@#/_/rdza dpal sprul/ snying thig sngon 'gro'i khrid yig kun bzang  bla ma'i zhal lung bzhugs/ Нінгтік Ньондро Крід Їк Кунзан Ламеї Шалунг

СЛОВА МОЄГО ВСЕБЛАГОГО ВЧИТЕЛЯ

Усні настанови щодо попередніх практик Великої Досконалості Лонгчен Ньїнгтіг
Записані Палтрул Орг’єн Джігмед Чок’ї Вангпо

Зміст

/Назва та її значення (1)
/Зміст тексту (3)
/Звичайні зовнішні попередні практики:
//Труднощі здобуття вільного та сприятливого існування (21)
//Непостійність життя (48)
//Недоліки сансари (80)
//Закон карми – причини та наслідки (144)
//Користь визволення (197)
//Служіння духовному наставнику (198)
/Незвичайні внутрішні попередні практики:
//Прийняття Прихистку (247)
//Розвиток бодгічітти (281)
//Медитація та повторення мантри Ваджрасаттви (387)
//Підношення мандали (412)
//Накопичення заслуг через ку-су-лу (430)
//Йога Гуру (445)
//Історія виникнення вчення (478)
/Сходинки близького шляху перенесення свідомості (499)
/Заключні слова (522)

Остаточного Довершення Серцевої Сутності Обширного Простору попередніх практик настановний текст Всеблагого Вчителя Усні Слова зветься це.
Орджен Джікме Чокі Вангпо склав.

Високошановним Вчителям, що мають велике співчуття без упередженості, поклоняюся!

Передача наміру Переможців – через символи Відадхарів,
людина з минулим – завдяки кармічній зрілості,
священне вчення – завдяки двом досконалим досягненням,
Вчителям трьох ліній – поклоняюся!

У вимірі, де дхарми вичерпані, осягнуте тіло дхарми,
у просторі ясного світла – бачення поля повного насолодження,
у сприйнятті учнів – дія еманаційного тіла на благо істот,
Всезнаючому Царю Дхарми – поклоняюся!

Знання – бачить істинну природу всього знаного,
промені співчуття – сяють у славі учнів,
глибокий шлях вершини колісниць – ясно викладає,
Відадхару Джігмед Лінгпа – поклоняюся!

Як Вчитель Авалокітешвара, що тримає обітниці,
світло мови – відкриває шлях до повного звільнення,
діяльність, що відповідає кожному, – безмежна,
Корінному Вчителю великої доброти – поклоняюся!

Вчення – повне, всезнаюче, лінійне,
таємні настанови – шлях до просвітлення за одне життя,
попередні практики – звичайні зовнішні та внутрішні,
додаткові – близький шлях перенесення свідомості,
ясні, легкі для розуміння, глибокі, дивовижні,
безпомилкові слова несравненного Вчителя,
як є – прямо пояснюю, хай боги та Вчитель благословлять мою свідомість!

Тут, у Великій Досконалості Лонгчен Ньїнгтіг,
звичайні зовнішні та внутрішні попередні практики
несравненного святого Вчителя – як він сам говорив,
записую без прикрас.

Три розділи:

звичайні зовнішні попередні практики,
незвичайні внутрішні попередні практики,
додаткові – настанови близького шляху перенесення свідомості.

ПЕРШИЙ РОЗДІЛ: ЗВИЧАЙНІ ЗОВНІШНІ ПОПЕРЕДНІ ПРАКТИКИ

Шість пунктів:

* Труднощі здобуття вільного та сприятливого існування
* Непостійність життя
* Недоліки сансари
* Закон карми – причини та наслідки
* Користь визволення
* Служіння духовному наставнику

1. Труднощі здобуття вільного та сприятливого існування

Настанови мають дві частини:

* спосіб слухання вчення
* послідовність пояснення

Спосіб слухання вчення

Дві частини:

* загальне слухання
* особливе слухання

Загальне слухання

Дві частини:

* великий задум – слухання бодгічітти
* великий метод – слухання таємної мантри

Великий задум – слухання бодгічітти

Усі істоти, що перебувають у сансарі,
від безпочаткових часів – не мали батьків, які б не були,
народжені від батьків – усі були вирощені з великою добротою:
давали грудне молоко, клали на коліна, виховували з великою любов’ю.

Такі добрі істоти – хоча бажають щастя, не знають, як створювати десять доброчесних вчинків – причину щастя,
хоча не бажають страждання, не знають, як уникати десять недоброчесних вчинків – причину страждання.
Через хибні бажання та дії йдуть хибним шляхом, як сліпий, що блукає по рівнині.

Такі істоти – гідні співчуття. Нині, почувши глибоке святе вчення, практикуючи його, я досягну мети цих істот –
звільню їх від страждань шести класів, від усіх кармічних проявів та звичок, приведу до стану всезнання Будди.

Такий задум – це слухання бодгічітти.

Таке слухання – цінне в усі часи: під час слухання, практики, завжди.

Навіть маленька доброчесна корінна причина з бодгічіттою – стає великою,
з медитацією без упередженості – не руйнується, з присвяченням – зростає дедалі більше.
Три досконалості – без них немає методу.

Тому під час слухання вчення головне – спосіб слухання, а в ньому – бодгічітта.

Як сказано:

| «З доброчесних та недоброчесних відмінностей
| доброчесні та гріхи – не йдуть за розміром образу».

Той, хто прагне слави, багатства, цього життя –
навіть багато почувши – не ввійде до чистого вчення.
Тому спочатку виправити свій задум – головне.
Якщо виправити задум – доброчесність стає методом,
входить до шляху великої людини – безмежні заслуги.
Якщо не виправити – навіть багато років слухання та практики –
стане лише образом вчення.

Під час слухання, практики,
медитації, повторення мантр, поклонів, обхідів,
навіть одного «ОМ МАНІ ПАДМЕ ХУМ» –
головне – бодгічітта.
Великий метод – слухання таємної мантри

Як сказано в «Трьох світильниках методу»:

| «Навіть один – не обманюватися,
| багато труднощів – не потрібно,
| з гострим інтелектом – завдяки силі».

У Ваджраяні – багато дверей входу,
багато методів накопичення,
не потрібно великих труднощів – плід проявляється швидко.
Корінь – зміна прагнення.

Як сказано:

| «Усі дхарми – залежні,
| на вершині прагнення – перебувають».

Тому місце навчання, вчителя – не дивитися як на звичайне,
візуалізувати п’ять досконалостей:

Місце: палац дхармадхату Аканіштхи, п’ять досконалостей.
Вчитель: Самантабхадра в тілі дхарми.
Учні: лінія наміру Переможців, лінія символів Відадхарів, бодгісаттви, даки, дакині – у природі богів та богинь.

Або:

Місце: палац мідного кольору на горі Славної Падма Од.
Вчитель: Орг’єн Падма Джунгне.
Учні: вісім Відадхарів, двадцять п’ять учнів, герої та дакині – у природі.

Або:

Місце: східна земля Радості.
Вчитель: Ваджрасаттва в тілі повного насолодження.
Учні: боги родини Ваджра, бодгісаттви та бодгісаттвині – у природі.

Або:

Місце: західна земля Блаженства.
Вчитель: Будда Амітабха.
Учні: боги родини Падма, боги та богині – у природі.

Яким би не було – Велика Колісниця,
вічне колесо Дхарми – від початку,
з розумінням цього – встановити інтелект.
Такі візуалізації – не просто уявляти,
а знати, що так і є.
Вчитель – втілення всіх Будд трьох часів:

тіло – сангха,
мова – Дхарма,
ум – природа Будди – три коштовності разом.
Тіло – еманація, мова – насолода, ум – дхарма – три тіла разом.

Еманація всіх минулих Будд,
джерело всіх майбутніх Будд,
представник всіх нинішніх Будд,
непереможений тисячами Будд доброї кальпи,
той, хто тримає істот п’ятої кальпи –
співчуттям та добротою – вищий за всіх Будд.

Як сказано:

| «Вчитель – Будда, Вчитель – Дхарма, так само Вчитель – сангха, Вчитель – творець усього, Вчитель – славний Ваджрадхара».

Учні – основа природи Будди, опора – дорогоцінне людське тіло, умова – добрий духовний друг, метод – його настанови – майбутні Будди.

Як сказано в «Двох дослідженнях»:

| «Істоти – Будди, але закриті випадковими забрудненнями, очистивши забруднення – Будда».

Особливе слухання

Дві частини:

* уникати того, що потрібно уникати
* практикувати те, що потрібно практикувати

Уникати того, що потрібно уникати

Три недоліки посудини, шість забруднень, п’ять неутримань.

Три недоліки посудини

* Вуха не спрямовані – як перевернута посудина.
* Розум не утримує – як посудина з діркою.
* Забруднений гнівом – як отруєна посудина.

Шість забруднень

Гордість, відсутність віри, відсутність прагнення, зовнішнє відволікання, внутрішнє стиснення, втома.

П’ять неутримань

* Слухати, як олень – музику.
* Думати, як брамін – різати вівцю.
* Медитувати, як дурень – смак їжі.
* Практикувати, як як – їсти траву.
* Плід – як сонце без хмар.

Під час слухання – тіло спокійне, очі не блимають, руки складені, думки не відволікаються,
мова не базікає, не відволікатися на їжу, рахунок чоток тощо.

Після слухання – не забувати, практикувати постійно.

Як сказав Великий Пандіта:

| «Я показав тобі шлях до визволення,
| ти сам мусиш знати, як досягти».

Вчитель навчає учня: слухання, практика, уникання зла, створення добра, постійна практика.
Учень – не забувати, практикувати, проявляти.
Якщо не утримувати в умі – навіть багато почувши – користь лише від слухання.
Якщо забруднене гнівом – вчення не чисте.

Як сказав Дагпо:

| «Якщо вчення не практикувати як є –
| вчення стане причиною падіння в нижчі світи».

2. Непостійність життя

Дві частини:

* загальна непостійність
* особлива непостійність людського життя

Загальна непостійність

Світ і істоти в ньому – непостійні.

Зовнішній світ:

* великий світ – утворюється, перебуває, руйнується, порожній;
* чотири епохи – утворення, перебування, руйнування, порожність.

Утворення:

Вітер – основа, вода – згущується, вогонь – дозріває, земля – твердіє.
Так утворюється гора Сумеру, чотири континенти, вісім субконтинентів, сонце, місяць, зірки, планети.

Перебування:

тисяча мільйонів світів – один світ-система,
тисяча таких – друга тисяча,
тисяча других – третя тисяча,
тисяча третіх – велика тисяча світів.
Так перебуває кальпу.

Руйнування:

сім разів вогнем,
один раз водою,
сімдесят два рази вітром.

Порожність:

після руйнування вітром – порожньо, як простір.

Істоти:

боги – довге життя, але падають;
напівбоги – воюють, падають;
люди – хвороби, старість, смерть;
тварини – їдять одне одного;
голодні духи – голод, спрага;
пекельні істоти – гарячі та холодні пекла.

Немає жодного місця, де б не було смерті.

Як сказано:

| «Навіть Брахма, Індра, Шакра – падають. Навіть сонце, місяць – падають у пекло».

Особлива непостійність людського життя Життя людини – коротке, невизначене.

Приклади:

* роса на траві – зникає з сонцем;
* бульбашка на воді – лопається від вітру;
* блискавка влітку – зникає миттєво;
* водоспад з гори – падає безупинно.

Причини смерті – багато, причини життя – мало.

Їжа, одяг, ліки – можуть стати отрутою.
Друг – може стати ворогом.
Захист – може стати шкодою.

Час смерті – невизначений.

Молоді вмирають раніше старих.
Сильні – раніше слабких.
Багаті – раніше бідних.

Тіло – складене з чотирьох елементів:

земля – твердість,
вода – волога,
вогонь – тепло,
вітер – рух.
Якщо один елемент порушується – смерть.

Дихання – як кінь, що несе життя.

Кожне вдих-видих – наближає смерть.
Від народження до смерті – як стріла, випущена з лука.

Немає часу для практики.

Сьогодні живий – завтра мертвий.
Ранок є – вечора може не бути.

Тому подумати про смерть – головне.

Як сказано:

| «Хто сьогодні живий – завтра в могилі. Хто сьогодні в могилі – завтра забутий».

Медитація на непостійність:

Сидіти прямо, дихати спокійно.
Уявити: тіло – як міхур на воді,
життя – як свічка на вітрі,
смерть – приходить раптово.

Тоді виникає прагнення до Дхарми.
Без цього – практика нещира.

3. Недоліки сансари

Три частини:

* страждання трьох нижчих світів
* страждання трьох вищих світів
* загальні недоліки сансари

Страждання трьох нижчих світів

Пекельні істоти:
Гарячі пекла: вісім – Ревівінг, Чорна Лінія, Здавлювання, Крики, Великі Крики, Нагрівання, Велике Нагрівання, Безперервне Пекло.
Холодні пекла: вісім – Пухирі, Лопнуті Пухирі, Ачху, Хахава, Ата, Упала, Падма, Махападма.
Прилегли пекла: чотири – Вугілля, Гниючий Болот, Рівнина Лез, Ріка без броду.
Причини: вбивство, гнів, ненависть.

Голодні духи: зовнішні – голод, спрага, холод, спека; внутрішні – горло як голка, живіт як гора.
Причини: жадібність, скупість.

Тварини: розсіяні – у морі, темряві; згромаджені – у людей. Їдять одне одного, служать людям.
Причини: невігластво, дурість.

Страждання трьох вищих світів

Люди: страждання народження, старості, хвороби, смерті;
розлука з коханим, зустріч з некоханим, не досягнення бажаного, страждання п’яти скандх.

Напівбоги: заздрість богам, війна, поразка.

Боги: смерть – сім знаків:

одяг брудниться,
вінок в’яне,
пахви пітніють,
тіло смердить,
не радість на місці,
колір тіла тьмяніє,
друзі відвертаються.

Загальні недоліки сансари

Немає щастя – тільки страждання.
Немає постійності – все змінюється.
Немає сутності – все порожнє.
Немає друга – всі вороги.

Як сказано:

| «У сансарі – як у пеклі, як у вогні, як у морі отрути».

Тому відвернутися від сансари – головне.

4. Закон карми – причини та наслідки

Чотири частини:

* загальна карма
* особлива карма
* десять доброчесних вчинків
* десять недоброчесних вчинків

Загальна карма

Карма – дія, наслідок – дозрівання.
Чорна карма – чорний наслідок.
Біла карма – білий наслідок.
Змішана – змішаний.
Незмінна – карма, що веде до вищих світів або визволення.

Особлива карма

Дія тіла, мови, ума.
Накопичена, виконана, терпима.

Десять доброчесних вчинків

* Не вбивати – рятувати життя.
* Не брати не свого – давати.
* Не чинити сексуальної провини – бути чистим.
* Не брехати – говорити правду.
* Не сіяти розбрат – примирювати.
* Не лихословити – м'якомовити.
* Не базікати – значущомовити.
* Не заздрити – радіти чужому.
* Не шкодити – добротіти.
* Не мати хибних поглядів – правильно споглядати.

Десять недоброчесних вчинків

Якшо чинити Протилежне то такі наслідки:

* Важкі – пекло.
* Середні – голодні духи, тварини.
* Легкі – люди, але з вадами.

Тому уникати недоброчесного, практикувати доброчесне – головне.

5. Користь визволення

Визволення – два види:

* визволення від нижчих світів – вищі світи;
* визволення від сансари – нірвана.

Користь:

* немає страждань;
* немає старості, хвороби, смерті;
* немає ворогів, друзів;
* немає народження, перебування, руйнування.

Як сказано:

| «Нірвана – мир, спокій, благо».

Тому прагнути визволення – головне.

6. Служіння духовному наставнику

Шість частин:

* хто такий духовний наставник
* як служити
* користь служіння
* шкода неслужіння
* як перевіряти вчителя
* як перевіряти учня

Хто такий духовний наставник

* Той, хто має лінію передачі,
* той, хто має знання,
* той, хто має співчуття.

Як служити

* Зовнішнє: поклоніння, підношення, слухання.
* Внутрішнє: віра, повага, наслідування.
* Таємне: бачити як Будду, злитися з умом.

Користь служіння

* Швидке досягнення просвітлення.
* Очищення карми.
* Накопичення заслуг.

Шкода неслужіння

* Падіння в нижчі світи.
* Втрата Дхарми.

Як перевіряти вчителя

* Знання сутр, тантр.
* Співчуття.
* Лінія передачі.

Як перевіряти учня

* Віра.
* Прагнення.
* Старанність.

Так закінчуються звичайні зовнішні попередні практики.

ДРУГИЙ РОЗДІЛ. НЕЗВИЧАЙНІ ВНУТРІШНІ ПОПЕРЕДНІ ПРАКТИКИ

Сім пунктів:

* Прийняття Прихистку
* Розвиток бодгічітти
* Медитація та повторення мантри Ваджрасаттви
* Підношення мандали
* Накопичення заслуг через ку-су-лу (підношення тіла)
* Йога Гуру
* Історія виникнення вчення

1. Прийняття Прихистку

Три частини:

* причина прийняття Прихистку
* об’єкти Прихистку
* спосіб прийняття Прихистку

Причина прийняття Прихистку

Страх перед стражданнями сансари.
Віра в Три Коштовності як захист.

Як сказано:

| «Без Прихистку – як птах без крил».

Об’єкти Прихистку

Будда: вчитель.
Дхарма: шлях.
Сангха: супутники.

У Ваджраяні:

Гуру: корінь благословення.
Їдам: корінь досягнень.
Дакині та Дхармапали: корінь діяльності.

Спосіб прийняття Прихистку

Візуалізація:

Перед собою – поле заслуг: У центрі – корінний Гуру як Орг’єн Падма Джунгне,
навколо – Будди, бодгісаттви, їдами, дакині, дхармапали.

Молитва Прихистку:

NAMO GURU BHYE
NAMO BUDDHA YA
NAMO DHARMA YA
NAMO SANGHA YA

(Повторювати 100 000 разів або більше.)

Практика:

Тіло: поклони.
Мова: повторення.
Ум: віра та страх.

Користь:

Захист від нижчих світів.
Основа всіх обітниць.

2. Розвиток бодгічітти

Дві частини:

* бодгічітта прагнення
* бодгічітта дії

Бодгічітта прагнення

Чотири безмірні:

* Хай усі істоти мають щастя та причини щастя.
* Хай усі істоти будуть вільні від страждань та причин страждань.
* Хай усі істоти ніколи не розлучаються з щастям без страждань.
* Хай усі істоти перебувають у рівності, вільній від упередженості, прихильності та відрази.

Молитва:

| «Хай я досягну стану Будди заради всіх істот».

Бодгічітта дії

Шість параміт: Щедрість, Етичність, Терплячість, Старанність, Зосередженість, Мудрість.

У Ваджраяні – додатково:

Таємна бодгічітта: розуміння порожності.
Абсолютна бодгічітта: злиття з природою ума.

Практика:

* Повторювати молитву бодгічітти 100 000 разів.
* Кожну дію присвячувати істотам.

3. Медитація та повторення мантри Ваджрасаттви

Чотири частини:

* візуалізація
* повторення мантри
* чотири сили
* завершення

Візуалізація

Над головою – Ваджрасаттва, білий, з ваджрою та дзвіночком.
У серці – склад HUM, оточений мантрю:

OM VAJRA SATVA SAMAYA ... (100-складова мантра).

Повторення мантри

Коротка: OM VAJRA SATVA HUM
Довга: 100-складова.

Повторювати 100 000 разів (або 1 000 000 для повного очищення).

Чотири сили

* Сила опори: візуалізація Ваджрасаттви.
* Сила жалю: усвідомлення гріхів.
* Сила протидії: повторення мантри.
* Сила обіцянки: «Ніколи більше не чинитиму».

Завершення

Нектар з HUM спускається, очищає.
Ваджрасаттва розчиняється в світлі, зливається з практикуючим.

Користь:

Очищення карми тіла, мови, ума.
Основа для вищих практик.

4. Підношення мандали

Дві частини:

* зовнішня мандала
* внутрішня мандала

Зовнішня мандала

37-точкова мандала:

В центрі — Сумеру, 4 континенти, 8 субконтинентів, сонце, місяць, коштовності, урожай.

Молитва підношення:

OM VAJRA BHUMI A HUM

Підносити 100 000 разів.

Внутрішня мандала

Підношення тіла, мови, ума:

* Тіло – як мандала.
* Мова – як мантра.
* Ум – як порожність.

Користь:

Накопичення заслуг.
Створення зв’язку з полем заслуг.

5. Накопичення заслуг

Візуалізація:

Тіло розчиняється в світлі.
Перетворюється на безмежні підношення: їжа, одяг, прикраси, музика, світло.

Підноситься Гуру, Трьом Коштовностям, істотам.

Молитва:

| «Моє тіло, майно, заслуги – підношу».

Практикувати під час: прогулянок, їжі, сну, будь-якої діяльності.

Користь:

* Швидке накопичення заслуг.
* Перетворення звичайного на шлях.

6. Йога Гуру

Чотири частини:

* візуалізація
* семизначна молитва
* отримання сиддхі
* злиття

Візуалізація

Гуру як Падмасамбхава: у мідному палаці на горі Славній, з Єше Цог’ял, Мандаравою, оточений Відадхарами.

Семизначна молитва

ХУМ У північному заході країни Оддіяна
На квітці лотоса на стеблі
Ти досяг дивовижних сіддхі
Оточений дакіні
Слідуючи тобі, молюся
Прийди, даруй благословення
GURU PEMA SIDDHI HUM
(Повторювати 1 200 000 разів.)

Отримання сиддхі

Чотири знаки:

* У снах.
* У медитації.
* Зовнішні знамення.
* Внутрішнє осяєння.

Злиття

Гуру розчиняється в серці практикуючого.
Ум Гуру та учня – нероздільні.

Користь:

* Благословення лінії.
* Шлях до просвітлення за одне життя.

7. Історія виникнення вчення

Лінія Лонгчен Ньїнгтіг:

Дхармакая: Самантабхадра.
Самбхогакая: Ваджрасаттва.
Нірманакая: Гарбха Дордже.
Відадхари: Шрі Сінгха, Джнянасутра, Вімаламітра.
Лінія людей: Трісонг Децен, Єше Цог’ял, Лонгченпа, Джігме Лінгпа (терма 1757 р.).
Джігме Лінгпа: Три видіння Рігдзіна Лонгченпи. Терма серця – Лонгчен Ньїнгтіг.
Палтрул Рінпоче: Учень Джігме Г’ялве Н’югу.

Записав усні настанови.

ТРЕТІЙ РОЗДІЛ. ДОДАТКОВІ НАСТАНОВИ КОРОТКОГО ШЛЯХУ ПЕРЕНЕСЕННЯ СВІДОМОСТІ (ПХОВА)

Сходинки близького шляху перенесення свідомості

П’ять частин:

* Підготовка
* Візуалізація
* Перенесення
* Знаки досягнення
* Застереження

1. Підготовка

Повне завершення попередніх практик.
Стабільна гуру-йога.
Розуміння порожності.

2. Візуалізація

Центральний канал: від пупка до брахмарандхри.
Свідомість – як біла крапля ХРІ в серці.
Брахмарандхра – відкрита.

3. Перенесення

Метод HUM:

Вдих – HUM піднімається до горла.
Затримка – ХУМ у брахмарандхрі.
Видих – HUM вистрілює в чисту землю.

Метод PHAT:

Раптово – PHAT! – свідомість вистрілює.

4. Знаки досягнення

У снах: політ, бачення чистої землі.
У медитації: світло, порожність.
Після смерті: перенесення без бардо.

5. Застереження

Не практикувати без дозволу Гуру.
Не для самогубства.
Тільки в момент смерті або з повною кваліфікацією.

Заключні слова

Цей текст – слова мого всеблагого Вчителя,
записані без прикрас, як він говорив.
Хай завдяки цьому всі істоти досягнуть стану Падмасамбхави!

MANGALAM

Колофон:

Складено Орг’єн Джігмед Чок’ї Вангпо (Палтрул Рінпоче) на прохання учнів у печері Ямдрок.

2025 (c) Лонгчен Осал

dkar chag/

/mtshan don/ (1)
/gzhung don/ (3)
/thun mong phyi'i sngon 'gro/
//dal 'byor rnyed par dka' ba/ (21)
//tshe mi rtag pa/ (48)
//'khor ba'i nyes dmigs/ (80)
//las rgyu 'bras/ (144)
//thar pa'i phan yon/ (197)
//bshes gnyen bsten pa/ (198)
/thun min nang gi sngon 'gro/
//skyabs su 'gro ba/ (247)
//sems bskyed pa/ (281)
//rdo rje sems dpa'i sgom bzlas/ (387)
//maN+Dal/ (412)
//ku su lu'i tshogs bsags/ (430)
//bla ma'i rnal 'byor/ (445)
//bstan pa'i byung tshul lo rgyus/ (478)
/nye lam 'pho ba'i rim pa/ (499)
/mjug don/ (522)

//rdzogs pa chen po klong chen snying tig gi sngon 'gro'i khrid yig kun bzang bla ma'i zhal lung zhes bya ba bzhugs so//
/o rgyan 'jigs med chos kyi dbang pos mdzad/

/rje btsun bla ma dmigs pa med pa'i thugs rje chen po dang ldan pa rnams la phyag 'tshal lo/_/

rgyal ba'i dgongs pa rig 'dzin brda yis brgyud/_/
gang zag mi las skal pa rab gyur pas/_/
dam pa'i rjes zin don gnyis mthar phyin pa/_/
brgyud gsum bla ma rnams la phyag 'tshal lo/_/
chos zad klong du chos sku'i dgongs pa brnyes/_/
'od gsal dbyings su longs sku'i zhing snang gzigs/_/
gdul bya'i snang ngor sprul sku'i 'gro don mdzad/_/
kun mkhyen chos kyi rgyal po la phyag 'tshal/_/
mkhyen pas shes bya kun gyi de nyid gzigs/_/
thugs brtse'i 'od zer gdul bya'i dpal du shar/_/
zab lam theg rtse'i bstan pa gsal mdzad pa/_/
rig 'dzin 'jigs med gling pa la phyag 'tshal/_/

spyan ras gzigs dbang bshes gnyen tshul bzung nas/_/
gsung gi snang bas 'brel tshad thar lam dgod/_/
gang la gang 'dul mdzad pa mtha' yas pa/_/
drin chen rtsa ba'i bla ma la phyag 'tshal/_/
bstan pa yongs rdzogs kun mkhyen brgyud pa'i gzhung /_/
man ngag snying po tshe gcig sangs rgyas chos/_/
lam gyi sngon 'gro thun mong phyi dang nang /_/
gdams pa'i cha lag nye lam 'pho bar bcas/_/
gsal la go bde don zab rmad du byung /_/
mtshungs med bla ma'i bka' lung ma nor ba/_/
rang blor ji bzhin nges bzhin 'dir bshad kyis/_/
lha dang bla mas bdag rgyud byin gyis rlobs/_/
'dir rdzogs pa chen po klong chen snying tig gi thun mong phyi nang
gi sngon 'gro rnams mtshungs med bla ma dam pa'i zhal rgyun ji lta
ba bzhin brjed thor bya ba 'di la gsum/_thun mong phyi'i sngon 'gro/
thun min nang gi sngon 'gro/_nyams len dngos gzhi'i cha lag nye
lam 'pho ba'i khrid dang gsum las/

dang po la'ang /_dal 'byor rnyed par dka' ba/_tshe mi rtag pa/_'khor
ba'i nyes dmigs/_las rgyu 'bras/_thar pa'i phan yon/_bshes gnyen
bsten pa dang drug
dang po dal 'byor rnyed par dka' ba'i khrid la/_khrid nyan pa'i tshul
dang /_bshad bya'i chos kyi rim pa gnyis/
dang po la'ang kun slong dang /_kun spyod gnyis/_dang po kun slong
la'ang /_bsam pa rgya che ba byang chub sems kyi kun slong dang /_thabs
rgya che ba gsang ba sngags kyi kun slong gnyis yod/_dang po bsam
pa rgya che ba byang chub sems kyi kun slong ni/
'di ltar 'khor ba na gnas pa'i sems can thams cad rang gi
thog ma med pa'i dus nas pha ma ma byas pa ni gcig kyang med/_pha
ma byas pa'i dus su drin chen pos bskyangs/
zas kyi phud byin/
gos kyi rtse g.yogs/_shin tu byams pas bskyed bsrings pa'i drin
can sha stag yin la/_drin can de dag thams cad 'dod pa bde
ba 'dod kyang bde ba'i rgyu chos dge ba bcu sgrub mi shes/_sdug
bsngal mi 'dod kyang /_de'i rgyu mi dge ba bcu spangs mi shes par/
zhe 'dod dang lag len phyin ci log tu song nas/_lam log mgo
rmongs su gyur pa long ba thang dkyil du lus pa lta bu'i sems can
'di rnams snying re rje/_bdag gis da res dam pa'i chos zab mo
nyan nas nyams su blangs te 'di rnams kyi don sgrub tu yod pas pha

mar gyur pa'i sems can rigs drug gi sdug bsngal gyis gdung
ba 'di rnams rigs drug so so'i las snang sdug bsngal bag chags
thams cad dang bral te rnam mkhyen sangs rgyas kyi go 'phang thob
par bya'o snyam pa 'di yin/_'di lta bu'i kun slong ni/_chos nyan
dus sgrub dus thams cad la gces pa yin te/_dge ba'i rtsa ba rgya
che chung ji lta bu zhig sgrub kyang /_dge rtsa de thabs kyis zin par
byed pa sbyor ba sems bskyed dam pa/_dge ba rkyen gyis mi bshig
par byed pa dngos gzhi dmigs pa med pa/_dge ba gong nas gong
du 'phel bar byed pa mjug bsngo ba'i rgyas yongs su thebs pa ste
dam pa gsum gyi rtsis zin pa 'di med pa'i thabs med/_des na
chos nyan pa la'ang /_dang po nyan pa'i tshul gtso/_de las kyang kun
slong 'di gtso che ste/_ji skad du/_bsam pa dge dang mi dge'i bye
brag las/_/dge sdig gzugs brnyan che chung rjes mi 'gro/_/zhes pa
ltar rang nyid che 'dod dang grags 'dod la sogs 'jig rten tshe
'di don du gnyer ba'i kun slong gis/_chos ji tsam nyan kyang yang
dag pa'i chos su mi 'gro bas dang por kha nang du log ste rang gi
kun slong bcos pa 'di gtso che/_kun slong 'di ltar bcos shes
na dge ba thabs kyis zin te skyes bu chen po'i lam bsod nams
tshad med pa'i 'jug ngogs su 'gyur/_de ltar kun slong bcos ma
shes na chos nyan lo dang sgrub lo byas kyang chos kyi gzugs brnyan

du 'gro bas chos nyan dus sgrub dus/_lha bsgoms kyang /_sngags bzla
yang /_phyag 'tshal kyang /_bskor ba byed kyang /_tha na ma Ni 'bru gcig
'don kyang kun slong byang chub sems kyi rtsis zin pa 'di gal che/
gnyis pa thabs rgya che ba gsang ba sngags kyi kun slong ni/_/thabs
tshul gsum sgron me las/_don gcig na yang ma rmongs dang /
mang dka' ba med pa dang /_/dbang po rnon po'i dbang byas pas/_/
sngags kyi theg pa khyad par 'phags/_/zhes pa ltar gsang sngags rdo
rje theg pa 'dir/_'jug sgo'i lam mang po/_tshogs bsags pa'i
thabs mang po/_dka' ba chen po rang spyad mi dgos par 'bras bu
mngon du byed pa'i thabs zab mo yod pa yin la/_de dag gi rtsa ba
yang 'dun pa bsgyur ba la thug ste/_ji skad du/_chos rnams thams
cad rkyen yin te/_/'dun pa'i rtse la rab tu gnas/_/zhes pa ltar
chos 'chad pa'i gnas dang ston pa la sogs tha mal ma dag pa'i
snang ba 'di ltar mi blta bar phun sum tshogs pa lnga gsal btab
nas nyan/
de yang gnas phun sum tshogs pa 'og min chos kyi dbyings kyi pho
brang /_ston pa phun sum tshogs pa chos sku kun tu bzang po/_'khor
phun sum tshogs pa rgyal ba dgongs brgyud/_rig 'dzin brda brgyud
sems dpa' sems ma/_lha dang lha mo'i rang bzhin du gsal gdab/
yang na chos 'chad pa'i gnas de nyid zangs mdog dpal gyi ri

