig pa'i chos nyid dbye ba ni
gcig la thams cad rdzogs pa'o
nyon mongs stong phrag brgyad cu yang
gcig ma shes pas byung ba ste
gcig shes pas ni grol bar 'gyur
gcig dang du mar snang ba yang
rig pa'i cho 'phrul chen po ste
thams cad cho 'phrul rang kha ma'o
gcig ni ngo bo stong pa la
rang bzhin gsal cha ma 'gags pa'o
gcig ni du mar sdud pa las
sna tshogs rol par 'char ba'o
gsang sngags rdo rje theg pa yi
don ni gsum du 'du ba'o
lta sgom spyod pa gsum du 'dus
lta ba rnam pa gsum du 'dod
chos can blta ba'i lta ba dang
406
chos nyid blta ba'i lta ba dang
rang rig blta ba'i lta ba'o
sgom pa la'ang gsum kyis bstan
lha dang mi yi sems 'dzin dang
byang chub sems dpa'i bsam gtan dang
de bzhin gshegs pa'i dgongs par 'dod
spyod pa la yang rnam gsum ste
ma chags 'dzin pa'i spyod pa dang
dgag bsgrub med pa'i spyod pa dang
chags pa zhen med spyod pa'o
de ni sdom pa'i tshig tu bstan
byang chub sa la de bzhin spyod pa gnas
zhes rig pa rang shar chen po'i rgyud las
'khor gyis gleng slong ba'i le'u ste gnyis pa'o
@3
de nas yang gsang ba'i bdag po 'di skad ces zhu ba zhus so
kye kye bcom ldan thugs rje can
gong log bsnol pa'i tshig zhu yis
gnang ba'i skabs dbye bstan du gsol
407
spyod pa mdor bsdus gsung du gsol
zhes zhu ba zhus so
thugs rje'i stobs kyis bka' stsal pa
kye ho gsang ba'i bdag po nyon
chos nyid rnyed par 'dod pa yi
dang po spyod pa mdor bsdus bya
de yang mdor bstan yid la zung
ma chags 'dzin pa'i spyod pa ni
mtshan nyid theg pa'i spyod pa ste
don gyi chags pa chen pos bcings
thabs med grol bar ga la 'gyur
don med spyod la chags pa'o
'dzin pa'i rtog pas rang rgyud bcings
grol bar mi 'gyur yun ring gnas
tshul 'chos dag gi spyod pa'o
de nas gsang ba'i bdag po rdo rje 'dzin pa chen po des 'di skad ces gsol to
kye kye bcom ldan ma chags spyod
dgag bsgrub med pa'i spyod pa yi
don dang rnam bshad gsung du gsol
zhes zhus so
spyod pa'i bdag pos bka' stsal pa
408
e ma gsang bdag nges par zung
dgag bsgrub med pa'i spyod pa ni
gsang sngags phyi nang spyod pa ste
nyon mongs dgag par mi 'dod cing
ye shes bsgrub par mi 'dod la
tshig don 'brel pa'i spyod pa'o
don gyi chags med ma yin te
thabs mchog spyod pa khyad par 'phags
thabs chen 'dzin spyod de bzhin no
de bzhin spyod pa'i rnal 'byor kyang
yang dag nyid thabs kyi khyad kyis byang chub 'byung
khyad par gcig gi ngo gang la
ye shes rtogs pa'i 'du 'bral med
ces gsungs so
yang gsang ba'i bdag pos gsol ba
kye kye bcom ldan spyod pa'i bdag
chags la zhen med spyod pa yi
don sbyar mthun tshig gsung du gsol
stobs po che yis bka' stsal pa
kye ma gsang ba'i bdag po nyon
ngas bstan legs par yid gyis zung
409
chags la zhen med spyod pa ni
rdzogs chen a ti'i spyod pa ste
byar med byas med byung ba med
'gro med 'ong med gnas pa med
chags pa med la zhen pa med
bag chags sbubs la ye shes chags
sbubs por ye shes zhen pa med
snang ba'i yul la sgron ma chags
snang 'gags sgron la zhen pa med
chags la zhen med spyod pa ni
rnal 'byor chen po'i spyod pa'o
yang dag don rtogs zhen med sa la gnas
chags kyang zhen pa med na spyod pa chen po len 'dzin pa'i yul med zhen pa'i mtha' las grol
dmigs pa'i yul med gza' rtad chos las grol
ma rig gnas med rnam rtog sems las grol
zhes gsungs so
zhes rig pa rang shar chen po'i rgyud las
410
spyod pa'i don bsdus te bstan pa'i le'u ste gsum pa'o
@4
de nas gsang ba'i bdag pos 'di skad ces gsol to
kye kye bcom ldan dgongs pa'i bdag
lha dang mi yi sems 'dzin don bshad pa'i
don chen 'khor la bstan du gsol
zhes zhus pas
khro bo'i rgyal pos bka' stsal pa
kye ma gsang bdag legs par nyon
bsgom pa'i rim pa 'di lta ste
lha dang mi yi sems 'dzin ni
kha sna'i dbugs ni bsdams byas na
rtog med yid la 'gyus pa na
shes pa gcig pa'i ngo bo ste
'phral gyi rnam rtog med par gsungs
yang dag don chen mtshon mi nus
zhes gsungs so
de nas yang gsang ba'i bdag pos 'di skad ces gsol to
kye kye bcom ldan stobs kyi bdag
byang chub sems dpa'i bsam gtan la
'jug sgo bye brag gsung du gsol
zhes zhus so
de nas yang bka' stsal pa
kye ho rdo rje 'dzin pa nyon
bsam gtan bye brag bsam mi khyab
mdor bsdus bshad kyis legs par nyon
byang chub sems dpa'i bsam gtan ni
sems ni 'dzin pa ma yin te
411
nga ma nga ma shugs kyis skye ba'i
goms pa klong du gyur pa dang
zas kyi 'du shes spang ba'o
sa la gnas pa rnams kyi spyod
rnam rtog dang gris med pa'o
des kyang don chen mtshon mi nus
zhes gsungs so
de nas yang phyag na rdo rjes 'di skad ces gsol to
kye kye sprul sku bcom ldan 'das
de bzhin gshegs pa'i dgongs pa'i don
mos pa'i 'khor la bstan du gsol
zhes zhus so
rdo rje 'chang gis bka' stsal pa
a ho rdo rje 'dzin pa nyon
ngas bstan legs par yid la zung
de bzhin gshegs pa'i dgongs pa ni
nam mkha' mthongs su shes par bya
de la goms par gyur na yang
ye shes snang ba lhug par 'char
yang dag lam yang de bzhin no
'dzin med yul la de bzhin gnas
rtogs pa'i dus na de bzhin no
ma rtogs sems can thams cad la
mtshon du yod par gnas pa'o
de bzhin gshegs pa'i dgongs pa la
skye dang 'grib pa med pa'o
de yang grol lugs gang zhe na
gdams ngag don gyis grol ba'o
412
zhes gsungs so
zhes rig pa rang shar chen po'i rgyud las
sgom pa'i don bsdus te bstan pa'i le'u ste bzhi pa'o
@5
de nas yang gsang ba'i bdag po rdo rje 'dzin pa chen po des 'di skad ces gsol to
kye kye bcom ldan rnam grol bdag
sgom pa'i dmigs bsal de ltar na
lta ba'i don bshad gsung du gsol
chos can lta ba gsung du gsol
zhes zhus so
khro bdag chen pos bka' stsal pa
a ho rdo rje 'dzin pa nyon
lta ba'i bye brag bsam mi khyab
de rnams don bsdus nga yis bstan
ma yengs tshul gyis gus par nyon
chos can mtshan mar snang ba la
mig gi dbang po ma 'gags pa
sems kyi blta ba legs pa yin
rang gi rig pa gsal ba yin
cho 'phrul phyi yi snang ba ste
rtog med gsal ba'i ngo bo la
rang byung chen por shes gyur na
chos can blta ba'i lta ba'o
zhes gsungs so
de nas yang gsang ba'i bdag pos 'di skad ces zhus so
kye ho bcom ldan rnam dag sku
chos can lta ba de ltar na
chos nyid blta ba'i don bshad pa
413
tshig gi sgo nas gsung du gsol
zhes zhus so
gsang sngags bdag pos bka' stsal pa
kye ma gsang bdag nges par zung
chos nyid rig pa skye med la
rnam rtog mtshan ma dang gis med
rig pa dgag bsgrub med pa la
zhen pa'i spyod pa ga la yod
chos nyid rtogs par byed pa ni
byar med ngang du shes par bya
bya byed bral ba'i rig pa ni
gang gi phyogs su ma lhung ba
bsgom pa chen po zhes bya'o
de yang rtogs byed 'di lta ste
'du shes gcig pa'i shes rab kyis
blo gting yid ches gyur pa dang
chos nyid skye med rtogs gyur na
ye shes chen po skye bar 'gyur
chos nyid skye med snang ba la
skye bya skye byed gnyis ltar snang
de yang chos nyid chos can ni
gcig ma shes pas byung ba ste
gcig shes nas ni grol bar 'gyur
de ltar skye med don rtogs nas
chos nyid blta ba'i lta bar 'dod
ces gsungs so
de nas yang rdo rje 'dzin pa chen pos 'di skad ces gsol to
kye kye bcom ldan rang rig bdag
chos nyid lta ba de ltar na
414
rang rig lta ba gsung du gsol
zhes dri ba dris so
de nas rdo rje 'chang chen des
tshig gi sgo nas bka' stsal pa
kye ma rdo rje 'dzin pa nyon
ngas bstan legs par yid la zung
gzung 'dzin rnam rtog 'khor ba la
rang rig lta ba 'di ltar gnas
shes pa ngang gis ma g.yos pa'i
rtags ni thugs rje'i 'brel thag go
don ni sku lnga'i dkyil 'khor ro
dpe ni nam mkha'i 'ja' tshon no
gnas ni cit ta'i dkyil na gnas
lam ni bhri gu ta nas 'byung
yul ni nam mkha' stor pa'o
dus ni bar do'i snang ba'o
ngo bo 'gyur med chen po yin
rang bzhin 'gag med kun la khyab
thugs rje'i snang ba ma 'gags pa'o
rgyu ni kun la de bzhin gnas
rkyen ni gdams ngag nyi shu'o
rhyu rkyen 'dzom na rang rig rtogs
rtog med gsal ba'i ngo bo la
'dzin pa'i rnam rtog ngang gis med
'dzin med rang gsal de bzhin gnas
'dzin med 'gro 'ong med pa'i chos
sangs rgyas kun gyi dgongs pa yin
rtog med rang gsal chen po ni
ma bskyod mkha' la gsal ba'o
415
de ltar rtogs pa'i rnal 'byor de
rang rig lta ba chen por 'dod
ces rig pa rang shar chen po'i rgyud las
lta ba mdor bsdus te bstan pa'i le'u lnga pa'o
@6
de nas yang gsang ba'i bdag po phyag na rdo rje zhes bya ba
de bzhin gshegs pa thams cad kyi phyag mtshan du rdo rje gtang de dbang bskur bas
dbang thob pas gsang sngags bla na med pa'i zhu ba por dbang thob pa des 'di skad ces gsol to
kye kye bcom ldan dbang gi bdag
dbang gi bskur thabs gsung du gsol
zhes zhu ba zhus so
de nas bcom ldan 'das thugs rje dang ldan pa des
pad ma he ru ga zhes bya bar sprul nas
dbang rdzogs pa'i sa ma ti las bzhengs te
'di skad ces bka' stsal pa
e ma ho
dbang nod 'khor rnams legs par nyon
dbang la rnam pa gnyis kyis bstan
de yang bstan pa 'di lta ste
rtogs pa ye shes dbang bskur dang
ma rtogs rdul tshon dbang bskur ro
ma rtogs rdul tshon dbang bskur ni
mtshan ma'i rdzas la brten pa dang
rdul tshon dkyil 'khor brten pa dang
416
yum gyi bha ga'i dbang bskur ro
mtshan ma rdzas la rnam gsum ste
bkra shis rdzas brgyad bskur thabs dang
rin chen bum pa'i bskur thabs dang
sha khrag gtor ma'i bskur thabs so
dkyil 'khor bskur thabs rnam gsum ste
'khor gyi dkyil 'khor bskur thabs dang
tsa ka li yi bskur thabs dang
dbus kyi pho brang bskur thabs so
yum la rnam pa gsum du 'dus
phyag rgya'i sgo nas bskur thabs dang
bha ga dang ni rdo rje yi
dbang bskur dam pa mchog yin no
byang sems dkar da mar bskur thabs so
ma rtogs rdul tshon dbang bskur ro
de la sogs te dbang bskur rnams
rim pa bzhin du shes par bya
rtogs pa'i ye shes dbang bskur ni
rnam pa gsum du shes par bya
sems can snang ba phyi ltar bskur
bsgom pa sems 'dzin nang ltar bskur
ngo sprod nyi shu rtsa gcig gis
gsang ba'i dbang du bskur bar bya
ngo sprod la yang rnam gsum ste
dpe don rtags gsum tshogs pa yi
mtshon pa'i dbang chen bskur bar bya
rig pa'i ye shes ngo sprod kyis
417
gsang ba'i ye shes dbang bskur bya
rig pa rkyang ba'i ngo sprod kyis
gzugs sku'i zhing khams dbang bskur bya
rtogs pa'i ye shes dbang mchog gis
cir snang rig par shes pa'o
rig pa dgag bsgrub med pa yis
dbang rnams dus gcig rdzogs pa'o
dbang rnams grol byed gdams ngag go
dmigs med dkyil 'khor chen po yi
dbang ni rang la yod pa'o
de yang don la bkrol te gsungs
gcig bkrol gnyis bkrol thams cad bkrol
grol ba rang byung gzhan las med
rang byung dbang chen de bzhin no
don gyi dbang mchog dkyil 'khor la
gcig rdzogs gnyis rdzogs thams cad rdzogs
don dbang ye shes mtshon pa las
gcig med gnyis med thams cad med
rdo rje'i don rtogs dbang chen las
gcig byung gnyis byung thams cad byung
stong pa ye shes dbang chen las
gcig skye gnyis skye thams cad skye
rtogs na dbang mchog de ltar bskur
ma rtogs pa yi tshig sgo nas
rdzas re don res bstan par bya
418
bskyed pa zhi ba'i dbang dang ni
rdzogs pa khro ba'i dbang bskur ro
gsang mtshan rdo rje'i dbang yang bskur
bka' rtags po ti'i dbang bskur zhing
de la sogs pa'i rdzas rnams kun
rim pa bzhin du bskur bar bya
zhes bka' stsal to
zhes rig pa rang shar chen po'i rgyud las
dbang gi bskur thabs bstan pa'i le'u ste drug pa'o
@7
de nas yang gsang ba'i bdag pos 'di skad ces gsol to
kye kye bcom ldan thugs rje can
dbang bskur yon tan bstan du gsol
zhes zhus so
stobs kyi bdag pos bka' stsal pa
e ho gsang ba'i bdag po nyon
ngas bstan legs par yid la zung
yon tan bye brag 'di lta ste
ye shes snang ba chen po la
thogs rngugs med par 'gyur ba dang
rang snang grogs su bstan pa dang
bya ba thams cad byed par 'gyur
zhes bka' stsal to
de nas yang gsang ba'i bdag pos 'di skad ces zhu ba zhus so
e ma ngo mtshar che ba dbang gi yon tan rgyas par gsung du gsol
zhes zhus so
de nas yang bcom ldan 'das kyis bka' stsal pa
419
e ma ho
gsang ba'i bdag po nyon
ngas legs par bstan gyis yid la zung
dbang bskur ba'i yon tan 'di lta ste
bar ma do la rang gi snang ba ngo shes par 'gyur ro
ngo shes nas kyang de nyid la brtan pa thob ste
sprul pa'i sku zhag nyi shu rtsa gcig nas 'gyed nus so
dbang po rab kyis mthar phyin pa gcig kyang sdug bsngal gyi dngos po la sogs pa mi 'o ngo
nyams su len pa'i dus nas
ye shes kyi snang ba ma 'gags par gsal ba'o
de ni khyad par gyi yon tan zhes bya'o
thun mong gi yon tan 'di lta bu 'thob bo
mkha' 'gro ma'i skad shes pa dang
mkha' 'gro mas byin rlabs byed pa dang
byin rlabs byas pas mi rnams kyis bkur ba'i gnas su mthong ba dang
'gro ba thams cad byams pa dang
gzugs mdzes shing blta na sdug pa dang
bsod nams rgya chen po 'phel ba dang
'chi 'phos nas kyang 'khor los sgyur ba'i rgyal po'i rigs su skye ba dang
nor bu rin po che lta bu yon tan chen po 'byung ba dang
pad ma lta bur dag pa'i chos la spyod pa dang
mchod rten lta bur thams cad kyis bskor ba'i 'os su mthong ba dang
420
gdugs lta bu 'gro ba phal pa zil gyis gnon pa dang
me dpung lta bur shes rab kyis 'gro ba phal ba sgrol nus pa dang
ral gri lta bu don byed nus pa dang
rdo rje'i lcags khyu lta bu 'gro ba thugs rjes 'dzin nus pa dang
chos kyi sprin lta bus dbyings ye shes 'du 'bral med pa'i don rtogs so
phyi nang gi bya ba thams cad byed pa'o
des ni bya ba gang dang ci byed pa thams cad 'thob par 'gyur ro
de la ni bgegs dang log 'dren gyis tshugs par mi 'gyur ro
bu mang zhing longs spyod che ba ni dbang thob pa'i rtags so
tshe snga phyi dran par 'gyur ro
sems can skye ba len pa dag kyang mthong bar 'gyur ro
pha rol gyi sems shes par 'gyur ro
mi ma yin dang gtam zer bar 'gyur ro
de dag la sogs te yon tan brgya dang rtsa brgyad thob par 'gyur ro
zhes rig pa rang shar chen po'i rgyud las
dbang bskur ba'i yon tan bstan pa'i le'u ste bdun pa'o
@8
de nas yang gsang ba'i bdag pos 'di skad ces gsol to
kye thugs rje chen po dang ldan pa
421
dbang ma bskur ba'i skyon bstan du gsol
zhes zhus so
de nas yang gzhon nu dpa' bo stobs ldan gyis bka' stsal pa
kye grogs po dag nyon cig
ngas bstan gyis yid rtog pa sol lam yengs par nyon cig
dbang ma thob pa'i skyon ni 'di lta bu'o
bar ma do la bred pa dang sdangs pa dang
rngugs pa dang
thogs pa dang
'du shes shor ba yang 'byung ngo
bag chags kyi lus ma bor bar du yang 'gro ba rnams kyis bkur ba'i 'os su mi mthong ba dang
bsod nams chung ba dang
tshe thung ba dang
'tsho ba'i longs spyod nyung ba dang
khas nyen pa dang
bar chad mang po 'byung ngo
bya ba thams cad mi 'grub po
de ni gsang sngags spyod pa'i dbang ma thob pa'i skyon no
gsang sngags spyod pa'i rnal 'byor pas dang po dbang thob par bya'o
dbang ma thob na sangs rgyas kyang
de bzhin gshegs pa'i sa la 'khor lo bskor mi nus so
'khor lo ma bskor na thugs rjes sprul pa'i skus 'gro ba'i don byed mi nus so
de'i phyir na gsang sngags spyod pas dbang thob par bya'o
422
zhes rig pa rang shar chen po'i rgyud las
dbang ma thob pa'i skyon bstan pa'i le'u ste brgyad pa'o
@9
de nas yang gsang ba'i bdag pos 'de skad cis gsol to
kye kye bcom ldan thabs la mkhas
dbang gi rnam pa de ltar na
dam tshig dbye ba gsung du gsol
zhes zhus so
dam tshig bdag pos bka' stsal pa
kye ma phyag na rdo rje nyon
dam tshig 'bum sder gsungs pa las
bsam gyis mi khyab dam tshig rnams
rnam pa gnyis sa 'dus par gsungs
slob dpon dang ni slob ma gnyis
bsrung ba'i rgyu zhes kun tu grags
bsrung ba'i rgyu ni slob dpon te
srung bar byed pa slob ma'o
de la spyod pa rjes 'jug go
dang po slob dpon 'brel pa brtag par bya
slob dpon mkhas pa'i gdung 'dzin pa'i
mi shes nga rgyal chen po dang
blun rmongs tshig phyir 'brang ba dang
gsang sngags don la mi dgongs dang
gzhan gyi zhe gcod khengs tshig dang
log pa'i lam du zhugs pa dang
dbang gi dkyil 'khor zhal ma mthong
dam tshig phyal bar gyur pa dang
423
dris pa dag la lan mi thebs
thos chung nga rgyal che ba dag
slob dpon ma brtags slob ma'i bdung
gsang sngags ston pa'i slob dpon min
rdzogs chen a ti ston mi nus
de dang 'grogs par mi bya'o
bkur ste phu dud mi byed cing
gsang sngags 'chol bar spyod pa dang
rigs rgyud med cing dang rgyud med
shes rab chub bar gyur pa dang
bka' drin khyad du gsol pa dang
rang gi rigs rgyud brjod pa dang
lus la rgyan bzang 'dogs pa dang
don med phyel bar gyur pa ste
slob ma ma brtags slob dpon dgra
nyams su mi len gang zag la
rdzogs pa chen po'i don mi bshad
rdo rje'i don ldan man ngag slob dpon ni
dang rgyud bzang zhing slob pa dag la mkhas
dbang thob gsang sngags don la sbyar
phyi nang bya ba thams cad shes
yid ma lha dang 'du 'bral med
ting nge 'dzin la yengs pa med
rdzogs chen man ngag don ldang pa'i
gsang sngags gsang ba'i rgyud la mkhas
phyi nang sgrub thabs thams cad byed
424
lta ba'i don las mi 'da' zhing
phyi nang gsang ba'i bya ba btang
yon tan nor bu rin chen ltar
zad med gter la spyod pa'o
thugs rje'i 'brel thag ma chad cing
brtse gdung rgyun thag ma chad pa
slob dpon slob ma'i 'brel pa'o
de ltar man ngag slob dpon la
rang lus dang ni rin chen rdzas
shin tu dkon pa dag gis bsnyen
dad pa'i stobs dang brtson 'grus che
shes rab che zhing 'dzin chags med
phu dud che zhing gsang sngags spyod
rtog med sems la yengs pa med
dam tshig ldan zhing bsgrub la brtson
drang nge dung nge bsgrub la brtson
lhang nge lhan ne bsgom la spyod
slob dpon gsungs pa ci bzhin byed
dam tshig phyal bar mi btang zhing
spyod lam gzhan dang mthun par spyod
gus pa'i tshul gyis sems dang cing
tshig gcig bstan pa rjes su 'dzin
rang gi don la de bzhin spyod
gsang bar gnyer gtad thub par byed
rdo rje'i don las mi 'da' zhing
thos pa che ba'i gang zag bstan
rang gi don la 'da' ba med
dregs pa'i tshig med 'jam por smra
425
pha rol sems dang mthun 'jug byed
slob dpon dang ni de bzhin gshegs
khyad med gcig gi tshul du byed
de ni slob ma'i mtshan nyid ste
de ltar ldan pa'i slob ma de
rdzogs pa chen po'i snod du gsungs
man ngag rdzogs pa chen po'i don
snod ngan phal du blug mi bya
dad dang ldan pa 'ga' yi bcud
snod ngan dag tu blugs gyur na
bcud med gnyis ka 'phung bar byed
de phyir snod med rnams la gsang
zhes rig pa rang shar chen po'i rgyud las
slob dpon dang slob ma'i 'brel pa brtags pa'i le'u stod dgu pa'o
@10
de nas yang gsang ba'i bdag pos 'di skad ces gsol to
kye kye bcom ldan dam tshig 'chang
dam tshig dbye ba gsung du gsol
zhes zhus so
dam tshig bdag pos bka' stsal pa
a ho
gsang ba'i bdag po nyon
dam tshig sdom pa gzung bar gyis
'bum sder gsungs ba'i dam tshig rnams
mdor bstan legs par yid la zung
de yang mdor bstan 'di lta ste
426
rtogs byed blta ba'i dam tshig dang
spyod pa rgyun gyi dam tshig dang
bsgrub pa spyi yi dam tshig bshad
thun mong spyi yi dam tshig dang
sku gsung thugs kyi dam tshig go
yan lag grangs kyi dam tshig dang
gal mdo nges pa'i dam tshig go
427
de la sogs pa'i dam tshig rnams
mdo dang rgyas pa chen po'o
dam tshig la ni ji bzhin gnas
bskal pa zhig kyang mi gtong na
dam tshig chen po'i bsrung thabs so
dam tshig sdom par ji ltar gnas
dam tshig la ni gang gnas pa
bsam pa thams cad mthar phyin 'gyur
de yang bsrung thabs 'di lta ste
shes pa gcig gi khyad par gyis
khyad par bcu yi bsrung thabs 'phags
gcig la de las nyung ba'o
dam tshig rgyal po de bzhin spyod
nyams na dmyal bar nges par 'gro
gsang sngags don spyod slob dpon la
ci 'byor pa yi mchod pa 'bul
gang mnyes pa yis bsten par bya
rdzas dang yo byad thams cad kyang
slob dpon dam tshig mnyams la
428
tshogs kyi 'khor lo rgya cher bya
rdo rje'i mched la de bzhin no
rdo rje'i sbun la don bzhis bstan
spyi dang nye dang 'dres pa dang
dkyil 'khor bum pa 'dres pa'o
slob dpon la yang de bzhin te
spyi dang 'dres dang dam tshig dbang
man ngag lung gi slob dpon no
de yang nges tshig 'di lta ste
mi shes shes par dgrol phyir slob
rdzogs chen don la sbyor bas dpon
slob ma'i nges tshig 'di lta ste
ma yengs tshul gyis nyan pas slob
man ngag snod du gyur pa sam
de ltar don ldan dpon slob ni
yang dag pa la mnyam por gnas
dam tshig ldan pa de bzhin no
nyams na gnyis ka 'tshig par 'gyur
sku yi dam tshig nyams gyur na
rdo rje dmyal ba chen por 'tshed
'o dod 'bod pa'i gnas su skye
dpon gyis nyams na sbyang thabs med
gnyis ka du 'bod chen por skye
429
slob mas nyams na sbyang thabs yod
gsung rab rgya chen bklag pa dang
tshogs kyi 'khor lo rgya chen bskor
'khor gsum yongs dag bya bar gsungs
gsung gi dam tshig nyams gyur na
snang ba 'gags par 'gyur ba dang
mun rum chen po'i gnas su skye
de nas thon par gyur nas kyang
lkugs pa dag tu skye bar 'gyur
de yang sbyang thabs 'di lta ste
mar me brgya rtsa'i cho ga dang
spang skong brgya rtsa 'don pa dang
bshags pa rnam pa sna tshogs bya
des ni sbyangs pa'i yon tan mthong
thugs kyi dam tshig nyams gyur na
yid 'khrugs chen po'i gnas su skye
rtag tu rtsod pa rgyun mi 'chad
'thab dang sdug bsngal chen po dang
yang na dran pa med par 'gyur
yang na dran pa rengs par 'gyur
smyo 'bog nad kyis thebs par 'gyur
tha ma du 'bod gnas su skye
de yang sbyang thabs 'di lta ste
slob dpon mnyes ba'i rdzas kyis mchod
'byor tshogs ci yod 'phags pa mchod
de ltar bshags pa byas gyur na
bsam pa thams cad 'grub par 'gyur
430
'dod pa thams cad skong bar 'gyur
bya ba thams cad rdzogs par 'gyur
dam tshig nyams pa'i snga ltas su
mi bde rnam pa sna tshogs 'byung
yams dang 'tshe ba'i nad rnams dang
rims nad sna tshogs 'byung bar 'gyur
gdon dang log 'dren rnams kyis kyang
bsad nas sems can dmyal bar 'gro
mig gis gzugs mi mthong bar 'gyur
rna ba 'on cing las mi 'grub
mdze dang shu ba'i nad rnams 'byung
cho ma rkun rgyal po'i chad pa 'byung
gzhan la med pa'i rims nad 'byung
bu dang chud ma 'chi bar ston
yul rnams thams cad dgrar ldang zhing
byas pa don med chen por 'gyur
snga lhas de ltar byung ba dang
gong du bstan pa'i bshags pa bya
byas na bzlog pa'i dngos grub 'byung
zhes rig pa rang shar chen po'i rgyud las
dam tshig gi le'u ste bcu pa'o
@11
de nas yang gsang ba'i bdag pos zhus pa
kye kye bcom ldan ye shes sku
dam tshig bye brag de ltar na
chos sku'i mtshan nyid gsung du gsol
zhes zhus so
rdo rje'i stobs kyis bka' stsal pa
431
kye ma rdo rje 'dzin rgyal nyon
ngas bstan legs par yid la zung
chos sku ye shes chen po'i lung
mtshan nyid rnam pa gsum dang ldan
ngo bo rang bzhin thugs rje gsum
chos kyi sku yi mtshan nyid yin
mi 'jig stong dang gsal ba dang bya ba thams cad rdzogs pa ni
chos kyi sku yi nges tshig go
'gyur med 'gag med khyab pa gsum
chos kyi sku yi ngo bo'o
gsal ba drangs dang ma 'dres gsum
432
chos kyi sku yi yul yin no
dpag med dmigs med 'dzin pa med
chos kyi sku yi gnas yin no
'gag med zhen med chags pa med
chos kyi sku yi spyod pa'o
lhan ne lhang nge yengs pa med
chos kyi sku yi bsgom pa yin
bltar med bltas zin lta ba rdzogs
chos kyi sku yi lta ba yin
byas med byung med 'byung ba med
chos kyi sku yi 'bras bu yin
bsgrum med bsgrubs zin sgrub pa rdzogs
chos kyi sku yi phrin las yin
gcig byung gnyis byung thams cad byung
chos kyi sku yi yon tan yin
'gag med gsal dangs ngo bos stong
chos kyi sku yi snang ba yin
433
phyi med nang med dbus su med
chos kyi sku yi rang lus yin
'gro med 'ong med gnas pa med
chos kyi sku yi rang rtags yin
nyi ma rgya mtsho pad ma dang
ri bo nam mkha' seng ge gsum
chos kyi sku yi mtshon dpe yin
bsam dang bral ba'i rig pa chos kyi sku
snang bya snang byed med par 'gro ba yongs la khyab
chos kyi sku yi pho brang 'gyur med 'di
rang rang tsit ta'i dkyil na pho brang 'gyur med btab
stong pa ye shes snying po'o
gsal ba 'od kyi snying po'o
rang byung rig pa'i snying po'o
snying po gsum dang ldan pa chos kyi sku
ye shes don rtogs sa lam bgrod pa med
brjod pa'i mtha' dang bral ba'i chos sku chen po 'di
kun la gnas te kun gyis rtogs pa med
434
yid med sems med ma rig 'khrul pa med
ces bka' stsal to
zhes rig pa rang shar chen po'i rgyud las
chos sku'i mtshan nyid bstan pa'i le'u ste bcu gcig pa'o
@12
de nas yang gsang ba'i bdag pos 'di skad ces gsol to
kye kye bcom ldan sprul pa'i sku
chos kyi sku yi mtshan nyid de ltar na
longs sku'i mtshan nyid gsung du gsol
zhes zhus so
rdo rje 'chang gis bka' stsal pa
e ma ho gsang bdag nges par zung
longs spyod rdzogs pa'i sku la yang
dbye na bsam gyis mi khyab ste
mdor bstan legs par yid la zung
kha dog ma 'dres so so'i mtshan 'dzin pa
mtshan dang dpe byad bzang po'i 'od zer 'bar
yab dang yum dang sku yi cha lugs 'dzin
longs spyod rdzogs pa'i sku yi mtshan nyid do
skye ba yod de 'chi med rdo rje ldan
'od lnga sku lnga ma 'dres so sor gsal
yab lnga yum lnga tshom bu lnga dang ldan
435
ye lnga shes lnga rtogs pa lnga dang ldan
gzhi lnga lam lnga 'bras bu lnga dang ldan
gnas lnga yul lnga ngo bo lnga dang ldan
longs spyod rdzogs pa'i sku yi ngo bo'o
chos nyid stong pa'i ngang du gnas pas longs
gsal la ma 'dres kun la khyab pas longs
ye shes lnga la longs spyod 'du 'bral med par gnas pas longs
436
kun dang mi mnyam so so'i mtshan dang ldan pas longs
thabs dang shes rab 'du 'bral med par gnas pas longs
snang ba lnga nyid mtshan ma med par gnas pas spyod
'dzin pa med par rang gsal kun la rol pas spyod
sang nge sal le kun la snyoms par gnas pas spyod
lhang nge lhan ne yul la gnas shing sprul la 'gyud pas spyod
sku gnyis don la mthar phyin rol pas spyod
'dzin med rang gis la gnas shing sprul pa phyogs bcur mdzad pas sprod
thams cad 'byung zhing thams cad bskyed pas spyod pa'i mthar phyin yin pas spyod
phyi nang gsang ba kun la 'das pas rdzogs
dmigs med don la cig char snang bas rdzogs
phyogs su ma lhung 'go 'ong med pas rdzogs
byas pa ma yin rang la byung bas rdzogs
rang gi don rtogs gzhan gyi don chen 'grel bas rdzogs
bya ba thams cad kun las 'das pas rdzogs
stong pa'i ye shes rang la chas pas pa
437
stong nyid ma 'gags so sor gsal pas pa
ye shes ma 'gags thabs la rol pas pa
gsal la mi rtog 'dzin pa med pas pa
rgyan dang cha lugs rang gi mtshan nyid 'dzin pas pa
'dzin med rang gsal ngo bor gnas pas sku
kha dog snang ba so so'i mtshan nyid 'dzin pas sku
rdo rje'i don nyid don dang ldan pas sku
don rtogs rang rang mtshan dang ldan pa'i phyir na sku
phyi dang nang med kun tu gsal bas sku
ngo bo 'gyur ba med par kha dog so sor gsal bas sku
rang bzhin gsal la ma yengs thugs rje phyogs bcur 'char bas sku
zhes bka' stsal to
zhes rig pa rang shar chen po'i rgyud las
longs spyod rdzogs pa'i sku'i le'u ste bcu gnyis pa'o
@13
de nas yang gsang ba'i bdag pos 'di skad zhus so
kye kye bcom ldan rdo rje 'chang
longs sku'i gnas lugs de ltar na
sprul sku'i snang lugs ji ltar lags
dpa' bo chen pos bka' stsal zhu
zhes zhus so
bcom ldan rdo rje 'chang gis bka' stsal pa
kye ma gsang ba'i bdag po nyon
438
ngas bstan blo yi rtog pa sol
sprul pa sku yi mtshan nyid ni
bya ba rdzogs dang bya ba byed
rnam pa gnyis su 'dod pa'o
de yang bstan pa 'di lta ste
bya ba rdzogs pa'i sprul sku ni
rang gi rgyud grol mngon sangs rgyas
de nas sprul pa 'gyed pa'o
phyi nang bya ba rdzogs pa ste
bya ba rdzogs pa'i sprul skur 'dod
bya ba byed pa'i sprul sku ni
gang 'dul de la der ston cing
gzhan dang mthun par snang ba la
don ni gong ma lta bu'o
gzhan gyi don la ma rmongs shing
cir yang bsgyur du btub pa'o
gzhan dang mthun par snang ba la
'gro ba zil gyis gnon pa'o
nyon mongs ngang gis med pa la
bag chags lus ltar snang ba'o
dus la bab pa'i sems can la
yang dag don chen ston par byed
'gro ba gang dag 'dul ba la
de dang mthun par snang ba'o
439
thams cad skad ni shes pa ste
gang gi skad la de ston pa'i
mthun pas mthun par 'dul ba la
la lar tshig gi sgo nas ston
la lar rten 'brel sgo nas ston
la lar smon 'jug sgo nas ston
la lar skyed pa'i sgo nas ston
la lar gnyis ka'i sgo nas ston
la lar byang chub lnga yis ston
la lar ting 'dzin gsum gyis ston
la lar dbyings dang ye shes ston
rdzogs chen don ni 'gal las 'byung mi 'gyur
gang zag las can 'ga' la snang
de yang ston lugs 'di lta ste
440
la lar bsgom pa can tu ston
la lar rig med stong par ston
la lar rig med bem por ston
la lar rig pa rgyang par ston
la lar sems la rig pa rgyang par ston
la lar kun gzhi chos skur ston
la lar dge med sdig med ston
la lar bsgom pa can du ston
la lar bsgom pa med par ston
de ltar ston byed sprul pa'i skus
gsang sngags bla na med pa yi
don 'di 'ga' las ma gsungs so
mi gsung gsung bar mi 'gyur ro
skabs su gsung bar 'gyur na yang
dgra bcom rang rgyal mdo sde dang
theg dman ming yang med nang du
bla med theg pa sgrog par 'gyur
des na blo dman gzhan la gsang
de rnams ldan pa'i skyes bu de
441
bya ba byed pa'i sprul skur 'dod
ces gsungs so
de nas yang gsang ba'i bdag pos 'di skad ces gsol to
kye kye thugs rje chen po dang ldan pa sprul pa'i sku'i dbye ba de ltar lags na
sprul pa sku'i nges tshig ci ltar lags
zhes zhus so
de nas bcom ldan 'das thugs rje chen po dang ldan pa des 'di skad ces bka' stsal to
kye gsang ba'i bdag po khyod nyon cig
sprul sku'i nges tshig 'di rnams yin par shes par gyis shig
'jig rten khams kyi sems can rnams la mthun par snang ba'i phyir na sprul pa'i sku'o
don byed nus pa'i phyir na yang sprul pa'i sku
bya ba thams cad byed pa'i phyir na yang sprul pa'i sku
sems can las sad pa rnams skye med dbyings su sgrol nus pa'i phyir na yang sprul pa'i sku
zhing khams gcig tu yun thung ba'i phyir yang sprul pa'i sku
thugs rje phyogs med du 'char ba'i phyir yang sprul pa'i sku
khro zhing gtum pa'i phyir yang sprul pa'i sku
zhi zhing nges pa'i phyir yang sprul pa'i sku
'gro ba rnams kyis mdzes par mthong ba'i phyir na yang sprul pa'i sku'o
442
de nas yang gsang ba'i bdag pos 'di skad ces gsol to
kye bcom ldan 'das sku dang ye shes kyi bdag nyid dang ldan pas
sprul pa'i sku'i brtag thabs gsung du gsol
zhes zhus pas
bcom ldan 'das kyis bka' stsal pa
kye ho gsang ba'i bdag po nyon
sprul sku'i brtags thabs 'di ltar shes par bya ste
bzhud pa'i dus na yang spyan gzhan du mi yengs pa dang
lhag pa'i bdud khong na skra g.yas su 'khyil pa tshom gcig yod pa dang
thugs ka na rdo rje'i gzugs yod pa dang
skye gnas ni rgyal rigs sam rigs mtho ba rnams su skye'o
spyod pa gang ltar yang mthun pa ltar spyod pa'o
ci skad smras kyang de la rjes su mi 'dzin pa'o
rang gi zhe la 'dod pa mi bsgrub pa'o
bya rtsol dang 'dzin pa ngang gis med pa'o
sems can gang gis kyang 'dod pa'i gos la ba'o
de rnams dang ldan pa ni sprul pa'i sku yin par shes par bya'o
zhes rig pa rang shar chen po'i rgyud las
sprul pa'i sku'i le'u ste bcu gsum pa'o
443
@14
de nas yang gsang ba'i bdag pos 'di skad ces zhus so
kye kye bcom ldan sku gsum bdag
sprul sku'i chos nyid de ltar na
sku gsum dgongs pa gsung du gsol
zhes zhus so
yang bka' stsal pa
kye kye gsang bdag rdo rje can
ngas bstan legs par yid la zung
sku gsum ye shes snang ba ni
gang la thogs pa med pa dang
dmigs pa'i yul ni gcig pa yi
ngo bo so sor snang ba'o
chos kyi sku yi snang lugs so
rang bzhin gcig la ngo bo gnyis
longs spyod rdzogs pa'i snang ba yin
ngo bo tha dad rang bzhin tha dad cing
gang la mi 'gag bya byed med
sprul pa sku yi snang ba yin
de yang chos sku'i don brjod pa
sku gsum gcig la rdzogs pa'o
sku gsum gcig ni rang bzhin pa
du mar snang ba 'khrul pa yin
chos kyi sku ni bsam pa'i yul dang bral
longs spyod rdzogs pa'i sku ni rnam rtog bdud dang bral
de ltar sku gsum snang ba las
yang dag bskyed dang dmigs pa med
444
'jug dang grol ba'i sems kyang med
'dzin dang spyod pa ga la yod
chags dang zhen pa'i tshig las 'das
spang bya spong byed gnyis las 'das
yul dang sems dang yid las 'das
yul dang dmigs pa med pa la
rang snang cig chod snang pa'o
'dzin med rang sar grol ba ste
sprul pa phyogs bcur mdzad gyur na
dmigs pa dag pa'i yul snang la
ye shes cig chod skye bar 'gyur
dmigs pa med pa'i yul snang la
mtshan ma rang sar grol bar 'gyur
de las sprul pa rgya cher 'byung
de yang lus la snang lugs ni
rig pa chos sku'i ngo bo yin
de las snang ba ma 'gags pas
longs sku'i ngo bor yang dag 'dod
de phyir sku gsum lus la rdzogs
sku gsum dag pa'i snang ba la
gcig rdzogs gnyis rdzogs thams cad rdzogs
ye shes snang ba ma 'gags gsal
bya ba btang ba'i rig pa la
snang dag ye shes 'od zer 'phro
rtog med dag pa'i rig pa la
'od zer sna lnga ma 'gags gsal
445
'dzin med rang grol chen po la
phyi nang gsang ba'i chos rnams rdzogs
bya ba btang ba'i rig pa la
bya byed chos rnams dus gcig rdzogs
sems dang bral ba'i rig pa la
sna tshogs snang ba dus gcig rdzogs
rang snang gsal dag chen po la
'khrul pa'i snang ba dus gcig rdzogs
rang grol rang snang chen po la
gzhan 'byung chos rnams dus gcig rdzogs
sku gsum rdzogs lugs de bzhin no
bya ba med pas 'khrul pa sangs
rtog pa med pas nyon mongs sangs
'dzin pa med pas rang byung sangs
zhen pa med pas rnam rtog sangs
chags pa med pas ma rig sangs
sku gsum sangs lugs de bzhin no
rtog pa med pa'i rig pa la
'od lnga gsal ba'i ye shes rgyas
rig pa bya byed bral ba la
dmigs pa'i yul med sku gsum rgyas
rig pa yul med snang ba la
'dzin pa'i yul med 'od lnga rgyas
rig pa ye shes chen po la
don dam rang snang 'bras bu rgyas
sku gsum rgyas lugs de bzhin no
446
rig pa rtog med chos sku'i ngo bo yin
rig pa ma 'gags gsal ba longs sku yin
rig pa cir yang snang ba sprul sku yin
de phyir sku gsum snang ba ni
snang ba 'di la rdzogs pa'o
sku gsum klong na 'gag med ye shes gsal
sku gsum klong nas thugs rje'i nyi ma lnga shar zhing
ye shes nyi ma'i 'od la thams cad snyoms par 'gyur
ye shes sgron ma'i 'od kyis thams cad gting mtha' yas
sangs rgyas sgron ma rang snang 'od po che
rig pa'i sgron ma gting dpag dka' ba'i don
lam gyi sgron ma ye shes 'od du gsal
mig gi sgron mas mthong ba ma 'gags gsal
de rnams sku gsum rgyan du 'dod
ces rig pa rang shar chen po'i rgyud las
sku gsum gcig tu dril ba'i le'u ste bcu bzhi pa'o
@15
de nas yang gsang ba'i bdag pos 'di skad ces gsol to
kye kye bcom ldan rdo rje 'chang
sku gsum gnas lugs de ltar na
sku lnga'i gnas lugs gsung du gsol
zhes zhus so
rdo rje 'chang gis bka' stsal pa
kye kye gsang bdag sems dpa' nyon
447
sku lnga ye shes snang ba ni
yab yum gnyis kyi tshul du snang
yab kyi cha 'dzin thabs kyi sku
yum gyi cha 'dzin shes rab sku
thabs dang shes rab gnyis lngar snang
de yang thabs ni 'gag pa med
shes rab 'gyur ba med pa'i
'gag med klong dang 'gyur med klong
gnyis med gcig gi rang snang la
'du 'bral med pa'i ngang du shes
de ltar rtogs na sangs rgyas dngos
de yang sku lnga'i snang ba ni
ngo bo mtshan dang dpe byad ldan
rang bzhin so so'i mtshan nyid 'dzin pa'o
de yang stong pa'i mu dang tshig gi mu
mu gnyis bsal nas ler gnas pa'o
de yang rigs ni lngar snang zhing
de bzhin gshegs pa'i rigs dang ni
rdo rje'i rigs dang rin chen rigs
pad ma'i rigs dang las kyi rigs
de bzhin rigs lngar 'dod pa'o
de yang don sbyor gang zhe na
rig pa'i don la de bzhin gshegs pas de bzhin rigs su bshad
rig pa'i don la skye dang 'chi ba med pa rdo rje'i rigs su bshad
448
rig pa'i don las sna tshogs 'byung bas rin po che yi rigs su bshad
rig pa'i don la skyon med dag pas pad ma'i rigs su bshad
rig pa'i ngang las bya ba thams cad byung bas las kyi rigs su bshad
de bzhin snang ba ye shes chen po la
rigs kyi nges pa de bzhin no
de ni rigs kyi tshig don no
sku yi tshig don rnam pa lnga
de yang bshad lugs 'di lta ste
rnam snang dang ni rdo rje sems
de bzhin rin chen 'byung ldan la
snang ba mtha' yas don yod grub
de yang don la sbyor lugs ni
rig pa'i snang ba 'gag pa med pas rnam par snang mdzad yin
rig pas bdag don gzhan don gnyis ka rtogs pas rdo rje sems dpa' yin
cig car rig par shes pas rin chen 'byung ldan yin
rig pa snang bar mthong bas snang ba mtha' yas yin
rig pa skye med rtogs pas don yod grub pa'o
de ltar sku lnga'i don la ma yengs 'gyur med spyod pa na
sku lnga mthar phyin sku gcig don la spyod
skye med chos sku gdod nas dag pa la
449
bya dang byed pa'i chos kun ka nas med
bya byed bral bas rig pa rang sar grol
dper na sprul gyi mdud pa bzhin
rang sar rang grol chen por 'gyur
gang dag tshig la mi gnas ming la mig nas na
de ni shes rab pha rol phyin
sangs rgyas nyid kyi dgongs pa'o
shes rab kyis ni de nyid thob
nyon mongs kun las grol bar 'gyur
sangs rgyas dgongs pa rang byung nyid
sus kyang rtogs par mi 'gyur ro
rdo rje sems dpa' bdag nyid kyang
rdo rje'i spo la nga sangs rgyas
de phyir sprul pa phyogs bcur mdzad
gnyis med ye shes rdo rje sems dpa'i ngang
rdo rje sems dpa' gnyis med rang la rdzogs
rang byung ye shes gnyis med rtogs pa'i don dang ldan
ye shes snang ba 'gag med chen po ste
rang las byung zhing rang la thim
tha dad rang bzhin 'gyur ba med
de phyir sku lnga'i ye shes so
sku dang ye shes 'du 'bral med
don la de bzhin gnas pa'o
zhes pa rig pa rang shar chen po'i rgyud las
sku lnga'i le'u ste bco lnga pa'o
@16
450
de nas yang gsang ba'i bdag pos 'di skad ces gsol to
kye kye bcom ldan gsang sngags bdag
sku lnga'i snang ba de ltar na
ye shes snang ba gsung du gsol
zhes zhus so
de nas yang shugs rje dang ldan pa des 'di skad ces bka' stsal to
kye ma gsang bdag nges par zung
chos med shes rab rang byung ba
chos kun khong nas skye bar 'gyur
de las ye shes 'byung bar 'gyur
ye shes dbye ba 'di lta ste
nyi shu rtsa lnga'i ngo bo las
bsdu na rnam pa lngar 'dus so
de yang grangs bstan 'di lta ste
chos dbyings ye shes rtog med dang
me long ye shes 'gag med gsal
mnyam nyid ye shes ma 'dres rdzogs
sor rtogs ye shes go zhing rtogs
bya grub ye shes chos rnams rdzogs
de ltar rnam pa lngar 'dod do
zhes bka' stsal to
de nas yang gsang ba'i bdag pos 'di skad ces gsol to
kye kye bcom ldan rdo rje 'dzin
ye shes dbye ba de ltar na
ye shes bshad lugs gsung du gsol
zhes zhus so
de nas yang bka' stsal pa
e ma ho gsang ba'i bdag po nyon
451
ye shes chen po'i bshad lugs ni
rtogs pa mngon gyur sangs rgyas dang
rang bzhin lhun grub sangs rgyas so
ye nas rang bzhin lhun gyis grub
shes na rtogs pa mngon du gyur
ye shes nges tshig de bzhin no
tshig don sbyor ba 'di lta ste
chos kyi dbyings kyi ye shes ni
stong pa chen po'i yul nyid dang
gsal ba 'od kyi snang ba dang
ye shes rig pa'i spyod yul gsum
de gsum 'dzom pas dbyings zhes bya'o
de la yang ni rnam pa gnyis
dag pa ye shes dbyings nyid dang
ma dag sems can dbyings su bstan
dag pa ye shes dbyings nyid ni
stong gsal dbyer med rig pa'i klong
'gyur med chos sku'i pho brang ngo
ma dag sems can phyi dbyings ni
stong pa ris med 'dus ma byas
de las sa rdo'i snang bar gyur
sems can rnams kyi yul yin no
de ni chos dbyings ye shes so
me long lta bu'i ye shes ni
dper na me long dkyil 'khor dwangs pa la
gang bstan rkyen de 'ong ba bzhin
de bzhin rig pa dri med la
452
nyon mongs rkyen gyi dbang du 'gyur
de las grol ba'i rig pa ni
ngo sprod nang du shes par bya
de la mtshan ma'i grol lugs ni
sna tshogs snang ba shes rig yul
blo la snang ba'i the tshom rnams
rig pa'i ngang du rdzogs pa'o
blo dang dngos po'i chos rnams kyang
rig pa ye shes ngang du rdzogs
de yang nges tshig 'di lta ste
sna tshogs shes rab don la spyod pas me
de la rtogs shing goms pas long
me long ye shes de bzhin no
mnyam nyid ye shes don sbyor ni
chos rnams mnyam pa'i ngo bo la
gang gi'ang phyogs su ma lhung ba'o
mnyam nyid sangs rgyas kun gyi rje
chos rnams dus gcig rdzogs pa'o
mnyam nyid nges tshig 'di lta ste
chos nyid rgya chad med pas mnyam
rig pa don dang ldan pas nyid
mnyam pa nyid kyi ye shes so
so sor rtogs pa'i ye shes ni
bya byed bral ba'i rig par rtogs
de yang rtogs lugs rnam pa mang
'og nas byung ba'i tshig tu bstan
de yang nges tshig 'di lta ste
dbang po nyi shu rtsa gcig yod pa'i phyir
453
so sor rtog zhes de la bya
so sor rtog pa'i ye shes de bzhin no
bya ba grub pa'i ye shes ni
cir snang rig pa'i ngang du rdzogs
bya byed rtogs pa'i ngang du rdzogs
bya med rtog med ngang du rdzogs
bya ba btang ba'i rnal 'byor de
yang dag sa la dal bas 'grub
de ltar ye shes chen po'i don
rtogs na yang dag nges par grol
ma rtogs pa yi sems can la
tshig re don res go bar 'gyur
de phyir tshig dang don 'brel zhing
tshig gis don chen mtshon par byed
des na tshig don 'brel pas brtags
mtshon pa'i tshig dang yi ge ni
yang dag nyid la med mod kyang
blo yi the tshom bsal ba'i phyir
tshig la rtag tu 'dris par bya
zhes rig pa rang shar chen po'i rgyud las
ye shes lnga'i don bsdus te bstan pa'i le'u ste bcu drug pa'o
@17
de nas yang gsang ba'i bdag pos 'di skad ces gsol to
kye ho bcom ldan thugs rje chen po dang ldan pa ye shes lnga'i don de ltar lags na
ye shes nyi shu rtsa lnga'i don gsung du gsol
454
zhes zhus so
de nas yang bka' stsal pa
kye ho gsang ba'i bdag po nyon cig
ma yengs par sems kyi rtog sol cig
ye shes nyi shu lnga ni 'di lta ste
de yang dbyings kyi ye shes dang
chos kyi dbyings kyi ye shes gnyis
dbyings rnam par dag pa'i ye shes dang
dbyings chen po'i ye shes gnyis
dbyings thams cad gnyis su med pa'i ye shes dang lnga'o
ma ba
me long lta bu'i ye shes dang
me long chen po'i ye shes gnyis
rtog med gsal ba'i ye shes dang
rtog med dang sa pa'i ye shes gnyis
gsal ba 'dzin med chen po'i ye shes dang lnga'o
ha ta
mnyam pa nyid kyi ye shes dang
mnyam pa nyid ma 'gags pa'i ye shes gnyis
mi g.yo mnyam pa nyid kyi ye shes dang
mi 'gag pa mnyam pa nyid kyi ye shes gnyis
ci la yang mi gnas pa mnyam pa nyid kyi ye shes dang lnga'o
ma la nga
455
so sor rtog pa'i ye shes dang
don thams cad rab tu 'byed pa'i ye shes gnyis
rtogs pa skad cig ma la skyes pa'i ye shes dang
sgra thams cad rnam par sel ba'i ye shes gnyis
sgra dang tshig la mi gnas par go ba'i ye shes dang lnga'o
ka bya ba grub pa'i ye shes dang
bya ba thams cad byed pa'i ye shes gnyis
bya ba la mi gnas pa'i ye shes dang
bya ba btang ba'i ye shes gnyis
sgro 'dogs thams cad chod pa'i ye shes dang lnga'o
dhi mu a
de nas yang gsang ba'i bdag pos 'di skad ces gsol to
kye ho bcom ldan ye shes bdag
ye shes dbye ba de ltar na
ye shes mtshon tshig gsung du gsol
zhes zhus so
rdo rje 'chang gis bka' stsal pa
kye ma gsang ba'i bdag po khyod
yengs med rtse gcig sems kyis nyon
rnam dag chos nyid bdal ba'i klong
rnam par dag pa'i dbyings su bshad
rtog med bsam pa kun spangs shing
456
dbyings chen gsal ba'i ye shes yin
phyi nang stong pa ris med ni
dbyings kyi ye shes chen por 'dod
phyi nang gsang ba'i tshig rnams rdzogs
chos kyi dbyings kyi ye shes yin
gnyis med don ldan rdo rje'i don ston pa
gnyis med dbyings kyi ngo bor 'dod
'gag med gsal gdangs chen po'i don
me long lta bu'i ye shes so
dag pa gsal dwangs ngo bo la
dag pa'i snang ba dus gcig rdzogs
me long ye shes chen po yin
rnam rtog yid med sems med la
chags pa'i 'dzin pa ma zhugs la
rtog med gsal ba'i ye shes yin
'od snang ma 'gags gsal ba la
yid kyi rtog pa ma 'gyus pas
rtog med dwangs pa'i ye shes yin
gsal bya gsal byed chos dang bral
de la rnam rtog ma 'gyus na
gsal ba 'dzin med ye shes yin
chos nyid mnyam pa ma 'dres pa
mnyam pa nyid kyi ye shes yin
457
ma 'gags so so'i mtshan 'dzin pa'i
mnyam nyid ma 'gags ye shes yin
mi g.yo ba ni sku yi rgya
rgya chad phyogs lhung med pa ni
mi g.yo mnyam nyid ye shes yin
mi 'gag gsal dwangs chen po la
yid kyi rtog pa gsal ba ni
mnyam nyid mi 'gag ye shes yin
ci la mi gnas ye shes kun gyi rtse
mtshan ma rang sar grol ba ni
ci la mi gnas mnyam nyid ye shes yin
blo la snang ba'i the tshom thams cad ngo bor grol
so sor rtog pa'i ye shes yin
sna tshogs gcig tu sdud pa ste
de la dbye na don rnams 'byed
don rnams 'byed pa'i ye shes yin
rtogs pa'i don las mi 'da' zhing
skad cig gsum la grol byed pas
skad cig skye ba'i ye shes yin
sgra tshig rig pa'i ngo bor 'das
tha snyad gcig la rdzogs pa'i phyir
sgra rnams sel ba'i ye shes yin
sgra tshig thams cad rang la rdzogs
rig pa'i klong du tshig rnams 'das
458
tshig la mi gnas ye shes yin
rang rig 'dzin pa'i chos las grol
tha snyad btags pa'i ming spangs shing
bya ba grub pa'i ye shes yin
thugs rje'i 'od zer phyogs bcur 'phro
sprul pas 'gro ba'i don byed phyir
bya ba byed pa'i ye shes yin
ye shes 'gyur med ngang la bya ba btang
dngos po mtshan ma'i chos las 'das pa ni
bya ba mi gnas ye shes yin
rig pa rtog med gsal ba la
shes pa ngang gis dal ba ni
bya ba btang ba'i ye shes yin
phyi nang gsang ba'i chos rnams kun
rig pa'i klong du kun 'das pas
sgro 'dogs chod pa'i ye shes yin
de ltar ye shes don sbyar ni
gang zhig mya ngang 'da' 'dod pas
'di la gnas na gnyis med thob
sku gsum la phyir mi ldog
ye shes mtshon dpe de bzhin no
zhes rig pa rang shar chen po'i rgyud las
ye shes nyi shu rtsa lngar dbye ba'i le'u ste bcu bdun pa'o
@18
de nas yang gsang ba'i bdag pos 'di skad ces gsol to
kye kye bcom ldan 'od lnga'i bdag
ye shes don sbyor de ltar na
459
'od lnga'i snang ba gsung du gsol
zhes zhus so
de nas yang bka' stsal pa
kye ma gsang bdag rdo rje 'dzin
'od la dbye ba bsam gyis mi khyab ste
de yang mdor bstan yid la zung
dag pa ye shes 'od dang ni
ma dag 'khrul pa'i 'od du 'dod
de yang bshad lugs 'di lta ste
ma dag 'khrul pa'i 'od la drug
dbang po tha ma'i tha ma la
dkar por 'char dang ser por 'char
dmar por 'char dang ljang gu'o
de bzhin mthing gar 'char ba'o
ban bun dag tu 'char bar 'dod
de ni ma dag 'khrul pa'i 'od
ma dag sems can 'khrul pa la
dag pa'i 'od lnga 'di ltar yod
de yang rigs drug sems can la
kha dog lnga yi gnas lugs drug
rdo rje sems dpa' nga yis bshad
de yang rtogs dang ma rtogs gnyis
rtogs dang ldan pa'i gang zag la
'od lnga sku lngar 'char ba'o
ma rtogs sems can thams cad la
mi la mtshon du yod pa'o
lha rnams la ni bltar yod pa'o
lha ma yin la phra bar yod
460
byol song rang gnas tsam du yod
yi dags rnams la 'phrigs par snang
dmyal ba'i yul la til 'bru tsam
de bzhin 'od drug gnas pa'o
de ni ma dag 'khrul pa'i 'od
dag pa ye shes 'od snang ni
rtogs dang ldan pa'i gang zag la
snang ba 'di la snang lugs dang
bar ma do la snang lugs dang
'khrul snang 'od la snang lugs so
snang ba 'di la snang lugs ni
ye shes chen po'i snang lugs de
gnas ni cit ta'i dkyil na gnas
lam ni rgya mtsho'i nang nas 'byung
yul ni nam mkha' stong pa'i
lus ni sku dang ye shes so
spyan ni shes rab sgron ma'o
snying po kun gsal me long ngo
dper mtshon man shes dri med bzhin
dus ni chos nyid bar do'i
rin chen sbubs las mthar phyin no
snang ba 'di la snang lugs so
bar ma do la snang lugs ni
nyi shu rtsa gcig snang lugs dang
dag pa gcig chod snang lugs so
nyi shu rtsa gcig snang lugs ni
'og nas 'byung ba'i tshig tu bstan
dag pa gcig chod snang lugs ni
461
ye shes dag pa'i nam mkha' la
'od lnga 'gyur med gsal ba ni
de yang tshom bu lnga lnga dang
yab yum tshul du 'char ba'o
de yang kha dog 'di lta ste
mthing ga rnam par snang mdzad sku
ye shes chos dbyings ye shes te
yum ni nam mkha'i dbyings phyug ma
'byung ba stong pa nam mkha' yin
phung po gzugs kyi phung po yin
sa ni bye ba rdzogs pa'i sa
de bzhin gshegs pa'i rigs su bshad
dkar po rdo rje sems dpa'i sku
ye shes me long ye shes te
yum ni sangs rgyas spyan du 'dod
'byung ba bskyed pa'i sa chen po
phyung po rnam shes phung po ste
sa ni sna tshogs 'byung ba'i sa
rigs ni rdo rje'i rigs su bshad
ser po rin chen 'byung ldan sku
ye shes mnyam nyid ye shes so
yum ni ma ma ki ru 'dod
'byung ba chu bo chen po ste
phung po tshor ba'i phung po'o
sa ni bya ba btang ba'i sa
rigs ni rin chen rigs su bshad
dmar po snang ba mtha' yas sku
ye shes sor rtogs ye shes yin
462
yum ni gos dkar yum chen mo
'byung ba sreg byed me yin no
phung po 'du shes phung po'o
sa ni rnam par ston pa'i sa
rigs ni pad ma'i rigs su bshad
ljang gu don yod grub pa'i sku
ye shes bya grub ye shes yin
yum ni dam tshig sgrol mar 'dod
'byung ba 'degs byed rlung yin no
phung po 'du byed phung po'o
sa ni bya ba zin pa'i sa
rigs ni las kyi rigs su bshad
de bzhin dag pa'i snang ba'o
sems can kun la de bzhin no
rang rang lus la gnas pa'o
bar do la yang de bzhin 'char
thams cad de yi klong du yang
nga yis bshad cing bstan pa'o
'od dang sku dang ye shes dang yum dang 'byung ba phung dang
sa dang rigs su bshad pa'o
bar ma do la de ltar snang
rtogs pa'i blo la de ltar ro
zhes bka' stsal to
zhes rig pa rang shar chen po'i rgyud las
'od lnga sku dang sbyar ba'i le'u bco brgyad pa'o
463
@19
de nas yang gsang ba'i bdag pos 'di skad ces gsol to
kye kye bcom ldan 'byung ba'i bdag
'od kyi don sbyor de ltar na
'byung ba'i dkyil 'khor gsung du gsol
zhes zhu ba zhus so
de nas yang bka' stsal pa
kye ho gsang ba'i bdag po nyon
'byung ba lnga yi mtshan nyid ni
ngas bstan khyod kyis go bar gyis
'byung ba chen po bcom ldan 'das
'gro ba kun la rang bzhin gnas
khams gsum sems can thams cad ni
'byung ba lnga yi dbyings la spyod
'byung ba med pa'i sngon rol du
sangs rgyas sems can ming yang med
'byung ba lnga nyid ma yi dbyings
'byung ba lnga las ma grub pa'i
skye 'gro sems can gcig kyang med
de la gnas pa'i sems can gyi
'byung ba rnam pa gnyis su bstan
phyi 'byung dang ni nang 'byung ngo
phyi yi 'byung ba 'di lta ste
sa dang chu dang me dang ni
de bzhin rlung dang nam mkha'o
'byung ba lnga yi mtshan nyid ni
'byung ba'i rgyu ni sa yin no
464
'byung ba'i shes rab me yin no
'byung ba'i sprul pa rlung yin no
'byung ba'i bdag po chu yin no
'byung ba'i chos nyid nam mkha'o
de ltar 'byung ba chen po lnga
phyi yi 'byung ba chen por 'dod
de nas yang zhus pa
kye kye bcom ldan 'byung chen bdag
'byung ba'i nges tshig gsung du gsol
zhes zhus so
'byung bdag chen pos bka' stsal pa
a ho gsang ba'i bdag po nyon
'byung ba'i nges tshig 'di lta ste
byas pas ma byung 'byung ba lhun gyis grub