bo pad+ma 'od kyi pho brang /_chos 'chad pa'i bla ma de nyid o rgyan pad+ma
'byung gnas/_rang re chos nyan pa'i 'khor rnams kyang /_rig 'dzin
brgyad rje 'bangs nyer lnga/_dpa' bo mkha' 'gro'i rang bzhin du
gsal gdab/
yang na gnas phun sum tshogs pa shar phyogs mngon par dga'
ba'i zhing khams su/_ston pa phun sum tshogs pa longs spyod rdzogs
pa'i sku rdo rje sems dpa'/_'khor rdo rje rigs kyi lha tshogs/_sems
dpa' dang sems ma'i rang bzhin du gsal gdab/
yang na gnas phun sum tshogs pa nub phyogs bde ba can gyi zhing
khams/_ston pa phun sum tshogs pa sangs rgyas snang ba mtha' yas/
'khor phun sum tshogs pa pad+ma rigs kyi lha tshogs/_sems dpa'
dang sems ma/_lha dang lha mo'i rang bzhin du gsal gdab/
gang ltar yang /_chos theg pa chen po/_dus rtag pa rgyun gyi 'khor lo
ye nas yin pa la yin par shes pa'i blo bzhag
de ltar gsal btab pa de dag kyang de ltar yin pa la yin par
shes par byed pa las ma yin pa zhig gzod gsal 'debs pa
min te/_bla ma ni dus gsum gyi sangs rgyas thams cad 'dus pa'i
bdag nyid/_sku dge 'dun/_gsung dam chos/_thugs sangs rgyas kyi
ngo bo ste dkon mchog kun 'dus/_sku bla ma gsung yi dam thugs
mkha' 'gro ste rtsa gsum kun 'dus/_sku sprul sku/_gsung longs sku/

thugs chos sku ste sku gsum kun 'dus/_'das pa'i sangs rgyas
thams cad kyi sprul pa/_ma 'ongs pa'i sangs rgyas thams cad kyi
'byung khungs/_da lta'i sangs rgyas thams cad kyi rgyal tshab/_bskal
pa bzang po'i sangs rgyas stong gis kyang ma thul ba'i rang re snyigs
ma'i sems can rnams rjes su 'dzin pa'i thugs rje dang bka'
drin gyi ngos nas sangs rgyas thams cad las kyang lhag pa yin te/
ji skad du/_bla ma sangs rgyas bla ma chos/_/de bzhin bla ma dge 'dun
te/_/kun gyi byed po bla ma yin/_/bla ma dpal ldan rdo rje 'chang /_/
zhes pa ltar dang /_rang re chos nyan pa'i 'khor rnams kyang /_gzhi
bde gshegs snying po/_rten mi lus rin chen/_rkyen dge ba'i bshes
gnyen/_thabs de'i gdams ngag gis zin pas ma 'ongs pa'i
sangs rgyas yin te/_rgyud brtags gnyis las/_sems can rnams ni
sangs rgyas nyid/_/'on kyang glo bur dri mas bsgribs/_/dri ma de bsal
sangs rgyas dngos/_/zhes pa ltar ro/_/
gnyis pa kun spyod la'ang /_spang bya'i kun spyod dang /_blang bya'i kun
spyod gnyis/
dang po la'ang /_snod kyi skyon gsum/_dri ma drug_mi 'dzin pa lnga dang
bcas pa las/_dang po snod kyi skyon gsum ni/
rna ba mi gtad kha sbubs lta bu'i skyon/_yid la mi 'dzin zhabs rdol
lta bu'i skyon/_/nyon mongs dang 'dres dug can lta bu'i skyon/_/zhes pa

ltar gsum/_dang po ni/_chos nyan pa'i dus su/_rang gi rna ba'i shes
pa yul gzhan du mi yengs par chos 'chad pa'i sgra de la gtad
nas nyan dgos/_de ltar ma nyan na snod kha sbubs pa'i steng du
bcud blugs pa dang 'dra ste lus chos gral na yod kyang chos tshig
gcig kyang rang gis mi thos/_gnyis pa ni/_de ltar thos pa'i chos
de yang go lo dang thos lor bzhag nas yid la ma bzung na snod
zhabs rdol du bcud ci tsam blugs kyang chags rgyu med pa dang 'dra
ste chos ci tsam nyan kyang rgyud thog tu bkal nas nyams su len mi
shes/_gsum pa ni/_chos nyan pa'i dus su rang nyid che 'dod dang
grags 'dod la sogs kun slong skyon can gyis nyan pa'am/_chags
sdang rmongs gsum sogs dug lnga'i rtog pa dang 'dres te nyan na
chos kyis sems la mi phan par ma zad chos kyang chos min du 'gro
ste dug can gyi snod du bcud bzang po blugs pa dang 'dra/_des na
rgya gar dam pas kyang /_chos nyan pa'i dus su ri dwags sgra la nyan
pa lta bu zhig dgos/_bsam pa'i dus su byang pas lug 'breg pa
lta bu zhig dgos/_sgom pa'i dus su glen pas ro myong ba lta bu zhig
dgos/_sgrub pa'i dus su g.yag ltog gis rtswa za ba lta bu zhig dgos/
'bras bu'i dus su nyi ma sprin las grol ba lta bu zhig dgos/_zhes
gsungs pa ltar/_chos nyan pa'i dus su ri dwags pi wang gi sgra la
chags te zur nas rngon pas dug mda' bsnun kyang mi go bar sim

me nyan pa dang 'dra bar/_lus ba spu g.yo mig mchi ma 'khrugs/_lag
thal mo sbyar te rnam rtog gzhan gyis bar ma chod par nyan dgos
pa las/_lus chos gral du bsdad kyang /_sems rnam rtog gi phyi la
'brang /_ngag 'khyal gyi gter sgo phye/_kha yengs dang mig yengs byas
nas nyan pas mi 'ong bas 'di'i skabs su kha ton dang /_bgrang
phreng sogs dge sbyor gyi rnam pa rnams kyang bzhag nas nyan dgos/
de ltar nyan nas kyang bshad pa'i don de dag yid la bzung ste ma
brjed par byas nas rgyun du nyams su len dgos te/_thub pa chen
pos kyang /_ngas ni khyod la thar pa'i thabs bstan gyi/_/thar pa rang
la rags las shes par gyis/_/zhes pa ltar/
bla mas slob ma la khrid 'chad pa de/_chos nyan tshul sgrub tshul/_sdig
pa spang tshul/_dge ba sgrub tshul/_nyams su len tshul rnams slob pa
yin pas/_slob mas kyang de rnams ma brjed par yid la bzung
nas nyams su blangs te mngon du byed dgos kyi/_yid la ma bzung
na chos thos pa'i phan yon tsam yod srid kyang /_chos kyi tshig don
cung zad kyang mi shes pas chos ma thos pa dang khyad med/_yid la
bzungs kyang nyon mongs pa dang 'dres na chos yang dag par mi
'gro ste/_mnyam med dwags pos/_chos chos bzhin ma spyad na/_chos
kyis slar ngan song du 'gro ba'i rgyu byed/_ces pa ltar yar bla ma dang
chos la log rtog_bar mched grogs la zur za/_nga rgyal dang khyad

gsod la sogs mi dge ba'i rtog pa dang bcas pas ni/_ngan song
gi rgyu byed pas de dag spang dgos/
gnyis pa dri ma drug ni/_rnam bshad rig pa las/_nga rgyal dang ni ma
dad dang /_/don du gnyer ba med nyid dang /_/phyi rol rnam g.yengs
nang du sdud/_/skyo bas nyan pa dri ma yin/_/zhes pa ltar/_chos 'chad
pa'i bla ma las kyang nga lhag snyam pa'i nga rgyal/_chos dang bla ma la ma
dad pa/_chos la don gnyer med pa/_sems phyi rol gyi yul la rnam
par g.yeng ba/_dbang po sgo lnga nang du sdud pa/_chos thun ring drags
pa sogs kyis skyo ba ste dri ma drug po 'di spang dgos/_de yang nyon
mongs pa rnams las nga rgyal dang*/_phrag dog gnyis po 'di ngos
zin dka' bas rang rgyud la zhib du brtags nas/_rang la chos dang
'jig rten gang thad nas yon tan phran bu re yod pa la'ang /
nga rang de dang de lta bu yin no snyam nas ched du 'dzin na rang
rgyud kyi skyon mi mthong /_gzhan gyi yon tan mi shes pa yin pas/_nga
rgyal spangs nas rtag tu dman sa 'dzin/_dad pa med na chos kyi
'jug sgo 'gags pa yin pas dad pa rnam pa bzhi'i nang nas mi
ldog pa'i dad pa 'chang /_chos la don gnyer byed pa ni yon tan
thams cad kyi rten gzhi yin pas don gnyer rab 'bring tha gsum
las chos pa rab 'bring tha gsum 'ong*/_chos la don gnyer ma byas
na chos rtsa ba nas mi 'grub/_'jig rten pa'i kha skad la'ang /_chos

bdag med la snying rus gang che zer ba ltar yin/_bdag cag gi
ston pas kyang chos tshig bzhi re'i phyir du lus la sha'i kong bu brus
te 'bru mar gyi sdong bu stong gzugs pa dang /_sku lus me dong du
mchong ba dang /_lus la lcags kyi gzer bu stong btab pa sogs
dka' ba brgya phrag gi sgo nas chos zhus pa yin pas/_me tshogs spu
gri'i so yang brgal nas ni/_/'chi mthar thug gi bar du dam chos
btsal/_/zhes pa ltar don gnyer chen pos dka' tshegs tsha grang
thams cad khyad du bsad de nyan dgos/
phyi tshogs drug gi yul la rnam shes g.yengs pa ni 'khor ba'i
'khrul snang thams cad kyi rtsa ba sdug bsngal thams cad kyi 'byung
khungs yin te/_dper na mig shes gzugs la chags pas phye sleb
mar mer 'chi/_rna ba sgra la chags pas ri dwags rngon pas gsod/_sna
dri la chags pas bung ba me tog tu 'thum/_lce ro la chags pas nya
mo lcags kyus 'dzin/_lus reg bya la chags pas glang po 'dam du
bying ba lta bu dang /_gzhan yang sngon song bag chags kyi rjes dpyod
pa/_ma 'ongs pa nyon mongs pa'i mdun bsu ba/_da lta rtog pa rkyen
yul du shor ba gsum po 'di dag chos nyan 'chad sgom sgrub gang
gi skabs su yang spang dgos te/_rgyal sras rin po ches/_sngon spyad
bde sdug chu yi ri mo 'dra/_/zin pa rjes med yin gyis rjes ma gcod//
cis kyang dran na 'byor rgud 'du 'bral soms/_/ltos thub chos las

'dug ge ma Ni ba/_/phyi tshis grab shom grog skam nya rgya 'dra/_/bsam
pa'i thog tu mi 'bab 'dod 'dun skyungs/_/cis kyang dran na nam
'chi cha med soms/_/chos min bya long 'dug ge ma Ni ba/_/'phral gyi
bya bzhag rmi lam so tshis 'dra/_/'bad pa don med yin gyis skyur
la thongs/_/chos mthun zas kyang zhen med rgya yis thob/_/bya byed snying
po med do ma Ni ba/_/rjes thob dus gsum rtog pa'i 'dul sbyong 'di//
dran snang thams cad chos skur ma shar bar/_/med thabs med
dgos dus dran par gyis/_/'khrul rtog yan par ma btang ma Ni ba/_/
zhes dang /_gzhan yang /_ma 'ongs pa yi mdun ma bsu/_/ma 'ongs pa
yi mdun bsus na/_/zla ba grags pa'i pha dang 'dra/_/zhes gsungs/
sngon mi dbul po zhig gis nas mang du rnyed pa snod du blugs nas
steng du btags/_kho rang de'i 'og tu nyal nas da ngas nas 'di
la gzhi byas longs spyod mang po 'ong /_de tshe chung ma zhig kyang bsu/
der bu zhig kyang nges par skye ste bu de'i ming gang 'dogs snyam tsa
na zla ba shar byung bas ngas bu de'i ming zla ba grags par gdag
dgos snyam pa'i skabs nas snod kyi lung byi bas zos te chad nas
kho rang gi steng du lhung bas bsad pa yin/
de ltar 'das ma 'ongs kyi rtog tshogs mang po thog tu khel dus
med cing rang rgyud g.yengs pa'i rgyu yin pas legs par spangs te
dran shes bag yod dang ldan pas nyan/_ha cang nang du sdud ches pa

dang /_chos kyi tshig don re re nas spar zin byed pa ni dred mos phyi
ba brko ba ltar re re zin dus re re brjed 'gro ba las thams cad
shes pa'i dus mi 'ong /_ha cang sdud che na gnyid rmugs la sogs
pa'i skyon kyang 'jug pa yin pas grim lhod ran par bya ste/_sngon
gro bzhin skyes la kun dga' bos sgom bslabs pas/_khong gi re
'ga' ni grims ches/_re 'ga' ni lhod che bas sgom yang dag pa
skyer ma btub/_bcom ldan 'das la zhus pas/_tshe dang ldan pa khyod
khyim na gnas pa'i tshe pi wang sbreng ba la mkhas sam gsungs/_de
shin tu mkhas zhus pas/_khyod kyi pi wang gi sgra de rgyud ha cang grims
pa las byung ngam ha cang lhod pa las byung gsungs/_de gnyis ka ma
lags te grim lhod ran pa las byung bar zhus pas/_'o na khyod kyi
sems kyang de dang 'dra bar gsungs pas 'bras bu thob pa dang /
ma lab sgron gyis kyang /_grims kyis sgrim la lhod kyis glod/_/de na
lta ba'i gnad cig yod/_/gsungs pa ltar/_sems ha cang grims te
nang du mi sdud par grim lhod ran par byas te dbang po bag yangs
su bzhag_chos thun ring drags pas bkres pa dang skom pas nyen
pa'am/_rlung dang nyi char sogs kyis gdung ba lta bus sems skyo ste
chos nyan mi mos pa spangs te/_da res dal 'byor gyi mi lus thob/
mtshan ldan gyi bla ma dang mjal/zab mo'i gdams ngag nyan tu yod
pa 'di re dga'/_bskal pa grangs med pa'i bar du tshogs bsags

pa'i 'bras bu da res zab mo'i dam chos nyan pa 'di tshe gang dus
brgya'i za ma lan cig yin pas chos 'di'i ched du dka' tshegs
tsha grang ji byung yang bzod par bya dgos snyam du dga' bzhin spro
bzhin du nyan dgos pa yin/
gsum pa mi 'dzin pa lnga ni/_tshig 'dzin la don mi 'dzin pa/_don
'dzin la tshig mi 'dzin pa/_brda ma 'phrod par 'dzin pa/_gong 'og
nor nas 'dzin pa/_log par 'dzin pa dang lnga spangs dgos/_de
yang tshig snyan snyan legs legs re byung na de nyid ched du 'dzin
zhing don zab mo rnams la rtog dpyod mi 'jug na byis pa me tog
btu ba dang 'dra ste tshig gi na yam gyis sems la phan mi thogs/
bshad pa ni tshig gi ro yin pas des ci bya snyam ste khyad du bsad
nas don zab mor spar zin byas kyang tshig la ma bsten par don
mi 'byung bas tshig don ya bral/_drang nges ldem dgongs kyi gsung
sna tshogs pa rnams brda ma 'phrod par bzung na tshig dang don du
'dzol nas yang dag pa'i chos dang rgyab 'gal/_gong 'og nor nas
bzung na bstan pa'i babs dang 'gal te nyan 'chad sgom pa gang
gi dus su yang 'gal ba 'du/_don log par bzung na log rtog
rgyun 'byams nas rang rgyud chud zos su 'gyur zhing bstan pa'i
rkang 'dren pa yin pas de dag spangs te tshig brda don gong 'og
thams cad ma nor ba yang dag pa'i lam nas 'dzin/_gang dka'

dka' dang mang ba yang mi zin snyam du sgyid mi lug par snying rus
kyis 'dzin/_gang sla ba dang nyung ba yang sla chos kyis brnyas bcos
mi byed par mi brjed par 'dzin/_gong 'og gi babs 'brel ma
nor bar tshig don thams cad yang dag par 'dzin dgos pa yin
no/_/
gnyis pa blang bya'i kun spyod la/
'du shes bzhi brten pa/_phar phyin drug dang ldan pa/_spyod lam
gzhan bsten pa dang gsum/_dang po ni/_sdong po bkod pa las/
rigs kyi bu khyod kyis bdag nyid la nad pa'i 'du shes bskyed par
bya'o/_/chos la sman gyi 'du shes bskyed par bya'o/_/dge ba'i bshes
gnyen la sman pa mkhas pa'i 'du shes bskyed par bya'o/_/nan tan
nyams su len pa ni nad nye bar 'tsho ba'i 'du shes bskyed par
bya'o/_/zhes gsung pa ltar/_rang nyid thog ma med pa'i dus nas
'khor ba sdug bsngal gyi rgya mtsho chen po 'dir rgyu dug gsum dang
'bras bu sdug bsngal gsum gyi nad kyis mnar ba'i nad pa lta bu
yin/_dper na nad tshabs po ches btab pa'i nad pa des sman pa
mkhas pa zhig bsten/_sman pa des ji ltar bsgo ba bzhin bsgrubs
nas gang byin pa'i sman btung ste nad las grol ba'i bde ba don

du gnyer ba ltar/_sman pa mkhas pa lta bu mtshan nyid dang ldan pa'i
bla mas ji gsung gi bka' bsgrub dam pa'i chos kyi sman btung bas
las nyon sdug bsngal gyi nad las grol bar byed dgos pa yin/_bla
ma bsten kyang bla ma'i bka' bzhin ma bsgrubs na sman pa'i bsgo ba
mi nyan na sman pas nad par phan 'dogs thabs med pa dang 'dra/
dam pa'i chos kyi sman rang gis btung ste nyams su ma blangs na
nad pa zhig gi sngas su sman dang sman yig grangs med pa yod kyang
rang gis sman ma btung na nad la mi phan pa dang 'dra/_lar da lta'i
dus na bla ma'i thugs rjes gzigs zer nas re chen po byed cing
rang gis mi dge ba'i las du ma bsags kyang de'i 'bras bu myong
mi dgos par bla ma'i thugs rjes dag pa'i zhing khams su rdo 'phen
'phen byed rgyu yod snyam pa 'dug ste/_bla ma'i thugs rjes bzung zer
ba de/_brtse bas rjes su bzung /_zab mo'i gdams ngag bstan/_spang
blang gi dmigs phye/_rgyal ba'i bka' dang bstun nas thar pa'i lam
ston pa de las lhag pa'i thugs rje ci yang med/
thugs rje de la brten nas thar pa'i lam du 'gro mi 'gro rang la
rags las shing /_de las kyang da res dal 'byor gyi mi lus thob/
blang dor gyi gnad shes/_rang la rang dbang yod pa'i dus 'dir
'dun ma gtan legs dang gtan nyes kyi so mtshams yin pas
bla mas ji ltar bsgo ba bzhin nyams su blangs nas 'khor 'das

kyi 'khrun thag chod pa zhig byed pa gal che/_de las gzhan du grong
chog pa rnams shi bo'i ro sngas su phyin nas yar 'gro mar 'gro'i sa
mtshams rta kha srab kyis bsgyur ba dang 'dra zhes zer gyin 'dug
ste/_lam sbyangs pa sngon song gi gang zag cig yin na ma gtogs
de skabs las kyi rlung dmar gyis rgyab nas ded/_'jigs pa'i
mun nag gis mdun nas bsus/_bar do'i 'phrang ring gi mtha'
la gcur/_gshin rje'i skyes bu bsam gyis mi khyab pas sod sod
dang rgyob rgyob kyi ngang la ded nas/_bros sa dang gab sa skyabs dang
re ltos thams cad zad nas ci bya gtol med pa'i skabs su yar
'gro mar 'gro'i sa mtshams ji ltar yin te/_o rgyan chen pos kyang /
mtshan byang mgo la dbang bskur byed tsa 'phyis/_/rnam shes bar dor
khyi glen bzhin du 'khyams/_/mtho ris dran te de la dka' las yod//
ces gsungs/
des na yar 'gro mar 'gro'i sa mtshams rta kha srab kyis bsgyur ba
dang 'dra nges pa de da res gson pa'i skabs 'di nyid yin/_mi'i
lus rten 'di'i steng nas yar dge ba'i las shig sgrub kyang gzhan
las stobs che ste da res kyi skye ba 'dir thod pa bor chog ma byas
chog_mar mi dge ba'i las bsags kyang sems can gzhan gyis
bsgrub pa las nus pa che bas ngan song gi gting nas mi thar pa'i
rgyu byed nges pas da res sman pa mkhas pa lta bu'i bla ma dam pa

dang mjal/_sman shi gsos kyi bdud rtsi lta bu'i dam pa'i chos dang
mjal ba'i skabs 'dir yang dag pa'i 'du shes bzhi bsten te
rang gi thos pa'i chos nyams su blangs nas thar pa'i lam du 'gro ba
zhig dgos/
de'i mi mthun phyogs log pa'i 'du shes bzhi spang dgos te/_yon
tan mdzod las/_mi gzhi ngan pa'i zol sbyor tha gus rnyis/_/bla ma
spos kyi glang po ltar bsnyen nas/_/dam chos gla rtsi'i rnyed pa thob nas
slar/_/rngon la yang dag spro bas dam tshig 'phen/_/zhes gsungs pa
ltar bla ma la gla ba'i 'du shes/_chos la gla rtsi'i 'du shes/_rang la
rngon pa'i 'du shes/_nan tan nyams su len pa la mda' 'am rnyis
gla ba gsod thabs kyi 'du shes bzhag nas chos zhus te nyams
su mi len zhing /_bla ma'i bka' drin la mi rtsi ba rnams ni chos la
brten nas sdig pa'i las bsags te ngan song gi gting rdo byed pa
yin no/_/
gnyis pa pha rol tu phyin pa drug dang ldan par bya ba ni/
chos spyod thams cad kyi man ngag mngon par rtogs ba'i rgyud las/
me tog stan sogs rab 'bul zhing /_/sa phyogs spyod lam sdom pa
dang /_/srog chags kun la 'tshe mi bya/_/bla ma la ni yang dag dad//

ma yengs bla ma'i gdams ngag nyan/_/dogs sel phyir na skyon
tshig dri/_/nyan po yan lag drug dang ldan/_/zhes pa ltar/_chos kyi
khri bshams shing stan 'ding ba dang maN+Dal me tog sogs 'bul ba
sbyin pa/_sa phyogs phyag dar dang chag chag la sogs legs par bya
zhing rang gi spyod lam ma gus pa la sogs pa sdom pa tshul khrims/
srog chags phra mo tshun chad la gnod pa mi byed cing /dka' tshegs
dang tsha grang thams cad bzod pa bzod pa/_bla ma dang chos la log
lta spangs nas yang dag pa'i dad pas spro bzhin du nyan pa brtson
'grus/_bla ma'i gdams ngag las sems gzhan du ma yengs par
nyan pa bsam gtan/_the tshom gyi dogs sel la sogs pa dri zhing
sgro 'dogs thams cad gcod pa shes rab ste/_nyan pa po pha rol tu
phyin pa drug dang ldan par bya'o/_/
gsum pa spyod lam gzhan bsten pa ni/
'dul ba lung las/_ma gus pa la chos mi bshad/_/mi na bzhin du
mgo g.yogs dang /_/gdugs dang mkhar ba mtshon thogs dang /_/
mgo bo dkris pa dag la min/_/zhes dang /_skyes rabs las/_rab
tu dma' ba'i sa la 'dug_/dul ba'i dpal ni rnam par bskyed/_/
dga' dang ldan pa'i mig gis blta/_/tshig gi bdud rtsi 'thung ba

bzhin/_/rab tu bsgrims te chos nyon cig_/ces sogs gsungs pa
ltar ma gus pa'i spyod lam thams cad spang bar bya'o/_/
gnyis pa bshad bya'i chos kyi rim pa dal 'byor
rnyed dka' ba'i khrid la/
ngo bo dal ba bsam pa/_khyad par gyi chos 'byor pa bsam pa/_rnyed
dka'i dpe la bsam pa/_grangs kyi khyad par bsam pa dang bzhi las/
dang po ngo bo dal ba bsam pa ni/
spyir mi khoms pa'i gnas brgyad du ma skyes par dam pa'i chos
bsgrub par khoms pa ni dal ba zhes bya/_mi dal ba ni mi khoms pa'i
gnas brgyad de/_ji skad du/_dmyal ba yi dwags dud 'gro dang /_/
kla klo tshe ring lha dang ni/_/log lta sangs rgyas kyis stong pa/_/lkugs pa
'di dag mi khoms brgyad/_/ces gsungs pa ltar/
dmyal bar skyes na tsha grang gi sdug bsngal la khor mor spyod pas
chos byed du mi khoms/_yi dwags ni bkres skom gyi sdug bsngal la
spyod pas chos byed du mi khoms/_dud 'gro ni bkol spyod dang phan
tshun 'tshe ba'i sdug bsngal la spyod pas chos byed du mi khoms/_lha
tshe ring po ni 'du shes med pa'i ngang dus gron nas chos byed du

mi khoms/_yul mtha' 'khob tu skyes na sangs rgyas kyi bstan pa
med pas chos byed du mi khoms/_mu stegs byed dam de dang rjes
mthun pa'i log lta can du skyes na rang rgyud log ltas bslad pas
chos byed du mi khoms/_mun pa'i bskal pa la skyes na dkon mchog
gsum gyi sgra tsam yang mi grags shing dge sdig ngo mi shes pas chos
byed du mi khoms/_lkugs par skyes na rnam shes las su mi rung bas
chos byed du mi khoms pa ste brgyad las/_ngan song gsum ni rtag
par rang rang gi sngon bsags las ngan gyi 'bras bus 'phangs
pa'i tsha grang bkres skom la sogs pa'i sdug bsngal la khor mo yug
tu spyod pas chos byed du mi khoms/_kla klo zhes pa ni klo kha khra zhes
pa la sogs mtha' 'khob sum cu rtsa gnyis yod par bshad pa
rnams dang*/_'tshe ba chos su smra ba kla klo'i chos lugs zhes srog
bcad pa dge bar brtsi ba rnams te/_mtha' 'khob kyi kla klo rnams
kyang rang bzhin mi gzugs lta bur yod kyang blo las su ma rungs
pas dam pa'i chos kyi phyogs su bsgyur mi btub/_ma bag mar len
pa la sogs rang gi pha mes kyi srol ngan pa'i rjes su 'brang bas
chos mthun gyi spyod pa dang rgyab 'gal/_srog chags gsod pa dang
ri dwags bshor ba la sogs mi dge ba'i las thabs la lhag par
mkhas shing sdig pa 'ba' zhig la spyod pas/_shi ma thag ngan song du
'gro ba mang bas mi khoms pa'i gnas yin/

lha tshe ring po zhes pa ni 'du shes med pa'i lha ste dge sdig gang
gi yang 'du shes med pa'i bsam gtan la thar par bzung nas
bsgoms pas 'du shes med pa'i lhar skyes ting nge 'dzin de'i ngang
du bskal chen mang po'i bar du gnas nas 'phen byed kyi las zad
pa na log lta'i rgyus ngan song du skye bas chos byed du mi khoms pa
yin/_log par lta ba ni/_spyir sangs rgyas kyi bstan pa las phyi rol
du gyur pa'i lta log can rtag chad du lta ba rnams te/_de dag ni
rang gi rgyud log ltas bslad nas yang dag pa'i chos la mos pa mi
 bas dam pa'i chos byed du mi khoms pa yin kyang /_bod 'dir
o rgyan sangs rgyas gnyis pas bod skyong brtan ma bcu gnyis la
gtad pas mu stegs pa dngos su mi 'jug_de dang cha 'dra ba'i
yang dag pa'i chos dang gang zag la log par rtog pa'i rigs
can yin na yang dam pa'i chos tshul bzhin sgrub pa la mi khoms pa
yin te/_dper na dge slong legs pa'i skar ma lo nyer lnga'i bar du
bcom ldan 'das kyi zhabs 'bring du bsdad kyang dad pa cung zad
med par log lta kho na byas pas mthar me tog ldum rar yi dwags
su skyes pa lta bu yin/_sangs rgyas kyis stong pa ni mun pa'i bskal
par skyes pa ste/_sangs rgyas ma byon pa'i zhing stong pa rnams su skyes
na dkon mchog gsum gyi sgra tsam yang mi grags shing dam pa'i
chos kyi snang ba dang bral bas mi khoms pa'i gnas yin/_lkugs

par skyes na rang rgyud las su ma rungs pas chos nyan 'chad sgom
sgrub gang yang byed mi nus/_lkugs pa zhes pa spyir ngag lkugs pa
la zer ba de yang smra shes don go ba mi'i mtshan nyid ma tshang bas
mi khoms pa'i gnas yin kyang yid kyi dbang po lkugs te shin tu
blun rmongs su gyur pas chos kyi go brda mi 'phrod pa rnams kyang mi
khoms pa yin no/_/
gnyis pa khyad par gyi chos 'byor pa bsam pa la/
rang 'byor lnga dang /_gzhan 'byor lnga las/_dang po rang 'byor ni/
klu sgrub kyis/_mi nyid dbus skyes dbang po tshang /_/las mtha' ma
log gnas la dad/_/ces gsungs pa ltar/_mi lus ma thob na chos
dang mi mjal bas mi'i lus rten gyi 'byor pa/_chos med pa'i yul
mtha' 'khob tu skyes na chos dang mi mjal ba la/_da res chos
tshigs kyi yul dbus su skyes pas yul gyi 'byor pa/_dbang po ma
tshang na chos kyi gegs su gyur pa las da res de 'dra'i skyon dang
bral bas dbang po yon tan gyi 'byor pa/_las kyi mtha' log na
rtag tu mi dge ba la spyod cing chos la rgyab kyis phyogs pa las/_da
res dge ba la mos pa bsam pa'i khyad par gyi 'byor pa/_dad pa'i

pa las/_da res blo chos la phyogs nus pas dad pa'i 'byor pa ste
lnga po 'di rang ngo la ltos nas tshang dgos pas rang rgyud skal pa'i
'byor pa lnga zhes bya/
de yang yang dag pa'i dam pa'i chos rnal ma zhig bsgrub pa la ni
mir gyur pa zhig nges par dgos te/_mi'i lus rten zhig ma thob
na ni ngan song gsum las bzang shos dud 'gro yin kyang da lta mi
yul na yod pa'i dud 'gro gzugs mdzes pa dang rin thang che ba
la sogs ji tsam bzang bar brtsi ba zhig la yang da lta khyod kyis
oM ma Ni pad+me hU~M zhes tshar gcig brjod na khyod sangs rgyas par
'gyur ro/_/zhes smras kyang de'i tshig kyang mi go don yang mi shes smra
yang mi nus tha na da lta nyid du 'khyag grir 'chi yang rgur re sdod
pa las thabs gzhan phran bu tsam yang bsam mi shes/_mi zhig yin
na ji ltar zhan kyang kho rang gad phug gam shing drung lta bu zhig tu
phyin/_me shing thus nas me sgong btang ste kha lag bsro shes pa de tsam
yang dud 'gro la med na chos bsgrub pa'i bsam blo lta ci smos/_lha la
sogs pa lus rten bzang shos yin kyang so thar gyi sdom pa mtshan
nyid pa'i snod du ma gyur pas bstan pa yongs su rdzogs pa rang rgyud
la thob pa'i skal pa dang mi ldan pa yin/_yul dbus zhes pa 'di
la sa tshigs kyi dbus dang /_chos tshigs kyi yul dbus gnyis las/
dang po ni/_spyir lho 'dzam bu'i gling gi yul gyi dbus rgya gar rdo rje

gdan/_bskal pa bzang po'i sangs rgyas stong sangs rgya ba'i gnas/
bskal pa stongs kyang mi 'jig par 'byung ba'i gnod pa dang bral
te gnam la zo ba btags pa ltar gnas pa dbus su byang chub kyi
shing gis brgyan par bshad pa/_de nyid gtso bor byas pa'i 'phags
yul gyi grong khyer rnams la sa tshigs kyi yul dbus zer/
chos tshigs kyi yul dbus ni sangs rgyas kyi bstan pa dam pa'i
chos gang du gnas pa de yin la/_de ma yin pa rnams la mtha'
'khob ces bya/_des na sngon sangs rgyas 'jig rten du byon pa nas
bzung ste rgya gar na bstan pa ji tsam gnas kyi bar du sa tshigs
dang chos tshigs gnyis ka'i yul dbus yin kyang /_da lta rgya gar
rdo rje gdan kyang mu stegs pas bzung nas rgyal bstan med par
bshad pas chos tshigs kyi mtha' 'khob yin/_bod gangs can gyi
yul 'di ni sngon sangs rgyas 'jig rten du byon skabs mi'i 'gro
ba'ang cher med cing bstan pa ma dar bas mtha' 'khob bod kyi
yul zhes grags kyang /_phyis su mi'i 'gro ba rim par mched de
sprul pa'i rgyal po du ma byon pa las/_lha tho ri gnyan btsan gyi ring
la spang skong phyag brgya pa dang sAts+tsha'i brkos phor sogs khang steng du
babs te dam pa'i chos kyi dbu brnyes/
rgyal rabs lnga na de'i don shes pa 'byung bar lung bstan pa bzhin
'phags pa thugs rje chen po sprul pa'i rgyal po'i tshul bzung ba chos

rgyal srong btsan sgam po'i ring la lo tsA ba thon mi sam b+ho Ta rgya gar
du brdzangs te sgra dang yi ge la sogs pa bslabs nas bod yi ge
med pa la yi ge'i srol btod/_spyan ras gzigs kyi mdo rgyud nyi
shu rtsa gcig dang gnyan po gsang ba la sogs bod skad du bsgyur/
rgyal po'i sprul pa'i rnam rol du ma dang blon po mgar stong btsan
yul srung gi 'phrul thabs sna tshogs la brten te rgya dang bal po'i
rgyal po'i sras mo gnyis btsun mor bsus pa'i rdzongs su/_ston pa'i
rgyal tshab rdo shAka rnam gnyis la sogs rten gsum du ma byon zhing
ra sa 'phrul snang gi gtsug lag khang gi gtsos mtha' 'dul dang
yang 'dul gyi gtsug lag khang du ma bzhengs te dam pa'i chos kyi
srol btod/
de'i rgyal rabs lnga pa lha sras khri srong lde'u btsan gyi sku ring la
sa gsum na 'gran zla dang bral ba'i rig sngags 'chang chen po
o rgyan gyi mkhan po pad+ma 'byung gnas la sogs paN+Di ta brgya dang
rtsa brgyad gdan drangs/_bsam yas mi 'gyur lhun gyis grub pa'i
gtsug lag la sogs sku rten gtsug lag gi khang pa bzhengs/
lo chen bai ro tsa na la sogs lo tsA brgya dang rtsa brgyad la lo tsA
bslabs te rgya gar 'phags pa'i yul na ji tsam dar ba'i mdo rgyud
bstan bcos kyis gtsos pa'i gsung rten dam pa'i chos bsgyur/
sad mi mi bdun la sogs rab tu byung ste thugs rten tu dge

'dun gyi sde btsugs pa sogs sangs rgyas kyi bstan pa nyi ma shar
ba ltar mdzad pa nas bzung dus da lta'i bar du bstan pa la 'phel
'grib ci rigs pa byung yang don du rgyal ba'i lung rtogs kyi bstan
pa ma nyams par yod pas chos tshigs kyi yul dbus yin/
dbang po sgo lnga gang rung ma tshang na rab byung gi sdom pa'i snod du
mi 'gyur zhing /_mos gus kyi rten rgyal ba'i sku gzugs la sogs
mjal ba dang /_thos bsam gyi yul gsung rab rin po che blta ba
dang /_nyan pa la sogs pa'i skal pa dang mi ldan pas chos yang dag
gi snod du mi rung ba yin/
las mtha' log pa zhes rngon pa dang smad 'tshong la sogs pa'i
rigs brgyud du skyes pas chung ngu nas las kyi mtha' log pa'i
lam du zhugs pa la zer yang don du sgo gsum chos 'gal gyi bya
ba byed tshad las mtha' log par zhugs pa yin pas 'di lta bur
dang po ma skyes kyang phyis su 'byung nye ba yin pas rang rgyud dam
pa'i chos dang mi 'gal ba zhig byed dgos/_dad pa'i gnas sangs
rgyas kyi bstan pa la ma dad na ni gzhan 'jig rten gyi lha klu mthu bo
che la sogs pa rnams dang phyi rol mu stegs pa'i bstan pa sogs
la ji tsam du dad par byas kyang 'khor ba dang ngan song gi sdug
bsngal las skyob par mi nus pas rgyal ba'i bstan pa lung dang
rtogs pa'i bdag nyid can la rgyu mtshan shes pa'i dad pa thob pa

ni yang dag pa'i chos kyi snod ma nor ba yin pas rang 'byor lnga'i
gtso bo yin no/_/
gnyis pa gzhan 'byor lnga ni/_sangs rgyas byon dang des chos
gsungs/_/bstan pa gnas dang de'i rjes 'jug_/gzhan phyir snying
ni brtse ba'o/_/zhes pa ltar/_sangs rgyas 'jig rten du byon pa'i sgron
bskal la ma skyes na chos kyi ming yang med pa la/_da res sangs
rgyas byon pa'i bskal pa dang thug pas ston pa khyad par can gyi
'byor pa/_byon kyang chos ma bstan na mi phan pa las/_chos 'khor
rim pa gsum bstan pas bstan pa dam pa'i chos kyi 'byor pa/
chos bstan kyang bstan pa nub na mi phan pa las da lta bstan pa'i
gnas tshad ma rdzogs pas dus kyi 'byor pa/_bstan pa gnas kyang
de la ma zhugs na mi phan pa las/_bstan pa'i sgor zhugs pa rang
gi skal pas 'byor pa/_zhugs su zin kyang mthun pa'i rkyen dge
ba'i bshes gnyen gyis ma zin na chos kyi de nyid mi shes pas des
zin pa lhag pa'i thugs rje'i 'byor pa ste/_lnga po ni gzhan rkyen la
ltos nas tshang dgos pas gzhan 'byor lnga zhes bya/
de yang srid pa chags gnas 'jig stong bzhi'i yun la bskal pa
zhes grags pa las/_rdzogs pa'i sangs rgyas 'jig rten du byon na
sgron bskal dang /_/sangs rgyas ma byon pa'i bskal pa la mun bskal
zhes grags pa las/_sngon 'das pa'i dus na bskal pa chen po

mngon par dga' ba la sangs rgyas sum khri sum stong byon/_de'i 'og
tu mun pa'i bskal pa brgya byung*/_de nas bskal pa rdzogs ldan zhes
bya ba la sangs rgyas bye ba phrag brgyad cu byung*/_de'i 'og tu mtha'
'khob kyi bskal pa brgya byung /_de'i 'og tu bskal pa bzang ldan
zhes bya ba la sangs rgyas bye ba phrag brgyad cu rtsa bzhi byung /_de'i
'og tu mun pa'i bskal pa lnga brgya byung*/_de nas bskal pa mthong
na dga' ba la sangs rgyas bye ba phrag brgyad cu byung*/_de nas mun
bskal bdun brgya byung*/_de nas bskal pa dga' ba dang ldan pa la
sangs rgyas stong phrag drug cu byung*/_de'i rjes la bskal pa bzang po
'di nyid byung ba yin te/_bskal pa 'di ma chags pa'i sngon rol
du stong gsum thams cad chu'i rgya mtsho chen po gcig tu gyur te
yod pa la me tog pad+ma 'dab ma stong ldan stong skyes nas 'dug pa
gtsang ris kyi lha rnams kyis rgyu mtshan ci yin zhes mngon shes
kyis brtags pas da res kyi bskal pa 'di la sangs rgyas stong
'byon par de'i don gyis yin par shes te da res kyi bskal pa
'di ni bskal pa bzang po yin no zhes bskal pa'i ming bzang por
btags pa bzhin/_skye dgu rnams kyi tshe lo brgyad khri thub pa'i dus
su sangs rgyas 'khor ba 'jig byon pa nas bzungs te mthar skye
dgu rnams kyis tshe lo dpag med thub pa'i dus su sangs rgyas mos
pa byon pa'i bar du sangs rgyas stong 'jig rten gyi khams 'di'i

'dzam bu'i gling gi yul dbus rdo rje gdan du byon te mngon par
rdzogs par sangs rgyas nas chos kyi 'khor lo bskor bar 'gyur
pas sgron me'i bskal pa yin/
'di'i 'og tu mtha' 'khob kyi bskal pa rigs ngan drug cu 'byung /
de'i 'og tu bskal pa grangs ldan la sangs rgyas stong phrag bcu
'byung /_de'i 'og tu rigs ngan kyi bskal pa stong phrag bcu 'byung /
de dag la sogs mun pa'i bskal pa dang sgron me'i bskal pa
'dres mar 'byung ba las/_mun pa'i bskal pa dang 'phrad na dkon
mchog gsum gyi sgra tsam yang med/_de las kyang gsang sngags rdo
rje theg pa'i bstan pa ni res 'ga' tsam las mi 'byung ste/_o rgyan
chen pos/_sngon bskal pa thog ma la bskal pa kun bkod ces bya ba
'byung ba'i tshe/_sangs rgyas sngon byung gi rgyal po zhes bya ba'i bstan
pa la gsang sngags rgya cher bsgrags so/_/da lta'i sangs rgyas shAkya
thub pa'i bstan pa 'di la gsang sngags byon la/_da ste bskal pa bye
ba'i tshe/_sangs rgyas 'jam dpal dbyangs zhes bya ba da lta nga dang
tshul mthun pa zhig 'byung ste/_des gsang sngags rgya cher ston par
'gyur ro/_/bskal pa de gsum ni 'gro ba rnams snod du rung ba'i
phyir ro/_/bskal pa de gsum ma yin par dus nam yang gsang
sngags mi 'byung ste sems can rnams snod du mi rung ba'i phyir ro/_/

zhes gsungs pa ltar/_da res bskal pa bzang po 'di'i skye dgu
rnams kyi tshe lo brgya pa'i dus 'dir rdzogs pa'i sangs rgyas shAkya
thub pa 'jig rten du byon pas sgron me'i bskal pa yin no/_/
sangs rgyas byon kyang de'i chos mi gsung bar sangs rgyas mnyam
gzhag la bzhugs pa'i skabs su babs na sangs rgyas byon kyang
bstan pa dam pa'i chos kyi snang ba med pas sangs rgyas ma byon pa
dang khyad med de/_bdag cag gi ston pas kyang rdo rje gdan byang
chub kyi shing drung du mngon par rdzogs par sangs rgyas pa'i go
'phang mngon du mdzad nas/_zab zhi spros bral 'od gsal 'dus
ma byas/_/bdud rtsi lta bu'i chos shig bdag gis rnyed/_/su la bstan
kyang go bar mi 'gyur bas/_/mi smra nags 'dabs nyid du gnas
par bya/_/zhes gsungs nas bdun phrag bdun du chos ma gsungs
par bzhugs pas/_tshangs pa dang brgya byin gyis chos kyi 'khor lo
bskor bar gsol ba btab pa lta bu yin no/_/der ma zad bstan
'dzin gyi skyes bu rnams kyang yang dag pa'i dam pa'i chos kyi 'chad
nyan ma mdzad na ni sems can la dngos su phan thogs par dka'
ste/_dper na rgya gar gyi jo bo smri ti dz+nya na bod du ma nyi tshe ba'i dmyal
bar skyes pa'i don la byon pa'i lam du lo tsA ba shi_smri ti khams su
'khyams ste skad brda ma 'phrod pas lug rdzi yang mdzad/_chos kyis
'gro phan cher ma byung ba'i ngang nas grongs song bas/

phyis su jo bo rje lha gcig bod du byon skabs de'i tshul gsan
pas/_a tsa ma khyed bod bsod nams re chung /_nged rgya gar shar
nub gnyis na paN+Di ta gcig la jo bo smri ti dz+nyA na las lhag pa med
gsungs phyag thal mo sbyar te spyan chab phyung bar 'dug_des na
da res sangs rgyas shAkya thub pas chos kyi 'khor lo rim pa gsum
du bskor te gdul bya'i skal pa dang 'tshams pa'i sku'i bkod
pa bsam gyis mi khyab pa bstan nas theg pa rim pa dgu'i chos
kyis gdul bya smin grol du mdzad pa yin/_sangs rgyas byon chos
gsungs kyang bstan pa'i gnas tshad rdzogs nas bstan pa dam
pa'i chos nub na mun bskal dang khyad med de sangs rgyas snga ma'i
bstan pa rdzogs/_phyi ma'i bstan pa ma byung ba'i bar du bstan pa'i
stong zhes bya ste/_skal pa dang ldan pa'i bsod nams kyi zhing du rang
sangs rgyas rnams 'byon pa las chos 'chad nyan gyi nyams su len
pa med pa yin pa la/_da res sangs rgyas shAkya thub pa'i bstan pa
'di la spyir kun bzang thugs kyi bstan pa'am 'bras bu'i bstan
pa lnga brgya phrag gsum/_sgrub pa'i dus lnga brgya phrag gsum/_lung gi
dus lnga brgya phrag gsum/_rtags tsam 'dzin pa lnga brgya phrag gcig
ste lnga brgya phrag bcu yod pa las/_da lta lnga brgya phrag bdun pa'am
brgyad pa tsam la sleb pa dang /_dus dang sems can dang tshe dang
lta ba dang nyon mongs pa'i snyigs ma ste snyigs ma lnga bdo ba'i dus

la sleb rung lung rtogs kyi bstan pa dngos ma nub par yod pas
bstan pa dam pa'i chos kyi 'byor pa yang tshang /
bstan pa gnas kyang rang nyid bstan pa'i sgor ma zhugs na/_dper
na 'jig rten du nyi ma shar kyang dmus long la phan gnod cung zad
med pa'am/_rgya mtsho'i 'gram du phyin kyang rang gis ma btung na skom
pa mi sel ba dang 'dra bar lung rtogs kyi bstan pa rang rgyud la mi
lon/_zhugs pa de yang tshe 'di'i nad gdon la sogs pa zhi ba'i
ched dam/_phyi ma ngan song gi sdug bsngal tsam la skrag nas bstan pa
la zhugs kyang 'jigs skyob kyi chos zhes bya ste lam zhugs dngos
su mi rung /_yang tshe 'di'i lto gos la sogs pa'i phyir ram phyi ma lha
mi'i bde 'bras tsam don du gnyer bas bstan pa la zhugs kyang
legs smon gyi chos zhes bya ste/_'khor ba mtha' dag la snying po med
par shes nas thar pa'i lam don du gnyer bas chos sgor zhugs
na ni lam gyi sne zin bstan pa'i sgor zhugs pa zhes bya/_bstan la
zhugs kyang dge ba'i bshes gnyen gyis ma zin na mi phan ste/_sdud
pa las/_sangs rgyas chos rnams dge ba'i bshes la bsten to zhes//
yon tan kun gyi mchog mnga' rgyal bas de skad gsungs/_/zhes pa
ltar bka' rgya che/_lung grangs mang /_shes bya'i mtha' la zad dus
med pas bla ma'i man ngag la ma bsten par chos thams cad kyi
gnad bsdus nas nyams su len mi shes te/

sngon jo bo bod du byon dus khu rngog 'brom gsum gyis/_rten gyi gang
zag gcig thar pa dang thams cad mkhyen pa'i go 'phang thob par
byed pa la bka' bstan bcos kyi gzhung dang /_bla ma'i gdams
ngag gnyis gang gtso che zhus pas/_de bla ma'i gdams ngag gtso che
gsungs/_de ci lags zhus pas/_sde snod gsum kha ton du 'chad
shes shing /_chos thams cad kyi mtshan nyid la mkhas kyang /_nyams su
len pa'i dus su bla ma'i gdams ngag gi lag len med na/_chos
dang gang zag ya bral du 'gro gsungs/_yang bla ma'i gdams ngag
gi lag len 'ub kyis dril na sdom pa gsum la gnas par bya ba
dang /_sgo gsum dge ba la 'bad par 'dus par gda' ye zhus
pas/_jo bo'i zhal nas/_des cung mi phan gsungs/_'o na ci ltar
lags zhus pas/_sdom pa gsum la gnas shing dag kyang khams
gsum 'khor ba las yid ma byung na slar 'khor ba'i rgyu byed/_nyin
mtshan du sgo gsum dge ba la 'bad kyang rdzogs pa'i byang chub
tu bsngo ma shes na phyin ci log gi rtog pa 'ga' zhig gis 'dzad/
mkhas btsun ston sgom du yod kyang 'jig rten chos brgyad las blo
ma log na ci byas tshe 'di'i 'dun mar song nas phyi ma'i lam mi
rnyed/_ces gsungs pas bla ma dge ba'i bshes gnyen gyis zin pa
ni de ltar gal che ba yin no/_/
de ltar dal ba brgyad 'byor pa bcu dang bco brgyad po de rang rgyud

la brtags pas legs par tshang na/_dal 'byor bco brgyad dang
ldan pa'i mi lus zhes bya ba de yin kyang /_da dung yang kun mkhyen
chos kyi rgyal pos yid bzhin rin po che'i mdzod du gsungs pa
bzhin/
'phral byung rkyen gyi mi khoms pa brgyad dang /_ris chad blo yi mi
khoms pa brgyad po 'di dag gi dbang du ma gyur pa'ang gces
te/_ji skad du/_yid bzhin mdzod las/_dug lnga 'khrugs dang blun
rmongs bdud kyis zin/_/le lo can dang las ngan mtsho chen rdol/_/
gzhan dbang 'jigs skyob chos ltar bcos pa ste/_'phral byung rkyen
gyi mi khoms rnam pa brgyad/_/ces dang /
'ching ba dam ldan kun spyod shin tu ngan/_/'khor bar mi skyo dad
pa cung zad med/_/mi dge sdig spyod chos la sems pa bral/_/sdom
dang dam tshig 'chal ba zhes bya ba/_/ris ched blo yi mi khoms rnam
pa brgyad/_/ces gsungs pa bzhin dang po 'phral byung rkyen gyi mi
khoms pa brgyad ni/_dgra la zhe sdang dang gnyen la chags sems la
sogs pa dug lnga'i nyon mongs pa shin tu rags pa'i rigs can
rnams ni/_chos yang dag pa zhig sgrub 'dod kyi blo res 'ga' tsam
skyes kyang /_rang rgyud kyi dug lnga dbang che bas phal cher de'i dbang
du song ste chos yang dag pa mi 'grub/_shin tu blun pa'i rigs can
shes rab kyi snang ba cung zad kyang med pa de ni chos sgor zhugs

kyang chos kyi tshig don phran bu yang shes mi nus te thos bsam sgom
gsum byed pa'i skal pa med/_lta spyod phyin ci log tu ston pa'i
bdud kyi bshes gnyen gyis zin na rang blo log lam du bsgyur
bas yang dag pa'i chos dang rgyab 'gal/_chos la slob par 'dod
kyang brtson 'grus cung zad kyang med pa'i le lo can ni le lo dang
phyi bshol gyi dbang du song ste chos mi 'grub/_chos la brtson 'grus
byas kyang rang rgyud la yon tan mi skye ba'i sdig sgrib can las
ngan gyi mtsho chen rdol pa ni rang byas kyi las 'bras mi shes par
chos la yi chad skye/_rang la rang dbang med par gzhan gyi bran du
bkol ba rnams ni chos byed 'dod yod kyang gzhan dbang du song
nas bsgrub tu mi ster/_tshe 'di'i lto gos sam gnod pa gzhan gyis
'jigs nas de'i ched du chos la zhugs kyang zhe thag pa nas chos
la nges shes med pas sngon gyi bag chags rnying pas chos ma yin
pa la spyod/_chos su bcos nas yo byad dang rnyed bkur dang /_snyan
grags sgrub pa'i chos kyi gzugs brnyan pa rnams ni gzhan snang du
chos pa ltar bcos kyang rang blor tshe 'di kho na don du gnyer bas
thar pa'i lam dang bral ba dang brgyad po de yang chos sgrub pa'i
gnas su mi khoms pa yin no/_/
ris chad blo'i mi khoms pa brgyad ni/_tshe 'di'i nor rdzas longs
spyod bu nor gnyen 'dun la sogs pa'i 'ching ba dam pos

bcings pas de dag gi don du 'bad pa'i rtsol sgrub kyis g.yengs
pas chos byed long med/_rang rgyud ngan pas mi gzhi til 'bru tsam
med cing kun spyod la yar skyed 'don du med na sngon gyi dam pa
dag gi gsung las/_slob ma'i yon tan 'chos shes kyang /_mi gzhi
'chos mi shes gsungs pa ltar yang dag pa'i bshes gnyen dang
'phrad kyang dam pa'i lam du bsgyur dka'/_ngan song dang 'khor
ba'i nyes pa bshad dam tshe 'di'i sdug bsngal ji lta bu la'ang skrag
pa'i blo gtan nas mi skye na chos la 'jug pa'i rgyu nges 'byung gi blo
rtsa ba nas mi skye/_yang dag pa'i chos dang bla ma la dad pa cung zad
kyang med na bstan pa'i 'jug sgo 'gags te thar pa'i lam du mi
tshud/_mi dge sdig spyod la dga' bas sgo gsum nye bar ma zhi ba
ni dam pa'i yon tan dang bral te chos las phyir phyogs/_yon tan
dge ba dang dam chos kyi snang ba med pa khyi'i mdun du rtswa bzhag
pa ltar gyur na chos la spro ba med pas rang rgyud la yon tan mi
skye/_thun mong gi theg pa la zhugs nas sems bskyed dang sdom pa
ral na ngan song las 'gro sa med pas mi khoms pa'i gnas las
mi thar/_gsang sngags kyi theg pa la zhugs nas bla ma dang mched
grogs la dam tshig nyams na rang gzhan phung la sbyor bas dngos
grub kyi skal ba chad pa ste brgyad po 'di ni dam pa'i chos las ring
zhing thar ba'i sgron me nub pa zhes bya'o/_/

de lta bu'i mi khoms pa'i gnas bcu drug po 'di la legs par
ma brtags na deng sang snyigs ma'i dus 'dir dal 'byor tshang
ba dang /_chos byed pa'i gzugs brnyan du yod kyang /_khri thog gi
dpon po/_gdugs zhabs kyi bla ma/_ri khrod kyi chos pa/_rgyal khams
kyi bya btang bzang por rlom pa thams cad kyang mi khoms pa'i rgyu
'di dag gi dbang du song nas chos byed lo byas kyang yang dag
pa'i lam du mi 'gro ba de byung ba yin pas/_tsab tsob tu chos kyi
gzugs brnyan la 'jug snga byed pa las dang po rang rgyud la legs
par brtags te dal 'byor gyi rang bzhin sum cu rtsa bzhi po 'di
dag tshang ngam mi tshang legs par brtag_tshang bar 'dug na dga'
ba bsgom zhing da res 'di lta bu'i rnyed par dka' ba'i dal 'byor
rnyed pa 'di chud zos su ma song bar yang dag pa'i chos shig cis
kyang bsgrub dgos snyam du zhe thag pa nas yang yang bsam/_mi tshang
bar 'dug na thabs sna tshogs kyi sgo nas tshang ba'i thabs la ci
nas kyang 'bad/_dus dang rnam pa thams cad du rang rgyud la dal
'byor gyi yon tan 'di dag tshang mi tshang brtags pa la bsgrims te
'bad dgos/
de ltar ma brtags na dal 'byor gyi yon tan 'di dag las gal
te gcig tsam zhig ma tshang yang chos rnal ma sgrub pa'i skal pa med
pa yin te/_tha na 'jig rten pa'i 'phral gyi dgos pa phran tshegs re

sgrub pa la'ang rgyu rkyen rten 'brel mang po tshogs dgos na/_phugs
kyi 'dun ma dam pa'i chos bsgrub pa la rgyu rkyen rten 'brel mang po
tshogs ci phyir mi dgos/_de yang dper na lam 'grul zhig gi tsha
ja gcig bskol ba la'ang /_bskol rgyu'i ja de'i snod chu shing me la
sogs pa mang po 'dzom dgos shing /_de'i nang nas me gcig pu
de yang*/_me cha me rdo spra ba lag pa la sogs pa'i rgyu rkyen mang po ma
'dzom par mi 'byung*/_de dag thams cad las spra ba lta bu gcig
ma 'dzom na gzhan thams cad 'dzoms kyang phan pa cung zad kyang
med paRa ja bskol rgyu rtsa ba nas bskyur dgos pa dang 'dra bar dal
'byor gyi yon tan 'di dag las gal te gcig tsam ma tshang yang
chos rnal ma sgrub pa'i skal pa rtsa ba nas med/_des na rang rgyud la
legs par brtags na dal 'byor bco brgyad tsam yang tshang ba
nges par dka' ste/_dal ba las kyang 'byor pa bcu tshang ba dkon/
de yang mir gyur dbang po tshang yul dbus su skyes pa tsam yod
srid kyang /_las kyi mtha' log lam la zhugs shing rgyal ba'i bstan
pa la ma dad na gsum las med/_de gnyis gang rung gcig ma tshang
na bzhi las med/_de las kyang las kyi mtha' ma log pa 'di shin tu
dka' ste/_sgo gsum mi dge ba'i las la spyod cing ci byed tshe 'di'i
'dun mar song na tshe 'dir bzang po dang mkhas pa sogs su
grags kyang don du las mtha' log pa yin/_gzhan 'byor lnga las

kyang /_ston pa byon chos gsungs/_bstan pa gnas su zin kyang /
rang bstan pa'i sgor ma zhugs na gsum las med/_bstan pa'i sgor
zhugs pa de yang chos zhus lo dang thob lo tsam gyis bstan pa'i
sgor zhugs par mi 'gro/
thar pa'i lam sne zin pa la 'khor ba mtha' dag la snying po med
par shes pa'i nges 'byung gi blo bcos ma ma yin pa zhig dang /
theg chen gyi lam du 'gro ba la bcos ma ma yin pa'i byang sems
rgyud la skyes pa zhig dgos/_tha na'ang dkon mchog rin po che rnam
pa gsum la yid ches pa'i dad pa srog la babs kyang mi ldog
pa zhig med na kha ton byed lo dang ser gos gyon pa tsam bstan
pa'i sgor zhugs yin pa'i nges pa med/_des na dal 'byor gyi rang
bzhin 'di dag ji bzhin pa ma nor bar shes nas brtags dpyad
byed pa gal che ba yin no/_/
gsum pa rnyed dka'i dpe la bsam pa ni/
rlabs chen pos rnam par dkrugs pa'i rgya mtsho'i steng gi gnya'
shing gi bu ga dang*/_zhabs kyi rus sbal gyi mgrin pa dag 'phrad pa
las kyang mi lus thob dka' bar bcom ldan 'das kyis gsungs
te/_de yang stong gsum 'di rgya mtsho chen po gcig tu gyur pa de'i

khar rmos glang gi rwa sbrel pa'i shing la gnya' shing du grags pa de
lta bu bu ga gcig pa zhig shar gyi rlabs kyis nub dang /_nub kyi
rlabs kyis shar du ded pa sogs skad cig kyang mi sdod par 'gro
ba zhig yod la/_mtsho de'i gting na rus sbal long ba lo brgya re na
mtsho khar lan re 'ong ba zhig yod pa de gnyis 'phrad pa ni shin
tu dka' ste/_gnya' shing sems med la rus sbal tshol ba'i blo med/
rus sbal long ba la gnya' shing blta ba'i mig med/_gnya' shing de
yang phyogs gcig tu sdod na 'phrad srid pa las/_dus rgyun par
skad cig kyang mi sdod/_rus sbal de yang rtag tu mtsho khar nyul nas
'gro na 'phrad srid pa las/_lo brgya re na mtsho khar lan re las mi
'byung bas de gnyis 'phrad pa shin tu dka' yang /_stes dbang gis
gnya' shing gi bu gar rus sbal gyi mgrin pa chud pa yang srid mod
kyi/_dal 'byor gyi mi lus rnyed pa ni de las dka' bar mdo las
gsungs ba'i don mgon po klu sgrub kyis/_rgya mtsho cher g.yengs
gnya' shing bu ga dang /_/rus sbal 'phrad pa bas kyang dud 'gro las/
/mi nyid ches thob dka' bas mi dbang gis/_/dam chos spyod pas
de 'bras mchis par mdzod/_/ces rgyal po bde spyod la gdams pa
dang /_zhi ba lhas kyang /_rgya mtsho cher g.yengs gnya' shing gi_/bu gar
rus sbal mgrin chud ltar/_/mi nyid shin tu rnyed dka' gsungs//
zhes pa ltar dang /_gzhan yang gyang logs kyi zhal ba 'jam po

la sran ma gtor ba chags dka' ba'i dpe dang /_khab rtse gyen du
bstan pa la sran ma spungs kyang re re tsam yang chags dka' ba'i
dpe/_myang 'das las gsungs pa sogs kyis mtshon nas shes par
bya'o/
bzhi pa grangs kyi khyad par bsam pa ni/
sems can gyi grangs dang rim pa la ltos na mi lus thob pa ni srid
pa tsam ste/_'di ltar dmyal ba ni mtshan mo'i skar ma tsam la/_yi
dwags ni nyin mo'i skar ma tsam/_yi dwags mtshan mo'i skar ma tsam
la dud 'gro nyin mo'i skar ma tsam/_dud 'gro mtshan mo'i skar ma
tsam la bde 'gro nyin mo'i skar ma tsam las med par gsungs pa
dang /_gzhan yang dmyal ba ni sa chen po'i rdul tsam/_yi dwags ni
gang+gA'i klung gi bye ma tsam/_dud 'gro ni chang 'gag gi sbang ma tsam/
lha ma yin ni kha ba bu yug 'tshubs pa tsam/_lha dang mi ni sen mo'i
steng gi rdul tsam las med par gsungs pas/_spyir mtho ris kyi
lus rten dkon zhing /_de las kyang dal 'byor gyi mi lus dkon pa
yin zhing /_da lta rang res brtags kyang dbyar ka'i dus na sa gzhi
mthu ba tsam la srog chags gnas pa dang /_grog tshang gcig gi
grog ma tsam 'dzam gling gi mi la med pa lta bu'i mi dang dud 'gro'i

mang nyung mthong chos su gyur cing /_mi la'ang bstan pa'i snang ba
med pa'i mtha' 'khob kyi 'gro ba'i grangs la brtags na dam pa'i
chos dar sar skyes pa'i mi ni shin tu dkon zhing /_de las kyang dal
'byor dang ldan pa'i mi lus ni re re tsam las med pa sogs la
bsams nas rang gis dal 'byor yang dag pa rnyed pa la dga' ba
bsgom mo/_/
de ltar dal 'byor gyi yon tan thams cad legs par tshang na
ni mi lus rin po che zhes 'bod du rung ba de nyi ma de ring nas
mngon du gyur pa yin la/_de dag ma tshang na 'jig rten gyi phyogs
la rnam rig spyang grung du 'dzom yang mi lus rin po che ni ma yin
te/_mi lus phal pa'am/_tsam po ba zhes bya/_byur po che zhes bya/_snying
med po zhes bya/_stong log mkhan zhes bya ste/_yid bzhin gyi nor bu
lag tu lon pa chud zos su byed pa'am rin po che gser gyi gling
nas stong log byed pa lta bu ste/_ji skad du/_mi lus rin chen rnyed
pa 'di/_/nor bu rnyed pa'i do ma yin/_/skyo shas med pa'i mi rnams
kyis/_/stong zad byas pa mthong lags sam/_/bla ma dam pa mjal ba
'di/_/rgyal srid thob pa'i do ma yin/_/mos gus med pa'i mi rnams
kyis/_/mnyam 'grogs byas pa mthong lags sam/_/sems bskyed
sdom pa zhus pa 'di/_/sde dpon thob pa'i do ma yin/_/snying rje med
pa'i mi rnams kyis/_/'ur rdor 'phangs pa mthong lags sam/_/rgyud

sde'i dbang bskur thob pa 'di/_/'khor los sgyur ba'i do ma yin/_/
dam tshig med pa'i mi rnams kyis/_/chu la bskur ba mthong lags
sam/_/sems nyid rang ngo mthong ba 'di/_/sangs rgyas mthong ba'i
do ma yin/_/snying rus med pa'i mi rnams kyis/_/'khrul du bcug pa
mthong lags sam/_/zhes gsungs/_de lta bu'i dal 'byor de yang
stes dbang dang /_stabs legs lta bus thob pa ma yin/_bskal pa
mang por tshogs gnyis bsags pa'i 'bras bu yin te/_paN chen
grags pa rgyal mtshan gyis/_dal 'byor mi lus rnyed pa 'di/_/pho sgo
mtho bas ma lags te/_/bsod nams bsags pa'i 'bras bu yin/_/
zhes gsungs/
mi lus tsam thob kyang chos kyi snang ba med par mi dge 'ba' zhig
la spyod pa ni/_ngan song las kyang tha chad de/_rje mi las/_khyi ra mgon
po rdo rje la/_spyir dal 'byor mi lus dkon gsungs te/_/khyod 'dra ba
mthong na dkon rgyu med/_/ces gsungs pa ltar ngan song gi gting
rdo byed pa la mi las thu ba med de/_da res gang ltar byas kyang rang
dbang yod pa yin pas/_ji skad du/_legs na thar pa'i gru gzings
lus 'di yin/_/nyes na 'khor ba'i gting rdo lus 'di yin/_/dge
sdig kun gyi g.yog po lus 'di yin/_/zhes gsungs/
des na sngon bsags bsod nams kyi mthu las da res dal 'byor
bco brgyad dang ldan pa'i mi lus shig rnyed pa 'di la snying po dam

pa'i lha chos shig ma lon par/_tshe 'di'i lto gos dang /_'jig rten
gyi chos brgyad sgrub pa'i ngang la dal 'byor don med du zad de/
'chi kha brang lag 'thab pa ni pho ma skyes/_'dun ma ma legs pa
yin te/_spyod 'jug las/_'di 'dra'i dal ba rnyed gyur nas/_/bdag
gis dge goms ma byas na/_/'di las bslus pa gzhan med de/_/
'di las rmongs pa'ang gzhan med do/_/zhes gsungs/
des na da res kyi skye ba 'di na 'dun ma gtan legs dang gtan
nyes kyi so mtshams yin pas da res tshe 'dir btsan sa zin pa
zhig ma byas na/_phyi nas 'di 'dra'i dal ba rnyed par dka' zhing
ngan song gi gnas rigs lta bur skyes na chos kyi snang ba med/_spang
blang gi gnas la rmongs 'og nas 'og tu ngan song mu mtha' med
par ltung bar 'gyur ba yin pas/_da res 'bad dgos snyam du sbyor
ba sems bskyed dngos gzhi dmigs med 'jug bsngo ba ste dam pa
gsum gyis zin pa'i sgo nas yang dang yang du bsgom zhing nyams su
blang dgos so/_/
de ltar nyams su blangs pas rgyud la skyes pa'i tshad ni/_dge bshes
spyan snga ba lta bu zhig dgos pa yin te/_khong mnal ye ma log par
dge sbyor kho na mdzad pas/_dge bshes ston pas/_bu khams dub pa
re sang /_khams log nyen yod gsungs pas/_khams sang ba yang de
ka lags te/_bdag gis dal 'byor rnyed dka' 'di bsam tsa na

khams sang long mi 'dug gsungs/_khong gis mi g.yo ba'i bsnyen
pa dung phyur dgu gsungs pa yin te/_mi tshe la mnal ye ma log pa
yin no/_/de ltar nges par rgyud la ma skyes kyi bar du bsgom par
bya'o/_/
dal ba thob kyang snying po'i chos kyis dbul/
chos sgor zhugs kyang chos min spyod pas g.yengs/_/
bdag dang bdag 'dra rmongs pa'i sems can rnams/_/
dal 'byor snying po lon par byin gyis rlobs/_/
dal 'byor rnyed par dka' ba'i khrid do//_//