thams cad skyed par byed pas 'byung ba chen po yin
'gro ba yongs la khyab pas 'byung ba chen po yin
cig car skyes pas 'byung ba chen po yin
rang la yod pas 'byung ba chen po yin
'byung ba med pas 'byung ba chen po yin
mthun par snang bas 'byung ba chen po yin
don byed nus pas 'byung ba chen po yin
'byung ba'i nges tshig de bzhin no
yang zhus pa
kye kye bcom ldan bdag nyid ldan
'byung ba chen po'i nges tshig de ltar na
'byung ba'i don sbyor gsung du gsol
zhes zhus so
rdo rje 'chang gis bka' stsal pa
465
kye kye 'dus pa'i 'khor tshogs nyon
'byung ba'i don sbyor 'di lta ste
chos sku gdod nas dag pa'i rang bzhin la
ngo bo 'gyur ba med pas 'byung ba sa yang yin
rig pa'i ye shes don la spyod pas 'byung ba me yang yin
rig pa'i ye shes ma bskyod dbyings su shes pas 'byung ba rlung yang yin
rig pa'i ye shes sku gsum gcig tu dril bas 'byung ba chu yang yin
stong gsal gnyis med ngang du thim pas 'byung ba nam mkha' yin
'byung ba'i don sbyor de bzhin no
'byung ba chos nyid chen po ni
kun la de ltar snang ba'o
snang ba 'gag med 'byung ba'i cho 'phrul yin
rig pa 'gyur med 'byung ba'i ngo bo yin
de ltar 'byung ba chen po nyid
sangs rgyas bas kyang nga sngar byung
'byung ba chen po lnga nyid ni
rang las byung zhing rang la rdzogs pa'o
'byung ba'i gtan tshigs de bzhin no
sangs rgyas rnams kyi thugs rje ni
'byung ba lnga ru snang ba'o
'byung ba chen po'i klong dkyil du
rang byung ye shes gter du sbas
466
stong pa nyid kyi pho brang du
dag pa'i snang ba gter du sbas
ye shes dbyings kyi klong dkyil du
sku lnga 'gyur med gter du sbas
chos nyid bar do'i snang ba la
rig pa'i ye shes gter du sbas
nyon mongs lnga yi gting rum du
rig pa 'gag med gter du sbas
bag chags 'khrul pa'i klong dkyil du
shes rab gsal ba ger du sbas
de ltar sangs rgyas du ras na
rang gi snying gi dkyil du sbas
gter chen de rnams rtogs par bya
zhes rig pa rang shar chen po'i rgyud las
phyi'i 'byung ba lnga bstan pa'i le'u ste bcu dgu pa'o
rga ma ka cha
@20
de nas 'dus pa'i 'khor rnams kyis 'di skad ces gsol to
kye kye bcom ldan thugs rje chen po dang ldan pa
phyi'i 'byung ba de ltar lags na
nang gi 'byung ba gsung du gsol
zhes zhus so
yang bka' stsal pa
e ma ho
ngo mtshar che ba'i chos ngas bstan gyis legs par nyon
'byung ba chen po lnga ni rang gi lus la tshang ngo
de yang rlung rnam pa lngas ye shes kyi gdangs byed do
467
mi rnam pa lngas ye shes kyi rtsa la byed do
sa lnga yis ye shes kyi ngo bo byed do
chu lngas ye shes kyi yul byed do
nam mkha' rnam pa lngas ye shes kyi gnas byed do
rlung rnam pa lnga gang zhe na
srog 'dzin pa'i rlung dang
bkrag dang gzi mdangs skyed pa'i rlung dang
me dang mnyam du gnas pa'i rlung dang
kun la khyab byed kyi rlung dang
snying rje med pa bskal pa las kyi rlung dang lnga'o
rlung nge rnams sems can kun gyi lus kyi mgo mjug na gnas so
me lnga ste
phyi nang kun la gsal gyi me dang
phyi nang kun tu khyab byed kyi me dang
phyi nang kun mnyam pa'i me dang
phyi nang gi bya ba rtogs pa'i me dang
phyi nang gi bya ba grub pa'i me dang lnga'o
sa la yang lnga ste
kun tu snang ba'i sa dang
mi 'gyur ba rdo rje'i sa dang
468
thams cad 'byung ba rin po che'i sa dang
snang ba ston pa kun tu mtha' yas pa'i sa dang
bsgrub pa mthar phyin pa'i sa dang lnga'o
chu rnam pa lnga ni
'gyur ba med pa'i chu dang
zhi ba gsal dag gi chu dang
yon tan 'byung ba rgyas pa'i chu dang
chags pa med pa'i chu dang
'dzin med rdzogs pa'i chu dang lnga'o
nam mkha' lnga ni
spyi kun la khyab pa'i nam mkha' dang
yul med gsal gdangs kyi nam mkha' dang
ma 'dres pa dag pa'i nam mkha' dang
don mtshon byed kyi nam mkha' dang
dag pa'i zhing du bgrod byed kyi nam mkha'o
de ltar 'byung ba rnam pa lnga nyid rang la rang bzhin gyis gnas pa'o
de yang bshad lugs 'di ltar yin no
srog 'dzin pa'i rlung la'ang lnga ste
rtsa ba 'dzin pa'i srog dang
469
skyob byed skyi srog dang
rnam par phra ba'i srog dang
mi gtsang ba'i srog dang
rnam par 'dar byed kyi srog dang lnga'o
de dang lhan cig gnas pa'i rlung la yang lnga ste
dangs snyigs 'byed pa'i rlung dang
drod bskyed pa'i rlung dang
gsal 'byur gyi rlung dang
rnam par sdud pa'i rlung dang
rnam par gzengs bstod pa'i rlung dang lnga'o
bkrag dang gzi mdangs skyed pa'i rlung la yang lnga ste
rnam par shes pa skyed pa'i rlung dang
rnam par yid 'byung ba'i rlung dang
rnam par mdangs dang ldan pa'i rlung dang
rnam par slad pa'i rlung dang
rnam par rgod pa'i rlung dang lnga'o
rnam par khyab byed kyi rlung la yang lnga ste
gzhi la khyab byed kyi rlung dang
'phral du khyab byed kyi rlung dang
sdangs shing skrag pa khyab byed kyi rlung dang
470
dran pa khyab byed kyi rlung dang
'dzin pas lus kun khyab pa'i rlung dang lnga'o
snying rje med pa bskal pa las kyi rlung la yang lnga ste
rnam par skyod byed kyi rlung dang
rnam par sgrol byed kyi rlung dang
rnam par zlog byed kyi rlung dang
rnam par 'gyur byed kyi rlung dang
skad cig ma'i rlung dang lnga'o
de ltar rlung lnga'i rang bzhin du
sems can kun la gnas pa'o
yang dag pa'i sa la skyod par byed pa'i phyir na
skyod byed kyi rlung zhes bya'o
dag pa ye shes kyi srog 'dzin pa'i phyir na
srog 'dzin pa'i rlung zhes bya'o
ye shes kyi 'od lnga rang chas su yod pa'i phyir na
bkrag dang gzi mdangs skyed pa'i rlung zhes bya'o
shes rab kyis yang dag pa'i dbyings su sgrol nus pa'i phyir na
snying rje med pa bskal pa las kyi rlung zhes bya'o
ye shes kyi snang ba dang 'du 'bral med pa'i phyir na
me dang mnyam du gnas pa'i rlung zhes bya'o
rlung thams cad la don de bzhin du gnas so
471
zhes rig pa rang shar chen po'i rgyud las
nang gi 'byung ba lnga'i dbye ba bstan pa'i le'u ste nyi shu pa'o
@21
de nas yang gsang ba'i bdag pos 'di skad ces gsol to
kye kye bcom ldan 'das pa'i sku
dus gsum sangs rgyas thams cad kyi
dgongs pa'i gnas lugs gsung du gsol
zhes zhus so
de nas yang bka' stsal pa
kye ho 'dus pa'i 'khor tshogs mkha' 'gro ma dang bcas pa nyon cig
dus gsum sangs rgyas thams cad kyi dkyil 'khor yongs su rdzogs pa ni
rang gi rig pa 'gyur med byang chub sems las thams cad byung
rtag par rdo rje'i don ldan thams cad gnyis med gcig gi dang
gcig shes gyur na chos nyid bde chen mthong zhing de la spyod
cit ta'i dkyil 'khor 'od du gsal bas 'das pa'i sangs rgyas dngos
bar do'i snang ba ma 'gags lam du 'char bsam 'ongs sangs rgyas dngos
byang chub lam gyi sgron ma yul la snang bas da lta'i sangs rgyas dngos
dus gsum sangs rgyas dgongs pa tshad mar bzhag pa yin
472
dus gsum sangs rgyas gzhan la med par rang byung rang la thim
sangs rgyas rnams kyi dgongs pa lag bcangs yin par rdo rje sems dpas bstan
de yang dus gsum sangs rgyas mtshan brjod 'di lta ste
thog med dus na 'das pas mar me mdzad du bshad
phyi sa 'byung yul du med pas byams pa chen por bshad
cha lugs mngon par snang zhing gzhan don byed pas shag thub chen por bshad
de bzhin dus gsum sangs rgyas ni
rang gi snang ba chen por bshad
de yang lus ngag yid gsum mo
ngag ni 'das pa'i sangs rgyas yin
yid ni ma 'ongs sangs rgyas yin
lus ni da lta'i sangs rgyas so
sangs rgyas rnam gsum de ltar gnas
'gyur med byang chub sems la 'khrul pa ga la yod
'khrul med byang chub sems ni 'gro ba yongs la khyab
byang chub snying po sangs rgyas kun dang mnyam
rang rig sgron ma rang snang 'od kyi yul
kun la gnas te rang gsang thabs kyis chod
dus gsum sangs rgyas dgongs pa'i mchog don yin
473
sangs rgyas kun dang mi g.yo mnyam par gnas
dus gsum sangs rgyas thams cad ni
sku gsung thugs la thams cad 'dus
gsung ni 'das pa'i sangs rgyas so
thugs ni ma 'ongs sangs rgyas so
sku ni da ltar bzhugs pa'o
dus gsum sangs rgyas thams cad ni
sku gsum ngang du 'dus pa'o
chos kyi sku ni 'das pa'i sangs rgyas yin
longs sku slad kyis 'byon pa'o
sprul sku da ltar bzhugs pa'o
de yang chos sku'i ngang la rdzogs
chos sku 'od lnga'i snang bas khyab pas longs spyod rdzogs pa'i sku
chos sku cir yang snang bas sprul pa'i sku
chos sku bsam pa kun dang bral bas chos kyi sku yi chos sku yin
chos sku brjod pa'i mtha' dang bral bas 'das pa yin
chos sku yul du med pas slad kyis 'byon pa yin
chos sku da ltar bstan du yod pas da ltar bzhugs pa yin
de yang rig pa'i ngang la rdzogs
rig pa 'dzin pa med pas chos kyi sku yi rang bzhin yin
rig pa'i snang ba 'gag med pas longs sku'i rang bzhin yin
474
rig pa sna tshogs cir yang 'char bas sprul pa sku yi rang bzhin yin
de ltar rig pa'i ngang la chos rnams thams cad rdzogs
rig pa skye med shes na chos rnams kun gyi mchog gam rtse mo yin
rig pa 'gag med shes na chos rnams kun gyi me long yin
rig pa 'gyur med shes na chos rnams kun gyi 'bras bu yin
rig pa phyogs med shes na chos rnams kun gyi lta ba yin
rig pa rtog med shes na chos rnams kun gyi 'khyer so yin
rig pa rang snang shes na chos rnams kun gyi 'byung gnas yin
rig pa'i 'gros shes na chos rnams kun gyi bzhag sa yin
rig pa gnyis snang shes na chos rnams kun gyi rang yul yin
dig pa sems med shes na chos rnams kun gyi dri med yin
rig pa yid med shes na chos rnams kun gyi gzhi med yin
pa thig ler shes na chos rnams kun gyi 'gros yin
rig pa 'od lngar shes na chos rnams kun gyi rang lus yin
rig pa dmigs med shes na chos rnams kun gyi gnas sa yin
475
rig pa byar med shes na chos rnams kun gyi spyod pa yin
rig pa mtshon dpe shes na chos rnams kun gyi dper mtshon yin
rig pa'i rang rtags shes na chos rnams kun gyi zer thag yin
rig pa'i dngos po shes na chos rnams kun gyi sa bon yin
rig pa'i cho 'phrul shes na chos rnams kun gyi grogs su bstan
rig pa'i rtsa ba shes na chos rnams kun gyi sdong po yin
rig pa'i 'grogs zla shes na chos rnams kun gyi spang bya yin
rig pa'i dkyil 'khor shes na chos rnams kun gyi thugs yin
de ltar blo yi the tshom bsal nas rig pa'i rtogs lugs yin
zhes rig pa rang shar chen po'i rgyud las
dus gsum gyi sangs rgyas kyi dgongs pa bstan pa'i le'u ste nyi shu rtsa gcig pa'o
@22
de nas yang gsang ba'i bdag pos 'di skad ces gsol to
kye kye bcom ldan thugs rje ldan
dus gsum dgongs pa de ltar na
sems can grol lugs bshad du gsol
zhes zhus so
476
kye ma gsang ba'i bdag po nyon
sems can la yang gnyis kyis bshad
rtogs pa dang ni ma rtogs pa'o
grol lugs la yang rnam gnyis so
ma dag 'khor bar grol lugs dang
dag pa ye shes grol lugs so
ma dag 'khor ba'i grol lugs ni
rnam rtog 'khor ba kha na ste
ngu 'bod chen po'i gnas dang ni
shin tu bkres pa'i gnas dag dang
rmugs shing myos pa'i gnas chen dang
rab tu rags pa'i gnas dang ni
de bzhin cha mnyam gnas chen dang
shin tu dga' ldan gnas su bshad
ma rtogs pa yi sems can la
de las 'gro sa med pa'o
bden pa mthong ba'i sems can ni
rtogs pa rgyud la ma skyes kyang
phyogs bcu sprul pa'i zhing khams su
gnas nas mthar phyin grol bar 'gyur
477
de ni ma rtogs grol lugs so
rtogs pa rnams kyi grol lugs ni
la la 'od lnga'i dbyings su grol
la la sku lnga'i dbyings su grol
la la tshom bu lnga yis grol
la la me long dbyings su grol
la la mu khyud dbyings su grol
la la steng 'og tshom bur grol
la la mu khyud stong par grol
de ni 'bring gi grol lugs so
la la kha dog dkar por grol
la la kha dog ser por grol
la la kha dog dmar por grol
la la kha dog ljang gur grol
la la kha dog mthing gas grol
la la kha dog lnga kas grol
la la thig le zer gyis grol
de ni tha ma'i grol lugs so
la la skad cig gsum gyis grol
478
la la me long gnyis dang tshom bu lnga yis grol
la la yab dang yum gyis grol
la la snang ba mer mer shig shig gis
rang gi bden pa skyes te grol
la la thugs rje'i 'od zer gyis
la la tshom bu gnyis kyis grol
la la cir snang sku'i rang bzhin dag gis grol
de ni rab kyi grol lugs so
rtogs pa rnams kyi grol lugs de bzhin no
yang zhus pa
kye kye bcom ldan rtogs pa'i bdag
rtogs pa'i sems can rnams dang ni
ma rtogs 'khor ba'i sems can gnyis
khyad par gang lags gsung du gsol
zhes zhus so
yang bka' stsal pa
e ma ho
gsang ba'i bdag po nyon
ngas bstan legs par yid la zung
rtogs dang ma rtogs khyad par ni
ngo sprod nyi shu rtsa gcig go
ngo sprod brtan pa rtogs pa'i mchog
ma bstan grol bar ga la 'gyur
sangs rgyas thams cad dgongs pa ni
ngo sprod nang du shes par bya
479
de ltar ngo sprod bstan gyur na
sangs rgyas bden pa mthong ba yin
sangs rgyas rnams kyi bden pa ni
'od snang dag pa'i gzigs snang mkhyen
dag pa'i zhing la mthar phyin 'gyur
rnam dag lam la rab gnas shing
dag pa'i dbyings su gnyis med thim
thim nas 'od zer phyogs bcur 'phro
nyon mongs rtog pa sel bar 'gyur
ye shes dag pa'i spyod yul ni
snang ba 'gag med so sor gsal
thugs rje 'gag med phyogs bcur 'phro
ye shes 'gag med yul la snang
sgron ma 'gag med kun la khyab
shes rab 'gag med don la spyod
'gag med rnam dag chos dbyings 'di
kun dang mi mnyam rang gi thugs la 'chang
rdo rje'i don nyid pho brang 'gyur med do
zhes rig pa rang shar chen po'i rgyud las
sems can gyi grol lugs bstan pa'o le'u ste nyi shu rtsa gnyis pa'o
@23
de nas yang gsang ba'i bdag po dang
mkha' 'gro rnams kyis 'di skad ces gsol to
kye kye bcom ldan yi ge'i bdag
yi ge'i 'bru bshad gsung du gsol
480
zhes zhus so
rdzu 'phrul can gyis bka' stsal pa
a ho nye ba'i 'khor rnams nyon
ngas bstan legs par yid la zung
sangs rgyas thams cad dgongs pa ni
tshig dang yi ge med pa la
tshig dang yi ge ltar snang ste
'on kyang tshig gis don chen 'grol
de yang yi ge'i 'bru la 'dus
de rnams don bshad 'di lta ste
yi ge thams cad bskyed pa'i rgyu
ka la yang dag rdzogs par grags
chos rnams kun gyi mtha' sdud ni
yi ge a la rdzogs pa'o
chos rnams kun gyi nam mkha' ni
yi ge kha la rdzogs pa'o
chos rnams kun gyi dri med ni
yi ge ga la rdzogs pa'o
chos rnams kun gyi rig pa ni
yi ge nga la rdzogs pa'o
chos rnams kun gyi rol pa ni
yi ge rtsal rdzogs pa'o
chos rnams kun gyi dri med ni
yi ge tshal rdzogs pa'o
chos rnams kun gyi snang ba ni
yi ge dza la rdzogs pa'o
chos rnams kun gyi nyams myong ni
yi ge wa la rdzogs pa'o
chos rnams kun gyi rtag pa ni
yi ge ta la rdzogs pa'o
chos rnams kun gyi dkyil 'khor ni
481
yi ge tha la rdzogs pa'o
chos rnams kun gyi chad pa ni
yi ge da la rdzogs pa'o
chos rnams kun gyi rang lus ni
yi ge na la rdzogs pa'o
chos rnams kun gyi bstan pa ni
yi ge ta la rdzogs pa'o
chos rnams kun gyi stong pa ni
yi ge tha la rdzogs pa'o
chos rnams kun gyi rig pa ni
yi ge da la rdzogs pa'o
chos rnams kun gyi ma rig ni
yi ge na la rdzogs pa'o
chos rnams kun gyi gzhi ma ni
yi ge pa la rdzogs pa'o
chos rnams kun gyi chos sku ni
yi ge pha la rdzogs pa'o
chos rnams kun gyi longs sku ni
yi ge ba la rdzogs pa'o
chos rnams kun gyi sprul sku ni
yi ge ma la rdzogs pa'o
chos rnams kun gyi stong lam ni
yi ge ya la rdzogs pa'o
chos rnams kun gyi bzhag thabs ni
yi ge ra la rdzogs pa'o
chos kyi skad cig ma gsum ni
yi ge la la rdzogs pa'o
chos rnams kun gyi 'gag med ni
yi ge sha la rdzogs pa'o
chos rnams kun gyi ye shes ni
yi ge sha la rdzogs pa'o
chos rnams kun gyi 'char lugs ni
482
yi ge sa la rdzogs pa'o
chos rnams kun gyi la gcod ni
yi ge ha la rdzogs pa'o
chos rnams kun gyi shes rab ni
yi ge ka sha la rdzogs pa'o
chos rnams kun gyi thugs ni
yi ge ka pa ga la rdzogs pa'o
chos rnams kun gyi rang bzhin ni
yi ge gha dzha dha ngah bha la rdzogs pa'o
de bzhin yi ge'i don sbyar rnams
kun la de bzhin shes par bya
yi ge'i mtshan dang 'bod pa rnams
'di ltar kun la shes par bya
yi ge'i gnas dang longs spyod dang
'di ltar kun la shes par bya
de la 'dogs dang yan lag ni
gu gu 'od kyi yi ger bshad
'greng bu lam gyi yi ger bshad
na ro dbyings kyi yi ger bshad
klad skor chos nyid yi ger bshad
de ni gong gi yi ge bzhi
sgron ma'i yi ger 'dod pa'o
zhabs kyu thugs rje'i yi ger bshad
ya ta khyab pa'i yi ger bshad
ra ta 'char ba'i yi ger bshad
de la 'dogs ni gang byung ba
'dogs dang sbyar te bshad pa'o
yang zhus pa
kye kye bcom ldan rdo rje 'chang
yi ge'i 'bru bshad de ltar na
yi ge'i 'dogs bshad gsung du gsol
483
zhes zhus so
de nas yang bka' stsal pa
a ho gsang ba'i bdag po nyon
yi ge'i 'dogs bshad 'di lta ste
yi ge thams cad 'dogs kyis bshad
yan lag 'dogs kyi dbang du bshad
de la yi ge thams cad kyi
bshad lugs gnyis su 'dus pa ste
mya ngan 'das pa'i bshad lugs dang
'khor ba'i yi ge'i bshad lugs so
mya ngan 'das pa'i yi ge ni
'dogs dang yan lag bshad pa'o
ma dag 'khor ba'i yi ge ni
dang po ma la bshad pa'o
de ltar bshad lugs rnam gnyis kyis
yi ge kun gyi don 'grol lo
de yang 'di ltar bshad par bya
ko ko
ke ke
ki ki
ku ku
kya kya
kra kra
kam ka
kho kho
khe khe
khi khi
khu khu
khya khya
khwa khwa
kham kha
go go
ge ge
gi gi
gu gu
gya gya
gra gra
gi ga
gho gho
ghe ghe
ghi ghi
ghu ghu
ghya ghya
ghra ghra
gham gha
ngo ngo
nge nge
ngi ngi
ngu ngu
nga ya nga ya
nga ra nga ra
ngam nga
tso tso
tse tse
tsi tsi
tsu tsu
tsa wa tsa wa
tsa ra tsa ra
tsam tsa
tsho tsho
tshe tshe
tshi tshi
tshu tshu
tsha ya tsha ya
tsha ra tsha ra
484
tsham tsha
dzo dzo
dze dze
485
re re
ri ri
ru ru
486
ba tha ba
de ltar yi ge don sbyar na
chos nyid gzhi la de bzhin sbyor
de ni 'dog kyi dbang du bshad pa'o
yan lag dbang du bshad pa 'di lta ste
rgyas par gong du bshad pa'o
mdo tsam bstan pa 'di lta ste
487
ghyom
488
bhyom
yan lag bshad lugs de bzhin no
de yang bshad lugs 'di lta ste
'dogs dang yan lag 'brel ba la
bshad lugs 'dogs kyi bshad pa'o
yi ge'o 'bru ni don la sbyar
yi ge bshad lugs sgra ltar bshad
yi ger dang la ni tsa med pa'o
489
yi ge'i dpe mtshon don sbyor ni
de bzhin kun la gnas pa'o
zhes bka' stsal to
zhes rig pa rang shar chen po'i rgyud las
yi ge'i 'bru bshad bstan pa'i le'u ste nyi shu gsum pa'o
@24
de nas yang gsang ba'i bdag pos zhus pa
kye kye bcom ldan rnam dag sku
yi ge'i bshad lugs de ltar na
rig pa'i bzhag thabs gsung du gsol
zhes zhus so
rdo rje'i sku yis bka' stsal pa
kye ho gsang ba'i bdag po nyon
khyod kyi don brjod ci ltar yin
ces bka' stsal pa
gsang ba'i bdag pos 'di skad smras
kye kye bcom ldan thugs rje can
bdag gi don brjod 'di ltar lags
phyag gi don ni 'dzin pa ste
rdo yi don ni rig pa lags
rje yi don ni ye shes la
sna tshogs rol par 'char pa lags
gsang ba rig pa'i sgron ma nyid
kun la yod de gsar ba lags
bdag gi don brjod de bzhin no
de nas yang zhus pa
kye kye bcom ldan thugs rje can
bdag gi don brjod de bzhin te
rig pa'i bzhag thabs gsung du gsol
zhes zhus so
490
de nas yang bka' stsal pa
a ho gsang ba'i bdag po nyon
rig pa'i bzhag thabs 'di lta ste
khyod kyis blo la go bar gyis
rtog med rnam dag ngo bo la
'bras bu gsal la 'dzin pa med
'dzin rtog dmigs pa'i yul med pas
byar med ngang du rig pa zhog
rkyen med pa yi ye shes la
dngos med rang gsal ting 'dzin zhog
shes pa gcig pa'i ye shes la
sna tshogs gsal ba'i ting 'dzin zhog
ye shes dag pa'i snang ba la
chu bo'i rgyun gyi ting 'dzin zhog
byas dang byed pa med pa la
'dzin med rang grol ting 'dzin zhog
rtag chad rnam gnyis blta ba la
stong gsal gnyis med ting 'dzin zhog
stong pa ye shes snying po la
sku lnga ma 'dres ting 'dzin zhog
sku dang ye shes snang ba la
rig pa rtog med ting 'dzin zhog
gsang ba cit ta'i klong dkyil du
'gyur med rig pa'i ting 'dzin zhog
nam mkha' stong pa'i klong dkyil na
sgron ma rnam gnyis ma 'gags pa
so so'i don la rig pa 'gyur med zhog
thig le stong pa'i sgron ma'i don nyid rdo rje'i sku
rig pa dbyings kyi sgron ma nam mkha' stong pa'i yul
491
dper na yi ge na ro bzhin
'gro ba yongs la khyab pa yin
zhes gsungs so
de nas yang gsang ba'i bdag pos 'di skad ces gsol to
kye kye bcom ldan thabs kyi sku
thig le stong pa'i sgron ma dang
rig pa dbyings kyi sgron ma gnyis
khyad par gang gis phye ba lags
thugs kyi dkyil nas bcud phyung ba
mos dang gus pa'i 'khor la bka' stsal 'tshal
zhes zhus so
de nas yang bka' stsal pa
kye kye rdo rje 'dzin pa nyon
ngas bstan legs par yid la zung
gsang sngags thams cad sgron ma gnyis la rdzogs
de yang khyad par 'di lta ste
thig le stong pa'i sgron ma rtsol ba'i sems dang bcas
rtsol byed yod pas sgron ma'i don ma rtogs
rig pa dbyings kyi sgron ma ni
rtsol ba'i sems dang bral zhing ye shes dbyings la spyod
de yang nam mkha' gsal la dangs pa la
rig pa mig la bcug nas ni
bltas na snang ba mthong bar 'gyur
de la yang ni 'di lta ste
dbyings la sku yis brgyan pa ni
'di ltar kun la shes par bya
492
rig pa dbyings kyi sgron ma'i dkyil
stong pa'i ye shes 'od gsal sku
'gul ba dang ni 'phrigs bzhin pa
de bzhin sna tshogs 'phro ba'o
de la brtan pa thob gyur na
'gro med 'ong med ngang du thim
'gul dang 'phrigs pa ga la yod
de ni brtan pa thob pa'o
de ltar rtogs pa skyes gyur nas
dbyings la sku yis brgyan pa ni
'di ltar kun la shes par bya
rig pa 'gyur ba med pa la
dbyings ni 'od kyi snang bar shar
nam mkha' gang bar mthong ba ni
sku la dbyings kyis brgyan pa'o
de ltar sgron ma rnam pa gnyis
'du 'bral med par rtogs pa ni
skye med don la 'du 'bral med
ka dag sa la mthar phyin grol bar 'gyur
zhes rig pa rang shar chen po'i rgyud las
rig pa'i bzhag thabs bstan pa'i le'u ste nyi shu rtsa bzhi pa'o
@25
de nas yang gsang ba'i bdag pos 'di skad ces gsol te
kye kye bcom ldan theg chen bdag
rig pa'i bzhag thabs de ltar na
theg pa'i dbye ba gsung du gsol
zhes zhus so
de nas thugs rje chen po dang ldan pa des
493
'di skad ces bka' stsal to
kye ma gsang bdag legs par nyon
ngas bstan yid kyi rtog pa sol
theg pa'i dbye ba 'di lta ste
mdo dang rgyas pa chen po dang
shin tu rgyas pa chen po'o
shin tu rgyas pa chen po ni
brgyad khri bzhi stong bsam mi khyab
rgya che grangs med chen po ste
bsam gyis mi khyab gzhal du med
brjod med bsam 'das chen po'o
rgyas pa chen po 'di lta ste
dbye ba rnam pa dgur 'dod de
nyan thos dang ni rang rgyal dang
de bzhin byang chub sems dpa'o
kri ya dang ni u pa ya
de bzhin yo ga'i theg par bshad
ma ha a nu yo ga dang
de bzhin rdzogs pa a ti'o
de ltar rnam pa dgur bshad de
chos kyi bstan pa chen po yin
de nas yang gsang ba'i bdag pos 'di skad ces gsol to
e ma bcom ldan rdo rje 'chang
theg pa'i bshad lugs gsung du gsol
zhes zhus so
yang bka' stsal pa
kye ho gsang ba rdo rje 'dzin
nga yi theg pa bsam yas kyang
bshad lugs rnam pa gnyis su 'dus
'khor ba dang ni myang 'das so
494
de yang 'khor ba 'di lta ste
log lta dang ni rtag lta'o
log pa'i theg pa 'di lta ste
'jig tshogs su ma brgya drug cur 'dod
sum brgya dbyings la bshad pa'o
drug cu'i lta ba 'di lta ste
grangs can log par smra ba dang
bye brag rang gi rgyur smra dang
ku ma ra la chen po dang
gol ba dag tu smra ba dang
rnam phug pa'i gzhung 'dzin dang
gsang ba me lnga bsten pa dang
mo ras til mar lus bsreg dang
mdung rtse'i dka' thub log spyod do
mchod dang 'tshogs pa'i dka' thub dang
sha bkol lus la byas 'thogs dang
khyi yi cha byad spyod pa dang
de bzhin mngon shes phra mo yis
sangs rgyas byin rlabs cir snang ba'i
log pa'i dka' thub spyod pa'o
rnam pa'i lta ba 'di lta ste
byed pa rgyur smra dag dang ni
byed pa lam du khyer ba dang
rtag pa don brtson chen po dang
ther zug 'gyur med smra ba dang
gnas skabs rtag par smra ba dang
rgyu la rtag par smra ba dang
'bras bu rtag par smra ba dang
rtag pa nyid la lam ltos dang
spyod pa rtag par 'dod pa dang
495
don la rtag med chad lta dang
de bzhin rtag pa'i rnam pa'o
tshad med ngan sngags gtsor byed dang
mo dang pra la gtsor byed dang
rdzu 'phrul phra mo gtsor byed dang
rtsod pa lhu ru len pa dang
dka' thub spyod pa dag dang ni
'jig rten 'di la zhen pa dang
rang gi bya ba 'dzin pa dang
lwa ba can du gyur pa dang
mi pham ras gos dag dang ni
phyag mtshan gtso bor byed pa'o
bya ba ltos par smra ba dang
rig pas pha rol sun 'byin dang
rgyu med chad par smra ba dang
phyang chad stong par smra ba dang
rgyu chad 'bras bu chad lta dang
lam chad ye shes chad lta dang
chad pa ther zug chen po dang
lam chad 'bras bu gtan chad dang
log pa'i sems kyi chad lta dang
chad pa stong pa chen po'o
rig byed gsang bar smra ba dang
cha mthun gol ba'i mu stegs dang
mngon snang sems kyi mu stegs dang
'khrul snang 'dzin pa'i mu stegs dang
zhe sdang bskyed pa'i mu stegs dang
byad byed sems kyi mu stegs dang
'dzin pa don med mu stegs dang
496
kha tshig gol ba'i mu stegs dang
rtag pa don med mu stegs dang
ka ni dang ni ser snang dang
bha si ra dang ka shi sha
sam bhi ra dang ngha sing dang
ka ti dang ni sang gha dang
shang ka ri dang mdo ngha sha ka'o
drug cu'i dbye ba de ltar te
de yang mdor bsdus 'di lta ste
rtag pa dang ni chad pa'o
chad par blta ba'i don ni 'di lta te
phyam chad mu med stong pa che
rgyun chad nam mkha' stong pa bzhin
chad pa rang bzhin med par blta
'bras bu chad pa'i don ni stong pa'o
stong pa med pa'i rtag pa ni
rtag pa'i theg pa'i grub mtha' ni
rtag pa ther zug grub mtha' ste
rgyu rtag dngos po 'di lta ste
rang gi cit ta'i dkyil 'khor ni
pha yi rgyu las ma byung zhing
ma yi rkyen la ma brten pa'i
che ste che na sran ma tsam
chung ste chung na nyung 'bru tsam
yang chud skra yi rtse mo tsam
snum la 'dril ba dkar la dangs
de ni rgyu yi rang bzhin te
ye nas mi 'gyur rtag par yod
de dang bag chags phung po ni
mi 'bral gcig tu gnas pas na
497
rgyu rtag pa yi grub mtha' 'dod
'bras bu rtag pa 'di lta ste
phya dang dbang phyug chen po ni
bsten cing mchod pa'i yon tan gyis
dang po lus 'di bor gyur kyang
rang rang sa la skye bar byed
phya 'am dbang phyug chen po yis
byas te 'bras bu rtag par 'dod
rtag dang chad pa rnam pa gnyis
rang rang don la mi mthun pa'o
de la sogs pa'i log lta rnams
rnam pa bzhir ni 'dus par 'dod
mu stegs dang ni mur thug dang
rgyang 'phen dang ni phyal ba'o
de yang bshad lugs 'di lta ste
mu stegs rtag pa ther zug go
mur thug phyed rtag phyed chad do
phyal ba chad pa phyang chad do
rgyang 'phen 'bras bu chad pa'o
de ltar sum brgya drug cu yang
rnam pa bzhi ru 'dus pa'o
de yang rtag chag gnyis su 'bus
de yang don med phyal bar 'dus
'jig rten pa yi rkang grangs so
zhes rig pa rang shar chen po'i rgyud las
'jig rten pa'i theg pa'i grangs bsdus te bstan pa'i le'u ste nyi rtsa lnga pa'o
498
@26
de nas gsang ba'i bdag pos 'di skad ces gsol to
kye kye bcom ldan rdo rje 'chang
'jig tshogs rkang grangs de ltar na
de rnams bshad lugs gsung du gsol
zhes zhu ba zhus so
de nas yang bcom ldan 'das kyis bka' stsal pa
e ma ho gsang ba'i bdag po nyon cig
ngas bstan gyis legs par nyon cig
grangs can gyi ni 'dod pa 'di lta ste
rngul dang mun pa snying stobs gsum
rtag par log pa 'dzin pa'o
de nas kyang gti mug gis gzhi byed par 'dod
'dod chags kyis bde ba bskyed par 'dod
zhe sdang gis dpung bzlog par 'dod pa'o
de ni grangs can gyi 'dod gzhung ngo
bye brag pa'i lta ba 'di lta ste
phyi'i phung po khams dang skye mched rngul phra rab tu blta
de yang dang po 'dzin pas bzung nas rngul phra rab tu bgrang ste
'di ni 'jig pa'i rgyu can no
'di ni stong pa'i rgyu can no
'di ni stong pa ci yang med pa'i rgyu can no
lus 'di bor ba dang
sems nam mkha'i bag la zha
lus ni 'byung ba'i bag la zha
499
cang med stong pa'i mu la gnas pa'o
ku ma ri'i grub mtha' 'di ltar 'dod
sems med pa'i lus su 'dod
lus la sems med do
sems med pas lus bor tsam na
stong pa ci yang med par 'dod pa'o
rnam phug pa'i grub mtha' 'di lta ste
snang ba 'di la gnas skabs kyis rtag par mthong la
don dam pa la snang ba 'di ni mi rtag par 'dod pa'o
phyi ma'i snang ba la phya'am
dbang phyug gi 'khor du rtag par 'dod do
rnam phug pa'i bzhed gzhung yang de lta bu'o
gsang ba'i me lnga bstan pa 'di lta ste
sangs rgyas kyi sprul pa'i zhing khams na gnas pa'i gang zag gis mar me btang bas
ye shes lnga'i snang ba las sangs rgyas pa mngon par shes pa phra mos mthong ste
me lnga la spyod pa yod de
de yang tsan dan gyi sdong po la til mar gyis bcos te
me'i phung po lnga btang ste
rang gis lus bsreg pa dag kyang yod do
me ras pa zhes bya ba rang gi lus la ras til mar du btsos nas rang gis lus la dkris te
de la me btang ste
500
rang gi lus bsreg bdag kyang yod do
mdud rtse gsum pa'i dka' thub spyod pa yod de
de yang mdud rtse gsum pas la btsungs te de'i khar mchod te
dka' thub spyod pa yod do
prag gam g.yang la mchongs te lus brlag par byed pa yang yod do
log pa cha 'dzin gyi spyod pa zhes bya ste
rang gi lus las sha me long tsam pa
dpung pa g.yas g.yon dang spyi bo'i gtsug nas khol du bton nas rang gis lus po dong du bcug nas
dur bya'i rigs kyis rang gi lus za bar 'jug pa dag kyang yod do
yang log pa dud 'gro'i spyod pa can zhes bya ste
khyi'i cha byad du zhugs te
log pa'i dka' thub spyod pa dag kyang yod do
byed pa po rgyur smra ba ni
dper na shing mkhan mkhas pas skyes pa dang bud med kyi gzugs tha dad par byas te bya ba byed pa ltar
chos log pa yang rang gi mngon shes kyis bya ba byas nas
de nas phya'am dbang phyug gi 'khor du skye bar 'dod pa dag kyang yod do
byed pa lam du 'khyer ba'i grub mtha' ni
'jig rten 'di na khyim la sogs pa'i bya ba byas pas
501
phyi ma rang gi lus bor ba dang
phya'am dbang phyug gis rang gi sdun bsus nas
ri rab kyi bang rim la gnas par byed pa'o
rtag pa don mtshon pa'i blta ba ni don rang gi brtags pa la
gzhan la chad pas phyang chad du gtong ba'o
de yang rtag pa ther zug tu smra ba ni
'di ltar 'dod de
don rtag pa 'gyur med chen po la
rang bzhin nges par 'dod pa'o
yang gnas skabs su 'gyur bar smra ba ni 'di lta ste
don chad pa la gnas skabs kyi rtag par lta ba'o
yang rgyu rtag par lta ba yod de
rang gi snying gi dkyil na rgyu'i dngos po de
dbyibs zlum pa
kha dog dkar ba
che chung gi tshad ni sran ma tsam
pha'i rgyu las ma byung zhing
ma'i rkyen gyis ma bskyed pa rtag par blta ba yod do
'bras bu rtag par blta ba ni
rgyu mi rtag ste sems dngos po med
'bras bu rtag ste phya'am dbang phyug chen po yod nges zer ba'o
rtag pa la lam ltos pa ni
rgyu mi rtag ste sems dngos po med
'bras bu mi rtag ste phya'am dbang phyug gis sar grogs med par phyin te
502
lam rtag ste phya'am dbang phyug ni ri rab kyi steng na gnas te
der lam la gnas par 'dod pa'o
yang spyod pa la rtag par 'dod pa ni
rgyu dang 'bras bu mi rtag ste
spyod pa rtag pas grol bar 'dod de
yul dang khang pa thams cad kyang rtag pa'i dngos po yin
snang ba 'di gang yang rtag par blta'o
don rtag pa med par chad par blta ba ni
don chad par blta ba ste
'di nyid la rtag pa'i grub mthar spyod do
ngan sngags gtso bor byed pa ni
ngan sngags gtso bor byas nas phung ba'i las drag po byed pa ni nag po tshig tshugs su smra ba ste
de la mngon par zhen cing 'bras bu 'dod pa'o
mo dang pra la gtsor byed pa ni
'jig rten 'di'i bde ba 'ba' zhig la ltos te
phyi ma cang med zer ba'o
rdzu 'phrul phra mo gtsor byed pa ni
'jig rten 'di na rdzu 'phrul gyis dmag gi dpung bzlog pa yod de
phyi ma la yang rdzu 'phrul gyis zil gyis mnan te
phya'am dbang phyug gi 'khor du skye bar 'dod do
rtsod pa lhur len pa'i blta ba ni 'di lta ste
503
rang gi bden pa khong du bcug ste
pha rol po sun 'byin pa la don re ba dag kyang yod do
log pa'i dka' thub la gtsor byed pa dag kyang yod do
'jig rten 'di la zhen pa ni 'jig rten rgyang 'phen pa zhes bya ste
'jig rten 'di'i bya ba la spyod pa'o
yang rang gi bden pa khong du bcug nas
gzhan khyad du gsod pa dag kyang yod do
la la cha lugs kyis don 'tshol ba dag kyang yod do
de yang skra'i lwa ba byas te don 'tshol ba dag kyang yod do
ras rkyang pa res lus dkris te nga la nang gi drod skyes zer ba dag kyang yod do
phyag mtshan du kha tam ka dang cang te'u thogs nas nga ni sprul pa'i sku yin zer ba dag kyang yod do
khyod kyis dge ba ci byas kyang nga la phan no zer zhing don de la ltos pa dag kyang yod do
rang gi rig pas pha rol gyi rig pa sun phyung nas nga yis byas pa yin no zhes zer zhing don de la ltos pa dag kyang yod
rgyu chad de nam mkha' lta bu phyang chad zer ba yang yod do
phyang chad de rang gi lus kyang stong ngo zer dag kyang yod do
504
rgyu yang chad 'bras bu yang chad pa ni
rgyu chad de sems dngos por bzung ba med
'bras bu chad de phya'am dbang phyug med zer ba dag kyang yod do
yang lam chad de sun ma med
ye shes chad di sangs rgyas med zer ba'o
rgyu yang med pas 'bras bu yang med pas stong pa phyang chad de zer ba dag kyang yod do
lam la gnas skabs kyis chad pa dag 'bras bu gtan chad zer ba dag kyang yod do
log pa'i sems kyis srog gcod do
srog bcad pa las don 'byung ngo zer ba dag kyang yod do
chad pa stong pa yin ci ste khyod kyang chad
nga yang chad pa'i phyir stong pa cang med zer ba dag kyang yod do
rig byed gsang bar smra ba dag ni
don nam mkha' stong pa ci lta ba bzhin du
stong pa phyal chad yod pa dngos por med
cha bag gcig yod de dbang po la snang du rung ba yang yod zer ba dag kyang yod do
cha mthun pa la gol ba'i mu stegs zhes bya ba ste
nang pa sangs rgyas pa dang cha mthun pa las gol te
sangs rgyas pa'i grub mtha' log pas gol pa sha stag go
505
mngon par snang ba sems kyi cho 'phrul zhes bya bar rtog ste
thams cad cho 'phrul zhes bya bar ston pa dag kyang yod do
yang 'khrul pa'i snang ba 'di dag bden pa yin la don dam pa med pa'i phyir ro zer ba dag kyang yod do
zhe sdang skyes pas 'byung po tshar chod de rigs kyi bu zhe sdang la gnas par bya'o zer ba dag kyang yod do
cha byad du sems 'di rang sangs rgyas pa yin pas 'di la bcos su med zer ba dag kyang yod do
lha'i sku bsgoms pa gcig pu la brten pas chog zer ba dag kyang yod do
kha cig gis nga ni mu stegs byed yin pas mu stegs tshod pa ltar smra ba las gol ba dag kyang yod do
rtag pa 'di kho na yin pas 'di la cir yang byar med zer ba dag kyang yod do
ka ni pa zhes bya ste don phyal bar 'dod pa'o
ser sna ba zhes bya ste snang ba zad cing stongs kyis dogs pa'i sdug bsngal dang ldan pa'o
bha si ra zhes bya ste khyad par gyi don gang yang med
thun mong gi don ci yang yod par 'dod pa'o
ka bhi sha zhes bya ste
506
thun mong gi don med la khyad par gyi don ci yang yod par 'dod pa'o
sin dha ra zhes bya ste don ci yang med par 'dod pa'o
ba si la zhes bya ste
don ci yang yod par 'dod pa'o
ka ti pa zhes bya ste
don ci yang yod pa la dbugs chad pa'i bar du chad par 'dod pa'o
sang gha zhes bya ste nga dge 'dun gyi cha byad du zhugs pas chog ces zer bdag kyang yod do
shang ka ri zhes bya ba ste rnam par mi rtag pa bden pa'o
lus rnam par mi rtag bden pa ni phya'am dbang phyug bden pa'o
dhe sha ka zhes bya ste
thams cad kyi mdo phya dang dbang phyug la 'dus pa'o
phya dang dbang phyug ri rab kyi kha na yod nges zer ba dag kyang yod do
de bzhin du 'jigs tshogs kyi blta ba grangs med pa'i mdo gnyis su 'dus so
de yang rtag par blta ba dang
chad par blta ba gnyis su 'dus so
de las 'jig tshogs kyi blta ba grangs med par 'phros so
de bzhin du rigs kyi bu khyod log pa'i lam la zhugs kyis dogs pa'i phyir
ngas 'jig tshogs kyi blta ba mdor bsdus te bstan pa'o
507
zhes rig pa rang shar chen po'i rgyud las
'jig tshogs kyi lta ba rgyas par bstan pa'i le'u ste nyi shu rtsa drug pa'o
@27
de nas yang gsang ba'i bdag pos rdo rje sems dpa' la 'di skad ces gsol to
kye kye bcom ldan theg ldan don
theg pa'i bshad lugs gsung du gsol
zhes zhus so
de nas yang bka' stsal pa
kye ho gsang ba'i bdag po nyon
gsang ba'i bdag po khyod kyis ni
theg pa'i sgo rnams yid la zung
nga yis don bsdus khyod la bstan par bya
de yang nyan thos theg pa 'di lta ste
'jug pa'i sgo ni bden pa rnam pa bzhi
nyan thos spyi yi 'jug sgo'o
dbye ba rnam pa gnyis su 'dod
bye brag pa dang mdo sde'o
bye brag pa yi lta ba ni
phung po khams dang skye mched la
g.yag rnga ne'u seng tshul du 'dod
rang gi blo yis bltas gyur na
rngul dang rngul phran tshul du 'dod
de bzhin rnam pa gzhig nas ni
stong pa nyid du bsgom pa'o
mdo sde pa yi lta ba ni
kha ton byas pa'i rang bzhin dang
508
thos pa bsam pa bsgom pa gsum
shes rab rnam gsum bsgom pa yis
sa bcu'i 'bras bu thob par 'dod
nyan thos spyi yi bsgom pa ni
bden pa rnam pa bzhi bsgom zhing
'bras bu rnam pa bzhir 'dod do
de yang bsgom lugs 'di lta ste
'gog pa bsgom par 'dod pa la
kun 'byung spang bar 'dod pa'o
'gog pa bsgom lugs 'di lta ste
phyi yi 'byung ba de dag la
mi chags gnas su zhugs nas ni
dang po zas la goms par byed
zas la goms par gyur ba dang
bsam gtan ting nge 'dzin ni bsgom par byed
bsam gtan mi rtog tshig tshugs bsgom
rgyal ba byams pa'i bstan pa la
'bras bu thob par 'dod pa'o
kun 'byung spang ba 'di lta ste
zas kyi 'du shes bral ba dang
kun 'byung rgyun thag chod par 'dod
de yang zhe sdang gnyen por bsgom
nyon mongs thams cad sel ba'o
sa lam bsgom pa 'di lta ste
'dod chags gnyen por bsgom pa dang
gti mug gnyen por bsgom pa dang
de bzhin lam gyi bsgom pa ni
509
sdug bsngal spang bar 'dod pa'o
lam gyi bsgom lugs 'di lta ste
'dod chags gnyen por bsgom pa ni
rang gi dpul ba'i dkyil 'khor du
keng rus dkar po mthe bod tsam
dkar po 'dod chags bsgom pa la
de las bskyed pas mgo bo tsam
de nas lus po tsam bsgoms te
de nas rang gi mthong yul tsam
de nas cir snang thams cad bsgom
de ltar stong gsum dkar po ste
de ltar dkar por goms gyur na
'dod chags sdug bsngal spang ba'o
gti mug sdug bsngal spong ba ni
rang gis spyi bo'i gtsug tu yang
mar me gsal la dwangs pa gcig
bsgoms pas shes pa gsal ba dang
sems ni stong par 'dod pa'o
des ni gti mug sdug bsngal spongs
de ltar rnam bzhi bsgom pa yis
'bras bu rnam pa bzhi 'thob po
'bras bu rnam bzhi gang zhe na
'gag pa bsgom pa'i 'bras bu ni
rgyun du zhugs pa 'thob pa ste
sa dang po rab tu dga' ba 'thob pa ste
510
de yang sa bdun man chad do
kun 'byung bsgom pa'i rang bzhin gyis
lan cig phyir mi 'ong ba 'thob
sa brgyad man chad 'thob pa'o
lam bsgom pa yi yon tan gyis
dgra bcom 'bras bu 'thob pa ni
sa bcu mthar phyin thob pa'o
sa dang lam la gnas pa'i tshe
nyan cing thos par byed pa'o
sa bdun man chad sems dpa' ni
rang rang dpon la nyan pa'o
sa brgyad man chad sems dpa' ni
sprul pa'i sku las nyan pa'o
de yang dngos por mthong med do
byin gyi rlabs kyis mthong ba'o
nyan thos theg pa de ltar 'dod
de nas yang gsang ba'i bdag pos 'di skad ces zhus so
kye kye bcom ldan theg chen bdag
nyan thos theg pa de ltar na
rang rgyal theg pa'i blta ba gsungs
zhes zhu ba zhus so
yang bka' stsal pa
kye ho gsang ba'i bdag po nyon
rang rgyal mdo sde'i grub mtha' ni
'jug pa'i sgo ni rten 'brel bcu gnyis so
rtogs pa'i lta ba gang zag bdag med la
chos kyi bdag phyed yod par blta
511
bsrung ba'i tshul khrims nyis brgya lnga bcu bsrung
bsgom pa'i rim pa mi rtog chos nyid bsgom
phyi dang nang gi rten 'brel rnams
goms nas stobs su gyur pa dang
'bras bu mthar phyin tshad du 'dod
de yang dper mtshon 'di lta ste
dper na dur khrod ro bzhin te
dur khrod chen por song nas ni
dang po ro 'di gang nas byung
da lta 'di yi dngos po ci
snyam du dpe yis mtshon par byed
de yang ma rig pa las byung
ma rig pa las 'du byed do
'du byed rnam par shes pa'o
rnam par shes las ming byung zhing
ming las gzugs kyi rang bzhin byung
gzugs las skye mched rnam drug byung
skye mched drug las reg pa byung
reg las tshor ba byung bar gyur
tshor las sred pa byung bar gyur
sred pa las ni len pa byung
len pa las ni srid pa byung
srid pa las ni skye ba byung
skye ba las ni rgas pa byung
rgas pa las ni na ba byung
na ba las ni shi ba byung
de bzhin rten 'brel bcu gnyis bsgom
de ltar bsgom pa'i yon tan gyis
sa bcu yi ni 'bras bu 'thob
512
mi sdug rnam pa brgyad bsgoms te
dur khrod phyogs su phyin nas ni
rang gis lus la 'di ltar rtog
dang po rnam par sngo bar 'dod
de nas rnam par dmar bar 'dod
rnam par gnag pa dag dang ni
de bzhin rnam par bam pa dang
de bzhin rnam par 'bu zhugs dang
rnam par 'thor ba dag tu 'dod
de bzhin rnam par dkar ba'o
de bzhin 'dod chags gnyen po ru
mi sdug rnam brgyad bsgom pa'o
nyan dang thos pa med pa ste
de phyir rang rgyal theg par 'dod
de nas yang gsang ba'i bdag pos 'di skad ces gsol to
kye kye bcom ldan rdo rje 'chang
rang rgyal theg pa de ltar na
byang chub sems dpa'i theg pa gsung du gsol
zhes zhu ba zhus so
de nas yang bka' stsal pa
kye ho gsang ba'i bdag po nyon
ngas bstan legs par yid la zung
byang chub sems dpa'i theg pa ni
'jug pa'i sgo ni rnam pa gnyis
don dam dang ni kun rdzob po
bsrung ba'i tshul khrims yan lag ni
sdom pa brgyad cu rtsa lnga'o
rtogs pa'i blta ba stong nyid ye shes so
513
don dam kun rdzob 'di lta ste
kun rdzob rnam pa gnyis su 'dod
log pa dang ni yang dag go
log pa'i kun rdzob 'di lta ste
btags par snang ba thams cad kun
mthun par snang la don byed nus
brtags na ngo bo nyid kyis dben
don ni med pa ltar snang ngo
de ni log pa'i kun rdzog po
yang dag kun rdzob 'di lta ste
dge ba bcu yi las rnams dang
dkar por 'gyur ba'i bsam pa dang
mos pa'i bsam pa ci snyed pa
yang dag kun rdzob chen por 'dod
sbyin pa la sogs tshul khrims dang
de bzhin ting 'dzin la sogs rnams
yang dag kun rdzob chen po'o
don dam la yang rnam pa gnyis
mtshan ma tshig gi don dam dang
yang dag sems kyi don dam mo
mtshan ma tshig gi don dam ni
thams cad sun 'byin rtsod pa'o
de yang tshad ma'i rig pa yis
gang de nyid la de ltar snang
tshig gi stong pa chen po las
don dam stong nyid ma rtogs pa'o
mtshan ma tshig gi don dam mo
yang dag sems kyi don dam ni
stong pa cang med bsgom par 'dod
514
dper na nam mkha' stong pa bzhin
stong pa'i don nyid de ltar ro
stong nyid phyang chad mu med do
zhes ni spyod cing chags pa'o
lam ni 'di ltar 'dod pa'o
sa la sbyang bar 'dod pa ste
de yang drod bskyed bzod pa dang
rtse mo 'jig rten chos mchog go
drod la rnam pa gsum gyis bstan
phyi dang nang dang gnyis ka'o
phyi yi drod skyes 'di lta ste
gnyis pa dri ma med pa la
dngos pos snang ba stong par skye
de ni ting 'dzin nyams len te
sa gnyis dag la skye bar 'gyur
nang gi drod ni drug pa las
stong pa rig byed dag tu rtogs
gnyis ka'i drod ni 'di lta ste
bdun pa dag la skye bar 'gyur
brgyad pa bzod pa thob pa ste
dgu pa rtse mo mthar phyin no
bcu pa 'jig rten chos kyi mchog
de bzhin sa bcu thob par 'dod
de ni byang sems theg pa ste
stong pa tshig med yi ge med
cang med stong par 'dod pa'o
de nas yang gsang ba'i bdag pos 'di skad ces gsol to
kye kye bcom ldan theg pa'i bdag
mtshan nyid theg pa de ltar na
515
rdo rje theg pa gsung du gsol
zhes zhus so
yang bka' stsal pa
a ho gsang ba'i bdag po nyon
ngas bstan legs par yid la zung
rdo rje'i theg pa rnam pa gnyis
phyi pa thub pa'i rgyud dang ni
nang pa thabs kyi rgyud du gsungs
de nas yang gsang ba'i bdag pos 'di skad ces gsol to
kye ma bcom ldan sprul pa'i sku
phyi pa rgyud kyi theg pa gnyis
'khor la mdor bsdus gsung du gsol
zhes zhu ba zhus so
de nas yang bka' stsal pa
kye ho gsang ba'i bdag po nyon
phyi ba'i rgyud la rnam gsum ste
kri ya yo ga u pa gsum
bshad lugs bsam gyis mi khyab po
yang zhus pa
kye kye bcom ldan gsang sngags bdag
kri ya'i theg pa gsung du gsol
de nas yang bka' stsal pa
kye ho gsang ba'i bdag po nyon
kri ya'i theg pa'i grub mtha' ni
'jug pa'i sgo ni dag pa gsum
khrus dang gtsang sbras 'jug pa'o
bsrung ba'i dam tshig 'di lta ste
lung gcig chu la mi btung zhing
ma yengs ngang la spyod pa'o
516
bya ba dag pa rnam gsum byed
dag pa rnam gsum gang zhe na
lha dang dkyil 'khor dag pa dang
rdzas dang yo byad dag pa dang
sngags dang ting 'dzin dag pa'o
rtogs pa'i blta ba 'di lta ste
lha dang rnal 'byor dag pa gnyis
rje dang 'bangs kyi tshul du blta
spang ba'i rim pa 'di lta ste
sha dang nya dang sgog pa dang
de bzhin chang la sogs pa spangs
ting nge 'dzin la zhen pa'o
theg pa kri ya de bzhin no
de nas yang zhu ba 'di skad zhus so
kye kye bcom ldan khro bdag sku
kri ya'i theg pa de ltar na
u pa'i theg pa gsung du gsol
zhes zhus so
yang bka' stsal pa
e ma gsang bdag nges par zung
u ba ya ni 'di lta ste
lta ba yo gar blta ba la
spyod pa kri yar spyod pa'o
de phyir gnyis ka'i rgyud ces grags
de nas yang zhus so
kye kye bcom ldan ye shes sku
u pa'i grub mtha' de ltar na
yo ga'i theg pa gsung du gsol
zhes zhus so
de nas yang bka' stsal pa
kye ho gsang ba'i bdag po nyon
yo ga'i grub mtha' 'di lta ste
517
'jug pa'i sgo ni mngon par byang chub lnga
rtogs pa'i blta ba lha dang grogs po'i tshul
bsrung ba'i dam tshig ma khrel rnam gsum bsrung
spyod pa dgag sgrub med pa'o
byang chub lnga po 'di lta ste
gdan gyi sgo nas byang chub dang
phyag mtshan sgo nas byang chub dang
sku yi sgo nas byang chub dang
bskyed pa'i sgo nas byang chub dang
yig 'bru'i sgo nas byang chub po
de ltar byang chub lnga po spyod
ma khrel gsum po gang zhe na
yi dam lha yis ma khrel dang
slob dpon mched kyis ma khrel dang
rang gi sems kyis mi khrel ba'o
lha dang rnal 'byor bdag nyid kyang
spun dang grogs po'i tshul du 'dod
lha yi dkyil 'khor bdag dang gnyis med bsgom
lha yang bdag las byung zhing bdag la thim par 'dod
de ltar bdag dang lha yi 'phro 'dur 'dod pa'o
de nas yang zhus pa
kye kye bcom ldan rdo rje 'dzin
yo ga'i grub mtha' de ltar na
nang pa'i theg pa gsung du gsol
zhes zhus so
de nas yang bka' stsal pa
kye ma gsang bdag rdo rje 'dzin
518
ma yengs tshul du gus par nyon
nang pa rnam pa gsum du 'dod
ma ha a nu a ti'o
'du 'bral med pa'i tshul du 'dod
yang zhus pa
kye kye bcom ldan ye shes bdag
ma ha'i grub mtha' gsung du gsol
zhes zhus so
de nas yang bka' stsal pa
kye ma gsang ba'i bdag po nges par zung
ma ha'i grub mtha' 'di lta ste
'jug pa'i sgo ni ting 'dzin rnam pa gsum
rtogs pa'i lta ba cir snang lha dang lha mor blta
bsrung ba'i dam tshig rtsa ba sku gsung thugs
'bras bu thabs dang shes rab 'du 'bral med pa'o
ting 'dzin rnam gsum 'di lta ste
de bzhin nyid kyi ting 'dzin ni
rtog med sa le sang nge'o
kun tu snang ba'i ting 'dzin ni
gsal la ma yengs tshul du bsgom
de bzhin rgyu yi ting 'dzin ni
hum las sems dpa' sum brtsegs bsgom
bdag nyid dam tshig sems dpa' la
phun sum tshogs pa bzhi dang ldan
ting 'dzin yig 'bru sems dpa' la
gsal ba rnam pa gsum dang ldan
ye shes sems dpa' rnam gnyis te
zhi ba dang ni khro bo'o
519
rgyu yi ting 'dzin 'di lta ste
yam dang ram dang kham dang ni
ra dang sum dang ke dang ni
pam dang a dang ma dang ni
hum dang phat la sogs pa'o
yig 'bru'i 'od zer bsam mi khyab
rab tu sprul nas nga rgyal ldan
rnam pa lha dang stong pa'o
de ni ting 'dzin gsum du 'dod
dam tshig rnam gsum 'di lta ste
sku yi sgo nas srog gcod spang bar bya
ma byin len dang mi tshangs spyod pa spang
gsung gi sgo nas rdzun dang phra ma spang
tshig rtsub dang ni de bzhin dag 'khyal spang
thugs kyi sgo nas brnab sems gnod sems dang
log par lta ba spang bar bya
thabs dang shes rab 'du 'bral med par rtogs
ma ha'i grub mtha' de bzhin 'dod
de nas yang gsang ba'i bdag po rdo rje 'dzin pa chen po des
'di skad ces gsol to
kye kye bcom ldan bcom ldan 'das pa'i sku
520
ma ha'i grub mtha' de ltar na
a nu'i grub mtha' gsung du gsol
zhes zhu ba zhus so
de nas yang bka' stsal pa
kye ma rdo rje 'dzin pa nyon
lung chen a nu'i theg pa ni
dbyings dang ye shes rnam pa gnyis
'du 'bral med pa'i rdo rjer 'dod
'jug pa'i sgo ni cig char rim gyis so
rtogs pa'i lta ba 'du 'bral med pa'o
cig char 'jug pa gang zhe na
lha rnams ma bskyed snying po dran pas rdzogs
rim gyis 'jug pa gang zhe na
dbyings dang ye shes rim zhugs nas
rdo rje 'dzin pa'i sa la 'bras bu thob
bsrung ba'i dam tshig 'di lta ste
gsang sngags don ston rtag tu bkur bar bya
gsang sngags ston pa'i slob dpon la
ci 'byor pa yi mchod pa phul
slob dpon dang ni de bzhin gshegs
khyad med gcig gi ngo bor gnas
mdor bsdus dbyings dang ye shes so
lung chen a nu'i grub mtha'o
de nas yang zhus pas
kye kye bcom ldan ye shes sku
a nu'i theg pa de ltar na
rdzogs chen a ti yo ga yi
lta ba phyin ci ma log pa
521
theg pa'i mdor bsdus gsung du gsol
zhes zhus so
yang bka' stsal pa
kye ma gsang ba'i bdag po nyon
ngas bstan legs par yid la zung
rdzogs chen a ti yo ga la
gcig rdzogs gnyis rdzogs thams cad rdzogs
gcig byung gnyis byung thams cad byung
gcig skyes gnyis skyes thams cad skyes
gcig med gnyis med thams cad med
de bzhin rdzogs chen a ti la
byas pa'i chos ni ka nas med
bya dang byed pa med pa'o
rdzogs pa chen po'i don nyid la
dam tshig bsrung rgyu med pas ye nas bsrungs dang bral
med pa phyal pa lhun grub gcig pu nyid
gsang sngags kun gyi dgongs pa chen po yin
rdzogs chen a ti yo ga 'di
dper na gcan gzan seng ge bzhin
gsang ba a ti yo ga ni
rang rig gtan la 'beb cing theg dman zil gyis gnon
522
rang byung rang la thim zhing sku gsum don
skye med dbyings las bsgom med chen po yi
bsgom tu bsgom byed gnyis dang bral
'dzin pa med pa'i rang grol ni
dper na sprul gyi mdud pa bzhin
rang grol rang sangs chen po'o
de bzhin mtshan ma'i bsam pa rnams
rang grol rang sangs chen po'o
rdzogs chen a ti'i theg pa la
re dang dogs pa ga la yod
re dogs yod na ltung ba'i rgyu
de bzhin nyid de rang grol lo
des na mtshan mar snang ba yang
rang las byung zhing rang la thim
de bzhin rdzogs chen a ti la
bsgrub med sgrub dang bral ba'o
byas med byung ba med pa'o
'gag med khyab gdal 'ub chub po
'gyur med klong yangs chen po'o
chos med sangs rgyas med pa'o
gnas med ye shes med pa'o
sems med yid med sangs rgyas med pa'o
zhes rig pa rang shar chen po'i rgyud las
theg pa rim dgu'i dbye ba bstan pa'i le'u ste nyi shu rtsa bdun pa'o
@28
de nas yang gsang ba'i bdag pos 'di skad ces gsol to
kye kye bcom ldan thams cad mkhyen
523
rim dgu'i grub mtha' de ltar na
khams gsum 'khor ba'i sems can gyi
dang po'i 'khrul tshul ci ltar lags zhes zhus so
de nas yang bka' stsal pa
kye grogs po dag