!_srid gsum mi rtag sgyu ma'i tshul du gzigs/_/
tshe 'di'i bya bzhag mchil ma'i thal bzhin bor/_/
dka' spyad mdzad pas gong ma'i rjes su snyogs/_/
mtshungs med bla ma'i zhabs la phyag 'tshal lo/_/
gnyis pa tshe mi rtag pa'i khrid la/
chos nyan pa'i tshul rnams dal 'byor rnyed dka'i skabs dang 'dra/
bshad bya'i chos la/_phyi snod kyi 'jig rten la bsams te mi rtag
pa bsgom pa/_nang bcud kyi 'gro ba la bsams te mi rtag pa bsgom
pa/_dam pa'i skyes bu la bsams te mi rtag pa bsgom pa/_skye dgu'i
bdag po la bsams te mi rtag pa bsgom pa/_dpe don sna tshogs
la bsams te mi rtag pa bsgom pa/_'chi rkyen nges med la bsams
te mi rtag pa bsgom pa/_'dun pa drag po la bsams te mi rtag pa
bsgom pa dang bdun no/_/

dang po phyi snod kyi 'jig rten la bsams te
mi rtag pa bsgom pa ni/
'di ltar spyi mthun gyi bsod nams las grub pa'i phyi snod kyi 'jig
rten gling bzhi ri rab lha gnas dang bcas pa'i ra ba sra zhing 'thas
pa bskal pa'i bar du gnas pa 'di dag kyang mi rtag par mthar
me bdun dang chu gcig gis nges par 'jig par 'gyur ba yin te/
de yang bskal pa chen po 'di nyid 'jig pa'i dus la bab pa'i tshe/
nang bcud kyi 'gro ba rnams mas rim gyis stong nas bsam gtan
dang po'i lha gnas phyin chad na sems can gcig kyang med par
'gyur la/
de nas rim pas mkha' la nyi ma bdun 'char bar 'gyur te/_nyi ma
gcig gis rtsi shing dang nags tshal thams cad bsregs/_gnyis
pa shar bas chu klung dang lteng ka ma lus par skems/_gsum pas
chu klung chen po thams cad skems/_bzhi pas mtsho chen po ma dros
pa'ang skems/_lnga pas phyi'i rgya mtsho chen po zabs su dpag tshad
brgya skems pa nas bzung rim bzhin nyis brgya dang /_bdun brgya
dang /_stong dang khri dang /_brgyad khri'i bar du skems pa'i lhag ma

dpag tshad dang rgyang grags nas mthar rmig rjes kyi chu tsam yang ma
lus par skems par byed/_nyi ma drug shar bas/_sa chen po gangs ri
dang bcas pa bsregs/_bdun gyis ri'i rgyal po ri rab/_gling bzhi
gling phran brgyad/_gser gyi ri bdun/_khor yug gi lcags ri dang
bcas pa bsregs nas me lce gcig tu gyur te/_thur du 'khyil zhing
'bar bas dmyal ba'i gnas thams cad bsregs shing /_me lce gyen
du g.yos pas tshangs pa'i gzhal yas stong pa rnams kyang bsregs
pas/_'od gsal gyi lha bu gzhon nu rnams skrag cing /_'di lta bu'i
me chen po 'bar zhing byung ngo zhes sgrogs pa na/_lha rgan po dag gis
'di ni sngar yang tshangs pa'i 'jig rten gyi bar du byung nas slar
log pa yin gyi skrag mi dgos so zhes dbugs 'byin par byed/_de
ltar me yis lan bdun zhig pa'i rjes su/_bsam gtan gnyis
pa'i lha gnas su sprin chu'i snying po can chags pa las char gyi rgyun
gnya' shing tsam dang /_bshol mda' tsam du bab pas 'od gsal
gyi lha gnas phyin chad lan tshwa chu la thim pa ltar 'jig_de ltar chus
'jig pa bdun rdzogs nas/_'og gzhi rlung rdo rje rgya gram gyen du
langs te bsam gtan gsum pa'i lha gnas man chad thal ba rlung
gis gtor ba ltar gtor nas 'jig_de ltar gling bzhi ri rab lha
gnas dang bcas pa bye ba phrag brgya stong gsum 'jig rten gcig
gi nang du chud pa thams cad mnyam du zhig nas mthar thams cad

kyang nam mkha' gcig tu gyur te stong pa'i gnas skabs de lta bu
yod pa yin na/_rang re mi'i lus rten nam gzhug gi sbrang bu lta
bu 'di la rtag pa dang brtan pa ci yod snyam du snying thag pa nas
bsgom mo/_/
gnyis pa nang bcud kyi sems can la bsams te
mi rtag pa bsgom pa ni/
'di ltar mtho ste srid pa'i rtse mo phyin chad nas/_dma' ste dmyal
ba'i gdan la thug pa yan chad na sems can yod do cog la 'chi
ba'i gnas las thar ba ni gcig kyang med de/_mya ngan bsal ba'i
springs yig las/_sa'am 'on te mtho ris na/_/skyes nas la la ma shi
ba/_/'ga' zhig khyod kyis mthong ba'am/_/thos sam 'on te the tshom za//
zhes pa ltar/_skye ba yod na 'chi ba'i chos can yin pas mtho ris
lha'i 'jig rten phyin chad na/_'di ni skyes nas ma shi'o zhes bya ba
de lta bu mthong ba'am thos pa lta ci/_de shi'am ma shi snyam du the tshom
za ba tsam yang med par nges shing /_khyad par rang re 'dzam bu gling
pa tshe la nges pa med pa'i gnas su dus kyi tha mar skyes pas da ni
myur du 'chi/_dang po skyes pa'i nub mo nas bzung ste 'chi ba la je

nye je nyer 'gro bas tshe ni bsnon pa med par phri ba dang bcas shing
'chi bdag gi bdud po ni/_skad cig kyang mi sdod par nub ka'i
grib so bzhin tshur tshur 'ong bas nam 'chi dang 'dir 'chi'i nges
pa ni med/_sang tsam 'chi'am/_do nub tsam 'chi'am/_da lta dbugs
phyi nang du 'byin 'jug byed pa'i bar tsam la'ang mi 'chi ba'i nges
pa med de/_ched du brjod pa'i tshom las/_sang tsam 'chi yang sus
shes kyi/_/de ring nyid du bstun te bya/_/'chi bdag sde chen de dang ni//
khyed nyid bshes pa ma yin no/_/zhes dang /
mgon po klu sgrub kyis/_tshe 'di gnod mang rlung gis btab pa yi/_/
chu yi chu bur bas kyang mi rtag na/_/dbugs dbyung dbugs rngubs
gnyid kyis log pa las/_/sad khoms gang lags de ni ngo mtshar
che/_/zhes gsungs pa ltar/_mi dag gnyid kyi bde ba la chags shing
dbugs phyi nang du dal bus 'byung 'jug byed pa'i bar la'ang mi
'chi ba'i nges pa med pa yin pas der ma shi bar bde bar sad
khoms pa yang ngo mtshar ba'i rang bzhin du 'dzin par 'os pa tsam
yin/_des na da lta rang re rnams nam zhig 'chi dgos snyam pa tsam
yod kyang /_nam 'chi nges med kyi 'du shes rgyud la ma skyes pas rtag
'dzin phyi tshis kyi re dogs kho na la g.yengs/_tshe 'di'i bde skyid
snyan gsum bsgrub pa'i bya rtsol la zhen pa'i skabs 'dir/_glo bur
du 'chi bdag gi bdud po khos zhags nag bzung /_am gtsigs

bsdams/_so zho ngoms nas drung du sleb tsa na/_dpa' ba'i dpung /
btsan po'i shed/_phyug po'i rgyu/_mkhas pa'i gtam/_mdzes ma'i
gzugs/_mgyogs pa'i bang gang gis kyang mi phan te/
lcags kyi sgam chung srub med pa zhig tu bcug nas dpa' ba'i
skyes bu rno ba'i mtshon thogs pa 'bum phrag du mas mda' rtse dang
mdung rtse phyi la bstan nas bskor te bsdad kyang bsrung rgyu dang gab
rgyu spu rtse tsam yang med par 'chi bdag gi gshin rje khos zhags
nag de rke la bzhag_gdong sngo ham me mig mchi ma skya tsa re/_mgo
rkang lag lngas yob yob byed bzhin tshe phyi ma'i lam po cher khrid
'gro ba ma gtogs/_dpa' bos bkye sa med/_btsan pos bsgo sa
med/_rgyu zas kyis bslu sa med/_bros sa dang gab sa med/_skyabs
dang skyob pa/_mgon dang dpung gnyen/_thabs dang thugs rje gang
yang med de/_sman pa'i rgyal po dngos su byon kyang tshe zad pa'i 'chi
ba la bshol mi thebs pa yin pas/_dus da lta nyid du le lo dang phyi
bshol gyi dbang du mi 'gro bar 'chi khar phan nges pa'i dam pa'i
chos yang dag pa zhig sgrub dgos snyam du zhe thag pa nas bsgom mo/_/

gsum pa dam pa'i skyes bu la bsams te
mi rtag pa bsgom pa ni/
'di ltar da lta'i bskal pa bzang po 'di la sngon gyi dus su byon
pa'i sangs rgyas rnam par gzigs dang /_gtsug tor can la sogs
pa sangs rgyas rabs bdun 'khor nyan thos dgra bcom pa'i tshogs
dang bcas pa bsam gyis mi khyab pa zhig byon/_theg pa gsum gyi
chos kyis gdul bya'i skye bo dpag tu med pa'i don mdzad pa de
dag kyang da lta rgyal ba shAkya thub pa'i bstan pa'i lhag zhabs tsam
lus pa 'di ka ma gtogs sangs rgyas thams cad kyang mya ngan las
'das/_bstan pa dam pa'i chos kyang rim gyis nub/
da lta'i bstan pa 'di la nyan thos chen po re re yang 'khor dgra
bcom pa lnga brgya'i tshogs dang bcas pa du ma zhig byon pa de dag
kyang rim gyis phung po lhag ma med pa'i dbyings su mya ngan las
'das/_de las gzhan yang /_rgya gar 'phags pa'i yul du bka'i
bsdu ba mdzad pa'i dgra bcom lnga brgya/_rgyan drug mchog gnyis/
grub thob brgyad cu sogs sa dang lam gyi yon tan la dbang 'byor
ba/_mngon shes dang rdzu 'phrul la thogs pa med pa du ma zhig byon

kyang /_da lta ni sngar de lta bu byon no zhes pa'i lo rgyus tsam las
gcig kyang mi bzhugs/
bod gangs can gyi ljongs 'dir yang o rgyan sangs rgyas gnyis
pas smin grol gyi chos 'khor bskor ba'i skabs su rje 'bangs grub
chen nyer lnga/_yer pa'i grub chen brgyad cu la sogs byon/_phyis su
yang /_rnying ma'i so zur gnubs gsum/_gsar ma'i mar mi dwags
gsum la sogs mkhas shing grub pa brnyes pa'i skyes bu bsam
gyis mi khyab pa byon zhing /_de dag phal che ba grub pa'i go 'phang
brnyes/_'byung ba bzhi la rang dbang bsgyur/_dngos po dngos med
dang dngos med dngos por byed pa'i rdzu 'phrul ya ma zung ston/
mes mi tshig_chus mi khyer/_sas mi non/_g.yang la mi lhung /_'byung
bzhi'i gnod pa dang bral ba sha stag yin te/_dper na/_rje btsun
mi la bal yul gyi snye shang ka t+ya'i phug na gsung bcad de bzhugs
skabs/_rngon pa mang po 'ongs nas khyod mi yin nam 'dre yin zhes
'dri ba la gsung ma gnang bar lta stangs kyi ngang la bzhugs pas
khong tshos dang por dug mda' mang po brgyab kyang ma phig_chu dang
g.yang la bskur kyang gyen du log nas sngar gyi gnas de nyid du
bzhugs/_sku lus kyi steng du shing spungs te me sbar kyang mes ma tshig
pa de lta bu'i grub brnyes kyi skyes bu du ma byon pa yang mthar thams
cad mi rtag pa'i tshul bstan te da lta ni lo rgyus tsam las mi 'dug

na/_rang re las ngan gyis rgyu byas rkyen ngan gyi rlung gis ded/_bag
chags ngan pas mtshams sbyar 'byung ba bzhi'i gdos pos bcings
mi gtsang ba'i 'khrul 'khor la sems kyi rgyud bsten pa sgyu lus kyi
tho yor 'di la nam 'jig dang 'dir 'jig gi nges pa med pas/
da lta nyid nas sgo gsum dge ba la bskul dgos snyam du bsgom mo//
bzhi pa skye dgu'i bdag po la bsams te
mi rtag pa bsgom pa ni/
tshe bskal par thub cing gzi brjid phun sum tshogs pa'i lha dang
drang srong rnams kyang 'chi ba'i gnas las ma thar te/_'di ltar
skye dgu'i bdag po tshangs pa dang /_dbang po dang /_khyab 'jug
dang /_drag po la sogs pa bskal pa'i bar du gnas pa'i tshe dang /
dpag tshad dang rgyang grags tsam du sleb pa'i lus dang /_nyi ma dang
zla ba'ang zil gyis gnon pa'i gzi brjid mnga' ba rnams kyang
'chi ba'i gnas las thar ba med de/_yon tan mdzod las/_tshangs
dbang bde 'byung 'khor los sgyur rnams kyang /_/'chi bdag bdud
las bzur ba'i thabs mi bsam/_/zhes dang /_gzhan yang lha dang mi
yi drang srong mngon par shes pa lnga dang ldan pa/_rdzu 'phrul gyi mthus

nam mkha'i lam la 'gro ba rnams kyang mthar 'chi ba'i gnas las
'da' mi nus te/_mya ngan bsal ba las/_drang srong chen po lnga mngon
shes/_/mkha' la rgyang ring 'gro ba yang /_/gang du 'chi med spyod yul
ba'i/_/sa der 'gro bar mi nus so/_/zhes gsungs/_'jig rten mi
yul 'dir yang stobs dang 'byor pas mngon par mtho ba 'khor
los sgyur ba'i rgyal po rnams dang /_gzhan yang rgya gar 'phags pa'i
yul du mang pos bkur ba'i rgyal brgyud las 'dzam gling la mnga'
dbang byed pa'i rgyal po bsam gyis mi khyab pa byon zhing /_gzhan
yang pA la rnam gsum tsan dra so bdun la sogs pa/_rgya gar shar
nub kyi rgyal po mnga' thang dang stobs 'byor rgyas pa du ma byon/_bod
gangs can gyi ljongs su'ang /_rje gnya' khri btsad po byang chub sems
dpa' sgrib pa rnam sel gyi sprul pa lha'i rgyal po byon pa nas bzung
ste/_gnam la khri bdun/_sa la legs drug_bar la lde brgyad/_tshigs
la btsan lnga/_skyid pa'i gdung rabs phyed dang bcu gsum/_shin tu
skyid pa'i gdung rabs lnga la sogs pa byon zhing /
chos rgyal srong btsan sgam po'i ring la stod bal po'i yul nas
smad rgya nag gi yul khams yan chad sprul pa'i dmag gis btul/
lha sras khri srong lde'u btsan gyi sku ring la/_'dzam bu'i gling gi sum
gnyis mnga' 'og tu bsdus/
chos rgyal ral pa can gyi ring la/_rgya gar chu bo gang gA'i 'gram du

lcags kyi rdo ring bslangs te/_rgya bod kyi sa mtshams mdzad/_rgya gar
rgya nag ge sar stag gzig la sogs pa/_rgyal khab mang po mnga'
zhabs su bsdus nas/_lo sar gyi ston mo lha sa'i gling du nyin gcig
la sleb dgos pa'i mnga' thang yod pa sogs kyang /_da lta de lta bu
byung ba'i gtam tsam ma gtogs ci yang med pa'i gnas skabs la
bsam na/_rang re'i da lta'i gnas khang dang /_longs spyod/_'khor
dang /_mnga' thang la sogs ci tsam bzang bar brtsi ba rnams kyang
snga ma rnams la dpag na/_sbrang ma'i tshang tsam las med na/_'di lta
bu la rtag pa dang brtan pa ci yod snyam du bsgom mo/_/
lnga pa dpe don sna tshogs la bsams te
mi rtag pa bsgom pa ni/
spyir bskal pa'i 'phel 'grib la bsams kyang mi rtag ste/_sngon
bskal pa dang po'i dus su/_mi thams cad kyang rang rang gi 'od
kyis snang ba las mkha' la nyi zla med/_rdzu 'phrul gyis nam mkha' la
'gro/_lus bongs kyang dpag tshad mang po ldan/_bdud rtsi'i zas za/
bde skyid phun sum tshogs pa lha rnams la 'gran par yod kyang
nyon mongs pa dang mi dge ba'i dbang gis rim gyis nub ste da

lta'i 'di lta bur gyur/_da dung yang mi rnams nyon mongs pa je
rags su gyur pa'i dbang gis tshe tshad dang bsod nams thams
cad mar mar bri ste mthar tshe lo bcu pa'i bar du tshe tshad kyang je
thung du 'gro/_nad dang mtshon dang mu ge'i bskal pa gsum dar
nas 'dzam gling gi 'gro ba rnams phal cher zad par byed cing lhag
ma lus pa rnams la rgyal ba byams pa'i sprul pas srog gcod spang
ba'i chos bstan pas bongs tshad kyang khru gang du gyur pa dang /_tshe lo
nyi shu par 'gyur ba sogs rim gyis 'phel te/_mi rnams kyi tshe lo
brgyad khri thub pa'i dus su/_mgon po byams pa byon nas sangs rgyas
te chos kyi 'khor lo bskor/_de ltar 'phel 'grib kyi khug pa bco
brgyad rdzogs nas/_skye dgu rnams kyi tshe lo dpag med thub pa'i
dus su/_sangs rgyas mos pa byon nas sngon gyi bskal pa bzang po'i
sangs rgyas stong po de dag gi sku tshe'i tshad bsdoms pa'i yun du
bzhugs shing de dag gi 'gro don gyi mdzad pa ji snyed pa bsdoms
pa tsam mdzad cing /_mthar bskal pa 'di yang 'jig cing 'dzad
par 'gyur ba sogs bskal pa'i 'phel 'grib la brtags kyang /_mi
rtag pa'i rang bzhin las ma 'das/
bye brag nam zla dus bzhi'i 'gyur ldog la bltas kyang mi rtag ste/
dbyar gyi dus su spang thams cad kyang sngo ljang du snang /_char thams
cad kyang bdud rtsi lta bur 'bebs/_skye dgu kun kyang bde skyid kyi

dpal la longs spyod/_me tog gi rigs dkar ser dmar ljang du
bkra ba dpag tu med pa skyes pas lha yul lta bu yod pa de/_ston gyi
dus su ser bu'i ngad langs/_spang ljong gi mdog 'gyur/_me tog
dang rtsi thog thams cad kyang rim gyis skam/_dgun gyi dus su sa
thams cad kyang rdo ba ltar gyur/_chu thams cad 'khyag rom du song /
grang lhags kyi ngad pa rgyas/_rta lam nyi ma mang po'i bar du btsal
kyang sngar dbyar dus su skyes pa'i me tog de lta bu nyag ma gcig
kyang rnyed rgyu med pa de ltar gyur pa sogs dbyar rjes su ston/_ston
rjes su dgun/_dgun rjes su dpyid la sogs rim par 'byung
bas snga ma snga ma'i dus kyi gnas skabs thams cad las gzhan du
'gyur te/_mi rtag cing khar sang dang de ring da nang dang do dgongs
da lo dang sang phod la sogs thams cad kyang rim par mi rtag pa'i
tshul la dpag na gang la'ang yid brtan du mi rung /_khyad par rang
re gang du gnas pa'i yul grong dang sde dgon sogs na yang /_sngon
'byor zhing dar ba rnams ni/_da lta rgud pa'i gnas skabs su gyur/
sngon dbul po dang nyam chung la sogs pa rnams/_da lta khe drag dang
stobs 'byor du 'dzom pa sogs/_mi rtag pa'i rang bzhin las ma
'das/
rang re khyim nang gcig gi mi yang snga rabs kyi pha dang mes po yang
mes la sogs pa skyes so cog kyang rim par shi ste da lta ni ming gi

lhag ma tsam du gyur/_rang gi spun dang sring mo la sogs pa du ma
yang shi zhing /_dus la babs te da lta gar yod dang 'dir yod tsam
yang mi shes/_lo snga ma la btsan phyug 'phan dar tu 'dzom pa'i mi
yul khams kyi rgyan lta bu rnams kyang*/_da lo ming gi lhag ma tsam
las med pa yang du ma yod/_da lta btsan phyug khe drag tu 'dzoms
pa phal pa'i yid smon gyi yul du gyur pa 'di rnams kyang sang phod
da tshod dam zla ba phyi ma tsam la'ang yod dam med sus kyang mi shes/
tha na rang gi sgo phyugs ra lug khyi la sogs pa sngar ci tsam shi da lta
ci tsam yod/_de thams cad kyang mthar cir 'gyur brtag na mi rtag
pa'i rang bzhin las ma 'das/_sngon chad lo brgya'i gong du yod
pa'i mi de dag thams cad las da lta ma shi bar lus pa gcig kyang
med/_da lta'i 'dzam gling gi 'gro ba 'di thams cad kyang lo brgya
tshun la thams cad kyang 'chi ste gcig kyang lus par mi 'gyur/
des na phyi nang snod bcud kyi chos 'di dag thams cad la rtag pa
dang brtan pa gcig tsam yang med de/_skyes pa thams cad mi rtag
ste 'chi/_bsags pa thams cad mi rtag ste 'dzad/_'dus pa thams
cad mi rtag ste 'bral/_brtsigs pa thams cad mi rtag ste 'gyel/
mthon po thams cad mi rtag ste ltung /_de bzhin du dgra gnyen dang
skyid sdug bzang ngan dang rnam rtog thams cad kyang mi rtag ste/
mthon po gnam lta bu/_btsan po thog lta bu/_phyug po klu lta bu/_mdzes

po lha lta bu/_'phyor po 'ja' tshon lta bu/_su dang gang la yang 'chi ba
glo bur du sleb tsa na rang dbang skad cig kyang med par gcer bu
lag stong mchan du bcug nas rgyu nor rdzas gnyen nye 'brel 'khor
slob ma sde mnga' ris bza' btung longs spyod thams cad 'bral
mi phod bzhin du shul du bskyur te mar gyi dkyil nas spu bton pa
bzhin du 'gro/_grwa stong phrag mang po'i mgo dpon gyi bla ma yin kyang
grwa pa gcig tsam yang khrid sa med/_sde khri phrag mang po'i dpon po
yin kyang g.yog po mi gcig kyang khrid sa med/_'dzam bu gling gi
rgyu rdzas longs spyod kyi bdag po yin kyang khab skud pa gcig tsam
yang khyer dbang med/_tha na rang gis gces par bskyangs pa'i lus
kyang shul du bskyur nas 'gro dgos te/_de tsa na gson pa'i dus su
lus dar zab kyi sbubs na/_kha ja chang gi ngang du yod pa'i mthon
po dang mdzes pa lha sku lta bu'i lus kyang ro zhes bya ba/_mthong na
'jigs pa ngam gnag pa/_lji yor re ba der gnas gyur pa yin te/
rje mi las/_ro zhes bya mthong na 'jigs pa de/_/dus da lta lus kyi rtsa
na gda'/_/zhes gsungs/
de'i dus su tha gus bsdam/_yol bas bsgrib/_sa dang rdo bas brten/
kha phor de mgo sngas su sbubs nas/_gces dgu dmar dgu ji lta
bu zhig yin kyang /_ya nga ba dang skyugs bro ba'i gnas su byed/_da lta
tshar gos dang lpags spu 'jam por brtsegs pa'i steng du sngas byas

na yang gnyid thun gcig brgyab 'phral mi bde ba skyes te gzhogs
g.yas g.yon spo dgos kyang /_de'i dus su rdo'am spo to zhig 'gram
'og tu bcug nas mgo sa kha le yod pa de lta bu las ma 'das/_da
lta rang res bza' dpon nam drag shos lta bu rang med na shul mi
'di dag ltog gri'am 'khyag grir 'chi ba'am dgra zhig chus khyer
du 'gro ba las 'os med/_da lta 'di rnams la longs spyod dang bde
skyid sogs 'di dang 'di lta bu yod pa 'di thams cad kyang nga rang
kho na'i bed yin snyam pa rnams kyang shi tsa na khong tshos ro de me la
bsregs sam chu la bskyur ram dur khrod du 'dor ram med par
byed thub nas blo bde ba'i ngang la gnas pa las ci yang med/_'chi
tsa na rang gcig pu bar do'i gnas su grogs med gcig pur
'khyams dgos pa yin pas/_de'i tshe dam pa'i chos nyag gcig
skyabs su gyur pas da lta nyid nas dam pa'i lha chos nyag ma re e
'grub ci nas kyang 'bad dgos snyam du yang nas yang du bsam/
de bzhin du bsags pa thams cad 'dzad pa'i chos can yin te/
'dzam gling la dbang byed pa'i rgyal po lta bu yang mthar sprang por
'gyur ba'i dus kyang yod/_tshe stod longs spyod phun sum tshogs pa
mang po tshe smad rgyu zas longs spyod thams cad zad de ltog grir shi
ba dang /_na ning gnag phyugs brgya phrag mang po yod pa yang gangs
zhod dang god khas nyen nas da lo sprang por gyur pa dang /_khar sang

mnga' thang longs spyod du 'dzom pa'i phyug po yang dgras brlag
nas de ring slong mo byed pa sogs du ma rang res mthong chos su
gyur pa yin na/_longs spyod nor rdzas la yang rtag par dbang rgyu mi
'ong bas/_sbyin pa'i rgyags phye bsgrub dgos snyam du yang yang bsam/
'dus pa thams cad kyang mi rtag par bral te/_yul khams kyi
tshong 'dus chen po'am/_chos ra chen po re rer yul tha dad pa'i
mi stong phrag gam khri phrag mang por 'dus kyang de dag thams cad
kyang mthar rang rang so so'i yul du 'gyes pa bzhin/_da lta rang
re bla slob bam dpon g.yog yon mchod grogs mched spun zla
bza' tshang la sogs brtse bas 'grogs pa rnams kyang mthar cis
kyang mi 'bral ba'i thabs med/_'chi ba'am 'phral rkyen drag po glo
bur du byung na da lta rang yang mi 'bral ba'i nges pa med/_des na
mched grogs dang bza' tsho la sogs da lta lhan cig tu 'dus pa
'di rnams kyang 'phral 'phral so sor 'bral bar 'gyur ba yin
pas/_khong khro dang 'thab rtsod ngan shags dang 'thab mo sogs mi
byed par yun ring 'grogs pa'i nges pa med pas 'phral snang yud
tsam pa 'dir brtse bas 'grogs shing skyong dgos snyam du bsams
dgos te/_pha dam pas/_bza' tshang mi rtag tshong dus mgron po la/_/
ngan gshags 'thab mo ma byed ding ri ba/_/zhes gsungs/
brtsigs pa'i mkhar thams cad kyang 'gyel bar 'gyur ba yin te/