yang dag pa'i sangs rgyas la 'khrul pa mi mnga' yang
rdo rje sems dpa' gzhi thog nas 'khrul lugs ni
yul yangs pa can zhes bya ba nas 'khrul lo gnas mdzes ldan zhes bya ba nas 'khrul lo
dus nam sros pa na 'khrul lo
524
lo phag gi lo la 'khrul lo
nyi ma sprul gyi nyi ma la 'khrul lo
skar ma bya la 'khrul lo
mi'i ming ni rgan mo ling tog can zhes bya ba la 'khrul lo
dus ma nges pa las 'khrul lo
grogs ni mi bzhis byas so
525
de nas mi rgod lnga byung ngo
rgyab brten pa mi gcig byung ngo
de nas rkun ma mi gcig byung ngo
de thams cad bsags pas mi gcig byung ngo
de la sogs pa dmag gi tshogs dpag tu med pa byung ngo
de la sogs pa dpag tu med par 'khrul lo
de ni 'khrul gzhi med pa las byung ba'i phyir na srid pa zhes bya ba chags so
sems can kyi gzugs bsam gyis mi khyab pa chags so
'khrul pa'i lam dang bsam pa yang
ci ltar bsam pa'i rtog pa ltar rtog pa byung 'o
zhes rig pa rang shar chen po'i rgyud las
526
dang po'i 'khrul gzhi bstan pa'i le'u ste nyi shu rtsa brgyad pa'o
@29
de nas yang gsang ba'i bdag pos 'di skad ces gsol to
kye kye bcom ldan da lta'i sku
dang po'i 'khrul lugs de ltar na
sems can blo la ci ltar gnas
zhes zhus so
de nas yang bka' stsal pa
kye ma gsang ba'i bdag po nyon
yang dag sangs rgyas dgongs pa ni
sems can kun gyi rang rgyud la
sku dang ye shes tshul du gnas
de yang cit ta'i dkyil na ni
nyung 'bru lam ni til 'bru tsam
ma bskyed rdzogs pa'i tshul du gnas
cit ta'i sgo bzhi ma 'gags gsal
rnam par 'char ba byed pa dang
rnam par nub par byed pa dang
skad cig 'char bar byed pa dang
skad cig nub par byed pa'o
de yang mtshan brjod 'di lta ste
ka ti gser gyi rtsa chen dang
shel gyi sbu gu khong pa stong
dar dkar snal ma phra la 'khrul
stong pa rang grol rtsa chen po
de yang sgo bzhi rang snang rtsa
de nas lam byung a ti'i nang du thim
dhu ti'i nang nas 'od 'phros te
sgal tshigs g.yas nas lam phyung ste
rtse chung g.yas nas dung khang nang du thim
527
de las 'od 'phros sgron ma bzhi
ma 'gags nam mkha' stong pa la
sang nge sa le 'od kyi sku
lu gu rgyud kyi tshul du gnas
sgron ma rnam bzhi 'di lta ste
thig le stong pa'i sgron ma dang
rig pa dbyings kyi sgron ma dang
shes rab rang byung sgron ma dang
rgyang zhags chu yi sgron ma ni
sems can kun la gnas pa'o
snying po 'gyur med chen po ni
khyab gdal 'ub chub bde chen kun la khyab
brjod med don rtogs lam la bcos pa med
rnam dag don spyod ye shes g.yo ba med
rgyu med sems med rtog pa med
ma rtogs 'khor ba thams cad la
snying po dag pa 'gyur med gzhi
rang byung rang la gnas pa'o
de ni dag pa'i gnas lugs so
de nas yang zhus pa
kye kye bcom ldan rdo rje sems
dag pa'i gnas lugs de ltar na
khams gsum 'khor ba'i sems can la
ma dag snang ba ci ltar lags
zhes zhus so
de nas yang bka' stsal pa
kye ho gsang bdag rdo rje 'dzin
ngas bstan legs par yid kyis zung
528
ma dag pa yi gnas lugs ni
sems can kun gyi rang rgyud la
ma dag sum brtsegs gnas pa'o
de yang gnas lugs 'di lta te
snying dang glo ba'i bar na yang
brtsegs ma gsum du gnas pa'o
de ni rtsa nas 'gyu ba'o
srog pa rtsa nas lam phyung ngo
sgo ni kha dang sna nas byung
de las stong phrag brgyad cu'o
de la sogs pa'i nyon mongs rnams
sna tshogs du mar 'byung ba'o
de nas yang zhus pa
kye kye bcom ldan ma 'ongs sku
dag pa dang ni ma dag pa'i
gnas lugs mdor bsdus de ltar na
gnyis kyi la bzla gsung du gsol
zhes zhus so
de nas yang bcom ldan 'das kyis bka' stsal pa
e ma gsang ba'i bdag po nyon
yang dag chos nyid lta ba ni
phyogs dang ris med gcig pu nyid
yang dag bde chen lta ba la
dag dang ma dag gnyis su med
bzang dang ngan pa'i yul las 'das
yin dang min pa'i rtog pa med
blang dang dor ba'i sems med cing
gcig dang du mar med pa'o
thig le nyag gcig ngo bo'o
529
ma rig rig pa'i ngo bor rtogs
rnam rtog chos nyid ngang du rtogs
chags sdang lnga po ye shes lnga
yul lnga 'od lnga dag tu rtogs
de bzhin rnam pa thams cad kun
dag dang ma dag med pa'o
zhes rig pa rang shar chen po'i rgyud las
sems can rang rgyud bstan pa'i le'u ste nyi shu rtsa dgu pa'o
@30
de nas yang gsang ba'i bdag pos 'di skad ces gsol to
e ma ho bcom ldan thugs rje chen po dang ldan pa
sems can kun gyi rgyu de ltar lags na
dang po gzhi'i gnas lugs ji ltar lags
don dam pa bdag cag rnams la bstan du gsol
zhes zhus so
de nas yang bka' stsal pa
e ma ho
phyag na rdo rje khyod nyon cig
dang po nga las byung ba'o
nga med pa yi sngon rol nas
gzhi ni 'di ltar gnas pa ste
gzhi ka dag chen po zhes bya ste
ngo bo rang bzhin thugs rje rnam pa gsum du gnas so
ngo bo mi 'gyur ba'i ye shes
ma 'gags par gsal ba gzhon nu bum sku'i gnas lugs zhes bya'o
rang bzhin 'od lnga'i snang ba ma 'gags pa'o
530
thugs rje'i snang ba ni
dper na sprin med pa lta bu'o
de ni ka dag gi gnas lugs zhes bya ste
rgya gar yang ma chad
phyogs gar yang ma lhung ba'o
de'i 'og na lhun grub rin po che'i spubs zhes bya ba yod de
de la 'char lugs rnam pa gsum yod do
sgo rnam pa gnyis yod do
de ni gzhi lhun grub zhes kyang bya'o
gzhi ma nges pa zhes kyang bya
gzhi sna tshogs su 'char ba zhes kyang bya'o
de man chad na ldog pa'i sa yod do
de'i 'og na gzhi snang chen po zhes bya ba yod do
de'i 'og na longs sku'i snang ba yod do
rigs kyi bu sgron ma rnam pa gnyis ngo shes par gyis shig
rnam par shes pa rtse gcig pa'i ting nge 'dzin gyis nyams su longs shig
sgron ma rnam pa gnyis la 'dris par gyis shig
de ltar nyams su longs nas ye shes kyi snang ba thogs pa med par 'char ro
de'i phyir na ye shes kyi snang ba la rtag tu goms par bya'o
rang rang gi bden pa mthong bar bya'o
rang rang gis rig pa'i drod skyed pa'i tshad zin par bya'o
531
mtshon pa'i ye shes shes par gyis shig
ces rig pa rang shar chen po'i rgyud las
gzhi'i gnas lugs bstan pa'i le'u ste sum cu pa'o
@31
de nas yang gsang ba'i bdag po dang mi dang mi ma yin gyi 'khor rnams kyis 'di skad ces gsol to
kye ma ho
ston pa chen po bdag cag mos pa'i 'khor rnams la
gzhi'i gnas lugs de ltar lags na
rang gis rtogs tshul ci ltar lags
zhes zhus pa
de nas yang bka' stsal pa
kye mos pa'i 'khor rnams nyon cig
don chen po ngas bstan gyis
gus pa dang bcas pa'i sems kyis nyon cig
de yang rtogs pa la so so tha dad pa ltar snang ngo
rtogs pa dang ma rtogs pa gnyis kyis khong na thams cad yod do
ston pa chos kyi rjes tshigs su bcad de bka' stsal pa
e ma ho
nor bu rin chen bdud rtsi 'di
btsal bas rnyed pa'i thabs med de
kun gyi tsit ta'i dkyil 'khor na
'gag med tshul gyis 'od lngar gsal
'gyur med don gyi sku lnga gnas
khyab brdal 'ub chub bde ba'i sku
532
kun la 'ong kyi snying por gnas
rtog med rnam dag chos kyi dbyings
'gran zla med par nyag gcig pa'o
dkyil dang 'khor dang pho brang dang
rig dang stong dang gsal ba'o
533
de bzhin sems can thams cad la
'gyur med 'gag med kun la khyab pa'o
de ltar gnas pa'i don chen po
rtogs par bya dang byed pa ni
sems can kun gyis rtogs bya'i phyir
rgyud chen rgyal po 'di bshad do
blo la snang ba'i the tshom rnams
bsal gyis gus pas mnyan par gyis
gsang sngags kun gyis rtogs pa'i tshul
nga yis bstan pa bzhin du gyis
'gro drug sems can thams cad la
blo ni nyi shu rtsa gcig la
rtogs lugs nyi shu rtsa gcig byung
de yang bsdu na 'di lta ste
rnam pa gnyis su yang dag 'dus
'od lnga rang las byung bar rtogs pa dang
sku lnga lhun gyis grub par rtogs pa'o
de yang sgron ma rnam pa bzhi
'gag pa med pa'i tshul gyis gnas
nam mkha' stong pa'i dkyil 'khor du
bcos med sgron ma rnam pa bzhi
ma 'gags pa yi tshul gyis gsal
534
rig pa dbyings kyi sgron ma ni
nam mkha' stong pa'i klong dkyil du
dbyings kyi rang bzhin 'od kyi sku
ma 'gags 'gag med rnam par gsal
ye shes lnga ldan thugs kyi sku
lu gu rgyud kyi tshul du 'char
de yang 'gro dang 'ong ba dang
'gul ba dang ni 'phrigs pa'o
rig pa dbyings kyi sgron ma ru
bcug ste rig pa ma 'gul na
'gyur med rtogs par rab tu bshad
shes rab rang byung sgron ma ni
sgro 'dogs thams cad chod pa dang
thig le stong pa'i sgron ma ni
rtsol ba med par shar gyur kyang
rgyud zhags chu yi sgron ma yis
de la lta ba ma yengs na
mthar phyin sgom pa'i tshad du gsungs
de la 'gag med snang ba shar gyur na
yang dag rtogs pa'i mchog tu gsungs
de ltar chos nyid don la yang
rtogs dang ma rtogs gnyis su med
rtogs pa ye shes ltar snang ste
ma rtogs pa 'khor ba ltar snang ngo
rtogs dang ma rtogs gnyis med kyang
'khrul pa'i bag chags snang ba la
rtogs pa'i skyes bu pho rtsal can
535
mi 'gyur mnyam pa'i ngang du thim
rtog med shes rab rang shar ro
bde chen brtsegs pa'i sa chen te
ma bkod nor bu'i phung po ltar
sna tshogs rang byung ngang du thim
sangs rgyas kun gyi mes po ni
'od mi 'gyur bar kun tu grags
sangs rgyas kun gyi sa bon ni
sems med rig ces kun tu grags
sangs rgyas kun gyi rnam dag spyan
sgron ma rnam pa bzhi ru grags
sangs rgyas kun gyi pho brang ni
cit ta'i dkyil zhes kun tu grags
sangs rgyas kun gyi bshul lam ni
bar do rnam pa gsum du grags
sangs rgyas kun gyi bskyal sa ni
ka dag chen po'i dkyil 'khor ro
de bzhin sangs rgyas thams cad kyang
rang rang rgyud la de bzhin no
zhes rig pa rang shar chen po'i rgyud las
rtogs tshul bstan pa'i le'u ste sum cu rtsa gcig pa'o
@32
de nas yang gsang ba'i bdag pos
'di skad ces gsol to
kye kye bcom ldan rnam dag sku
rig pa'i rtogs tshul de ltar na
rig pa'i mtshon dpe gsung du gsol
zhes zhus so
536
de nas yang bka' stsal pa
kye ma gsang ba'i bdag po nyon
ye shes rnam dag mkha' klong du
rtog med gsal ba'i rig pa thim
nam mkha' stong pa'i klong dkyil du
nyi ma'i dkyil 'khor thim pa bzhin
rnam dag stong pa'i nam mkha' la
sgron ma rnam gnyis ma 'gags thim
dper na chu bo chen po la
chu bran thams cad 'dus pa ltar
rig pa skye med klong dkyil du
phyi nang gsang ba'i chos rnams 'dus
dper na me long dkyil 'khor la
gang bstan de nyid 'ong ba ltar
stong nyid nam mkha'i rig pa la
sgron ma'i snang ba ma 'gags pas
sa le sang nge gnas pa'o
de nas yang zhus pa
bcom ldan 'das thugs rje chen po dang ldan pa
don gyi mtshon dpe gsung du gsol
zhes zhu ba zhus so
de nas yang thugs rje'i bdag pos bka' stsal pa
kye grogs po bdag nyon cig
chos thams cad kyi de bzhin nyid
dpe yis mtshon par bya'o
de la yang dag par rdzogs pa'i sangs rgyas kyi dgongs pa ni
brten ni gzugs ni phung po la brten no
dper na khra tshad du nyal ba lta bu'o
gnas ni snying na gnas te
dper na bum pa'i sku lta bu'o
537
lam ni rtsa bzhi nas byung ste
dper na mu tig gi phreng ba lta bu'o
'khyil ni dung khang dkar po'i nang du 'khyil te
dper na bum nang gi mar me lta bu'o
sgo ni mig nas 'byung ste
thig le stong pa'i sgron ma ni
dper na rma bya'i mdongs lta bu'o
dbyings rig pa'i sgron ma ni
dper na yi ge na ro lta bu'o
yul ni nam mkha' stong pa'o
dus ni bar do'i snang ba'o
dper na me long gi dkyil 'khor lta bu'o
'gro sa ni rin po che'i lus te
dper na kha brag gi lam lta bu'o
grol sa ni ka dag gi snang ba ste
dper na bum pa'i sku lta bu'o
de nas yang zhus pa
kye kye thugs rje chen po dang ldan pa
ye shes kyi thim tshul mtshon dpe gsung du gsol
zhes zhus so
de nas yang bka' stsal pa
kye grogs po dag
lhun grub kyi snang ba la
rang gi de nyid stobs su gyur nas bden pa mthong ba'i tshe
thim lugs brgyad ngo shes par bya'o
de yang thugs rje la thugs rje thim pa dper na nyi ma nub pa'i zer lta bu'o
ye shes la ye shes thim pa ni
538
dper na ma pang du bu 'jug pa lta bu'o
'od la 'od thim pa ni
dper na 'ja' tshon nam mkha' la yal ba lta bu'o
sku la sku thim pa ni
dper na bum pa'i sku lta bu'o
gnyis med la gnyis med thim pa ni
dper na chu bo la chu bo thim pa lta bu'o
mtha' grol la mtha' grol thim pa ni
dper na nam mkha' la nam mkha' thim pa lta bu'o
dag pa ye shes kyi sgo ngo bo ka dag la thim pa ni
dper na seng ges gangs zin pa lta bu'o
ma dag pa 'khor ba'i sgo dag pa ye shes kyi sgo la thim pa ni
dper na sngu'i chon thag bsdus pa lta bu'o
de ltar dpes don chen mtshon pa'o
zhes rig pa rang shar chen po'i rgyud las
mtshon pa dpe'i le'u ste sum cu so gnyis pa'o
@33
de nas yang gsang ba'i bdag pos 'di skad ces gsol to
kye kye bcom ldan 'das thugs rje chen po dang ldan pa
rig pa'i mtshon dpe de ltar lags na
dus med shar ba'i ye shes la
'dzin pa yod med gsung du gsol
zhes zhus so
de nas yang bka' stsal pa
a ho gsang bdag chen po nyon
539
ngas bstan legs par yid la zung
'dzin med skye med rang sar grol
rtog med mnyam nyid chos kyi sku
bzung bas mi zin chu zla 'dra
dper na sprul gyi mdud pa bzhin
rang byung rang grol chen po'o
'dzin med rdo rje snying po'i sku
rkyen gyis mi 'jig sra mkhregs ldan
'dzin pa rang sar grol ba ni
yid ma 'gyus pa'i nam mkha' la
gsal dwangs 'od kyi thig le lnga
dus dang rnam pa thams cad gsal
ma 'dres rdzogs pa'i tshom bu lnga
ma bskyed rdzogs pa'i tshul du gsal
rtog med rang sang ngo bo la
'dzin pa'i rtog pa ga la yod
'dzin rtog med pa'i chos nyid ni
'dzin dang chags pa med pas stong
rang byung rig pa'i sgron ma la
sems dang yid la sogs pa yi
rnam rtog mtshan ma ngang gis med
mtshan ma med pa'i chos nyid ni
bya ba'i phyogs su ma lhung ba'o
'dzin pa med pa'i chos nyid ni
blo yi phyogs su ma lhung ba'o
rnam dag brjod med ye shes ni
dri ma'i phyogs su ma lhung ba'o
stong pa kun khyab rdo rje ni
540
dngos po'i phyogs su ma lhung ba'o
rang gsal bde chen chos nyid ni
gzhan 'byung phyogs su ma lhung ba'o
'dzin pa med pa'i chos nyid byang chub sems
rtog pa med pas rang gsal bde ba'i shugs
rtog pa med pas mnyam nyid sku yi rgya
ye shes rnam dag don la tshig gis bcos su med
'dzin med rang snang chos la 'dzin pa'i dngos po med
rig pa skye med ngang la bskyed bya skyed byed med
chos nyid skye ba med pa rang byung rig pa nyid
chos kyi snying por gyur pa sgron ma rnam pa gnyis
'dzin dang zhen pa'i chos las 'das
'dzin med rang sangs ngo bo la
'dzin pa'i bsam pa ngang gis med
ye shes bskyed pa'i sangs rgyas la
chos kyi bsam pa med pa'o
sangs rgyas dang ni sems can gnyis
dbyer med gcig gi rang bzhin no
rig pa'i dngos po 'dzin pa'i mtha' dang bral
rtog med rang sang chos sku chen po yin
dngos po'i chos rnams kun dang bral
rang byung rang thim chen po ni
'dzin med chos nyid chen po'o
sangs rgyas kun gyi ye shes ni
gcig dang du mar med pa'o
541
sangs rgyas kun gyi rig pa ni
rtog med rang gsal chen po'o
sangs rgyas kun gyi 'od lnga ni
'dzin med rang gsal chen po'o
de bzhin sangs rgyas dgongs pa ni
thogs med bskyod pa'i rlung chen gyis
'dzin pa med pa rang gi sems
bskyod nas ye shes dbyings su thim
rtog pa med pa'i gting du gsal
ma 'gags yul gyi mkha' gsal ltos
rang gi rig pa'i dkyil 'khor la
yid la dkyil 'khor btsal mi dgos
lha yi lha ni bla ma mchog
sangs rgyas kun gyi dkyil 'khor ni
rang gi snying gi dkyil du rdzogs
dkyil 'khor kun gyi snying por rig
sangs rgyas kun gyis rab bsngags pa
sgron ma rnam pa gnyis su 'dus
zhes rig pa rang shar chen po'i rgyud las
rig pa 'dzin med du bstan pa'i le'u ste so gsum pa'o
@34
de nas yang zhus pa
kye ma klong thugs rje chen po dang ldan pa
sems can rnams bar do la ci ltar 'khrul lugs gsung du gsol
de nas yang bka' stsal pa
kye nye ba'i 'khor rnams nyon cig
542
ngas don chen po bstan gyis legs par nyon cig
sems can rnams ni bar do la 'di ltar 'khrul lo
la la rnam pa las 'khrul lo
la la nyams las 'khrul lo
la la de ma thag pa las 'khrul lo
la la dmigs pa las 'khrul lo
la la ci mi snyam pa las 'khrul lo
la la snyam byed las 'khrul lo
la la yul las 'khrul lo
la la yul med pa las 'khrul lo
la la snying po las 'khrul lo
la la ma rig pa las 'khrul lo
la la rkyen las 'khrul lo
la la brtags pa las 'khrul lo
la la ngang las 'khrul lo
la la ngo ma shes pa las 'khrul lo
la la 'dzin pa las 'khrul lo
la la 'dzin pa med pa las 'khrul lo
la la 'du shes las 'khrul lo
la la rgyu las 'khrul lo
la la skad cig gis 'khrul lo
543
la la btag pa las 'khrul lo
la la gzugs las 'khrul lo
bar ma do la sems can blo nyi shu rtsa gcig yod pa'i phyir na
'khrul lugs gcig la snang ba rdzogs par 'ong ste
de yang 'khrul lugs re re la snang ba re re 'char ro
de ni bar do la 'khrul lugs rgyas par bstan pa'o
de yang ye shes kyi khyad par gyis snang ba re re 'char ro
de yang bar do gsum pa'o
gzhi lhun grub la nges pa rnyed pa'o
ka dag gi sar pha rol tu phyin pa 'thob pa'o
de'i phyir na 'byung ba ma la thim pa zhes bya'o
zhes rig pa rang shar chen po'i rgyud las
bar do la 'khrul lugs bstan pa'i le'u ste so bzhi pa'o
@35
de nas yang gsang ba'i bdag pos 'di skad ces gsol to
kye kye bcom ldan ye shes sku
bar do'i 'khrul lugs de ltar na
rdzogs chen a ti yo ga yi
lta ba'i mdor bsdus ci ltar lags
dpa' bo chen pos bka' stsol cig
ces zhus so
de nas yang bka' stsal pa
a ho gsang ba'i bdag po nyon
ngas bstan ma yengs tshul gyis nyon
544
rdo rje rang nyid mi 'gyur gnas
rtog pa med pa chos kyi sku
mtshan ma med pa rang sar grol
'gyur med a ti'i ngo bo la
bya dang byed pa'i chos med do
a ti rdzogs pa chen po la
gcig rdzogs gnyis rdzogs thams cad rdzogs
rdzogs chen a ti'i ngo bo la
phyi nang gsang ba'i chos rnams rdzogs
dge ba byar med sdig pa spang du med
dge sdig gnyis dang bral ba'i rig pa chos kyi sku
dge ba mi bya byas na sangs rgyas med
sdig pa mi spang spangs na sangs rgyas 'grub mi 'gyur
khams gsum sems can thams cad srog gcod byas na mngon sangs rgya bar 'gyur
pha dang ma gnyis bsad de btang gyur na
ye shes dag ni mthong bar 'gyur
srog cad sdig tu mi 'gyur 'gyur na sangs rgyas med
srog bcad spangs na sangs rgyas rgyab kyis phyogs
dus gsum sangs rgyas srog bcad grol bar gyur
srog ma bcad na sangs rgyas 'byung mi 'gyur
bdag nyid lha yi dkyil 'khor rang la rang gnas pas
lha la mchod pa mi 'bul mchod pa phul na 'ching bar 'gyur
mchod pa phyag rgya la sogs sku la sgrib pa yin
545
dkyil 'khor mi bri dkyil 'khor bris na rang gi de nyid yal
sangs rgyas dgongs pa bya byed bral ba'o
bsam gtan ting 'dzin la sogs sangs rgyas sku la bsgrib pa yin
bsgom pa mi bya byas na 'khrul pa'i bsam pa yin
sangs rgyas mi bsgrub bsgrubs na rtsol bar 'gyur
'khor ba mi spang 'khor ba spangs na sangs mi rgya
sangs rgyas gud na med pas rig pa nyid las gang yang med
'khor ba gud na med do rang gi sems su thams cad 'dus
'dus byas dge rtsa mi bya byas na 'ching bar 'gyur
mchod rten lha khang la sogs 'dus byas dge rtsa spang
byas pa'i chos ni byas pas mi zin bzhag pas zin par 'gyur
bya ba btang ba'i rnal 'byor mi spangs de bzhin gshegs
yang dag sangs rgyas lam ni de bzhin kun la shes par bya
kye ma 'dus pa'i 'khor tshogs nyon
nga med pa yi sngon rol na
sangs rgyas sems can gnyis med de
lam dang grub pa ga la yod
546
nga las ma byung gang yang med
nga ni stong pa chen po'o
nga las 'byung ba rnam lnga bskyed
nga ni 'byung bdag chen po'o
nga ni sangs rgyas kun gyi mes
nga med pa yi sngon rol na
sangs rgyas bya ba'i ming yang med
nga ni thabs kyi pha rol phyin
nga la mtshan ma'i chos med pas
nga yi sems la g.yo ba med
nga ni sangs rgyas kun gyi dur
'gyur med dur sa nga la yod
nga ni sems can kun gyi gnas
bag chags lus ltar snang ba'o
nga ni 'byed med shes rab po
nga la phyi nang gsang ba rdzogs
nga ni rdo rje snying po'i sku
nga la sangs rgyas bskyed pa'o
nga ni skye med rig pa'i don
nga ni dngos po'i chos dang bral
nga la mtshan ma med pa'i phyir
nga ni sems can dur nas 'don
nga la thugs rje 'char ba'i phyir
nga ni stong pa'i tshig las 'das
nga las gsal cha byung ba'i phyir
nga ni mun par snang bar 'gyur
sgron ma rnam gnyis yod pa'i phyir
nga ni phyogs su ma lhung ngo
nga la 'dzin pa med pa'i phyir
e ma gsang bdag rdo rje 'dzin
legs par nyon la gus par ltos
547
sangs rgyas med pas sangs rgyas ming yang med
ston pa sangs rgyas ming du 'dogs pa'i sangs rgyas 'khrul
yang dag don gyi ngo bo la
sangs rgyas dang ni sems can med
rig pa 'dzin pa med pas stong
stong pa nyid la me gnas na
rang gi bde chen sa la gnas
sangs rgyas kun gyi rje btsan pa
rang gi rig pa shes par bya
rang snang rig pa'i rgyal po nyid
kun la yod de kun gyis rtog pa med
rang snang rig pa'i sgron ma de
kun gyis go bar dka' ba'o
mtshungs med rtog pa med pa yi
rang gsal chos nyid dag pa 'di
dge med sdig med don chen 'byung ba ni
sangs rgyas kun gyis gsungs pa'i don bcud yin
dus gsum sangs rgyas thams cad la
dgongs pa gcig las med pa'o
sangs rgyas kun gyi rig pa ni
sems can kun gyi rang lus na
'od lnga'i mu khyud zlum por gnas
sems can kun gyi ngo bo ni
'gyur med sku yi ngo bo'o
sangs rgyas sems can thams cad la
rang rang thugs kyi dkyil 'khor tshang
nga nyid gcig pu dkyil 'khor lha
548
nga nyid rdo rje rkyen dang bral
nga nyid dpa' bo gcig pu nyid
ngas ni bya ba thams cad byed
gsang sngags rgyal po tshig las 'das
tshig dang yi ge ston pa'i gang zag 'khrul
gsang sngags kun gyi gsang ba yang bcud 'di
snod dang ldan pa'i skyes bu rnams la gnang
rdzogs chen a ti yo ga ni
dper na gcan gzan seng ge bzhin
gangs kyi stong na gnas shing sder chags zil gyis gnon
de bzhin rdzogs chen a ti ni
sna tshogs don chen ston te theg dman zil gyis gnon
seng ges ngar skad bton pas gcan gzan thams cad brgyal zhing skrag
rdzogs chen rang skad 'don pas theg dman thams cad brgyal
kun dang mi mnyam rdzogs chen a ti'i don
sangs rgyas kun gyi gsang ba yang bcud yin
sangs rgyas kun gyi thugs mchog chos kyi gnas
dus la 'gyur ba med pa'i sangs rgyas ni
rang rang cit ta'i dkyil 'khor chen po ni
sku dang ye shes 'od dang zer du gnas
'gyur med sku la ye shes zil gyis brgyan
'gags med 'od la sku yi longs spyod rgyan
549
sems dang bral ba'i rig pa sangs rgyas dngos
yid dang bral ba'i rdo rje sems dpa' ngas
gsal byed dngos por snang la rtog pa med par shes
rtog med shes rab mnyam nyid ni
rang gis rang grol chen po'o
zhes rig pa rang shar chen po'i rgyud las
rdzogs chen gyi blta ba la bzla ba'i le'u ste so lnga pa'o
@36
de nas yang gsang ba'i bdag pos 'di skad ces gsol to
kye kye bcom ldan rdo rje 'chang
rdzogs chen lta ba de ltar na
dkyil 'khor mtshan nyid gsung du gsol
zhes zhus so
de nas yang bka' stsal pa
a ho gsang ba'i bdag po nyon
ngas bstan legs par yid la zung
dkyil 'khor rnam pa gsum du 'dod
rang bzhin dkyil 'khor chen po dang
rtsa ba'i dkyil 'khor chen po dang
gzugs brnyan dkyil 'khor gsum du 'dod
rang bzhin dkyil 'khor chen po ni
'og min chos dbyings pho brang na
dbus kyi 'khor lo'i lte ba la
rnam par snang mdzad dkyil yin te
rigs bzhi lha dang lha mo'i 'khor
550
rang bzhin dkyil 'khor chen po gcig
shar phyogs 'khor lo'i rtsibs steng na
rdo rje sems dpa' dkyil yin te
rigs bzhi sems dpa' 'khor gyis bskor
rang bzhin dkyil 'khor chen po gnyis
lho phyogs 'khor lo'i rtsibs steng na
rin chen 'byung ldan dkyil yin te
rin chen rigs kyi 'khor gyis bskor
rang bzhin dkyil 'khor chen po gsum
nub phyogs 'khor lo'i rtsibs steng na
snang ba mtha' yas dkyil yin te
pad ma rigs kyi 'khor gyis bskor
rang bzhin dkyil 'khor chen po bzhi
byang phyogs 'khor lo'i rtsibs steng na
don yod grub pa dkyil yin te
las kyi rigs kyi 'khor gyis bskor
rang bzhin dkyil 'khor chen po lnga
ma bskyed rdzogs pa'i tshul du gnas
de yang bzhugs tshul 'di lta ste
zhi ba'i cha lugs kun dang mthun
bzhengs pa dang ni bzhugs pa dang
yab dang yum du snang ba dang
phyag rgya dang ni ting 'dzin no
sgo ba sgo ma 'khor dang bcas
thub pa drug la sogs pa'o
'khor ni dpag tu med pa'o
551
de yang phyag mtshan tha dad dang
phyag rgya gar la sogs pa bsgyur
sgra dang rol mo sna tshogs kyis
gtso bo yab yum mchod par byed
rang bzhin dkyil 'khor chen po ni
lha dang lha mo thams cad kyang
'gying ba'i stabs dang bcas pa'o
kun kyang 'od zer lnga lngar ldan
rang las byung zhing rang la grol
de yang dbu rgyan lnga lnga dang
dpung rgyan dang ni mgur chu dang
phyag gdub dang ni zhabs gdub dang
do shal dang ni se mo do
de bzhin rgyan gyi rnam pa dang
mtshan dang dpe byad ldan pa'i sku
kha dog ma 'dres so so'i mtshan 'dzin pa
dbus mthing shar phyogs dkar po ste
lho phyogs ser po nub phyogs dmar
byang phyogs ljang gu rdzogs pa'o
rigs kyi kha dog de bzhin no
de ni rang bzhin dkyil 'khor ro
de nas yang zhus pa
kye kye bcom ldan rnam dag sku
zhi ba'i dkyil 'khor de ltar na
khro bo'i dkyil 'khor gsung du gsol
zhes zhus so
de nas yang bka' stsal pa
kye ma gsang ba'i bdag po nyon
ngas bstan legs par yid la zung
552
zhi ba re re'i dbu rgyan la
khro bo'i tshom bu lnga lnga tshang
de yang tshang lugs 'di lta ste
rnam par snang mdzad dbu rgyan du
bud dha he ru gtso bor 'dod
shar du ba dzra he ru ka
lho ru rat he ru ka
nub tu pad ma he ru ka
byang du kar ma he ru ka
de bzhin zhi ba'i dbu rgyan du
khro bo'i dbu rgyan lnga lnga'o
rang bzhin dkyil 'khor chen por 'dod
khro bo rnams kyi bzhugs tshul ni
stangs stabs dang ni brdeg pa'i tshul
brjid pa'i tshul dang gtum pa dang
khro gnyer glog stong 'gyu bzhin dang
'brug sgra dang ni ru lu'i sgra
stag lpags dang ni glang chen lpags
sbrul dang thod pa se ral kha
phyag mtshan mtshon cha sna tshogs bsnams
de yang dbu gsum phyag ni drug pa'o
de yang kha do 'di lta ste
mthing nag dang ni dkar nag dang
ser nag dang ni dmar nag dang
ljang nag phrin las rdzogs pa'o
de ni rang bzhin dkyil 'khor ro
de nas yang gsang ba'i bdag pos 'di skad ces gsol to
kye kye bcom ldan rdo rje 'chang
rang bzhin dkyil 'khor de ltar na
gzugs brnyan dkyil 'khor gsung du gsol
553
zhes zhus so
de nas yang bka' stsal pa
de nas yang bka' stsal pa
kye kye gsang ba'i bdag po nyon
nga yis bstan gyi gus pas nyon
gzugs brnyan dkyil 'khor chen po ni
dbang bskur dam pa byed pa'i tshe
dkyil 'khor rnam pa gnyis su 'dod
zhi ba dang ni khro bo gnyis su gsungs
dbang rdzogs byed na de ltar bya
zhi ba'i dkyil 'khor chen po ni
dbus su 'khor lo rtsibs bzhi'o
tha ma rdo rje'i ra bar bcas
rin chen pha gu dag dang ni
za ra tshag gi phreng bar ldan
de bzhin sgo dang sgo khyud ldan
de ni zhi ba'i dkyil 'khor yin
khro bo'i dkyil 'khor 'di lta ste
dbus su 'khor lo rtsibs brgyad ldan
pho brang gru gsum mthing nag ldan
de la sogs pa'i bya ba rnams
rim pa bzhin du shes par bya
de ni rdul tshon dal du 'dod
de nas yang gsang ba'i bdag pos 'di skad ces gsol to
kye kye bcom ldan ye shes sku
rdul tshon dkyil 'khor de ltar na
rtsa ba'i dkyil 'khor ci ltar lags
mos pa'i 'khor la gsung du gsol
554
zhes zhus so
de nas yang bka' stsal pa
kye ma gsang ba'i bdag po nyon
ngas bstan legs par yid la zung
rtsa ba'i dkyil 'khor chen po ni
rang rang tsit ta'i dkyil na gnas
de yang dkyil 'khor 'di lta ste
rang byung rig pa dkyil yin te
'od lnga'i snang ba 'khor du 'dod
rtsa ba'i dkyil 'khor chen po gcig
rang rang dung khang dkar po na
rnam dag thig le dkyil yin te
thig phran zer ldan 'khor du 'dod
rtsa ba'i dkyil 'khor chen po gnyis
rnam dag chos nyid stong pa'i klong dkyil du
lu gu rgyud ni dkyil yin te
dbyings kyi sgron ma 'khor du 'dod
rtsa ba'i dkyil 'khor chen po gsum
de la sogs pa'i dkyil 'khor rnams
sku yi dkyil 'khor 'gyur med klong
gsung gi dkyil 'khor 'gag med yangs
thugs rje'i dkyil 'khor rtog med dang
sku gsung thugs kyi dkyil 'khor ni
rang rang dkyil dang 'khor du bcas
'gro med 'ong med 'gyur ba med
rang rang tsit ta'i dbyings na gnas
de ltar dkyil 'khor chen po'i don
555
rang rang lus la rdzogs pa'o
zhes rig pa rang shar chen po'i rgyud las
dkyil 'khor bstan pa'i le'u ste so drug pa'o
@37
de nas yang mkha' 'gro ma'i tshogs rnams kyis 'di skad ces gsol to
kye kye bcom ldan ye shes bdag
mkha' 'gro ma yi rigs rnams la
rang rang don chen bstan du gsol
zhes zhus so
yang bka' stsal pa
kye ma gsang ba'i 'khor tshogs nyon
ngas bstan legs par yid la zung
rang rang don sbyar 'di lta ste
sems can kun gyi rang rig ni
snying gi dkyil du gnas pa'o
de yang gnas lugs 'di lta ste
shes shing rig pa'i ngo bor yod
de yang rig pa'i sku dang ldan
sku la ye shes 'gag med gsal
ye shes las byung 'od du yod
de yang rig pa'i ngo bo las
shes rab rnam pa bzhi dang ldan
shes rab rnam bzhi 'di ltar ldan
shes rab rnam bzhi 'di lta ste
rnam par grol byed shes rab ni
thams cad sgrol bar byed pa'o
nyon mongs dag pa'i zhing du sgrol
rtog med skye med ngang du sgrol
ma rig rig pa'i klong du sgrol
556
shes rab rtog med ngang du sgrol
de phyir sgrol byed shes rab bo
rnam par skyod byed shes rab ni
sku lnga ka dag dbyings su skyod par byed
'od lnga 'dzin med dbyings su skyod par byed
rig pa ye shes dbyings su skyod par byed
sgron ma nam mkha'i dbyings su skyod par byed
de phyir skyod byed shes rab po
rnam par sdud byed shes rab ni
'byung ba 'od lnga'i nang du sdud
nam mkha' sgron ma'i ngang du sdud
sku lnga rig pa'i nga 'du sdud
rig pa rtog med ngang du sdud
de phyir sdud byed shes rab po
rnam par 'byed byed shes rab ni
ma rig rig pa gnyis su 'byed
nyon mongs ye shes gnyis su 'byed
dag dang ma dag gnyis su 'byed
'khor ba myang 'das gnyis su 'byed
rtogs dang ma rtogs gnyis su 'byed
bzang dang ngan par 'byed pa'o
de phyir 'byed byed shes rab po
de ltar sems can rang rgyud la
ma bskyed rdzogs pa'i tshul du gnas
sangs rgyas kun gyi rang lus ni
sems can kun gyi snying la gnas
sangs rgyas kun gyi thugs rje ni
557
sems can kun gyi mgo la gnas
sangs rgyas kun gyi sgron ma ni
sems can kun gyi mig la gnas
sangs rgyas kun gyi shes rab ni
sems can kun gyi yul la gnas
sangs rgyas kun gyi rtogs pa ni
sems can kun gyi blo la gnas
de bzhin sems can thams cad la
rang rang don chen de bzhin no
tsit ta'i dkyil na gnas pa'o
sems can kun gyi ye shes ni
sangs rgyas rnams la med pa'o
rang las byung ba'i shes rab sku
'gyur med rtog med mnyam nyid do
'gag med kun khyab gsal ba dang
rang gsal rang grol chen po'o
de ltar sems can kun la gnas
rang gi lus la de bzhin no
zhes rig pa rang shar chen po'i rgyud las
rang rang gi don bstan pa'i le'u ste so bdun pa'o
@38
de nas yang gsang ba'i bdag pos 'di skad ces gsol to
kye kye bcom ldan rdo rje 'chang
rang rang nga na sbyar de ltar na
btags pa'i don ni ji ltar lags
zhes zhus so
de nas yang bka' stsal pa
a ho phyag na rdo rje nyon
sangs rgyas sems can thams cad la
558
ji ltar sems can thams cad kyi
rang rang lus la gnas pa'o
'dzin pa med pa rang grol ni
sangs rgyas mar me mdzad kyis bstan
rang sang chos nyid bde chen ni
snang ba mtha' yas zhing du rtogs
rtog med mnyam nyid ye shes ni
mi gnas thig le'i klong du rtogs
rang byung rig pa'i ngo bo ni
tsit ta'i dkyil 'khor klong du rtogs
rang byung mig gi sgron ma ni
nam mkha' stong pa'i dkyil du rtogs
sku lnga yab yum bcu po yang
tshom bur snang ba'i dus na rtogs
ye shes 'gag med shar ba yang
bzhi sbyor ye shes snang bar rtogs
rig pa sna tshogs 'byung ba yang
lhun grub bde chen sa la rtogs
skye shi med pa'i rdo rje ni
ka dag chen po'i sa la rtogs
ma 'gags rtog med ngo bos stong
rig pa 'gag med klong du rtogs
de yang bshad lugs 'di lta ste
rtogs par byed pa shes rab ste
rtogs pa'i rgyu ni rig pa'o
med pa shes pas rtogs shes bya
rtogs pa'i ngo bo mthong ba'o
mthong ba'i rang bzhin 'di lta ste
nam mkha' stong pa'i klong dkyil du
559
sgron ma rnam gnyis ma 'gags pas
yul la rtog med gsal ba ni
rang byung rang shar snang ba'o
de ltar mthong na rtogs pa'i mchog
mthong dang rtogs pa shes rab gsum
sangs rgyas kun gyi dgongs pa yin
rtog med rgyal po shes rab rang byung 'di
rtogs pa med cing mthong ba'i yul las 'das
mthong dang rtogs dang thob pa gsum
man ngag kun gyi yang bcud yin
rang nyid gcig pur dal bar 'dug gyur na
ye shes snang ba 'gag med 'char
de la gnas na ting 'dzin 'thob
de la sgron ma rnam pa gnyis
dbyings dang rig par bstan pa'o
chos nyid stong nyid pho brang du
dag pa'i lam lnga ma bskyed rdzogs
'gyur med ye shes brdal ba'i sku
'gyur med rnam dag ye shes klong
rtog med 'dzin pa'i ye shes lnga
bsam pa'i rnam rtog bral ba'o
sangs rgyas kun gyi ye shes sku
nga med pa yi sngon rol na
sangs rgyas med de sems can med
sku dang ye shes med pa'o
rig pa yang dag ye shes klong
rtog med 'dzin pa'i ye shes la
560
bsam pa'i rnam rtog bral ba'o
sangs rgyas kun gyi ye shes sku
rig dang sa dang lam yang med
nga dang rang bzhin bdag nyid med
'khor dang mya ngan 'das pa med
de ltar med par rtogs pa dang
yod pa rnam pa gnyis su 'dus
nga yod pa yi blta ba na
sku lnga ye shes rnam lnga yod
'gyur med rig pa 'gag med yod
'od lnga rtogs dang drug kyang yod
sgron ma bzhi dang yul lnga yod
kha dog sku dang rigs kyang yod
yul dang dngos por 'dzin pa yod
de ltar yod par rtos pa'o
zhes rig pa rang shar chen po'i rgyud las
rtogs lugs bstan pa'i le'u ste so brgyad pa'o
@39
de nas yang mkha' 'gro ma'i rigs rnams kyis 'di skad ces gsol to
kye kye bcom ldan thugs rje chen po dang ldan pas bdag cag rnams la brda' yis mtshon la
sgrub rgyud kyis mtshon pa gsung du gsol
zhes zhus so
de nas yang bka' stsal pa
kye klong du dag pa rnams nyon cig
sangs rgyas kyi dgongs pa'i tshad ni 'di rnams kyis gzung bar bya'o
a gha ha sva dha sa a a pa da ra dha yang sngon yul yangs pa can zhes bya ba na
561
ston pa 'od 'gyed pa zhes bya ba yod de
de la bu spun gnyis yod pa
grog po stong par btson du bzung zer te ya cha
de nas dmag mi lnga byung nas
rdo'i mkhar rtse nas bcom zer te ya cha
562
bu gnyis dong du bcug nas rgan mo ling tog can gyis sgo bcad zer te ya cha
de nas mi bzhis deng pas zin te
563
mi lnga rta dang phral zer te ya cha
bu gnyis rang gis rang shor nas btson bsrung bsad zer te de yang ya cha
564
bu gnyis cig char phar nyi ma can du phros nas
'bangs la dpya bsdus nas
btsun mo nyi shu rtsa gcig gis gros byas nas bsam rdugs kyi lha khang du bros te
565
mi lngas phub gon nas sgo bsrungs nas sus kyang 'od ma nus zer te ya cha
566
de nas mi bzhis me long bzhir byad bltas pas
rang ngo rang gi shes zer te ya cha
de nas khang pa gcig la sgo brgyad yod pa mthong bas
rang la rang gad mo shor zer te yang ya cha
567
de bzhin brda' yi rnam pa kun
mtshon nas ye shes don la sbyor
zhes bka' stsal pas
mkha' 'gro ma rnams ngo mtshar mchog tu skyes so
zhes rig pa rang shar chen po'i rgyud las
'khrul tshul dang 'khrul pa bzlog pa'i le'u ste so dgu pa'o
@40
de nas yang mkha' 'gro ma dkar mo'i tshogs dpag tu med pa rnams kyis 'di skad ces gsol to
e ma ho
brda'i chos kyis sems can gyi rtog pa sol cig
bdag cag mkha' 'gro ma rnams kyi ma rig pa'i mig phyes shig
sems can kun gyis go bar gyis shig
ces zhus so
de nas yang ston pas legs par gsungs so
ngas ni brda' yis sems can rnams kyi rtog pa bsal lo
mkha' 'gro ma'i 'khor rnams rab tu nyon
yang yul 'khor yug chen mo zhes bya ba na
568
'dam rdzab chen po gcig gi nang na mar me gcig ma shi bar 'dug pas
yul mdangs dang ldan pa zhes bya ba na
ston pa me long can zhes bya bas mthong ste
de la 'di skad ces byas so
kye ma sems can mdangs dang ldan pa khyod nyon cig
ngas khyod la lung bstan no
569
khyod ma yengs par nyon cig
ri bo chen po ma la ya zhes bya ba'i rtse mo na
rgya mtsho mu khyud can zhes bya ba na
de'i nang na yab 'od srung zhes bya ba dang
yum rdo rje phag mo gnyis bshos pa las
ming sring gnyis byung ste
de nas pha ma gnyis kyis ming srid gnyis la 'di skad ces zer ro
bu khyod song la bdud nag po'i yul nas me long la shog cig
570
bu mo khyod song la sum cu rtsa gsum lha'i yul rnam par rgyal ba'i khang bzang nas me tog thus la shog cig byas pas
bu na re nga mi 'gro zer ro
de nas pha ma gnyis na re
bu khyod mi 'gro ba ci ste byas pas
bu na re bdud kyi yul na bdud ha li ka nag po zhes bya ba gcig yod pas
bdag btson du bzung nas 'gro zer bas
yang pha ma gnyis na re 'di skad zer ro
bu de skad ma zer bar bdud kyi yul na
a phyi ling tog can zhes bya ba yod kyis
de khyod kyi a phyi yin gyis de la me slong la shog byas pas
bu na re 'di skad zer ro
kye yab yum bdag gis yul de ma lags te
yul der bdag mchi yis bdag la g.yog po mi lnga thong zhig
571
til mar gyis ngar blud pa'i ral gri gcig skur cig
me long lnga skur cig byas pas
pha ma gnyis dga' nas de ka ltar bya'o zer nas
mi lnga g.yog tu brdzangs me long lnga bskur ro
yang bun re 'di skad zer ro
kye ma yab yum dag
bdag ni bdud kyi yul nas mthon na
ci ltar bgyi zhes dris pas
pha ma gnyis na re
yul rin po che'i phung po zhes bya ba na
gdol pa can gyi mi bzhi yod kyis
de tshe dmag tu sgron la
mi gcig gis dmag sdus shig
mi gcig gis lcags khrol cig
mi gnyis kyis sgo chog cig
de skad ces pha ma gnyis kyis lung bstan nas
bu na re de ltar bgyi'o zer nas song ba las
de nas bdud ha li ka nag pos mthong ste
572
'o mi sha po byung bas
'khor rnams kyis 'di ma btang bar zung zhig byas bas
bdud kyi mi lngas bzung ngo
a phyi ling tog can gyis
sgo lcags bcug nas
'khor rnams la sngon 'dis nga'i bu bsad pa yin pas 'di ma btang zhig byas pas
'khor rnams na re
de ka ltar bgyi'o zer nas
'gro ba'i dbang ma byung ngo
de nas yang bu des 'di skad ces byas so
phyi bdag gi gnyis kyi zhal nas
khyod kyi a phyi ling tog can bya ba de bdud kyi yul na yod kyis
de nas me long la shog zer ba lags kyis
bdag ma bzung bar thong byas pas
rgan mos na re khyod mi btang ba yin
nga'i bu khyod kyi phas bsad pa yin pas mi btang ngo zer ro
de nas bu des 'di skad ces byas so
bdag mi btang na dmag 'dren byas pas
mo na re
khyod rang dmag drongs zer nas mthar ro
573
de nas khos mgron po mi gsum la phrin btang ba
kye grogs po dag
yul rin chen spungs pa zhes bya ba na
gdol pa'i rigs kyi mi bzhi yod kyis
der khyod kyi khye'u rig byed btson du bzung bas
dmag dpung mang po chos shig cig byas pas kho na re phrin bgyi'i zer nas song nog
de nas zhag gsum gyi nang bar nyi ma shar tsam na
dmag mang po byung nas sgo bcag nas
btson gyi lcags bcag rgan mo yul nas bton
mi lnga rta dang phral
a phyi'i bu btson du bzung
'khor rnams ral gris mgo bcad de bsad do
de nas rang gi yul du bros
de nas rang gi yul du phyin pas
sring mos sum cu rtsa gsum lha'i yul nas
rnam par rgyal ba'i khang bzang nas me
574
tog mang po khyer nas byung ba dang 'phrad do
de nas pha ma gnyis kyis ngo shes nas rab tu dga' nas
ming sring gnyis la ming btags pa
ming po rdo rje lu gu rgyud 'dren pa zhes bya ba btags so
sring mo'i ming ni mu khyud 'dzin zhes bya bar btags so
de nas ming sring gnyis gros byas pa
ston pa me long can bya ba de mthong nas
de gnyis la lung bstan pa
kye rigs kyi bu nyon cig
yul ma bkod par snang ba na
rin chen shel gyi mchod rten
khri 'phang lnga pa gcig la
logs re la mi lnga lnga mdun ma byed pas shel gyi mchod rten de'i 'khor lo la
dngul dkar gyi me long bzhi btags nas yod pa
de la ri bo ma la ya'i rtse mo nas byar gyis la
mu khyud kyi ra bar chug cig
de la rin po che'i skas tshugs la
lag tu rin po che'i snod bcud kyis bkang ba cig thogs la 'dzegs shig
575
de nas mchod rten gyi rtse nas
ston pa 'od mi 'gyur ba zhes bya ba cig yod kyis
de la 'od zer gyi nyag thag cig zhabs g.yas pa nas 'ong gis de la khyod ma 'jigs par de la 'jus la song zhig
de ni khyod rang gi snang ba'i yab yin gyis der rgyug cig
de 'das pa'i gong na rin po che shel gyi khang pa gcig pa sgo brgyad yod kyis
de na khyod kyi ma sna tshogs su snang ba bya ba yod kyis
de nas khyod kyis ma ngo shes par 'gyur ro
de'i gong na rin po chen sna tshogs las byas pa'i khang pa yod kyis
de khyod kyi gnas yin pas der sa zung zhig
de skad ces ston pas lung bstan pas
khye'u lu gu rgyud 'dren pas 'di skad ces bya'o
kye ston pa chen po de ltar bdag gis bgyi'o
zer nas sring mo la 'di skad ces zer ro
ston pas lung bstan pa bzhin du bya'o
zer nas nyi ma'i zer la rta ru zhon nas
576
'ja' tshon gyi sga bstad nas
mu tig gi phreng bas glo bsdams nas lag tu shel gyi mdung thung thogs nas
nam mkha'i dkyil du lam phyung nas
rin po che'i khang pa'i nang na thog rdugs med par song zer de ya cha
de nas dkar mo'i tshogs rnams kyis ngo mtshar skyes nas 'di skad ces brjod do
a hum thugs rjes nyi shar stong khams khyab mdzad pa
'od zer stong ldan ma rig mun khang 'dzoms
chos nyid mi 'gyur sku mdog mthing gar ldan
thugs rje drug ldan phyag drug mtshan cha bsgyur
dri med ye shes mche ba dkar po gtsigs
ru lu'i sgra ldan gdug pa thabs kyis 'dul
thugs rje'i zhags pas 'gro ba 'dren mdzad pa'i
ye shes spyan ldan khyod la phyag 'tshal bstod
thugs rje'i stobs la na rdo rje ye shes sku
'gro ba 'dam nas 'dren mdzad thugs rje'i zhags pa can
ngo bo mi 'gyur rdo rje'i don dang ldan
ye shes rnam dag sku la phyag 'tshal bstod
577
rnam rtog sgrib med ye shes 'bar ba'i sku
ye shes tshogs rdzogs rnam dag sa la gnas
rdo rje'i lus nyid rnam dag spyan ldan pa'i
nyi ma stong gi 'od zer thugs rje can
rang rig rdo rje'i sku la phyag 'tshal bstod
'od zer phreng bas 'gro ba'i snang ba ston
shel sgong lta bu skyon med rnam par dag
skyon med ye shes chos sku'i mtshan nyid 'dzin
ngo bo mi 'gyur thugs rje'i skur shar bas
thugs rjes pha rol sgrol la phyag 'tshal bstod
ma 'gags so so'i mtshan 'dzin ye shes don
mtshan dang dpe byad ldan zhing rnam dag sku
'gag med longs spyod rdzogs la phyag 'tshal bstod
ye shes sku mchog 'bar ba'i chos sku'i don
bsam pa kun spangs chos nyid ming dang bral
rnam dag ye shes sku la phyag 'tshal bstod
zhi ba'i sku la khro bo'i cha byad can
'gro ba zil gyis gnon mdzad stobs po che
khro rgyal hum sgra can la phyag 'tshal bstod
ces mkha' 'gro ma rnams kyis bstod nas
rang la rang ngo mtshar skyes nas 'di skad ces brjod do
578
e ma ho don chen po rnyed do
e ma ho klong gcig tu 'dus so
e ma ho mtha' klong du 'dus so
e ma
rtogs pa skad cig ma lu grub bo
a la la ho
sangs rgyas kyi dgongs pa rnyed do
rang las byung ba'i nor bu rin po che'i don thugs su chud do
ces brjod cing glu dang rol mo sna tshogs pa dang
sgra sna tshogs kyis mchod pa cher byas so
zhes rig pa rang shar chen po'i rgyud las
yongs su bstod pa'i le'u ste bzhi bcu pa'o
@41
de nas yang mkha' 'gro ma ser mo'i tshogs kyis 'di skad ces gsol to
kye bcom ldan thugs rje chen po dang ldan pa
bdag cag rnams la thabs dam pa bstan du gsol zhes zhus so
de nas yang bcom ldan 'das kyis bka' stsal pa
kye 'byung ba'i bdag mo rnams nyon cig
ngas don ma nor bar khyed la bstan gyis legs par nyon
ngas ni sangs rgyas ma mthong ngo
de'i phyir sangs rgyas kyi byin gyis brlabs pa med pa'i phyir
thabs zhes bya ba med do
de nas yang mkha' 'gro ma rdo rje'i gtsug phud ces bya bas 'di skad ces gsol to
579
kye thugs rje chen po dang ldan pa sgrub rgyud kyi brda' chen gsung du gsol
zhes zhus so
de nas bcom ldan 'das dgongs pa rang gnas kyi ting nge 'dzin la snyoms par zhugs so
de nas yang mkha' 'gro ma rnams kyis 'di skad ces gsol to
kye bcom ldan 'das ting nge 'dzin las bzhengs shig
'jig rten gyi khams 'od kyis khong zhig
ma rig pa'i mun pa choms shig
ye shes kyi snang ba ston cig
ces zhus so
de nas yang bcom ldan 'das kyis ting nge 'dzin las bzhengs nas
'od zer gyi phung pos 'jig rten gyi khams stod gsum gyi stong chen po thams cad khengs so
de nas ston pa thugs rje chen po des
mkha' 'gro ma'i tshog rnams la 'di skad ces gsol to
e ma mkha' 'gro ma'i 'khor rnams nyon cig
sngon yul rnam par dag pa rig pa'i zhing khams zhes bya ba na
mkhar sgo brgyad dang ldan pa'i mkhar zhig yod do
mkhar de'i rtser khye'u snang ba'i rig byed bya ba yod
580
de la ma rgan mo ling tog can zhes bya ba yod
yul de'i mda' na sdig spyod pa'i rgyal po grags pa dbang phyug bya ba de la bu rgyal bu lnga yod pas
sras po lngas sku rtsed la song bas
rgan mo ling tog can mdo na mar skyob sangs la byung bas
sras rgyal bu lngas btson du bzung zer ba de yang ya cha ang byas pas mkha' 'gro rnams ngo mtshar mchog tu skyes nas 'di skad ces gsol to
kye thugs rje chen po dang ldan pa'i ston pa des ni bdag cag rnams kyi rtog pa sel bar gyur to
e ma ngo mtshar shin tu che'o
ston pas lung bstan du gsol
e ma ho
de nas yang ston pas bka' stsal pa
de nas bu ma bsnyegs pa la song ba yang bzung nas lcags su bcug zer ba de ya cha
de nas mkha' 'gro ma ser mo ye shes kyi mdangs dang ldan pa zhes bya ba des 'di skad ces gsol to
e ma ho
ston pa chen po
sems can gyi rtog pa gang gis sel bar 'gyur
581
zhes zhus so
de nas yang bka' stsal pa
sngon yul rin po che spungs pa zhes bya ba na
mo gcig nor bu rin po che gcig yod pa
rkun mo mi lngas khyer nas
rgan mo sdug bsngal gyis zin zer ba de ya cha
de nas mkha' 'gro ma rdo rje hum sgra can zhes bya bas 'di skad ces gsol to
kye ston pa chen pos thabs bstan du gsol
zhes zhus so
de nas yang ston pas bka' stsal pa
rgan mo de'i rjes bcad pas
yul tsher ma can du song nas
rkun ma mi lnga bkug pas
rgan mo brgyal zer ba de ya cha
de nas yang 'dzoms byed dmag gi rgyal mos 'di skad ces gsol to
bdag cag rnams la 'khrul pa'i bzlog tshul bstan du gsol
zhes zhus so
de nas yang bka' stsal pa
de nas rkun mo yul tsher ma can nas rjes chod pas
rgan mo brgyal pa sangs zer ba de la cha
de nas yang rdo rje mkha' 'gro ma rnams kyis 'di skad ces gsol to
582
kye ston pa chen po grol lugs gsung du gsol
zhes zhus so
de nas yang bka' stsal pa
de nas yang rgan mo de'i bu me lha dkar po zhes bya ba des 'di skad ces zer ro
nga'i nor bu ma brlag gam byas pas
mi lnga po na re
nor bu ma brlag gis khyod rang gis a ma rgan mo sod cig
ma rgan mo ma bsad par nor bu mi ster zer bas
kho rang gi ma bsad nas sha zos khrag 'thung rus pa mur
dngos po med par byas nas
nor bu rkun mos byin pa de ya cha
de nas yang mkha' 'gro ma ser mo'i tshogs kyis ston pa la bstod pa
a hum bcom ldan mgon po rdo rje ye shes sku
brjod med bsam bral rdo rje chos kyi sku
bya ba rdzogs pas 'gyur med sa la gnas
ye shes mchog ldan rtog med chos kyi sku
'dzin med chos kyi sku la phyag 'tshal bstod
ma 'gags rdo rje'i don nyid 'dzin pa ste
mu khyud 'od kyi dkyil 'khor pho brang nas
583
sku lnga rtog med so so'i mtshan 'dzin pa
mi 'gyur don ldan rigs lnga ye shes sku
tshom bu lnga ldan gtso bo'i dkyil 'khor ston
yab lnga yum lnga mdun rgyab med pa yi
ye shes thugs rje'i spyan ldan longs spyod rdzogs pa'i sku
stong gsal longs spyod sku la phyag 'tshal bstod
thugs rje'i stobs kyis 'gro ba pha rol sgrol
sku mchog khro bo'i cha lugs gad rgyangs sgrogs
dbu gsum thor tshugs gcig tu bcings pas 'khor rnams skrag
phyag drug phyag mtshan tha dad bsnams pas bgegs rnams 'dul
sku la chas brgyad gsol zhing ma mo dbang du sdud
thugs rjes 'gro ba 'dam nas 'dren mdzad bcom ldan sman gyi bla
pha rol stobs kyis sgrol ba'i khro rgyal hum sgra can
ma rig 'joms pa'i thugs rje 'od po che
sna tshogs sprul pa'i sku la phyag 'tshal bstod
sku gsum don ldan sangs rgyas kun gyi mes
thugs rje'i stobs bdag gzhon nu nyid kyi sku
sku gsum ye shes rdzogs la phyag 'tshal bstod
ces bstod nas
584
rang rang gi don rnyed nas ngo mtshar skyes so
a la la ho
don chen po rnyed do
gsang sngags thams cad rang gi thugs su chud do
sangs rgyas kyi sku sems can la byung ngo
e ma ho
tha dad gcig tu 'dus so
klong gcig tu 'dril lo
a ho klong thams cad sgron ma la 'dus so
sgron ma thams cad 'od la 'dus so
kye ma ho 'od thams cad sku la 'dus so
sku thams cad rig pa la 'dus so
a hum rig pa thams cad mi gnas pa'i klong du thim mo
de bzhin du rang rang gis rtogs nas
the tshom gyi rtog pa bsal lo
zhes rig pa rang shar chen po'i rgyud las
'khrul pa'i rang bzhin gyi brda'i le'u ste zhe gcig pa'o
@42
de nas yang mkha' 'gro ma dmar mo'i tshogs rnams kyis 'di skad ces gsol to
kye ston pa chen po bdag cag rnams la thabs dam pa bstan du gsol
gsung du gsol
lung bstan du gsol
zhes zhus so
de nas ston pa chen pos bka' stsal pa
kye nyon cig khyod rnams la ngas bstan gyis gus par nyon cig
585
sngon yul ma ga dha'i grong khyer chen po ches bya ba na
rgyal po mdzes ldan snying po zhes bya ba la
lha khang yid du 'ong ba zhig yod pa las 'bangs rnams kyis kheng log byas te
lha khang la me phyogs bcu nas btang bas lha khang ma tshig zer ba de ya cha
de nas dmar mo khrag 'jib mas 'di skad ces gsol to
kye ston pa chen po khams gsum 'khor ba'i sems can rnams thabs gang gis 'tshang rgya bar 'gyur
zhes zhus so
de nas yang bka' stsal pa
yul 'dus pa rnam par bkod pa zhes bya ba na
rgya nag gi rgyal po li kar ta zhes bya bas
gab tshe chen po gcig bting nas
gshin rtsis byas pas gto chog tu btsun mo nyi shu rtsa gcig mdzes pa'i chas su bcug nas
lam po che'i bzhi mdor bskyal bas shi kha bcad pa de ya cha
de nas yang dmar mo dbang gi skus 'di skad ces gsol to
586
kye ston pa chen po thabs bstan du gsol
zhes zhus so
de nas yang ston pas bka' stsal pa
de nas rgya nag gi rgyal po li gar ta 'phrul gyi rgyal po des
btsun mo nyi shu rtsa gcig la mdzes pa'i rgyan gis brgyan
mgyogs pa'i shes rab rta bskyon
gsal ba'i mig phyes
brdeg pa'i mtshon bskur nas
gcod pa'i so btags
gon pa'i gos bskon
'dug pa'i yul btsal
gnas pa'i khyim btsal
'gro ba'i lam btsal nas
btang bas shi sgab chod zer ba de ya cha
de nas yang 'jig rten phung byed mas 'di skad ces gsol to
kye ston pa chen po sangs rgyas kyi bstan pa 'jig pa'i dus ci tsam na lags
zhes zhus so
de nas yang bka' stsal pa
kye ma mkha' 'gro ma rnams nyon cig
sangs rgyas kyi bstan pa 'di 'jig pa'i rtags su
'jig rten gyi khams su mu ge dang nad sna tshogs pa 'byung ngo
'jig rten gyi khams na gnod sbyin skar mnga' gdod zhes bya ba dang
587
bdud he le khyab pa zhes bya ba gnyis 'thab pas 'khrug pa 'byung ba yin no
ma mo sring pa kun gyi mnga' bdag mo zhes bya ba dang
'jig rten phung byed ma gnyis la 'bru sna tshogs kyi bang ba gcig yod de
de gnyis 'thab pa'i rtags su mu ge 'byung ba yin