sngon dar zhing rgyas pa'i grong sde dang*/_dgon gnas stong pa'i shul
'di dag la'ang skyes bu'i bdag bzang po re yod pa yin te/_da
lta'i gnas skabs na/_bya dang byi'u'i tshang du song /_lha sras khri srong
lde'u btsan gyi ring na/_sprul pa'i bzo bos bzhengs shing /_o rgyan
sangs rgyas gnyis pas rab gnas mdzad pa'i bsam yas dbu rtse
rim gsum lta bu yang me'i gnod pas zhag gcig la zhig_chos
rgyal srong btsan sgam po'i dus su dmar po'i ri yi pho brang rnam
rgyal khang bzang la 'gran pa lta bu yod pa'ang da lta rming rdo tsam
yang ma lus pa yin na/_rang re'i grong khyim dang dgon gnas 'bu
tshang lta bu 'di la gces spras su byas nas ci zhig byed/
des na bka' brgyud gong ma'i rnam thar bzhin/_pha yul rgyab tu
bskyur/_mi yul dang du blangs/_gnas brag rtsa ru bsdad/_grogs ri
dwags dang 'grogs/_gyong lto gos gtam gsum la bskur nas blo
phugs chos la gtad/_chos phugs sprang la gtad/_sprang phugs shi la
gtad/_shi phugs grog stong la gtad de/_jo bo bka' gdams pa'i
gtad sa bzhi po 'di mthar 'khyol ba zhig byed dgos snyam du snying
thag pa nas bsam/_mthon po'i thob dang dpa' bo'i dpung yang mi
rtag pa yin te/_'khor los sgyur ba'i rgyal po nga las nu lta bu gling
bzhi la dbang ba'i gser gyi 'khor lo sgyur ba/_sum cu rtsa gsum gyi
lha yul la'ang dbang byas/_lha'i dbang po brgya byin dang stan gcig

la sdod/_lha ma yin gyi g.yul ngo bzlog nus pa yang mthar sa steng
du lhung ste/_'dod pa rnams kyis ma ngoms bzhin du shi ba yin/_da
lta rang res mthong chos la'ang rgyal po'am/_bla dpon gyi drung 'khor/
yul sde'i dpon po sogs/_thob thang dang khe drag yod pa thams cad
kyang rtag par de ga'i ngang du bsdad pa gcig kyang med/_sngar lo
khrims lung gzhan la ston pa'i btsan po rnams kyang /_da lo btson
khang du nyal dgos pa du ma mthong bas rtag pa med pa'i mnga' thang
gis ci byed/_de bas dus rtag tu rgud pa dang nyams pa med par
'gro ba lha dang bcas pa'i mchod 'os su gyur pa rdzogs pa'i sangs
rgyas kyi go 'phang zhig sgrub dgos snyam du bsam/
de bzhin du dgra gnyen kyang mi rtag ste/_sngon 'phags pa ka t+yA na
bsod snyoms la phebs pas khyim bdag cig gis bu zhig pang na
bzung /_nya sha zhig zhim zhim ltar za/_khyi mo zhig rus pa 'cha' ba la
rdo rdeg par/_'phags pas mngon shes kyis gzigs pas/_nya de skye
ba da res kyi pha dang /_khyi mo de ma'i skye ba yin zhing /_tshe sngon rang
gsod ba'i dgra de srog lan chags nas/_bur skyes pa yin par
gzigs pas/_pha sha za zhing ma la rdeg_/gsod pa'i dgra bo pang na
bzung /_/chung mas khyo yi rus pa 'cha'/_/'khor ba'i chos la gad
mo bro/_/zhes gsungs pa yin/_tshe 'dir yang dgra mi sha bor gyur
pa rnams kyang /_phyis su mthun pa'i grogs byas/_gnyen dang nye bar

sbrel/_mdza' mthun gzhan las lhag pa yang du ma 'dug_pha ma dang
spun zla yin kyang rgyu rdzas dang longs spyod phra mo re'i ched du 'khon
nas gcig gis gcig la ci gnod byed pa dang /_bza' tsho dang nye
'brel yin yang 'phral rkyen phran bu res dgrar gyur te gcig gis
gcig gsod pa yang mthong bas dgra gnyen gang yang rtag pa med
pas thams cad byams pa dang snying rjes skyong dgos snyam du yang
yang bsam/
skyid sdug gi gnas skabs kyang mi rtag ste/_tshe stod 'byor zhing skyid
pa du ma/_tshe smad dbul zhing sdug bsngal ba dang*/_tshe stod sdug
bsngal ba du ma tshe smad la skyid pa yang yod cing /_tshe stod sprang por
gyur pa yang tshe smad rgyal po byas pa yang du ma yod/_rje btsun mi
la'i a khu lta bu/_snga dro mna' ma bsus te skyid pa'i ston mo byed pa
la phyi dro khang pa brdibs te sdug bsngal gyi smre sngags 'don pa yang
bsam gyis mi khyab/_chos phyir dka' ba spyad de sdug bsngal gyi rnam
grangs du ma myong yang mthar bde skyid bla na med pa thob ste/_sngon
byon gyi rgyal ba gong ma rnams dang rje btsun mi la lta bu yin/_sdig
pas bsags pa'i longs spyod kyis skyid por byas kyang mthar sdug
bsngal mu mtha' med par 'gyur te/_sngon nyi 'og gi rgyal khab tu
dang po zhag bdun 'bru'i char babs/_de nas zhag bdun gos kyi
char babs/_de nas zhag bdun rin po che'i char babs/_mthar sa'i

char babs te thams cad sa 'og tu shi nas ngan song du skyes pa lta
bu yin pas/_skyid sdug rtag pa med pa la re dogs kyi 'dzin 'khris
mi byed par 'jig rten tshe 'di'i bde skyid longs spyod thams cad
mchil ma'i thal ba bzhin dor/_chos phyir dka' spyad dang snying rus
kyis sdug bsngal dang du blangs nas rgyal ba gong ma'i gshegs shul
snyogs pa zhig byed dgos snyam du zhe thag pa nas bsgom/
bzang po dang ngan pa yang mi rtag ste/_'jig rten gyi phyogs nas
kyang /_kha drag dang gtam bshad/_shes rgya dang pher yod/_dpa' rtsal
dang spyang grung 'dzom pa rnams kyang rgud pa'i dus la babs/_sngon
bsags kyi bsod nams zad tsa na bsam blo thams cad phyin ci
log tu skye/_bya ba thams cad lam du mi 'gro/_mis 'phya/_rang sdug
gzhan gyis brnyas bcos byed pa kho nar gyur/_sngar gyi yon tan
phran bu re yod pa rnams zad pa ltar gyur nas ci yang med pa yang
du ma yod/_sngar shes med dang /_bsam med khram pa dang rdzun ma yin
zer ba mang po phyis longs spyod dang 'byor pa thob/_khram pa rgas pa
gtso bo zer ba'i dpe bzhin gzhan gyis blo gtad byed/_bzang po
dang bsam yod du brtsi ba yang du ma yod/
chos phyogs nas kyang /_rtogs ldan rgas pa'i slob gnyer/_zhen log
rgas pa'i gsog 'jog_ston pa rgas pa'i bza' dpon zer ba
bzhin tshe stod 'jig rten gyi bya bzhag thams cad blos btang ba'i

bya btang yang tshe smad rgyu zas kyi gsog 'jog rem pa dang /_tshe
stod gzhan la chos bshad byed pa'i slob dpon yang tshe smad rngon
pa dang rkun jag byed pa dang*/_tshe stod 'dul 'dzin gyi mkhan po
yang tshe smad phru gu mang po'i pha ma byed pa sogs yod cing /_tshe stod
sdig pa'i las kho na byed pa yang tshe smad dam pa'i chos kho na sgrub
cing grub pa thob pa'am/_min kyang 'chi khar lam sna zin pa skye ba
gong 'phel du gyur pa sogs du ma yod pa yin pas da lta bzang
ngan gyi snang ba skad cig ma la rtag pa dang brtan pa gang yang med
kyang /_rang la nges 'byung dang skyo shas sad sud skyes/_ltar snang gi
chos shig sgrub lo byas/_gzhan 'jig rten pas bzang por brtsis te/
yon bdag dang slob mas zhabs nas bteg tsa na rang gis rang
rgyud zhib tu mi brtag par nga ni de dang de lta bu yin no snyam nas
nga rgyal gyis rgyud sbos/_snang ba 'ur langs ngas gang byas kyang chog
snyam pa'i blo skye ba ni/_bdud kyis mngon sum du bslus pa yin zhing /
bdag 'dzin yul phud/_bdag med kyi ye shes skyes/_'phags pa'i
sa ma thob kyi bar du bzang ngan gyi snang ba la rtag pa med pas/_dus
rtag tu 'chi ba mi rtag pa bsgom/_rang rgyud kyi skyon la rtog_rtag tu
dman sa 'dzin/_nges 'byung dang skyo shas bskyed/_zhi dul dang bag
yod la bslab/_'dus byas mi rtag pa dang /_'khor ba'i sdug bsngal
la bsams nas dus rtag tu/_yi phya dung nge/_sems skyo chad de ba

zhig la bslab dgos te/_rje mi las/_mi med lung pa'i brag phug na/_/
skyo chad de ba la sangs dus med/_/bla ma dus gsum sangs rgyas la/_/
yid dung nge ba la 'bral ba med/_/ces gsungs pa ltar nyams su
blang dgos/
de ltar nyams su ma blangs na/_'phral gyi rnam rtog 'di yang mi rtag
pa yin pas cir 'gyur gtol med de/_sngon nye ba dgrar langs
pa'i mi zhig_phyis su chos sgor zhugs nas/_sgrub pa byas pa'i dge
slong thang pa zhes bya ste/_rlung sems la rang dbang thob nas nam
mkhar 'phur nus tsa na/_nyin gcig gtor zan za ba la phug ron
mang po 'dus pas/_nga la 'di lta bu'i dmag sde yod na dgra bo de
rnams tshar gcod nus snyam pa'i rnam rtog ngan pa zhig lam du ma
bslangs pas/_phyis yul du babs nas dmag dpon byed pa zhig
byung ba yin/_de bzhin du 'phral du bla ma dang dge ba'i grogs po'i
rkyen las/_chos kyi snang ba tsam thob kyang /_so so'i skye bo'i 'du shes
la rtag pa med pas rang mgo nyi ma chos kyis bton te/_tshe dang sgrub
pa snyoms pa zhig byed dgos snyam du bsam mo/_/de ltar dpe don du
ma la bsams kyang /_ya ki srid pa'i rtse mo nas/_ma ki dmyal ba'i
gnas ris yan chad rtag pa dang brtan pa cung zad kyang med pa
'pho 'gyur 'phel 'grib kyi rang bzhin du yid ches par bya'o/_/

drug pa 'chi rkyen nges med la bsams te
mi rtag pa bsgom pa ni/
rang re 'dzam bu gling pa'i mi rnams skyes pa tsam nas 'chi ba nges
kyang /_'chi lugs 'chi rkyen 'chi ba'i dus tshod ma nges shing /_nam
'chi dang 'dir 'chi/_'di ltar 'chi dang gang gis 'chi ba ni su
la'ang nges pa med de/_'jig rten 'dir 'tsho ba'i rkyen ni nyung
zhing 'chi ba'i rkyen ni mang bar/_slob dpon Ar+ya d+he was/_'chi ba'i
rkyen ni shin tu mang /_/'tsho ba'i rkyen ni shin tu nyung /_/de yang 'chi
ba'i rkyen du 'gyur/_/zhes gsungs pa ltar/_me dang /_chu dang /_dug dang /
g.yang sa dang /_mi rgod dang /_gcan gzan la sogs 'chi ba'i rkyen
ni shin tu mang zhing /_'tsho ba'i rkyen ni nyung zad tsam las med la/
'tsho ba'i rkyen du rlom pa'i zas dang gos la sogs pa rnams kyang
'chi ba'i rkyen du 'gyur ba yang yod de/_dug can gyi bza' ba zos
pa'am/_min kyang 'phral du lus la phan par rlom nas zas zos pa
yang gyur dug gam mi 'phrod par gyur nas 'chi ba'i rkyen byed pa
yang mang zhing /
khyad par da lta'i dus skabs na skye bo phal cher sha'i zas la sred pa

che bas/_sha khrag gi zas bag med du spyad pa la brten dmar gdon
nam sha sgren gyis nad du ma gyur pa med pa lta bu dang /_gzhan yang
zas dang spyod lam nyes pas/_skran dang bad kan chu nad bskyed de
'chi ba'i rkyen byas pa ni grangs kyis mi chod/_de bzhin du longs
spyod dang snyan grags la sogs don du gnyer bas pha rol gyi
g.yul ngor phyin pa'am/_gcan gzan ma rungs pa'i drung du 'gro ba/
chu la bag med du brgal ba sogs 'chi ba'i rkyen du gyur pa yang
grangs kyis mi chod/_gzhan yang 'chi rkyen rnam pa sna tshogs pas
'chi dus nges pa med par 'chi ba yin te/_kha cig ma yi mngal du
'chi ba yang yod/_kha cig skyes ma thag tu 'chi ba yang yod/_kha cig
gog po 'gog tsam na 'chi ba yang yod/_kha cig dar la babs nas
'chi ba yang yod/_kha cig rgas shing 'khog nas 'chi ba yang yod/
kha cig sman dang srung ba byed long med par 'chi ba yang yod/_kha
cig lo nad stan la 'byar nas shi mig gson la bltas/_rus mgo
lpags kyis g.yogs te 'chi ba yod/_kha cig gdong thug lta bus
zas za 'phro gtam bshad 'phro las ka byed 'phro la shi ba du ma yod/
kha cig rang gis rang gsod pa yang yod pa yin la/_de ltar 'chi
ba'i rkyen grangs mang ba'i dbus na 'tsho ba'i tshe nus pa chung ba rlung
gseb kyi mar me ltar gnas pa yin pas dus da lta tsam 'chi ba glo
bur du sleb ste/_sang gi nyi ma tsam la mgo'am kha la rwa co skyes pa'i

dud 'gro zhig tu skyes med pa'i nges pa yang med pas/_nam 'chi cha
med dang gar skye nges med la yid ches thob par bya'o/_/
bdun pa 'dun pa drag po la bsams te
mi rtag pa bsgom pa ni/
dus dang gnas skabs thams cad du 'chi ba kho na bsgom zhing
'gro 'dug nyal gsum thams cad la 'jig rten 'di'i spyod lam
gyi tha ma yin no/_/zhes ngag tu yang brjod/_yid la'ang dung nge
bsgom/_gnas gzhan du 'gro na'ang der 'chi'am gnas 'dir e
log cha med do snyam pa dang*/_lam du zhugs pa'am ngal stegs la
sdod na'ang 'dir 'chi'am snyam pa dang /_gang na 'dug kyang 'dir
'chi'am snyam pa dang /_mtshan mo nyal ba'i dus kyang do nub nyal sa
'dir 'chi'am sang nyin ldang ba'i nges pa med do snyam pa dang /
nangs mo ldang ba'i dus kyang de ring gi nyin gang 'dir 'chi'am
do nub nyal ba'i nges pa med do snyam du 'chi ba 'ba' zhig snying
thag pa nas dung dung bsgom zhing*/_sngon bka' gdams pa'i dge
bshes rnams mtshan mo gzims pa'i tshe nangs par me btang rgyu e
'ong mi shes snyam du me mi sba ba dang /_gsol zhal yang kha sbubs

nas 'jog pa sogs 'phral dang 'phral la 'chi ba'i thugs 'dun
'ba' zhig mdzad pa bzhin nyams su blang /
'chi ba tsam bsgoms pas kyang mi 'ong ste 'chi khar phan pa dam
pa'i chos kho na yin pas/_dus rtag tu dran pa dang shes bzhin ma
bral ba'i ngang nas 'khor ba'i bya bzhag thams cad mi rtag snying
po med par shes pas yang dag pa'i chos la bskul dgos te/_spyir
lus sems kyi tshogs pa mi rtag pas g.yar po la bdag tu ma
'dzin/_'gro na lam mi rtag pas gom (sdud pa las/_gnya' shing gang tsam lta
zhing 'gro la sems 'khrul med/)_pa chos phyogs su 'dor/_'dug na gnas
mi rtag pas dag pa'i zhing khams yid la bya/_bza' btung dang
longs spyod mi rtag pas ting nge 'dzin zas su za/_nyal na gnyid mi
rtag pas 'khrul pa 'od gsal du sbyangs/_'byor na nor mi rtag pas
'phags pa'i nor bdun bsnyen/_gnyen grogs dang srid sde mi rtag
pas dben par nges 'byung la bskul/_che btsan dang snyan grags mi
rtag pas rtag tu dman sa bzung /_smra ba'i tshig mi rtag pas bzlas
brjod dang kha ton la bskul/_dad pa dang nges 'byung mi rtag pas
dam bca' brtan po la brtson/_'du shes dang rnam rtog mi rtag pas
mi gzhi bzang po la bslab/_nyams dang rtogs pa mi rtag pas chos
nyid zad sa la skyol dang /_de'i dus su skye 'chi'i bar lag 'gyel/
'chi brod kyi gdeng tshad rnyed/_'chi med kyi btsan sa zin/_bya rgod

po gnam 'phangs chod pa dang 'dra bas/_'chi yong snyam pa'i yi
mug de dus de nas bsgom mi dgos te/_rje mi las/_nga 'chi bas
'jigs nas ri la phyin/_/nam 'chi cha med bsgoms bsgoms pas//
'chi med gnyug ma'i btsan sa zin/_/da 'chi ba'i 'jigs pa bor
te thal/_/zhes dang /
mnyam med dwags po rin po che'i zhal nas/_dang po skye 'chi'i
'jigs pas ded pa sha ba btson dong nas 'bros pa lta bu zhig
dgos/_bar du shi yang mi 'gyod pa zhing pas so nam rem pa lta bu
zhig dgos/_tha ma blo bde ba bya ba rlabs chen zin pa'i skyes bu
lta bu zhig dgos/_dang po long med du shes pa skyes bu'i gnad la
mda' phog pa lta bu zhig dgos/_bar du yengs med du bsgom pa
bu gcig pu shi ba'i ma lta bu zhig dgos/_tha ma byar med du shes pa
phyugs mang dgras ded pa'i rdzi bo lta bu zhig dgos/_zhes gsungs/
de lta bu ma byung gi bar du 'chi ba mi rtag pa 'di kho na bsgom
dgos te/_bcom ldan 'das kyis kyang /_mi rtag pa mang du bsgom na
sangs rgyas thams cad la mchod pa byas pa yin no/_/mi rtag pa mang
du bsgom na sangs rgyas thams cad kyis dbugs phyung ba yin no/
/mi rtag pa mang du bsgom na sangs rgyas thams cad kyis lung ston
pa yin no/_/mi rtag pa mang du bsgom na sangs rgyas thams cad kyis
byin gyis brlabs pa yin no/_/dper na rjes rnams kyi nang na glang

po che'i rjes mchog yin no/_/de bzhin du nang pa sangs rgyas pa'i
bsgom pa'i 'du shes thams cad kyi nang na mi rtag pa bsgom pa'i
'du shes kho na mchog yin no/_/zhes gsungs pa dang /
'dul ba lung las/_nga'i 'khor bum pa bzang po lta bu/_dge slong shA
ri'i bu dang /_mo'u 'gal gyi bu dang 'dra ba brgya la gdugs tshod
yon dang bcas pa byin pa bas/_'dus byas mi rtag pa skad cig ma
gcig dran pa mchog yin no/_/zhes gsungs/
de bzhin du dge ba'i bshes gnyen pu to ba la dge bsnyen gcig
gis chos gcig tu bya ba la gal gang che lags zhus pas/_pu to
ba'i zhal nas/_chos gcig tu bya ba la mi rtag pa bsgom pa 'di
gal che ste/_'chi ba mi rtag pa 'di bsgom na/_dang po chos la 'jug
pa'i rgyu byed/_bar du dge sbyor la skul ba'i rkyen byed/_tha ma chos
mnyam pa nyid du rtogs pa'i grogs byed/_yang mi rtag pa 'di bsgom
na/_dang po tshe 'di'i gdos thag chod pa'i rgyu byed/_bar du 'khor ba
mtha' dag la zhen pa ldog pa'i rkyen byed/_tha ma mya ngan las 'das
pa'i lam du 'jug pa'i grogs byed/_yang mi rtag pa 'di bsgom
na/_dang po dad pa skye ba'i rgyu byed/_bar du brtson 'grus rtsom pa'i
rkyen byed/_tha mar shes rab skye ba'i grogs byed/_yang mi rtag pa 'di
bsgoms shing rgyud la skyes na/_dang po chos tshol ba'i rgyu byed/_bar
du chos sgrub pa'i rkyen byed/_tha ma chos mthar phyin pa'i grogs byed/

yang mi rtag pa 'di bsgoms shing rgyud la skyes na/_dang po go cha'i
brtson 'grus rtsom pa'i rgyu byed/_bar du sbyor ba'i brtson 'grus rtsom
pa'i rkyen byed/_tha mar phyir mi ldog pa'i brtson 'grus rtsom pa'i
grogs byed/_gsungs shing /_pha dam pa'i zhal nas kyang /_mi rtag
pa 'di rgyud la skyes na/_dang po chos la 'jug pa'i rgyu byed/_bar du
brtson 'grus kyi lcag byed/_mthar 'od gsal chos sku thob par byed
gsungs/
des na mi rtag pa'i 'du shes bcos ma ma yin pa zhig rgyud la ma
skyes na chos zhu lo dang byed lo ji tsam byas kyang mthar chos dred
kyi rgyur 'gyur ba yin te/_dam pa'i zhal nas/_bod kyi chos byed pa
la shi snyam pa ni gcig kyang mi snang ba la/_lus pa ni gcig kyang
ma mthong /_lar ser gos gyon nas nor bsags pa la dga' tshad
'dis 'chi bdag gshin rje la zas nor 'jal ba e yin snyam/
nor bzang bzang thams cad tshags byed lugs la/_dmyal ba la
lkog 'dun 'jal ba e yin snyam/_bod kyi chos pa 'di tsho mthong
na dgod re bro ha ha/_thos pa su che nga rgyal che/_/sgom pa su bzang
zas nor gsog_/dben pa su brten 'du 'dzi mang /_/rang yul gang
spangs ngo tsha med/_/de tsho chos la dred pa yin/_/de tsho sdig la dga'
ba yin/_/pha rol po shi ba mthong yang rang 'chi ba mi shes pas le
lan dang po de la thug ces gsungs/

de'i phyir mi rtag pa'i 'du shes bsgom pa ni chos nyams su len pa
thams cad kyi sngon 'gro sgo 'byed pa yang yin te/_dge bshes pu to
ba la rkyen ngan sbyong tshul gyi gdams ngag zhus pas/_pu to ba'i zhal
nas/_khyod kyis 'chi ba mi rtag pa mang du soms dang /_der 'chi
nges pa'i blo gcig byung na/_sdig pa spong ba la dka' rgyu med/_dge
ba sgrub pa la dka' rgyu med pa zhig 'ong gi_de'i steng du khyod kyis
byams pa dang snying rje mang du sgoms dang /_de rgyud la skyes na/_sems
can gyi don byed pa la dka' rgyu med pa zhig 'ong gi_de'i steng du
khyod kyis chos rnams kyi gnas lugs stong pa nyid mang du sgoms
dang /_de rgyud la skyes na/_'khrul pa sbyong ba la dka' rgyu med pa zhig
'ong gi_zhes gsungs/_de ltar mi rtag pa rgyud la skyes na/_'jig
rten tshe 'di'i bya bzhag thams cad la zhen pa gting nas log pa
skyug nad can la btso zan byin pa lta bu zhig 'ong ba yin te/_rje bla
ma'i zhal nas kyang /_ngas 'jig rten 'di'i mthon po dang btsan
po phyug po dang 'phyor po ji lta bu zhig mthong yang de la yid smon mi
'chor bar dam pa gong ma'i rnam thar la lta ba 'di mi rtag pa cung
zad re rgyud la skyes pa'i don gyis yin/_nga la 'di las lhag pa'i
gdams ngag gang yang ston rgyu med/_ces yang yang gsungs/
de lta bu'i mi rtag pa rgyud la skyes pa'i tshad ji lta bu zhig yin na/
dge bshes kha rag sgom chung lta bu zhig dgos pa yin te/_khong

gtsang gi jo mo kha rag gi ri khrod du sgrub pa byed pa la byon pas
brag phug gi sgo na tsher phung zhig 'dug pa la na bza' 'thogs
pas dang po bcad dam snyam pa la rjes su/_a cang nga brag phug gi
nang 'dir 'chi ba las slar e ldog mi shes de bas dge sbyor rang
byas na khebs che dgongs nas bcad pa ma byung /_yang sgor byon
skabs kyang de bzhin byung ba la nga sgo nas nang du e ldog mi shes
dgongs te/_de ltar lo mang po'i bar du bzhugs bla ma grub pa thob
ste song yang tsher phung gcod pa ma byung ba yin/
de bzhin du rig 'dzin 'jigs med gling pa la'ang ston ri Shi'i
tshe chu gzims kyi rdzing bu zhig yod pa la them skas med pas 'byon
bzhugs shin tu dka' bar yod pa 'dir them skas shig bgyis
na zhus pas/_sang phod 'dir e nyal mi shes de 'dra'i dka' las
kyis ci byed ces gsungs pa yin te/_dus rtag tu mi rtag pa'i
gsung kho na 'byon pa yin gsungs/_des na rang re rnams kyang de
lta bu re rgyud la nges par ma skyes kyi bar du sbyor ba sems bskyed/
dngos gzhi thabs sna tshogs kyis blo bcos te mi rtag pa gsha' ma
zhig rgyud la ma skyes kyi bar du bsgom/_mjug bsngo ba'i rgyas thebs
par bya ba dang bcas nyams su blangs nas dam pa gong ma'i rjes
shul snyogs pa zhig la ci nas kyang 'bad dgos pa yin no/_/
mi rtag mngon du gyur kyang rtag par 'dzin/_/

rga ba'i grong sgor sleb kyang gzhon par rlom/_/
bdag dang bdag 'dra log rtog sems can rnams/_/
mi rtag rgyud la skye bar byin gyis rlobs/_/
tshe mi rtag pa'i khrid do//_//
!_'khor ba'i bya bzhag snying po med par dgongs/_/
snying rje chen pos gzhan don 'ba' zhig gnyer/_/
srid zhir ma zhen theg chen gzhung bzhin mdzad/_/
mtshungs med bla ma'i zhabs la phyag 'tshal lo/_/
don gsum pa 'khor ba'i nyes dmigs kyi
khrid la'ang gnyis las/
dang po chos la nyan 'chad bgyid pa'i tshul sngar dang 'dra/
gnyis pa bshad bya'i chos la 'khor ba'i sdug bsngal spyir bsam pa
dang /_bye brag rigs drug so so'i sdug bsngal bsam pa dang gnyis/
dang po ni/_sngar bshad pa de ltar rnyed par dka' ba'i dal 'byor
rnyed kyang yun ring sdod longs med par mi rtag 'chi ba'i dbang
du 'gro/_shi nas kyang me shi ba'am chu skam pa lta bu zhig yin na de

ka las gzhan mi 'dug kyang /_shi nas med du mi 'gro zhing skye ba
len dgos pa yin/_skye ba zhig blangs phyin chad 'khor ba'i gnas
las ma 'das te/_spyir 'khor ba zhes bya ba de rdza mkhan gyi 'phang lo
'am/_zo chun gyi khyud mo 'am/_bum nang gi bung ba bzhin gcig nas
gcig tu 'khor ba la zer/_de'ang bum nang du bung ba bcug nas
kha bcad pa na bung ba de gang du 'phur yang bum nang las gzhan
du 'gro mi nus/_dpe de bzhin du 'khor ba'i gnas 'di mtho dman
gang du skyes kyang 'khor ba'i gnas ris las mi 'da' ste/_bum
pa'i stod lta bu mngon mtho lha mi'i gnas dang /_smad lta bu ngan
song gsum gyi gnas ris yin/_de ltar 'gro ba'i gnas rigs
drug po 'dir zag bcas kyi las dge ba dang mi dge ba'i rgyus
gcig nas gcig tu skye zhing 'khor bas na 'khor ba zhes bya/_rang
re 'khor ba'i gnas 'dir thog ma med pa'i dus nas 'khyams te/
'khor ba'i sems can 'di thams cad phan tshun pha ma dang dgra
gnyen btang snyoms gsum ma byas pa gcig kyang med/_'di'i ma ni
'di'o/_/de'i ma ni 'di'o/_/zhes sems can gcig gi ma brgyud pa'i
grangs sa chen po 'di ril bu rgya shug gi tshig gu tsam du dril te
bgrangs kyang sa chen po 'di thams cad zad par 'gyur gyi/_sems
can re re'i ma byas shing brgyud pa'i grangs mi zad pa mdo las
gsungs pa'i don/_mgon po klu sgrub kyis/_ma yi thug mtha' rgya shug

tshig gu tsam/_/ril bur dril kyang sa yis longs mi 'gyur/_/zhes
gsungs/
de bzhin du 'khor ba thog ma med pa nas/_da lta'i bar du skye ba
'di ma blangs bya ba med pas 'dod pa'i phyir mgo dang yan lag
bcad pa'ang grangs kyis mi chod/_grog sbur la sogs srog chags
phra mor skyes pa'i yan lag rnams da lta gcig tu bsdam rgyu yod na
ri yi rgyal po ri rab las kyang mtho/_kha la zas med/_rgyab la gos
med/_'khyag ltog skom gsum la sogs pa'i sdug bsngal myong nas
ngus pa'i mchi ma thams cad ma skam par bsags na mtha'i rgya
mtsho chen po las kyang mang /_dmyal ba'i gnas su skyes te zangs
zhun khol ma kho na'ang phyogs kyi rgya mtsho chen po bzhi las mang ba
zhig btung ba yin kyang /_da dung 'khor ba'i gnas ris 'di la
skyo ba'i blo skad cig kyang mi skye bar zhen cing chags pas bcings
pa rnams/_'khor ba mtha' med du sngar gyi sdug bsngal de las kyang
mang bar myong dgos pa yin/
gal srid bsod nams cha mthun gyi dge 'bras phran bu res tshangs
pa dang lha'i dbang po lta bu tshe ring zhing gzugs dang dpal 'byor
phun sum tshogs pa'i lus rten thob kyang mthar 'chi ba'i gnas
las ma 'das/_shi nas kyang ngan song gi sdug bsngal nyam thag pa
la spyod pa yin na/_lus rten 'dir dbang phyug dang nad med pa

la sogs pa'i bde ba cung zad tsam pa ni lo shas dang zla ba zhag
'ga' tsam pas mgo bskor te mtho ris kyi bde 'bras zad nas
shin tu dbul zhing nyam thag pa'am ngan song gi sdug bsngal bzod
dka' ba la mi 'dod bzhin du spyod dgos pas da lta'i bde skyid
rmi lam bdo 'phro la sad pa lta bu 'di la snying po ci zhig yod/
'phral du dge 'bras phran bu res bde zhing skyid pa ltar snang ba
rnams kyang 'phen byed kyi las zad nas skad cig ma gcig kyang
sdod dbang med pa yin te/_rin po che'i khri la lha'i gos btings
pa'i steng na gnas shing 'dod pa'i yon tan lngas dga' mgur rtse
ba'i lha'i dbang po rnams kyang tshe'i tshad rdzogs nas mig 'byed
'dzum tsam gyi yun la dmyal gnas lcags bsregs kyi sa gzhi'i
steng du mgo thur du bstan nas lhung ste sdug bsngal la spyod pa'ang
yod/_gling bzhi 'od kyis snang bar byed pa'i nyi ma dang zla ba gnyis
kyang mthar gling bar mun pa mun nag gi nang du skyes te rang gi
yan lag brkyang bskum tsam yang mi mthong ba'i gnas skabs de
lta bu yod pa yin pas/_ltar snang 'khor ba'i bde ba la blo gtad
mi 'dug_des na da res kyi skye ba 'dir 'khor ba sdug bsngal gyi
rgya mtsho chen po las thar te gtan du bde ba rdzogs pa'i sangs
rgyas kyi go 'phang thob pa zhig ci nas kyang byed dgos snyam du sbyor
dngos rjes gsum tshang bar nyams su blang ngo /_/