nag mo sder 'dzing ma bya ba dang
srid pa bde 'gro ma bya ba gnyis 'thab pa'i rtags su nad mang po 'byung ba yin
dus lnga brgya snyigs ma'i dus na
skyes pa thams cad grir shi ba'i dus 'byung ngo
btsun pa rnams kyis khrims mi thub pa'i dus 'byung ngo
bud med rnams kyis smad mi thub pa'i dus 'byung ngo
pha dang bu brda' mi 'phrod pa'i dus 'byung ngo
gzhon pa rnams rtsod pa la dga' ba'i dus 'byung ngo
mkha' 'gro ma mi yul du 'byung ba'i dus 'byung ngo
kha tshig phra mo la brten nas
spyod pa bab chol du byed pa'i dus 'byung ngo
gsang sngags bon du gyer ba'i dus 'byung ngo
gsang sngags ston pa'i slob dpon mi bkur bar gnyen dang nye ba'i kha ngo blta ba'i dus 'byung ngo
sngags pas gsangs mi thub pa'i dus 'byung ngo
588
skyes pas chos mi thub pa'i dus 'byung ngo
mi rnams kyis gos nag po gon pa'i dus 'ong ngo
sgrub pa po rnams grong yul du 'bab pa'i dus 'byung ngo
gsang sngags kyi zab chos la mi spyod par log pa'i chos la spyod pa'i dus 'byung ngo
sangs rgyas kyi dgongs pa nyams su mi len par
glu gar dang rol mo dang rtsed mo la dga' ba'i dus 'byung ngo
sgrub pa po rang gcig pur mi 'dug par
mi mang po tshogs nas kha tshig la spyod pa'i dus 'byung ngo
srin po gsod byed nag po bya ba dang
srin mo nag mo rag sha ma bya ba gnyis sngags pa kun gyi snying du zhugs nas
dgon pa mi 'dzin par grong yul du 'bab cing gtso bo byed cing phung ba'i las drag po byed pa 'byung ngo
tshangs pa dung gi thor tshugs can dang
yum phung byed ma nag mo gnyis kyis bu dge bsnyen dkar po bya ba gcig btsun pa kun gyi snying ngu zhugs nas
rang gi 'du khang mi skyong bar sde pa 'dzin pa'i dus 'byung ngo
de la sogs pa'i rtags mi sdug pa dang
mi legs pa 'byung ste
de'i dus tsam na bstan pa nub pa'i rtags yin no
589
gsang sngags gsang ba 'di sa la gnas pa'i byang chub sems dpa' gcig gis spyad nas dar zhing rgyas par 'gyur ro
de nas lo lnga brgyan mun pa'i bskal pa lo drug cu 'byung ngo
de nas sangs rgyas rnam par bkod pa rin po che'i rgyan zhes bya ba 'jig rten na 'byung ngo
des mtshan nyid kyi chos lo brgya tham pa gnas par byed do
de nas yang mun pa'i bskal pa lo drug cu 'byung ngo
de nas yang de bzhin gshegs pa 'od srungs chen po zhes bya ba 'jig rten du 'byung ngo
mi dang 'khor rnams kyang 'od 'dom re dang bcas nas 'ong ngo
rdzogs pa chen po lo drug cu gnas par byed do
zhing khams de na sangs rgyas kyi 'bras bu thob pa'i gang zag sum cu 'byung ngo
de nas mun pa'i bskal pa lo lnga bcu 'byung ngo
de nas yang de bzhin gshegs pa gtsug phud rin po che bya ba 'jig rten du 'byung ngo
de nas yang dam pa'i chos 'dul ba lo bcu tham pa gnas par byed do
de nas kyang rang sangs rgyas lnga bcu 'byung ngo
de nas bskal pa chen po bzhi 'gyung ngo
de yang dang po mu ge'i bskal pa 'byung ngo
590
de nas mtshon gyi bskal pa 'byung ngo
de nas nad kyi bskal pa 'byung ngo
de nas me bdun gyi bskal pa 'byung ngo
de nas 'byung ba chu'i bskal pa 'byung ngo
de nas tha ma rlung gis 'jig par 'gyur ro
de nas lo lnga brgya'i bar du stongs par gnas so
de nas yang stongs pa dang
chags pa dang
'jig pa gsum dus mnyam ste
yang dpag bsam gyi shing rgyas pa chen po zhes bya ba chags so
'dab ma'i steng du mu tig gi phreng ba yid du 'ong ba gcig yod de
de la thams cad mkhyen pa'i spyan chags pas
'jig rten gyi khams mi mjed ces bya ba chags so
de nas ston pa byams pa chen po zhes bya ba 'jig rten gyi khams der 'byung ngo
der yang dam pa'i chos dar zhing rgyas par byed do
skye dgu'i tshe lo yang drug khri thub po
de bzhin du rim par chags shing rim pas stongs pa'o
zhes bka' stsal to
de nas yang mkha' 'gro ma rnams skad cig tu yid 'khrugs nas brgyal bar gyur to
de nas yang mkha' 'gro ma rnams brgyal sangs nas 'di skad ces gsol to
kye ma kyi hud shes pa brlags par gyur to
591
kye ma kyi hud bskal pa las thar pa'i thabs med do
kye hud de las thar pa'i thabs bstan du gsol
zhes brjod cing gdod nas mchi ma 'don zhing 'o dod chen po 'bod cing bcom ldan 'das la bskor ba byed cing
de skad brjod pas
ston pas bka' stsal pa
kye nyon cig
de rnams kyi dbang du mi 'gro ba'i rig pa ni
rgyud chen po 'di yis grol bar 'gyur ro
zhes bka' stsal pas
mkha' 'gro ma rnams kyis 'di skad ces gsol to
a hum bdag cag sdug bsngal chen pos gzir ba la
thugs rje'i lcags kyus 'dzin pa ngo mtshar che
bdag cag 'dod pa'i tshad pas gdung ba la
thugs rje'i rlun gyi chu rgyun 'bebs pa sku drin che
bdag cag 'khor ba'i gcong rong dog mor lhung ba las
thugs rje'i zhags pas 'gro ba 'dren mdzad pa
thabs ldan ye shes sku la phyag 'tshal bstod
bdag cag ma rig mun pa'i 'dam du 'khyams pa la
rnam dag sgron ma 'degs la phyag 'tshal bstod
bskal pa dpag tu med par lam stor ba'i
592
sa mkhan rdo rje'i sku la phyag 'tshal bstod
dang po'i nor bu ma rnyed rtag tu stor
gzhal yas ston mdzad khyed la phyag 'tshal bstod
'khor ba'i chu bo bsgral bar ma gyur pa'i
pha rol sgrol mdzad gru la phyag 'tshal bstod
rdo rje sems dpar sprul zhing 'gro don byed
ye shes mnyam nyid sku la phyag 'tshal bstod
'khor ba'i rgya mtsho dpag tu med pas nas
thugs rje'i 'dren mdzad de la phyag 'tshal bstod
sku mchog 'bar ba'i ye shes rnam par dag
sangs rgyas thugs rje can la phyag 'tshal bstod
ces mkha' 'gro ma rnams kyis bstod nas
dga' ba'i sems skyes so
de nas yang 'di skad ces brjod do
a ho klong gcig tu 'khyil lo
snang ba rnam par dag go
e ma ho
rang gis rig pa mthong ngo
de nyid stobs sgyur to
ces brjod nas mi snang ba'i ngang du gshegs so
zhes rig pa rang shar chen po'i rgyud las
dus bstan pa'i le'u ste zhe gnyis pa'o
@43
de nas yang mkha' 'gro ma ljang mo'i tshogs rnams kyis 'di skad ces gsol to
593
ston pa chen po khyed kyis sangs rgyas kyi dgongs pa tshad bzung bar nus sam
zhes zhus pas
ston pas bka' stsal pa
kye 'byung ba'i bdag mo rnams nyon cig
sangs rgyas kyi dgongs pa la tshad med do
thun med do
mtshams med do
zhes bka' stsal pas
mkha' 'gro ma rnams ngo mtshar skyes nas 'di skad ces gsol to
kye ston pa chen po sangs rgyas kyi dgongs pa tshad med pa'i lung bstan du gsol
zhes zhus so
de nas yang ston pas bka' stsal pa
kye 'byung ba'i bdag mo rnams nyon cig
ngas chos thams cad sgra dang brda' la bsdus te bstan gyis legs par nyon cig
a gha ta sam bhud da ya a dhu
dpag bsam gyi shing la skyes pa brgyad khris sta re rnon po thogs nas bcad pas
sus kyang mi chod pa bstan pa'i man ngag
sangs rgyas kun gyi ye shes ni
gcig dang du ma'i phyogs dag dang
tha snyad brtsams pa'i chos dang bral
rtog med 'dzin pa med pa'i chos
gzung ba'i yul med 'dzin pa'i sems las grol
594
sangs rgyas dgongs pa rgyas pa chen po'o
shes pa gcig tu bsdus pa ga la yod
spros med bsdus med ngang la rig pa byar med gsal
rang byung rang grol ngang du dbyer med mnyam
skye 'gags med pa'i me long 'od po che
kun gyi snying po yin par sangs rgyas kun gyis bsungs
dha tu pra sa ra du pa ya a
brag phug stong pa gcig gi nang na mar me gcig la mi gnyis rtsod pa'i man ngag bstan pa
'dzin pa med pa'i rang gsal ni
bcos pa med pa'i ngang du zhog
sangs rgyas kun gyi ye shes ni
rang nyid cit ta'i dkyil du zhog
rtog pa med pa'i rang snang ni
nam mkha' stong pa'i dkyil du zhog
rang rig bcos pam med pa ni
sgron ma rnam gnyis yul la zhog
sangs rgyas rnams kyi mes po ni
rang byung shes rig yul la zhog
gsang sngags kun gyi lta phugs ni
sgron ma'i yul la ma yengs ltos
hum a pran ti sar ba a bha dhu kher ga a shi ha
595
rin po che'i mig gnyis nam mkha' stong pa'i dkyil du
g.yu'i khu byung la zhon nas yul drug 'joms pa'i man ngag bstan pa
e ma ho sangs rgyas dgongs pa ni
btsal ba med par rang las rnyed
pho brang rnam dag dkyil 'khor ni
'gyur ba med par rang la btab
rtog pa med pa'i chos nyid ni
'gyur ba med par rang sar grol
rnam dag 'od gsal chen po'i dbyings
phyin pa med par yul dang 'phrad
byas pa med par dkyil 'khor ni
'dzin pa med par rang lus rnyed
yang dag yul med spyod pa ni
bcos pa med pa'i klong du grol
rgyun chad med pa'i dgongs pa ni
rang byung sgron ma'i ngang du shes
sangs rgyas ye shes dngos med la
'dzin pa'i bsam pa spang ba'o
ma dag ye shes 'bar ba las
nyes pa'i skyon gyis ma gos pa'o
sha sa ri ad ma bha gha la e dhu a
596
chu bo chen po hub kyis 'debs pa'i man ngag
rgyun chad med pa'i dgongs pa ni
nam mkha' ngang du shes par bya
stong pa chen po'i ye shes ni
rtog med ngang du shes par bya
bsam dang bral ba'i rig pa ni
cit ta'i dkyil du shes par bya
rang byung rig pa'i dngos po ni
lu gu rgyud du shes par bya
rang grol chen po'i lta stangs ni
seng ge lta bur shes par bya
rang grol rang sangs chen po ni
bsam pa'i dngos po med pa ste
brjod pa'i tshig dang bral ba'i chos
a ti'i nang du shes par bya
rig pa'i klong du kun shes pa'o
dznya na pra ka sha ya dha ma sang ka ri ya ha a bhud dha a
597
rin po che shel gyi mchod rten la gser gyi skas btsugs nas 'dzegs pa'i man ngag
sangs rgyas kun gyi lam chen ni
bar do rnam pa gsum du gsungs
de yang rig pa'i ye shes sku
ma bskyed pa yi tshom bu lnga
rang las byung zhing rang las 'phro
rig pa rnam dag ye shes ni
ma 'gags pa yi me long bzhin
skye dang 'bri ba med par snang
sangs rgyas kun gyi spyan du gsungs
rig pa sna tshogs ye shes ni
rang byung sgo brgyad dkyil 'khor ldan
rig pa 'gyur med gnas pa ni
rang grol ye shes gcig pa'i sa
sangs rgyas sems can gcig pa'i sa
sangs rgyas sems can snang ba kun
gcig shes nang du shes par bya
thams cad ngo bo shes gyur na
ye shes dag pa'i snang ba'o
bag chags med pa'i rig pa ni
rang nyid yul la brtag par bya
de phyir rang lus rnyed pa'o
ma ha lang kam sar ba ya dhu ha ta ya
598
rgya mtsho chen po gcig gi nang du chu bo 'du ba'i man ngag
ka dag rig pa'i klong dkyil du
phyi nang gsang ba'i chos rnams 'dus
skye med ye shes dkyil 'khor du
gsang sngags rgyal po rdo rje'i bdag
rdo rje gsang ba'i ye shes ni
gsang sngags kun gyi rig pa dngos
yang dag sa la mi g.yo zhing
'od gsal ngang du gnyis med thim
gsang sngags rgyal po mi mnyam rdo rje'i sku
ye shes kun gyi gter du gsungs
yang dag lam dang brjod med ngang du 'jug
skye med rdo rje'i sku ni 'jigs pa kun dang bral
rnam dag ye shes chen po'i sku
brjod med tshig dang bral bas rig pa ye shes sku
rnam dag lam las rdo rje'i sku 'byung zhing
ye shes rnam dag brdal ba'i dkyil 'khor 'di
ma bskyed rdzogs pa'i tshul du 'gro ba yongs la khyab
rdo rje'i sku nyid ngang las yang dag 'byung
rig pa'i sku nyid nga yi ngang du yang dag thim
yang dag sku nyid rdo rje'i don du gsung
599
nga med nga las thams cad byung
nga med nga la thams cad rdzogs
nga yi ngang du thams cad 'du
sangs rgyas kun gyi mes po ni
nga yi rig par shes par bya
gsang sngags thams cad rig pa'i klong
skye med ngang du shes par bya
a a a sar ba ka ya ma ha san ti dar ya ga ta zhu pa ya bhu tu a
nam mkha' gcig gi ngang du 'ja' tshon lnga thim pa'i man ngag
rang gi ye shes snang ba ni
nam mkha' stong pa'i ngang du thim
rig pa rtog med chen po ni
yang dag brjod med ngang du thim
'dzin med rang dag ngo bo ni
rtog med chen po'i ngang du thim
'gyur med rang sangs chen po ni
mkha' khyab stong pa'i ngang du thim
'byung ba med pa'i chos nyid ni
'ong ba med pa'i ngang du thim
600
rgyu med sangs rgyas rang byung ni
rkyen med rnam dag ngang du thim
phyogs dang ris su 'dzin pa yang
phyogs lhung med pa'i ngang du thim
rang gsal rang dag chen po ni
ye shes 'gyur med ngang du thim
dus gsum sangs rgyas dgongs pa ni
sgron ma nyid kyi ngang du thim
zag med ngang la rab gnas pa
skad cig ye shes klong du 'dus
rdo rje'i lam la rab gnas pa
brjod med lam la de bzhin gshegs
sku lnga'i lam la rab gnas pa
mi bskyod mkha' la de bzhin gshegs
dus med ye shes rang snang ngo
zhes bka' stsal to
de nas mkha' 'gro ma rnams kyis 'di skad ces gsol to
kye bcom ldan thugs rje chen po dang ldan pa
don de lta bu gsungs pa ngo mtshar che lags so
zhes brjod nas yang bstod pa
a hum bcom ldan mgon po rdo rje ye shes sku
rnam dag rdo rje'i sku la phyag 'tshal bstod
ye shes lnga ldan rdo rje snying po'i sku
rdo rje 'od dpag med la phyag 'tshal bstod
gsang sngags bdag po rdo rje ye shes sku
rtog med chos kyi sku la phyag 'tshal bstod
ma rig dbyings su sgrol mdzad thams cad mkhyen
601
thugs rjes dbyings su sgrol la phyag 'tshal bstod
sangs rgyas sa dang lam la bgrod med ston
yang dag skye med don la phyag 'tshal bstod
rdo rje'i don ldan 'du 'bral med par ston
mdzes pa'i 'od ldan khyed la phyag 'tshal bstod
ye shes dag pa'i sku la dri med rnam par dag
stobs kyis pha rol sgrol la phyag 'tshal bstod
ye shes dri med 'od lnga'i dkyil 'khor na
sku lnga ma 'dres rdzogs la phyag 'tshal bstod
ces bstod do
de nas mkha' 'gro ma'i rigs rnams kyi 'di skad ces brjod do
e ma ho
klong rnam par dag go
skye gnas thams cad rnam par dag go
a hum don gcig tu bsdus so
ye shes ye shes kyi klong du thim mo
a la la ho
rig pa rig pa'i mkha' la bskyod do
don rang gis de nyid du 'dus so
a ho
rtags mngon du snang ngo
rtogs so
shes so
go'o
zhes brjod de mi snang ba'i ngang du gshegs so
zhes rig pa rang shar chen po'i rgyud las
brda' lnga bstan pa'i le'u ste zhe gsum pa rdzogs so
602
@44
dpal sngags kyi srung mas dam tshig nyams pa'i snying thon cig
rgya rgya rgya
de nas yang gsang ba'i bdag pos 'di skad ces gsol to
kye kye bcom ldan rdo rje 'chang
brda' yi rnam pa de ltar na
don gyi ye shes gsung du gsol
zhes zhus so
bcom ldan 'das kyis bka' stsal pa
kye ma gsang bdag rdo rje 'dzin
ma yengs tshul gyis gus par nyon
rang snang chos nyid nam mkha' la
ma bskyod pa ni rtogs pa'i mchog
dus gsum 'gyur ba med pa'i klong yangs na
bsgom du med pa'i don byung ba
yang dag nges pa'i lung 'byung chen po 'di
gang las ma byung rig pa nyid las shar
bsgom du med pa'i don ni gang yang ma spangs te
'dzin chags med na bla med rnyed pa yin
mchod pa med na lha rnams 'grub pa yin
bzlas su med na snying po rdzogs pa yin
bsgrub tu med na dngos grub rnyed pa yin
bsam pa med na chos sku chen po yin
'byung ba lnga dang sangs rgyas lnga
dbyer med gcig gi ngo bor rtogs
603
rig pa gsal 'grib med pa dang ma rig sna tshogs snang ba gnyis
dbyer med gcig gi ngo bor rtogs
skye dang 'chi ba med pa rig pa chos kyi sku
rtog med ngang du gnyis med tshul gyis rtogs
yongs su kun la khyab pas snang mtha' yas
snang srid kun la khyab pas kun gzhi klong yangs na
rig pa rang la khyab pas ye shes rol par snang
mtha' la thug pa med par ye shes rang la yod pa'o
de nas yang zhus pa
kye kye thugs rje chen po dang ldan pas
bdag cag rnams la thabs dam pa bstan du gsol
zhes zhus so
de nas yang bka' stsal pa
kye nyon cig
ngas bstan gyis legs par zung zhig
de bzhin gshegs pa thams cad kyi dgongs pa ye nas skye ba med pa'i ngang la gsal ba yin no
rgyu rang byung ye shes la ye nas rang byung gi ye shes bgrod cing sbyang mi dgos pa'i sangs rgyas yin pas na
'bras bu sku lnga ye nas rgyu'i sgo khegs par rang byang chub pa yin no
dus dang gnas dang ye shes bkod pa'i gnas so
sangs rgyas kyi yul ni mdangs dag pa'o
604
de bzhin kun la shes par gyis shig
ces rig pa rang shar chen po'i rgyud las
don bstan pa'i le'u ste zhi bzhi pa'o
@45
de nas yang gsang ba'i bdag pos 'di skad ces gsol to
kye thugs rje chen po dang ldan pa
gsang sngags kyi sgra don gsung du gsol
zhes zhus so
de nas yang bka' stsal pa
kye rdo rje 'dzin pa nyon cig
ngas chos thams cad kyi de bzhin nyid bstan gyis legs par nyon cig
de yang chos kyi sku'i sgra ni
dhar ma ka ya gha tsa ka ya gha ba dza ka ya byi ta ha dznya na ba dzra ma nu te cit ta ar ya tha bhud dha po dhi sat va
ta tha ga ta dhatu ad ma sam gha ra e bha sa su pa ri ma ha la dhe ba mu dra ma ha pa tra bha hu tra
605
khen tri e ka a ka ma ni shri tri bi bri tri pra dznya sar ba ni sing ka ra no pi ka ma la e bha sa
sa bhe sa dhi pa a a te ku ta sin dhu pra sa ra ru pa ya san dhi dhi ra pa bha ta pang ya
am ka ra bha ga ba na pra dznya shri 'bu sug gu ghu ya man tra sa ma ya sa ma dhi sa man ta
ar ya e ka dhu ye pa tri rdza ri pan tsa tsha dhu tse na tsha dha gha ta tshe ha
606
de bzhin sgra yi rnam pa kun
ci ltar mthun pa'i don mtshon pa'o
de ni grangs kyi go dka' ba dag bstan pa'o
zhes rig pa rang shar chen po'i rgyud las
grangs yig bstan pa'i le'u ste zhe lnga pa'o
@46
de nas yang mkha' 'gro ma'i rigs rnams kyis 'di skad ces smras so
yang dag par rdzogs pa'i sangs rgyas la bsgom du med do
sgom byed ni ma 'gags pa'o
bsgom rgyu ni mi dmigs pa'o
dgongs pa'i tshad ni nam mkha' la gzung ngo
zhes brjod do
de nas 'dod chags kyi gtso mo e ka tsa ti mas 'di skad ces brjod do
skad cig ngang las chos rnams thams cad byung
e ma ho rin chen byang chub sems
kun la yod de kun gyis mthong ba med
rang byung bdud rtsi'i thigs pa 'di
btsal bya btsal byed med par rang las shar
sangs rgyas dgongs pa rang byung skye ba med
gnas dang 'gro 'ong med pa'i rang byung chen po yin
'dzin chags med pa'i rang grol chen po 'di
sems med skye med ngang du shes par bya
dus med snang ba'i rang byung chen po ni
nam mkha'i ngang las nyi zla'i cho 'phrul 'byung ba bzhin
607
skye med ngang las 'gag med cho 'phrul byung
de bzhin cho 'phrul chen po dka' ba med
gsang ba'i snying po'i don nyid ni
rang byung gsang ba'i dkyil 'khor du
yang dag don chen 'byung bar 'gyur
skye med don rtogs ngang du grol
de phyir rdo rje'i blta bar 'dod
ces brjod nas mi snang ba'i ngang du gshegs so
de nas yang mkha' 'gro ma 'dod chags kyi gtso mo khro gdong mas 'di skad ces brjod do
e ma ho
rang byung bde ba'i klong nas dkyil 'khor rnam lngar shar
shes rab bde chen klong nas sku lnga ma 'gags gsal
skye med rnam dag klong nas ye shes 'od lnga gsal
ma bskyed rdzogs pa'i klong nas rig pa'i sku la mdun rgyab med
ye shes rdzogs pa'i klog nas shes rab gtsug phud lngar snang zhing
skye dang 'gag med ngang du rtogs shing rab tu grol bar 'gyur
stong pa tshig med ngang las rnam dag brjod med ngang du rtogs shing thim
skye dang 'gag med gsang sngags kun gyi bcud ni rang gi thugs la 'chang
stong nyid ye shes klong nas lha yi cho 'phrul ma bskyed rdzogs
608
gnyis med klong nas kun gyi ngo bo 'gyur med chen por rtogs
gsang sngags bcud dang
sangs rgyas dgongs pa'i tshad
rnam dag sgron ma skye med klong du yang dag sangs rgyas so
'gyur med 'gag med cho 'phrul cir yang snang zhing spyod
'dzin chags med pa'i chos nyid byang chub sems la nyon mongs ga la yod
rdo rje snying po'i sku la skye 'jig med cing yul la rnam par snang
skye 'gag med cing thig le nyag gcig rang byung dbyings la spyod
sa dang lam la bgrod cing sbyang du med pa'i sku la 'dzin pa'i bsam pa med
'dzin pa med cing chags zhen med na sangs rgyas chos sku 'dod
ces brjod nas mi snang ba'i ngang du gshegs so
de nas yang 'dod chags kyi gtso mo me long gdong gis 'di skad smras so
e ma ho sku gcig kun la khyab pa'i sku
mthong zhing rtogs par dka' zhing brjod pa'i tshig dang bral
khyab brdal 'ub chub kun gyi snying po yin
rang byung 'gag med dkyil 'khor chen po ni
rang rang cit ta'i dkyil na kha dog 'bar
609
dkar 'jam stong pa'i rtsa dag dang
thig le 'pho ba'i rtsa rnams dang
rnam par grol byed rtsa rnams dang
shel dkar rgyu ba'i rtsa dag nas
rnam shes rlung la zhon nas ni
bhi tra gu ta yi sgo chen nas
lam byung stong pa'i ngang du thim
thim byed med par sa ler gsal
tshom bu lngar ldan ye shes gsal
dus med rang sar grol pa'o
skye med dbyings las ye shes byung
'gag med ngang du gnyis med thim
rdzogs dang ma rdzogs tha snyad bral
'gro dang 'ong med gnas su dag
skye dang 'chi med dbyings su rdzogs
gnas pa med par rang grol rtogs
ye shes 'dzin med chos dang bral
yang dag sa la de bzhin gshegs
zhes brjod nas mi snang ba'i ngang du gshegs so
de nas yang 'jig rten phung byed 'dod chags kyi gtso mos 'di skad ces gsol to
e ma ho lta ba dang ni sgom pa dang
de bzhin spyod pa'i rnal 'byor dang
de rnams gsang sngags don du 'dod
de yang bstan pa 'di lta ste
rang byung bcos pa med na spyod pa chen po yin
gsal la 'dzin pa med na sgom pa chen po yin
610
rgya chad phyogs lhung med na lta ba chen po yin
de bzhin lta ba sgom pa yang
rang byung 'dzin med rnam dag ni
gcig dang du ma med par rtogs
rdo rje sems dpa'i rang snang ni
rang grol 'dzin med ngang du rtogs
rang byung rtags kyi sangs rgyas ni
rang nyid sangs rgyas dngos yin pas
ye shes dag pa'i chos sku la
rang nyid lha yi dkyil 'khor nyid
ye shes lam la dgag sgrub med
'dzin pa'i yul la bdag 'dzin med
sangs rgyas chos la bdag rtogs med
yang dag lam la zhe 'dod med
yang dag sku la lha dang bral
nyid las mi gzhan 'khor nyid kyang
rang las byung zhing rang la thim
sangs rgyas kun gyi mdzad pa ni
ye shes ngang la rol par mdzad pa'i sku
rnam dag stong pa'i ye shes mkha' la gsal
rang byung 'dzin pa med pa'i chos
ye shes 'dzin pa dngos dang bral
lam shes nyid la ltos pa min
de bzhin gshegs pa nyid du shes pa'o
zhes brjod nas mi snang ba'i ngang du gshegs so
de nas yang 'dod chags kyi gtso mo rma bya'i mgrin gyis 'di skad ces gsol to
611
sangs rgyas kun gyi dgongs pa ni
rang gi ngang du yang dag gnas
de yi gong na gzhan med ye shes dngos
rang byung sangs rgyas chen po yin
skye med rdo rje'i bdag nyid ni
lha yi dkyil 'khor chen por rtogs
rnam par dag pa'i sku mchog ni
pho brang 'gyur med ngang du rtogs
skye 'jig med pa'i bde chen ni
sangs rgyas kun gyi bde chen yin
'du 'bral med pa'i ka dag ni
rang rang thugs kyi dkyil na rdzogs
rtogs dang ma rtogs gnyis su med
'dzin dang gol ba'i chos rnams med
dge dang sdig pa ga la yod
gsang ba yongs rdzogs dkyil du 'dus
dper na bang mdzod rgyas pa bzhin
dgos 'dod re ba spyod pa ltar
rig pa gsang ba'i bang mdzod ni
ci ltar snang ba klong du thim
thim pa dmigs pa med pa'i chos
'gag med klong du de bzhin gshegs
yang dag rdo rje'i sku la rdzogs
gsal 'grib med pa'i rang snang ni
skyon med yul la mngon par snang
mdzad pa med pa'i phrin las cir yang mdzad
612
rtogs pa'i lta ba rnam par dag pa'i
zhes brjod nas
mi snang ba'i ngang du gshegs so
de nas yang 'dod chags kyi gtso mo thong ba'i phreng ba can gyis 'di skad ces gsol to
phyi dang nang med gsal ba'i bde chen che
kun gyi gzhi mar gyur pa theg pa che
brjod pas thog tu mi phebs stobs po che
'gyur med rnam par dag pa'i ting nge 'dzin
sna tshogs cir snang snang bas cho 'phrul che
yang dag sa la bgrod pas mtshongs pa che
srid pa rgya thegs byas pas stobs po che
ma bskyong mkha' la gshegs pa'i gom po che
rnam dag gcig tu sdud pas yangs pa che
phyi rgya rlabs kyis chod pas shes rab che
ma 'gags gcig tu bsdus pas ye shes che
gsal ba rang snang yin pas rig pa che
kun gyi gong ma gyur pas gtso bo che
stong pa'i tshig dang bral bas gsal ba che
byar med rnam par dag pas rdzogs pa che
'dzin med rang sar grol bas stong pa che
thams cad zil gyis gnon pas brjid pa che
yul med rnam par dag pas bkod pa che
613
yang dag dbyings la bskyod pas 'dzin pa che
dge dang sdig pa med pa'i kham po chen
rtag chad mu la mi gnas rtogs pa che
'dzin rtog lam la mi gnas bsam gtan che
stong pa gsal pas brgyan pa'i kha dog che
yang dag che ba rnams dang ldan pa 'di
che ba'i gong na gzhan med rang nyid che ba'i lha
gsang sngags rnams kyi dgongs pa de bzhin no
zhes brjod nas mi snang ba'i ngang du gshegs so
de nas yang 'dod chags kyi gtso mo khams gsum drod nyul mas 'di skad ces brjod do
e ma ho
gsang ba'i rin chen bang mdzod nas
rnam dag nor bu rin chen 'bar
'dzin rtog g.yeng bas ma brlags sam
rang byung rtog med sangs rgyas la
chags pa'i rang bdud ma zhugs sam
btang snyoms chen po'i ting 'dzin la
mtshan ma'i chos kyis ma gos sam
rtog med ye shes rang grol la
'khor ba'i nyes pas ma gos sam
rang snang dag pa'i rig pa la
gzhan byung chos kyi ma bsgribs sam
rang byung gsal ba'i mar me la
614
rnam rtog rlung gis ma bskyod dam
rig pa sems dang bral ba la
rnam rtog sems kyis ma bslad dam
de ni gsang sngags tshad ma ste
rtog med ngang du shes par bya
gsal yangs 'dzin pa med pa la
rang sar grol ba'i chos nyid rtogs
sangs rgyas kun gyi ye shes ni
nga nyid yin par shes par bya
bdag dang gzhan du med pa la
bdag gzhan blo ni 'khrul pa'i sems
mnyam pa nyid kyi ye shes ni
gang la chags pa'i sems med pas
'das dang ma byon da ltar gyi
dgongs pa dam pa'i tshad ma yin
gcig med gnyis snang sems las grol
zhes brjod nas
mi snang ba'i ngang du gshegs so
de nas yang 'dod chags kyi gtso mo nam mkha'i skus 'di skad ces gsol to
e ma ho
kun gyis rtogs par dka' ba'i rig pa 'di
phra zhing shes par dka' bas kun gyis mthong ba med
'dzin med kun la snyoms pas rang byung bde ba'i klong
'gag med rnam dag klong du de bzhin rnam par rol
klong las yang dag lha mo'i skur snang ba
rnam rtog bag chags lus la lha mo'i ho 'phrul 'byung
615
zhen med stong pa'i ngang la rig pa'i nyi shar bas
nub pa med pa'i gter chen dkyil 'khor nas
'gyur ba med pa'i sku lnga shar gyis byung
rtog pa med pa'i ngang du gnyis med thim
yang dag sa la ma bkod phung po lnga
snang ba'i cho 'phrul cir snang ston par mdzad
rig dang ma rig gnyis kyang 'dzin pa'i rtog pa yin
gsang sngags 'chang ba'i dkyil 'khor rol pa'i ye shes sku
sa lam med pas sa chen 'das pa stong
yul med rnam par dag pa'i rig pa mkha' la gsal
ngas ni byas pa ma yin byung ba'i chos nyid do
chos la ngos bzung yod na 'dzin pa'i zhe 'dod yin
gsang ba dang ni gab pa dngos ma yin
yang dag dkyil 'khor rang byung rdzogs pa'i sku
sa dang lam gyi tha snyad bral ba'i chos nyid do
rang rig rang dag rang sang grol bar 'dod
dmigs pa med pa'i ting 'dzin btang bzhag bral
grub pa med pa'i yang dag pho brang nyid
rang gi thugs la gsang sngags rgyal po spyod
ces brjod nas mi snang ba'i ngang du gshegs so
616
zhes rig pa rang shar chen po'i rgyud las
mkha' 'gro mas rang skad smas pa'i le'u ste zhe drug pa'o
@47
tra myang tha nya ldag
de nas yang mkha' 'gro ma'i tshogs rnams kyis 'di skad ces gsol to
kye ma bcom ldan ye shes sku
thog ma med pa'i dus kyi tshe
ston pa byon pa gang du byon
sku yi 'khrungs rten gang la bgyis
'dul ba'i bstan pa gang gang btsugs
nye ba'i 'khor ni gang gang lags
rgyud kyi rgyal po gang gang gsungs
sprul pa ci ltar mdzad de byon
mos pa'i 'khor la bstan du gsol
zhes zhus so
de nas yang bka' stsal pa
kye kye ye shes rje mo nyon
ngas bstan legs par yid la zung
nga ni rdo rje sram khregs ldan
thog ma med pa'i dus kyi tshe
nga yi nor bu rin chen stor
nor bu stor ba'i rang bzhin gyis
mun snang gnyis kyi mtshams nas 'ong
rkyen bzhi'i dmigs pa ma dag pas
dga' ldan brtsegs pa'i yul ngu 'ongs
nga yi rten ni pad ma dag pa yin
gsang sngags rgyud chen bstan pa btsugs
617
nye ba'i 'khor ni mi 'khrugs pa'o
rgyud kyi rgyal po thal 'gyur bshad
lo brgyad mdzes pa'i tshul du sgrul
ngas ni 'dul ba'i bstan pa btsugs
de nas yang mkha' 'gro ma rnams kyis 'di skad ces gsol to
ston pa'i byon lugs de ltar na
ston pa'i pha ma gang gis bgyis
rus ni ci skad bya bar grags
ston pa'i mtshan ni skad btags
ston pa'i yul ni gang ltar lags
zhes zhus so
yang ston pas bka' stsal pa
pha ni rang byung chen po yin
ma ni mkha' mnyam rig pa'i klong
yul ni ma bkod mdangs ldan yin
rus ni rdo rje 'gyur med rus
snang stong yang dag nga yi mtshan
yul ni 'od gsal lnga po yin
man ngag rang byung ye shes yin
'das pa nga yi ye shes yin
ma 'ongs nga yi yul lung bstan
da lta nga yi rig pa yin
de nas mkha' 'gro ma rnams kyis 'di skad ces gsol to
kye kye ston pa ye shes sku
de nas gnas ni gang du byon
yul ni ci skad bya ba yin
gsang sngags gang dang gang dag gsungs
'khor ni gang dang gang gi 'khor
618
sku yi gsol zas ci yis bgyis
de nas yang bka' stsal pa
de nas gnas ni lha yul dga' ldan te
sum cu rtsa gsum khang bzang der
sbyin pa dang ni tshul khrims dang
bzod pa dang ni brtson 'grus dang
de bzhin bsam gtan shes rab dang
'khor lo rnam pa drug ldan no
'khor ni rnam pa bdun gyis bskor
'bras bu rnam gsum 'tsho ba'i zas
sangs rgyas rdo rje'i sku nyid do
de nas yang ston pas 'khor rnams la 'di skad ces bka' stsal pa
kye 'dus pa chen po'i tshogs nyon cig
dus med par ye shes kyi snang ba rang shar ro
gnas med par gsang sngags kyi rig pa rang grol lo
stobs med par snang srid kyi chos thams cad la bzla'o
de nas yang mkha' 'gro ma rnams kyis 'di skad ces gsol to
kye kye bcom ldan rdo rje 'chang
nor bu rin chen bdud rtsi la
rnam rtog 'dzin pas ma brlags sam
zhes zhus so
yang bka' stsal pa
e ma ho
nor bu rin chen bdud rtsi 'di
thog ma med pa'i dus kyi tshe
nga yi nor bu rin chen stor
619
de yis sdug bsngal log par 'khyams
nor bu rin chen bdud rtsi de
btsal bas rnyed pa'i gnas med do
rang las rang byung rig par rtogs
nor bu rin chen bdud rtsi de
stor ba mtshor rnyed pa tshor
stor pas dngos po mtshan ma med
rnyed pas dga' ba'i mdangs dang ldan
rnyed pa'i dus dang stor ba'i dus
khyad med gcig gi ngang du rtogs
nor bu rin chen bdud rtsi la
byas shing bsgoms pas rnyed mi 'gyur
sgron ma dbyings kyi snang ba la
ma yengs gsal la 'dzin pa med par brtags
de ltar don las ma yengs nas
rin chen bdud rtsi'i sgron ma rnyed pa yin
nor bu rin chen bdud rtsi 'di
gtang bzhag med na rnyed pa'i mchog
'dzin pa med na rang sar grol
nor bu rnam par bkod pa'i don
rang las byung zhing rang la thim
de la rtsol ba ma zhugs na
rdo rje rin chen zhes byar grags
spang bya spong byed rnam gnyis med
spang 'dzin byed na bdud rtsi med
gsal 'dzin med na bdud rtsi rnyed
rang byung bdud rtsi'i sman chen 'di
620
'dzin med rnam dag ngang du yang dag grol
nor bu rin chen gsal ba 'di
gang gi phyogs su ma lhung ba
sangs rgyas bdud rtsi dam pa yin
dmigs pa med par rang nyid mthong
mthong ba nyid na dgag bsgrub med
mthong dang shes dang rtogs pa gsum
khyad med gcig gi rang bzhin yin
rtogs dang klong du gyur pa dang
goms pa mthar phyin grol ba gsum
sangs rgyas 'bras bu chen por bshad
e ma ho
rdo rje sems dpa' bdag nyid kyang
mi 'gyur klong du sangs rgyas rnyed
yang dag sa la mngon sangs rgyas
mnyam nyid dbyings su rig pa 'khyil
rtog med ngang nas sgron me gsal
zag med lam la rab gnas pas
'gyur med klong du gnyis med thim
byas med ngang nas byung ba rnyed pa yin
byas pa rang sangs ngang du shes pa rnyed pa yin
gsal ba 'dzin pa med par nor bu rnyed pa yin
ngan song spang du med par nor bu rnyed pa yin
bde chen sangs rgyas 'gag med gsal
yang dag lam rnyed rdo rje'i sku
skye med rdo rje'i snying po'i sku
dus dang thabs med rang sar grol
621
gsang ba'i bdag tu skye med thim
yang dag nyid kyi sku nyid kyang
rdo rje sku yi ngang du de bzhin gshegs
mkha' mnyam dkyil 'khor chen po ni
yang dag lam la rab gnas pa
gsang ba'i rdo rje ye shes sku
dkyil 'khor thams cad rang nyid do
rdo rje theg pa'i lam chen 'di
rang gi bde chen nyid du grol
gsang sngags kun gyi blta ba ni
rdo rje sems dpa'i thugs la rdzogs
'jig rten 'das pa'i rin po che
zhes rig pa rang shar chen po'i rgyud las
ston pa byon tshul gyi le'u ste zhe bdun pa'o
@48
de nas yang gsang ba'i bdag pos 'di skad ces gsol to
kye kye ston pa kun tu bzang po lags
ston pa byon pa de ltar na
skye med ngang du ci ltar grol
rnam dag mkha' la gang ltar gshegs
thig le'i bye brag ci ltar lags
zhes zhus so
de nas yang bka' stsal pa
kye kye gsang ba'i bdag po nyon
ngas bstan legs par yid la zung
skye med rig pa sangs rgyas ni
mtshan ma'i tshig med ngang du grol
622
sangs rgyas mdzad pa'i phrin las ni
bya dang byed pa med par grol
sangs rgyas sku nyid rnam dag ste
'gyur med ye shes snying po nyid
nga nyid klong yangs ngang du zhog
sangs rgyas rtog med thugs ldan pas
bsam dang bral ba'i ye shes thugs
yang dag sems med rang du grol
sangs rgyas rdo rje 'gag med gsungs
mtshan ma'i rol pa sna tshogs ston
ngo bo nyid ni don las grol
sangs rgyas yon tan bsam mi khyab
'jig rten khams ni rab 'byams su
sku yi sprul pa bsam mi khyab
rdo rje ye shes chen po ston
ka dag ye shes ngang du grol
'gyur med sangs rgyas dgongs pa yang
skye med gsal 'grib 'dzin rtog med
ye shes mkha' khyab rnam par stong
rdo rje sems dpa'i sku nyid rdzogs
sangs rgyas dpe dang ye shes kyang
sgron ma rnam dag ngang du grol
e ma ho
rnam dag mkha' la ye shes gshegs
gzung bas mi zin rlung dang mtshungs
nam mkha' rnam par dag pa la
rnam dag dbyings kyi sgron ma gshegs
gzhan dbang ma yin byung ba min
ye shes mkha' mnyam klong dkyil du
623
rdo rje'i sku nyid ma bskyod gshegs
zil gnon seng ge'i stobs dang mtshungs
ye shes stong pa'i rang gdangs la
thig le'i cho 'phrul ma bskyod gshegs
kun 'phro nyi ma'i 'od zer bzhin
lta ba rang bzhin nam mkha' la
rig pa'i sku nyid ma bskyod gshegs
khyung chen nam mkha' ldings dang mtshungs
nam mkha' stong pa'i dkyil dag tu
spyan nyid mi 'gyur mkha' la gshegs
glang chen mi 'gyur lta stangs mtshungs
chags med sa la gnas pa na
rdo rje rgyal pos grol bar gsungs
mdo dang rgyas pa nyid du gsungs
e ma sangs rgyas thig le ni
sems can kun gyi cit ta na
rnam dag sku yi thig le gnas
sems can kun gyi dha ti na
stong nyid rtags kyi thig le gnas
sems can kun gyi shel dkar na
stong gsal 'bar ba'i thig le gnas
sems can kun gyi dar dkar na
lam gyi thig le bzang po gnas
sems can kun gyi stong lam na
'od gsal gnyis med thig le gnas
sems can kun gyi sgal tshigs na
'du 'bral med pa'i thig le gnas
624
sems can kun gyi dung khang na
ye shes gdangs kyi thig le gnas
sems can kun gyi mig na yang
rnam dag 'od kyi thig le gnas
sems can kun gyi yul nyid na
sna tshogs 'char ba'i thig le gnas
de bzhin sems can thams cad la
dbyer med tshul gyis gnas pa yin
rdo rje sems dpa'i sku nyid kyang
ye shes dag pa'i mkha' la gshegs
sangs rgyas rnams kyi ye shes ni
sems can rnams la phyed yod do
stong pa'i ngang las ye shes cho 'phrul byung
rdo rje'i ngang las rdo rje'i cho 'phrul 'byung
rdo rje'i lam la sangs rgyas nyid gshegs pa
yang dag mkha' la rig pa nyid gshegs pa
gnyis med ngang du khyab med mnyam
skye dang 'chi med rdo rje'i bdag
yang dag sku la skye dang 'chi ba med
sems dang bag chags sangs rgyas dngos ma yin
rig pa'i ye shes sems dang bag chags bral
sangs rgyas mdzad pa rnam 'phrul cir yang ston
rtogs dang ma rtogs tshig gi dpyod pa yin
'dzin pa med na sangs rgyas gsang ba yin
625
chags pa med na rdo rje'i don nyid thob
zhen pa med na rig pa'i rang lus rnyed
tshig dang bral na ye shes dbyings su skyol
bsam pa brlags na sgron ma nyams su lon
de ltar rtog dang blta ba dang
mi rtog bsgoms na sangs rgyas rnyed mi 'gyur
yengs pa med pa'i bsgom pa chen po 'di
gsal dang 'dzin pa'i ngang du ma lhung ba'o
yang dag tshig dang bral ba'i bsgom pa chen po 'di
gang la bltas kyang chu bo'i gzhung dang mtshungs
sangs rgyas dgongs pa kun gyis go ba med
rdo rje'i sku nyid kun gyis mthong ba med
rig pa'i sku yid 'du 'bral med par spyod
sems dpa'i don nyid sku phyed yod par grags
mi zad gter la rin chen longs spyod pa'o
rdo rje'i lam la nor bu'i phung po bkod
sangs rgyas kun gyi de bzhin nyid du gsungs
zhes rig pa rang shar chen po'i rgyud las
thig le phyes te bstan pa'i le'u ste zhes brgyad pa'o
@49
de nas yang gsang ba'i bdag pos 'di skad ces gsol to
kye kye bcom ldan rdo rje 'chang
thig le'i rnam grangs de ltar na
rgyud kyi sgra chen gsung du gsol
626
zhes zhus nas 'di skad ces brjod do
ba dzra ma na e bhas dha ngu yang ka ya sang te
ces brjod pas ston pas 'di skad bsgrags so
bha na yang dha ti sha ma la ha yang ka la sar ba ya du ta a ha sam
mum tri tri sam kar u a a shre rtso shri ti ta sha rtsa sha
627
ma kla kla ma u ta be sgam a kom ma ta
628
syu sam shru a ma smyo gi nyom ta skri sgyu yak sa ya phat
mik ha sok hra sha kya shyu shru byu zhyu bya tu bya hya
629
sam nyu sam ca gem ha om ma na sha ta ma a in na kha ta
nek sha nek na nek sha san ma la son mak la kya tsa shru ki cha ca'u ka na sa lu
630
kla ta un shya shya ka la na she om khra na cek na sha ta na ma ka sha ta cha ma ka sha cha ka
khyom kro ta
de la sogs pa'i sgra rnams ni
rab tu 'bod dang dmigs pa yang
don nyid mthun pa'i tshig gis brjod
gsang sngags sgra 'gyur tshad ma nyid
rang gi don la shes pa'o
rang rang 'bru dang sbyar la bshad
'dogs dang yan lag bstan pa yang
ci ltar 'tshams pa bzhin du brjod
631
sgra la che dang chung ba yang
don nyid che dang chung bar 'dod
sgra tshig yi ge'i 'go 'dren pa
rang nyid rig pa chos kyi sku
gzung dang 'dzin pa'i chos med pas
rtogs dang ma rtogs tshig las 'das
rdo rje sems dpa' bdag nyid kyang
yang dag mkha' la so sor ma 'gags shar
stong gsal dbyings su mngon sangs rgyas
rnam dag mkha' la yang dag phyin
rdo rje lta bu'i skye med rtogs
rang nyid rdo rje'i spo la rdzogs
de phyir sgra yis sna tshogs don chen ston
sgra dang brda yis gsang sngags ston par byed
gsang sngags don chen sgra la 'dus
rtog med sgra yis ye shes dbyings su sgrol
zhes rig pa rang shar chen po'i rgyud las
gtan tshigs sgra'i le'u ste zhe dgu pa'o
@50
de nas yang gsang ba'i bdag pos 'di skad ces gsol to
kye kye bcom ldan rdo rje 'chang
sgra dang don nyid de ltar na
gzhi lam rdzogs chen gsung du gsol
zhes zhus so
yang bka' stsal pa
kye ma gsang ba'i bdag po nyon
ngas bstan legs par yid la zung
632
rdzogs chen a ti yo ga la
gzhi dang lam dang 'bras bu med
'on kyang gzhi lam 'bras bu gsungs
gzhi la rnam pa gnyis su gsungs
ka dag chen po'i gzhi dang ni
lhun grub sna tshogs gzhi ru 'dod
ka dag chen po'i gzhi la yang
ye shes ma 'gags gsal ba'o
de yang ngo bo mi 'gyur dang
rang bzhin gsal bas kun la khyab
ye shes rnam dag ngo bo la
ngo bo rang bzhin thugs rje gsum dang ldan
sangs rgyas dgongs pa rang snang rnam dag nyid kyi sku
'dzin dang gol med gnas pa med par dbyings la spyod cing sprul pa mdzad
rang nyid rdo rje'i sa la yang dag gshegs shing thig le'i sku
thig le rnam dag ye shes bkod pa'i dkyil 'khor 'gro ba'i gzhi
lam bkod rin po che'i sa la sbyang ba'i yul med pha rol phyin
gsang sngags kun gyi ye shes tshig gis dpag tu med par dbyings la bkod cing sprul pa mdzad
'dzin med rang snang ye shes kun gyi snying po yin par kun nas ston
bstan kyang grol bar mi 'gyur grol ba ga la yod
633
yang dag pa dang bder gshegs snying po gnyis med mnyam pa'i don
sangs rgyas mdzad pa'i ye shes gsang sngags dgongs pa yin par gsungs
gsang sngags kun gyi lam ni sgron ma rnam dag ngo bor 'dus par gsungs
e ma ho
gsung dang ma gsungs thams cad rang gi de nyid rtogs dang ma rtogs khyad
rig pa'i ngang las 'das pa med cing ma 'ongs med par kun byed rgyal pos gsungs
rgyal ba rnams kyi dgongs pa yang dag rdo rje mo yi klong du thams cad 'dus
rang grol skye dang bral ba'i rig pa rdo rje sku la skye 'jig med par yang dag rgyal pos gsungs
tshig med yi ge med pa'i don la skye dang 'chi ba med na 'gag med klong du mya ngan 'das
sangs rgyas ye shes lus nyid rdo rje'i spo la sangs rgyas brnyes
rdo rje sems dpa'i ngang nyid rdo rje'i rgya dang ldan par shes
rang snang chos nyid kun gyi gong ma yin par sangs rgyas rnams kyis gsungs
yang dag nyid la dag dang ma dag med par mkhyen cing rig
sangs rgyas kun gyis bsngags pa'i snying po ye shes sku nyid gnas dang bral ba'i tshe
634
rang gi de nyid mthong nas de nyid la yang dran pa skyes nas bde chen sa la thim
yengs dang ma yengs med par don nyid rang la shar cing rang la snang ba zin
zag pa med la chos rnams kun gyi bden pa mthong ba'i dus su bstan pa yin
yang dag sangs rgyas gzhi la bzang ngan med par gnyis med mnyam pa yin
rang rgyal rnams dang theg pa dman pa'i rigs rnams la
sangs rgyas gsang ba'i don mi bshad
gzhan yang gsang sngags don chen ni
blo dman shes pa chung ba dang
kha gsags g.yo sgyu'i sems dag dang
lam dang sa la zhen pa yi
rigs dang rgyud med dag la ni
gsang sngags gsang ba bsgrag mi bya
chos nyid rtogs pa'i rnal 'byor pas
cir snang 'od kyi snang bar mthong
rdo rje lta bu'i sangs rgyas ni
gcig dang du ma'i gzugs su med
dper na rtsal gyi rgyal po bzhin
thams cad zil gyis gnon pas skrag par byed
de bzhin ka dag rdzogs chen ni
sangs rgyas man chod theg dman zil gyis gnon
635
sangs rgyas mdzad pas thams cad skrag par byed
yang dag sangs rgyas bde chen thugs las byung
gzhi dang lam la mi ltos sangs rgyas mnyam med yin
yang dag sprul pas yang dag nyid du sgrol
gzhi la ngo bo rang bzhin thugs rje rdzogs
lam la sku lnga ye shes lam lnga rdzogs
'bras bu sku gsum ye shes 'od snang rdzogs
de phyir gzhi lam 'bras bu gsum
'du 'bral med pa'i tshul du'o
'bras bu ma g.yos chos kyi sku
lam ni rnam dag sku lnga yin
gzhi nyid mi 'gyur rang bzhin che
rtog med gzhi yi ngo bo la
sangs rgyas sems can gnyis su med
skye ba med cing 'chi ba med
gnas pa med cing rang sar grol
'dzin pa med pas bden pa mthong
'gyur med lam gyi ngo bo ni
'dzin pa med pas rang dag go
sna tshogs lam gyi ngo bo la
chags dang 'dzin pa ma zhugs na
lam gyi de nyid mthong ba yin
gzhi lam bdag nyid blo dang mnyam
rang byung thabs kyi rgyal po la
stobs kyis rig pa rang byung shar
gzhi lam 'bras bu mthar phyin yin
636
rang byung rtog med ngo bo la
shes rab don gyi sku nyid shar
gzhi lam 'bras bu mthar phyin yin
gsal dag chen po'i blta bar gsungs
zhes rig pa rang shar chen po'i rgyud las
gzhi lam 'bras bu rgyas par bstan pa'i le'u ste lnga bcu pa'o
@51
de nas yang gsang ba'i bdag pos 'di skad ces gsol to
kye kye bcom ldan rdo rje 'chang
gsang sngags gtan tshigs gsung du gsol
zhes zhus so
yang bka' stsal pa
kye gsang ba'i bdag po legs par nyon cig
ngas bstan ma yengs yid kyis nyon
sngags kyi gtan tshigs ngas bstan gyis
dang ba'i sems kyis gus par nyon
rtog med sems kyis ma yengs nyon
sngags kyi gtan tshigs chen po ni
gang gi phyir na chos nyid 'dod par gsungs
de yang bstan pa 'di lta ste
rtog med chos nyid yin par gsungs
dbyings la sku yis brgyan pa'i phyir
thig le rkyang pa rtogs na de nyid mthong ba min
thig le sku yis brgyan pa'i phyir
sku ni gcig pur rtogs na de nyid mthong ba min
637
sku la thig les khyab pa'i phyir
gnyis med rtogs na de nyid mthong ba yin
gnyis med gsal bas brgyan pa'i phyir
gtan tshigs gang dag ci phyir bshad
gang dag 'dzin pa yod gyur na
ye shes mthong ba med par 'gyur
ye shes 'dzin pa med pa'i phyir
gang dag chags pa'i sems yod na
yang dag ye shes mthong mi 'gyur
'od gsal chags pa med pa'i phyir
gang dag zhen pa'i sems yod na
rtog med chos sku mthong mi 'gyur
sku la zhen pa med pa'i phyir
gang dag rtog pa'i sems yod na
rang gi de nyid mthong mi 'gyur
sgron ma rtog pa med pa'i phyir
gang dag sa lam rtsol 'dod na
bar do'i snang ba rtogs mi 'gyur
sa lam sbyang du med pa'i phyir
dgos pa'i ming gis mtshams sbyor bas
de nyid med pa nyid du 'gyur
gang dag mtshan ma'i sems med na
stong pa tshig med dag tu 'gyur
gang dag sems las don tshol na
rig pa'i rgyal po spang bar 'gyur
rgyal ba rnams kyi phyag rgya ni
638
bsgyur dang mi bsgyur gnyis las 'das
gsang sngags don gyi lha la sogs
bskyed dang ma bskyed gnyis su med
sems can sha khrag srog lus la
bsad dang ma bsad gnyis su med
yang dag nyid kyi sangs rgyas la
bsgrub dang ma bsgrub gnyis su med
'khor ba'i sdug bsngal chen po la
spang dang ma spangs gnyis su med
yang dag rig pa'i rgyal po la
bsgom dang ma bsgoms gnyis su med
bde chen gsal ba'i lam lnga la
sbyang dang ma sbyangs gnyis su med
rtog pa med pa'i chos nyid la
spyad dang ma spyad gnyis su med
gnyis med lta ba chen po 'di
khyung chen nam mkha' ldings dang mtshungs
yang dag spyi rgya rlabs kyis gcod
zag med lam gyi rgyal por gsungs
sangs rgyas kun gyi yang dag lam
rnam gsum bar do'i dkyil 'khor te
brjod dang ma brjod gnyis dang bral
rig pa nyid kyi snang ba ni
rtag chad gnyis kyi mtha' las 'das
brjod med rnam par dag pa'i chos
yin dang min pa'i mtha' las 'das
639
dgag bsgrub med pa'i spyod pa ni
'dzin dang chags pa'i mtha' las 'das
gsal ba snyam byed bsgom pa ni
bying dang rgod pa'i mtha' las 'das
phyogs dang ris med lta ba yang
bzang dang ngan pa'i mtha' las 'das
yang dag chos nyid chen po yang
snang dang mi snang mtha' las 'das
rang gi ye shes rnam dag nyid
gol dang sgrib pa'i chos las grol
sangs rgyas dgongs pa'i bdag nyid la
bsgom dang mi bsgom mtha' las 'das
sangs rgyas kun gyi mes po la
rtogs dang ma rtogs mtha' las 'das
de bzhin nyid kyi gtan tshigs la
gsal 'grib 'dzin rtog ga la yod
dri med dag pa'i chos sku la
byas pa'i bsam pa ga la yod
chos dang chos min snang ba yang
mtshan ma'i zhe 'dod ga la yod
ye shes sems dang bral ba la
bag chags dri ma ga la yod
rig pa grogs dang bral ba la
ma rig 'khrul pa ga la yod
sangs rgyas kun gyi mes po ni
640
rgyal ba 'od mi 'gyur ba yin
yang dag sa la gang gnas pa
rdo rje rgyal po'i lung nyid thob
sangs rgyas med pa'i sangs rgyas kyis
rdo rje sems dpa' dpa' bo la
dbang bskur dkyil 'khor bstan nas ni
sems can kun gyi ma rig pa
'grol ba'i rgyud chen rgyal po bshad
nga yi cho 'phrul de bzhin du
gang la thogs pa med par 'byung
sangs rgyas kun gyi lam chen rgyud
nga yis bshad cing nga yis bkrol
rtog med rdo rje'i lus nyid kyang
rang gi lus las yang dag 'byung
sems can rnams kyi lus nyid la
sangs rgyas rnams kyi dur sa btab
rnam shes dag pa'i nam mkha' la
de nyid shes pa'i rnal 'byor pas
de nyid goms par nyams su longs
gsang sngags 'bras bu gang 'dod pas
de nyid la yang goms par bya
chos nyid 'od gsal mdangs dang ldan
sangs rgyas bsngags pa de nyid thob
nga yi rig pa chos nyid la
sems dang dri ma'i chos dang bral
phra dang rags pa'i dri ma rnams
thams cad ngo bo sgrib pa'o
641
zhes rig pa rang shar chen po'i rgyud las
sngags kyi gtan tshigs bstan pa'i le'u ste nga gcig pa'o
@52
de nas yang gsang ba'i bdag pos 'di skad ces gsol to
kye bcom ldan thugs rje chen po dang ldan pa
bdag cag mos pa'i 'khor rnams la
thabs kyi man ngag bstan du gsol
zhes zhus so
de nas yang bcom ldan 'das kyis bka' stsal pa
kye ho gsang ba'i bdag po nyon cig
ngas legs par phye la gang zag gi rigs bstan gyis nyon cig
ces bka' stsal pa dang
gsang ba'i bdag pos 'di skad ces gsol to
kye ston pa chen po
tshogs dang thabs kyi lam la gnas pa yi
rnal 'byor chos rnams gsung du gsol
zhes zhus pas
ston pas bka' stsal pa
kye nye ba'i 'khor rnams nyon cig
mtshan ma tshig gi rnal 'byor dang
rtags tsam 'dzin pa'i rnal 'byor dang
mthar phyin 'bras bu'i rnal 'byor dang
rjes su rnal 'byor nyid dang ni
642
ngang nyid nges pa'i rnal 'byor dang
snang ba sems kyi rnal 'byor dang
'jug pa las kyi rnal 'byor dang
bya ba rgyu yi rnal 'byor dang
byed pa rkyen gyi rnal 'byor dang
mthar phyin 'bras bu'i rnal 'byor dang
yang dag don gyi rnal 'byor dang
mthar phyin grol ba'i rnal 'byor dang
bya ba rdzogs pa'i rnal 'byor ro
rnal 'byor chen po'i don nyid ni
che ba dang ni chung ba rnams
rang nyid yin par shes par bya
sa dang lam la grol ba'i rnal 'byor bzhi
de ni tshigs su bcad pas gsungs
de yang rnal 'byor rnam pa lnga
bsam gyis mi khyab rnal 'byor kyang
rnam pa lnga yi khog tu 'dus
de yang bstan pa 'di lta ste
rtsal chen rdzogs dang lung chen thob
dbugs chen 'byin dang lus sems phyed
bka' sdod las kyi rnal 'byor ro
rnal 'byor chen po de rnams kyis
ngang du thams cad 'dus par gsungs
de nas yang gsang ba'i bdag pos 'di skad ces gsol to
kye kye bcom ldan rdo rje sems
rnal 'byor chen po de rnams kyi
643
bshad lugs 'khor la gsung du gsol
zhes zhu ba zhus so
de nas yang bka' stsal pa
kye ma gsang ba'i bdag po nyon
nga yi bstan gyis yid kyis zung
mtshan ma tshig gis rnal 'byor ni
tshig la zhen cing tshig la spyod
mi shes tshig la ltos gyur na
de nyid grol bar ngas ma bshad
rtags la ltos pa'i rnal 'byor ni
rang nyid rtags la ltos gyur nas
spyod pas gzhan la do ma sems byed
rang gi rtogs pa nyid kyis bcings
de yang grol bar ngas ma bshad
rjes su 'jug pa'i rnal 'byor ni
gang dag mos pa'i sa la gnas
mos pa'i spyod pa byed pa ste
dang po'i sa la reg pas zhog
de nyid grol bar ngas ma bshad
dad nyid nges pa'i rnal 'byor ni
rnam par mi rtog chig tshugs bsgom
mi rtog pa yi bdag nyid can
de nyid grol bar ngas ma bshad
snang ba sems kyi rnal 'byor ni
thams cad nga yi sems las byung
sems nyid rtogs na ci byar yod
de skad kun tu brjod byed pa
nga yis grol bar ma bshad do
'jug pa las kyi rnal 'byor ni
644
don nyid bya bas 'grub par 'dod
bya ba chen pos bcings pa rnams
dang po sems bskyed bya ba byed
de nas bzung nas bya ba rnams
thams cad byed cing 'grub pa'o
de yang grol bar ngas ma bshad
bya ba rgyu yi rnal 'byor ni
rgyu nyid lam du slong ba ste
rgyu la re zhing rgyu la ltos
rgyu nyid mngon par ston pa ste
de yang grol bar ngas ma bshad
byed pa rkyen gyi rnal 'byor ni
spyod pas yang dag don 'tshol ba
rigs mi mthun pa'i phyogs 'dzin pa
de yang grol par ngas ma bshad
mthar phyin 'bras bu'i rnal 'byor ni
rtog pa lam du 'khyer ba ste
sa dang lam la mi gnas par
rang gi de nyid mthong nas ni
yang dag grol bar chen por 'dod
yang dag don gyi rnal 'byor ni
rang gi rtogs pa rnyed nas kyang
bar do'i snang ba dag pa la
rang gi yang dag nyid mthong nas
de nas mthar phyin grol bar 'dod
mthar phyin grol ba'i rnal 'byor ni
nges pa rnyed pa'i sa nyid las
rang gi de nyid rnyed mthong nas
yang dag sa la 'da' bar 'dod
645
bya ba rdzogs pa'i rnal 'byor ni
ka dag sangs rgyas chen po yin
de las gshegs su med par gsungs
rnal 'byor chen po de bzhi la
sa la sbyang du med par gsungs
lam la bgrod du med par gsungs
de yang rnal 'byor lnga la rdzogs
khams gsum sems can thams cad ni
bka' sdod las kyi rnal 'byor yin
bden pa mthong ba'i gang zag de
'khrul pa'i snang ba 'gags pa ni
lus sems phyed pa'i rnal 'byor yin
lhun grub sna tshogs snang ba la
nges par rnyed par gyur pa ni
lung chen thob pa'i rnal 'byor yin
dbang po tha ma'i tha ma ni
phyogs bcu sprul pa'i zhing khams su
gnas nas de bzhin gshegs pa des
dbugs chen 'byin pa'i rnal 'byor yin
ka dag 'gyur med chen po la
bya rtsol thams cad bul ba ste
rtsal chen rdzogs pa'i rnal 'byor yin
de bzhin rnal 'byor chen po rnams
rang rang 'dod pa bsam las 'das
snying po don gyi man ngag ste
ma mthong grol bar ga la 'gyur
646
sangs rgyas rnams kyi dgongs pa yang
'di nyid mthong nas grol bar 'gyur
rig pa ye shes chen po ni
rang la byung zhing rang la ltos
zhes rig pa rang shar chen po'i rgyud las
yongs su rnal 'byor gyi le'u ste nga gnyis pa'o
@53
de nas yang bcom ldan 'das phrin las rnam par 'byed pa'i ting nge 'dzin la snyoms par zhugs so
de nas yang phyag na rdo rje la sogs pa'i 'khor rnams kyis 'di skad ces gsol to
kye kye bcom ldan 'das ting nge 'dzin las bzhengs shig
mos pa'i 'khor rnams la phrin las kyi rnam pa ci ltar lags gsung du gsol
zhes zhus pas
bcom ldan 'das ting nge 'dzin las bzhengs nas
'khor rnams la 'di skad ces bka' stsal to
kye mos pa'i 'khor rnams nyon cig
ngas khyed rnams la thabs bstan gyis
legs par nyon cig
phrin las rnam pa bzhi yod do
de yang tshigs su bcad de bka' stsal pa
kye ho rdo rje 'dzin pa nyon
zhi ba dang ni rgyas pa dang
de bzhin dbang dang drag por 'dod
647
de nas yang gsang ba'i bdag pos 'di skad ces gsol to
kye kye bcom ldan ye shes sku
phrin las rnam pa bzhi po de
rang la ci ltar tshang ba lags
zhus lan rgyas par gsung du gsol
zhes zhu ba zhus so
yang bka' stsal pa
kye ho rdo rje 'dzin pa nyon
phrin las rnam pa bzhi yi don
ngas bstan legs par yid la zung
zhi ba chen po'i phrin las ni
rang gi cit ta'i dkyil na gnas
de yang 'jam dang 'dril ba dang
dkar dangs 'od zer 'phro ba bzhi
sku dang gsung dang thugs nyid ltar
kun khyab ye shes dbu rgyan ldan
zhi ba'i dkyil 'khor de bzhin gnas
de nas yang zhus pa
kye kye ston pa chen po lags
bdag nyid lus kyi dkyil 'khor la
phrin las rgyas pa ci ltar tshang
mos pa'i 'khor la gsung du gsol
zhes zhus so
de nas yang bka' stsal pa
kye rdo rje 'dzin pa legs par nyon
phrin las rgyas pa chen po ni
rang gi 'gyur med rtsa chen na
phrin las rgyas pa chen po'i sku
'od lnga sku lnga nyid du rgyas
648
rig pa sku yi klong du rgyas
sku rnams ye shes klong du rgyas
ye shes 'od kyi klong du yang dag rgyas
'od rnams zer gyi klong du yang dag rgyas
de bzhin sku dang ye shes rnams
mi gnas pa yi dkyil 'khor du
sangs rgyas lam la 'jug par gsungs
de nas yang gsang ba'i bdag pos 'di skad ces gsol to
kye kye ston pa rdo rje sems dpa' nyid
rang rang lus kyi dkyil 'khor la
dbang gi phrin las ci ltar gnas
bdag cag mos pa'i 'khor rnams la
dbang du 'dus lugs gsung du gsol
zhes zhus so
de nas ston pas bka' stsal pa
kye ma gsang bdag rdo rje 'dzin
nga yis bstan gyis nga la nyon
phrin las dbang gi dkyil 'khor ni
rang gi dung khang dkyil 'khor na
sgron ma rnam pa gnyis su gsal
de yang bstan pa 'di lta ste
rig pa dbyings kyi sgron ma yis
sku dang ye shes dbang du sdud
thig le stong pa'i sgron ma yis
phyi yi 'byung ba dbang du sdud
shes rab rang byung sgron ma yis
rang gi de nyid dbang du sdud
rgyang zhags chu yi sgron ma yis
'khrul pa'i de nyid dbang du sdud
649
rig pa rtog med chen po yis
rnam rtog nyon mongs dbang du sdud
'gyur med sangs rgyas lam chen ni
bar do'i snang ba dbang du sdud
de ltar dbang gi dkyil 'khor nyid
rang gi lus la rdzogs pa'o
de nas yang gsang ba'i bdag pos 'di skad ces zhus so
kye kye ston pa chen po lags
sems can kun gyi rang lus la
phrin las mngon spyod ci ltar gnas
mos pa'i 'khor la gsung du gsol
zhe zhus so
de nas yang bka' stsal pa
kye ma gsang ba'i bdag po nyon
ngas bstan yid la legs par zung
sangs rgyas phrin las drag po ni
rang gi dbang po'i sgo dag la
phrin las drag po'i dkyil 'khor gnas
mig gi dbang po ma 'gags pas
yul la 'dzin cing rtog pa ni
phrin las drag po nyid du bshad
sgo lnga'i rnam shes yul la shar ba ni
drag po'i dkyil 'khor gcig tu 'dod
nyon mongs stong phrag brgyad cu nyid
yul la shar cing spyod pa ni
phrin las drag po nyid du bstan
de bzhin phrin las rnam pa bzhin
650
rang rang lus la rdzogs par gsungs
de nas yang gsang ba'i bdag pos 'di skad ces gsol to
kye kye bcom ldan rdo rje 'chang
rang gi tshang lugs de ltar na
phrin las rnam bzhi'i don rnams ni
gzhi la ci ltar tshang ba lags
mos pa'i 'khor la gsung du gsol
zhes zhus so
de nas yang bcom ldan 'das kyis bka' stsal pa
kye ma gsang ba'i bdag po nyon
phrin las rnam pa bzhi yi don
gzhi la legs par tshang ba'o
de yang bstan pa 'di lta ste
kha dog dkar dmar sna tshogs 'od
gzhi la bab kyis grub pa'o
kha dog dkar po zhi ba'i dkyil 'khor ldan
kha dog ser po rgyas pa'i dkyil 'khor ldan
kha dog dmar po dbang gi 'od du 'bar
kha dog ljang gu drag po'i 'od du gsungs
kha dog mthing ga phrin las rdzogs pa'i 'od
de yang bshad lugs 'di lta ste
dkar po chos nyid zhi ba la
nyon mongs dri ma ga la yod
gos pa med pa'i dkyil 'khor ni
dper na shel gong dag pa la
dri ma'i skyon gyis ma gos bzhin
651
de bzhin zhi ba'i chos nyid la
nyon mongs gos pa med pa'o
ser po rgyas pa'i chos nyid la
yon tan thams cad 'byung ba ni
dper na nor bu rin po che
dgos 'dod thams cad 'byung ba ltar
chos nyid rgyas pa chen po der
yon tan sna tshogs shar ba yis
sems can thams cad grol bar byed
yon tan rgyas pa chen por 'dod
dmar po dbang gi chos nyid de
ma btsal gzhi la grub pa yin
dbang nyid chos sku'i ngo bo ste
thams cad ma btsal grub pa ste
dper na rin chen gser la ni
ser po btsal mi dgos pa bzhin
gzhi snang chen po'i dkyil 'khor la
dbang gi dkyil 'khor btsal mi dgos
chos nyid gzhi la dbang nyid rdzogs pa'o
ljang gu chos nyid drag po ste
thams cad drag po'i ngo bor rdzogs
gzhi nyid dag pa'i chos nyid de
gang la thogs med 'char ba ni
dper na rlung gis sbur ma ni
gang la thogs med bskyod par byed
de bzhin gzhi snang ngo bo las
ye shes thogs pa med par 'char
652
gang la thogs med ye shes ni
phrin las drag po'i ngo bo yin
de bzhin gzhi yi ngo bo la
phrin las bskyed rim rdzogs pa'o
de yang phrin las bzhi yi don
mthing ga nyid la rdzogs pa'i don
phrin las rnam bzhi gzhi la bab kyis grub
de phyir kha dog mthing gar bshad
phrin las kun gyi ye shes ni
bya ba thams cad byed pa yin
phrin las kun gyi dkyil 'khor ni
ma btsal rang la yod pa'o
phrin las kun gyi phyag rgya ni
ma bsgyur gzhi la rdzogs pa'o
phrin las kun gyi lha tshogs ni
rang gi lus la rdzogs pa'o
phrin las kun gyi snying po ni
sgron ma'i ye shes chen por gsungs
phrin ni sangs rgyas nyid la brjod
las ni ye shes nyams su len
phrin las rang nyid yin par gsungs
rdo rje sems dpa' chos sku nyid
ngang las byung zhing ngang la rdzogs
rdzogs pas gzhi la de bzhin no
de nas yang gsang ba'i bdag pos 'di skad ces gsol to
kye kye bcom ldan ye shes sku
phrin las rnam pa bzhi po de
lam du 'khyer na ci ltar 'khyer
653
mos pa'i 'khor la gsung du gsol
zhes zhus so
de nas yang bka' stsal pa
kye ma gsang ba'i bdag po nyon
ngas bstan legs par yid la zung
phyin las rnam pa bzhi yi don
lam la rdzogs lugs 'di lta ste
bar do dang po tshom bu la
sku yi snang ba mthong ba ste
zhi ba'i lam du yang dag 'dod
bar do gnyis pa'i ye shes la
ye shes ngo bo mthong ba ste
rgyas pa'i lam nyid yin par 'dod
bar do gsum pa lhun grub snang ba la
rang gi de nyid mthong ba ni
goms pa tshad du phyin pa yin
dbang gi chos nyid yin par gsungs
ka dag chos nyid rdzogs pa la
thogs pa med par phyin pa ste
drag po'i chos nyid yin par gsungs
phrin las chos nyid thams cad kyang
rang las byung zhing rang la ltos
de la sogs pa'i chos nyid rnams
rang gi blta bar mthong par bya
sangs rgyas kun gyi ye shes 'gag pa med
rang gi yul ni dag pa chen po la
mtshan ma ltos pa'i chos kyi dbang du mi 'gyur ba'i
rig pa nam mkha' ngang du shes par bya'o
654
mtshan ma'i dbang du gyur na ye shes mthong du med
sngags kyi phrin las chos kyi sku
sangs rgyas dgongs pa rang gi de nyid do
rdzogs dang ma rdzogs nga yi cho 'phrul yin
nga nyid rig pa'i klong du sangs rgyas yin
klong du 'das dang ma 'das thams cad tshig gi lam
rang la ye shes 'char ba ni
dper na nam mkha' nyi shar bzhin
thams cad lam nyid rang la shar ba'o
zhes rig pa rang shar chen po'i rgyud las
phrin las gsang ba'i le'u ste nga gsum pa'o
@54
de nas bcom ldan 'das chos nyid zab mo'i klong du ting nge 'dzin la snyoms par zhugs so
de nas yang gsang ba'i bdag pos 'di skad ces gsol to
kye kye ston pa chen po chos kyi sku
phrin las don nyid de ltar na
ting nge 'dzin las rab tu bzhengs
zhes zhus so
de nas ston pa chen po ting nge 'dzin las bzhengs nas
'di skad ces bka' stsal to
dhar ma
ka ya
rat na
a ma la
de skad ces brjod nas ting nge 'dzin las bzhengs pas
stong gsum gyi stong chen po'i 'jig rten gyi khams thams cad 'od kyi snang bas khengs so
655
de nas yang gsang ba'i bdag pos 'di skad ces zhus so
kye kye bcom ldan chos sku'i bdag
bdag cag mos pa'i 'khor rnams la
rdzogs chen rtse mo gsung du gsol
zhes zhus so
de nas yang bka' stsal pa
kye ma gsang ba'i bdag po nyon cig
ngas bstan legs par yid la zung
rdo rje rdzogs pa'i rtse mo ni
rig pa skye med ngang la 'bras bu byar med rdzogs
rig pa 'gyur med ngang la 'bras bu rtog med rdzogs
rig pa dri med ngang la 'bras bu rnam dag rdzogs
rig pa sna tshogs ngang la 'bras bu nyag gcig rdzogs
rig pa 'gag med ngang la 'bras bu 'gyur med rdzogs
rig pa skye med ngang la 'bras bu 'chi med rdzogs
rig pa stong pa'i ngang la 'bras bu gsal ba rdzogs
rig pa rtog med ngang la 'bras bu 'dzin med rdzogs
rig pa rang grol ngang la 'bras bu rang sangs rdzogs
rig pa zhen med ngang la 'bras bu chags med rdzogs
rig pa bde ba'i ngang la 'bras bu dga' ba rdzogs
656
rig pa sku yi ngang la 'bras bu 'od nyid rdzogs
rig pa dngos med ngang la 'bras bu sku lnga rdzogs
rig pa kun khyab ngang la 'bras bu mnyam nyid rdzogs
rig pa rnam dag ngang la 'bras bu ye dag rdzogs
rig pa blo med ngang la 'bras bu ngo bor rdzogs
rig pa sems med dang la 'bras bu mnyam nyid rdzogs
rig pa yengs med ngang la 'bras bu bsam bral rdzogs
rig pa ye shes rang sangs de bzhin no
'gag med nam mkha' 'byung ba kun gyi rtse
'gyur med rang sangs chos nyid kun gyi rtse
rang grol rnam dag dgongs pa kun gyi rtse
rang byung ye shes chos rnams kun gyi rtse
rnam dag sgron ma lta ba kun gyi rtse
rig pa'i rgyal po rtogs pa kun gyi rtse
ye shes bar do lam rgyal kun gyi rtse
rdzogs chen a ti theg pa kun gyi rtse
rang rig cit ta dkyil 'khor kun gyi rtse
nam mkha' stong pa yul rnams kun gyi rtse
ka dag chen po chos rnams kun gyi rtse
sgrol byed rgyal po chos rnams kun gyi rtse
657
sa gsum gnas pa sangs rgyas kun gyi rtse
thig le stong pa ye shes kun gyi rtse
stong pa ye shes yangs pa kun gyi rtse
dag pa'i ye shes 'gag med kun gyi rtse
thig le nyag gcig rdzogs pa kun gyi rtse
ma bcos chags med spyod pa kun gyi rtse
'dzin med rang grol sgom pa kun gyi rtse
zang ma thal byung lta ba kun gyi rtse
skad cig grol ba 'bras bu kun gyi rtse
bya rtsol bral ba phrin las kun gyi rtse
bsgrub med rtsal sprug bsgrub pa kun gyi rtse
byin rlabs rang shar yon tan kun gyi rtse
bsgyur med rang rdzogs phyag rgya kun gyi rtse
ma btab lhun grub smon lam kun gyi rtse
dus med 'char ba snang ba kun gyi rtse
ma bskyed rdzogs pa lha rnams kun gyi rtse
de bzhin rdzogs pa rtse mo spyi bcings lta ba yin par gsungs
rdo rje sems dpa'i spyi bcings lta ba 'di
rgyal ba kun gyi dgongs pa'i gsang ba yin
ri bo kun gyi spyi ni ri rgyal lhun pos bcings
theg pa kun gyi spyi ni a ti yo gas bcings
658
rgyud rnams kun gyi spyi ni rgyud rgyal 'di yis bcings
ye shes kun gyi spyi ni sgron ma gnyis kyis bcings
rig pa kun gyi spyi ni lu gu rgyud kyis bcings
chos sku kun gyi spyi ni ka dag chen pos bcings
longs sku kun gyi spyi ni tshom bu lnga yis bcings
sprul sku kun gyi spyi ni rdo rje sems dpas bcings
sangs kun gyi spyi ni 'od dpag med pas bcings
spyi bcings rgyal po sangs rgyas ye shes lung
rang gi snying la rdzogs lungs de bzhin no
spyi bcings rgyal po ye shes tshig las 'das
sangs rgyas kun gyi spyi bcings kun la mnyam par gnas
spyi bcings shes na sangs rgyas kun gyi rang lus rnyed
sangs rgyas dgongs pa de ltar snang ba'o
zhes rig pa rang shar chen po'i rgyud las
ri bo spyi bcings kyi lta ba bstan pa'i le'u ste nga bzhi pa'o
@55
de nas yang gsang ba'i bdag pos 'di skad ces gsol to
kye kye bcom ldan ye shes sku
bdag cag mos pa'i 'khor rnams la
thabs kyi grol lugs gsung du gsol
659
zhes zhus so
de nas yang bka' stsal pa
kye ma gsang ba'i bdag po nyon
ngas bstan yid la bzung bar gyis
sangs rgyas dgongs pa rang byung 'di
lta ba rig pa'i lta ba la
mig gi dbang pos ma yengs par
'dzin pa'i rtog pa ma zhugs pas
rang gi lta ba mthong ba yin
lta dang mi blta chos yin te
chos la gnas par mi bya de la ltos
dus gsum sangs rgyas dgongs pa 'di
nam mkha' stong pa'i ngang du 'dus
sems can kun gyi 'bras bu ni
bi tra gu ta yi nang du 'dus
bde ba zag med thig le ni
rang gi snying gi dkyil na gnas
'dus pa chen po'i snang ba ni
dag pa yul gyi mkha' la rdzogs
sangs rgyas 'dus pa'i lam nyid ni
chos sku rang gi yul gyi nang du 'dus
rgya mtsho chen po'i spyi bo nyid
sna tshogs chen po'i mtsho yis bcings
'dzin med rang sangs lta ba nyid
rnam dag nam mkha'i rgyal pos bcings
gsang sngags gtan tshigs chen po ni
rgyud chen rgyal po 'di yis bcings
660
'od rnams kun gyi spyi bo ni
mthing ga sna tshogs bskyed pas bcings
rig pa kun gyi spyi bo ni
mkha' mnyam stong pa'i ngang du bcings
ye shes kun gyi spyi bo ni
stong gsal chen po'i thig les bcings
ci la mi gnas chos kyi sku yis spyi
bsam dang bral ba'i ngang du bcings
spyi bcings tshig gis don btsal bas
don rnyed tshig dang don du 'brel
don ni skye med rang gsal rnyed
de la gnyen pos gzhig tu med
de la phyogs dang ris su med
nga dang bdag tu 'dzin du med
bzang dang ngan pa'i rnam rtog med
yin dang min pa'i mtha' las 'das
rtogs dang ma rtogs chos las 'das
rtag dang chad pa gnyis las 'das
gol dang sgrib pa'i phyogs dang bral
rtogs dang ma rtogs gnyis su med
dag dang ma dag mtha' las 'das
sems dang yid dang chos las 'das
shes dang ma shes gnyis su med
ma rig 'khrul pa'i sems las 'das
sgra dang tha snyad tshig dang bral
661
gzung 'dzin sems kyi dri ma med
rtog pa'i lam gyi dri ma bsal
bsam pa sna tshogs byas pa med
dngos por 'dzin pa'i chos dang bral
sa dang lam la sbyang du med
lha la mchod pa phul mi dgos
dge ba bcu yis bskyab tu min
sdig pas de la gos mi 'gyur
'khor ba ngan song ga la yod
mya ngan 'das pa'i chos med cing
bdag dang gzhan du blta ba med
log dang ma log ga la yod
yod dang med pa'i mtha' las 'das
kha dog med cing dbyibs med pa'o
dpe mtshon bstan du med pa la
gzung ba'i chos dang bral ba'o
sangs rgyas med la sems can med
srog med gcod pa ga la yod
'dzin med chags pa med pa'o
dper na rgya mtsho chen po la
chu bran thams cad 'du ba ltar
dag pa chen po'i klong dkyil du
sna tshogs sku yi dkyil 'khor du
thams cad 'du zhing 'phro ba'o
chos sku bsam pa kun las 'das
longs sku brjod pa kun las 'das
sprul sku sems dang yid las 'das
662
sangs rgyas kun gyi ye shes sku
brjod pa'i tshig las 'das pa'o
zhes rig pa rang shar chen po'i rgyud las
rgya mtsho klong rdol bar bstan pa'i le'u ste nga lnga pa'o
@56
de nas yang gsang ba'i bdag pos 'di skad ces gsol to
kye kye ston pa bcom ldan 'das
sangs rgyas dgongs pa'i tshad gsungs shig
ces zhus so
de nas yang bka' stsal pa
e ma gsang bdag rdo rje 'dzin
chos kyi rang bzhin med rtogs la
rtog pa'i bsam pa ngo mtshar che
'dzin pa med pa'i bde chen la
'dzin chags byung ba 'khrul pa'i sems
skye med dag pa'i ngo bo la
'chi ba byung ba 'khrul pa'i sems
gzung 'dzin bral ba'i chos sku la
bsam bya byung ba 'khrul pa'i sems
'dzin med rang dag spyod pa la
'dzin chags byung ba 'khrul pa'i sems
de la sogs pa'i nyon mongs rnams
gcig gis gcig bcings grol ba med
e ma ho
snang ba chen po gsal ba che
dag pa'i nam mkha' mtha' dang bral
spros bral chos nyid 'gyur ba med
663
mtha' dang dbus med phyogs cha kun dang bral
rang snang chos dbyings rnam dag cing
dang po'i sangs rgyas rgyu med par
tha ma rkyen gyis bskyed du med
stong pa ye shes snying po can
mtha' la mi gnas rdo rje'i sku
spros dang bral ba'i chos nyid la
ngo bo rang bzhin thugs rje'i bdag
ye shes sku gsum 'od du gsal
mkha' la nyi shar mun pa sel
ye shes lnga yi mtshan nyid gsal
sangs rgyas sprul pa rab 'byams 'byung
sangs rgyas kun gyi sku mchog ni
mchog dang thun mong dngos grub rnams
rang las byung zhing rang gis sprul
dper na nyi zla'i dkyil 'khor ltar
gsal dang dro dang bsil ba dang
yang zhing g.yo ba'i bdag nyid 'dzin
chos nyid dkyil 'khor chen po la
gcig dang gnyis kyi rtog pa med
dper na nyi ma'i dkyil 'khor ltar
stong gsum khyab cing 'od kyis 'jig rten khengs
de bzhin shes rab dkyil 'khor nyid
'gro ba kun la khyab cing ye shes snying po'i grogs
dper na zla ba'i dkyil 'khor ni
664
gsal dang bsil ba'i bdag nyid 'dzin cing grol
de bzhin thabs kyi dkyil 'khor ni
thams cad sgrol bar byed pa'i ye shes sku
'gro ba sprol bar byed pa'i cho 'phrul ston
de yang thabs kyi dkyil 'khor de
kun la yod pa ma yin no
gsang sngags thabs dang ldan pa 'ga'
de yi don la yang dag nyid du spyod
gsang sngags kun gyi dgongs pa yin par 'dod
rdo rje'i lus la skye 'jig kun dang bral
yang dag sa la ma yengs spyod
bde chen sa la mi g.yo mnyam par bzhag
thabs dang ldan pa skyes bu 'ga' yi don
rang gi sa la yang dag nyid du spyod
chos sku ma 'gags rang gi sa nyid 'dzin
longs sku ma bskyed rang rang mtshan nyid 'dzin
sprul sku 'chi med pha rol sgrol bar byed
ye shes lam nyid mi 'gyur rdo rje'i bdag
chos kyi rang bzhin skye med rtogs gyur na
de nyid sangs rgyas yin te logs na med
chos rnams thams cad sems kyi 'khrul pa ste
sems ni bag chags thams cad sdud pa yin
chos ni bag chags zhen pa kun dang bral
sems la sangs rgyas med par yid ches nas
665
rang gi lta ba mthong ba'i skyes bu de
mi g.yo bzhin du mthar phyin grol bar gsungs
de don nyid la rtse gcig mnyam gzhag na
mtshan ma'i rtog pa rang sar grol bar gsungs
skye med rdo rje'i sku la snang srid gsal
chos nyid zhi ba'i sku la dgongs pa gsal
rtog med mnyam nyid sku la rtog med gsal
yang dag bde ba'i sku la 'od lnga gsal
bde chen kun khyab sku la thig le gsal
srid pa spyi bcings sku la blta ba gsal
mnyam nyid ye shes sku la mthong ba gsal
shes rig stong pa'i sku la 'od lnga gsal
ye shes brdal ba'i sku la ye shes gsal
'gyur med yangs pa'i sku la sgron ma gsal
de bzhin sku yi rnam pa rnams
de bzhin nyid du shes par bya'o
zhes rig pa rang shar chen po'i rgyud las
nyi zla drod mnyam pa'i le'u ste nga drug pa'o
@57
de nas yang gsang ba'i bdag pos 'di skad ces gsol to
kye ston pa chen po bdag cag mos pa'i 'khor rnams la thabs dam pa bstan du gsol
zhes zhus pas
skad cig gcig la ston pas sprul pa'i tshogs mang po mngon par sprul lo
666
de nas 'khor rnams ngo mtshar mchog tu skyes nas
e ma ho thabs kyi man ngag gsung du gsol
zhes zhus so
de nas yang bka' stsal pa
don chen po ngas bshad kyis legs par nyon cig
kye grogs po dag 'di lta ste
rang byung gi ye shes la tshig med do
yi ge med do
sa dang lam med do
yid med do
sems med do
ma rig pa med do
rkyen bzhi med do
'phral byung med do
kun nas ldang ba med do
bag la nyal pa med do
rnam pa med do
nyams med do
de'i phyir na rgya chad phyogs lhung med pa'i lta ba zhes bya'o
de yang 'di lta ste
rgya ma chad pa'i ye shes so
phyogs lhung med pa'i lta ba
kun tu khyab pa'i chos nyid
thogs pa med pa'i shes rab
'dzin pa med pa'i rang grol
rtog pa med pa'i rang mdangs
'gag pa med pa'i ye shes
chags pa med pa'i 'od lnga
rang sar grol ba'i chos nyid
lhun gyis grub pa'i sangs rgyas
sems dang bral ba'i rig pa
dbugs dang bral ba'i sangs rgyas
gsal la rtog med kyi bsgom pa
667
'dzin chags med pa'i spyod pa
zhe 'dod med pa'i blta ba
de nyid mthong ba'i 'bras bu
bsgrub tu med pa'i phrin las
rang dag chen po'i ye shes so
sangs rgyas kyi dgongs pas rang gi ye shes kyi don 'grol lo
zhes rig pa rang shar chen po'i rgyud las
nam mkha' khad mnyam pa'i le'u ste nga bdun pa'o
@58
de nas yang gsang ba'i bdag pos 'di skad ces gsol to
dgongs pa rang byung gi ye shes chen po la
dpe gang gis gtan la 'bebs par 'gyur
ston pas bstan du gsol
zhes zhus so
de nas yang bka' stsal pa
kye kye 'khor rnams nyon cig rigs kyi bu
dpe yi ngo sprod 'di lta ste
sangs rgyas dang sems can gyi dpe ni
mgo dang rwa'i tshul lo
gcig las du mar byung
rig pa dang ma rig pa'i dpe ni
chu dang ri mo'i tshul te
rkyen la rag lus
sems dang rig pa'i dpe ni
chu dang sbu ba'i tshul
sems kyi dbang du ma gyur
shes rab dang yid kyi dpe ni
gser dang ra gan gyi tshul te kha dog mi phyed
kun gzhi dang chos sku'i dpe ni
668
rgya mtsho dang gru'i tshul te lam 'byung
'byung ba dangs snyigs kyi dpe ni
gnyid log pa dang
gnyid sad pa'i dpe ste
dbang po'i khyad yod pa'i phyir
'khrul pa'i snang ba dang bar do'i dpe ni
mun pa dang snang ba'i tshul te
dag dang ma dag yod pa'i phyir
rtogs dang ma rtogs pa'i dpe ni ba mo dang reg pa'i tshul te
snang ba zil gyis gnon pa dang mi gnon pa'i khyad yod pa'i phyir
shes rab dang bag chags kyi dpe ni
me dang sbur ma'i tshul te
nyon mongs bsreg pa'i phyir
de rnams ni mtshungs pa'i dpe zhes bya'o
des ni dpe'i ting nge 'dzin rab tu skye'o
de nas 'khor rnams kyis 'di skad ces gsol to
kye ston pa chen po
dag pa'i mtshon dpe rnams gsungs du gsol
zhes zhus so
de nas yang bka' stsal pa
kye 'dus pa'i 'khor rnams nyon cig
rig pa ye shes kyi snang ba la 'jug pa'i dpe ni
ma'i pang du bu 'jug pa lta bu'o
yid ches par bya ba'i phyir
ye shes dang 'od kyi dpe ni
gser dang ser po lta bu'o
ming dang kha dog mi phyed pa'i phyir
gdams ngag thebs pa'i dpe ni
669
chang dang ra ro ba lta bu'o
shes pa la 'jug pa'i phyir
ye shes 'od la thim pa'i dpe ni
nam mkha' dang 'ja' tshon lta bu'o
dngos po med pa'i phyir
ye shes dbyings su thim pa'i dpe ni
rgya mtsho la chu bran 'dus pa lta bu'o
gnyis med gcig tu 'dres pa'i phyir
rig pa phyir mi ldog pa'i dpe ni
dpag chen gyi mda' lta bu'o
thogs pa med pa'i phyir
de nas gsang ba'i bdag po nyid kyis rtogs pa rnyed do
'khor rnams kyis kyang bden pa mthong ngo
de nas yang bden pa mthong ba de la yang 'di skad ces gsol to
e ma ho
bden pa mthong ba'i rig chen la
de la 'od kyi tshogs 'dus pas
phyogs med mtshams med steng 'og med
snang ba thams cad 'od du shar
'od la sku yi ngo bos brgyan
sku ni stong pa'i tshig las 'das
'gag med skye ba med pa'i sku
kun gyis mthong bar dka' ba'i don
rab tu gsang ba'i nor bu 'di
thugs kyi don las mi 'da'o
de ni bden pa mthong ba'i lugs
gsang sngags kun gyi dgongs ni
sangs rgyas kun gyi mes po nyid
670
rig pa chos sku chen por 'dod
rig dang sa dang lta dang bral
ye shes kyis ni sa lam bgrod
yang dag mthar phyin grol ba'o
zhes rig pa rang shar chen po'i rgyud las
dpe'i ngo sprod bstan pa'i le'u ste nga brgyad pa'o
@59
de nas yang bcom ldan 'das dgongs pa rang grol ba'i ting nge 'dzin la snyoms par zhugs so
de nas yang gsang ba'i bdag po phyag na rdo rjes bskor ba lan gsum byas nas
'di skad ces gsol to
kye kye thugs rje chen po dang ldan pa
ting nge 'dzin las bzhengs shig
sems can gyi rtog pa sol cig
ma rig pa'i mig sel bar mdzod cig
mthong ba'i yul ma 'gags par snang ba ston cig
sgra dang rtog pa thams cad sol cig
ces zhus pas
ston pa ting nge 'dzin las bzhengs nas
stong gsum gyi stong chen po'i 'jig rten gyi khams thams cad 'od kyis khengs par mdzad do
de yang 'di lta ste
bye ba khrag khrig bsam gyis mi khyab pa dang
sgra chen pos 'jig rten gyi khams bred pa dang
sdangs pa dang
skrag pa dang 'jigs shing brgyal ba'o
de nas bcom ldan 'das ting nge 'dzin las bzhengs nas
671
sprul pa mang po 'gyed do
bcom ldan 'das de'i thugs dpal gyi be'u nas
bcom ldan 'das mi pham mgon po zhes bya bar sprul lo
de bzhin gshegs pa des kyang 'gro ba'i ma rig pa sel lo
des ni shar phyogs kyi 'jig rten gyi khams kyi byang chub sems dpa'i rtog pa bsal lo
shangs nas de bzhin gshegs pa rnam par gzigs zhes bya bar sprul nas lho phyogs kyi 'jig rten khams kyi byang chub sems dpa'i rtog pa bsal lo
dbu'i gtsug tor nas bcom ldan 'das gtsug tor rnam par 'byed pa ces bya ba sprul nas
nub phyogs kyi byang chub sems dpa' rnams kyi rtog pa bsal lo
gsang ba'i gnas nas bcom ldan 'das sha kya thub pa zhes bya ba sprul nas
byang phyogs kyi byang chub sems dpa' rnams la chos kyi 'khor lo bskor ro
phyag gi 'khor lo las bcom ldan 'das nam mkha' mtha' yas zhes bya ba sprul nas
steng gi phyogs kyi byang chub sems dpa' rnams kyi rtog pa bsal lo
zhabs kyi 'khor lo nas bcom ldan 'das stong spyi phud kyi rgyal po zhes bya ba sprul nas
672
'og gi phyogs su 'jig rten gyi khams sna tshogs bkod pa zhes bya bar byang chub sems dpa' rnams kyi rtog pa bsal lo
ba spu nyag ma re re las kyang de bzhin gshegs pa'i sku grangs med par sprul lo
bcom ldan 'das re re las kyang de bzhin gshegs pa'i sku bye ba phrag drug 'bum byung ngo
thugs cit ta'i dkyil nas phyag na rdo rje sprul nas zhu ba po rang byung du shar ro
dbu skra'i rtse mo las
lha'i bu rtog pa rab tu sel bar sprul lo
'od kyi dkyil 'khor dpag tu med par sprul lo
chos kyi 'khor lo yang dpag tu med pa bsam gyis mi khyab par bskor ro
sangs rgyas kyi mdzad pa yang phrin las bsam gyis mi khyab pa mdzad do
'jig rten gyi khams thams cad 'khrugs so
rab tu g.yos so
'ur 'ur rab tu 'ur 'ur kun tu 'ur 'ur ro
chem chem rab tu chem chem
kun tu rab tu 'khrugs so
phyogs thams cad 'khrugs so
de yang shar phyogs mtho na nub phyogs dma'o
nub phyogs mtho na shar phyogs dma' bar gyur to
lho phyogs mtho na byang phyogs dma'o
673
byang phyogs mtho na lho phyogs dma'o
dbus mtho na mtha' dma'o
mtha' mtho na dbus dma'o
de lta bu'i cho 'phrul chen po bstan to
'jig rten gyi khams kyi mkha' 'gro ma thams cad brgyal sangs nas ngo mtshar chen po skyes nas
e ma ho don dang mthun no
dag pas dag pa nyid bkru'o
yang dag pa nyid thob bo
skye gnas thams cad rgyun bcad do
'gro ba de rnams thams cad kyang mi skye ba'i chos la bzod pa thob bo
cho 'phrul gyi sprul pa grangs med pa 'gyed pa'o
zhes rig pa rang shar chen po'i rgyud las
sprul pa mdzad pa'i le'u ste nga dgu'o
@60
de nas yang gsang ba'i bdag pos 'di skad ces gsol to
kye kye bcom ldan rdo rje 'chang
sprul pa de ltar mdzad pa na
don dam dkyil 'khor gsung du gsol
zhes zhus so
de nas yang bka' stsal pa
kye 'dus pa chen po nyon
ngas legs par bstan gyis ma yengs par zung zhig
rtogs dang ma rtogs khyad par ni
mthong dang ma mthong khyad par ro
lta ba mthong ba'i khyad par ni
674
mthong dang goms pa'i ye shes ni
gang la 'dzin pa'i sems med pa
mthong ba'i tshad ni 'di yis bzung
nam mkha' rnam par dag pa la
mig gi dbang po ma 'gags pas
nam mkha'i dkyil du de bzhin nyid
dbyings kyi sgron ma dag pa ste
shes rig rgyal po mthong ba de
de la goms par gyur pa ni
rang gi lta ba mthong ba yin
de la rab tu goms pa gces
de nas snang ba shar ba dang
rang gi shes rig chen po yis
brtags na ye shes snang ba las
sku dang ye shes phyogs med shar
de yang 'char lugs 'di lta ste
dang po me long dkyil 'khor tsam
de la snang ba dum bur 'char
de las yul gru tsam du 'char
de las nam mkha' gang bar 'char
ci snang 'od kyi dkyil 'khor du
shar nas gzugs sku mthong ba'i tshe
sku yi dkyil 'khor thams cad ni
rang las byung zhing rang las sprul
nam mkha' gang ba'i snang ba rnams
mthong ba'i chos nyid ma 'gags pa'o
ye shes mkha' la gshegs pa'i rtags
rang bzhin nyid kyi dkyil 'khor la
675
ngo bo nyid kyi sku shar bas
shar ba de nyid rang nyid yin
sangs rgyas dgongs pa tshad ma'i chos
yang dag don la de bzhin gshegs
de ni goms pa'i tshad du bstan
ces rig pa rang shar chen po'i rgyud las
rtags tshad bstan pa'i le'u ste drug cu'o
@61
de nas yang gsang ba'i bdag pos 'di skad ces gsol to
ston pa chen po sems zhe bgyi ba ci la bgyi
ston pas lung bstan du gsol
zhes zhus so
de nas yang bka' stsal pa
de yang dbye na 'di lta ste
sna tshogs sdud pa lta bu'i sems dang
gtsang sme med pa phag lta bu'i sems dang
dpa' brtul stag lta bu'i sems dang
yang ba sgro lta bu'i sems dang
bskyod pa rlung lta bu'i sems dang
rab tu myos pa 'dam rdzab lta bu'i sems dang
mched pa me stag lta bu'i sems dang
'dod pa bya lta bu'i sgro lta bu'i sems dang
rgyas pa yal ga lta bu'i sems dang
gogs par dka' ba gar spyin lta bu'i sems dang
gza' gtad med pa smyon pa lta bu'i sems dang bcu gcig go
676
de nas yang rab tu bshad pa 'di lta ste
sems ni bag chags thams cad sdud pa'o
sems ni bag chags thams cad slong ba'o
sems ni nyon mongs pa thams cad gsogs pa'o
sems ni bag chags thams cad kyi gzhi yin te
bag chags de yang 'gog par dka' bas rang gi snang ba 'grib par byed
ma rig pa dang mnyam du gnas pas
ma rig pa yang 'di lta ste
rtsa ba sems kyi ma rig pa dang
'khrul pa yul gyi ma rig pa dang
'khrul gzhi gzhi'i ma rig pa dang
'dzin pa rtog pa'i ma rig pa dang
bcos pa lam gyi ma rig pa dang
ma shes rmongs pa'i ma rig pa dang
de ltar ma rig pa rnam pa drug byung ste
rang gi snang ba mi mthong ngo
de yang 'di lta ste
rtsa ba sems kyi ma rig pa ni
lhan cig skyes pa dngos yin te
rig pa'i ye shes ngo ma shes nas 'khrul te
nga las ye shes kyi snang ba 'di byung ngam
nga'i snang ba 'di min nam snyam pa'i shes pa byung ste
snyam byed byung bde lhan cig skyes pa'i rtsa ba ma rig pa yin te
bdag tu rtog pa'i blo byung bas 'khrul lo
des ni rig pa ye shes kyi snang ba bsgribs so
677
de ni rtsa ba sems kyi ma rig pa zhes bya'o
de ni 'khrul pa yul gyi ma rig pa ston te
'khrul pa ni gong gis 'khrul lo
yul ni sngon 'jig rten ma chags tsam na
dpag bsam gyi shing rgyas pa zhes bya ba
sangs rgyas gzhon nu bum pa sku'i byin rlabs las byung ba'i shing dang
sgo lnga las byung ba'i drod dang
rlan las btsas pa gcig yod pa de la yid rang byung gi ye shes bya ba gcig bskyod pa las
mi mjed 'jig rten gyi khams chags so
de ni 'khrul pa yul gyi ma rig pa zhes bya'o
'khrul gzhi gzhi'i ma rig pa ni rang gis rang ma dag pa las byung ste
dang po rgyu'i rkyen zhes bya ba
ma rig pa dngos byung ste gzhi ma shes pas ma rig pa'o
de las dmigs pa'i rkyen zhes bya ba 'khrul pa yul gyi ma rig pa zhes bya'o
de las bdag po'i rkyen zhes bya ba
shing la ngar 'dzin byung
de las mtshungs pa de ma thag pa'i rkyen zhes bya ba shes pa rags su song nas 'dzin pa bzung ngo
de las nyon mongs pa rags su song
de ni 'khrul pa gzhi'i ma rig pa zhes bya'o
678
'dzin pa rtog pa'i ma rig pa ni
de las nyon mongs pa'i tshogs dpag tu med pa byung ngo
de yang 'di lta ste
'dzin pa'i yid drug byung ngo
ma rig pa dang mtshungs pa'i yid dang
yid kyi rnam par shes pa'i yid dang
kun tu tshol ba'i yid dang
gtan la 'bebs pa'i yid dang
rnam par rags pa'i yid dang
nges par 'jog pa'i yid do
de la yang 'di lta ste
ma rig pa dang mtshungs par ldan pa'i yid ni
'di lta ste
rtsa ba ma rig pa dngos yin la
yid kyi 'gyu ba dang bcas pa'o
de ni ma rig pa dang mtshungs par ldan pa'i yid do
yid kyi rnam par shes pa ni
yul la nga'i yin snyam pa'i shes pas nga dang bdag tu bzung bas
nyon mongs pa'i dbang du song ba'i phyir na
yid kyi rnam par shes pa zhes bya'o
gtan la 'bebs pa'i yid ni
yul nga'i yin no snyam pa'i shes pas bzung bas
de la chags pa skyes nas gtan la 'bebs pa zhes bya'o
kun tu tshol ba'i yid ni
yul gyi dbang du song nas
nyon mongs pa phra ba thams cad zla la sdud do
679
de'i phyir kun tu 'tshol ba'i yid ces bya'o
rnam par rags pa'i yid ni
nyon mongs pa rags pas srog gcod pa dang
dam tshig nyams pa'i las mang po byed pa'o
nges par 'jog pa'i yid ni
de rnams kyi snang ba lang yin snyam pa dang
gzhan gyi yin snyam pa de ni nges par 'jog pa'i yid do
de ni 'dzin pa rtog pa'i ma rig pa zhes bya'o
bcos pa lam gyi ma rig pa ni
yid drug 'dus nas ye shes kyi lam bsgribs pa ste
de yang yid kyis ye shes mi mthong gsal du mi ster
ye shes la rtog pa med
yid 'gyu byed yod pa'i phyir
sangs rgyas kyi lam bsgribs pa yin no
de ni bcos ma lam gyi ma rig pa zhes bya'o
mi shes rmongs pa'i ma rig pa ni
rang gi snang ba 'od du yod pa ma shes pas yang nas yang du 'khor bar 'khor ro
de ni mi shes rmongs pa'i ma rig pa zhes bya'o
de bzhin du ma rig pa drug tu byung na ye shes kyi snang ba ma shes pa'o
de yang 'di lta ste
yang dag pa ka dag gi snang ba la ma rig pa med
sems med
yid kyang med
lhun grub kyi rtsal la ma rig pa byung
680
ma rig pa'i rol pa las sems byung
sems kyi rgyan las yid byung
yid kyi yul las dug lnga byung
dug lnga las nyon mongs pa bcu drug byung
bcu drug las nyi shu rtsa lnga byung
de las lnga bcu rtsa gcig byung
de las stong phrag brgyad cu byung ngo
bcu drug pa gang zhe na
ma rig pa dang
sems dang
yid dang
'dzin pa dang
rtog pa dang
ma shes pa dang
ma mthong ba dang
ma rtogs pa dang
ma go ba dang
rang gi de ma thag pa dang
nga yir bzung ba dang
gzhan la ser sna byed pa dang
'dod pa dang
chags pa dang
khengs pa dang
khro ba dang bcu drug go
de rnams kun gyi steng du
gti mug dang
'dod chags dang
zhe sdang dang
nga rgyal dang
phrag dog dang
de yang 'di lta ste
gti mug la lnga ste
rab tu rmugs pa'i gti mug dang
ma shes pa'i gti mug dang
ma mthong ba'i gti mug dang
shin tu 'thibs pa'i gti mug dang
rab tu myos pa'i gti mug dang lnga'o
'dod chags la yang lnga ste
zhe la 'dod pa'i 'dod chags dang
681
shin tu gdung ba'i 'dod chags dang
srog la mi blta ba'i 'dod chags dang
zhe sdang dang bcas pa'i 'dod chags dang
mkha' la spyod pa'i 'dod chags dang lnga'o
zhe sdang la yang lnga ste
'dod pa shas che ba'i zhe sdang dang
khong khro dang bcas pa'i zhe sdang dang
shin tu rags pa'i zhe sdang dang
gti mug dang bcas pa'i zhe sdang dang
dus kyi 'brug char lta bu'i zhe sdang dang lnga'o
nga rgyal la yang lnga ste
zil gyis gnon pa seng ge lta bu'i nga rgyal dang
gong na med pa nam mkha' lta bu'i nga rgyal dang
dpa' brtul che ba stag lta bu'i nga rgyal dang
nga'o snyam pa dur bya lta bu'i nga rgyal dang
mi mnyam pa dang mnyam par rloms pa glang chen lta bu'i nga rgyal dang lnga'o
phrag dog la yang lnga ste
phra ba'i phrag dog dang
nga rgyal las byung ba'i phrag dog dang
shin tu rtsub pa'i phrag dog dang
rags pa'i phrag dog dang
blta ba'i phrag dog dang lnga'o
de ni nyon mongs pa nyi shu rtsa lnga'o
de las khong khro byung
khong khro las 'du byed nyi shu rtsa lnga byung
de las bsam gyis mi khyab brjod kyis mi langs
682
grangs med pa
grangs las 'das pa bgrang du med pa byung ngo
zhes rig pa rang shar chen po'i rgyud las
ma rig pa sems kyi le'u ste re gcig pa'o
@62
de nas yang gsang ba'i bdag pos 'di skad ces gsol to
kye kye ston pa chen po
ma rig pa de ltar lags na
rig pa'i dbye ba gsung du gsol
zhes zhus so
de nas yang bka' stsal pa
kye gsang ba'i bdag po nyon cig
ngas legs par bstan gyis khyod kyis zung zhig
de yang 'di lta ste
zil gyis gnon pa seng ge lta bu'i rig pa dang
khyad par glang po che lta bu'i rig pa dang
mkha' lding khyung lta bu'i rig pa dang
ma 'dres yongs su rdzogs pa 'ja' tshon lta bu'i rig pa dang
thams cad bsreg pa me lta bu'i rig pa dang
yangs shing go skabs 'byed pa nam mkha' lta bu'i rig pa dang
bskyod pa rlung lta bu'i rig pa dang
the tshom med pa thi bya tshang du 'jug pa lta bu'i rig pa dang
zab pa rgya mtsho lta bu'i rig pa dang
gzung du med pa chu zla lta bu'i rig pa dang
kun tu mtha' yangs pa bar snang lta bu'i rig pa dang
683
dri ma med pa man shel lta bu'i rig pa dang
gos pa med pa pad ma lta bu'i rig pa dang
rgyun chad med pa chu gzhung lta bu'i rig pa dang
'gag pa med pa sbu ba lta bu'i rig pa ste
de ni rig pa 'grings bstan pa'o
de yang yang dag par rig pa rdo rje lu gu rgyud du yod do
dngos po la de ltar med kyang
rtsal du snang ba de ltar byung ngo
de'i yon tan la sku byung ngo
sku'i rol pa las ye shes byung ngo
ye shes kyi rgyan las 'od byung ngo
'od kyi rtse mo las zer byung ngo
de yang sku gang zhe na
rtsa ba rig pa'i sku dang
yangs pa chos kyi sku dang
brdal ba dbyings kyi sku dang
mi 'gyur ba rdo rje'i sku dang
'gyur ba med pa ngo no nyid kyi sku dang
yang dag pa bde ba'i sku dang
log pa sems kyi sku dang
mthong ba rang grol gyi sku dang
rig pa thig le'i sku dang
rgya mchad pa nam mkha'i sku dang
phyogs su ma lhung ba nyi zla'i sku dang
tha mi dad pa gcig shes kyi sku dang
zhen pa med pa rang grol gyi sku'o
de yang 'di lta ste
rtsa ba rig pa'i sku ni
684
rdo rje lu gu rgyud kyi sku yin te
rang gi mig gis dbang po la ma 'gags par gsal lo
de ni rtsa ba rig pa'i sku zhes bya'o
yangs pa chos kyi sku ni
dang po'i gzhi ka dag chen po de la
bsam pa med
ma rig pa med
sems med
yid med
'dzin pa med de
de yang 'di lta ste
rgya mchad pa'i ye shes
lhun gyis grub pa'i sangs rgyas
spros pa med pa'i chos nyid
mtha' dang bral ba'i rig pa
dag pa chen po'i snang ba
phyogs lhung med pa'i blta bar bzhugs so
de yang
yangs pa
gsal ba
mi 'gyur ba
ye shes mi 'gag pa
thig le sna tshogs su 'phro ba
ma grub pa'i chos nyid phyi rgya ma ral ba
nang ye shes kyi 'od lnga ma 'gags par gsal ba
sku dang ye shes kyi ngo bor bzhugs so
de ni yangs pa chos kyi sku zhes bya'o
brdal ba dbyings kyi sku ni
dbyings rnam par dag pa'i sgron ma yin te
dbyings de yang rgya ma chad pa phyogs su ma lhung ba
'grib pa med pa
'phel ba med pa
stong pa med pa
gang ba med pa
gsal cha dang bcas pa
sku mang po 'char ba'i gnas
yangs pa kun gyi bdag nyid
685
shin tu che ba
gong na med pa
blta ba mthong ba'i sangs rgyas
nges pa rnyed pa'i sa zhes bya'o
de ni brdal ba dbyings kyi sku zhes bya'o
mi 'gyur ba rdo rje'i sku ni
sangs rgyas med pa'i 'bras bu
sems can med pa'i 'khor ba
srog bcad pa'i sangs rgyas
byas pa med pa'i byung ba
mthong ba med pa'i yul
shes ma myong ba'i gtam
srog gcod pa'i dge ba
len ma myong ba'i lus
bsgrubs pa med pa'i lha
ma bgrangs pa'i snying po
ma bsgoms pa'i bsgom pa
ma bris pa'i dkyil 'khor
ma bsags pa'i tshogs
de ni mi 'gyur ba rdo rje'i sku'o
'gyur ba med pa'i ngo bo nyid kyi sku ni
grub mtha' 'gyur med
gtan tshigs nges med
mtshan nyid gnyis med
blta ba phyogs mthong
bsgom pa mthong ba
spyod pa byar med
'bras bu thob med
dam tshig bsrung med
rol pa 'gag med
ngo bo zang thal
rang bzhin kun khyab
thugs rje mkha' khyab po
de ni 'gyur ba med pa ngo bo nyid kyi sku'o
dag pa bde ba'i sku ni
gsal ba mkha' khyab
stong pa kun khyab
686
ye shes mig khyab
rig pa lus khyab
sgron ma yul khyab
chos sku gzhi khyab
longs sku rang khyab
sprul sku kun khyab
'od lnga gnas khyab po
de dag ni dag pa bde ba'i sku'o
log pa sems kyi sku ni
sna tshogs 'byung ba
sna tshogs sdud pa
thams cad kyi lam
thams cad kyi gnas
thams cad kyi gzhi
'khor ba rang kha ma'o
de ni log pa sems kyi sku'o
mthong ba rang grol gyi sku ni
mi 'gyu ste 'gyu ba
'gyu ste mi 'gyu ba
srog med pa'i sku
sems med pa'i sems can
dbugs med pa'i 'gyu ba
'gro 'ong med pa'i sangs rgyas
dus thams cad pa'i ye shes
rtag par bzhugs pa'i chos nyid
'dzin pa med pa'i rang grol
rtog pa med pa'i sku lnga
mtha' ma 'gags pa'i shes rab
rang sar grol ba'i chos nyid do
de ni mthong ba rang grol gyi sku'o
gcig pa thig le'i sku ni
'byung ba kun khyab kyi ye shes
'byung ba kun snang gi ye shes
'byung ba kun 'byung gi ye shes
'byung ba kun gsal gyi ye shes
'byung ba gting gsal gyi ye shes
'byung ba mkha' gsal gyi ye shes
687
'byung ba phyi gsal gyi ye shes
'byung ba nang gsal gyi ye shes
'byung ba stong par rang byung gi ye shes so
de ni gcig pa thig le'i sku'o
rgya ma chad pa nam mkha'i sku ni
snang ba dang ye shes rgya ma chad
nam mkha' dang dbyings rgya ma chad
sems can dang sangs rgyas rgya ma chad
sems dang sems can rgya ma chad
'byung ba dang 'od snang rgya ma chad
mthong ba dang rang lus rgya ma chad
stong pa dang chos nyid rgya ma chad
lhun grub dang ka dag rgya ma chad
zhing khams dang lhun grub rgya ma chad
tshom bu dang 'khrul snang rgya ma chad
sems dang ye shes rgya ma chad
yid dang shes rab rgya ma chad
rig pa dang ma rig pa rgya ma chad
stong pa dang gsal ba rgya ma chad do
de ni rgya ma chad pa nam mkha'i sku zhes bya'o
phyogs su lhung ba med pa nyi zla'i sku ni
'dzin pa med pas rang grol
rtog pa med pas rang sangs
'gyu ba med pas rang dag
gsal ba med pa'i 'tsher ba
bsgom du med pa'i chos nyid
gzung du med pa'i yangs pa
sangs rgyas med pa'i sems can no
de ni phyogs su ma lhung ba nyi zla'i sku zhes bya'o
688
tha mi dad pa gcig shes kyi sku ni
sgron ma mkha' khyab
ye shes dbyings khyab
shes rab yul khyab
thabs kyis lam khyab
dbang pos sems khyab bo
de ni tha mi dad pa sgron ma'i sku'o
zhen med rang grol gyi sku ni
snang ba la mi zhen
med pa mi bsgrub
yod pa mi spang
med pa la zhe 'dod mi byed
yod pa la mngon par mi zhen
byas pa mi bsgrub
byung ba mi 'geg
byung ba la skyon du mi blta
nyon mongs pa mi spang
sangs rgyas mi bsgrub
bsgom pa mi bsgom
lta ba mi blta
'khrul snang mi 'geg
dag snang mi 'tshol
sems la sangs rgyas mi re
rig pa la sems can mi dogs
kun gzhi la chos sku mi re
sgron ma bzhi las gzugs skur mi ldog
lam la sbyang du med
'bras bu thob tu med
gzhi la bzang ngan med
rtogs pa dang ma rtogs pa gnyis su med
de ni zhen med rang grol gyi sku'o
sangs rgyas thams cad kyi dgongs pa tshad mar bzhag pa'o
sku mi 'gyur ba las ye shes 'gag pa med pa 'byung ngo
de yang 'di lta ste
sku la dbyings yod pa'i phyir
689
chos kyi dbyings kyi ye shes dang
dbyings la gsal ba yod pa'i phyir
me long lta bu'i ye shes byung
gsal ba la gnyis med yod pa'i phyir
mnyam pa nyid kyi ye shes byung
gnyis med la mthong ba yod pa'i phyir
so sor rtog pa'i ye shes byung
mthong ba la tshad yod pa'i phyir
bya ba grub pa'i ye shes byung ngo
ye shes las 'od byung ste
ye shes mi 'gyur ba'i phyir mthing gar byung
ye shes dag pa'i phyir dkar por byung ngo
ye shes la yon tan 'byung ba'i phyir ser por byung ngo
ye shes la dbang rdzogs pa'i phyir dmar por byung ngo
ye shes la phrin las rdzogs pa'i phyir
ljang gur byung ngo
de bzhin du sems can kun la yang de bzhin gnas so
gsang sngags thams cad kyi mdo yang de bzhin no
sangs rgyas thams cad kyi dgongs pa'i tshad kyang de bzhin no
de bzhin gshegs pa'i dgongs pa rang grol ba chen po'o
man ngag thams cad kyi mdo yin no
de bzhin du rtogs par gyis shig
rigs kyi bu de bzhin du shes pa'i rigs kyi bu de ni
yongs su mya ngan las 'da' bar 'gyur ro
690
zhes rig pa rang shar chen po'i rgyud las
rig pa dang ye shes kyi le'u ste re gnyis pa'o
@63
de nas yang gsang ba'i bdag pos 'di skad ces gsol to
kye kye bcom ldan ma 'ongs sku
rtog med sangs rgyas rang grol la
'dzin pa'i sems nyid ci ltar byung
mos pas spyod pa'i 'khor rnams la
ma nor legs par bstan du gsol
zhes zhus so
de nas yang bka' stsal pa
kye ma gsang ba'i bdag po nyon
ngas bstan legs par yid la zung
mthong bar gyis la go bar gyis
shes par gyis la rtogs par gyis
sangs rgyas 'dzin med rang grol la
rnam rtog mtshan ma ngang gis med
bsam med chos sku'i ngo bo stong
rtog med gsal ba'i chos nyid do
rdo rje sems dpa'i rig pa nyid
rkang med mkha' la kun tu rgyug
rig pa'i ye shes chen po ni
grogs med gcig pur yang dag bde
rig pa'i ye shes rtog med ni
bltar med sku la yang dag blta
brdze med rang gi rig pa ni
dper na gar sbyin snod dang 'dra
ma rig sbur ma lta bu ste
691
de yi rtsi la chags pa bzhin
rig pa ye shes skye med la
ma rig 'phral du chags pa'o
de nas yang gsang ba'i bdag pos 'di skad ces gsol to
kye kye bcom ldan rdo rje 'chang
bdag cag mos pa'i 'khor rnams la
gang gi thabs kyis grol ba rnams
mos pa'i 'khor la gsung du gsol
zhes zhus so
de nas yang bka' stsal pa
sangs rgyas kun gyi ye shes ni
gang gi phyogs su ma lhung ba'o
dper na sbur dang spyin snod la
chu yis gnyis ka sel ba ltar
rig dang ma rig rtogs pa yang
chos nyid rang snang nam mkha' la
rig pa'i ye shes ma yengs par
'dzin med ngang du bzhag gyur na
ye shes rang snang mthong ba'i lam la shes shing rig
ma 'gag 'khrul pa'i chos las log pa'o
bsal med chos sku spros bral ni
sangs rgyas ye shes lus nyid las
rtog med sangs rgyas ngo bo gsal
'dzin med rang dag chen po la
rdo rje sems dpa'i rig pa gsal
gsal dang stong pa'i ye shes la
mtshan ma med pa'i chos nyid gsal
692
zhe 'dod med pa'i bsgom pa la
btang bzhag med pa'i ting 'dzin gsal
spang thob med pa'i blta ba la
rtog pa med pa'i mthong ba gsal
bcos pa med pa'i spyod pa la
byas pa med pa'i byung ba gsal
bsam dang bral ba'i chos sku la
'gag pa med pa'i longs sku gsal
mtshan ma med pa'i chos nyid la
thams cad 'dren pa'i sprul sku gsal
phyir mi ldog pa'i sku gsum la
gzung 'dzin med pa'i rig pa gsal
yang dag sangs rgyas lam rgyal la
sbyang du med pa'i dkyil 'khor gsal
skye ba med pa'i yig 'bru la
'du 'bral med pa'i lha tshogs gsal
nub pa med pa'i rgyal mtshan la
'gyur ba med pa'i sgron ma gsal
rtog pa med pa'i ye shes la
gsal 'grib med pa'i 'od lnga gsal
bstan du med pa'i lung chen la
shes su med pa'i chos sku gsal
brjod du med pa'i man ngag la
gzung du med pa'i rig pa zin
bshad du med pa'i chos nyid las
thob tu med pa'i 'bras bu thob
yi ge med pa yi rgyud chen las
693
bshad du med pa'i sangs rgyas gsal
bsgrub tu med pa'i phrin las la
bya ru med pa'i mchod pa gsal
chos nyid 'gyur med snang ba la
lha dang bral ba'i rig pa gsal
stong pa nyid kyi chos nyid la
bde ba zag med thig le gsal
yang dag don gyi chos sku la
rtog med gsal ba'i ye shes gsal
'gyur med rang gsal ngo bo la
rtog med mnyam pa'i thig le gsal
rnam dag dbyings kyi thig le la
brjod med lam kyi thig le gsal
sa la mi gnas sku mchog la
btang snyoms ye shes dkyil 'khor gsal
bya rtsol bral ba'i chos nyid la
dkyil 'khor lnga yi 'du 'phro gsal
rtog pa lam gyi sangs rgyas la
'bras bu rgyu yi sangs rgyas gsal
grol ba 'bras bu'i sangs rgyas la
smin pa rtags kyi sangs rgyas gsal
bya byed bral ba'i rig pa la
'dzin med rdo rje'i sku nyid gsal
kun tu khyab pa'i ye shes la
rang gsal chos nyid rtog med gsal
e ma ho
'dzin pa med pa'i chos nyid rang gdangs gsal ba'i shugs
694
rtog pa med pa'i chos nyid mkha' khyab kun la rol
'dzin pa med pa'i chos nyid rang sar dag
rtog pa med pa'i rang grol bde ba'i shugs
yengs pa med pa'i rang snang kun la khyab
yang dag chos nyid bde chen sa la gshegs
zhes rig pa rang shar chen po'i rgyud las
rang bzhin gsal ba'i le'u ste drug cu re gsum pa'o
@64
de nas yang gsang ba'i bdag pos 'di skad ces gsol to
kye kye ston pa chen po
'khor rnams la dbang po'i bye brag gsung du gsol
zhes zhus so
de nas yang bka' stsal pa
kye mos pa'i 'khor rnams nyon cig
ngas sems can gyi ma rig pa bsal ba'i phyir
snang ba'i 'char lugs nyi shu rtsa gcig yod pa'i phyir
'di rnams yid la zung zhig
dbang po la rnam pa gsum gyis bstan te
rab dang
'bring dang
tha ma'o
rab la bdun te
rab kyi tha ma dang
rab kyi 'bring dang
rab kyi rab dang
rab kyi phul dang
rab kyi mchog dang
rab kyi rtse mo dang
rab kyi mthar phyin pa'o
de ni rab kyi dbye ba yin no
de yang mthong tshul re
695
ye shes kyi snang ba skye tshul re
rtogs pa'i tshad re
snang ba'i skyes tshul re
go ba'i skyes tshul re
shes pas brtags lugs re shar nas rang rang gis snang ba la brtan pa thob pa'o
'bring la yang bdun te
'bring gi tha ma dang
'bring gi 'bring dang
'bring gi rab dang
'bring gi phul dang
'bring gi mchog dang
'bring gi rtse mo dang
'bring gi mthar phyin pa'o
de la yang ye shes skye ba'i tshad re 'byung ngo
de ni dbang po 'bring gi yin no
tha ma la yang bdun te
tha ma'i tha ma dang
tha ma'i 'bring dang
tha ma'i rab dang
tha ma'i mchog dang
tha ma'i phul dang
tha ma'i rtse mo dang
tha ma'i mthar phyin pa'o
de yang dbang po rab la skad cig ma gsum la 'tshang rgya nas sprul pa rang bzhin du 'byung ngo
de yang skad cig ma gcig la tshom bu'i snang ba 'gags
skad cig ma gcig la lhun grub kyi snang ba skye
skad cig ma gcig la ka dag gi bden pa mthong
de yang sprul pa ni
ka dag gi sa nas mi 'gyed de
lam du dbang thams cad kyi de bzhin nyid thob nas
696
dper na skar mda' nam mkha' la rgyug pa'i tshul te
skar mda' de las 'od 'phros pa dang 'dra bar sprul pa bskyes nas 'gro ba'i don byed do
don byed ni zhag gsum nas nus so
dbang po rab kyi rtse mo ni
zhag gcig bar dor sdod de
de yang ye shes bzhi sbyor gyi snang ba la rang gi snang ba thob ste
de yang bdag gi mig nas ye shes kyi me gnyis snang ba byung nas
mtshon char babs pa de kun tshig nas
snang ba 'gag pa med par shar nas
de la rang gi shes pa sad nas
rang gi yul mthong ste
lhun grub kyi sa la nges pa rnyed nas
yang skar mda' lta bur shes par bya'o
dbang po rab kyi mchog ni zhag gnyis nas 'tshang rgya ste
de yang tshom bu'i snang ba la zhag gcig sdod de
de yang rang gi thugs ka nas ye shes kyi nyi ma gcig 'char te
de las 'od zer phyogs bcur 'phros
de las 'od zer gyi rtse mo re re la de bzhin gshegs pa'i sku re re 'char ro
de nas snang ba'i spyod yul thams cad sku'i rang bzhin du mthong ngo
de nas yang lhun grub kyi snang ba la yang nges pa rnyed nas
697
sprul pa zhag bdun nas don byed nus so
yang skar mda' bzhin no
rab kyi phul ni zhag gsum gyis bar do la sdod do
de yang tshom bu la zhag gcig sdod do