gnyis pa rigs drug so so'i sdug bsngal bye brag tu bsam pa la
drug_dang po dmyal ba la sde tshan bco brgyad yod pa las/
tsha dmyal brgyad ni/
yang sos nas rim pa bzhin 'og nas 'og tu mnar med pa la ma
thug gi bar du khang pa'i thog so bzhin brtsegs nas yod pa yin
la/_de dag thams cad kyang gzhi dang khor yug thams cad mgar
gyi lcags bsregs lta bu rdog pa bzhag pa tsam gyi bde bar mngon
pa yang med par me lce 'bar ba'i klong shin tu dbal tsha ba kho na
yin/
de las dang po yang sos ni/_lcags bsregs kyi sa gzhi'i steng
mdag me 'bar ba'i klong du dmyal ba'i sems can kha ba dang bu
yug 'tshubs pa lta bu grangs med pa las kyi dbang gis lhan cig
tu bsdus te/_de dag kyang 'phen byed zhe sdang gi las kyis 'phangs
pas/_de'i byed pa rgyu mthun las/_thams cad kyang dgra mi sha bo
mthong ba lta bur phan tshun khong khro'i sems skyes te 'thab pa na/
las kyis sprul pa'i mtshon cha bsam gyis mi khyab pa lag tu lon
pas gcig gis gcig la brdegs nas thams cad kyang shi zhing /
nam mkha' las yang sos par gyur cig ces pa'i sgra grag ma thag

thams cad yang sos te sngar bzhin 'thab pa sogs shi sos res
mos byed pas sdug bsngal ba'o/_/tshe tshad ni mi lo lnga bcu re la lha
rgyal chen rigs bzhi'i zhag gcig_de sum cu la zla ba/_de bcu
gnyis la lor brtsis pa'i/_lha'i lo lnga brgya la dmyal ba yang sos
kyi zhag gcig de ltar brtsis pa'i zhag sum cu la zla ba dang /_zla ba
bcu gnyis la lor byas pa'i rang lo lnga brgya'i bar du sdug bsngal
myong ba'o/_/
gnyis pa thig nag ni/_lcags bsregs kyi sa gzhi'i steng du gshin
rje'i las mkhan rnams kyis dmyal ba'i sems can de'i lus
mgal dum ltar bsgyel/_thig nag po bzhi brgyad bcu drug sum
cu so gnyis la sogs pa btab pa'i steng du lcags kyi sog le me
'bar bas dra bar byed cing /_bcad zin pa rnams de ma thag 'byar
ba yang dang yang du gshog cing gcod pas sdug bsngal lo/_/tshe tshad
ni mi lo brgya lha sum cu rtsa gsum pa'i zhag gcig tu brtsis pa'i
lha'i lo stong phrag gcig dmyal ba thig nag gi zhag gcig tu byas
pa'i rang lo stong thub pa'o/_/
gsum pa bsdus 'joms ni/_lcags kyi gtun chen po yul ljongs
tsam pa re'i nang du dmyal ba'i sems can grangs med pa blugs
nas/_lcags bsregs kyi tho ba ri rab tsam pa re gshin rje'i las
mkhan rnams kyis klad la bskor nas brdungs pas thams cad

kyang ngu co dir re gnad gcod kyi sdug bsngal dang 'jigs skrag
bsam gyis mi khyab pa'i ngang du shi_tho ba bteg pa na slar sos te
sngar bzhin sdug bsngal myong ba dang /_gzhan yang lung pa phan tshun
gyi ri thams cad sngar rang gis gang bsad pa'i srog chags shwa ba
dang /_dgo ba dang /_ra lug la sogs pa'i mgo brnyan du gyur pa'i
rwa rtse na me 'bar bas rdung kha bkye ba'i bar du dmyal ba'i sems
can grangs med pa las dbang gis ded de brgyab pas phan tshun
brdungs pa'i tshe thams cad shi_slar phye ba'i tshe sos pa yang sngar
ltar 'joms pa sogs kyi sdug bsngal mi lo nyis brgya lha 'thab
bral gyi zhag gcig tu brtsi zhing /_lha'i lo nyis stong bsdus 'joms
kyi zhag gcig byas pa'i rang lo stong phrag gnyis kyi bar du myong
ba'o/_/
bzhi pa ngu 'bod ni/_lcags bsregs kyi khang pa sgo med pa'i nang
du 'tshed cing sdug bsngal ba/_'di nas thar pa'i dus mi 'ong snyam
du 'o dod drag po 'bod pa ste/_mi lo bzhi brgya lha dga' ldan gyi
zhag gcig_dga' ldan gyi lo bzhi stong ngu 'bod kyi zhag gcig tu
brtsis pa'i rang lo stong phrag bzhi thub pa'o/_/
lnga pa ngu 'bod chen po ni/_gshin rje'i las mkhan mtshon cha thogs
pa 'jigs su rung ba mang pos dmyal ba'i sems can grangs med
pa ded de lcags kyi khyim me 'bar ba gnyis rim du bcug nas

tho ba la sogs pas rdeg cing /_sgo phyi nang gnyis ka lcags zhun gyi
zhal ba byas pas nang ma las thar kyang phyi ma las mi thar snyam du
'o dod chen po 'bod pa'o/_/tshe tshad ni mi lo brgyad brgya lha 'phrul
dga'i zhag gcig byas pa'i lha'i lo brgyad stong ngu 'bod chen po'i
zhag gcig ste/_de lta bu'i lo stong phrag brgyad thub pa'o/_/
drug pa tsha ba ni/_lcags kyi snod chen po stong gsum tsam par khro
chu khol ma'i nang du dmyal ba'i sems can grangs med pa 'tshod
pas sdug bsngal zhing /_steng du thon pa'i res la las mkhan rnams
kyis lcags kyus bzung ste/_mgo la tho lum gyis bsnun pas dran
pa nyams pa'i tshe sdug bsngal gyi tshor ba ma myong ba tsam bde bar
bsgom zhing shin tu sdug bsngal ba/_mi lo stong phrag gcig dang drug
brgya lha gzhan 'phrul dbang byed kyi zhag gcig_lha'i lo khri drug
stong tsha ba'i zhag gcig tu byas pa'i rang lo khri phrag gcig dang
stong tsho drug thub pa'o/_/
bdun pa rab tu tsha ba ni/_lcags kyi khyim me 'bar ba'i nang du las
mkhan rnams kyis lcags kyi gsal shing rtse gsum pa me 'bar bas
rkang mthil gnyis dang 'og sgo nas 'dzugs shing phrag pa gnyis
dang spyi bo nas thal mar 'byin/_lcags bsregs kyi snam bus lus
kyi phyin nas dkris pas shin tu sdug bsngal ba'o/_/tshe tshad ni bar
gyi bskal pa phyed thub pa ste/_mi lo'i grangs kyis gzhal ba'i yul

las 'das pa'o/_/
brgyad pa mnar med pa ni/_lcags khyim me 'bar ba nye 'khor lhag
pa bcu drug gis bskor ba'i nang du gshin rje'i las mkhan rnams
kyis lcags bsregs kyi dum bu sol ba lta bu ri tsam du spungs pa'i
dbus su dmyal ba'i sems can grangs med pa bcug nas/_stag
gzig gi sbud pa bus pas me dang lus gnyis med du sreg_sdug
bsngal gyi tshor ba shin tu rags shing 'o dod 'bod pa'i sgra tsam
las lus dngos ltar mi mngon/_thar bar 'dod pa'i blo rgyun chad
med par skye yang thar pa'i dus ni med/_skabs rer me sgo cung zad
re phye bas bros par rlom pa na/_las mkhan rnams kyis mda' bo che
dang /_dbyug pa dang /_tho ba la sogs pas bsnun cing /_khro chu khol
ma khar ldugs pa sogs dmyal ba snga ma bdun po'i sdug bsngal
kyang tshang bar myong dgos/_tshe tshad bar gyi bskal pa gcig thub pa
ste/_de las lhag pa mnar rgyu med pas mnar med ces bya/_'di ni
mtshams med pa'i las byas pa'i sems can dang /_sngags su zhugs
nas rdo rje slob dpon la log lta skyes pa sogs skye ba'i gnas yin
te/_las gzhan gyis 'dir skye mi nus/
de'i 'khor nye 'khor ba ni/_mnar med kyi phyogs bzhi so so na/_me
ma mur gyi 'obs/_ro myags kyi 'dam/_mtshon cha'i thang /_ral gri lo
ma'i nags tshal bzhi po/_shar na bzhi/_lho na bzhi/_nub na bzhi/_byang

na bzhi dang bcu drug_shar lho mtshams na lcags kyi shal ma ri'i
sdong po gcig_de bzhin lho nub/_nub byang /_byang shar rnams na'ang
re re dang bcas pa yod pa las/
dang po me ma mur gyi 'obs ni/_dmyal ba mnar med kyi las srab
pa dag phyir thon pa'i tshe rgyang ring po nas grib ma nag ngam me ba'i
'obs mthong nas dga' ste phyin pas/_thal tshan gyi mdag me rab
tu 'bar ba'i 'obs su tshud de sha rus tshig cing sdug bsngal ba'o/_/
gnyis pa ro myags kyi 'dam ni/_de bzhin du rgyang ring po na chu klung
mthong ste/_sngar bskal pa chen po zhig 'jig gi bar du me dpung du
btsos pas skom tshad kyis chu mthong ba la dga' ste 'thung du phyin
pas de na chu zhig ci la yod/_mi ro rta ro khyi ro la sogs ro rul pa
shin tu dri nga ba 'bus g.yeng ba 'ba' zhig gi 'dam du tshud de spyi
bo'i bar du nub/_srin bu lcags kyi mchu rnon can rnams kyis za
bas sdug bsngal ba'o/_/
gsum pa spu gri'i thang ni/_yang de nas thar te phyin pas thang sngon
po nyams dga' ba zhig mthong ba la phyin pas mtshon cha'i thang
dang thug_sa gzhi thams cad lcags bsregs kyi thur ma rnon po rtswa
ltar skyes pa'i steng du rkang pa g.yas bzhag na g.yas phug g.yon
bzhag na g.yon phug pa bteg pa'i tshe sos shing /_bzhag na sngar
ltar gcod pas sdug bsngal ba'o/_/

bzhi pa ral gri'i tshal ni/_yang de las thar te nags tshal nyams
dga' ba mthong ba la dga' nas rgyug pas der nags tshal nyams
dga' ba zhig ci la yod/_ral gri lo ma'i nags tshal dang 'phrad
de/_lcags kyi sdong po la ral gri mang po lo ma ltar skyes pa rlung gis
bskyod pas lus dum bu dum bur gcod cing yang sngar ltar 'byar
nas gcod pa'i sdug bsngal myong ba'o/_/
lcags kyi shal ma ri ni/_btsun 'chal sdom nyams tshangs spyod nyams
pa rnams dang 'dod log spyod pa rnams skye ba'i gnas yin te/
las kyi dbang gis lcags kyi shal ma li 'jigs su rung ba'i drung
du sleb pa na/_ri rtse na sngar rang la dga' gdung yod pa'i grogs
des 'bod par mthong nas phyin pas lcags kyi sdong po skyes pa'i lo
ma thams cad thur du bstan pas 'bigs shing /_ri rtser sleb tshe khwa
dang bya rgod la sogs pas mig tshil 'bru/_yang ri'i rtsa ba na 'bod
par mthong nas sngar bzhin phyin pa dang /_lo ma thams cad gyen du
bstan pas brang gzhung nas rgyab gzhung du thal mar 'bigs shing /
ri'i rtsa bar phyin pas lcags kyi skyes pa dang /_bud med 'jigs su
rung bas 'khyud nas mgo bo khar bcug ste bldad pas 'gram khug
gnyis nas klad pa skya tsir gyis 'ong ba sogs kyis sdug bsngal
ba'o//
de ltar tsha ba'i dmyal ba brgyad/_nye 'khor lhag pa bcu drug_lcags

kyi shal ma li la sogs pa de dag gi sdug bsngal rang gis legs
par dpyad nas/_dben par song ste mig btsum zhing rang nyid
dmyal ba'i gnas der mngon sum du skyes par bsgom/_'jigs
skrag dang sdug bsngal gyi snang ba mngon sum lta bur skyes pa na/_ga
re nga da res der skyes pa min kyang de'i sdug bsngal sems thog
tu blangs pa tsam la yang 'jigs skrag dang sdug bsngal de tsam
'dug_da lta der skyes pa'i sems can grangs kyis mi chod pa yod/
de thams cad kyang rang gi skye ba sngon ma'i pha ma sha stag yin/_skye ba
'di'i pha ma dang nye du mdza' bshes sogs du ma shi ba de dag kyang
der skyes med pa'i nges pa med/_gnas ris de dag tu skye ba'i rgyu'i
gtso bo ni zhe sdang gi las yin/_rang res kyang tshe rabs 'di dang
gzhan du nyon mongs pa zhe sdang gi las bsags pa la grangs kyis
mi chod pa yod pas skye ba gzhan du dmyal ba'i gnas de dag tu skye
nges/_des na da res rang gis dal 'byor gyi mi lus thob/_mtshan
ldan gyi bla ma mjal/_zab mo'i gdams ngag nyan/_sangs rgyas kyi go
'phang sgrub tu yod pa'i dus 'dir/_phyin chad ngan song gi gnas de
dag tu gtan nas mi skye ba'i thabs la 'bad dgos snyam du yang
yang bsam/_sngar byas kyi las ngan pa rnams la 'gyod pa drag pos
bshags pa dang /_phyin chad dmyal ba de dag tu skye ba'i las srog
la babs kyang bsags re shi snyam pa'i dam bca' drag po bya/_da lta

der skyes pa'i sems can rnams la snying rje drag po bsgom/_de dag
thams cad da lta nyid du ngan song gi gnas ris las thar bar gyur
cig snyam du smon lam gdab pa sogs sbyor dngos rjes gsum tshang
bar nyams su blang ngo /_/
gnyis pa grang dmyal brgyad ni/
spyi mthun du gzhi dang 'khor yug thams cad gangs ri dang chab
rom gyi khrod/_bu yug 'ba' zhig gis sbrebs pa'i gnas su gcer
bu grang ba'i sdug bsngal gyis nyen pas lus la chu bur thol thol
rdol ba ni chu bur can/_chu bur de dag rdol nas rmar song ba chu
bur rdol ba/_grang ba'i zug rngu bsran mi bzod par so 'tshir bas
so tham tham pa/_smre sngags rgyun mi 'chad pa 'don pas a chu chu/
skad kyi gdangs chag pas shugs ring kyi hud du 'don pa kyi hud
'don pa/_phyi'i lpags mdog sngon por song ste bzhi tshal du gas pa
ut+pal ltar gas pa/_nang gi sha dmar por mngon pa yang grang bas
'khyags nas brgyad tshal du gas pa pad+ma ltar gas pa/_de las kyang
dmar nag du gyur te bcu drug dang /_so gnyis grangs med par
gas pa pad+ma chen po ltar gas pa/_de ltar gas pa'i rma nang du srin
bu lcags kyi mchu can mang po zhugs nas za zhing grang ba'i sdug

bsngal myong ba las/_sdug bsngal mi 'dra ba brgyad la ming brgyad du
chags pa grang ba'i dmyal ba brgyad ces bya/
de dag gi tshe tshad ni/_grong khyer ko sa la'i bres gzhal ba'i bcu
tshad nyi shu shong ba'i gzhong pa til gyis gang ba las chu bur can gyi
lo brgya re na til re re phyungs pas til thams cad zad pa na chu
bur can gyi tshe tshad rdzogs pa yin la/_lhag ma rnams de las rim
par nyi shu re'i 'gyur gyis tshe jering sdug bsngal je che yin te/_chu
bur can gyi tshe tshad tsam pa nyi shu chu bur brdol bas thub/_de'i tshe
tshad tsam pa nyi shu so tham pas thub pa sogs 'gre bar bya'o/_/
de dag gi sdug bsngal yang sngar ltar rang rgyud la blangs nas
bsgom zhing /_da lta mi yul 'dir dgun gyi dus su gcer bur
skad cig tsam sdod pa'i grang lhags kyi sdug bsngal yang bzod mi
nus na/_der skyes na ji ltar bzod snyam du rang rgyud kyi nyes pa la
bshags sdom dang /_gnas der skyes pa'i sems can la snying rje
sgom pa sogs sngar ltar sbyor dngos rjes gsum tshang bas nyams su
blang ngo //
nyi tshe ba ni/_gnas kyang nges med sdug bsngal yang nges med yin
te/_brag gi bar du bcar ba dang /_rdo yi nang du 'thum pa dang /_chab
rom gyi nang du rengs pa dang /_chu tshan gyi nang du 'tshod pa dang /
me nang du sreg pa dang /_shing sdong la bcad gtub byas pas/_rang

nyid kyi yan lag dang nying lag bcad par nyer len byas te sdug
bsngal ba dang /_gtun dang /_phyags ma dang /_phru ba dang /_sgo dang /
ka ba dang /_sgyed pu dang /_thag pa la sogs pa rtag tu bkol zhing
spyod pa'i gzugs su 'du shes pas sdug bsngal de dag myong ba ste/
dper na 'gro mgon gling rje ras pas yar 'brog mtsho nang na nya
gzigs pa dang /_grub thob thang stong rgyal pos rdo nang na sbal pa
gzigs pa sogs yin/
de yang yar 'brog g.yu mtsho sngon mo de ni/_sngon mkha' 'gro ye shes
mtsho rgyal sgrub pa la bzhugs skabs bon pos gser btso zho gang
'phangs pa mtshor bsgyur ba yin te/_grags pa'i mtsho chen bzhi'i
gcig yin/_mtsho mgo der lung gangs chen dang /_mtsho gzhug zas
ma rgu ru la thug nas nyin lam mang po'i bar du yod pa la/_grub
chen gling rje ras pas mtsho nang der gzigs nas bshum/_a kha kha
dkor ma za dkor ma za zhes gsungs/_de ci lags zhus pas/_mtsho
nang 'dir bla ma dkor zan zhig gi rnam shes/_nyi tshe ba'i dmyal
bar skyes te sdug bsngal mang po myong gin 'dug gsungs/_de ston
par zhus pas rdzu 'phrul gyis mtsho de skad cig la bskam tsa na/_nya
chen po zhig gi lus kyis mtsho des gar sleb tu sleb pa la srog
chags grangs med pas go mtshams med par gtams te zos pa'i
sdug bsngal mi bzod pas 'gre ldog ldog byed kyin 'dug_'di lta

bu'i las ngan pa su zhig gi skye ba lags zhus pas/_'di gtsang bla
rta nag can gyi skye ba yin gsungs/_gtsang bla rta nag can bya ba de/
ngag nus dang byin rlabs shin tu che zhing*/_'dre gdon gyis nyen pa
rnams la lta stangs byas pa tsam gyis phan pa sogs byung bas dbus
gtsang ru bzhi'i mchod gnas su gyur te/_gshin po'i 'bul ba byas
pa sogs la phaT shar re sgrags nas rta zog mang po blang 'gro ba
zhig yod pa de yin/
grub thob thang stong rgyal pos rdo pha bong chen po zhig gi steng du rtsa
rlung gi 'khrul 'khor mdzad pas/_rdo de phyed tshal du gas pa'i nang
na sbal pa chen po zhig gi lus la srog chags chung du grangs med
pa 'byar nas zos pas sdug bsngal mi bzod par kha nag deng deng
'dug pa 'di ci lags zhus pas/_'di dmar chog byed pa'i bla ma
gcig gi skye ba yin gsungs/
da lta bla ma rnam pa tsho yang /_yon bdag gi bsha' lug tsho ba dang
rgyags pa re bshas nas mid pa dang mtsher pa sogs sha khrag gis
g.yos/_tshang 'brong gi rtsibs sha 'dar cum me ba'i steng du bzhag
nas drangs tsa na/_mnabs gzan de dbu la 'then nas/_nang cha
rnams byis pas nu ma nu nu mdzad/_phyag shan de kha zhig blangs nas
phyi sha rnams dal bus gsol/_bzhes pa zin tsa na zhal snum chil
le/_dbu rlangs pa phal le/_sngar gyi de ma yin pa'i rgya dmar tsig ge

ba zhig byas nas dbu bteg 'ong bar 'dug ste/_tshe 'dir gsol
gsol ba'i bu lon phyi ma sku lus kyi steng nas 'jal dgos byung tsa
na/_nyi tshe ba'i dmyal gnas su 'o brgyal chen po yod par 'dug
de bzhin du ngor mkhan chen dpal ldan chos skyong sde dge na
bzhugs skabs/_nyin gcig de ring rngul mda'i chu nang 'dir
gang byung yang gtong mi nyan zhes grwa pa mang por sgug tu bcug_phyi
dro tsam na shing sdong dum chen po zhig chus khyer byung ba de blangs
nas de las gzhan gang yang ma byung zhus pas de yin/_sdong dum
de gshogs dang gsungs/_sdong dum gshags pa'i nang na sbal pa
chen po zhig la srog chags mang pos za gyin 'dug pa de la khrus
chog sogs mdzad/_de sde dge'i gnyer pa po rgyas bya ba zhig gi skye
ba yin gsungs/_des na mi dpon khe drag sde za ba rnams kyang da
lta dbang che yang dmyal gnas 'di dag la bsams nas stabs
gzab byed dgos par 'dug
de bzhin du sngon bcom ldan 'das bzhugs skabs gnas pa'i
grong gi shan pa zhig gis mtshan mo srog mi gcod pa'i khrims
blangs pa nyi tshe ba'i dmyal bar skyes te/_mtshan mo khang bzang nyams
dga' ba'i nang du bud med mdzes ma bzhis bza' btung dang
longs spyod kyis mchod cing shin tu skyid pa la/_nyin mo khang pa yang
lcags bsregs kyi khang par gnas gyur/_bud med bzhi khyi sre po

'jigs su rung bar gyur nas za bar byed pa dang /_yang byi bo byed
zhig nyin mo byi bo mi byed pa'i sdom pa blangs pas nyin mtshan gyi
skyid sdug sngar gyi de las ldog par myong ba gro bzhin skyes rna ba bye
ba ris gzigs pa dang /_gtsug lag khang yid du 'ong bar dge
slong lnga brgya tsam gnas pa nyin gung tsam la gaN+Di brdungs nas
gdugs tshod la 'dus tshe gtsug lag khang lcags bsregs kyi khang
pa dang /_lhung bzed dang phor pa sogs mtshon char gnas gyur
nas rdeg res 'ba' zhig byed gdugs tshod yol ba'i tshod la sngar
bzhin gyes te gnas pa/_sngon 'od srung gi dus su dge slong mang po
gung tshigs kyi skabs tshig gi rtsod pa byas pa'i rnam smin yin par
bshad pa la sogs pa rnams yin no/_/
de ltar tsha dmyal brgyad/_grang dmyal brgyad dang bcu drug_nyi tshe nye
'khor gnyis dang bco brgyad po la/_dmyal khams bco brgyad ces
bya ste/_de dag gi grangs dang tshe tshad sdug bsngal/_der skye ba'i rgyu
la sogs pa zhib tu shes par byas nas/_der skye ba'i sems can
la snying rje bsgom/_rang gzhan thams cad phyin chad der mi skye ba'i
thabs la 'bad dgos pa yin/_de ltar ma yin pa go lo dang thos
lor bzhag nas nyams su ma blangs na/_slar chos dred nga rgyal gyi
rgyur 'gro/_dam pas smod cing mkhas pas khrel ba'i gnas su 'gyur
te/_sngon bla ma zhang rin po che'i drung du/_dge slong spyod lam mdzes

pa nga rgyal che ba zhig mjal du byung ba la/_dge slong khyod kyis chos
ci shes gsungs pas/_chos mang po thos pa yin zer/_'o na dmyal
khams bco brgyad bya ba de gang yin gsungs pas/_tsha dmyal brgyad/
grang dmyal brgyad dang bcu drug_karma pa zhwa dmar nag gnyis dang
bco brgyad yin zer skad/_khong karma pa la mi gus pas dmyal ba'i
grangs su brtsis pa ma yin kyang /_nyi tshe dang nye 'khor gnyis ka'i
ming ni brjed/_karma pa zhwa dmar nag gnyis ni de dus grags chen
po yod pas bab col du bgrang bar 'dug_de lta bur gyur na chos
zhus nas nyams su len pa lta ci/_tshig tsam yang mi shes pa ni ngo tsha
ba'i gnas yin no/_/
ngan song gi gnas gnyis pa yi dwags kyi
sdug bsngal bsam pa ni/
spyir yi dwags la bying na gnas pa dang /_mkha' la rgyu ba'i yi
dwags gnyis yod/_dang po la'ang phyi'i sgrib pa can/_nang gi sgrib pa
can/_sgos khur gyi sgrib pa can la sogs pa yod pa las/

phyi'i sgrib pa can ni/
lo grangs brgya phrag mang po'i bar du chu'i ming tsam yang thos ma
myong bas shin tu bkres shing skom pas gdungs/_dus rtag tu bza'
btung zhig don du gnyer nas 'gro yang cung zad kyang mi rnyed/_res
'ga' rgyang ring po na chu klung sngon po re 'babs pa mthong nas/_yan
lag gi lhu tshigs 'khrol zhing lto ba mi theg par sdug bsngal bzhin
thang chad chad du phyin pas drung du sleb tshe chu thams cad skam nas/
gram pa tsam lus nas shin tu sdug bsngal ba dang /_yang rgyang ring
po nas ljon shing thog gu can mthong bas sngar bzhin song ste drung du
sleb pa na skam nas khra ma'i sdong po chen por 'gyur ba dang /_yang
bza' btung longs spyod bzang po mang po mthong yang /_drung du phyin
pa'i tshe skyes bu go mtshon dang ldan pa mang pos srung bas ded nas
mtshon chas rdeg cing sdug bsngal ba dang*/_dbyar gyi dus su ni zla
ba yang tsha zhing sreg pa dang /
dgun ni nyi ma yang shin tu grang zhing bsil bas lhag par gdung
ba sogs te/_sngon gro bzhin skyes yi dwags kyi yul du byon pas/_yi
dwags kyi ser sna'i dug gi tshad pas phog ste khong zhal shin tu skom
nas lcags kyi mkhar chen po zhig gi sgo na skyes bu mdog nag la

mig dmar ba 'jigs su rung ba zhig 'dug pa la/_chu gar yod
ces dris pas/_yi dwags sdong dum mes tshig pa 'dra ba mang po
'dus nas skyes bu chen po phun sum tshogs pa chu stsol zer/_khong
gis ngas kyang chu ma rnyed pa yin chu stsol byas pas/_khyed ci zer
nged rnams lung pa 'dir skyes nas lo grangs bcu gnyis yin kyang /
chu'i ming tsam yang da res las thos ma myong zer ba lta bu'o/_/
nang gi sgrib pa can ni/
kha khab kyi mig tsam pas rgya mtsho chen po'i chu btung yang mgrin pa
rta rnga tsam pa'i nang du ma tshud pa'i bar la kha'i dug gis skam pa
dang /_cung zad re mgrin par tshud kyang lto ba yul ljongs tsam yod
pa mi khengs pa dang /_lto bde tsam re lto bar song na mtshan mo'i
ring de la me 'bar nas glo snying nang khrol thams cad bsregs pas
sdug bsngal ba dang /_'gro bar 'dod pa'i tshe lto ba yul ljongs tsam
pa yan lag 'jag skya tsam gyis mi theg par shin tu sdug bsngal
ba'o/_/

sgos khur gyi sgrib pa can ni/
yi dwags re re'i lus la mang po'i tshang bcas nas za bar byed pa
la sogs pa yin la/_de las gzhan yang skyid sdug gi rnam grangs
ma nges pa'ang du ma yod de/_sngon gro bzhin skyes rna ba bye ba ri yi
dwags kyi yul du byon skabs gzhal med khang zhig na bud med
gzugs bzang ba/_mdzes pa/_lta na sdug pa/_rin po che'i rgyan gyis
spras pa zhig gi khri'i rkang pa bzhi la yi dwags bzhi btags shing
'dug_des gro bzhin skyes la zan byin nas yi dwags 'di rnams
khyed la zan slong na cung zad kyang ma sbyin cig zer/_gro bzhin skyes
kyis zan za ba'i tshe yi dwags slong ba las/_gcig la byin pas phub
mar gyur/_yang gcig la byin pas lcags kyi tho lum za bar gyur/
de bzhin du gcig la rang gi sha dang*/_gcig la rnag khrag tu gyur
pas/_bud med de 'ongs nas khyod la kho mos ma sbyin ma smras sam/
kho mo'i snying rje las khyod kyi snying rje lhag gam zer ba la/_'di dag
khyod dang ci nye byas pas/_'di ni kho mo'i khyim thabs yin/_'di ni
bu yin/_'di ni mna' ma yin/_'di ni bran mo yin zer/_khyed cag
las gang gis 'dir skyes byas pas/_'dzam bu gling gi mi rnams
ni yid ches par dka' ba yin pas yid mi ches so zer/_kho bos

mngon sum du mthong na ji ltar yid mi ches byas pas/_de na re
kho mo gnas pa'i grong gi bram ze mo yin te/_rgyu skar la babs pa'i
nub mo zas bzang po dag sta gon byas pa la/_'phags pa ka ta yA
na chen po bsod snyoms la byon par kho mo dad pa skyes nas bsod
snyoms phul te/_khyim thabs rjes su yi rang ba 'bul du bcug na
dga' bar 'ong snyam nas/_rje'i sras 'phags pa ka ta yA na chen po
la bsod snyoms phul bas rjes su yi rang ba phul cig byas pas/
de khros nas ji srid bram ze rnams la ma phul/_gnyen bshes rnams
kyi sri zhu ma bgyis par/_khyod kyis dge sbyong mgo reg de la bsod
snyoms kyi phud sbyin nam/_mgo reg de phub ma ci phyir mi 'gam zer/
de bzhin du bu la byas pas de yang khros te/_mgo reg de ci phyir
lcags kyi tho lum mi za zer/_de'i nub mo kho mo'i gnyen dag gis
kho mo la za ma bzang po rnams bskur ba mna' mas mo rang gis
zos nas/_ngan pa rnams nga la byin/_ngas za ma bzang po rnams zos
nas ngan pa rnams nga la ma byin nam dris pas/_des ngas khyod kyi
zas za ba las rang gi sha ci phyir mi za zhes rdzun smra zhing /_de bzhin
du kho mo'i gnyen rnams la zas bskur ba sngar bzhin bran mos zos
nas/_ngas khyod kyi za ma rku ba las rnag khrag ci phyir mi 'thung zhes
smra ba rnams la/_bdag gis sems can 'di dag rang rang gi las
kyi 'bras bu nyams su myong ba der skye zhing lta bar gyur cig snyam

pas/_yi dwags mthu mo cher skyes/_de min na 'phags par bsod
snyoms phul bas sum cu rtsa gsum gyi lhar skye ba yod pa yin/_khyed
yang gnas pa'i grong du 'gro na bdag gi bu mo smad 'tshong byed
pa de la/_khyod kyi pha ma sogs ngas mthong bas de dag na re/_las
'di'i 'bras bu ni yid du mi 'ong ba yin gyis dam pa ma yin pa'i
chos/_sdig pa de spongs shig zer ro/_/zhes gsungs shig_de yid mi
ches na khyod kyi sngon gyi pha'i khang pa na lcags zangs gser gyi gang
ba bzhi dang /_gser gyi 'khar ba dang /_ril ba spyi blugs yod kyi/
de dag phyung la dus dus su 'phags pa ka t+yA na chen po la bsod
snyoms phul nas bdag cag gi ming nas phyung ste yon bsngo ba byos
shig dang /_des las de srab pa dang /_yongs su zad par 'gyur ro/_/
zhes zer ro/_/
de bzhin du slob dpon dze tA ri ljongs rgyur byon pas/_yi dwags
mo gzugs mi sdug pa phru gu lnga brgya'i a mar gyur pa zhig gis
slob dpon la/_nga'i khyo pho rdo rje gdan du zas tshol ba la song nas
lo bcu gnyis yin kyang ma byung*/_khyed der byon na khyod myur du ma
'ongs na phru gu rnams bkres nas 'chi'o gsungs shig zer/_khyod kyi
khyo pho de ji zhig lta bu yod/_yi dwags thams cad 'dra bar 'dug
pas ngas shes sam gsungs pas/_nor mi dgos te/_kha che ba sna
nyag pa mig zhar ba gzugs mi sdug pa'i mtshan ma dgus brgyan