de la yang nges pa ma rnyed par ye shes kyi snang ba la rang gi snang ba cha gcig 'char ro
der yang zhag gnyis sdod do
zhag dang por 'od mthong ngo
zhag gnyis pa la sku mthong ngo
sku de yang che ba rags pa mthong ngo
de la yid ches nas lhun grub kyi sa la nges pa rnyed do
de yang skar mda' ltar shes par bya'o
sprul pa yang zhag bcu gcig nas don byed nus so
rab kyi rab ni
zhag bzhi bar do la sdod de
de yang rang gi mdun na tshom bu lnga bkra sa le 'dug pa mthong nas
de la rang gi bag chags sad nas
shar phyogs kyi tshom bu la zhag gcig sdod do
de bzhin du phyogs bzhi'i tshom bu la zhag re re sdod do
de nas yang lhun grub la nges pa rnyed nas 'tshang rgya'o
sprul pa yang zhag bcu bzhi nas don byed nus so
dbang po rab kyi 'bring ni
zhag lnga nas mthong ngo
de yang 'di lta ste
zhag bzhi tshom bu la sdod do
698
zhag gcig ye shes kyi snang ba la sdod do
de yang rang gi thugs ka nas 'od zer rta rnga tsam gcig byung ste
de yang nam mkha'i khams su 'greng bur 'ong ngo
de la rang gi mig ma yengs par bzung nas bltas pas
nam mkha'i dkyil nas tshom bu chen po gcig bkras leb de mthong nas
de la yid ches rab tu skyes nas
rang gi yin snyam pa'i shes pa gcig byung bas
yid ches pas ma pang du bu 'jug pa'i gdams ngag ces bya'o
de nas de la rang gi rig pa rim gyis thim pa ni
mi 'gyur ba gser gyi thur ma lta bu'i gdams ngag go
de la yang mi gnas pa ka dag gi sa la thim pa ni
phyir mi ldog pa dpag chen gyi mda' lta bu'i man ngag ces bya'o
sprul pa yang zhag nyi shu rtsa gcig nas don byed nus so
dbang po rab kyi tha ma ni zhag drug thogs te
de yang tshom bu la zhag bzhi thogs so
ye shes kyi snang ba dang po chos kyi dbyings la zhag gcig thogs so
de bzhin du me long lta bu la zhag gcig thogs te
de nas yang rang gi mig gnyis nas
ye shes kyi me long gsal ba gnyis lhag gis 'char te
699
de la snang ba dpag tu med pa spros nas
gcig rang gi steng du tshom bu gcig tu mthong ste
gcig rang gi mdun du yang tshom bu gcig tu mthong ngo
de nas nges pa thob nas 'tshang rgya'o
sprul pa yang zhag nyi shu rtsa lnga nas don byed nus so
bha hu a sho pa da ni ka ya dha pi ya du ba ya a
de nas yang gsang ba'i bdag pos 'di skad ces gsol to
kye kye ston pa chen po
dbang po 'bring gi grol lugs gsung du gsol
ston pas lung bstan du gsol
zhes zhus so
yang ston pas bka' stsal pa
gsang ba'i bdag po nyon cig
ngas legs par bstan gyis
ma yengs par nyon cig
de yang 'di lta ste
'bring gi nges pa 'jog pa ni
zhag bdun nas nges pa rnyed do
de yang zhag lnga tshom bu'i snang ba la sdod do
zhag gcig chos kyi dbyings la sdod do
700
zhag gcig me long gi ye shes la sdod do
de yang rang gi thugs ka nas sku gcig shar byung ba de la sku grangs med pa 'phros pas de las rang gi shes pa sad de
stobs su gyur nas yang skar mda' lta bu'o
sprul pa yang zhag nyi shu rtsa drug nas don byed nus so
dbang po 'bring gi rtse mo ni
zhag brgyad thogs te
yang tshom bu la zhag lnga thogs so
ye shes bzhi'i snang ba la zhag gsum bsdad nas
yang rang gi steng nas ye shes kyi sku sna tshogs su 'phro ba gcig mthong bas de la nges pa rnyed nas
de yang skar mda' lta bu'o
sprul pa yang zhag nyi shu rtsa bdun nas don byed nus so
'bring gi mchog ni zhag dgu thogs te
de yang tshom bu la zhag lnga thogs so
ye shes la zhag bzhi thogs so
de nas yang nges pa rnyed do
cir snang thams cad me long lta bur rtogs shing mthong nas bden pa 'thob po
sprul pa yang zhag sum cu nas don byed nus so
'bring gi phul ni zhag bcu thogs te
de yang tshom bu lnga la zhag lnga
ye shes kyi snang ba la zhag bzhi thogs so
lhun grub kyi snang ba la zhag gcig thogs nas
701
de yang sku de dag thams cad gnyis med du rtogs nas sangs rgyas so
sprul pa yang zhag sum cu rtsa gcig nas don byed nus so
'bring gi rab ni zhag bcu gcig thogs te
yang tshom bu la zhag lnga
ye shes la yang zhag lnga
lhun grub la zhag gcig ste
de nas yang nges pa rnyed nas
snang ba thams cad 'od dang 'od kyi khyim du mthong nas
nges pa rnyed do
sprul pa yang zhag sum cu rtsa bzhi nas don byed nus so
'bring gi 'bring ni
zhag bcu gnyis thogs te
yang tshom bu la zhag lnga
longs sku khro bo'i zhing khams su zhag gcig
ye shes kyi snang ba la zhag lnga
lhun grub kyi snang ba la zhag gcig gnas nas nges pa rnyed nas brtan pa thob po
sprul pa yang zhag sum cu rtsa bdun nas don byed nus so
'bring gi tha ma ni zhag bcu gsum thogs te
de yang tshom bu gong 'og la zhag drug
ye shes la lnga
lhun grub la zhag gnyis gnas pas
yang cir snang mar me'i dkyil 'khor ltar mthong nas nges pa rnyed do
sprul pa yang zhag sum cu rtsa dgu nas don byed nus so
bha nghu sing khu pa sa a
702
de nas yang gsang ba'i bdag pos 'di skad ces gsol to
kye bcom ldan 'das thugs rje chen po dang ldan pa dbang po tha ma'i grol lugs gsung du gsol
zhes zhus so
de nas yang bka' stsal pa
kye gsang ba'i bdag po nyon cig
dbang po tha ma'i grol lugs ni 'di lta ste
de yang tha ma'i sa zin pa ni
zhag bcu bzhi thogs
de yang tshom bu gong 'og la drug
ye shes la lnga
lhun grub la gsum thogs pa'i tha ma la rang gi snang bar mthong nas yang 'tshang rgya'o
sprul pa yang zhag bzhi bcu nas don byed nus so
tha ma'i rtse mo ni zhag bco lnga thogs te
yang tshom bu dang ye shes gong bzhin no
lhun grub la zhag bzhi gnas pa'i tha ma yang rang gi snang bar mthong nas yang brtan pa thob po
sprul pa yang bzhi bcu zhe gsum nas don byed nus so
tha ma'i mchog ni zhag bcu drug thogs te
tshom bu dang ye shes la gong bzhin no
lhun grub la zhag lnga gnas pa'i tha ma yang rang gi snang ba mthong nas brtan pa thob bo
703
sprul pa yang zhag zhe drug nas don byed nus so
tha ma'i phul ni
zhag bcu bdun thogs te
tshom bu dang ye shes kyang gong bzhin no
lhun grub la zhag drug gnas pa'i tha ma yang rang gi snang bar mthong nas brtan pa thob po
sprul pa yang zhag bzhi bcu zhe bdun nas don byed nus so
tha ma'i rang zhag bco brgyad thogs te
yang tshom bu la zhag drug thogs so
ye shes la zhag brgyad
lhun grub la zhag bzhi gnas pa'i tha ma rang gi snang bar mthong nas brtan pa thob po
sprul pa yang zhag lnga bcu nas don byed nus so
tha ma'i 'bring ni
zhag bcu dgu thogs te
yang tshom bu la yang zhag bcu gnyis thogs so
ye shes la bzhi gnas so
lhun grub la zhag gsum gnas pa'i tha ma rang gi snang ba la bden pa mthong nas brtan pa thob po
sems can gyi dbang po de rnams kun sangs rgyas kyi sa non ba'o
bar do de rnams kyang dper na rmi lam lta bu'o
dbang po tha ma'i tha ma ni
zhag nyi shu la gnas nas
de yang lhun grub kyi snang bar lam byung nas
704
ma dag pa 'khor ba'i sgor lam byung nas
phyogs bcur sprul pa'i zhing khams su gnas nas
bar do med par yang dag par 'tshang rgya'o
de nas yang sems can gyi blo bsam gyis mi khyab kyang
bsngu na nyi shu rtsa gcig tu 'dus so
de bzhin du sems can kun gyis rang rgyud grol bar gyis shig
ces rig pa rang shar chen po'i rgyud las
dbang po'i bye brag bstan pa'i le'u ste drug cu ri bzhi pa'o
@65
de nas yang gsang ba'i bdag po la phyogs bcu'i de bzhin gshegs pa rnams kyis lung bstan pa 'di yang dag par bka' bgro ba mdzad do
de nas de bzhin gshegs pa thams cad mdun gyi nam mkha' la lhags nas 'di skad ces bka' stsal to
kye rgyal ba'i sras su gyur pa'i rigs phyag na rdo rje khyod nyon cig
ngas khyod la lung bstan gyis legs par ma yengs par nyon cig
legs pa thams cad kyi gzhi ma mchog tu gyur pa zhes bya ba'i zhing khams su
sangs rgyas stong gi gtsug phud kyi rgyal po zhes bya ba'i nye gnas su khyod gyur nas
gsang sngags kyi chos chen po 'di rgyas par byed do
705
de nas de bzhin gshegs pa 'od zer kun tu mtha' yas pa zhes bya bas lung bstan pa
rigs kyi bu khyod nyon cig
khyod la ye shes kyi snang ba lnga lhugs par 'char ro
de'i dus su rang gi de nyid ngo shes par gyis shig
rigs kyi bu rtogs pa lam du khyer ba'i dus su
'khrul pa'i snang ba zil gyis non par gyis shig
yang dag pa'i shes pa sad pa'i dus su
stobs dang mi 'jigs pa la gdeng tshud par gyis shig
sangs rgyas kyi lam lnga nyams su longs par gyis shig
ces lung bstan pas
gsang ba'i bdag po phyi'i chos la bzod pa thob po
de nas yang de bzhin gshegs pa me 'od chu'i rgyal po zhes bya bas lung bstan pa
kye rigs kyi bu
sangs rgyas kyi bden pa mthong ba'i dus su
sbyan lnga la mkhas par gyis shig
phyi nang gi drod skye ba'i dus su zhing khams rnam par dag pa rnams mthong bar gyis shig
rig pas sems bcom pa'i dus su
nam mkha' rnam par dag pa ngo shes par gyis shig
yang dag pa'i stobs skyes pa'i dus su rtags ngo shes par gyis shig
706
rang gi rig pa phyogs med du shar ba'i dus su
don ngo shes par gyis shig
rol pa sna tshogs su snang ba'i dus su
dpe ngo shes par gyis shig
ces lung bstan pas
gsang ba'i bdag pos nang gi chos la bzod pa thob po
de nas yang de bzhin gshegs pa rdo rje gtsug phud kyis 'di skad ces lung bstan to
kye rigs kyi bu yang dag pa'i shes pa skyes pa'i dus su gzhon nu bum pa'i sku ngo shes par gyis shig
rig pa rang sar dag pa'i dus su
mkhar gzhong nang gi bcud ngo shes par gyis shig
rtog pa 'dzin pa'i sems dang bral ba'i dus su
me long gnyis ngo shes par gyis shig
lta ba la zla ba'i dus su
rgyud kyi rgyal po 'di ngo shes par gyis shig
bsgom pa klong rdol ba'i dus su
sgron ma'i tshad ngo shes par gyis shig
spyod pa gting rdol ba'i dus su
man shel gyi dkyil 'khor ngo shes par gyis shig
ces lung bstan pas
gsang ba'i bdag pos chos thams cad kyi mig rnyed do
707
de nas yang de bzhin gshegs pa rgyan dam pa zhes bya ba nges lung bstan pa
kye rigs kyi bu legs par yid la brung zhig
sangs rgyas kyi dgongs pa klong du gyur pa'i dus na
gzugs sku ngo shes par gyis shig
rang gi snang ba yul la lhug par shar tsam na
rtsa bzhi bzlog par ngo shes par gyis shig
bar do gnyis pa la 'od mtshon cha lta bur shar tsam na nyi ma'i zer ngo shes par gyis shig
rnam rtog med pa'i rig pa mkha' la gsal ba'i dus na
tshom bu'i de bzhin nyid ngo shes par gyis shig
de bzhin du rang gi dkyil 'khor lnga ngo shes par gyis shig
ces lung bstan pas
gsang ba'i bdag pos tshom bu'i snang ba mthong ngo
de nas yang de bzhin gshegs pa 'od kyi dgongs pa las mi 'da' ba'i gzi brjid kyi rgyal pos 'di skad ces lung bstan to
kye rigs kyi bu sems med pa'i rig pa ngo shes par gyis shig
yid dang bral ba'i shes rab ngo shes par gyis shig
dbugs dang bral ba'i sku ngo shes par gyis shig
708
'dzin pa dang bral ba'i rang grol ngo shes par gyis shig
rtog pa dang bral ba'i 'od snang ngo shes par gyis shig
'byung ba dang bral ba'i ye gdangs ngo shes par gyis shig
bag chags las 'das pa'i rig pa ngo shes par gyis shig
rgyu med pa'i 'bras bu ngo shes par gyis shig
dus dang bral ba'i rang gdangs ngo shes par gyis shig
sangs rgyas med pa'i sems can ngo shes par gyis shig
dbang rang byung gi dkyil 'khor ngo shes par gyis shig
ces lung bstan pas
gsang ba'i bdag pos gzhi'i dbang gi bden pa mthong ngo
de nas yang de bzhin gshegs pa mar me mdzad chen pos 'di skad ces lung bstan to
kye rigs kyi bu ngas don ma nor bar bstan gyis
legs par nyon cig
skye ba med pa'i tshad 'chi ba med pa la zung zhig
'gag pa med pa'i tshad sna tshogs 'char ba'i phyir zung zhig
'gyur ba med pa'i tshad gting zab pas zung zhig
yangs pa'i tshad mtha' dbus med pas zung zhig
dgongs pa'i tshad ma yengs pas zung zhig
709
ting nge 'dzin gyi tshad btang bzhag med pas zung zhig
ma bcos pa'i tshad skyon med pas zung zhig
rtogs pa lam du khyer ba'i tshad 'char nub med pas zung zhig
gdams ngag thob pa'i tshad snang ba zad pas zung zhig
ces lung bstan pas
gsang ba'i bdag pos shes rab chen po'i don thams cad thugs su chud do
de nas yang de bzhin gshegs pa thams cad kyis dgongs pa'i tshad gsungs pa
e ma ho gsang ba'i bdag po nyon
sangs rgyas kun gyis dgongs pa ni
sems can kun gyi lam la gnas
rnam dag don spyod dgongs pa ni
thun dang mtshams med gcig pu nyid
gzhan la brten pa ma yin no
gzhan la brten na rtsol bar 'gyur
nyon cig sangs rgyas dgongs pa ni
bya dang byed pa'i chos dang bral
bya byed spangs na bde ba rnyed
bde ba rnyed pa'i gang zag de
yang dag sa la lhun grub rnyed
de ni dgongs pa'i tshad ma yin
chos rnams kun gyi dgongs pa ni
rang dag rang grol chen po'i dgongs dang mi dgongs tshig gi lam
710
tshig ldan la yang bde ba med
yang dag chos sku 'gag pa med
tshig las 'das pa'i chos sku'o
zhes gsungs nas
mi snang ba'i ngang du se gol gtogs pa tsam la gshegs so
zhes rig pa rang shar chen po'i rgyud las
rjes su lung bstan pa'i le'u ste drug cu re lnga pa'o
@66
de nas yang gsang ba'i bdag po ngo mtshar mchog tu skyes nas 'di skad ces gsol to
kye ston pa thugs rje chen po dang ldan pa
bdag cag mos pa'i 'khor rnams la
sems can snang ba ci ltar 'gag
gsung du gsol
lung bstan du gsol
zhes zhu ba zhus so
de nas yang ston pas bka' stsal pa
kye mos pa bskyed pa'i rigs kyi bu rnams nyon cig
ngas ma nor bar bstan gyis
legs par yid la zung zhig
thabs kyi don legs par yid la zung zhig
kye grogs po dag
sems can rnams dbugs 'pho ba'i tshe
phyi yi 'byung ba lnga nang gi 'byung ba lnga la thim
nang gi 'byung ba lnga gsang ba'i 'byung ba lnga la thim
711
gsang ba'i 'byung ba lnga yongs su rdzogs pa'i 'byung ba lnga la thim nas
lam chen po la 'jug pa'i tshe
'di ltar shes par bya'o
de nas nang gi 'byung ba lnga phyi la thim pa'i rtags su 'di ltar shes par bya'o
sa sa la thim
chu chu la thim
me me la thim
rlung rlung la thim
nam mkha' nam mkha' la thim nas
de yangs sa la thim pa la gnyis te
phyi'i sa nang gi sa la thim
nang gi sa phyi'i sa la thim
phyi'i sa nang gi sa la thim pa'i dus ni
dang po'i dus so
nang gi sa phyi'i sa la thim pa'i rtags su
712
lus kyi stobs 'chor ro
de yang 'di lta ste
kun tu snang ba'i sa thim pa'i rtags su
phyi'i shes pa rmugs
mi 'gyur ba rdo rje'i sa thim pa'i rtags su
lus kyi stobs 'chor ro
thams cad 'byung ba rin po che'i sa thim pa'i rtags su stobs nyams nas ldang mi nus
snang ba ston pa kun tu mtha' yas pa'i sa thim pa'i rtags su
longs spyod rdzogs pa'i stobs 'chor nas dgongs pa mi gsal lo
bsgrub pa mthar phyin pa'i sa thim pa'i rtags su
sgron ma'i snang ba 'gags so
nang gi chu phyi'i chu la thim pa'i rtags su chu mi thub ste
'gyur ba med pa'i chu thim pa'i rtags su
kha sna nas chu 'dzag
zhi ba gsal dag gi chu thim pa'i rtags su
gsang ba'i gnas nas chu mi thub
yon tan rgyas pa'i chu thim pa'i rtags su
mig gyen la ldog nas 'ong
chags pa med pa'i chu thim pa'i rtags su
kha sna skam pa yin
'dzin med rdzogs pa'i chu thim pa'i rtags su rna bas sgra mi thos pa yin no
nang gi me phyi'i me la thim pa'i rtags su lus kyi drod 'chor ba yin
de yang 'di ltar shes par bya'o
713
phyi nang kun khyab kyi me thim pa'i rtags su
nang gi drod shor zhing shes pa mi gsal
phyi nang kun tu mnyam pa'i me thim pa'i rtags su
gsang ba'i drod 'chor
phyi nang gi bya ba rdzogs pa'i me thim pa'i rtags su
yongs su rdzogs pa'i drod 'chor
phyi nang gi bya ba grub pa'i me thim pa'i rtags su
stong pa'i sgron ma mi mthong ngo
phyi nang rdzogs pa'i me thim pa'i rtags su
shes pa res gsal res mi gsal lo
nang rlung phyi rlung la thim pa'i rtags su
lus kyi rtsal shor
de yang 'di ltar shes par bya'o
bkrag dang gzi mdangs skyed pa'i rlung thim pa'i rtags su
lus kyi bkrag 'chor
me dang mnyam du gnas pa'i rlung thim pa'i rtags su
lus nas chu 'brub
srog 'dzin pa'i rlung thim pa'i rtags su dbugs mi thub
kun tu khyab byed kyi rlung thim pa'i rtags su
lus kyi bkrag dang dran pa 'chor
snying rje med pa bskal pa las kyi rlung thim pa'i rtags su
phyi dbugs chad pa yin no
de ni phyi'i 'byung ba zhes bya'o
nam mkha' nam mkha' la thim pa ni
714
phyi kun la khyab pa'i nam mkha' sgron ma rnam par dag pa la thim mo
yul med gsal dag gi nam mkha' rig pa la thim mo
ma 'dres pa dag pa'i nam mkha' dbyings la thim mo
don mtshon byed kyi nam mkha' shes rab la thim mo
dag pa'i zhing du sgrol byed kyi nam mkha' nyi shu rtsa gcig don la thim mo
de ni nang gi 'byung ba zhes bya'o
rtsa ba 'dzin pa'i srog thig le la thim mo
skyob byed kyi srog nam mkha' la 'khyil lo
rnam par 'phro ba'i srog lus la 'khyil lo
mi gtsang ba'i srog nam mkha' la yal lo
rnam par 'dar byed kyi srog dbyings su thim mo
de ni gsang ba'i 'byung ba zhes bya'o
dangs snyigs 'byed pa'i rlung tshom bu la thim mo
drod skyed pa'i rlung 'od la thim mo
gsal 'gyur gyi rlung sku la thim mo
rnam par sdud pa'i rlung ye shes la thim mo
rnam par gzings bstod pa'i rlung thugs rje la thim mo
rnam par shes pa bskyed pa'i rlung stong pa la thim mo
rnam par yid 'byung ba'i rlung gnyis med la thim mo
715
rnam par mdangs dang ldan pa'i rlung mthar grol la thim mo
rnam par sreg pa'i rlung bde ba chen po la thim mo
rnam par dgod pa'i rlung gsal ba la thim mo
gzhi la khyab byed kyi rlung mkha' gal la thim mo
'phral khyab byed kyi rlung gting gsal la thim mo
sdangs zhing skrag pa khyab byed kyi rlung yul la thim mo
dran pa khyab byed kyi rlung bar do la thim mo
'dzin pas lus kun khyab pa'i rlung rang snang la thim mo
rnam par skyod byed kyi rlung gis rig pa mkha' la bskyod do
rnam par sgrol byed kyi rlung gis phyi nang gi chos dang phral lo
rnam par ldog byed kyi rlung gis rang gi rig pa gzhi la ldog go
rnam par myur byed kyi rlung gis rig pa'i yul mthong
skad cig ma'i rlung gis skad cig ma gsum la ka dag gi sa la phyin par byed do
de ni yongs su rdzogs pa'i 'byung ba'o
gang zag rkyen gyi dbang du ma song ba rnams de bzhin du tshe dus byed do
de ltar min pa cho'i 'du byed byas pa ni
byang chub sems dpa'i dbugs 'pho lugs zhes bya ste
skye gnas kyang bde ba dang ldan par skye'o
716
de min las zad pa rnams la de bzhin du shes par gyis shig
bden pa mthong ba'i sems can rnams la 'di ltar shes par bya'o
rigs kyi bu de mya ngan las 'das pa'i tshe lus kyi zung shor nas ye shes kyi snang ba gzhi las 'phags nas ye shes mkha' la bskyod pa'i tshe
rig pa mig nas lam phyung nas mkha' la bskyod do
de yang 'di ltar shes par bya'o
cit ta'i dkyil nas rig pa thig le la thim mo
thig le sgron ma la thim mo
sgron ma 'od la thim mo
'od sku la thim mo
sku tshom bu la thim mo
tshom bu ye shes la thim mo
ye shes lhun grub la thim mo
lhun grub ka dag chen po la thim nas sa zin pa'o
gang zag bden pa mthong ba rnams kyi thim lugs dang grol lugs de ltar snang ngo
zhes rig pa rang shar chen po'i rgyud las
sems can gyi 'pho tshul bstan pa'i le'u ste drug cu re drug pa'o
@67
de nas yang gsang ba'i bdag pos 'di skad ces gsol to
kye kye ston pa rdo rje sems
bdag cag ma rig sems can la
717
thar pa'i thabs chen gsung du gsol
zhes zhus so
de nas yang ston pas bka' stsal pa
kye ma gsang ba'i bdag po nyon
ngas bstan legs par yid la zung
sems kyi rnam rtog spongs la nyon
yang dag thabs chen don bshad kyis
ma yengs tshul gyis gus par nyon
sangs rgyas dgongs pa'i tshad gsungs pa
gsang ba snying gi pho brang na
nyung 'bru'am ni til 'bru tsam
ma bskyed rdzogs pa'i tshul du gnas
de la rtogs dang ma rtogs med
yin dang min pa'i mtha' las grol
shes dang ma shes gnyis su med
yangs shing cha phra kun gyis mthong ba med
rgya che gting zab kun gyis shes pa med
'gyur med klong yangs mtha' la thug pa med
'gags med spyi ma dud dbyings la pri ba med
rtog med rang grol lam la sbyang du med
rang byung rang shar ngang gis go ba med
'byams yas phug rdib snying po gzhi la rdzogs
rdzogs pa rang bdag 'byung ba kun gyi bdag
mtha' 'dus don spyod sems la g.yeng ba med
nga med bdag med 'dzin pa'i blo dang bral
718
de skad ces bka' stsal pas
de nas yang gsang ba'i bdag pos 'di skad ces zhus so
kye kye ston pa chen po lags
rdzogs chen a ti yo ga yi
lta sgom 'bras bu gsung du gsol
zhes zhus so
yang bka' stsal pa
kye ma gsang ba'i bdag po nyon
rdzogs chen a ti yo ga la
lta dang sgom dang spyod pa med
'on kyang legs par yid la zung
bsgrub med rtsal sbrug smon pa med pa yi
byar med lhun rdzogs snga ma de nyid don
bya dang byed pa ga la yod
spyod pa med pa'i chos nyid rang byung 'di
gang yin phyogs su ma lhung dper na nam mkha' bzhin
yod pa ma yin stong pa gcig pu nyid
med pa ma yin yang dag bde ba'i sku
byas pa ma yin rang byung rtog med nyid
rdzogs chen a ti yo go la
bsgom pa'i chos nyid ga la yod
btang dang gzhag pa med pa'i chos
sgom dang ma bsgoms mtha' las grol
'dzin med sems kyi dri mas bcings
yang dag rig pa dri ma med
dri med dag pa'i chos sku la
sgom dang bsgom par bya ba med
719
bsgoms pas yang dag nyid mi rnyed
rnyed na rang rig med par 'gyur
ci phyir rang rig ye shes la
yengs dang ma yengs med pa'i phyir
gang la 'dzin pa yod pa la
rang byung ye shes yod ma yin
gal te rang byung ye shes nyid
bsgom pa'i dbang du gyur pa na
ye nas dam bca' 'gal bar 'gyur
de phyir rdzogs chen a ti la
bsgoms pas don mi mthong bar bshad
rdzogs chen a ti yo ga la
lta ba nyid la blta ru med
lta ba sems kyi dri ma yin
dri ma dag pa'i chos nyid las
blta bya blta byed gnyis dang bral
lta ba nyid la blta ru med
ci phyir lta ba yod gyur na
rig pa'i sgron ma med par 'gyur
rnam dag ye shes sgron ma las
lta byed yod de blta ba med
nyid las mi gzhan 'khor nyid kyang
sgron ma nyid kyi ngang la rdzogs
de phyir rdzogs chen a ti la
lta bar 'dzin pa'i chos nyid med
ci phyir sgron ma yod pa'i phyir
de phyir lta ba med par bshad
rdzogs chen a ti yo ga la
'bras bu bsgrub tu med par gsungs
720
'bras bu byar med rang byung nyid
rtog med pa la de bzhin nyid
ye shes dag snang chen po la
'dzin med rang mdangs gsal ba'i phyir
gal te 'bras bu yod pa na
sangs rgyas med pa nyid du 'gyur
rang byung rtsol ba med pa yi
'bras bu byas pa'i chos nyid do
byas pa gang dang gang yod pa
'jig pa'i chos nyid yin pa'i phyir
de phyir 'bras bu bsgrub tu med
bsgrubs zin bsgrub tu med pa'i phyir
de phyir 'bras bu med par bshad
rdzogs chen a ti yo ga la
bya dang byed pa'i chos med pas
gcig dang bye brag med pa yin
rdzogs chen chos nyid chen po ni
'das pa'i tshig gis mtshon du med
ma la ya yi rtse mo nas
yang dag snang srid chos kyi sku
mthong ba'i dpe med dpe dang bral
dpe zla med pa'i nyag gcig po
da ltar bzhugs pa bstan du yod
rgya mtsho chen po'i gting rum na
klu rgyal dga' bo'i nor bu ltar
zad med gter la spyod pa'o
ma 'ongs tshig las 'das pa'i phyir
dngos po'i gzugs su med pa'o
mtshan ma'i chos nyid sangs pa'i phyir
721
'dzin med cig car 'jug pa'o
dper na tsan dan sdong po la
sprul gyis bsrungs te lon pa med
lon na tshad pa'i nang rnams sel
de bzhin ye shes snang ba nyid
bag chags 'khrul pa 'di yis bsrungs
'khrul snang 'gag na dag snang skye
dag pa'i snang ba chen po la
'dzin pa'i chos nyid med pa'o
sems can kun gyi snang ba ni
bar dor yul la rnam par snang
bar do'i chos nyid dus las 'gyur ba med
'gyur med chos la 'khrul pa med
'khrul pa yod na chos nyid min
rang gsal chos la 'gag pa med
'gag med chos la rtogs pa med
de bzhin chos nyid rtogs pa rnams
yang dag chos nyid kun gyi lam
lam la gnas na yang dag chos
rdo rje sems dpa'i dkyil 'khor nyid
gsang sngags gsang ba'i ye shes nyid
gang la thogs pa med par 'char
shar ba med cing nub pa med
stong pa'i chos nyid ye shes yin
gsal ba rtog med mnyam pa med
gong na med pa'i chos nyid ni
722
chu zla rkyen dang 'phrad pa bzhin
dngos snang gzung du med pa'o
dpe yi dkyil 'khor chen po nyid
gang ltar brtags pa ltar snang ngo
snang byed rdo rje'i dkyil 'khor nyid
yang dag chos nyid skye med dam
yang na 'dzin med rang grol lo
ci phyir rang grol nyid kyi rgyu
ma 'gags chags pa med pa'o
chags 'dzin sems las grol ba nyid
yang dang yang du shes par bya'o
yang dang yang du 'dris gyur na
bden pa mthong ba'i gang zag go
ye shes skye dang bden pa mthong
rig pa shes dang chos nyid go
yang dag bsgrub dang skye med rtogs
de yang bstan pa 'di lta ste
dang po bden pa mthong ba gces
ye shes skye ba'i gang zag 'di
phyigs gcig nges shes skyes pa'o
rig pa shes pa'i gang zag ni
bden pa mthong ba'i skyes bu'o
chos nyid goms pa'i gang zag ni
dge sdig shes pa'i rnal 'byor ro
yang dag bsgrub pa'i gang zag ni
dngos grub phra mo brnyes pa'o
skye med rtogs pa'i rnal 'byor ni
ye shes mthong ba ma yin no
bden pa mthong ba'i gang zag ni
723
yang dag dkyil 'khor mthong ba'o
yang dag dkyil 'khor chen po'i don
sus kyang mthong ba med par gsungs
rdo rje sems dpa'i chos nyid 'di
mthong ba mchog tu gyur pa las
gzhan gyis mthong ba yod re kan
zhes ston pas bro bton no
zhes rig pa rang shar chen po'i rgyud las
rdzogs chen gtan tshigs dang bcas te bstan pa'i le'u ste drug cu re bdun pa'o
@68
de nas yang gsang ba'i bdag pos 'di skad ces gsol to
kye kye ston pa stobs chen bdag
rgyud kyi rgyal po chen po yi
nges tshig kha byang gsung du gsol
mos pa skye ba'i 'khor rnams la
rgyud rgyal nges tshig rgyal po gsungs
zhes zhus so
de nas yang bka' stsal pa
kye ma gsang ba'i bdag po nyon
nga yis khyod la bstan par bya
legs pa'i yid dang bcas pas nyon
bdag nyid lta bu'i rig pa la
gzung dang 'dzin pa med pa'i phyir
rang zhes bya bar shes pas bshad
rgyud kyi rgyal po'i nges tshig ni
kye ma sna tshogs rig pa'i klong du 'dus
724
rig pa'i ye shes dngos po ston pa'i phyir
rig pa'i rgyud ces kun tu grags pa yin
de yang 'gag med rig pa la
cha shas chos dang bral ba'i phyir
rig pa'i rgyud ces kun tu grags pa yin
rig pa'i rgyud la 'gyur ba med
sna tshogs don las 'das pa'i phyir
rig pa'i rgyud ces kun tu grags
ye shes rnam pa lnga yi don
rang las 'char zhing ston pa'i phyir
rang gi rgyud ces kun tu grags
rig pa'i chos sku dag pa de
rang las rang byung rdzogs pa'i phyir
rang gi rgyud ces yongs su grags
rig pa skye 'gag med pa'i don
nga yis khyod la bstan pa ste
rang shar zhes kyang de la bya
'dzin med yangs pa'i klong dkyil nas
rtog med rang byung sku nyid shar
rang shar zhes kyang de la bya
rang byung pho brang dkyil 'khor nas
sku lnga lhag gis byung ba ste
'gag med rang shar chen por bshad
rdo rje sems dpa'i ye shes ni
rang las shar zhing spyod pa ni
rang shar chen po'i rgyud ces kun tu grags
rang byung gsang chen dkyil 'khor kun la rol
725
thabs kyi 'khor lo bskor zhing spyod pa'i phyir
rang shar chen po'i rgyud ces 'gro ba yongs la grags
sangs rgyas rnams kyi dgongs pa 'dus pa'i phyir
rang shar rgyud ces yang dag grags
yang dag sangs rgyas kun gyi lam yin pas
'gyur med rang shar zhes su bshad pa yin
thams cad 'gags med klong du 'dus pa'i phyir
rig pa rang shar zhes su grags
de yis don chen dgrol ba'i phyir
rang grol chen po'i rgyud du grags
thams cad gtan la 'bebs pa'i phyir
thal 'gyur chen po'i rgyud du grags
sdom byang rgyas par bstan pa'i phyir
snying gi me long zhes su grags
gdams ngag don la bstan pa'i phyir
nor bu phra bkod ces su grags
gol sgrib gdar sha bcad pa'i phyir
thugs kyi me long zhes su grags
thams cad dbyings su bskyal ba'i phyir
klong chen drug pa zhes su grags
'khrul gzhi gtan la dbab pa'i phyir
bkra shis mdzes ldan rgyud du grags
'khrul pa gzhi las bzlog pa'i phyir
mu tig phreng ba'i rgyud ces grags
726
ye shes snang ba bstan pa'i phyir
sgron ma 'bar ba'i rgyud du grags
rig pa'i skyon rnams spangs pa'i phyir
sku gdung 'bar ba'i rgyud du grags
lta ba gtan la dbab pa'i phyir
seng ge rtsal rdzogs rgyud du grags
'khrul snang lam du khyer ba'i phyir
yi ge med pa'i rgyud ces grags
bar do'i ye shes ngos gzung phyir
nyi zla kha sbyor rgyud du grags
sgron ma nyams su blang ba'i phyir
ngo sprod spras pa'i rgyud du grags
rang gi rig pa bstan pa'i phyir
rin chen spungs pa'i rgyud du grags
dbang bskur gdams ngag bstan pa'i phyir
rdzogs pa rang byung rgyud du grags
dam nyams rtsad nas gcad pa'i phyir
nag mo khros ma'i rgyud du grags
dbang gi sdom byang bstan pa'i phyir
gtsug na me 'bar rgyud du grags
zhus len rgyas par bstan pa'i phyir
me lce phreng ba'i rgyud du grags
'od zer byung tshul bstan pa'i phyir
'od zer can gyi rgyud du grags
thams cad bcud du bstan pa'i phyir
che mchog dgongs pa'i rgyud du grags
de la sogs pa'i rgyud sde rnams
727
dur khrod chen po'i gnas mchog 'dir
ngas bshad legs par yid la zung
zhes gsungs pas
gsang ba'i bdag po ngo mtshar mchog tu skyes nas
yang 'di skad ces gsol to
kye ston pa chen po gsang ba'i rgyud chen po gsung du gsol
zhes zhu ba zhus so
de nas ston pas rgyud chen po 'di gsungs so
dang po'i rgyud chen po zhes bya ba'o
de nas man ngag gi sdom byang snying gi me long gi rgyud che chung gsungs so
des na yang rgyud thams cad dus gcig la gsungs so
ston pa chen po des bsam gyis mi khyab pa'i rgyud gsungs so
rdzogs pa chen po'i don gtan la 'bebs pa'i rgyud kyi rgyal po 'di yis shes par bya'o
gsang sngags kyi kha byang du mdzad pa'o
yang dag pa'i lam dang 'dres pa'i rgyud chen po 'di
las dang ldan pa sbyangs pa'i stobs mnyam pa 'ga'i bcud yin no
skyes bu blo rtsal rab kyis blta ba'i rgyud yin no
zhes ston pas gsungs so
zhes rig pa rang shar chen po'i rgyud las
rgyud kyi sdom byang bstan pa'i le'u ste drug cu re brgyad pa'o
728
@69
de nas yang gsang ba'i bdag pos 'di skad ces gsol to
kye kye bcom ldan rdo rje'i sku
bdag cag mos pa'i 'khor rnams la
ston pa mya ngan 'das 'og tu
log lta'i rigs rnams thams cad kun
rtsod cing sun 'byin mi 'gyur ram
rgol tshig lan dang bcas pa gsungs
zhes zhus so
de nas bcom ldan 'das lta ba ngan pa sel ba'i dgongs pa la bzhugs so
de nas mkha' 'gro ma rnams kyis lha'i rol mo sna tshogs byas nas
ston pa la 'di skad ces zhus so
kye kye ston pa chen po ting nge 'dzin la bzhengs nas
bdag cag mos pa'i 'khor rnams la
thabs dam pa bstan du gsol
ma rig pa'i ling tog bsal du gsol
zhes zhus so
de nas bcom ldan 'das lta ba ngan pa sel ba'i ting nge 'dzin las bzhengs te
'khor rnams la tshigs su bcad de bka' stsal pa
e ma e ma 'dus pa'i tshogs rnams nyon
nga la skye dang 'chi med kyang
gal te mya ngan 'das srid na
mu stegs log par spyod pa rnams
729
sun phyung tshar gcod bya ba'i phyir
gtan tshigs phyir rgol le'u bstan
gal te gzhi la rtsod gyur na
gzhan dag rtsod pa'i grogs po rnams
lhun grub bdag tu 'dod pa na
dri ba 'di ltar 'dri bar bya
sna tshogs 'byung bar 'dod dam ci
dris lan 'di ltar zer ba la
ldog pa'i rig pas sun 'byin bya
sna tshogs 'byung bar 'dod pa la
rol pa phyogs med 'char 'dod na
gal te ldog pa 'di ltar bya'o
lhun grub dag tu 'dod pa'i phyir
sems can 'bad pas grol mi 'gyur
grol na lhun grub min par 'gyur
gzhi de 'gyur ba can du 'gyur
ci phyir lhun grub yin pa'i phyir
lhun grub gzhi la mngon sum med
ci phyir gtan tshigs med pa'i phyir
gang phyir rig pas phug pa'i phyir
chos sku mtshan ma can du gang 'dod pa
de la phyir zlog 'di lta ste
chos sku rnam dag ye shes la
dngos po gzung du med pa'i phyir
mtshan ma can du btags pa med
gal te mtshan ma yod na yang
chos sku gzung du yod par 'gyur
ci phyir mngon sum yul du 'dod pa'i phyir
730
mtshan ma can du ldog pa na
chos sku gzugs skur yod par 'gyur
ci phyir dmigs su yod dgos phyir
chos sku de ltar mi 'dod de
ngo bo stong pa rang bzhin gsal
mthun pa'i 'od dang bcas par 'dod
de la rgol ba 'di ltar 'ong
ngo bo stong pa yod pa'i phyir
rig pa med pa nyid du 'gyur
dper na nam mkha' stong pa bzhin
rig med stong pa nyid du 'gyur
gal te stong nyid yod na ni
chos sku'i 'od snang med par 'gyur
ci phyir stong pa yin pa'i phyir
'on kyang de ltar mi 'dod de
stong pa'i rang bzhin gsal ba'i phyir
gsal ba 'dod na 'di lta ste
de la zhen chags yod pa'i phyir
chos sku 'dod pa can du 'gyur
ci phyir dga' ba yod pa'i phyir
'on kyang de ltar mi 'dod do
snang ba'i rang 'od yod pa'i phyir
chos sku'i rgol tshig de bzhin no
la la dag gi 'dod pa ni
sems las 'bras bu tshol bar 'dod
de la bzlog pa 'di lta ste
sems kyi dngos po ci ltar lags
dris lan rgyas par gdab pa ni
731
sems la dngos po med pa'i phyir
'o na sems kyi mtshan nyid ci
dris lan rgyas par gdab pa ni
chos nyid gzung 'dzin ga la yod
dper na nam mkha'i mtshan nyid bzhin
gzung dang 'dzin pa med pa'i phyir
de la bzlog pa'i tshig smra ba
sems la gzung 'dzin yod dam med
dris lan rgyas par bstan pa ni
sems la gzung dang 'dzin yod kyang
chos nyid gzung 'dzin med pa'i phyir
de la bzlog pa yang smras pa
gong gi dam bca' nyams par 'gyur
ci phyir sems dang chos nyid gcig pa'i phyir
sems la gzung 'dzin byung gyur na
sangs rgyas 'bad pas rnyed mi 'gyur
ci phyir sems la gzung 'dzin yod pa'i phyir
dris lan bzlog ste bstan pa ni
gal te sems med sangs rgyas nyid
khyod kyis rnyed dam gang gi phyir
de la dris lan rgyas gdab pa
sems las 'bras bu mi 'tshal te
ci phyir sems las sna tshogs 'byung ba'i phyir
sems ni bag chags sdud pa yin
ci phyir 'dzin pa yul la 'gyus pa'i phyir
732
sems ni 'khor ba'i rtsa ba yin
sems ni spang ba'i rim pa yin
ci phyir rang rig dngos po yod pa'i phyir
sems ni 'khrul pa'i rtsa ba ste
thams cad de las gyes pa yin
ci phyir 'dra gzhi dag las gol ba'i phyir
sems ni dri ma can du bstan
ci phyir rnam rtog yod pa'i phyir
sems ni bya sgro lta bu yin
ci phyir spangs pa med pa'i phyir
de nas tshur la bzlog pa'i tshig smras pa
'o na ci ltar sems nyid 'dod
de nas dris lan rgyas btab pa
sems la 'bras bu mi 'dod de
rig pa'i ye shes yod pa'i phyir
'o na rig pa 'di nyid la
mtshan nyid rnam pa du dang ldan
de nas dris lan 'di ltar bya
rig pa'i ye shes mtshan nyid ni
stong dang gsal dang khyab pa yin
ci phyir stong pa nyid ces bya'o
de nas dris lan 'di ltar bya
rig pa dngos po med pa'i phyir
stong pa zhes ni de la bya
dper na nam mkha' stong pa bzhin
snang yang dngos por bzung du med
de nas dri ba dris pa dang
'di skad tshig rnams brjod par bya
ci phyir stong pa nyid ces bya
de nas dris lan 'di ltar bya'o
733
shes shing rig pa yod pa'i phyir
shes rig gsal ba nyid du yod
ci phyir gsal ba yod gyur na
mtshan ma can du mi 'gyur ram
ci phyir gsal mdzes pa'i phyir
de nas dris lan 'di ltar bya
mtshan ma can du mi 'gyur te
de la chags pa med pa'i phyir
de yang 'di ltar shes par bya'o
dper na nyi ma'i dkyil 'khor bzhin
gsal yang phyogs su ma lhung ba'o
ci phyir zhe 'dod med pa'i phyir
de la bzlog pa'i tshig smras pa
gsal ba zhe 'dod yod pa'i phyir
ci phyir zhe 'dod med par 'gyur
de la chags pas bzung ba'i phyir
de la dris lan rgyas btab pa
de ltar mi 'dod 'di bzhin no
de la khyab pa yod pa'i phyir
'o na rtogs dang ma rtogs med par 'gyur
ci phyir kun la yod pa'i phyir
de nas dris lan rgyas gdab pa
de la bstan du yod pa'i phyir
ci phyir dper na 'bras bu len pa bzhin
'o na kun khyab dam bcas nyams
ci phyir bstan du yod pa'i phyir
bstan du yod pa'i don mthong phyir
ci phyir don la mthong ba yod
734
mthong rgyu med la mthong byed yod
ci phyir mthong byed yod par 'gyur
gzhi dang sems can gcig pa'i phyir
de phyir don la mthong ba yod
gang phyir rig pa'i chos nyid yin
'dzin med rang sar dag pa'i phyir
'dzin pa med na tshig kyang med
ci phyir tshig la 'dzin yod phyir
'o na dam bca' 'dzin pa yod dam ci
yang dag sems la 'dzin med kyang
sna tshogs sems la 'dzin pa yod
ci phyir sna tshogs sems su 'dod
thams cad 'byung bas sna tshogs sems
sangs rgyas 'bras bu 'byung 'gyur ram
de nas dris pa'i lan smras pa
thams cad 'byung phyir sangs rgyas 'byung
'o na sangs rgyas 'dzin pa yod
ci phyir sna tshogs sems las byung ba'i phyir
'o na tshig la 'dzin pa med dam ci
tshig la 'dzin pa med pa'i phyir
dper na brag cha lta bu ste
grags kyang 'dzin pa med pa bzhin
de bzhin tshig gi don btsal bas
don rnyed tshig la zhen pa med
de phyir 'dzin med chen por bshad
la las gnyis med dag tu 'dod
735
de la 'di dag bzlog par bya
gnyis med dag tu 'dod pa rnams
gnyis med bya ba gang la gleng
de la dris lan rgyas par smra
chos rnams thams cad gnyis med yin
de phyir gnyis med yin par 'gyur
sems can med pas sangs rgyas med
de phyir gnyis snang mtha' dang bral
yang dag don la gsungs pa'am
'on te 'khrul snang yul la gsungs
de la lan dang gtan tshigs bstan
yang dag don la de bzhin te
'khrul snang yul la gnyis su snang
de la zlog pa'i tshig smras pa
yang dag don la gnyis med phyir
'khrul snang don la gnyis mi rigs
ci phyir don la gnyis med phyir
gal te sems can thams cad kyang
'bad mi dgos par grol bar rigs
ci phyir gzhi la gnyis med phyir
'o na gnyis su 'dod dam ci
de nas dris lan gdab par bya
sangs rgyas sems can med pa'i tshe
gzhi la gnyis dang gsum du med
de las rol pa'i rtsal shar pas
sangs rgyas sems can gnyis su byung
736
da lta'i gzhi la gnyis su 'dod
ci phyir gnyis su yod par gsungs
gzhi la bzang ngan med pa'i phyir
'o na 'gyur ldog med par 'gyur
ci phyir sems can sangs mi rgya bar rigs
dper na sol ba nag po la
phyi bdar byas kyang dkar po med
de bzhin sems can 'khrul pa yang
bsgom bsgrub byas kyang sangs mi rgyas
de nas dris lan 'di ltar gdab
de la bstan du yod pa'i phyir
bstan nas 'bras bu thob par 'gyur
ma bstan grol bar ga la 'gyur
gzhi yi chos la mtshan ma med
lam gyi chos la 'dzin yod min
'bras bu'i chos nyid thob pa min
sems can gzhi dang sangs rgyas gzhi
khyad par gcig gis phye bar nges
khyad par gcig po gang gi phyir
ci phyir khyad par gcig ces bya
sangs rgyas gzhi la ye shes yod
sems can gzhi la ye shes med
ye dang shes pa gnyis 'dzom na
sangs rgyas dgongs pa dam pa yin
de phyir gzhan la khyad ci yod
la las kun gzhi chos skur 'dod
de la lan btab bstan pa'i phyir
737
kun gzhi'i mtshan nyid ji ltar yin
de nas de yi lan smras pa
thams cad rdzogs phyir kun gzhi yin
de nas dris ba'i tshig gis bzlog
sangs rgyas 'gyur ba yod par rigs
ci phyir kun gzhi sna tshogs 'char ba'i phyir
de la thams cad rdzogs pa'i phyir
sangs rgyas nyid du sems can rigs
ci phyir thams cad rdzogs pa'i phyir
yan na sangs rgyas res 'jog can du 'gyur
ci phyir sna tshogs 'char ba'i phyir
res 'ga' sangs rgyas yin par 'gyur
res 'ga' sems can yin par 'gyur
ci phyir res 'jog yod pa'i phyir
de nas dri ba bzlog ste smras
'o na kun gzhi med dam ci
de nas dris pa'i lan btab pa
kun gzhi rnam rtog 'dzin pa la
sna tshogs pa yi shes pas bslad
kun gzhi ma rig dngos po yin
kun gzhi zhes kyang de la bya'o
zhes rig pa rang shar chen po'i rgyud las
phyir rgol ba thams cad sun 'byin pa'i le'u ste drug cu re dgu pa'o
@70
de nas yang gsang ba'i bdag pos 'di skad ces gsol to
738
kye kye bcom ldan thams cad mkhyen
bdag cag mos pa'i 'khor rnams la
gsang sngags tshig don gsung du gsol
zhes zhus so
de nas yang bka' stsal pa
kye ma gsang ba'i bdag po nyon cig
sems can sdug bsngal chen po las
thar pa'i thabs bstan legs par nyon
yang dag dkyil 'khor bsam mi khyab
de rnams don chen 'dir bstan gyis
shes rab rang byung don gyis nyon
yang nas yang du don bstan pas
yang dag blo yi gting du go
shes rab chen pos rtogs pa'i rtags
mkha' ltar mnyam pa nyid la gnas
shes rab chen pos khyab pa'i rtags
mi g.yo mnyam bzhag 'dus ma byas
shes rab chen pos grub pa'i rtags
ma chags thabs kyis kun spyod na
shes rab chen pos 'grub pa yin
sangs rgyas kun gyi dgongs pa ni
shes rab chen pos shes par bya'o
shes rab chen pos skad cig la
chos kun khong du chud par byed
shes rab don nyid kun la yod
de phyir shes rab chen po gsungs
de yang chos rnams 'di lta ste
739
skye ba med pas 'gag pa med
'dzin pa med pas rang sar grol
dmigs pa med pas spros pa med
byas pa ma byung kun la yod
'dus ma byas pa rnam dag dbyings
'dzin pa'i tha dad chos dang bral
rang bzhin med pas brjod dang bral
yang dag chos nyid rig pa'i klong
kun la khyab pas yab kyi dang
thams cad bskyed pas yum gyi dbyings
bstan du med pas 'od kyi yul
brjod du med pa'i shes rab la
bstan du med pa'i lung chen snang
gtang bzhag bral ba'i chos sku la
dmigs pa med pa'i ting 'dzin gsal
sangs rgyas kun gyi lam du bshad
kun gzhi yum gyi shes rab las
rang byung thabs kyi ye shes shar
shar ba nyid na nub pa med
spro bsdu med pa'i 'od snang ngo
'dus ma byas pa'i klong dkyil nas
rig pa'i rgyal po ye shes 'phro
skye 'gag med pa'i klong dkyil nas
shes rab mig gis gsal ba ni
kun la khyab pa'i nyag gcig yin
yongs la gnas shing 'od zer 'phro
thams cad rol pa'i dkyil 'khor la
740
'gag med shes rab rnam dag gsal
rang byung shes rab bdud rtsi yis
ma rig 'khor ba'i nad rnams sel
nad do cog dang bral ba'i phyir
bdud rtsi rang byung dkyil 'khor gsal
de la ma bcos lhug pa ni
gtang dang bzhag pa ma byas na
'du 'bral med pa'i shes rab po
dngos po yul gyis shes rab la
thabs kyis zhags pas 'gro ba 'dren
de phyir shes rab pha rol phyin
ma 'gags rol pa'i chos nyid la
kun bzang yangs pa'i dbyings nyid shar
dgongs pa shes rab chen po'i dbyings
'dzin pa chos nyid chags pa med
rtog pa med pas smra bsam 'das
dper na nam mkha'i cho 'phrul bzhin
brjod pa'i chos dang bral bar gsungs
'od lnga kun khyab chos kyi dbyings
phyogs su ma lhung rgya ma chad
phyi dang nang med yangs pa che
dag pa dri med shel gong bzhin
snang la rang bzhin med par gsungs
chu zla sgyu ma smig rgyu bzhin
med pa zong ma ma yin la
yod pa yang ni ma yin no
yod med gnyis las 'das pa'i phyir
741
rtogs ldan yid la dran pa med
rig pa'i ngo bo skye ba med
snang ba'i rang bzhin 'gag pa med
rig pa'i mtshan nyid dngos po med
rig pa'i 'bras bu ma bcos pa
rig pa'i sku ni gsum du gsungs
rig pa'i gsung ni brtag pa yin
rig pa'i thugs ni go ba ste
rig pa'i yon tan zad pa med
rig pa'i las ni sna tshogs grub
de yang mtshan nyid 'gyur med yin
tha dad ma yin gcig pu nyid
sangs rgyas bas kyang nga sngar byung
gzung 'dzin bslad pa'i chos med pa'o
'gag med nyams la shar gyur na
rtogs pa rgyud la skyes pa yin
stong gsum ye 'byams ye shes ni
brdal ba chen po phyogs med na
ye shes mthong ba'i dam pa ste
bzang ngan med pa'i don shes na
chos nyid ye nas ma bcos pa'o
'od lnga 'gag med shar ba de
rang byung ye shes de la shar
lhun grub ye shes phyogs ris med
mi gnas ye shes phyi nang med
stong pa'i ye shes dngos po med
me long ye shes rtog pa med
mnyam nyid ye shes che chung med
742
sor rtogs ye shes ma 'dres gsal
bya grub ye shes mthar phyin no
rang byung ye shes btsal ba med
ci ste btsal bas 'grub gyur na
rang byung ye shes yongs mi bden
rig pa'i ye shes bsgom pa med
ci ste bsgom pa yod gyur na
rig pa'i ye shes yongs mi bden
rig pa'i ye shes rang shar nas
btsal ba med par lhun gyis grub
rang byung ye shes don mthong na
bsgrub pa med par yongs su grub
rig pa 'od kyi skur mthong na
chos rnams thams cad bdag la gsal
yangs so che'o ye shes mchog
gsal la dag pa 'od lnga shar
'od lnga gnyis su med par mthong
sangs rgyas sems can so so'i mtshan
ye shes chen pos kun la khyab
phyogs bcu'i sangs rgyas thams cad pas
rig pa'i don nyid gnyan pa yin
theg pa'i bye brag bsam yas kyang
ye shes rtogs na gcig las med
'od lnga mthong na sangs rgyas rnyed
rnyed pa nyid na rnyed rgyu med
dag pa'i ye shes phyogs dang bral
stong pa'i rig pa yul dang bral
743
sangs rgyas thams cad dgongs pa yang
nga yi rig pa nyid las byung
nga yi sku nyid mi 'gyur ba'o
nga yi gsung ni ma bcos pa'o
nga yi thugs ni ma g.yos pa'o
nga yi mdzad pa khyad par can
nga yi rol pa mtha' las 'das
nga yi byin rlabs 'dus ma byas
nga yi mthu stobs 'jig rten bcom
nga la nga zhes bya ba med
nga la bdag med phyogs med pas
'dzin pa'i rtog pa ga la yod
zhen pa'i rtog pas rang rgyud bcings
de las grol bar bya ba'i phyir
stong pa nyid las 'od lngar gsal
chags med 'od la 'dzin pa med
de nyid rtogs pa'i rig pa yang
phyogs la shor na lhung bar 'gyur
'du 'bral med pa'i dbyings nyid la
bzang ngan spang len rtog pa med
dbyer med 'od lngas khyab pa'i phyir
skye dang 'chi ba'i mtshan ma med
med pa ma yin khyab pa'i sku
'du 'bral med pa rang la 'char
mi phyed mnyam pa'i spyod pa la
rang snang thabs kyi spyod par rol
'dus ma byas pa'i klong dkyil nas
bcos pa med pa'i ye shes shar
744
'dzin rtog med pa'i chos nyid la
btsal ba med pa'i rig pa gnas
rdzogs pa chen po'i grub mtha' la
gcig rdzogs gnyis rdzogs thams cad rdzogs
yod mtha' rdzogs la med mtha' rdzogs
rtags mtha' rdzogs la chad mtha' rdzogs
yin pa rdzogs la min pa rdzogs
de phyir rdzogs pa zhes bya'o
rdzogs chen chos nyid yangs pa la
gong na gzhan med gcig pu nyid
de la tshig gis mtshon du med
rang byung dkyil 'khor chen po nyid
'gyur med dkyil 'khor dam par gsungs
'gag med rol pa chen po yin
de yi gong na gzhan med pas
yang dag gsang ba'i dkyil 'khor yin
'dzin pas bzung nas ye shes bcings
'dzin pa btang na rang byung rnyed
de phyir dag snang ye shes yin
mtshan ma med pa'i chos nyid la
chags pa'i spyod pa ga la yod
shes rab don la yi ge med
shes rab nyid kyis de nyid thob
zhi ba'i chos nyid snang mtha' yas
yang dag shes rab don la spyod
sna sna tshogs shes rab cir yang 'char
rtog med shes rab rang sar grol
745
'dzin med shes rab mkha' la gsal
rig pa'i shes rab dbyings su sdud
mkha' mnyam shes rab gcig tu 'khyil
sku yi shes rab 'gyur ba med
gsung gi shes rab 'gag pa med
thugs kyi shes rab rtog pa med
yon tan shes rab cir yang rtogs
phrin las shes rab rtsol ba med
myur byed shes rab thogs rdugs med
smin byed shes rab nyams pa med
yangs pa'i shes rab mtha' dbus med
zab pa'i shes rab gting dpag med
phra ba'i shes rab mthong ba med
khyab pa'i shes rab phyogs ris med
stong pa'i shes rab mtshon du med
gsal ba'i shes rab dri ma med
'das pa'i shes rab tshig dang bral
da lta'i shes rab mtshon du med
ma 'ongs shes rab yul du med
rig pa'i shes rab gnyis su med
ye shes shes rab gsal ba che
'od kyi shes rab rgya chad med
dbyings kyi shes rab phyogs cha med
'byung ba'i shes rab mtshan nyid 'dzin
sa yi shes rab lhun grub dpe
chu yi shes rab sems kyi dpe
746
me yi shes rab shes rab dpe
rlung gi shes rab ye shes dpe
nam mkha'i shes rab dbyings kyi dpe
sdud byed shes rab dbyings su sdud
skyod byed shes rab mkha' la gshegs
dpyod byed shes rab don la dpyod
bsam bral shes rab rtog pa med
sems med shes rab yul la snang
yid bral shes rab yul dang bral
sgron ma'i shes rab khyab gdal che
'dus pa'i shes rab bde ba che
rgyu med shes rab 'bras bu che
dngos po'i shes rab rtog pa med
mtshan ma'i shes rab chos dang bral
don dam shes rab gzung du med
kun rdzob shes rab thams cad sdud
'dzin pa med pa'i she rab po
de bzhin rtog med shes rab rnams
'gag med don la spyod pa'o
shes rab chen po de rnams kyis
'dzin med phyogs dang bral ba'o
yangs pa mtha' dbus med pa'o
rtog med ngos bzung med pa'o
rtag chad mtha' las 'das pa'o
'das dang ma 'das med pa'i don
phyogs dang ris su gnas pa med
ston pa dgyes te de skad gsungs
747
'khor gyis yang dag thugs su chud
mkha' mnyam rig pa'i klong du rtogs
rnam rtog med pa'i mkha' la spyod
chags sdang med pa'i yul du shes
zhes rig pa rang shar chen po'i rgyud las
shes rab kyi dbye ba bstan pa'i le'u ste bdun cu tham pa'o
@71
de nas yang gsang ba'i bdag pos 'di skad ces gsol to
kye kye ston pa rdo rje 'chang
bdag cag mos pa'i 'khor rnams la
ye shes snang ba chen po la
shes rab rnams kyis mthong ba'i tshad
mos pa'i 'khor la gsung du gsol
zhes zhu ba zhus so
de nas yang bka' stsal pa
kye ma gsang ba'i bdag po nyon
ngas bstan legs par yid la zung
mtshan ma'i yid kyi rtog pa sol
rtog pas g.yengs pa'i bdud rnams choms
bya bas g.yengs pa'i bar chod sol
rig pa 'gyur med rta la zhon
yang dag 'od la rtag tu ltos
ston pas tshig gis don chen mtshon
don chen rgyal po mthong ba'i tshad
'di yis yang dag gzung bar bya
gcig pur bsdad na bde ba 'thob
rang snang grogs su 'char ba'i phyir
748
pha rol sems dang mthun pa yin
rang gi de dang mi 'bral phyir
chags dang zhen pa med par 'gyur
rang gi sa la 'gro ba'i phyir
gang la zhe 'dod byed mi 'gyur
rang gi don nyid rnyed pa'i phyir
shing ba la 'dab ma bzhin du yang
'bu dang srin bu dengs pa'i phyir
zhes bka' stsal pas
gsang ba'i bdag po rtogs pa rab tu skyes nas
'di skad ces gsol to
kye kye ston pa chen po
bdag cag rnams la rtogs pa'i snga rtags rgyas par gsung du gsol
zhes zhus so
de nas yang ston pas bka' stsal pa
kye grogs po dag nyon cig
nges don ma nor bar bstan gyis
legs par nyon cig
sangs rgyas kyi dgongs pa rnyed pa'i tshad 'di rnams kyis zung zhig
de yang bde ba dang ldan pa dang
'jig rten 'di la mngon par zhen pa med pa dang
snang ba thams cad 'od du 'char ba dang
'od la sku'i tshom bu ma 'gags par 'char ba dang
'dzin pa med pa'i lus bde ba dang
shes pa rtse gcig tu gyur pa dang
shes pa ngang gis dal ba dang
shes pa mi g.yengs pa dang
749
shes pa gzhan la mi 'jug pa dang
shes pa ci yang ma yin par rtogs pa dang
shes pa mi 'gyur ba dang
shes pa ma 'gags par gsal ba dang
shes pa mi rtog par 'char ba dang
shes pa 'dzin pa med par rang grol ba dang
phyi nang gi chos la 'dzin pa chung ba dang
lus la chags pa dang zhen pa med pa yin no
snga rtags de rnams dang ldan na
ye shes kyi snang ba la thogs rngugs med par grol lo
rigs kyi bu de mya ngan las 'das pa'i rting la yang
'od dang sgra dang gdung dang ring bsrel dang
sa g.yo ba la sogs 'byung ngo
sangs rgyas dang byang chub sems dpa' rnams kyang de la phyag byed pa la sogs pa rnams 'byung ngo
mi ma yin pa rnams kyis grogs byed cing
rtag tu de dang mi 'bral lo
'od kyis 'jig rten gang na 'dug pa de mthong nas
de la 'dzin pa ma skyes pas
rang gis rang yin par ngo shes pa'o
mi dang 'grogs snying mi 'dod pa ni
rang gi snang ba shar ba'i rtags yin no
ri phug dag tu 'gro bar byed pa ni
sangs rgyas dgongs pa rnyed pa'i rtags yin
750
'jig rten gyi bya ba bral ba ni snang ba phyogs med du mthong ba yin
de rnams min par 'di ltar byung na
kha tshig la spyod cing gting ma rtogs par smyon pa lta bur gyur na
bar chad kyi bdud byung ba yin pas
tshogs rgya chen po btang la nyams su blang
yang na dran pa nyams pa lta bu byung na snang ba ma mthong ba'i rtags yin pas
rtsa gsum bzlog pa bya
mkha' 'gro mas lung bstan du byung na
nyams pa lta ba yin pas dgongs pa la gtad
rtags de bzhin du byung na dgangs pa tshad du phyin pa'i rtags yin
zhes rig pa rang shar chen po'i rgyud las
rtags bstan pa'i le'u ste don gcig pa'o
@72
de nas yang gsang ba'i bdag pos 'di skad ces gsol to
kye kye bcom ldan rdo rje 'chang
bdag cag mos pa'i 'khor rnams la
thabs kyi dkyil 'khor gsung du gsol
zhes zhus so
de nas yang ston pas bka' stsal pa
kye ho gsang ba'i bdag po nyon
ngas bstan legs par yid la zung
thabs kyi dkyil 'khor gsungs ba ni
yang dag thugs ni rnam par rol
gsang sngags thabs kyi rang bzhin pas
751
thabs la gnas shing spyad par bya
thabs ni gsang sngags kun gyi lam
yang dag chos nyid thabs la gnas
rig pa'i dkyil 'khor gsal ba la
yid kyi rtog pa ma 'gyus pa
thabs kyi dkyil 'khor mchog tu gsungs
'byung ba lnga nyid thabs kyi sku
chen po lnga nyid thabs kyi yul
sna tshogs 'byung ba thabs kyi gsung
rtog pa med pa thabs kyi thugs
de nyid mthong ba thabs kyi lam
thabs nyid ma 'gags chos nyid don
yang dag sa la mi g.yo zhing
bden pa mthong ba'i sa nyid la
mthar phyin ting 'dzin thob pa nyid
thabs kyi dkyil 'khor chen por bshad
ye shes rgyal po rnyed pa nyid
thabs kyi dkyil 'khor mnyam pa nyid
mtshan ma'i chos dang bral gyur na
thabs nyid rdzogs pa chen po'o
thabs kyi dbye ba 'di lta ste
thams cad skyob pa'i thabs dang ni
brten pa lam gyi thabs nyid dang
'jug pa las kyi thabs nyid dang
'gro ba bsgral ba'i thabs dang ni
lam nyid rtogs pa'i thabs dang ni
752
'bras bu shes pa'i thabs nyid do
shes rab yum gyi thabs dang ni
gsang ba ye shes thabs nyid do
mtshon pa dpe yi thabs dang ni
yang dag don gyi thabs nyid do
sgron ma yum gyi thabs dang ni
mkha' mnyam sku yi thabs nyid do
yod pa rtags kyi thabs dang ni
rang gsal 'bras bu'i thabs nyid do
stong pa med pa'i thabs dang ni
rang bzhin gsang ba'i thabs su bshad
e ma ho
yang dag thugs kyi dkyil 'khor ni
thugs rje rtags kyi zla ba shar
nor bu rin chen phung po la
thabs kyi zla ba skur shar ba
rang byung don nyid mkha' la spyod
ye shes don la cir snang rdzogs
yang dag don la sna tshogs 'phro
thig le'i sku la snang srid gsal
dag pa'i lam la 'od du gsal
rig pa'i ngang du thams cad 'dus
gsang sngags ngo la thams cad rdzogs
stong pa'i lam la 'od zer 'phro
sna tshogs gzugs las ye shes skyes
skye med ngang las cho 'phrul byung
de bzhin don nyid ye shes la
dri ma'i chos nyid ga la yod
rtags dang rdo rje'i don nyid la
753
'dzin pa'i sems nyid ga la yod
mnyam nyid gting mtha' yas pa la
stong pa'i ye shes yul las 'das
sems dang ye shes 'dres shing mtshungs
de las grol bar bya ba'i thabs
sems ni dri ma'i rang bzhin pas
dri ma nyid las thar dus med
sems las sna tshogs 'byung ba yin
sna tshogs gcig gi rang bzhin las
rig pa'i klong du mya ngan 'das
e ma ho
ye shes dag pa'i rang bzhin la
dri ma'i chos nyid ka nas dag
dag pa'i chos la gsal 'grib med
stong pa'i chos la skye 'gag med
gsal ba'i thabs la spang len med
ye shes don la 'das pa med
rdo rje'i don la 'gyur ba med
dag pa'i sa la sbyang du med
stong pa'i yul la gnas su med
yang dag sangs rgyas de bzhin no
dkyil 'khor stong nyid 'od gsal ba
dag pa'i lam la chags med shar
'dzin med rang sar grol ba ni
dper na sprul gyi mdud pa bzhin
rang grol chen po'i ngang du skyol
'od gsal thabs kyi sku mnga' ba
ye shes thabs la shes rab rol
dag pa'i ye shes zla 'od bzang
754
thabs kyi klong nas 'od gsal ba
shes rab klong du gnyis med thim
sgron ma'i nang nas sku shar ba
nam mkha'i klong na yang dag thim
cit ta'i dkyil nas 'od 'phros pa
rdo rje'i lam na lhan ner gsal
bag chags dkyil nas me 'bar bas
sna tshogs 'byung ba'i sems nyid bsreg
stong pa'i nang nas rtags byung nas
'khrul pa'i yul la mngon par snang
e ma ho
bag chags sbubs kyis ye shes bsgribs
sbubs la mi gnas ye shes rang sar phyin
dper na sprul gyis lkog pa bor ba bzhin
sbubs la mi gnas ye shes mkha' la spyod
rig pa'i ngo bo sbubs kyis bsgrib tu med
gsang ba'i rtags la nyin mo mtshan mo med
ye shes thabs la cis kyang dpyod du med
sa lam mthar phyin ye shes thabs kyi sku
gang la ma chags rang gi bde chen la
thogs pa med pa'i rlung gis bskyod de gshegs
thogs med rlung las me byung thams cad bsreg
me nyid rang las byung zhing rang gi yul las 'das
de las chu byung gcig gi ngang du thams cad sdud
de nas mi g.yo mnyam par gnas shing sprul par sbrul
755
gsang ba'i mdzod nas ye shes sa bon lngar snang zhing
sgo lnga'i yul las thar pa'i snang ba lnga
ma bkod mdzes pa'i tshul du yongs la gsal
bde ba'i chos nyid kun gyi snying po yin par nga yis bshad
kun bzang rol pa thabs dang dbyer med spyod
chags med sa la thabs kyi pha rol phyin
thabs nyid skye 'gag med par pha rol phyin
tshig med yi ge med pas thabs kyi sku la sbyor
skye med rnam dag thabs kyi gsung la rol
'dzin med rang grol thabs kyi thugs la 'dzin
yang dag thabs la cis kyang skyo dub med
ces rig pa rang shar chen po'i rgyud las
thabs kyi sgo bsdus te bstan pa'i le'u ste don gnyis pa'o
@73
de nas yang gsang ba'i bdag pos 'di skad ces gsol to
kye bcom ldan rdo rje 'chang
bdag cag mos pa'i 'khor rnams la
yang dag don nyid gsung du gsol
zhes zhus so
de nas yang bka' stsal pa
kye ma rdo rje 'dzin pa nyon
ngas bstan legs par yid la zung
yang dag chos ni bdag dang bral
756
sems la sogs pa'i nyon mongs rnams
dri ma'i mtha' dang bral ba'o
tha dad gsum dang bral ba'i sku
'gro dang 'ong ba med par rtogs
dri ma gsum dang bral ba'i chos
sangs rgyas sems can ga la yod
phra rags lnga dang bral ba'i chos
tha dad du ma ga la yod
dri ma bzhi yis bcings pa rnams
mthar phyin grol bar ma gyur kyang
rtog pa rigs pa'i sems can rnams
yang dag don nyid blta 'dod na
nga yis bstan pa'i lung la nyon
nga yi chos nyid yul la ltos
nga yi bden pa'i lam la zhugs
phra rags lnga yi dri ma rnams
rnam dag ye shes lnga la ltos
phro rags gcig gis bcings pa rnams
nga yi rig pa'i rgyal po ltos
dri ma yul gyis bcings pa rnams
de bzhin nam mkha'i yul la ltos
'dzin pa sems kyis bcings pa rnams
yang dag don gyi sgron mar ltos
mtha' bzhi'i rgya yis 'thums pa rnams
dri ma rnam dag sku la ltos
legs pa'i lam du zhugs pa rnams
rgyud kyi rgyal po 'di la ltos
de ni legs par bshad pa'o
757
e ma ho
mtha' bzhi bral ba'i chos sku chen po de
dri ma dag pa'i man shel sku la ltos
mtha' dag chos sku mun pa sangs pa'i sku
dri med mun bsal mar me'i dkyil 'khor ltar
rig pa'i me bzhis mtha' bzhi'i mun pa bsal
rgya mtsho'i gting gi nor bus mun sel ltar
bag chags gting nas phra rags rnam lnga sel
'dzin pa drug dang bral ba'i ye shes nyid
ngos bzung med pa yang dag thugs su chud
gsal bya gsal byed med par de nyid shar
ltos pa'i chos nyid gang la ma chags shing
chags pa med par ye shes dbyings su sdud
stong pa rdo rje'i sku la skye 'jig med pa ltar
rig pa'i sku la gsal 'grib med par gsungs
chos dang chos min gnyis ni 'dres shing mtshungs
de la chos can chos nyid gnyis su 'dod
chos nyid med pas chos can ga la yod
chos nyid skye med snying por gsungs
chos can yul la bag chags sdud par gsungs
bag chags brtas nas chos nyid med par gsungs
yang dag chos la bag chags ka nas med
758
bag chags yod na sgron ma med par 'gyur
sgron ma'i yul la phra rags med pa'i phyir
ye shes snang ba ka nas dag pa nyid
phra rags nyid kyis ma bsgribs par
sgron ma'i yul la mngon par snang
snang ba sems las ma byung zhing
rang las byung ba'i chos nyid la
'khrul pa bsam gyis mi khyab 'phro
dri ma gnyis kyi chos rnams kun
snang ba'i phyogs dang bral ba'o
kye ma mdzad spyod gsang ba'i spyod pa ni
gsang sngags yul gyi snying po nyid
dri med zla ba dkar po nyid
mun pa sel ba'i dpe dang mtshungs
gsang sngags thabs kyi spyod mdzad pa
thabs nyid sku las yang dag sprul
de yang dri ma gsum dang bral
dri mas byas pa'i las nyid kyang
gsang sngags mdzad pa lnga yi klong du 'dus
sangs rgyas mdzad pa'i yon tan rnams
chags med rang grol nyid du shes
'dzin pa med pa'i chos las grol
zhen pa'i dngos po chos las grol
yang dag lam gyi yul las grol
dri ma phra ba'i chos nyid kyang
759
sna tshogs blo yi dri ma med
dri ma med pa chos kyi sku
'dzin pa'i phyogs su lhung ba med
phyogs dang ris su snang ba yang
bde ba chen po'i klong du 'dus
srid pa'i ye shes rang lugs nyid
stong pa yum gyi mkha' la rdzogs
rdzogs pa gsang ba'i dkyil 'khor nyid
cit ta'i dkyil na lhun gyis grub
thugs las 'phros pa'i 'od nyid kyang
thugs las 'das pa'i dbyings su rtogs
sku dang gsung dang thugs nyid kyang
rgyal ba nyid las med par gsungs
sku gsung yon tan rgyal ba min
sku gsung thugs la mtshan ma yod
mtshan ma yod pas grol mi 'gyur
de phyir rgyal ba sku las 'das
yang dag rdo rje'i sku nyid kyang
nges pa rnyed pa'i sa la gnas
ye shes gcig chod sa la yang dag 'das
'das pa nyid la dpe mtshon phyogs dang bral
dpe zla'i phyogs la gnas pa med
dpe nyid phyogs dang mtshon med na
mtshan dang dpe byad yul la sku nyid med
sangs rgyas sku la tshig gis mthon du med
mun pas bsgribs pa'i snang ba rnams
760
mun pa bsal na snang ba gsal
nyin mo'i phyogs la ye shes med
mtshan mo'i phyogs la snang ba gsal
dngos po nyid la dngos po med
stong pa'i phyogs la stong pa med
stong pa yod na phyal pa yin
gsal ba nyid las ma g.yos na
stong dang dngos po'i chos dang bral
stong dang dngos po yod gyur na
ye shes yul la med par 'gyur
brtags pa'i ye shes mtshon pa'i dpe
dri ma bzhi dang bral bar gsungs
'dod pa'i sems la chags pa med
chags pa yod na 'dod pa nyid
mtshan ma gzhan la ltos par 'gyur
stong pa mtshan mas stong pa'i phyir
dri med dag pa'i yul nyid kyang
yul las grol nas sa la gnas
sa lam dngos po'i chos med kyang
'dzin pa'i yul la sa lam snang
bgrod pa'i tha snyad chos dang bral
chos ni 'khor ba'i sdug bsngal te
chos rnams spangs na bde ba thob
gang la dpe dang don yod phyir
dpe nyid sangs rgyas nyid du 'dod
dpe la brten cing don la yang dag spyod
spyad kyang de nyid 'gyur ba med
761
yod dang med pa'i chos rnams kun
yod pas ye shes don la snang
med pas 'khor ba'i yul las thar
thar pa nyid nas ye shes mthong ba'i don
de las 'das na rig pa med par 'gyur
dper na sgyu ma'i skyes bu yis
bya ba thams cad byed pa ltar
yang dag rig pa'i dkyil 'khor nas
sna tshogs sdud pa'i sems byung bas
nyon mongs yul du lhug par shar
de yi dbang du ma gyur par
rig pa nam mkha'i mthong sa su gzung bar bya
yang dag ye shes rgyal po nyid
yang nas yang du goms shing mthar phyin byed
rtogs dang ma rtogs mtshan ma tshig gi lam
lam la gnas na ye shes mthong ba med
ye shes nyid la tshig dang 'dzin pa med
'dzin pa spangs pa'i chos nyid kun la rol
rol pa rgya che yang dag thugs las byung
'byung ba'i rgyal po tshig dang 'dres shing mtshungs
dpe zla med pa'i nyag gcig thugs la rol
ye shes rol pas so so tha dad mthong
mthong ba nyid la dpe yis mtshon du med
762
dpe dang ye shes phyogs la gnas pa med
phyogs su 'dzin pas ye shes mthong du med
phra rags dri mas yang dag bde ba med
yang dag chos spyod rtogs pas rnyed mi 'gyur
bde ba 'dod pas bde bar rgyab kyis phyogs
de bzhin lta dang sgom pa 'dod pas lta sgom ga la rnyed
ye shes dri ma spangs na yang dag bde ba rnyed
de phyir phra rags gnyis kyi dri ma spang bar bya'o
zhes rig pa rang shar chen po'i rgyud las
phra rags ye shes kyi dri ma spang ba'i le'u ste don gsum pa'o
@74
de nas yang gsang ba'i bdag pos 'di skad ces gsol to
kye kye bcom ldan thugs rje chen po dang ldan pa
bdag cag mos pa'i 'khor mkha' 'gro ma dang bcas pa rnams la
chos sku dang
longs sku dang
sprul sku gsum gyi dbye ba gsung du gsol
zhes zhus so
de nas yang bcom ldan stobs chen bdag po des
'di skad ces bka' stsal to
kye 'dus pa'i tshogs rnams nyon cig
ngas thabs kyi yan lag rgyas par bstan gyis
legs par nyon cig
sku la bsam gyis mi khyab kyang bsdu na gsum du 'dus so
763
de yang gang zhe na
chos kyi sku mtshan ma'i yul las 'das pa dang
longs spyod rdzogs pa'i sku gzung ba'i yul las 'das pa dang
sprul pa'i sku chags pa'i yul las 'das pa'o
de yang chos kyi sku la yang gsum ste
chos kyi sku'i chos sku dang
chos kyi sku'i longs sku dang
chos kyi sku'i sprul sku'o
de la yang chos kyi sku'i chos sku ni rig pa chos ni yul du snang ba
sku ni rig pa'i ngo bo ma 'gags pa'o
chos sku'i longs sku ni 'od lnga'o
chos sku'i sprul sku ni mig gi dbang po mthong ba ma 'gags pa'o
chos kyi sku'i yul ni nam mkha' rnam par dag pa
chos kyi sku'i gnas ni cit ta
chos kyi sku'i lam ni rin po che shel gyi sbu gu can no
longs spyod rdzogs pa'i sku la gsum ste
longs spyod rdzogs pa'i sku'i chos sku dang
longs sku'i longs sku dang
longs sku'i sprul sku'o
de yang longs spyod rdzogs pa'i sku'i chos sku ni
ye shes lnga'i snang ba ma 'gags par sad de gnas pa yin no
764
longs spyod rdzogs pa'i sku'i longs sku ni
thig le rnam pa lnga'i lam dang bcas pa'o
longs spyod rdzogs pa'i sku'i sprul sku ni
sgo lnga'i rnam shes yul la shar ba'o
longs spyod rdzogs pa'i sku'i gnas ni
a ba dhu ti
longs spyod rdzogs pa'i sku'i lam rtse'u chung nga g.yas pa
longs spyod rdzogs pa'i sku'i snang ba lngar shar ro
sprul pa'i sku la yang gsum ste
sprul pa'i sku'i chos sku dang
sprul pa'i sku'i longs sku dang
sprul sku'i sprul sku'o
de yang 'di lta ste
sprul sku'i chos sku ni sgron ma gnyis
sprul pa sku'i longs sku ni sku lnga mthong la
sprul pa sku'i sprul sku ni nyon mongs pa lngar shar ba'o
sprul pa sku'i gnas ni klad pa
sprul pa sku'i lam ni mig
sprul pa sku'i yul ni 'khrul snang ngo
de bzhin du sku thams cad dbyings kyi rang bzhin can yin par shes par bya'o
dbyings thams cad la sku yis brgyan cing rab tu 'phro bar shes par bya'o
sku de rnams re re la cha shas kyi sku zhes bya ba grangs med pa yod do
mdor bstan pa ni 'di lta ste
sems nyid dri ma'i sku zhes bya ste
765
yul sdud cing yul mngon sum du 'dzin pa'o
spyod pa yul gyi sku zhes bya ste gang rang gi don mi mthong bar byed pa'o
de ni sprul pa'i sku'i cha shas kyi sku'o
longs spyod rdzogs pa'i sku'i cha shas kyi sku ni
gzugs kyi sku dang
sgra'i sku dang
dri'i sku dang
ro'i sku dang
reg gi sku'o
de ni longs spyod rdzogs sku'i sprul sku'o
chos kyi sku'i sprul pa'i sku ni
mig gi sku dang
rna ba'i sku dang
sna'i sku dang
lce'i sku dang
lus kyi sku dang
yid kyi sku'o
de ni chos kyi sku'i sprul pa'i sku'o
de bzhin du sku'i 'od la zhugs nas
gsung gi zer la rol lo
gsung gis rnam par dag pa'i zer phyogs bcur 'phro ba'o
gsung gi zer re re la yang sprul pa grangs med pa 'byung ngo
zhes rig pa rang shar chen po'i rgyud las
sku gsum gyi dbye ba bstan pa'i le'u ste don bzhi pa'o
@75
de nas yang gsang ba'i bdag pos 'di skad ces gsol to
kye kye bcom ldan thugs rje can
sku gsum dbye ba de ltar na
bdag cag rjes su zhugs pa la
dbang gi sdom byang dbye lugs gsungs
766
zhes zhu ba zhus so
de nas yang bka' stsal pa
kye ma rdo rje 'dzin pa nyon
chos nyid shes par 'dod pa rnams
dbang gi sdom byang legs par nyon
dbang gi dbye ba 'di lta ste
chos nyid mtshon pa'i dbang dang ni
bya ba rdzogs pa'i dbang du gsungs
sdom byang tshig lan 'di ltar bya
tshig gi dbang ni don mtshon dang
dbang gi tshig la lan smras pa
dbang gi gnas dang longs spyod dang
dbang gi yul dang bskur thabs rnams
blo dman don du gsungs pa ste
yang dag shes pa'i rnal 'byor la
mtshon pa'i dbang gis ci zhig bya
rtogs mthong dbang mchog yod pa'i phyir
ma go pa yis sems can la
rdzas re don res dbang bskur bya
de yang rim pa 'di lta ste
phyi yi 'byung ba tshar gcod phyir
sna tshogs dar gyi cod pan re
rigs kyi bu la gdags par bya
lha dang snying po nyid kyang gsungs
lha la rnam pa gsum gyis bstan
rtsa ba rdo rje'i lha dang ni
bya ba byed dang las kyi lha
rnam pa gsum dung yis bshad
767
lha gsum gtad pas sku gsum thob
snying po gtad pa 'di ltar bya'o
om ba dzra sat va
rdo rje sems dpa'i snying po'i
hri da ya pad ma he ru ka
las kyi lha yi snying po'i
om ba dzra pa ni hum phat
bya ba byed pa'i lha'i snying po'o
de skad brjod pas ting 'dzin gsal
yang dag sa lam mthar phyin 'gyur
ting 'dzin gcig gis sa rnams non
mi bskyod rdo rje'i dbyings su phyin
de ni dbang gi sdom byang ngo
dbye ba rgyas par bstan pa ni
mkha' dbyings bum pa'i dbang dang ni
rgyal thabs spyi blug rdo rje'i dbang
rgyal srid rin chen sna bdun dbang
rin chen rdzas brgyad 'khor lo'i dbang
gsang ba rdo rje pad ma'i dbang
de yang gzhi la lhun gyis grub
mkha' dbyings bum pa'i dbang bskur ni
rig pa dbyings kyi rgyas btab nas
gzhi la lhun gyis grub pa'i phyir
mkha' dbyings bum pa'i dbang zhes grags
rgyal thabs spyi blug dbang bskur yang
gzhi la lhun gyis grub nas yod
dper na rgyal rigs spyi bo nas
768
dbang bskur brtan pa'i phyir
rigs kyi bu la dbang bskur bas
gzhi snang rgya yis btab pa'i phyir
de phyir rgyal thabs zhes byar grags
rgyal srid rin chen sna bdun yang
gzhi la bab kyis grub nas yod
rgyal ba ka dag dkyil 'khor la
rdzas bdun lhun gyis grub pa'i phyir
rgyal srid rin chen sna bdun zhes
rgyal ba kun gyis bsngags par gsungs
dper na rgyas pa'i 'bras bu bzhin
thams cad bcud kyis rang bzhin pas
sems can thams cad tshim byed ltar
rgyal srid dag pa'i dbang bskur gyis
thams cad 'bras bu thob par byed
de phyir rgyal srid rin chen dbang bskur bshad
rin chen rdzas brgyad dbang nyid kyang
gzhi la bab kyis grub pa'i phyir
rin chen rdzas brgyad dbang bskur bya
gang dag rang bzhin snang ba la
'khor lo rab tu bskor ba'i phyir
bkra shis rdzas brgyad dbang bskur bstan
dper na nyi ma'i snying po la
'od zer kun nas 'byung ba ltar
bkra shis yon tan rdzas brgyad kyis
769
dbang bskur dag snang mthong bar 'gyur
rdo rje pad ma'i dbang mchog rnams
rab tu gsang zhing spyad par bya
de la sogs pa'i dbang bskur rnams
yang dag dbang nyid thob par bya'o
yang dag dbang la don gsum ste
phyi dang nang dang gsang ba'o
phyi yi rol pa chen por bskur
nang gi rig pa'i yul la bskur
gsang ba ngo sprod nyid du bstan
phyi yi dbang la don bzhis bstan
de yang phyi dang nang dang ni
gsang ba yongs su rdzogs par gsungs
phyi yi phyi ni 'di lta ste
rin chen rdzas la brten pa'o
phyi yi nang ni 'di lta ste
cir snang rol par bskur bar bya
phyi yi gsang ba 'di lta ste
don dang tshig la dbang bskur bya
phyi yi yongs rdzogs 'di lta ste
thams cad rig par dbang bskur bya'o
nang gi dbang la don bzhi bstan
phyi dang nang dang gsang ba dang
de bzhin yongs su rdzogs par gsungs
de yang bstan pa 'di lta ste
nang gi phyi ni 'di ltar 'dod
mtshan ma zil gyis gnon pa'i phyir
770
bka' rtags phyag rgya'i dbang bskur bya
nang gi nang ni 'di ltar bya
bsgrub pa tshad du bya ba'i phyir
snying po lha yi dbang bskur bya
nang gi gsang ba 'di ltar 'dod
yab dang yum du mthun sbyar phyir
byang chub sems kyi dbang bskur bya
nang gis yongs rdzogs 'di lta ste
ma rig chom la dbab pa'i phyir
rig pa sgron ma'i dbang bskur bya
gsang ba'i dbang la don bzhi bstan
phyi dang nang dang gsang ba dang
yongs su rdzogs pa bzhi yi bstan
gsang ba'i phyi ni 'di lta ste
dpe dang don dang rtags dang gsum
'od lnga gsal bar yod pa'i phyir
shel dang sku yi dbang bskur bya
gsang ba'i nang ni 'di lta ste
nyi shu rtsa gcig mthar dbyung ste
gdams ngag nyi shu'i dbang bskur bya
gsang ba'i gsang ba 'di lta ste
dag pa nyams su blang ba'i phyir
bzhag thabs bdun pa'i dbang bskur bya
gsang ba'i yongs rdzogs 'di lta ste
gsang ba'i ye shes yod pa'i phyir
rig pa sgron ma'i dbang bskur bya
de bzhin dbang gi rnam pa rnams
771
rim pa bzhin du bskur bar bya
zhes rig pa rang shar chen po'i rgyud las
dbang gi sdom byang bstan pa'i le'u ste don lnga pa'o
@76
de nas yang gsang ba'i bdag pos 'di skad ces gsol to
kye ma bcom ldan rdo rje 'chang
dbang gi sdom byang de ltar na
bdag cag mos pa'i 'khor rnams la
mtshan ma rang grol gsung du gsol
zhes zhus so
de nas yang bka' stsal pa
e ma gsang ba'i bdag po nyon
ngas bstan legs par yin la zung
mtshan ma rang grol dgongs pa nyid
khyod kyis go bar shin tu dka'
ngas bstan yang dag nyid la nyon
phyogs bcu rab 'byams rngul snyed du
sangs rgyas sa bon gang spros kyang
sa bon nyid la 'phel 'grib med
de bzhin rang grol dgongs pa la
'phel 'grib chos dang bral ba yin
mtshan ma rang grol dgongs pa nyid
dper na rgya mtshor dar chags bzhin
rgya ma chad la lhun gyis grub
mtshan ma rang grol dgongs pa nyid
dper na rgya mtsho gnas na gnas pa bzhin
772
gzhi lam ma sbyangs gnas su phyin
stong pa'i klong du rig pa stor
stor ba nyid na rnyed pa'i mchog
rtogs pa sems kyi pho brang du
snang ba stong pa'i chos nyid stor
stor bas ye shes mkha' la 'khyil
rnyed pas rdo rje'i sku dang mtshungs
stong pa chen po'i spyod yul na
dag pa'i ye shes 'od du shar
'od snang ma 'gags don la spyod
dper na ral gri kha mang bzhin
stong pa rang sangs chos nyid la
'dzin pa med par rang sar thal
rang shar chos nyid me long la
'dzin pa med par rtog med rnyed
kun snang yang dag dkyil 'khor du
stong gsal rdo rje'i dkyil 'khor nas
rtog med rang shar zang thal nyid
'dzin pa bcos pa'i mtha' dang bral
mtha' bral chos la zhe 'dod med
zhe 'dod rang shar med par shes
mtshan ma rang grol dgongs pa nyid
gsal bar rtogs pa'i phyogs dang bral
'dzin pa med par rang sar grol
rtog pa med pas bden pa mthong
de phyir mtshan ma rang grol la
773
byas pa'i chos ni ka nas med
'byung dang byung ba'i chos la spyod
sangs rgyas dgongs pa rang grol nyid
mun pa sangs ba'i phyogs dag nas
rab tu dwangs pas blta bar bya
yang dag don la bltar med kyang
bltas na rang grol dgongs pa rnyed
lta ba kun gyi yang rtse 'di
a ti rdzogs pa chen por bshad
yangs pa go skabs phye ba'i don
nam mkha' lta bur shes par bya
rgya che gting zab dpag dka'i don
rgya mtsho chen po'i gting dang mtshungs
gsal ba'i 'od zer 'dus pa'i don
nyi ma'i dkyil 'khor nyid du shes
rtog pa'i mtha' las grol ba'i phyir
gsang sngags thabs kyi rgyal por gsungs
mtshan ma rang grol dgongs pa'i don rnyed pas
ye shes 'od gsal gsang bar gsal
theg chen 'di ni mkha' la nyi shar 'dra
mtha' yi mun pa ye nas med ces gsungs
mtshan ma rang grol chos nyid dgongs pa las
bsgom pa'i yul med 'dzin pa'i chos las grol
bsgom chags med pa'i bdag 'dzin sdug bsngal yin
774
bsgom pa'i gnas med rtag tu mthong gyur na
bsgom pa med pa'i mtshan ma rang grol gang la mi rtog mthong
dbyer med lhun rdzogs thig le dbyings nyid che
bskyed pa mi mnga' ye shes rin po che
rdzogs pa mi mnga' byang chub snying po che
bya ba med pas lhun rdzogs thig le che
'khro ba med pas myang 'das bde ba che
kun dang mi mnyam rdo rje'i dkyil 'khor che
de ltar che ba'i ye shes de bzhin kun la gnas
bsgrub tu med par rang chas ye nas gnas
btsal du med de mngon sum dag pa'i dbyings
smon du med de bde chen thugs la rdzogs
'dus byas chos rnams spang du med de spang byed yod
chos rnams thams cad rang la rdzogs shing 'phro
spang rgyu med cing spangs pa'i chos dang bral
spang ba po yang mi dmigs spang bya ga la yod
chos dang rig pa rdzogs pa'i sku
len med 'dzin dang yongs su bral bas na
dus gsum mnyam nyid rdo rje sems dpa' che
rdo rje sems dpa' ye shes kun la rol
rol pa bsam gyis mi khyab mtha' la thug pa med
775
dbyings la bri ba med cing chos nyid ngang du rtogs
rtogs dang ma rtogs med pa tshig gi mtha' bsal cing
mtshan ma rang grol don la ma yengs na
brten pa'i sa med gzung ba'i yul dang bral
yul dang 'dzin pa med na byang chub bde ba'i shugs
shugs dang ting 'dzin rtsal la gang 'jug pa
gol sgrib ltung bar 'gyur zhing byang chub bde la med
yang dag bden pa'i mtshan ma rang grol ni
gang la ma chags phyogs la gnas pa med
gnas dang ting 'dzin byang chub sgrib pa'i rgyu
rgyu dang 'bras bur bzung bas mtshan ma'i yul du gyur
de phyir lam la thug pa med pas rang gi thugs la dris
stong pa'i lam la yang dag thug pa med
'od kyi lam la ye shes skyes pa yis
mthong ba'i lam la ye shes 'od gsal gyi
rtog med lam la 'dzin med rang sar grol
mtshan ma rang grol dgongs pa de rnyed pas
gsang ba'i lam la thig le 'du 'bral med
sgron ma'i lam la ye shes bri ba med
yang dag lam la sangs rgyas sems can med
776
sku yi lam la mun pa ga la yod
ye shes lam la bzang ngan ga la yod
'byung ba'i lam la 'khrul snang ga la yod
sna tshogs lam la spro ba sdug la yod
rig pa'i lam la nyon mongs ga la yod
'bras bu'i lam la rgyu nyid ga la yod
rtag pa'i lam la chad pa ga la yod
chad pa la yang rtag pa ga la yod
de bzhin mtshan ma rang grol chos nyid la
rtog ge'i chos nyid med par gsungs
byang chub don gyi snying po 'di nyid kyang
gsang sngags rgyal po 'di yis mthong ba la
theg dman gzhan gyis don mi mthong
mthong bas chos sku'i ngo bor bshad
rtogs pa lhun grub ngo bor bshad
shes pa sprul sku'i ngo bor bshad
go bas longs sku nyid du bstan
go dang mthong ba'i chos nyid kyang
gang la thogs pa med par gsungs pa'o
e ma ho nor bu rin chen ltar
zad med gter la bde ba'i bang mdzod rnyed
stong pa'i yul la bde ba'i rgya yis thebs
bde ba'i ngang la gsal ba'i rgya yis thebs
gsal ba'i dbyings la sku yi rgya yis thebs
777
sku nyid rdo rje'i dbyings su yang dag 'dus
bde ba stong pa'i dbyings la rol
stong pa bde ba'i mkha' la bskyod
gsal ba thugs rje'i ngang du thim
thim pa yang dag dbyings su grol
grol ba mthar phyin sa la gshegs
rtog pas rdo rje'i lam du zhugs
de nyid rig pa'i sku la 'dus
mtha' nyid rang grol nyid du 'dus
rang grol chos nyid yul la snang
snang ba nam mkha'i mtha' la spyod
mtha' nyid rdo rje'i lam du zhugs
rdo rje'i lam la 'du 'bral med
mkha' mnyam rdo rje'i sku la 'dus
rdo rje'i sku nyid dbyibs su thim
thim pa nyid nas phyir mi ldog
de la gnyen pos bcos su med
ces rig pa rang shar chen po'i rgyud las
mtshan ma rang grol gyi dgongs pa bstan pa'i le'u ste don drug pa'o
@77
de nas yang gsang ba'i bdag pos 'di skad ces gsol to
kye kye bcom ldan thugs rje chen po dang ldan pa
mtshan ma rang grol gyi dgongs pa de ltar lags na
sa'i dbye ba dang dus tshad gsung du gsol
zhes zhus so
de nas yang thugs rje chen po dang ldan pa des
778
'di skad ces bka' stsal to
kye ma gsang ba'i bdag po nyid legs par nyon cig
ngas khyod la legs par bstan par bya'o
yid gzhan du ma yengs par legs par nyon cig
sems kyi dri ma gsum po sol la
rig pa ma 'gags par nyon cig
sa zhes bya ba gud na yod pa ma yin no
bden pa mthong ba'i gang zag gcig la sa lam rdzogs nas yod do
de la ngo sprod bstan pa'i gang zag de
dang po bden pa mthong ba'i dus su de la dga' ba skyes pa ni
sa dang po rang tu dga' ba'o
de nas rang gis snang bar ngo shes pa ni sa gnyis pa dri ma med pa thob pa'o
de nas de la goms pa ni sa gsum pa 'od byed pa'i sa non pa'o
de nas de la goms nas 'od kyis snang ba mthong ba ni bzhi pa 'od 'phro ba'i sa thob pa'o
de nas ye shes kyi snang ba mthong ba de la goms nas nyon mongs pa mtha' dag rang bzhin gyis sbyangs nas ye shes mthong ba de ni lnga pa sbyang dka' ba'i sa non pa'o
de nas 'od las thal pa'i sku gcig mthong nas sku mngon sum du gyur pa de ni
779
drug pa mngon du gyur pa'i sa non pa'o
de nas goms pa mthar phyin nas nyon mongs pa ring du song ba ni
bdun pa ring du song ba'i sa non pa'o
de nas yon tan de las ma g.yos par gnas pa ni
brgyad pa mi g.yo ba'i sa non pa'o
de nas de'i ngang las yon tan rdzogs pa ni
dgu pa legs pa'i blo gros kyi sa non pa'o
de nas ye shes kyi snang ba la rang gi shes pa zin nas snang ba lhug par shar pa ni
chos thams cad kyi don sprin lta bur mthong nas goms pa ni bcu pa chos kyi sprin lta bu'i sa non pa'o
de yis gang zag bden pa mthong bas sbubs 'di nyid ma bor ba la sa non pa'o
gang zag sbubs bor ba rnams kyis ni sa 'di ltar non pa yin te
'khrul snang 'gags nas tshom bu'i snang ba shar ba ni
bcu gcig kun tu 'od kyis non pa yin no
de nas snang ba de la ma chags par phyi nang gi chos thams cad kyis ma gos pa ni
bcu gnyis ma chags pad ma can gyis non pa yin no
de nas rang gi thugs ka nas ye shes kyi zer thag shar nas nam mkha'i mthongs na 'od kyi tshom bu lnga 'khor lo'i tshul du gnas pa ni
780
bcu gsum yi ge 'khor lo tshogs chen gyi sa non pa'o
de nas ye shes kyi snang ba la gnas pa ni
sa bcu bzhi pa la gnas pa yin no
de nas lhun grub kyi sa la nges pa rnyed pa ni
bco lnga pa rdo rje 'dzin pa'i sa thob pa'o
de nas ka dag gi sa la ye shes lhug par shar nas
de'i gong na gzhan med pa ni
bcu drug ye shes bla ma'i sa thob pa'o
de bzhin du sems can 'di rnams kun gyis sa lam la de bzhin du gnas so
de bas na sems can bsam gyis mi khyab pa yod kyang
ye shes kyi ngo bo gcig las med do
sa dang lam zhes pa gud na yod pa ma yin no
sa dang lam la sbyangs shing bgrod mi dgos pa yin par shes par bya'o
de'i phyir nas lam la bgrod du med pa'i man ngag
dkyil 'khor gyi tshom bu dang bcas pa rang la gsal ba'i phyir ro
ye shes kyi snang ba lnga rang la rdzogs pa yin par shes par bya'o
de la dkyil 'khor ma 'gags pa yin par shes par bya'o
de nyid la rtag tu 'dris par bya'o
781
ngo shes shing yid ches par bya'o
bden pa'i de bzhin nyid rab tu mthong bar bya'o
de la rab tu gnas par bya'o
rtag tu de nyid lam du 'khyer bar bya'o
de la rang gi yul dag pa la 'dzin med du shar ba ngo shes par bya'o
rigs kyi bu 'dzin pa med pa'i shes pa rang lugs su 'char ba ngo shes par bya'o
chos thams cad kyi de bzhin nyid rang las byung zhing rang gis mthong ba de shes par bya'o
mtha'i mun pa bsal bar bya'o
dkyil 'khor lnga'i de bzhin nyid la mkhas par bya'o
de bzhin du ye shes thams cad kyi don thugs su chud par bya'o
gsang ba'i ye shes kyi dkyil 'khor lnga rang bzhin gyis 'od gsal bar gnas pa yin pa'i phyir
sangs rgyas kyi bden pa mthong bar bya'o
lam du zhugs pa'i tshe mkha' rnam par dag pa mthong bar bya'o
rgyud la shes rig shar ba'i dus su sku ngo shes par gyis shig
rtogs pa rgyud la skye ba'i dus su rig pa'i yul ngo shes par gyis shig
ting nge 'dzin stobs su gyur pa'i dus su sgron ma rnam par dag pa ngo shes par gyis shig
782
stobs khyad par can skyes pa'i dus su ting nge 'dzin lam du 'khyer ba shes par gyis shig
rig pa'i sku mthong ba'i dus su zhe 'dod med par shes par gyis shig
shes rab khyad par can rgyud la skyes ba'i dus su bdud kyi bslu bar ngo shes par gyis shig
nyam nga ba med par spyod pa klong du rdol ba'i dus su shes rab kyi 'jug phyogs ngo shes par gyis shig
stong pa yul la khyab pa'i dus su 'od ngo shes par gyis shig
sgron ma yul la snang ba'i dus su dbyings dang yul ngo shes par gyis shig
kye rigs kyi bu nyon cig
sangs rgyas kyi dgongs pa'i tshad ni
nga nyid bdag tu rtog pa'i blo dang bral nas rang rig pa'i ye shes mi g.yo ba'i shes rab
ma bsgribs pa'i bsam gtan
gnas pa med pa'i ting nge 'dzin
rtog pa med pa'i lta ba'o
de rnams kyi don la yang mi gnas par gyur nas
sangs rgyas kyi dgongs pa rnyed pa'o
de nyid rang gi ye shes rang snang ba'i dus na
thams cad mi gnas pa'i ye shes
sku'i rol pa sna tshogs
gsung gi shes rab rtogs med
783
thugs kyi dgongs pa 'gag med
rigs kyi bu de lta bu'i don la yang mi gnas pa'i dus na
sangs rgyas kyi dgongs pa'i tshad rnyed pa yin no
de nyid sgron ma'i ye shes snang ba'i dus na
dag pa'i zhing khams rnams ma bkod par snang ba ma bsgribs yongs su gsal ba'i lam
mtha' dang dbus su med pa
phyogs dang ris su med pa du ma dang brten pa med par gsal ba'o
tshig gis brjod du med pa
dpe yis mtshon du med pa
rang rig pa'i ye shes su gsal ba
'gyur med kyi ye shes yul la snang ba
'gag med kyi gzugs brnyan rnam par dag pa bdag tu rtog pa'i mtha' rnam par gsal ba
mtha' dbus med pa'i ye shes su gsal ba
steng 'og med par kun tu zang thal ba
mkhyen pa'i ngo bo stong pa'i shes rab
'dzin rtog btson du bzung ba
bde ba la res 'jog med pa
thim pa la ma rmugs pa
khyab gdal ye shes kyi snying po can
'ub chub stong pa'i rang bzhin can
yang dag shes pa'i khyad par dang ldan pa'o
zhes rig pa rang shar chen po'i rgyud las
784
sa lam bsgrub tu med pa'i le'u ste don bdun pa'o
@78
de nas yang gsang ba'i bdag pos 'di skad ces gsol to
kye kye bcom ldan rdo rje sems
sa yi don sbyor de ltar na
rdzogs chen rang skad gsung du gsol
zhes zhu ba zhus so
de nas yang bka' stsal pa
e ma rdo rje 'dzin rgyal legs par nyon
lam med lam du zhugs na ltung ba chen por 'gyur
de bas lam la mi gnas don la blta
rdzogs chen rang skad thugs kyi lta ba ni
don dpe 'di las med par gsungs
bya rgyal med pa'i sngon rol na
sgo nga'i nang nas gshog drug rgyas
khyung chen mkha' la lding ba bzhin
nam mkha' med pa'i sngon rol ni
nam mkha'i mtshan nyid ye nas med
chos nyid med pa'i sngon rol na
chos can mtshan ma'i ming yang med
sangs rgyas med pa'i sngon rol na
sems can mtshan ma ye nas med
mya ngan 'das pa'i sngon rol na
'khor ba bya ba ming yang med
de phyir sangs rgyas thams cad kyi
785
rje btsun dam pa nga yin no
'byung ba lnga bas nga nyid che
'byung ba bas kyang nga sngar byung
sangs rgyas bas kyang nga sngar rgyas
nga ni yang dag bde ba'i sku
nga yi sku la thams cad rdzogs
nga yi gsung la thams cad rol
nga yi thugs la thams cad rtogs
nga yi yon tan cir yang snang
nga yi phrin las ma btsal rnyed
nga yi lta ba thig le'i sku
nga yi sgom pa blo las grol
nga yi spyod pa yul las 'das
nga yi 'bras bu gcig pa'i sa
nga yi dam tshig bsrung dang bral
nga yi dbang la 'gyur ba med
nga ni dur khrod chen po ste
sangs rgyas sems can kun gyi dur
nga yi byin rlabs chen po las
dus gsum sangs rgyas thams cad byung
nga yi mtshan ma'i sku lnga las
longs spyod rdzogs pa'i zhing khams chags
nga yi thugs rje'i 'od zer las
sprul pa phyed snang zhing khams chags
nga yi mig gi 'od zer las
las dag sprul pa'i zhing khams chags
nga yi sku gsum 'gag med kun la rol
nga yi zhing khams rdo rje'i sku la rdzogs
786
nga yi snying po cit ta'i dkyil na rdzogs
nga yi ngo bo ka dag sa la gnas
nga yi 'bras bu sgron ma'i yul la snang
nga yi mdzad spyod nam mkha'i dkyil na gnas
nga yi thugs rje 'khrul snang yul la gnas
nga yi dkyil 'khor dud khang nang du rdzogs
nga yi ye shes bar do'i yul la rdzogs
nga yi shes rab phyi nang chos la rdzogs
nga yi ting 'dzin stong pa'i ngang la gnas
de bzhin nga las ma byung gang yang med
thams cad ma lus nga yi cho 'phrul te
brjod med rang byung rgyal ba kun gyi gsung
rnam dag don spyod rgyal ba kun gyi yab
sna tshogs shes rab rgyal ba kun gyi yum
tha dad ye shes rgyal ba kun gyi ngang
gcig dang du ma rgyal ba kun gyi yul
ye shes chos kyi dbyings dang khyad med pas
skye med ye shes me long lta bus mkhyen
ye shes rig pa'i ngang du dbyer med mkhyen
chos kyi dbyings la chos nyid ye shes brjod
rnal 'byor rig pa mthong gyur na
rgyal ba ma bsgoms gcig kyang med
787
rig pa'i ngo bo 'gyur ba med
rang bzhin nam mkhar gnas pa ni
nam mkhar gnas pa'i 'ja' tshon bzhin
sang nge sa la ma 'dres yongs su rdzogs
dper na rgyal pos blon po la bsgos ltar
rig pa dbyings la shar bas phyi yi tshul
'bangs kyis rgyal srid phul nas dbang bsgyur ltar
rang byung rang rdzogs bla na med pa'i tshul
rig pa'i ye shes zang thal yul las 'das
rang rig byang chub sems la ma rig mun pas bsgribs
'gro ba kun gyi snying la dug chen 'di g.yos pas
thar lam mi 'thob skye zhing 'chi la rtog
ma rig ma spangs bzhag na rig pa skye bar 'gyur
lta ba ma nor ba don gnyis don ldan zhing
bdag dang sangs rgyas dbyer med mnyam pa'i blos
rig pa'i yul la bltas na ting 'dzin thob
dmigs pa'i yul dang bral na sgron ma yul la snang
snang 'byed btsal sems med par ye shes dbyings su 'dus
thob dang ma thob med par ye shes skye
grol dang ma grol gnyis med shes rab che
rdzogs pa'i rig pa yul la lhug par shar
788
lhug pa nyid la ye shes snang ba 'gag med skye
bskyed bya skyed byed med par yul la mngon par snang
ma bkod nor bu'i sku la ye shes rdzogs pa'o
kye ma rdzogs pa chen po a ti ni
gang gi phyogs su ma lhung ye shes don la spyod
dper na gcan gzan seng ge yis
sder chags zil gyis mnan nas gangs la gnas pa bzhin
rdzogs chen rang skad smra zhing theg dman zil gyis gnon
rdzogs chen rang skad smra zhing rang gi don la 'jog
rdzogs chen yul la sangs rgyas sems can med
rdzogs chen gzhi la bzang dang ngan pa med
rdzogs chen lam la nye dang ring ba med
rdzogs chen 'bras bu thob dang ma thob med
rdzogs chen sku la yin dang min pa med
rdzogs chen gsungs la bsgyur dang ma bsgyur med
rdzogs chen dbyings la zad dang stongs pa med
rdzogs chen gnas lam tho dang dma' ba med
rdzogs chen chos la spyod dang mi spyod med
rdzogs chen rtsal la rdzogs dang ma rdzogs med
rdzogs chen rol pa shar dang ma shar med
789
rdzogs chen don la bsgom dang ma bsgoms med
rdzogs chen rig pa mthong dang ma mthong med
rdzogs chen ye shes gsang chen kun la rol
rdzogs chen mtha' la 'di zhes bstan du med
rdzogs chen don la tshig dang yi ge med
rdzogs chen rgyal po'i lta ba de bzhin gnas
tshig dang yi ge med par rdzogs chen don la spyod
gsal 'grib 'dzin rtog med par rang snang bde ba'i shugs
rdzogs chen don la de bzhin gnas med pa'i
kye ma yang dag bde ba'i sku
tshig la mi gnas sgron ma mkha' la 'khyil
don la mi gnas ye shes gtang gzhag med
rdzogs pa med par mtshan ma rang sar grol
ye shes rdo rje sgron ma 'bar ba'i sku
yang dag bde ba'i 'od gsal mnyam pa'i sku
'gag med rang grol rdzogs chen a ti'i don
ma bskyed rdzogs pa'i thig le rnam lnga gsal
'gyur med ye shes dag pa'i phyogs dang bral
stong pa rang sangs nam mkha'i khu rlangs bzhin
'gyur med rang dag chu yi lbu ba bzhin
790
rnam dag mkha' mnyam rdo rje stong pa nyid
dus med lhug pa chu yi dkyil 'khor bzhin
stong pa'i don la cis kyang bskyod du med
gsang ba'i dkyil 'khor ye shes lnga dang ldan
dag pa'i ye shes tshom bu lnga dang ldan
rdzogs chen gsang ba'i dkyil 'khor dam pa na
rdzogs chen don la thogs pa med par 'byung
tshig don ye shes gtan tshigs chen por bshad
yang dag ye shes zla 'od bzang
'od chen ston ka'i zla ba'i 'od
spro zhing bsdu ba med pa ltar
rdzogs chen 'od la skye dang 'bri ba med
rdzogs chen ye shes rang snang yin
mtshan ma tshig gi mtha' dang bral
mtha' bral ye shes chen po'i sku
'dzin pa med par gzugs su snang
'gro 'ong med par dbyings su thim
gnas pa med par rang sar grol
stong pa'i tshig gi mtha' dang bral
dag pa 'od kyi yul dang bcas
khyab pa'i thig le sku dang bcas
yang dag ye shes 'od dang bcas
mkha' mnyam rig pa'i sku dang bcas
stong pa rdo rje'i lam dang bcas
791
gsal ba 'od kyi dbyings su 'dus
de bzhin dgongs pa dag pa'o
e ma rdzogs chen byang chub sems
mkha' mnyam rdo rje'i sku la spyod
stong pa yang dag lus la rdzogs
sems sogs 'dzin pa'i chos las grol
skye med yang dag ngo bo rnyed par gsungs
mi bskyod mkha' la rig pa gsal
skye med klong du yang dag 'dus
'gag med klong du de bzhin gshegs
rnam dag spyan lnga mngon sangs rgyas
'bar ba 'bar ba'i ye shes mchog
stong pa stong pa'i yul las 'das
dag pa dag pa'i dkyil 'khor rnyed pa'o
zhes rig pa rang shar chen po'i rgyud las
rdzogs chen rang skad smra ba'i le'u ste don brgyad pa'o
@79
de nas yang gsang ba'i bdag pos 'di skad ces gsol to
kye kye bcom ldan rnam dag sku
rdzogs chen rang skad de ltar na
bdag cag mos pa'i 'khor rnams la
mi g.yo mnyam gzhag gsung du gsol
zhes zhu ba zhus so
de nas yang bka' stsal pa
kye ma gsang bdag rdo rje 'dzin
ngas bstan khyod kyis legs par nyon
792
mi g.yo mnyam gzhag dgongs pa ni
'di ltar kun la shes par bya
mi g.yo ba ni sku yi rgyan
mi bskyod pa ni ye shes te
mi 'gag pa ni shes rab po
yang dag mi phyed mnyam gzhag go
srog med 'dzin pa med pa nyid
bya dang byed pa'i tha tshig las
yod dang med pa'i mtha' las grol
nyon mongs spangs bar mi 'dod cing
ye shes len par 'dod ma yin
mi len pas na bdag med cing
ci yang mnyam nyid ye shes 'dod
rtog pa ma zhugs phyogs dang bral
yod med gnyis kyi mtha' las 'das
bsam gtan nyid la bsam du med
yang dag don la bsgrub tu med
sgron ma'i yul la btsal du med
snang ba nyid la gzung du med
yang dag sku la blta dang bral
rang rig don la bsgrub tu med
snang ba'i yul la 'dzin du med
yon tan rtsal la 'gag pa med
mtshan ma'i chos la zhe 'dod med
dag pa'i 'od zer tha snyad stong
yon tan sprul pa cir yang sprul
da lta'i rig pa chos kyi sku
ma 'ongs tshig las 'das pa'o
mngon sum mi gnas yul las 'das
793
che ba'i chen po rang bzhin gnas
bsgrub pa ma yin 'khrul pa sangs
rtogs pa ma yin don dang mjal
stong pa gsal ba 'od kyi sku
ye shes mdzes pa lhan ne'o
sna tshogs 'phro bas don gnyis mthong
thams cad gang bas yul med cing
gza' gtad med par sa nyid thob
gom pa gcig gis pha rol phyin
stong pa mu med gsal la mdzes
gsal ba yul med gzung du med
snang bar mi 'dod chos dang bral
go ba'i yul na shes rig che
mthong ba'i yul na snang ba gsal
shes pa'i dus na yangs pa che
mthun pas gang gis chos dang bral
the tshom sgro 'dogs chos dang bral
mi g.yo mnyam gzhag dkyil 'khor nyid
rang las sprul zhing ral la thim
gyid dang rgod pa'i mtha' las 'das
rtag nyid rdo rje'i sku dang ldan
mun pa 'khor ba'i yul las 'das
rtog pa de nyid rang sar grol
rtogs pa chos nyid rgyal por gsungs
chos nyid ka dag ma rig med
bstan pa kun gyi snying po nyid
nga las thams cad byung ba'o
794
bya byed 'dzin pa'i yul las 'das
yang dag don la mnyam par bzhag
ye shes don la ngos bzung med
mtshon pa'i dpe dang bcas pa'o
e ma bkod pa rin chen phreng
ma bkod phyogs su grub pa med
rang shar me long 'od po che
dang po rkyen gyis 'khrul pa'i phyir
mtha' ma rkyen gyis bzog par byed
de nas rkyen dang rgyu nyid kyang
rdo rje sems dpa'i thugs las byang
rdo rje sems dpa' bdag nyid kyang
yang dag nor bu rin chen stor
de nas mun pa'i smag tu 'khyams
de nas nor bu rin chen rnyed
snang ba nyi ma'i 'od zer bzhin
kun la snyoms pa'i 'od ltar snang
nga yi nor bu rin chen gyi
'od la rgyal ba thams cad bzhugs
nub pa med pa'i 'od chen la
stong pa med pa'i nyi zla shar
shar ba nyid nas nub pa med
ma 'gags thabs kyi sku lnga gsal
'du 'bral med pa'i thig le rtogs
yang dag rig pa'i ye shes mthong
stong pa yul gyi rgya yis btab
rnam dag bum pa'i 'od zer 'phro
gsal ba brugs kyi pho brang nas
795
ye shes rig pa'i cho 'phrul snang
bya ba rtogs pa'i ye shes gsal
'gyur ba med pa rin po che
dgos 'dod re ba yid bzhin skong
stong pa yul gyi pho brang du
rdo rje sems dpa'i thig ler shar
dran pa med pa'i klong du 'dus
brjod pa med pa'i klong du bskyal
bsam pa med pa'i chos sku mthong
yangs pa chen po'i dbyings nyid mthong
brjod pa med pa'i ngang du thim
yang dag rig pa mkha' la gshegs
dkyil 'khor la yang dkyil 'khor thim
chos nyid la yang chos nyid rol
ye shes ye shes khyad par gyis
chos nyid don la bltas pa med
dkyil 'khor gsung gi khyad par gyis
gsang sngags thabs kyi dkyil 'khor nyid
yum gyi mkha' la de bzhin rol
gsang ba'i sku la brjod du med
'od la 'od kyis brgyan pa nyid
sku la sku yis yang dag brgyan
ye shes la yang ye shes te
de bzhin thams cad so so nas
ma 'gags so so'i mtshan nyid 'dzin
rig pa'i ye shes sku la khyab
sku la ye shes dkyil 'khor byung
ma bkod phung po mdzes pa yi
796
lam las yang dag dkyil 'khor byung
don las ye shes dkyil 'khor phyung
sems las sna tshogs dkyil 'khor byung
chos las rdo rje'i dkyil 'khor byung
yang dag don rtogs de bzhin no
zhes rig pa rang shar chen po'i rgyud las
mi g.yo mnyam gzhag gi dgongs pa bstan pa'i le'u ste don dgu pa'o
@80
de nas rnam par grol ba'i skyes bu smra ba'i seng ge 'jam dpal gzhon nur gyur pa zhes bya ba des
'di skad ces 'khor gyi byang chub sems dpa' rnams la bka' stsal to
kye ma 'dus pa'i 'khor tshogs nyon
ngas bstan legs par yid kyis nyon
e ma ho
'jam dpal rang byung ye shes ni
tshig la mi gnas kun gyis go ba med
go ba med de mthong byed yod
mthong byed rig pa 'di lta ste
shes rab rig pa blo yi ngang las spyod
sku yi rnam pa thugs kyi klong nas gsal
dper na me long chu zla bzhin
ma chags zhen med rang grol nyid
stong pa rang snang yul la med
yul la 'char ba'i sgo ni rnam pa gnyis
'dod pa'i sgo nas shes rab rtsal du shar
797
ye shes sgo nas sku dang ye shes shar
'byed med shes rab gzhi la gnas pa 'byung
ngo sprod rtogs pa thob gyur pas
mi bslu nges pa'i snang ba lnga
shes rab mkha' la bskyod de gshegs
spros dang bral ba'i chos kyi dbyings
ngo sprad nang du shes par bya
de yang bstan pa 'di ltar yin
sprad pa'i rgyu nyid rang la yod
sprad pa'i yul nyid snang ba lnga
sprad pa'i rkyen nyid 'od snang lnga
sprad pa'i 'bras bu bden pa mthong
sprad pa'i yon tan bsam mi khyab
snang ba yul dang gnyis med shar
bden pa dang po rab tu dga'
bden gnyis tshul gyi ye shes rgyas
bden pa gsum nyid dbyings su 'dus
bden pa bzhi yi tshul nyid rnam pas stong
bden pa lnga nyid mkha' la gsal
bden pa drug gis dbyings su 'khyil
bden pa bdun pas gos pa med
bden pa brgyad pas chags pa med
de nyid bden pa dgu dang ldan
bden pa bcu la mtha' bzhi gsal
bcu gcig bden pa chos la grol
bden pa bcu gnyis dri ma spangs
bcu gsum ye shes bden pa mthong
798
bcu bzhi bden pa de nyid thob
bden pa bco lnga yang dag shes
bcu drug bden pas rtogs pa nyid
bcu bdun bden pas sku nyid thob
bco brgyad bden pas dkyil 'khor thob
bden pa bcu dgus lha tshogs mthong
nyi shu'i bden pa tshad dang ldan
rtsa gcig bden pa mkha' la spyod
de nas spyan ras gzigs dbang phyug gis 'di skad ces gsol to
kye kye smra ba'i seng ge rigs pa dang ldan pa khyod
'jam dpal yang dag dgongs pa nyid
mtshan ma'i chos dang bral lam ci
yang na mtshan ma med pa la
yang na dkyil 'khor gcig la brten
de bzhin gang gis mtshon par byed
lung la brten te grub bam ci
yang na rigs pa dag la brten
de bzhin man ngag brten 'gyur ram
yang na rang nyid la brten nam
de bzhin gang la brten pa yin
yang dag don chen bgros te gsungs
zhes dri ba dris so
de nas 'jam dpal smra ba'i seng ge skyes bu dam pa des
'di skad ces smras so
kye ho legs par dris lan zung
dri ba'i phyir na lan nyid zhu
799
de nas dbang phyug des smras pa
kye ho 'jam dpal gzhon nu nyid
dris pa'i lan nyid med dam ci
de nas skyes bu dam pas gsungs
nga yis lan gdab legs par nyon
'jam dpal yang dag dgongs pa nyid
mtshan ma'i chos dang bral ba'o
rnam rtog mtshan ma ka nas dag
dgos ched 'bras bu rang grol lo
yon tan sna tshogs sku lngar shar
bsam pa'i don 'byung de dag las
blo dman gang zag shes chung la
mtshan ma bsgom pa'i rim par snang
spyi dang rang gi mtshan nyid brtags
dgongs pa nyid la rdzogs pa'o
de mthun shes rab nges par rnyed
bsgom pa'i bye brog gang bzhin du
de la mtshan ma med pa'i rtags
shes rab chen pos don rig nas
chos sku skye med 'gyur med la
longs sku shes rab rig pa'i sku
mkhyen pa'i ye shes mkha' la dbang bsgyur zhing
sprul skus gdul bya'i yul la don byed nus
de gsum phyogs lhung med pa'i shes rab la
'jam dpal yang dag dgongs pa gsal
de la nyi shar 'di ltar kun la shar
800
dang po chos sku'i rig pa shar
rig pa ye shes 'od du gsal
de las gting dpag med pa'i 'od
phyogs bcu nam mkha'i khams gang zhing
de yi gzi brjid 'jig rten khyab
de las mthong ba'i khyad par gyis
goms pa'i don la ma yengs na
ye shes rig pa sangs gyur nas
shin tu sad pa sad pa'i bdag
kun shes chos dang bral ba'o
de ni gongs pa'i tshad du bstan
de min blo zhan sems can rnams
chos sku zang thal yangs par ma shes par
rdzogs rim skye ba med pa khas blangs kyang
wa sprel seng ge dag tu brdzus pa bzhin
dngos med zang thal chos sku ma rtogs par
blo yi zhen 'dod mtshan bcas lha la blta
de ni 'jam dpal dgongs pa min pa rdo rje sems dpas gsungs
mtshan ma med pa'i dgongs pa nyid
dkyil 'khor nyid la brten tu med
lha la bsgom du med pa'i phyir
'jam dpal yang dag dgongs pa la
mtshon pa'i dpe nyid man shel yin
yang dag don la lung med kyang
mtshon phyir lung la brten te bsgrub
rigs pas mi 'grub shes rab dgos
801
rigs pas bsgrubs na 'og mar 'gyur
de la man ngag nges par dgos
rang nyid las kyang rgyu nyid yod
thams cad rang las byung ba'i phyir
dus gsum bder gshegs thugs kyi dgongs pa ma nor bar
dris lan rgyas par khyod la bstan pa'o
de nas yang gsang ba'i bdag po phyag na rdo rjes 'di skad ces gsol to
kye kye smra ba'i seng ge nyid
'jam dpal gyi ye shes la tshad gzung du yod dam med
dus gsum sangs rgyas thams cad kyis
glur blangs gang lags bshad du gsol
zhes dri ba dris so
de nas 'jam dpal smra ba'i seng ge gzhon nur gyur pa des
'di skad ces dris lan rgyas par gdams so
kye ma rdo rje 'dzin rgyal nyon
nga yi dgongs pa tshad mar bstan
dris pa'i lan la legs par nyon
'jam dpal ye shes nyid la tshad med kyang
ma rtogs blo la tshad kyis bstan du yod
dri ma gsum gyis rgyal ba'i sku la bsgribs
rags pas sangs rgyas zhing khams bsgribs
dri ma bsal bas ye shes zang mar shar
dri ma gsum ni dug gsum ngo bor bstan
802
de yang bstan pa 'di lta ste
dri ma dag na rags par bshad
dri mas rang gi ye shes bsgribs
rags pas sangs rgyas zhing khams bsgribs
phra bas ye shes snang ba bsgribs
phra ba'i phra bas ye shes sgron mar bstan
rags pa'i rags pas gzugs sku'i zhing khams bstan
dri ma'i dri mas ma rig rtsa bar bstan
snang ba'i rgyal po chen po de bzhin gnas
sems can blo la gnas pa'i don nyid ma shes na
ye shes rang snang dgongs pa de mthong ngam
de yang rtogs pas mi gnas mun khang mar me bzhin
snang ba ma 'gags 'jam dpal ye shes don
'jam dpal ye shes dri ma'i skyon rnams thams cad bsal
dpal gyis sems la sogs pa'i 'ching bgrol
'jam dpal ye shes don la gang gnas pa
de ni mya ngan 'da' bar rdo rje sems dpas bshad
'jam dpal ye shes dgongs pa'i don nyid tshig las 'das
tshig dang yi ge mtshan ma'i chos las yang dag grol