pa zhig yod zer/_khong rdo rje gdan du byon pas/_dge tshul zhig
gis gtor chu dang gtor zan mang po zhig dor nas song ba la/_yi
dwags mang pos rub brgyab pa'i khrod na kho rang 'dug_chung ma'i
'phrin bskur rnams bskyal bas/_ngas lo bcu gnyis su nyul yang /
skor gcig dge slong yang dag pa zhig gis snabs lud cig dor
ba la nged yi dwags mang po'i rub brgyab pas cung zad rnyed pa
las gang yang ma rnyed pa la zer/_kho rang snabs lud rtsod sa nas yi
dwags gzhan gyis lus la rma mang po gtod 'dug gsungs/
de bzhin du yi dwags kyi gnas ris gang du skyes kyang bkres skom
gtso bor gyur pa'i sdug bsngal sna tshogs kyis gdungs pa'i tshul
sems thog tu blang /_da lta rang res snga dro tsam za ma ma zos kyang /
sdug bsngal ci 'dra ba zhig 'dug_lo grangs mang po'i bar du chu yi
ming tsam yang mi thos pa'i gnas su skyes na ji ltar byed/_der skye
ba'i rgyu'i gtso bo ni ser sna dang /_'jur gegs yin pas bdag
gis kyang de lta bu'i las bsags pa grangs kyis mi chod/_da ni de
lta bu'i gnas ris su ci nas kyang mi skye ba zhig byed dgos snyam pa
sogs snying thag pa nas sbyor dngos rjes gsum tshang bar bsgom mo//
gnyis pa mkha' la rgyu ba ni/_btsan dang rgyal po shi 'dre 'byung
po/_ma mo the'u rang la sogs pa rnams te/_de dag kyang dus rtag tu
'jigs skrag dang 'khrul snang 'ba' zhig la spyod/_rtag tu bsam

pa ngan pa la gnas pas gzhan la gnod pa'i las kho na la brtson
cing shi ma thag dmyal ba sogs ngan song gi gting du 'gro ba mang /
khyad par zhag bdun phrag re'i mtshams su sngar rang nyid nad dang
mtshon dang 'gags la sogs pa gang gis shi ba'i sdug bsngal de
nyid myong nas/_de gzhan la spo bar 'dod pas gang du phyin pa der
yang gnod cing rang la mi phan/_sngon gyi mdza' bshes dang nye du
la sogs pa'i drung du dga' bas phyin kyang de dag la nad dang smyo
'bogs la sogs mi 'dod pa'i sdug bsngal 'byung /_sngags pa nus
pa can gyis mnan bsregs 'phangs gsum byas pas/_sa 'og mun
pa'i gnas su bskal pa'i bar du mnan pa dang /_sbyin sreg gi me
la sreg pa dang /_yungs thun dang rdo phye sogs kyis brabs pa brgyab
pa na mgo bo tshal pa brgyar 'gas shing lus dum bu stong du 'gro ba
sogs rtag tu sdug bsngal ba kho na las ma 'das/
dgun nyi ma grang zhing dbyar zla ba'ang tsha ba sogs log pa'i snang ba
rnams kyang yi dwags spyi dang mthun par 'char/_kha cig bya dang khyi
la sogs pa'i gzugs su yod pas gzugs byad yid du mi 'ong
ba sogs sdug bsngal gyi rnam grangs bsam gyis mi khyab pa la spyod
pa yin pas de dag gi sdug bsngal kyang rang thog tu blangs te/_der
skye ba'i sems can la byams pa dang snying rje bsgom pa sogs sbyor
dngos rjes gsum tshang bar nyams su blang ngo /_/

ngan song gi gnas gsum pa dud 'gro la'ang bying na
gnas pa dang kha 'thor ba gnyis las/
dang po ni/_mtha'i rgya mtsho chen po'i nang na nya dang /_chu srin dang /
dung dang /_sbal pa dang /_'bu srin la sogs pa chang 'gag gi sbang
ma bzhin lcig lcig yod pa la sbrul dang chu srin la sogs pa che ba
ri rab la lan mang po'i bar dkris pa dang /_chung ba rdul phran dang
khab rtse lta bu'i bar du yod cing /_che ches chung chung rnams gyur
mid byed/_chung chung gis chen po rnams thal mar 'bigs shing za/
srog chags che ba re re'i lus la chung ba du mas tshang bcas nas
zas su byed pa dang /_gling bar nyi ma mi 'char ba'i gnas su skyes
pas rang gi yan lag dang nying lag brkyang bskum byed pa tsam yang
mi mthong bar shin tu sdug bsngal/_blun zhing gti mug pas spang
blang gi gnas thams cad la rmongs te sdug bsngal mu mtha' med
pa'i gnas su skye ba yin/
kha 'thor ba'i dud 'gro lha dang mi yi yul na yod pa rnams kyang
blun rmongs dang bkol spyod kyi sdug bsngal kho na la spyod/_klu sogs
la mkha' lding gi gnod pa dang /_bye tshan gyi char 'babs pa/_blun

zhing gti mug pa/_gdug rtsub dang dug sogs yod pas nyams thag
pa'o/_/
khyad par mi yul gyi dud 'gro mis bdag tu ma bzung ba'i ri
dwags la sogs pa rnams ni 'jigs skrag gi snang ba kho na la
spyod/_zas kham gang za yang bag mi pheb bzhin du za/_gcig gis
gcig la za zhing /_rngon pa dang gcan gzan la sogs gsod pa po
grangs mang*/_khras bye'u dang bye'us 'bu gsod pas mtshon/_gcig
gis gcig gsod pa'i las ngan pa kho na rtag tu gsog_rngon pa
la sogs pa rnams ni sems can de dag mnar zhing gsod pa'i
las thabs la mkhas pas/_rgya dang rnyi dang gog tshe dang me mda' la
sogs gnod pa du mas 'phral du srog la rgol/
kha cig rang gi lus la skyes pa'i rwa dang spu dang pags pa la sogs
pa'i ched du gsod de/_mu tig gi ched du nya phyis gsod pa dang /
mche ba dang rus pa la sogs pa'i ched du glang po che gsod pa dang /
pags pa'i ched du stag gzig dang sram dang wa sogs gsod pa
dang /_gla rtsi'i ched du gla ba dang /_sha dang khrag gi ched du rkyang 'brong
la sogs pa gsod pa sogs rang gi lus nyid kyang rang nyid gsod
pa'i rgyur skyes pas shin tu sdug bsngal/_mi la brten pa'i dud 'gro
rnams ni blun zhing gti mug pas gsod pa'i gshed mas ral gri
thogs te drung du sleb kyang mig sngo ce re lta ba las bros pa tsam

yang mi shes/_de bzhin du zho bzho ba dang /_khal 'gel ba dang /_bya
gcod pa dang /_sna 'bigs pa dang /_rmos rmo ba sogs bkol spyod
kyi rnam grangs 'di ma myong snyam pa gcig kyang med/_rta khal sogs
rgyab thams cad rmar song yang da dung yang khal 'gel ba dang /
zhon nas 'gro ba sogs byed/_'gro ma nus tsa na lcag gis brab
cing rdos rdeg_de rnams la dka' tshegs dang na tsha yod snyam pa ni
mi byed/_gnag phyugs dang ra lug rnams ni rgas nas 'chi ba la
ma thug gi bar du bed bcad/_rgas tsa na rang gis gsod pa'am
gzhan la 'tshongs pa gang yin gyi sgo nas thams cad kyang bshas su
phab nas rang bzhin gyis 'chi ba ni gcig kyang med/_de lta bu'i
sdug bsngal bsam gyis mi khyab pa la spyod pa yin pas/_de ltar sdug
bsngal ba'i sems can mthong tsa na de rang nyid yin pa'i blo bzhag
nas sdug bsngal ci tsam 'dug la sogs pa zhib tu bsams nas/
dud 'gro'i gnas su skyes pa spyi la snying rje drag po bsgom zhing khyad
par rang la bsten pa'i dud 'gro sogs yod na byams brtses skyong
ba dang /_tha na 'bu sbrang dang srog chags phra mo tshun chad la'ang bde
sdug gi tshor ba med pa ni gcig kyang med la/_de thams cad kyang
rang gi pha ma ma byas pa'ang med pas thams cad la byams pa dang
snying rje bsgom pa sogs sbyor dngos rjes gsum tshang bar nyams su
blang ngo /_/

de ltar ngan song gi gnas gsum po ni/_gang du skyes kyang sdug
bsngal gyi rnam grangs dos drag la rgyun ring /_blun zhing gti mug la
chos kyi snang ba med pas slar yang ngan song gi rgyu sgrub pa kho na las
med/_de dag tu skyes na phyi nas thar ba dka' zhing /_rang rgyud la
ngan song de dag tu skye nges pa'i las tshe rabs 'di dang gzhan du
byas pa du ma yod pa yin pas/_sngar byas kyi las la 'gyod pa phyin
chad kyi bshags sdom sogs la snying thag pa nas 'bad/_der skyes
pa'i sems can rnams la snying rje drag po bsgom/_rang gis dus
gsum du bsags pa'i dge 'bras thams cad ngan song de dag tu
skyes pa'i sems can rnams kyi ched du bsngo ba bya/_gnas ngan de
dag las thar ba'i smon lam gdab/_bdag gis da res theg pa
chen po'i chos dang mjal nas/_rang gzhan gyi don gnyis 'grub
pa'i lam sgrub tu yod pa yin pas chos phyir dka' ba spyad cing
brtson pas nyams su blangs te/_ngan song gi sems can de dag
thams cad dag pa'i zhing du drang bar bya'o snyam pa'i sems bskyed/
de ltar byed nus par bla ma dang dkon mchog gis byin gyis rlobs
shig snyam du lha dang bla ma la gsol ba 'debs pa dang /_ram zlar
sbran pa sogs bya/_de ltar byas pa'i dge ba'ang sems can gyi don
du bsngo ba sogs dam pa gsum gyis zin par nyams su blang ngo /_/
de ltar na ngan song gsum du skyes na sdug bsngal gyi rang bzhin

yin kyang mtho ris rnam gsum ni bde zhing skyid pa yin nam snyam
na/_mtho ris na'ang bde ba med de/
dang po mi'i sdug bsngal ni/
mi rnams la rtsa ba'i sdug bsngal chen po gsum/_skye rga na 'chi'i
sdug bsngal gyi chu bo chen po bzhi/_dgra sdang ba dang phrad kyi dogs
pa'i sdug bsngal/_gnyen byams pa dang bral gyi dogs pa'i sdug
bsngal/_mi 'dod pa thog tu 'bab pa'i sdug bsngal/_'dod pa thog
tu mi khel ba'i sdug bsngal rnams yod pa las/
rtsa ba'i sdug bsngal gsum gyi dang po
'gyur ba'i sdug bsngal ni/
da lta skad cig mar bde bar yod 'phro la sdug bsngal du 'gyur
ba ste/_lus la phan pa'i zas zos nas ngoms shing 'grangs te skyid
par yod pa la srin pho bar langs nas/_glang thabs kyi nad drag po
glo bur du byung ste sdug bsngal ba dang /_da ltar skyid par yod 'phro
la/_nor phyugs dgras ded pa dang /_khang gzhi mes tshig pa/_nad

gdon drag po glo bur du byung ba/_phyi rol gyi gtam ngan thos pa
sogs 'phral du sdug bsngal bar gyur pa rnams te/_spyir 'khor ba'i
gnas ris 'dis bde skyid snyan gsum ltar snang ba gang la yang
rtag pa dang brtan pa spu tsam yang med cing mthar sdug bsngal ba
kho na las ma 'das pa yin pas skyo ba bskyed do/_/
gnyis pa sdug bsngal gyi sdug bsngal ni/
sdug bsngal snga ma ma sangs bzhin du phyi mas non pa mdze thog tu
phol byung ba/_phol thog tu rma gtugs pa/_pha shi ba'i steng du ma shi
ba/_dgras ded pa'i steng du mi gces pa shi ba lta bu ste/_'khor ba'i
gnas 'di gang du skyes kyang sdug bsngal gyi steng du sdug bsngal
brtsegs pa kho nas dus 'da' ba las bde ba'i go skabs skad cig
ma tsam yang med pa yin no/_/
gsum pa 'du byed kyi sdug bsngal ni/
da lta rang res bde bar rlom pa rnams kyang dngos su sdug bsngal
ltar mi mngon kyang don du sdug bsngal gyi rgyu kho na las ma 'das
te/_zas zos pa gos gyon pa gnas khang dang longs spyod rgyan dang

ston mo la sogs pa thams cad kyang sdig pa'i rgyus sgrub pa/_bya byed
thams cad kyang sdig pa'i g.yo bkol 'ba' zhig las mi 'dug
pas/_'di thams cad kyi 'bras bu ni sdug bsngal ba kho na yin/
dper na ja dang rtsam pa lta bu la mtshon na/_ja ni rgya yul du btab
pa'i ldum bu yin te/_de'i sa bon 'debs pa dang /_lo ma 'breg pa
sogs kyi dus srog chags bsad pa yang grangs kyis mi chod/_dar
rtse mdo man chad nas mi yi khur brda byas 'ongs skabs mi re res
kyang khag drug bcu gnyis re khur nas 'ong /_de thams cad kyang
mgo la brten nas khur bas dpral ba'i pags pa zad de rus pa
skya sang nge mthong yang da dung yang khur/_mdo thog yan chad du mdzo
g.yag dre'u sogs la bkal nas 'ongs skabs/_de thams cad kyang
rgyab chad glo bug spu byi bkol spyod kyi sdug bsngal bsam gyis mi
khyab pa gtad/
ja de nyo tshong gi dus kyang mna' dang khrel la mi brtsi g.yo sgyu dang
rtsod pa kho nas tshong byas/_tshong zong yang phal cher lug gi bal dang
tsha ru sogs la byas/_bal de yang dbyar kha'i dus lug shig dang
zho skyes sogs srog chags dang spu nyag mang nyung med pa yod pa la/
de dag las phal cher ni gris 'breg pa'i dus mgo bcad sked pa
sdum/_nang cha phyung ste bsad/_ma shi ba rnams kyang bal dang lhan du
gcus dbugs 'thum la ngan sod kho na byas pa yin/_tsha ru yang lu

gu 'phral du skyes pa de dbang po thams cad rdzogs/_bde sdug gi
tshor ba dang ldan/_lus kyang nyams brtas/_gson pa'i dang po skyid
par yod pa'i dus su 'phral du bsad pa yin/_rmongs pa dud 'gro
yin kyang 'chi ba la ni 'tsher/_gson pa la ni dga'/_gnad gcod
kyi sdug bsngal ni myong /_phru gu bsad pa'i ma rnams kyang sdug bsngal
ni bu gcig pu shi ba'i ma ji ltar mthong chos su gyur pa de yin/_de
lta bu'i rgyu rtsas nyos pa sogs la bsam nas kham gcig tsam btung
yang ngan song gi rgyu byed pa las mi 'dug_rtsam pa yang /_dang po
zhing la log brgyab pa'i gnas skabs/_sa 'og gi 'bu thams cad
sa steng du phyung /_sa steng gi 'bu thams cad sa 'og tu mnan/_rmos
glang gar song gi rjes su bya rog dang bye'u sogs kha dal khoms
med par 'bu rgum gyin 'gro ba de yin/
de bzhin du zhing la chu 'dren skabs/_rlan la gnas pa'i srog
chags thams cad skam la bkram/_skam la gnas pa'i srog chags
thams cad gsher gyis bsad/
de bzhin du sa bon 'debs pa 'breg pa brdung ba sogs kyi dus
bsad pa'ang grangs kyis mi chod/_de dag la bsam na 'bu sbrang kho
na phye byas pa 'gam pa dang 'dra/
de bzhin du mar dang 'o ma sogs kyang dkar gsum dang mngar
gsum zhes sdig med dang gtsang mar brtsi yang /_rtol le dang be'u

lu gu sogs phal che ba ni bsad/_ma bsad pa rnams kyang /_skyes
thag pa bzhag_sdod na gdang la btags/_'gro na phan tshun sbrel/_de
thams cad kyi zas skal dang 'thung skal 'o ma kham gang yod pa de
'phrog nas nying khur byas/_ma'i lus kyi bcud/_bu'i srog gi zungs
phrogs pas ma shi ma gson tsam du gyur te/_ma 'bri rgog po dag kyang
dpyid ka'i dus nyal mal nas ldang mi nus pa tsam du zungs zad/
be'u lug rnams kyang phal cher ni mu ge kho nas ltog grir 'chi/_ma
shi ba rnams kyang skem skem pa nyam chung ba/_'gros gum gum pa shi la
khad pa yog thod tsam re las med pa byas pa de yin/
de bzhin du da lta rang res skyid por brtsi ba thams cad kha la za
rgyu/_rgyab la gyon rgyu/_rgyu zas dang longs spyod thams cad gang la
bsams kyang sdig pa kho nas bsgrubs pa zhig ma gtogs med pas/
'di thams cad kyi 'bras bu mthar ni ngan song gi sdug bsngal mu
mtha' med pa la spyod dgos pa yin pas/_da lta skyid por snang ba
thams cad kyang 'du byed kyi sdug bsngal yin no/_/

skye rga na 'chi bzhi las/_dang po skye ba'i
sdug bsngal ni/
'di ltar 'dzam bu gling pa'i mi rnams ni/_mngal nas skye ba yin
pas/_pha ma'i khu khrag gi dbus su dri za nye bar len pa'i rnam shes
zhugs te/_mer mer dang /_nur nur dang /_ltar ltar dang /_mkhrang
gyur dang /_gor mo la sogs 'gyur ba'i gnas skabs kyi sdug
bsngal nyams su myong /
yan lag nying lag dang dbang po thams cad rdzogs pa'i gnas
skabs na/_ma'i mngal gyi nang dog cing dri nga ba mun nag gi nang /
btson khang du tshud pa lta bu'i sdug bsngal myong /_mas kha zas tshan
mo zos pas me nang du bsregs pa lta bu'i sdug bsngal/_grang mo zos
pas chu grang du bskyur ba lta bu'i sdug bsngal/_nyal ba na ris non
pa lta bu'i sdug bsngal/_'grangs pa na brag gi bar du bcar pa lta
bu'i sdug bsngal/_bkres pa na g.yang la lhung ba lta bu'i sdug bsngal/
'gro 'dug bsgul bskyod byas pa na rlung gis khyer ba lta bu'i sdug
bsngal sogs yod/
de nas zla ba'i grangs rdzogs nas/_btsa' ba'i dus srid pa las kyi

rlung gis mgo mjug bsgyur te/_btsa' sgor drangs pa na gyad stobs
po che zhig gis rkang pa nas bzung ste rtsig ngor brgyab pa lta bu'i
sdug bsngal yod/_rus pa'i 'khrul 'khor gyi bar nas 'byung ba'i
tshe/_lcags kyi 'jur mig nas drangs pa lta bu'i sdug bsngal yod/
btsa' sgo dogs pa rnams btsa' mi nus par de nyid du 'chi ba'am/
yang na ma bu gnyis ka 'chi ba dang /_min kyang shi la thug pa'i sdug
bsngal myong ste/_o rgyan chen pos/_ma bu gnyis ka gshin yul gom
phyed bor/_/ma yi kha rus ma gtogs rus tshigs bye/_/zhes gsungs/
btsas nas kyang stan gyi steng du lhung dus tsher ma'i dong du lhung
ba lta bu/_rgyab kyi phru ma bshu dus gson por pags pa bshus pa lta
bu/_mi gtsang ba byi dor byas dus tsher ma'i lcag gis brabs pa lta
bu/_ma'i pang du blangs dus bye'u phrug khras khyer ba lta bu/_spyi bor
mar byug dus bkyigs nas dong du 'phang ba lta bu la sogs pa'i
sdug bsngal myong /_de nas tsog pur bsnyal te 'jog pa'i dus su/
mi gtsang ba'i 'dam du tshud/_ltog skom na tsha la sogs pa'i sdug
bsngal ci lta bu byung yang ngu ba kho na las med/_de ltar skyes nas
lang tsho smin pa'i tshe na re zhig 'phel ba ltar snang yang /_don du tshe
ni nyin re bzhin zad cing 'chi ba la thag je nyer 'gro/_'jig rten
tshe 'di'i bya bzhag grub pa dang zin pa'i dus med pa chu'i gnyer
ma lta bu gcig rjes su gcig 'byung ba la spyod/_de dag thams cad

kyang sdig pa 'ba' zhig dang 'brel bas ngan song gi rgyu byed pa
yin pas shin tu sdug bsngal lo/_/
de nas rgas pa'i sdug bsngal ni/
de ltar 'khor ba'i bya bzhag snying po med cing zin pa'i dus med
pa la spyod pa'i ngang du ma tshor bzhin du rgas pa'i sdug bsngal gyis
gtugs/_lus kyi stobs thams cad rim gyis nyams/_zhim por
zos pa'i kha zas thams cad kyang mi 'ju/_mig gi dbang po nyams
pas thag ring dang chung ba'i gzugs mi mthong /_rna ba'i dbang po
nyams pas sgra skad rnams ci bzhin pa mi thos/_lce'i dbang po nyams
pas bza' btung gi ro mi tshor zhing smra ngag gi sdeb mi thon/_yid
kyi dbang po nyams pas dran pa rmongs shing brjed ngas dang bying
'thibs che/_kha'i so phreng lhangs pas sra ba'i zas mi choms shing
tshig ldab ldib tu smra/_lus kyi drod shor bas gos srab na mi dros
shing /_'degs byed kyi stobs nyams pas lji na mi theg_'dod pa'i
longs spyod la dga' yang spyod pa'i mthu med/_lus kyi rtsa rlung rgud
pas blo srab cing bzod sran chung /_kun gyis brnyas bcos byed
pas yi mug dang sdug bsngal skye/_lus kyi 'byung ba 'khrugs pas
nad dang gnod pa mang /_'gro 'dug dang bsgul bskyod thams cad

kyang mi nus bzhin du dka' bas byed dgos pa yin te/_rje mi las/
brtod phur 'don pa'i ldangs lugs dang gcig_/bya la 'jab pa'i
'gro lugs dang gnyis/_/sa do chad pa'i sdod lugs dang gsum/_/
gsum 'di gsum 'dzoms pa'i dus tshod na/_/a phyi sgyu lus rgud
pa'i yid pham ma/_/phyi pags pa 'dus pa'i gnyer ma dang gcig_/
nang sha khrag zad pa'i 'bur gob dang gnyis/_/bar glen lkugs 'on
long thom yor dang gsum/_/gsum 'di gsum 'dzom pa'i dus tshod
na/_/a phyi mi sdug ston pa'i khro gnyer can/_/lci la hrul ba'i dug po
dang gcig_/grang la nyog pa'i bza' btung dang gnyis/_/pags pa
bzhi sbyor gyi mal sa dang gsum/_/_gsum 'di gsum 'dzom pa'i
dus tshod na/_/a phyi mis 'gom khyis 'gom gyi rtogs ldan ma/_/zhes
gsungs pa ltar/
ldangs pa'i tshe rang bzhin gyis 'phral du ldang mi nus par lag pa
gnyis ka sa la btsugs nas sa sra ba las brtod phur 'don pa
ltar ldangs/_'gro ba'i tshe rked pa sgur bas mgo bo bteg mi nus
shing gom pa'i 'degs 'jog kyang myur du byed mi nus par dal
bus byis pa bya la 'jabs pa ltar 'gro/_sdod pa'i tshe rkang lag gi
lhu tshigs thams cad na bas dal bus sdod mi nus par lus kyi
ljid phab ste sa do lung chad pa bzhin sdod/_lus kyi sha zad pas
pags pa'i skyi 'dus te lus dang kha ngo thams cad gnyer mas

gang /_nang gi sha khrag bri bas rus pa'i tshigs thams cad mngon
te 'gram rus dang lhu mgo thams cad phyi la 'bur/_yid kyi dran pa
nyams pas glen lkugs dang 'on long du gyur nas sems mi gsal
zhing thom yor re sdod/_lus kyi stobs nyams shing mdzes 'dod kyi
gnas skabs nyams pas gos thams cad lci la hrul/_zas skom gyi
lhag zhabs la spyod cing lce'i ro mi tshor bas zas thams cad grang
la nyog_lus lci bas gang ltar byas kyang mi bde bas phyogs bzhir
rten pa byas shis dus rgyun du mal las ldang mi nus/_dus tshe phye'i
sgyu lus rgud pas nang du yid pham zhing sdug bsngal che/_bzhin ras
kyi mdzes bkrag nyams nas pags pa'i gnyer ma mang bas mi sdug
pa'i khro gnyer ston/_kun gyis brnyas bcos byed cing mgo thog
tu 'gom nas song yang ldang mi nus pas gtsang btsog med par
rtogs ldan ltar sdod pa sogs yin zhing /_rgas pa'i sdug bsngal mi
bzod par 'chi bar smon yang /_don du 'chi ba la nye bas shin tu
skrag pa sogs rgas pa'i sdug bsngal ngan song gi 'gro ba dang 'dra
bar myong ba yin no/_/

na ba'i sdug bsngal ni/
lus 'di nyid 'byung bzhi 'dus pa'i bdag nyid can yin pas/
de dag phan tshun cha ma mnyam pa las rlung dang mkhris pa dang bad
kan la sogs nad sna tshogs pas gzir ba'i sdug bsngal gyi tshor
ba 'char/_lus dang dbang po thams cad dar la babs te stobs
dang gzi mdangs rgyas pa'i mi rgod cig yin kyang na ba'i zug
gzer gyis btab ma thag nas bye'u la rdo phog pa bzhin lus stobs
shor/_mal gyi gting du lhung*/_lus bsgul bskyod tsam byed pa yang
dka'/_khyed ci na zhes dris pa'i lan tsam yang myur du bshad
pa'i nus pa med par khong pa'i gting nas skad mi thon bzhin du
smra/_g.yas g.yon mdun rgyab gang du nyal yang bde ba'i dus med/
zas skom gyi zhen pa dang bral/_mtshan mo gnyid mi 'ong /_nyin par
nyin ring /_mtshan mo mtshan ring /_sman gyi ro kha tsha skyur gsum dang /
gtar sreg gi sdug bsngal la sogs mi 'dod bzhin du spyod dgos/
na ba la brten nas 'chi ba yang glo bur du 'ong snyam nas 'jigs
shing skrag_gdon bgegs dang rgyab brten ngan pa'i dbang gis
lus sems la rang dbang mi 'dus/_'khrul snang las kyang 'khrul
snang kho na la spyod/_rang gis rang gsod pa dang /_lceb pa sogs kyang

byed/_mdze dang gza' la sogs pas nyen na/_gson pa nyid nas shi
ba dang 'dra/_mi'i khyu nas bud/_rang ngo rang gis mthong /_spyir nad pa
thams cad rang g.yog rang gis mi nus/_nad tshig zos pas gzhan
gyi bya ba thams cad mig sngar mi 'babs/_rgyud sngar las gyong /_nad
yun ring drags na/_nad g.yog byed pa yang sun nas ji bzhin mi
nyan/_dus rtag tu na ba'i tshor bas nyen nas sdug bsngal ba'o/_/
'chi ba'i sdug bsngal ni/
lus mal du lhung nas ldang mi shes/_zas skom mthong yang yi gar
mi 'ong /_'chi ba'i tshor bas gdungs pas snying mi dga'/_pho tshod
dang snyems pa'i gdeng shor/_'khrul snang gi sun mas gtugs/_skyas
chen po 'degs pa la thug_gnyen bshes kyis mtha' bskor yang
bshol ni mi thebs/_gnad gcod kyi sdug bsngal rang gcig pus
myong /_longs spyod dpag tu med pa yod kyang khyer dbang ni med/
blos ni mi thong /_rjes su ni mi 'brang /_sngar byas kyi sdig pa dran pas
'gyod pa skye/_ngan song gi sdug bsngal dran nas 'jigs shing skrag
'chi ba glo bur du sleb pas nyam nga /_gson pa'i snang ba nub pas
bag grang /_mi sdig pa can 'chi ba ni 'chi khar brang lag 'thab cing
brang sen rjes kyis bkang nas 'chi ste/_sngar sdig pa byas pa'i las

dran te ngan song du skye ba la 'jigs shing skrag_rang la rang dbang
yod pa'i dus su 'chi khar phan pa'i chos shig ma 'grub snyam du
'gyod nas snying la zug gzer skyes te brang la spar mo btab pas
brang sen rjes kyis bkang nas 'chi ba yin te/_ji skad du/_mi sdig
can 'chi ba mthong tsa na/_/las rgyu 'bras ston pa'i slob dpon yin//
zhes gsungs/
de lta bu dag ma shi ba'i gong nas ngan song gi sun mas sleb ste/
snang ba thams cad 'jigs skrag dang*/_tshor ba thams cad sdug
bsngal du skyes/_lus kyi 'byung ba rgud/_dbugs ni ngar/_yan
lag ni g.yob/_'du shes 'khrul/_mig skya log ge tshe pha rol du
'gro/_gshin rje'i sun mas sleb/_bar do'i snang ba shar/_mgon dang
skyabs ni med/_gcer bu lag stong du 'gro ba'i dus de de ring gi
nyi ma tsam la mi 'ong ba'i gdeng med/_de'i dus su phan nges pa ni
dam pa'i chos kho na las su yang skyabs su 'gyur pa med pas/_ji
skad du/_chos sems a ma'i mngal nas skyes/_/skyes ma thag tu 'chi
chos dran/_/zhes gsungs pa ltar/_rgas gzhon kun la 'chi ba glo bur
du 'ong bas skyes pa tsam nas 'chi khar phan pa'i chos bsgrub dgos
pa yin pa la/_da lta phan chad 'chi ba ma dran pas dgra 'dul gnyen
skyong gnas mal dang zang zing la phyi tshis/_nye du dang 'brel can
la sogs pa'i don du chags sdang rmongs gsum gyis dus 'da' ba

'di mtshang re che snyam du bsam mo/_/
de bzhin du dgra sdang ba dang 'phrad kyis dogs te/
nyin gyi bya ra mtshan gyi mel tshe rgyun gyi 'tsho skyong sogs brel do kho
na'i ngang du dus 'da' yang /_phan pa med par longs spyod dang
'byor pa thams cad kyang dgra dang thun mong du 'gyur/_nyin gyi jag
pa/_mtshan gyi rkun ma/_'phar spyang dang gcan gzan la sogs glo
bur glo bur du 'ongs nas 'tshe bar bgyid de/_spyir longs spyod dang
'byor pa ni ci tsam yod pa de tsam du de bsags pa dang bsrung ba
dang spel ba sogs sdug bsngal mtha' yas pa'i rang bzhin yin te/
mgon po klu sgrub kyis/_bsags dang bsrung dang spel bas nyam thag
pas/_/_nor ni phung khrol mtha' yas shes par bya/_/zhes dang /
rje mi las kyang /_nor dang po bdag skyid gzhan smon po/_/ci tsam
yod kyang chog shes med/_/bar du ser sna'i mdud pas bcings/_/
dge ba'i phyogs su gtong mi phod/_/dgra 'dre gnyis kyi g.yab mo
yin/_/rang gis bsags pa mi yis spyod/_/tha ma srog gi bdud du
'ong*/_/dgra bo'i nor gnyer sems la gzan/_/'khor ba'i bslu rdo
spangs pa yin/_/bdud kyi mgo skor de nga mi 'dod/_/ces gsungs
pa ltar/