chos la dbang bsgyur ye shes mchog la gnas
ye shes don la 'jam dpal ye shes sku
803
tshig med stong pa'i ngang du 'jam dpal ye shes stor
stor ba nyid nas bsgrubs shing btsal du med
de yang snang ba rgya chad 'byung bzhi'i mkha' la spyod
'jam dpal don gyi snying po las
sems la sogs pa'i dri ma med
snang ba byar med chos dang bral
'jam dpal ye shes chen po nyid
gang dang mi mnyam kun la rol
'jam dpal ye shes dgongs pa nyid
gang gi don la gus pas ltos
'jam dpal ye shes don nyid do
de nas thugs rje thabs kyi bdag pos
'jam dpal smra ba'i seng ge la 'di skad ces gsol to
kye kye smra ba'i seng ge lags
'jam dpal des tshig gang gis bzung
khyed kyis lung bstan legs par zhu
zhes dri ba dris so
de nas yang rnam par grol ba'i skyes su 'jam dpal smra ba'i seng ge des 'di skad ces dris lan brgyas par gnang ngo
kye ho spyan ras gzigs dbang nyon
bdag gis rab tu smra bar bya
'jam dpal dpal dang ldan pa'i mchog
'jam dpal dgongs pa gang yin pa
nga yi thugs kyi dkyil na rdzogs
804
'jam dpal yang dag bde ba'i sku
yang dag ye shes 'od lngar ldan
chos sku kha dog ma 'dres 'jam
dkyil 'khor 'du 'bral med phyir dpal
snang ba rang gdangs yod phyir 'jam
ma rig mun pa sangs te dpal
sgron ma'i 'od kyis khyab phyir 'jam
de la dus med 'char phyir dpal
rang snang yul la snang phyir dpal
phyogs la gnas pa med phyir dpal
dbyings la 'phro 'du med phyir dpal
'jam dpal ye shes sems dpa' yi
ming la gang zhig sus 'jug pa
ye shes snang ba de yis mthong bar 'gyur
'jam dpal sku dang ye shes gsung
ma 'gags so so'i mtshan nyid 'dzin
zab cing rgya che 'jam dpal nyid kyi ming
gting dpag dka'o 'jam dpal chos kyi mchog
'jam dpal ngang las yang dag bde ba skyes
'jam dpal nyid la zad cing stong pa med
stong pa'i ngang las 'jam dpal ye shes sku
so so'i don la mi gnas 'jam dpal ngang las thams cad 'dus
chos nyid dpal las yang dag rtogs pa bskyed
805
rdo rje'i sku la 'jam dpal ye shes gsal
snang ba med pa'i 'jam dpal ye shes nyid
kun la khyab pas don mdzad sku nyid yangs
'jam dpal shes rab me long 'od po che
de las 'od byung thams cad ngang du rtogs
de ni 'jam dpal dkyil 'khor chen por bshad
'jam dpal sku la thug pa med
'jam dpal ye shes mkha' la gshegs
yang dag sku yi klong du thim pa yin
'byung ba lnga yi rab rib kyis
ye shes lnga yi rang mdangs bsgribs
sna tshogs tshig gi lo ma yis
'jam dpal sku yi dkyil 'khor bsgribs
sangs rgyas dang ni sems can yang
'jam dpal nga yi gsung las 'phros
sna tshogs yul du snang ba yang
'jam dpal nga yi gsung las sprul
yul drug spyod pa'i yid drug kyang
'jam dpal nga yi thugs las 'phros
de bzhin rol pa sna tshogs kun
nga las sprul cing nga las byung
nga ni 'jam dpal kun gyi dbyings
'jam dpal ye shes thugs la rol
806
'jam dpal gsung ni rnam dag nyid
'byung ba'i yul la de bzhin spyod
bya dang byed pa'i chos las grol
'jam dpal ye shes sprul pa nyid
gang ltar bltas pas de ltar snang
'jam dpal dngos po'i chos las 'das
gang dag 'jam dpal ye shes nyid
ye shes mig gcig dri ma med
ye shes lus can de bzhin gshegs
ye shes lus la bag chags med
bzang ngan med pa'i 'jam dpal nyid
kun la 'char byed ma 'gags so
yang dag sangs rgyas lam rig pa'o
lam ni rnam pa lnga ru grags
lam la chags pa med pa'i don
don la 'gag med yul la shar
de las grol phyir rgyud rgyal gsungs
mtshan ma'i ming gi chos rnams kun
'jam dpal nga yi ngang du grol
snang ba ye shes chos rnams kun
'jam dpal nga yi ngang du thim
mkha' klong dag pa'i sgron ma gnyis
'jam dpal nga yi mig la thim
ye shes 'bar ba'i sku lnga yang
'jam dpal nga yi mgo la rdzogs
rig pa lhun grub sku nyid kyang
807
'jam dpal nga yi snying la rdzogs
thig le mtha' yas sku nyid kyang
'jam dpal nga yi rtsal la rdzogs
de la sogs pa'i ye shes sku
thams cad nga la rdzogs par gsungs
ye shes 'jam dpal chos nyid sku
ye shes rol pa'i phyir na 'jam dpal don du bstan pa'o
gsang sngags kun gyi ye shes nyid
ma nor dgong pa tshad ma rnams
'jam dpal ngo bo'i ngang du thams cad 'dus
de phyir ye shes sems dpar gsungs
gang dang gang du 'jam dpal rigs
yod par gyur pa thams cad rnams
nga las yang dag spros pa'o
nga ni bcom ldan rgyal ba nyid
sku las 'od zer stong stong 'phros
gsung las rol pa sna tshogs byung
thugs las dgongs pa'i dkyil 'khor snang
de bzhin 'jam dpal nyid kyi sku
sna tshogs cir yang 'phro ba'o
de skad ces bka' stsal pa dang
'khor rnams rab tu yi rang ngo
de nas ston pa bcom ldan rdo rje sems dpa' nyid
ting nge 'dzin las bzhengs nas
legs so zhes bya ba gnang bas
stong gsum gyi stong chen po'i 'jig rten gyi khams thams cad 'od zer gyi phung pos kun nas gang bar gyur to
808
de nas rdo rje 'chang chen po des 'di skad ces
rnam par grol ba'i skyes bu 'jam dpal smra ba'i seng ge la bka' stsal pa
kye smra ba'i seng ge bstan pa de legs so
de ni sangs rgyas kyi dgongs pa dngos su bstan pa yin no
rigs kyi bu khyod de'i don la ma yengs par gyis shig
ces brjod nas yang ting nge 'dzin la snyoms par zhugs so
de nas smra ba'i seng ge skyes bu dam pa des
bcom ldan rdo rje 'chang chen po de la bskor ba lan gsum byas nas
mi snang ba'i mkha' rnam par dag pa la gshegs so
'khor rnams kyang 'dun pa'i ting nge 'dzin la snyoms par zhugs so
zhes rig pa rang shar chen po'i rgyud las
'jam dpal smra ba'i seng ge'i le'u ste brgyad cu pa'o
@81
de nas yang de bzhin gshegs pa dgra bcom pa yang dag par rdzogs pa'i sangs rgyas stong spyi phud kyi rgyal po zhes bya ba des 'di skad ces
'khor gyi lha dang
lha ma yin dang
mkha' 'gro ma dang
gnod sbyin gyi rigs dang
byang chub sems dpa' dpag tu med pa dang
809
de dag la sogs pa'i 'khor grangs med pa rnams la bka' stsal pa
kye 'dus pa'i 'khor rnams nyon cig
nga yis don chen bstan par bya
'dus ba'i 'khor tshogs rnams kyis gus par nyon
dang po sangs rgyas dgongs pa de
khyung chen mkha' la lding ba bzhin
spro bsdu med par nam mkha' spyod par byed
tha snyad ming la mi gnas te
'grod med rang gi sa la phyin
dgongs pa nyid la bsgom du ga la yod
nam mkha' gud bcad mthu ba zang thal ltar
de bzhin bag chags phung pos sku la sgrib
nam mkha' gang ba'i 'od la thug pa med
yang dag lam la shes rab sku lnga shar
ye shes sku lnga kun gyi snying po yin par gsungs
don dam chos sku bzung ba'i yul las 'das
'das dang ma byon de bzhin gshegs pa rnams
rang gi snying por rdzogs shing yang dag nyid du 'phro
sems dang chos la sangs rgyas ga la yod
dper na nor bu rin chen ltar
zad pa med pa'i gter chen yul la snang
sangs rgyas lam la bgrod du med cing spyad du med par gsungs
810
nga med nga la nga yi cho 'phrul byung
nga med nga yi 'od la thams cad bzhugs pa yin
nga yi rig pa med la sna tshogs cir yang snang
nga yi thugs kyi nyi ma lngar snang zhing
rgyal ba'i zhing khams rab 'byams ma lus kun
nga yi nyi ma re re'i 'od la thams cad bzhugs
rgyal ba thams cad nga yi 'od la 'di ba yin
nga med pa yi rol pa cir yang sprul
sprul pa ye shes bye ba thugs pa rol
'byung ba rgyu yi rol pa sna tshogs ston
mkha' mnyam bum pa'i sku ltar phyi yi tshos dang bral
mtshan ma'i ye shes 'dzin pa rang ga ma
dag pa'i ye shes dngos po'i mtha' dang bral
yul dang shes pa'i stong pa'i yul las 'das
dper na seng ge rtsal rdzogs gar yang thog med ltar
rig pa'i rtsal rdzogs gar yang thogs pa med
thogs pa yod na rig pa'i rtsal ma 'byongs
rdo rje snying po'i sku la 'od zer stong dang ldan
'od zer sdod las gzugs sku re re snang
des na yang dag ston pa'i bstan pa 'dzin par 'gyur
sra zhing bstan pa'i ye shes zung 'jug kun la cho 'phrul ston
811
rgya chen ye shes don la thug pa med
mthong ba'i lam la ye shes mngon sangs rgyas
rtag dang chad pa'i gol sgrib rnam par sel
che chung med par yang dag mkha' la spyod
bzang ngan med pa'i ye shes yul la 'jug
mi gnas ye shes rang bzhin ni
phyogs dang ris med zhen pa rang sar grol
zhen med rang byung ye shes las
zhen pa med pas bya ba btang
ye nas rang bzhin dag pa yi
gzhi ma 'khrul pas bya ba btang
ye nas bzung pa'i yul dag ni
dmigs pa'i rkyen gyi bya ba btang
rig pa'i rgyal po ye shes 'od zer gyis
yang dag mkha' la nyi ma shar ba bzhin
dag pa'i sku la sgrib pa med
'dzin med phyogs dang ris las grol
de phyir rang grol dgongs par bshad
dper na gser 'gyur rtsi bzhin du
ye shes gcig gis nyon mongs du ma sel
shes rab gcig gis phyi nang sgro 'dogs chod
dag pa gcig gi 'od kyis phyogs bcur 'phro
snang ba gcig gis gti mug mun pa sel
sgron ma gcig gis 'khor ba'i lam sna 'dren
812
ston pa gcig gis 'khor ba thams cad sgrol
nyi ma gcig gis gling bzhi khyab pa bzhin
rig pa gcig gis 'gro ba yongs la khyab
bstan pa gcig la thams cad gnas par 'gyur
shes rab gcig gis ka dag sa la bskyal
'od zer gcig gis ngan sod yul las thar
thugs rje gcig gis ngan 'gro phyags mas 'debs
zhags pa gcig gis rigs drug gnas nas 'dren
de bzhin chos rnams thig le nyag gcig go
e ma ho
shes rab me yis rnam rtog thams cad bsreg
rig pa'i rlung gis 'dzin pa thams cad gtor
ye shes chu yis snang ba thams cad sdud
sku yi sa las sna tshogs rol pa 'byung
dag pa'i mtshon gyis ma rig gting nas phug
stong pa'i yul gyis sgron ma thams cad sdud
gsal ba'i 'od la dgongs pa thams cad zhugs
rnam rtog 'dam la ye shes me tog skyes
rnam dag mkha' la gsal ba'i nyi ma shar
chos nyid don la 'khrul pa ka nas med
ye shes dbyings la rgya chad phyogs lhung med
mdzes pa'i skya la rgyan dang cha lugs ldan
813
'od kyi breng la rig pa'i rgyal po zhon
de las lam byung de yi ngang du thim
de ni ye shes kun gsal sa chen yin
'od kyi snang ba ma 'dres kun la mnyam par gnas
theg chen rdzogs pa'i ngang du thams cad 'dus
gsang ba'i mkha' la sangs rgyas mdzad spyod 'dus
snang ba 'di la ma zhen spyod pa'i mchog tu bshad
theg chen nam mkha'i klong nas nyi ma dag pa shar
nyi ma'i 'od zer kun la byams thugs ldan
gsang ba'i yum dang yab las thig le 'phros
chags dang ma chags med pa'i dbyings la spyod
yin dang min pa'i tha snyad chos dang bral
'dzin med yul la dag pa'i snang ba 'char
yang dag thugs kyi dkyil 'khor rnam lnga gsal
spyod pa'i sems kyis ma bsgribs seng nge sa le'o
'dzin pa'i yul la mi gnas kun gyis bcos su med
chags 'dzin zhe 'dod yul las yang dag 'das
byas pas chos nyid med par 'byung ba gzhi la grub
bsgrub bya rtsol sems med par 'khor ba'i nad las thar
rang byung don spyod seng ge'i nga ro bzhin
814
mtshan ma'i yul med stong pa'i tshig las 'das
yul med yul las yul gyi snang ba byung
sku med sku las sku yi cho 'phrul byung
gsung med gsung las gsung gi rol pa byung
thugs med thugs las thugs kyi rtog pa byung
'gag med rtsal sems yon tan sna tshogs byung
zhi rgyas dbang drag phrin las mdzad spyod byung
'dzin med rang grol thams cad rol par shar
'gag med rnam dag don gyi snying po nyid
bltas bas ma mthong rang la lhag gis byung
thams cad 'byung zhing gsung gi rol pa nyid
gsang sngags don la ye shes sku nyid shar
nub pa med pa rgya mtsho'i klong yangs su
zad pa med pa'i rin chen gter gnas pas
yangs pa'i sku la snang srid thams cad gsal
lhun grub yul la mi gnas mtshan ma'i chos las grol
thabs chen kun gyi spyod yul snying por shes
snang srid ma bcos chos sku'i ngang la rdzogs pa bzhin
nam mkha'i ngang nas sna tshogs 'byung ba ltar
yang dag sems dang gnyis med 'dres shing mtshungs
bdag nyid rig pa rang shar las
815
sangs rgyas rnams kyis bcos su med
bcos na gol sgrib ltung bar 'gyur
de yang gsang ba'i yul med bzhin
sangs rgyas nyid la dngos snang med
sems can yul las gzung 'dzin byung
sangs rgyas lus la 'od lnga gnas
sems can mi gnas 'od lnga 'byung
sems can dang ni sangs rgyas gnyis
sus kyang shes shing rtog pa med
bka' rtags sbas pa'i rgya dang ldan
gsang ba'i chos la don bzhi bstan
rang bzhin dang ni sbas pa dang
gab pa dang ni kho na nyid
rnam pa bzhi ru rgyal bas gsungs
yang dag mtshan ma'i yul dang bral
'bad rtsol sems kyi dri ma med
yin dang min pa'i mtha' gnyis pas la
lam dang sa la mi re zhing
stong pa'i lam la yid kyis rgyug
brjod pa'i tha snyad ming dang bral
gsang sngags bya ba'i yul las 'das
gzung 'dzin bral te mkha' la gsal
ltos pa ma grub dbyings la rdzogs
mtshan ma'i chos bzhi ngang gis sangs
bde ba thugs kyi sprul pa las
ye shes dkyil 'khor thams cad rdzogs
816
bya ba nyid la ltos pa med
ltos na yang dag bde ba min
thams cad rang byung rig pa'o
de nas de bzhin gshegs pa 'od zer kun nas mtha' yas pas
'di skad ces smras so
kye ho ye shes gsang ba che
yang dag dgongs pa 'di rig gam
'on te gzhan la ltos 'gyur ram
phyi ma yin nam bde ba nyid du 'gyur
lam ltos 'gyur ram 'on te rdzogs
yang dag ye shes yod 'gyur ram
rtogs pas 'grub bam mthong bas grub
dris lan rgyas par lan gdab zhu
zhes zhus so
de nas de bzhin gshegs pa stong spyi phud kyi rgyal pos 'di skad ces smras so
kye ma lan gdab legs par nyon
lan dang dri ba de dag ni
rang bzhin nyid kyis rdzogs par bya
yang dag nyid la lan med kyang
de la lan gsung 'di bzhin no
yang dag dgongs pa 'di yis btsal
'di yang chos kyi gtam du zung
'di yang ma shes rang las byung
byung yang ye shes spyan dang ldan
tshig la ldan dang yang dag ldan
don la ldan pa ga la yod
shes rab rno dang brtul pa med
817
phyi ma ma yin yang dag nyid
byas pa ma yin rang byung rdo rje'i sku nyid rdzogs
stong pas rab brgyan 'dus byas chos las grol
mdzes pa'i 'od lnga gsal ba chos skur gdod nas dag
btsal bas ma yin rang la lhun gyis grub
'das pa brjod du med la ma 'ongs tshig las 'das
da ltar yod la brtags par shin tu dka'
yod dang med pa'i lam la zang thal zhing
ye shes spyod phyir rang snang nyid
rtogs pas mi 'grub mthong ba dgos
mthong pas ye shes don dang phrad
lam dang yul dang tshig las 'das
stong dang yal dang mngon par snang
gzhan dang 'byed pa'i chos chos las grol
sems sogs dngos po'i chos las grol
'byung ba'i yul nyid kun snang zhing
bstan pa'i don nyid rang gsal ba
ye shes sku la 'phel 'grib med
yang dag bden pa'i don mthong bas
byas pa'i rgyu ni rang sar grol
sangs rgyas bas kyang rang nyid che
sangs rgyas kun gyi rje btsan pa
rang gi rig par shes par bya
818
de la sogs pa'i dgongs pa rnams
ma bskyed rdzogs par shes par bya
de nas rdo rje sems nyid ting nge 'dzin las bzhengs nas rigs kyi sangs rgyas dam pa de la legs so zhes bya ba byin nas
'khor rnams kyis de bzhin du khong du chud do
'jig rten gyi khams thams cad kyang rnam pa drug tu g.yos so
de nas bcom ldan 'das gzhon nu dpa' bo stobs ldan gyis
'od zer kun 'byung ba zhes bya ba'i ting nge 'dzin la snyoms par zhugs so
de nas de bzhin gshegs pa stong spyi phud kyi rgyal po zhes bya ba des bcom ldan 'das nyid la bskor ba lan gsum byas nas
de bzhin gshegs pa de yang mi snang ba'i chos nyid kyi pho brang rnam par dag par gshegs so
de nas 'khor thams cad ye shes chen po'i snang ba la gral gcig tu 'khod do
zhes rig pa rang shar chen po'i rgyud las
de bzhin gshegs pa rang byung gi le'u ste gya gcig pa'o
@82
de nas yang de bzhin gshegs pa dgra bcom pa chos thams cad yi bzod pa thob la ye shes mngon du gyur ba'i sangs rgyas bcom ldan 'das gzi brjid rnam par bkod pa zhes bya ba des
819
'khor gyi mkha' 'gro ma sde chen po bco brgyad la 'di skad ces bka' stsal to
kye kye ye shes chogs bdag nyon
nga yi rang rang don nyid bsan
legs par yid la len par gyis
yang dag rnal 'byor chen po'i don
mkha' 'gro shugs 'gro stobs kyis 'gro
ri rab gnas dang rgya mtsho'i gnas
de bzhin nam mkha' bar sang gnas
sa chu me la gnas pa dang
de bzhin rlung dang shing la gnas pa dang
ye shes gnas dang dbyings la gnas
ye shes dang ni chos las grub
las dang sha za'i 'khor dang bde chen gnas
sde tshan bco brgyad 'khor bcas mkha' 'gro ma
rnal 'byor chen po'i don nyid ngas bshad kyis
gzhan du ma gyur rtog bsal yid kyis nyon
bde chen rigs la gnas pa rnams
yang dag rnal 'byor don tshol na
nga yi bstan pa 'di la zhugs
lha rnams dkyil 'khor thams cad kyang
nga yi rgyud rgyal 'di yis 'grub rigs gsal dkyil 'khor don nyid rnams
820
rang las byung ba'i dkyil 'khor nyid
yang dag rdzogs phyir nga yis bshad
gsang sngags lam gyi 'jug sgo rnams
don rnams mtshon phyir nga yis bshad
rig pa'i ye shes thug med rnams
nga yi dkyil 'khor nyid yin pas
khyod kyis go ba shin tu dka'
de phyir nga yi ye shes lta bar gyis
phyag rgya'i lam nyid sbyang ba'i phyir
rdo rje'i dkyil 'khor nyid du bshad
mkha' 'gro'i sde tshogs 'khor bcas rnams
nga yid dkyil 'khor blta 'dod na
man shel dkyil 'khor nyid la ltos
nga yi ngo bo lta 'dod na
dbyings kyi sgron ma dag la ltos
nga yi cho 'phrul blta 'dod na
bar snang khams kyi 'ja' tshon ltos
nga yi rig pa nyid la lta 'dod na
lu gu rgyud kyi sku la ltos
nga yi ye shes lta 'dod na
me long dkyil 'khor dag la ltos
nga yi thugs rje blta 'dod na
nyi ma'i zer dang skar mda' ltos
nga yi rol pa blta 'dod na
sna tshogs rtsi shing nags tshal ltos
nga yi dgongs pa blta 'dod na
rgya mtsho chen po'i gting la ltos
821
nga yi sprul pa lta 'dod na
rlung gyi dkyil 'khor la ltos
nga yi yon tan lta 'dod na
klu rgyal dga' bo'i gtsug la ltos
nga yi zhing khams lta 'dod na
gzugs sku rnam gnyis dgongs pa ltos
nga yi bzhugs tshul lta 'dod na
gzhon nu bum pa nyid la ltos
nga yi rtsal nyid lta 'dod na
gzhon nu dpa' bo'i stobs ldan ltos
nga yi dbu rgyan lta 'dod na
mar me'i dkyil 'khor dwangs pa ltos
nga yi sku la blta 'dod na
ma bskyod nam mkha'i mthong sa su ltos
nga yi ye shes rol pa las
thams cad 'byung zhing thams cad 'phro
nga yi dgyings la lta 'dod na
nam mkha' stong pa'i yul la ltos
nga yi thugs snang ba lta 'dod na
kha dog lnga yi 'od la ltos
nga yi phrin las blta 'dod na
brjod du med pa'i ngang la ltos
nga yi thig le lta 'dod na
mkhar gzhong nang gi chu la ltos
nga yi zang thal lta 'dod na
rngul tshon me long nyid la ltos
de bzhin nga yi cho 'phrul rnams
zad med 'phel pa med pa'o
822
e ma ho
rnam dag chen po'i dkyil 'khor la
rgyu rkyen gnyis kyi chos dang bral
gsal la rang byung ye shes don la spyod
yid drug yul dang rkyen rnams kun
gang dag 'dzin pa ltos par 'gyur
phyogs 'dzin med na bde ba ste
ngar 'dzin yul las rnam par thar
bdag 'dzin chos kyis rnam par stong
rtog par 'dzin pa'i yul las grol
mtshan ma ye shes rgyan nyid mthong
ltos pa lam gyi chos las grol
de yang rig pa'i don nyid rtogs
rtogs pa'i ye shes don dang mjal
mthong ba nyid las dpe gzhan med
dpe med ye shes rang nyid snang
gang gis ma gos phyogs dang bral
'das dang ma 'das tshig gi lam
lam la chags shing bcos su med
chags pa med pa'i ye shes nyid
chags dang ma chags mtha' las 'das
chags dang ma chags yul la snang
'das dang ma 'das dus gsum bzhugs
bzhugs dang ma bzhugs mtha' las rgyal
'das dang ma 'das chags par snang
ma 'ongs tshig gi yul las 'das
823
yin dang min pa'i mtha' gnyis spang
gsang sngags kun gyis tshad mar gsungs
gang la bde ba shugs kyis 'grub
de bzhin bsgom pa'i don rtogs nyid
ye shes mkha' la rnam par rol
'byung ba'i chos nyid rnam par dag
yul nyid stong pa'i mtha' las grol
rtogs dang ma rtogs tshig gi lam
yang dag bde ba'i nyams spangs nas
ye shes don la lhang nge'o
sangs rgyas kun gyi mdzad pa na
yul dang sems la mi gnas pa'o
yang dag stong nyid mkha' la rol
spyod pa mthar phyin don la spyod
rnam dag sku la ngos gzung med
ye shes sgyu lus mtshungs pa med
ye shes lam la rgya chad med
ye shes yul ni yangs pa che
ye shes sprul pa mtha' yas shing
sems can mtha' la thug pa med
ye shes sku la 'phel 'grib med
de bzhin mtshan ma'i spyod pa med
gsang ba'i don la mthar thug med
gzung 'dzin yul las yang dag thar
thar pa nyid la bcos su med
rtog pa'i rnam pa yul las 'das
824
gzung 'dzin zhen pa'i mtha' las 'das
rnam rtog 'dzin pa'i yul las thar
zhe 'dod phra mo'i blo dang bral
mtshan ma'i ming gi mtha' las 'das
ye shes mkha' la kun rol kyang
rnam dag lam la thug pa med
rig pa'i rgyal po kun spyod kyang
mnyam nyid ye shes mthong ba med
mthong ba'i lam la rtog pa med
goms pa'i lam la mthar phyin nas
rgyu yi lam la thig le gnas
zhen pa'i mtha' las rnam par grol
gza' gtad chos nyid rnam par sangs
tshig dang ye shes yul la shar
'char bya 'char byed blo las grol
rnam rtog 'khor ba'i gzungs 'dzin stongs
dag pa'i ye shes rang snang la
bskyed pa'i rgyu dang mtshon pa'i tshig
ming gi tha snyad chos dang bral
yul dang mngon rtogs chos las 'das
gsang sngags yang bcud don rnyed cing
mtshan mar 'dzin pa'i 'khor ba sangs
ye shes sku nyid don la rgyas
sangs rgyas zhes kyang de la bya
byang chub sems dpa'i nges tshig rnams
byang ni chos kyi sku la byang
chub ni longs sku lnga ru chub
sems dpa' sprul skus 'gro don byed
825
mdzad pa ye shes nyid du snang ba'o
de nas mkha' 'gro ma'i tshogs rnams mchog tu dga' ba'i sems dang ldan nas
de bzhin gshegs pa gzi brjid rnam par bkod pa de la 'di skad ces zhu ba zhus so
kye bcom ldan 'das ye shes thabs kyi bdag nyid dang ldan pa
bdag cag mkha' 'gro ma'i rigs rnams ni
ye shes la spyod pa dang ldan pa yang sha stag yod
sems can rnams la rnam par 'tshe ba'ang sha stag yod
rgyal ba'i zhal ma mthong ba yang sha stag bdog pas thugs rje dang ldan pa
bdag cag rnams bstan pa gang la gnas par bya
ston pa chen pos lung bstan du gsol
zhes zhu ba phul lo
de nas yang de bzhin gshegs pa des 'di skad ces bka' stsal to
kye ma mkha' 'gro ma'i rigs dang sde rnams nyon cig
khyed rnams yi rigs rnams nga'i bstan gyis
legs par yid la zung la nyon cig
de yang gtan la 'di ltar dbab par bya ste
ye shes dang ye shes las grub pa nyid dang
las dang las las grub pa nyid dang
mkha' 'gro ma'i rigs rnams bsam gyis mi khyab pa rnams de'i nang du 'dus so
826
de nas yang mkha' 'gro ma'i rigs rnams kyis 'di skad ces gsol to
kye kye ston pa chen po ye shes skye pa'i rgyu
bdag cag mkha' 'gro ma'i rigs rnams la
don gyi snying po bstan pa'i phyir
rang rang snying po yang dag bzung
de yis ye shes lha dang 'phrad
'phrad nas dngos grub rnyed par 'gyur
de nas de bzhin gshegs pa des
shin tu gsang ba'i snying po rnams
'di ru ma bstan gzhan du sbas
de nas yang dag ma mo'i tshogs
dpag tu med par tshogs pa rnams
dga' mgu yi rang thal mo sbyar
mtshon pa'i tshig gis 'di skad brjod
kye ma rdo rje rgyal po nyid
snying po bzhes pa rjes yi rang
bdag cag mkha' 'gro'i 'khor rnams kun
bstan pa 'di la ma gnas na
sha 'gul snying 'dar mgo lus 'bral
mgo bo du ma bu stong du 'gyur
lus dang yan lag de bzhin no
de phyir bstan pa 'di la gnas
rgyud chen 'di yi mel tshe byed
ces ni khas blangs dam bcas pas
bcom ldan nyid kyi zhal na re
827
mkha' 'gro chen mo de bzhin no
khas blangs de las ma 'da' bar
rang dang don la brtson par gyis
ye shes spul pa phyogs bcur khye
zhes ston pa de nyid kyi spyan sngar dam bcas so
de nas yang gsang ba'i bdag pos 'di skad ces gsol to
kye bcom ldan thugs rje chen po dang ldan pa
mkha' 'gro ma de rnams kyis lung bstan pa byung na ci ltar bgyi
ston pas lung bstan du gsol
zhes zhus so
de nas thugs rje'i bdag po de nyid kyis bka' stsal pa
kye gsang ba'i bdag po don la dgongs pa'i 'khor rnams nyon cig
ngas don ma nor bar bstan gyis 'dod pa sol la
sems yengs pa med par nyon cig
lung ston pa la gnyis te
mkha' 'gro ma bdag gi dbang du gyur pa dang
bdag mkha' 'gro ma'i dbang du gyur pa gnyis yin te
bdag gi dbang du mkha' 'gro ma gyur pa ni
las thams cad 'grub cing bya ba rdzogs pa'o
bdag gi dbang du mkha' 'gro ma 'gyur ba'i thabs ni
rigs kyi bu de nyams su len pa'i dus su lung ston pa dag byung nas
de la chags pa dang dga' ba'i sems ma bskyed cig
828
de la rtog par mi 'dzin na
bdag gi dbang du mkha' 'gro ma gyur pa zhes bya'o
nges don gang yang ston mi nus so
ye shes rnam par dag pa'i mkha' 'gro ma 'jig rten du mi 'byung ngo
sha za las kyi mkha' 'gro ma 'jig rten du 'das te
sgrub pa po'i drod nyul du 'ong ba dag yod de
de ni gzugs mngon par snang ba med pa'i phyir
grol bar mi nus so
yang dag pa'i lam las pha rol du 'gro bar bya ba'i phyir
mkha' 'gro ma rnams kyis nga la srog gi snying po dus gcig tu phul pa yin no
bdag mkha' 'gro ma'i dbang du gyur pa ni
bdag nyid kyis lung ston pa de la bden par bzung nas
lung ston pa de la rtag par bzung ste
lus la mi chags pa'i spyod pa byed cing
'bras bu yin min gnyis kyis mtha' las 'das so
zhes bya ba brjod cing
lung ston pa de la rjes su 'dzin pa de ni bar du gcod pa'i bdud nye bar gyur pa yin pas
de'i dus su bdud kyi bslu bar ngo shes par bya'o
de ni mu stegs log pa'i cha 'dzin pa'i spyod pa zhes bya'o
'bras bu med pa'i rgyang 'phen pa zhes bya'o
829
'bras bu gang la yang mi re zhing las kyi nye bar 'grub po zhes bya ba la sogs ston pa yin no
de'i phyir na lung ston pa la rtag par ma 'dzin cig
zhes pa yang dag pa'i ye shes la brjod gzhi thams cad dang bral ba'i rig pa rtog med 'char ba yin no
lung thams cad rang gi rtsa ba'i lung chen po'o
de'i phyir na lung bstan pas mi grol bar bshad pa'o
de nas yang bcom ldan gzhon nu dpa' bo stobs dang ldan pa de nyid kyis ting nge 'dzin las bzhengs nas
de bzhin gshegs pa gzi brjid rnam par bkod pa de la legs so zhes bya ba byin pas
stong gsum gyi stong chen po'i 'jig rten gyi khams thams cad
de bzhin gshegs pa'i sku mang pos rol par shar ro
sku de rnams kyang mi che mi chung che chung snyoms pa yungs 'bru tsam bsam gyis mi khyab pa byung ngo
de nas de bzhin gshegs pa de nyid kyis
sar ba si ti sam ha ra na hum
zhes brjod pas sku de dag thams cad thugs kar thim nas
de nas yang ting nge 'dzin la snyoms par zhugs so
de bzhin gshegs pa gzi brjid rnam par bkod pa des
830
bcom ldan 'das khro rgyal de nyid la bskor ba lan gsum byas nas mi snang ba'i chos nyid kyi pho brang chen po rnam par dag par gshegs so
zhes rig pa rang shar chen po'i rgyud las
mkha' 'gro mas snying po phul ba'i le'u ste gya gnyis pa'o
@83
de nas yang gsang ba'i bdag pos 'di skad ces gsol to
bcom ldan rdo rje 'od dpag med
ting nge 'dzin las bzhengs su gsol
kye ho bcom ldan thugs rje can
yang dag nges pa'i sar sgrol phyir
ting nge 'dzin la ma bzhugs shig
'khor gyi rtogs pa'i rgyud nyid sol
ma rig mun pa legs bsal cing
ye shes snang ba bstan pa'i phyir
bdag cag rnams la bka' stsal zhu
zhes zhus so
de nas bcom ldan 'das khro bo'i cha lugs can ting nge 'dzin las bzhengs nas
stong gsum gyi stong chen po'i 'jig rten gyi khams thams cad 'od kyi snang bas khengs so
phyogs thams cad kyang rnam pa drug tu g.yos so
'jig rten gyi khams thams cad kyang 'ur 'ur rab tu 'ur 'ur ro
chem chem kun tu rab tu chem chem mo
831
kun tu 'gul rab tu 'gul lo
rab tu 'phrigs pa dag dang ldan par gyur to
de nas bcom ldan 'das kyis 'di skad ces bka' stsal to
kye ma gsang ba'i bdag po nyon
ngas bstan rdo rje sems kyis nyon
sangs rgyas ye shes thogs med ni
bya ba gtang gzhag med par bshad
yang dag thugs kyi me long las
'jig rten khams kun 'od zer 'phros
'phros pa rang la 'dus pa'i ye shes lnga'o
sangs rgyas sems can chos las grol
'dod dang chags pa'i ye shes mi dang 'dra
byas pa'i las su shes pa gang dag brten
rten med ye shes lus las 'das pa'i sku
e ma rdo rje'i sku la snang srid gsal
brten pa'i ye shes yangs pa'i dkyil 'khor ldan
sangs rgyas mdzad pa'i yon tan ni
phyogs dang gnas dang 'dzin pa med
rtogs pa'i don la ngos bzung med
yang dag chos la 'byung ba rdzogs
rtag par mi 'gyur rdo rje'i sku nyid las
ltung ba'i phyogs nyid ga la yod
'dzin rtog mtha' dang bral ba'i chos
mngon sum yul la mi gnas pa'o
832
rdo rje gsang ba'i dkyil 'khor nyid
yang dag lam la de bzhin gshegs
dngos po'i phyogs nas stong pa'i yul
zhe 'dod mtshan ma'i chos dang bral
dag pa'i ye shes chen po'i lam
rang gi de nyid yul la snang zhing 'phro
'dzin pa med na bde ba rnyed pa yin
rtog pa med na rang sangs chos kyi sku
yul med sems la 'dzin pa ma rig dngos
phyogs med yul la bde ba'i sku nyid shar
yang dag lam la thogs med ye shes sku
yod med ngang las lha yi dkyil 'khor nyid
zang ma thal byung mtshan ma'i chos las grol
rtog med chos sku'i dngos po de bzhin no
rang bzhin gcig pas ngo bo tha dad cing
sku las ye shes 'phro zhing yul la khyab
'bar ba'i 'od zer phyogs bcu'i zhing du 'phro
thams cad 'dus pa'i thig le che
ma lus 'dus pa'i thig le che
yang dag sna tshogs thig le che
yongs rdzogs lam gyi thig le che
rnam dag dbyings kyi thig le che
mkha' mnyam bum pa'i thig le che
'khrul med stong pa'i thig le che
don dam chos nyid thig le che
833
sgron ma yul gyi thig le che
brjod med lhun gnas thig le che
mtshan ma ming gi thig le che
gsang ba yum gyi thig le che
lus la sems kyi thig le che
rnal 'byor rdzogs pa'i thig le che
yangs pa dbyings kyi thig le che
chos nyid rtsa ba'i thig le che
'du 'bral med pa'i thig le che
sems med rig pa'i thig le che
sangs rgyas gsang ba'i thig le che
theg chen don gyi thig le che
ye shes nam mkha'i thig le che
mngon sum byung ba'i thig le che
sangs rgyas rnal 'byor thig le che
thig le'i don rnams 'dus pa'o
e ma ho
yang dag gsang ba thugs dkyil na
ma bkod nor bu'i phung po bzhin
'od zer nam mkha'i mtha' dang mnyam
yul med yul la gcig par 'khyil
lam med lam las mthar phyin zhing
rtog med yul las mngon sangs rgyas
gdod nas dag pa'i snang srid sku
bltas pa med par thams cad gsal
phyin pa med pas gnas su bgrod
don med yul gyi blta ba mthong
dmigs pa dag pa'i mkha' la gsal
834
zag med lam la mthar phyin 'gyur
rang snang yul la de bzhin gshegs
bgrod med lam la 'gyur ba med
rdo rje'i lam la thig le 'phro
'das pa'i lam la snang srid gsal
sangs rgyas ye shes mnyam pa'i don
nga med nga yi ngang du rdzogs shing 'phro
bdag med rdzogs pa'i chos nyid do
yul med rang byung don la 'jug
rtog med gsang sngags don la sbyar
'dzin med rang snang nam mkha' lding
bder gshegs sa bon myu gur bcas
mthar spyod chos kyi 'dzin pa med
rnam rtog g.yeng ba'i bdud dang bral
yod dang med pa'i chos las grol
gzung 'dzin sems kyi dri ma med
rnam rtog yul gyi bdud dang bral
sangs rgyas lam dang 'du 'bral med
gsang ba'i ye shes mkha' la bskyod
'dzin pa med par rang sar thal
rdo rje rdo rje gsang ba'i rigs
ye shes sku la yon tan rdzogs
chos kyi sku la mtshan ma grol
yul gyi sku la 'dzin pa spangs
nga nyid ma bskyod dbyings su gshegs
nga nyid rig pa'i sku dang 'phrad
835
rtogs mthong ldan pa'i gang zag la
rtog pa yul gyi mtha' las grol
rnam rtog sems kyi dri ma med
ngar rtog zhe sdang mdud pa grol
shes rab yum gyi mkha' la rol
stong pa rang sangs ngo bo nyid
yul ni stong pa'i mkha' la rol
sems dang rnam rtog 'dzin pa med
yul dang dbang po tha dad med
shes bya yul gyi bdud dang bral
stong pa rang byung rang shar sku
rgyu rkyen gnyis dang bcas pa'o
e ma ho
yang dag don gyi ye shes ni
ming dang sgra dang tha snyad chos dang bral
yang dag rdzogs pa'i sangs rgyas rnams
bla med 'bras bu rnyed pa'i phyir
gsang sngags rdzogs pa'i theg chen 'di
sus kyang rnyed par mi 'gyur te
rnal 'byor gsang sngags bdag po yis
theg rgyal 'di ni thugs su chud
lam gyi mchog dang nye ring med
gsang sngags don dang 'du 'bral med
ye shes lam la mthar thug med
'byung ba'i dkyil 'khor 'od du gsal
zag med lam la de bzhin gshegs
bgrod med lam la rnam par 'khod
chags med lam la de bzhin gshegs
836
mthar thug lam la gnyis med gsal
rnam dag lam la pha rol phyin
rtog med lam la dkyil 'khor rdzogs
sems sogs 'phro ba'i 'ching ba grol
bsam sogs stong pa'i chos dang bral
yin min bzang ngan yul las 'das
mtha' ru ltung ba'i chos las grol
'od kyi snang ba 'gag med cing
zer gyi sprul pa phyogs bcur 'phro
ma rig 'ching ba'i mdud pa grol
ye shes snang ba chen po rnyed
lam dang bya byed chos las 'das
bzang ngan yul dang 'dzin rtog bral
shes dang mi shes tshig gi lam
gsang sngags kun gyi bcud phyung pa
shes rig yul gyi rta pho la
shes rab 'gag med mis zhon nas
bar snang khams su lam phyung nas
stong pa chen po'i chos rnams sdud
lam gyi gtan tshigs brgyad dang bral
'dzin rtog yul gyi dri ma sangs
bde ba'i ye shes 'gag pa med pa'o
e ma ho
yangs so che'o ches che'o
chung ngu rnams kyi gnyen po mdzad
bde ba'i lam la zad med phyir
yang dag gsang ba don gyi bcud
thabs dang shes rab don la 'phags
837
e ma ho
stong pa yul gyi nam mkha' la
yang dag bde ba'i sku gcig shar
byas pas mtshan ma'i chos las grol
skye 'gag med pa so sor gsal
'byung 'jug med par mkha' la 'khyil
yod med bzang ngan rtog pa sangs
cig char rim gyis bskyed du med
yin min mtshan ma'i chos las grol
snang dang stong pa'i tha snyad med
ye shes ye shes khyad par las
gsang sngags don las 'das pa med
yengs dang ma yengs gnyis su med
yang nas yang du ye shes mthong
mthong ba de las dpe gzhan med
gsal la 'dzin pa'i bdud med na
byas pas yang dag med pa nyid
rang gi snang ba chen po nyid
yod pa ma yin mkha' la thim
med pa ma yin rang 'od 'bar
nam mkha'i ngang la ye shes bzhi
stong pa'i ngang las 'od du gsal
tshad med ngang las ye shes gsal
yod med ngang las sangs rgyas rnyed
bde chen ngang du mngon rdzogs rnyed
rdo rje ye shes sems dpa'i tshul
gsang sngags ye shes don la snang
838
'dzin med ye shes yul la snang
rang snang rnam dag dgongs pa ni
bsam las 'das pa'i chos sku'i don
yod med yul dang zhen pa sangs
rnam pa stong dang gting na gsal
byas pa'i chos las de bzhin 'das
dgongs pa'i ye shes rang byung ba
yul dang snyigs ma'i snang ba med
sa la gnas dang 'gro ba med
rtog pa yul gyi rtsa ba med
kye ma gsang sngags rdo rje'i bdag
yod med gnyis kyi mtha' las 'das
gsang sngags tshig las don byung bas
blo yi gting du yang dag go
kye ma ye shes bden pa nyid
yul du med la lam dang bcas
snang ba yul gyi 'dzin pa med
byas pa'i lam dang byung ba'i lam
'du 'bral med par lhun gyis grub
thig le'i lam dang stong pa'i yul
bstan pa'i ye shes yul gyi gnas
phyogs char 'dzin pa'i sems med na
bsam pa rtsis kyi yul med cing
lam snang 'bras bu tshad ma min
cir snang yul gyi dngos pos stong
bya byed gnyis kyi mtha' dang bral
stong dang 'dzin pa'i tha snyad med
gcig dang du ma'i mtha' las 'das
839
yod med bzang ngan yul las 'das
stong pa rang byung tshig las 'das
bya ba rdzogs pa'i rgyud nyid sangs
yin min tshig gi sgro 'dogs chod
gsang sngags thabs kyi skur shar ba
'dzin med shes rab 'od lnga'i yul
rtog med gsal ba'i lam lngar snang
'gyur med yangs pa'i dbyings su thim
tshad med dpe yi gol sa bcad
mtha' dag ye shes rang snang nyid
chos spyod rtogs pa'i lam las grol
rnam rtog 'ching ba'i bdud dang bral
gsang sngags lam gyi mtshan ma nyid
gang ltar med la de ltar snang
yongs su rnal 'byor chen por rtogs pa'o
zhes rig pa rang shar chen po'i rgyud las
mtshan ma zil gyis mnan pa'i le'u ste gya gsum pa'o
@84
de nas dus de nyid du de bzhin gshegs pa gseng gyi 'od zer snang bzhes bya ba de nyid du gyur nas 'khor dpag tu med pa la 'di skad ces bka' bsgo ba mdzad do
kye skyes bu dam pa rnams legs par nyon cig
dga' ba'i dad pas gus par nyon cig
dad pa'i blo yis rtse gcig tu nyon cig
840
yid gzhan du ma yengs par nyon cig
nga ni sngon yul rnam par bkod pa mdzes ldan chen po zhes pa na yod pa'i tshe
yang dag par rdzogs pa'i sangs rgyas rin po ches rnam par brgyan pa zhes bya ba nga'i mdun du lhags nas 'di skad ces bka' stsal to
kye skyes bu dam pa smra ba'i seng ge khyod nyon cig
rin po che rnam par bkod pa'i phung po ni dpangs mtho
rin po che'i gzhal yas khang ni bkod legs
rin po che rnam par bres pa'i btsun mo ni rgyan bzang
rin po che rnam par bkod pa'i dra ba ni cha snyoms
rin po che mdzes pa'i rta ni bang mgyogs
rin po che sna tshogs kyi bang ba la zad pa med
rin po che sna lnga'i thang ni kun snyoms
rin po che gsang ba'i nyi ma la 'char nub med
rin po che chu'i pad ma la gos pa med
rin po che me'i dkyil 'khor ni brtsegs legs
rin po che rlung gi shes rab la thogs pa med
rin po che sa'i dkyil 'khor ni theg pa che
rin po che'i nam mkha' la mtha' dang dbus med
rin po che 'bar ba'i 'od la 'char nub med
rin po che'i zer gyi phreng ba ni brtsar legs
841
rin po che stong pa'i dkyil 'khor ni bri legs
rin po che mtha'i rgya mdud gsum ni dril legs
rin po che'i gting gi mun gsal
che chung ni yangs la lhun 'thug
rin po che rgyal mtshan gyi rtsel nub pa med
rin po che sgron ma 'bar ba ni 'od gsal
rin po che gsang ba'i ye shes la 'phel 'grib med
rin po che rnam par grol ba'i lam la bgrod du med
rin po che sku gdud 'bar ba'i mchod rten ni brtsegs legs
rin po che rdo rje'i gdan la 'gyur ba med
rin po che stong pa'i lam la thug pa med
dgongs pa rang gnas kyi man ngag tu bstan pa'o
de nas de bzhin gshegs pa des 'khor gyi byang chub sems dpa' rnams la bka' stsal pa
kye nye ba'i 'khor rnams legs par nyon cig
ngas ye shes dang thabs la 'jug pa'i sgom shes nas
zhing khams rgyan bzang po zhes bya bar de bzhin gshegs pa glog gi 'od zer snying po zhes bya bas nga la lung bstan pa
kye rgyal ba'i sras po nyon cig
yang dag par rdzogs pa'i sangs rgyas kyi dgongs pa la mthar thug pa med do
842
sangs rgyas kyi dgongs pa la tshad med do
shes rab la rtsis med do
gnas la bzang ngan med do
blta ba la yin min med do
gzhi la rgya chad med do
lam la 'pho 'gyur med do
'bras bu la 'gyur ldog med do
ye shes la gsal 'grib med do
shes rab la sems med do
gsang sngags thams cad kyi dgongs pa'i tshad 'di las ma gtogs pa gzhan med do
'du 'bral med pa'i ye shes lam la mngon par snang ba nyid do
dbyings la thug pa med pa'i ye shes chen po la mtha' dang dbus med do
de skad ces lung bstan nas
de bzhin gshegs pa de yang mi snang ba'i dkyil 'khor la gshegs so
ngas kyang lung bstan pa de la nges pa rnyed do
de nas de bzhin gshegs pa de'i 'khor du gtogs pa 'od zer ston pa'i khye'u zhes bya bas
de bzhin gshegs pa de la 'di skad ces gsol to
kye kye ston pa de bzhin gshegs
bdag cag mos pa'i 'khor rnams la
thabs chen gtan tshigs gsung du gsol
zhes zhus so
843
de nas de bzhin gshegs pa des 'di skad ces bka' stsal to
kye ho khyi'u rin chen nyon
ngas bstan legs par yid la zung
gsang sngags dgongs pa'i yang bcud ni
lam dang shes pa'i snang ba 'das
'byung ba gdod bral chos nyid stong
lam med 'dzin pa med pa'i snang ba'o
yul dang chos dang sems las grol
yang dag chos nyid sku nyid rtogs
mthong ba'i chos nyid yul la 'jug
dag pa'i chos nyid yul dang bral
gsang ba'i ye shes mthong ba che
mtha' dag ye shes yangs pa che
gsang sngags ye shes tshig las 'das
mtshon pa'i sku dang tha snyad stong
yod med 'dzin pa'i rtsol ba sbyangs
yang dag thugs la nyi shar bzhin
stong pa'i ye shes tshig mtha' yas
dag pa'i mkha' la nor bu gsal
yang dag don la brjod gzhi ming
'das dang ma 'das tshig gi lam
gsang sngags gcig pa'i ye shes ltos
yod med 'dzin pa'i bya ba dang
gsang sngags tshig gi mtha' las grol
shes pa yul gyi lam dang bral
mtshan ma'i tshig gis spyod pa med
844
gsal 'grib 'dzin rtog ngang gis bcom
rnam rtog 'khor ba'i bdud bzhi bcom
'khor ba 'dzin pa'i mdud pa bkrol
yid bzhin chos nyid re dogs bsal
'dzin pa yul gyi gol sgrib spangs
ye shes don la mthar phyin pa'o
zhes rig pa rang shar chen po'i rgyud las
dgongs pa lung bstan pa'i le'u ste gya bzhi pa'o
@85
de nas yang mkha' 'gro ma'i 'khor dang
gsang ba'i bdag po dang
mi ma yin gyi rigs bsam gyis mi khyab pa dang
byang chub sems dpa' sems dpa' chen po rabs bdun gyis
bcom ldan 'das gzhon nu dpa' bo stobs ldan nyid la 'di skad ces gsol to
kye kye ston pa ye shes sku
ston pa mya ngan 'das 'og tu
sku yi rten ni gang la bgyi
gsung ni gang gis sgrog par 'gyur
thugs kyi rten ni gang gis bzung
nyid kyi snang ba gang la bgyi
bdag cag mos pa'i 'khor rnams la
lung bstan rgyas pa gnang bar mdzod
ces zhus so
de nas gzhon nu dpa' bo stobs ldan gyis bka' stsal pa
kye ho mos pa'i 'khor rnams nyon
845
ngas bstan gsang sngags thabs kyis nyon
nga la 'khor 'das gnyis med kyang
ston pa mya ngan 'da' tshul ston
gsang sngags thabs la mkhas pa yis
nga ni mya ngan 'das 'og tu
ston pa nga yi gdung 'dzin pa'i
ston pa nga yi sku rten ni
'di ltar kun la shes par bya
sku dang gdung dang ring bsrel dang
rnam gsum nga yi sku rten bzhag
gdung la rnam pa lnga bstan te
de yang bstan pa 'di ltar yin
sra mkhregs rdo rje 'dzin pa kun dang bral
gsang sngags 'bras bu gcig tu dril pa'i rtags
dbyibs zlum kha don sna tshogs 'od zer 'phro
che na srun ma'i 'bras bu tsam du bshad
chung ba'i tshad ni yungs 'gru tsam
til 'bru tsam du rgyal bas bshad
de yang rigs bstan 'di lta ste
rdo rje'i gdung dang pad ma'i gdung
rin chen gdung ngang las kye gdung
de bzhin gshegs pa'i gdung du bshad
nga ni mya ngan 'das 'og tu
sku yi rten du gdung bzhag cing
'gro ba'i mos pa bskyed pa'i phyir
nga yi phung po'i rten rnams su
846
gdung gi rigs chen 'di bzhag go
sha yi rten du sha ri ram
yang dag nyid du bzhag pa'o
khrag gi rten du chu ri ram
sra mkhregs rdo rje'i rten du bzhag
rus pa'i rten du ba ri ram
rgyal ba nyid kyis tshad du bzhag
yan lag rten du nya ri ram
shin tu spras te bzhag pa'o
ring bsrel nga yi rgyan gyi rten
sku ni nga yi tshab du bzhag
gsang sngags 'bras bu'i bcud phyung ba
rgyal ba kun gyi tshab mar bzhag pa'i
nga ni mya ngan 'das 'og tu
thabs ldan mya ngan 'da' 'dod na
gsang sngags thabs la ma yengs spyod
thabs ldan mya ngan 'das pa de
sku dang gdung dang ring bsrel dang
dpag tu med pa'i rtags 'byung ngo
de ni sku yi rten du gsungs pa'o
nga yi thugs kyi rten du yang
'di bzhin sems can kun la bzhag
sems can kun gyi cit ta na
mthing ga dkar po ser le brgan
ljang gu sna tshogs 'bar ba'i 'od
sku dang bcas te rab tu bzhag
thugs kyi dkyil 'khor chen po ni
'das dang ma byon da ltar gyi
rgyal ba kun gyi dgongs pa ni
thugs las bton te bzhag pa'o
nga yi thugs kyi rten du yang dag bzhag
847
sems can rnams kyi sa bon byed par 'gyur
thugs kyi rten du de bzhin no
nga yi gsung gi rten nyid du
brgyad khri bzhi stong theg pa'i sgo
bsam gyis mi khyab brjod mi langs
bgrang du med de grangs las 'das
dpag tu med pa gsungs pa'o
de yang bsdu na 'di lta ste
mdo sde 'dul ba mngon pa dang
rnam pa gsum du gsungs pa'o
de yang rang nyid dag la rdzogs
nga yi gsung gi dkyil 'khor du
dam pa 'di nyid yin par gsungs
rgyud chen rgyal po 'di nyid kyis
sems can rtog pa sel bang 'gyur
nga yi gsung du 'di bzhag pas
sems can ma rig lcags las 'grol
gsung gi dkyil 'khor de bzhin no
nga yi snang ba 'di lta ste
sems can kun gyi mig la gnas
de ni sgron ma 'bar ba yi
'od ni thogs pa med pa'o
de la yengs med yid kyis bltas gyur na
snang ba chen po shar ba de
nga yi snang ba chen po yin
de bzhin sku dang gdung dang 'od rnams kyang
mya ngan 'da' bar gang 'dod pa
de la rtags rnams 'byung bar bshad
848
sha ri ram ni mgo las byung
chu ri ram ni khrag las byung
ba ri ram ni tshig las byung
nya ri ram ni rkang las byung
de yang rigs bstan 'di lta ste
sha ri ram ni dkar la dwangs
chu ri ram ni sngo la nag
ba ri ram ni dkar ser ldan
nya ri ram ni smug nag ste
de bzhin kha dog dbye ba'o
sha ri ram gyis skye med thob
chu ri ram gyis chos sku thob
ba ri ram gyis longs sku thob
nya ri ram gyis sprul sku thob
de ni 'bras bu'i tshad du bstan
sku la rnam pa gnyis yod de
zhi ba dang ni khro bor gsungs
khro bo de bzhin gshegs pa'o
zhe bas sprul sku 'byin mi nus
mtshan ma rtags dang mi ldan na
stong pa chen po'i mkha' la 'khyil
de yang skye med thob par gsungs
phyi nang gsang ba'i drod rnams kun
thob nas de bzhin gshegs par gsungs
the tshom med par de bzhin gshegs
sa la thogs pa med pa thob
lam la 'gyur ba med pa rnyed
dkyil 'khor don la de bzhin gshegs
sa rnams la yang de bzhin no
skye med 'bras bu med par bshad
849
byed pa'i chos dang byas pa'i chos
gang gis phyogs su ma lhung ba'o
'dzin med rang sangs ngo bo nyid
'das pa brjod du med pa'i
zhes rig pa rang shar chen po'i rgyud las
rgyal ba'i rten bzhag pa'i le'u ste brgyad cu gya lnga pa'o
@86
de nas 'khor de dag thams cad kyis ston pa chen po de la mgrin gcig tu thal mo sbyar nas 'di skad ces gsol to
kye kye bcom ldan 'das thugs rje dang thabs su ldan pa
bdag cag rnams kyis rgyud kyi rgyal po 'di ji ltar gzung bar bgyi
rjes su 'jug pa rnams la ji ltar bstan par bgyi
ston pas lung bstan du gsol
zhes zhus so
de nas yang bka' stsal pa
kye ma nyon cig rigs kyi bu
rgyud rgyal ye shes nges pa 'di
kun gyis gzung bar dka' ba yin
rig dang ldan pa rnams kyi bcud
gsang ba'i bdag po khyod kyis zung
rjes su 'jug pa'i 'khor rnams la
bstan phri med par khyod kyis byin
nga yi rgyud chen rgyal po 'di
'jig rten khams su 'byung bar dka'
'jig rten khams kyi bcud yin pas
850
thabs dang ldan pas blang bar bya
gsang sngags don gyi dgongs pa'i phugs
'di ru dgongs nas rgyud du bstan
e ma ho ngo mtshar shin tu che
'dis ni ma rig mun pa sel
khams gsum 'khor ba'i gdung ba sel
nyon mongs 'dam las pad ma skyes
ye shes mkha' la rnam par rol
de phyir rgyud kyi rgyal po 'di
gsang ba'i bdag po khyod kyis zung
nga ni mya ngan 'da' 'og tu
mos pa sbyangs pa'i 'khor rnams la
khyod kyis legs par bstan par gyis
yang dag ye shes chen po'i don
'dir ma 'dus pa gcig kyang med
nga yi bstan pa bzhin du byos
zhes brjod nas mi snang ba'i ngang du gshegs so
de nas 'khor de dag thams cad skad gcig tu yid 'khrugs so
de nas yang nam mkha' nas sgra 'di skad ces sgrogs so
ba dzra a sha ta na ke sha ya ya a hum
dha sing
zhes byung bas 'khor rnams yid 'khrugs pa las thar ro
de nas de rnams kyi nang nas gsang ba'i bdag po phyag na rdo rje zhes bya ba des 'khor rnams la 'di skad ces brjod cing rtog pa bsal ba'o
851
kye grogs po dag rtogs pa'i dus su
ye shes la thogs rngugs med do
snang ba la che chung med do
rig pa la bzang ngan med do
sgron ma la skye 'gag med do
snying po la 'gyur ba med do
mtha' la thug pa med do
dbyings la bri ba med do
dgongs pa la snga phyi med do
zhes brjod nas yang mi snang ba'i ngang du gshegs so
de nas yang de rnams kyi nang nas byang chub sems dpa' sems dpa' chen po dga' rab rdo rje zhes bya bas
'di skad ces gsol to
kye gsang ba'i bdag po rgyud 'di gang gis gzung du rung bar 'gyur
lung bstan du gsol
zhes zhus so
de nas yang nam mkha' nas sgra 'di skad ces brjod do
kye ma ye shes grogs po dang
gsang sngags rgyud chen rgyal po 'di
kun gyis gzung bar dka' ba yin
dga' rab rdo rje khyod kyis zung
zhes brjod nas cang med do
de nas 'khor rnams kyis byang chub sems dpa' sems dpa' chen po dga' rab rdo rje la 'di skad ces zhus so
852
kye lha'i bu dam pa bdag cag rnams la thabs dam pa bstan du gsol
zhes zhus so
ta gya rti tas
de nas dga' rab rdo rjes 'di skad ces gsungs so
kye grogs po dag nyon cig
gsang sngags kun gyi ye shes la mkhas par bya'o
ye shes kyi lam ngo shes par bya'o
blta ba'i yul ngo shes par bya'o
bsgom pa'i tshad ngo shes par bya'o
rtogs pa'i 'bras bu ngo shes par bya'o
rgyud 'di rigs kyi bu rnams kyis gzung bar bya'o
zhes rig rang shar chen po'i rgyud las
yongs su gtad pa'i le'u ste brgyad cu gya drug pa'o
ta gya ca ma pa dya ka
ston pa gzhon nu dpa' bo stobs ldan gyis dur khrod chen po me ri 'bar bar 'khor rnams kyi rtog pa bsal ba
ye shes lag sprad du bstan pa'i rgyud
rig pa rang shar chen po'i rgyud ces bya ba
man ngag gi bshad rgyud chen po rdzogs so
ba tra rkya a ma sha ma bhya bar ba
dpal ldan sngags kyi srungs ma lcam dral gnyis kyis bka' yi byar gyis shig
dam tshig nyams pa thams cad kyi snying khrag 'jibs la srog rtsa chod cig
853
dpal sngags kyi srung ma smug nag khros ma'i rgyal mo e ka tsa tis bka'i byar gyis shig
sa ma ya
rgya rgya rgya
dpal ldan zhwa'i mgon po dam tshig gi bdag pos dam tshig la mi gnas pa rnams zhags pas chings la sgrog cig
dam tshig nyams pa rnams la byin na mkha' 'gro ma sde chen bco brgyad kyis chad pa chod cig
bi ma la mi tra chen po dang
ska cog gsum gyis
dpal bsam yas su gtan la phab nas bsgyur ba'o
i thi
las can rnams dang 'phrad par shog
i thi
rig pa rang shar rgyud la ma bu bdun
man ngag rgyud gsang ba 'di ni
slob dpon bi ma las sgra mi mthun pa gsum las bsgyur ba'o
de nas rje blon gnyis la gnang ste
rgyud chen po 'di ni rje las nyang ban la yang med par
rin po che shel gyi glegs shing du bsngams nas
rin po che dngul gyi ga'u'i nang du btsal nas gzer chen po bzhis bsngams nas nyang ban la rje'i zhal nas
'di ni bod phung bar byed pa'i ngan sngags yin gyis 'dis bod phung bar 'gro ba na
854
'di yang khyod kyi de tshe'i zla la sbos shig ces gdams nas re nag gis gril te nyang ban la cha med par rjes gnang ba lags so
de nas nyang ban chen po des zhwa'i lha khang du mgon po dres thag can la gnyer du gtad nas sbas pa lags so
rje'i gsang ba thugs kyi bcud nyid ma nor ba lags so
de nas gnas brtan ldang mas lce btsun seng ge dbang phyug la gnang ba lags so
lha rjes nyams su blangs ba'i man ngag shin tu zab par bstan pa'o
gang dang yang mi 'dra bar nyams su blangs par bstan pa gsang skor gyi man ngag dam pa 'di gud du sbas pa lags so
rgyud kyi rgyal po 'di ni 'dzam bu'i gling gzhan na med par yid ches so
nyan mi dgos so
dpe thob pas chog go
man ngag rnams kyi rgyal po 'di snod med pa la byin na gnyis ka 'tshig
las kyi 'phro can sbyangs pa'i snod ldan gyis rnyed par shog
des ni gsang sngags bstan pa yun ring gnas par shog
'gro ba rnams kyi ma rig pa'i mun pa sel bar gyur cig
bdag 'dra smyon pa lce btsun gyis
yang dag don gyi man ngag zab mo 'di
855
rgya gar mkhas pa'i bka' brgyud bdag la bab
kun la dkon pa'i man ngag zab mo 'di
kun la ma sbel sa yi gter du bzhag
las kyi 'phro can gcig gis rnyed par shog
ces lha rje nyid kyis smon lam btab nas sa'i gter du sbas so
sngags kyi srung ma rnams kyis srungs shig
yang dag pa lags so rdzogs so
dge'o
dge'o
dge'o