'byor pa ci tsam du che ba de tsam du sdug bsngal che zhing /_dper na
rta gcig yod kyang /_de dgras khyer dogs/_rkun mas rku dogs/_rtswa
gzan ma 'khyong gi dogs pa sogs sdug bsngal rta tsam pa mang po
yod/_de bzhin du lug gcig yod kyang sdug bsngal lug tsam/_tha
na ja 'khor zhig yod kyang /_sdug bsngal ja 'khor zhig tsam nges
par yod/_nor med tsa na dgra dang bral/_/zhes pa ltar/_'byor pa
med na dgra dang bral te/_skyid pa yin pas sngon byon rgyal ba gong
ma'i rnam thar bzhin longs spyod nor gyi chags zhen thams cad rtsa
ba nas bcad/_'tsho ba bya tshol la bsten nas dam pa'i chos kho na
sgrub dgos snyam du bsgom mo/
gnyen byams pa dang bral gyi dogs pa'i sdug bsngal ni/
'jig rten 'khor ba pa'i sems can thams cad rang phyogs la
chags/_gzhan phyogs la sdang /_nye du 'khor 'bangs gnyen dang
mdza' bshes kyi phyogs su lhung ba yin pas/_de dag gi ched du
sdug bsngal du ma la spyod/_nye du dang gnyen bshes su 'brel pa de
dag kyang mi rtag par 'bral ba'i chos can yin pas/_phal cher shi
ba'am yul phyogs gzhan du 'khyar ba dgra dang gnod pa la sogs
pas nyen pa na/_de dag gi sdug bsngal de rang la byung ba las kyang

thu/_khyad par pha ma ni bu la brtse zhing gdung bas/_de 'khyags kyis
dogs ltog gis dogs/_skom gyis dogs/_na yis dogs/_shi yis
dogs/_bu na ba las rang nyid 'chi ba 'dom nus pa tsam du snying
brtse zhing de'i ched du sems nad kho na byed pas sdug bsngal/
de bzhin du gnyen dang nye 'brel brtse ba la sogs pa de rnams
dang bral du dogs pa'i sdug bsngal spyod pa yin kyang /_legs
par brtags na gnyen kyang gnyen du ma nges te/_pha ma sogs bu la
brtse bar rlom yang brtse lugs phyin ci log tu gyur nas phugs su
gnod pa bskyal ba yin te/_rgyu zas dang longs spyod byin/_gtan
grogs kyi chung ma bsus nas 'khor ba'i 'ching thag dang sbrel/_dgra
'dul lugs/_gnyen skyong lugs/_longs spyod spel lugs sogs
mi dge ba'i las thabs du ma bslabs/_ngan song gi gting nas mi
thar ba zhig byed pa yin pas de dag las gnod tshabs che ba med/
bu dang bu mo la sogs pa yang dang po lus kyi bcud 'phrog_bar
du kha yi zas 'phrog_tha ma lag gi nor 'phrog_phar la brtse bar
byas kyang tshur la rgol/_rang gi tshe gang sdig sdug gtam ngan thams
cad khyad du bsad de bsags pa'i rgyu zas longs spyod thams cad
phangs pa med par byin kyang ngo so cung zad kyang med/_mi phal pa
zhig la ja 'debs gcig byin pa'i dga' spro tsam rang gi bu la rgya
dngul rdil tshad byin kyang med de/_nga rang gi a pha'i rgyu rdzas nga rang

gi los yin snyam pa las med/_bu sring dang bu mo sogs kyang rang
nor la hab thob byed/_byin pa la ngo so med/_yang byin kyang yang
slong /_tha na phreng ba'i grangs 'dzin gyi sngo ne legs po zhig yod
kyang bslangs nas khyer/_legs na gzhan gyi dpal bskyed cing /
rang phyogs la phan pa med/_nyes na ni pha ming gi go khar lhung nas
sdug la sbyor/_gnyen gzhan thams cad kyang /_rang 'byor zhing skyid
la phun sum tshogs pa'i dus na ni thams cad kyang lha bzhin du
lta/_phan ji thogs byed/_mi dgos kyang rgyu zas dang longs spyod ster/
rang rgud par gyur na ni nyes pa cung zad kyang ma byas kyang tshur la
dgra bzhin du lta/_phan btags pa'i lan du gnod pa skyel/_de ltar
bu dang bu mo gnyen dang nye ba rnams la snying po cung zad kyang med
pa yin te/_rje mi las/_bu dang po lha bu yid 'ong po/_/snying brtse ba'i
sems la bzod blag med/_/bar du bu lon 'ded drags po/_/thams
cad byin kyang mgu dus med/_/mi yi bu mo nang du bcug_/drin chen
pha ma phyi ru phud/_/pha yis bos kyang lan mi ster/_/ma yis bos kyang
ang mi khug_/tha ma khyim mtshes snying ring po/_/khram pa'i kha tshis
byas pas phung /_/rang skyes kyi dgra bo sems la gzan/_/'khor ba'i
bshal thag spangs pa yin/_/'jig rten gyi bu tsha nga mi 'dod/_/ces
dang /_bu mo dang po lha phrug 'dzum kha mo/_/nor gang dmar khyer ba'i
dbang mo che/_/bar du lan chags 'khor med ma/_/pha la dngos su

bslangs nas khyer/_/ma la lkog tu brkus nas khyer/_/byin pa ngo so mi
byed pa/_/drin chen pha ma snying rlung slong /_/tha ma srin mo gdong dmar
ma/_/legs na gzhan gyi dpal skyed ma/_/nyes na rang gi byur sdud ma/
/phung byed kyi srin mo sems la gzan/_/sangs med kyi mya ngan spangs
pa yin/_/phung gzhi'i bu mo nga mi 'dod/_/ces dang /_gnyen dang po
'phrad dga' mthong 'dzum po/_/'dir byon dang 'dir bzhugs kyis
lung pa 'gengs/_/bar du sha chang gi zas lan can/_/phar gcig
lan du tshur gcig ster/_/tha ma chags sdang gi gyod gzhi can/_/sdug
grogs kyi gyod rtsa sems la gzan/_/skyid tshe'i za grogs de spangs pa
yin/_/'jig rten gyi nye du nga mi 'dod/_/ces gsungs pa ltar yin
no/_/
de bzhin du 'dod pa thog tu mi khel ba'i sdug bsngal ni/
'jig rten gyi khams 'di na rang bde zhing skyid pa mi 'dod pa ni
gcig kyang med mod de/_de ltar 'dod pa ltar 'ong ba ni su yang
med/_skyid du re nas mkhar brtsigs pa yang zhig nas rang bsad
pa dang /
'grangs su re nas zas zos pa yang nad du gyur te srog la rgol ba
dang /_rgyal du re nas g.yul ngor phyin pas 'phral du bsad pa dang /

khe spogs 'dod pas tshong la phyin pa na dgras bcom ste sprang por
gyur pa sogs tshe 'di'i bde skyid dang longs spyod 'byung du re bas
'bad rtsol dang rtsol sgrub ji tsam byas kyang /_rang la sngon gyi las
dbang zhig med na 'phral du lto 'grangs pa tsam yang mi 'ong zhing
rang gzhan sdug la sbyar/_grub nges pa ngan song gi gting nas mi
thar ba zhig grub pa ma gtogs ci yang med/_des na 'bad rtsol ri
bo tsam byed pa las bsod nams me stag tsam bsags pa dga' ba
yin pas grub dus med pa 'khor ba'i bya byed kyis ci bya/_de lta bu'i
las la 'khor ba thog ma med pa'i dus nas ci tsam 'bad pa yin
kyang 'bras bu sdug bsngal ba kho na las mi 'dug_de sngon 'jig
rten tshe 'di'i ched du mi tshe gcig gi stod smad la 'bad pa tsam/
dam pa'i chos la 'bad na da tsam sangs rgya ba'am min kyang ngan
song gi sdug bsngal gtan nas myong mi dgos pa zhig ni 'grub
nges/_da res spang blang gi sa mtshams shes pa'i skabs 'dir 'grub
dus med pa 'khor ba'i bya bzhag la re mi che bar 'grub par nges
pa dam pa'i chos gsha' ma zhig bsgrub dgos snyam du bsgom mo/_/

mi 'dod pa thog tu 'babs pa'i sdug bsngal ni/
de lta bu'i sdug bsngal gyi rnam grangs de dag thams cad 'dod pa'i
gang zag ni gcig tsam yang 'jig rten gyi khams 'di na med
kyang /_mi 'dod bzhin du sdug bsngal de dag kho na la longs spyod/
sngon gyi las dbang las rgyal po'i mnga' ris dang /_phyug po'i bran
'khor lta bu rnams rang dbang skad cig kyang med par mi 'dod
bzhin du de dag gi dbang du gyur/_nyes pa cung zad re'i phyir sdug
bsngal du ma gtad kyang bya thabs bral/_da lta gsod sar khrid kyang /
rang bsam gyis 'gro ba las 'bros pa tsam yang mi nus pas mtshon/
mi 'dod pa kho na thog tu 'babs te/_kun mkhyen chen pos/_bza'
tshang nye 'brel 'di dang dus rtag tu/_/mi 'bral 'grogs par 'dod
kyang 'bral bar nges/_/bzang po'i gnas mal 'di ru dus rtag tu//
mi 'bral 'dug par 'dod kyang 'gro bar nges/_/bde skyid longs
spyod 'di dang dus rtag tu/_/mi 'bral spyod par 'dod kyang bor bar
nges/_/dal 'byor mi lus mchog 'di dus rtag tu/_/mi 'bral rtag
par 'dod kyang 'chi bar nges/_/bzang po'i bla ma 'di dang dus rtag
tu/_/mi 'bral chos nyan 'dod kyang bral bar nges/_/dam pa'i grogs
bzang rnams dang dus rtag tu/_/mi 'bral 'grogs par 'dod kyang

'bral nges pas/_/de ring nyid nas brtson pa'i go bgos te/_/'bral
med bde chen gling du bgrod re ran/_/skyo shas gting nas skye ba'i
grogs rnams la/_/chos med sprang po bdag gis de skad bskul/_/
zhes gsungs/
des na nor dang longs spyod bde skyid dang snyan grags la sogs
'byung ba'i rgyu/_rang la sngon bsags kyi dge 'bras shig yod na ni
mi 'dod kyang shugs kyis 'byung /_de med na ci tsam 'bad rtsol
dang rtsol sgrub byas kyang 'dod pa mi 'grub cing mi 'dod pa kho na
'du bas/_nor zad pa med pa chog shes kyi nor la brten nas yang
dag pa'i dam chos ma bsgrubs na/_chos sgor zhugs nas 'jig
rten tshe 'di'i bya bzhag sgrub pa ni rang sdug la dam pas khrel ba
yin te/_rje mi las/_spyir rgyal ba mi yi dbang po des/_/chos rnams
chos brgyad 'joms phyir gsungs/_/da lta mkhas par rlom pa rnams//
chos brgyad che ru ma song ngam/_/rgyal bas tshul khrims bsrung ba de//
'jig rten bya ba spang phyir gsungs/_/da lta'i khrims srung btsun
pa rnams/_/bya bzhag mang du ma song ngam/_/sngon dus drang srong cha
lugs de/_/nye du'i 'brel thag bcad phyir gsungs/_/da lta'i drang
srong cha lugs rnams/_/ngo bsrung che ru ma song ngam/_/mdor na 'chi
ba ma dran pa'i/_/dam chos ci byed gyi nar gda'/_/zhes gsungs
so/_/da lta mi yul gling bzhi'i 'jig rten spyi dang bye brag rang re

'dzam bu'i gling par skyes pa rnams da lta snyigs ma'i dus 'dir
bde ba'i gnas skabs spu tsam yang med par sdug bsngal kho na la
spyod/_da dung lo dang zla ba zhag dang za ma snga dro dang phyi 'phred tsam
song bzhin dus je snyigs/_bskal pa je ngan/_sangs rgyas kyi bstan
pa/_sems can gyi bde skyid thams cad rim pa bzhin nyams dma'
ba la bsam nas skyo ba bskyed/_gzhan yang 'dzam gling las kyi sa
pa yin phyir/_bzang ngan/_skyid sdug_legs nyes/_mtho dman chos
dang chos min thams cad ma nges pa yin pas/_de dag gi tshul
mngon sum du mthong ba la bltas nas rang rgyud la spang blang byed
dgos pa yin te/_kun mkhyen bla mas/_skabs su rang snang mthun
pa'i rkyen grogs ltos/_/rang snang shes pas nyams snang grogs su
'char/_/skabs su mi mthun gnod pa'i rkyen snang ltos/_/'khrul pa
zhen log gnad du che ba yin/_/skabs su grogs dang gzhan gyi bla
mar ltos/_/bzang ngan shes pas nyams len bskul ma yin/_/skabs
su mkha' la 'byung bzhi'i cho 'phrul ltos/_/sems nyid ngang du 'bad
rtsol zhig pa shes/_/skabs su rang gi yul mkhar longs spyod ltos//
sgyu mar shes pas 'khrul snang zhen pa log_/skabs su gzhan gyi nor
dang longs spyod ltos/_/snying rjer shes pas 'khor ba'i 'dod pa
spongs/_/mdor na sna tshogs snang ba'i chos rnams la/_/rang bzhin
brtags pas bden zhen 'khrul pa 'jig_/ces gsungs pa ltar

nyams su blang ngo /_/
mtho ris kyi gnas gnyis pa lha min gyi sdug bsngal ni/
spyir dpal 'byor longs spyod lha rnams la 'gran pa tsam yod kyang /
sngon mi dge phrag dog dang 'thab rtsod la goms shing las des
'phangs pas lus rten de bzung ba tsam nas phrag dog gi 'du shes
rags/_rang gi gnas na'ang gnas dang sde ris rtsod cing /_phan
tshun mi mthun pas 'thab rtsod kho nas dus 'da'/_yar lha la bltas
pas dpal 'byor dang longs spyod phun sum tshogs shing /_dgos
'dod thams cad dpag bsam shing las 'byung bar mthong bas
shing de'i rtsa ba lha min gyi yul na yod pa sogs la bltas nas phrag
dog mi bzod pa skyes te go cha gyon mtshon cha thogs nas lha rnams
dang 'thab tu 'gro/_de'i tshe lha rnams ni rtsub 'gyur gyi tshal du song
ste go mtshon dag blangs nas/_lha'i glang po che rab brtan gyi mgo
bo sum cu rtsa gnyis la nye dbang sum cu rtsa gnyis dang /_dbus kyi
mgo bo la lha'i dbang po brgya byin zhon/_lha yi dmag tshogs bsam
gyis mi khyab pas bskor nas ku bso cha sgra sgrogs shing gzi byin
bzod par dka' ba tsam du 'ong ba dang*/_'thab pa'i tshe lha rnams
kyi rdo rje dang 'khor lo dang /_mdung thung dang mda' bo che la sogs

pa char bzhin du 'bebs shing /_lha rdzu 'phrul dang ldan pas ri chen
po rnams kyang bang pas btegs nas 'phen par byed/_sngon gyi
las dbang las lha rnams ni mi 'greng bdun tsam gyis mtho la/_lha
ma yin rnams ni dma' zhing /_lha rnams ni mgo bo bcad pa ma
gtogs lus la rma ci tsam byas kyang de ma thag lha'i bdud rtsis
gso bas mi 'chi la/_lha ma yin rnams ni mi la sogs pa bzhin du
gnad che sa gang du phog kyang 'chi bas rtag tu g.yul pham pa mang /
lha'i glang po kun skyong myos pa'i sna la ral gri'i 'khor lo btags te
mngags pa sogs kyis lha ma yin 'bum phrag du ma gsod cing /
dag gi ro ri rab kyi ngos nas rbab tu bsgril ste rol pa'i mtsho chen
rnams kyi nang du lhungs pas/_mtsho rnams khrag gi mdog tu snang ba
sogs rtag par 'thab rtsod kho na la spyod pas/_lha ma yin gyi gnas
na yang sdug bsngal gyi rang bzhin las ma 'das pa'i tshul snying
thag pa nas bsgom mo/_/
mtho ris kyi gnas gsum pa lha'i gnas ni/
spyir gson pa'i dus su bde skyid dang longs spyod phun sum tshogs
pa yod kyang rnam g.yeng kho na'i ngang du dus 'da' bas dam pa'i
chos sgrub pa'i blo mi skye/_tshe bskal pa'i bar du gnas kyang skad cig

ma gcig gi snang ba yang med par yengs ma lam la tshe zad de 'chi
ba la thug_rgyal chen rigs bzhi nas gzhan 'phrul dbang byed kyi
bar 'dod lha'i gnas rigs drug po gang yin kyang 'chi 'pho ba'i
sdug bsngal myong dgos/
de'ang lha rnams 'chi bar nye ba na lha rnams rang rang gi 'od kyis
dpag tshad dang rgyang grags sogs su snang ba yin pa la/_lus
kyi 'od bkrag nyams pa dang*/_lha'i stan la ci tsam bsdad kyang mi
dga' ba med pa la/_stan la sdod snying mi 'dod cing mi bde ba skyes
pas mi dga' ba dang /_lha'i me tog gi phreng ba ci tsam song yang
rnying rgyu med pa la/_me tog gi phreng ba rnying pa dang /_lha'i gos ji tsam
bgos kyang dri ma chags rgyu med pa la gos rnying nas dri ma chags pa
dang /_lha'i lus la rngul 'byung rgyu med pa la/_lus la rngul chu 'byung
ba ste/_'chi 'pho'i snga ltas lnga shar bas rang nyid kyis kyang 'chi bar
shes te sdug bsngal/_lha zla bo rnams dang lha'i bu mo rnams kyis kyang
de 'chi bar shes nas drung du nye mi nus shing /_rgyang ring po nas me
tog 'thor te/_khyod 'di nas shi 'phos te/_mi yul du skyes/_las dge
ba la spyad de/_slar yang lha yul du skye bar shog cig_ces smon lam
btab nas 'gro/_rang gcig pur lus pas shin tu sdug bsngal zhing
phyi ma gar skye lha'i mig gis bltas pas sdug bsngal ba'i gnas su
skye bar mthong na ni/_'pho ba'i sdug bsngal ma sangs pa'i gong du

ltung ba'i sdug bsngal gyis non te sdug bsngal nyis 'gyur dang sum
'gyur gyis nyam thag pas 'o dod 'bod bzhin lha'i zhag bdun
du sdod dgos te/_sum cu rtsa gsum pa rnams kyi zhag bdun de mi
lo bdun brgya yin/_de'i bar du sngar gyi bde skyid dran kyang sdod
dbang med pa 'pho ba'i sdug bsngal/_phyi ma'i gnas ris mthong bas
nyam nga ba/_ltung ba'i sdug bsngal dang gnyis kyis mya ngan sems la
zug pa dmyal ba las kyang thu ba yin/
khams gong ma gnyis na 'chi 'pho'i sdug bsngal mngon gyur pa med
kyang /_'phen byed kyi las zad nas gnyid sad pa bzhin du gnas
ris 'og mar lhungs nas sdug bsngal ba yin te/_mgon po klu sgrub
kyis/_tshangs nyid chags bral bde ba thob nas slar/_/mnar med me
yi bud shing gyur pa yi/_/sdug bsngal rgyun mi 'chad pa bsten 'tshal
lo/_/zhes gsungs/
de ltar 'gro ba'i gnas rigs drug po 'di dag gang du skyes kyang
sdug bsngal gyi rang bzhin/_sdug bsngal gyi yo langs/_sdug bsngal
gyi 'khrul 'khor kho na las ma 'das pas/_me'i 'obs lta bu/_srin
mo'i gling lta bu/_rgya mtsho'i klong lta bu/_mtshon cha'i rtse lta bu/_mi gtsang
ba'i khang pa lta bu bde ba'i go skabs spu tsam yang med pa yin te/
dran pa nyer bzhag las/_sems can dmyal ba dmyal mes nyams/_/
yi dwags bkres shing skom pas nyams/_/dud 'gro gcig la gcig

zas nyams/_/mi dag 'tsho ba thung bas nyams/_/lha min 'thab cing
rtsod pas nyams/_/lha dag bag med pa yis nyams/_/'khor ba khab
kyi rtse tsam la/_/bde ba nam yang yod ma yin/_/zhes dang /_mgon
po byams pas/_'gro lnga dag na bde ba med/_/mi gtsang khang par dri
zhim med/_/ces dang /_o rgyan chen pos/_'khor ba 'di la khab kyi rtse
tsam yang /_/bde ba nam yang yod ma yin zhes gsungs/_/cung zad
bde yang 'gyur ba'i sdug bsngal yod/_/ces sogs gsungs pa la
bsams nas/_'khor ba'i gnas ris 'di la ya ki srid pa'i rtse mo
man chad nas ma ki dmyal ba gdan la thug pa yan chad gang du
skyes kyang skyid pa dang bde ba'i go skabs cung zad kyang med cing
snying po mi 'dug snyam du zhen pa gting nas log pa mkhris nad
can la btso zan byin pa lta bu zhig dgos pas/_'khor ba'i sdug
bsngal 'di dag go lo thos lor mi bzhag par sdug bsngal sems
thog tu blangs te yid ches par nyams su blang /
de ltar yid ches skyes na sdig la 'dzem pa dang /_dge la spro ba'ang
'bad mi dgos par shugs kyis skye ste/_sngon bcom ldan 'das kyis
gcung dga' bo chung ma chags nas rab tu byung ma 'dod pa thabs
kyis chos sgor btsud nas rab tu byung yang bslab pa la mi slob
par bros par rtsom pa na/_bcom ldan 'das kyis rdzu 'phrul gyis ri
gangs can du khrid nas de na spra mo zhar ba zhig 'dug pa bstan te/

'di dang khyod kyi chung ma puN+Da rI ka gnyis gang mdzes zhes gsungs
pas/_de ni brgya dang stong gi char yang mi nye ste/_nga'i chung ma mdzes
zhus pas/_'o na lha yul du 'dong gsungs/_lha yul du khrid de bcom
ldan 'das phyogs gcig tu bzhugs nas/_khyod song la ltos shog
gsungs/_bltas tsa na lha thams cad rang rang gi gzhal med khang
na lha'i bu mo du mas bskor nas bde skyid longs spyod bsam gyis
mi khyab pa la spyod cing 'dug_gzhal med khang zhig na lha'i bu mo du
ma 'khod cing /_lha'i bu su yang mi 'dug pas de'i rgyu mtshan dris
pas/_mi yul na bcom ldan 'das kyi gcung dga' bo tshul khrims
srung ba de las des lha rnams kyi nang du skye bar 'gyur ba de'i
gzhal yas khang yin zer/_dga' nas slar log ste/
bcom ldan 'das kyi drung du phyin pas khyod kyis lha yul mthong ngam
gsungs/_mthong lags zhus pas/_lha'i bu mo rnams dang khyod kyi chung
ma gnyis gang mdzes gsungs/_de ni lha'i bu mo rnams mdzes te
sngar spra mo zhar ma dang puN+Da rI ka'i khyad tsam yod do zhus/_slar mi
yul du 'ongs nas tshul khrims yang dag pa bsrungs te bsdad pa na/
bcom ldan 'das kyis dge slong rnams la/_dga' bo ni mtho ris
kyi ched du rab tu byung ba yin/_khyed rnams ni mya ngan las 'das
pa'i bsam pas rab tu byung bas lam tha dad du zhugs pa yin pas/
khyed rnams kyis dga' bo dang gtam 'dre bar mi bya/_phebs par smra

bar mi bya/_stan gcig la 'dug par mi bya ba sogs gsungs pas
dge slong thams cad kyis de bzhin byas pas dga' bo shin tu sdug
bsngal te/_dge slong gzhan gyis bdag spangs kyang /_kun dga' bo
ni bdag gi nu bo yin pas des brtse bar bgyid dam snyam du kun
dga' bo'i drung du phyin pa na/_de yang stan las langs te dengs pa
la rgyu mtshan dris pas bcom ldan 'das kyis gsungs tshul rnams
smras/_der dga' bo mya ngan gyis gdungs pa/_bcom ldan 'das
byon nas dga' bo khyod dmyal ba'i gnas blta'am gsungs/_de
blta lags zhus pas rdzu 'phrul gyis dmyal ba'i gnas su khrid de
ltos gsung pas/_dga' bo de dag tu phyin nas bltas pas dmyal
ba'i gnas thams cad mthong zhing /_phyogs gcig na zangs stong pa
zhig gi nang na me lhab lhab 'bar zhing las mkhan mang pos bskor
nas 'dug pa la/_de na sems can gzhan med pa'i rgyu mtshan
dris pas/_bcom ldan 'das kyi gcung dga' bo lha'i bde ba don
du gnyer nas tshul khrims srung ba de lha yul du skyes nas bde ba
myongs te/_dge 'bras zad pa dang 'dir skye ba yin zer bas skrag
nas slar log_de phyin chad lha yul du skyes kyang mthar ngan song
du skye bas snying po mi 'dug dgongs nas nges 'byung gi bsam pa
skyes/_dmyal ba mngon sum du mthong bas bslab pa'i gnas phra mo
la yang mi 'gal bar byed pas/_bcom ldan 'das kyis dbang po'i

sgo bsdams pa rnams kyi mchog tu bstan pa yin no/_/
de ltar dmyal ba mngon sum du mthong ba lta ci/_dmyal ba ri mor
bris pa tsam mthong yang 'jigs skrag gi blo skye zhing nges 'byung
gi gsos 'debs pas/_bcom ldan 'das kyis kyang dge 'dun
gyi gtsug lag khang gi sgor 'khor ba'i 'khor lo cha lnga pa bri bar
gsungs/_mgon po klu sgrub kyis kyang /_dmyal ba bris pa mthong dang
thos pa dang /_/dran dang klog dang gzugs su bgyis pas kyang /_/
'jigs pa skye bar byed na mi bzad pa'i/_/rnam smin nyams su myong
rnams ci byar yod/_/ces gsungs/
de ltar rnam grangs du mas 'khor ba'i sdug bsngal la bsams te
'jig rten tshe 'di'i bya ba thams cad la blo gting nas log pa
zhig dgos/_tshe 'di'i bya ba blos ma thong na chos byed lo byas kyang
yang dag pa'i chos su mi 'gro ste/_jo bo 'da' khar rnal 'byor pas/
jo bo gshegs pa'i 'og tu bdag gis sgom byed par zhu zhus pas/
bsgoms kyang chos su 'gro yi gsungs/_'o na 'chad par zhu zhus
pas/_sngar bzhin gsungs/_'o na ji ltar bgyi zhus pas/_khyed thams
cad kyis ston pa la bsten la tshe 'di blos thong gsungs/_btsun
pa gcig rwa sgreng la phyi skor byed pa dang /_dge bshes ston pa dang
mjal bas/_ston pa'i zhal nas/_jo bo bskor ba byed pa yang glo ba
dga' ste/_de bas chos shig rang byas na mi dga' 'am gsungs/

der jo bo de'i bsam pa la/_bskor ba byas pa las kyang theg pa
chen po'i mdo klog pa khebs che'am snyam nas/_kun dga' ra ba'i
khyams su mdo bklags pas/_ston pa'i zhal nas/_chos klog pa yang
glo ba dga' ste/_de bas kyang chos shig rang byas na mi dga' 'am
gsungs/_yang kho'i bsam pa la/_klog pa bas kyang ting nge 'dzin
bsgom pa khebs che ba'i brda yin snyam nas/_klog pa gshol nas
mal du mig zim me bsdad pas/_ston pa'i zhal nas bsgom pa yang
glo ba dga' ste/_de bas kyang chos shig rang byas na mi dga' 'am
gsungs/_der khos gzhan bya thabs ma rnyed nas/_dge bshes lags/
'o na bdag gis chos ji lta bu zhig bgyi zhus pas/_ston pa'i zhal
nas/_jo bo tshe 'di blos thong /_tshe 'di blos thong gsungs skad/
des na 'jig rten tshe 'di'i bya bzhag thams cad ni/_'di dang
gtan du 'khor ba sdug bsngal gyi gnas ris las mi thar bar
byed pa yin pas/_tshe 'di'i gdos thag bcad de phyi ma'i byang chub
sgrub pa la bslab bya legs por ston pa ni mtshan ldan gyi bla ma ma
gtogs su yang med pas tshe 'di'i pha ma dang nye 'brel/_gnyen
dang mdza' bshes zas nor dang longs spyod thams cad mchil ma'i
thal ba bzhin bor/_zas gos sogs gang byung des chog tsam du
dam pa'i chos 'ba' zhig bsgrub dgos te/_rgya gar dam pas/_dngos
po 'di sprin dang na bun 'dra ba yin pas de la rtag par ma 'dzin/

snyan grags thams cad brag cha dang 'dra ba yin pas snyan grags
ma bsgrubs chos nyid sgrubs/_gos bzang po 'ja' tshon dang 'dra
ba yin pas dugs po gyon la nyams su longs/_rang gi lus 'di
rnag khrag chu ser gyi rkyal pa yin pas gces par ma 'dzin/_zhim
po zos kyang mi gtsang ba'i rgyu yin pas lto la ched du ma blta/snang
ba dgra ru langs pa yin pas dgon pa'am ri la nyol/_'khrul pa'i
tsher ma sems la 'dzugs pa yin pas mnyam pa nyid du nyams su
longs/_dgos 'dod thams cad rang las 'byung ba yin pas rang
sems skyong*/_nor bu rin po che rang la yod pa yin pas zas nor
la chags pa ma byed/_smra ba mang po gyod kyi rtsa ba yin pas lkugs pa
bzhin du sdod/_sems nyid las su 'char ba yin pas yid lto phyir
ma 'brang /_byin rlabs sems las 'byung ba yin pas bla ma dang
yi dam la gsol ba thob/_sa gcig tu yun ring na sangs rgyas la
yang skyon mthong ba yin pas sa gcig tu yun ring ma sdod/_dman
pa'i spyod pa gyis la che ba'i nga rgyal spongs/_dus ring por mi sdod
pa yin pas mi ring bar sgrub pa gyis/_tshe 'di mgron po dang 'dra
ba yin pas ngal gso sar mkhar las ma byed/_lar cis kyang phan
pa med pa yin pas sgrub pa nyams su longs/_rang gi lus 'bu srin
gyis za ba'am nam yal cha med pa yin pas tshe 'di'i snang ba la ma
yengs/_gnyen dang grogs shing kha'i bye'u chung dang 'dra ba yin pas

de la ma chags/_yid ches kyi dad pa 'di sa gzhi bzang po dang 'dra
bas nyon mongs pa'i tha bar ma bzhag_yid bzhin gyi nor bu rin
po che dang 'dra ba'i mi lus 'di zhe sdang gi dgra la ma bskur/_dam
tshig so kha'i mkhar bu dang 'dra ba 'di nyes pa'i skyon gyis ma gos
par gyis/_rdo rje slob dpon bzhugs pa'i tshe dam chos le lor ma
bzhag ang gsungs/_des na dam pa'i chos yang dag pa zhig nyams
su len pa la 'khor ba mtha' dag la snying po med par shes pa zhig
cis kyang dgos la/_de lta bu rgyud la skye ba'i rgyu ni 'khor ba'i nyes
dmigs sgom pa 'di kho na yin pas zhe thag pa nas rgyud la ma skyes
bar du bsgom dgos pa yin no/_/
de ltar 'khor ba'i nyes dmigs kyi sgom rgyud la skyes pa'i tshad ni/
dge bshes glang ri thang pa lta bu zhig dgos pa yin te/_glang thang
pa la nye gnas kyis/_bla ma la gzhan tshos glang ri thang pa ngo nag pa
zer gyin gda' zhus pas/_khams gsum 'khor ba'i sdug bsngal
'di la bsam na ngo gdong la dkar po 'ong ba 'dug ge gsungs/
skor cig khong gi maN+Dal gyi steng na g.yu zhig yod pa byi ba zhig
gis bteg pas ma theg pa la/_tsig tsig ces byi ba gzhan sbran nas
gcig gis phul gcig gis 'then pa gzigs pas zhal 'dzum pa
zhig byung ba ma gtogs nam yang zhal 'dzum pa tsam yang mdzad ma
myong ba yin skad do/_/

lha dpal sprul o rgyan 'jigs med chos kyi dbang pos mdzad/
de ltar 'khor ba'i sdug bsngal bsgom pa 'di ni dam pa'i chos la
blo 'jug pa dang /_rgyu 'bras la yid ches skye ba dang /_tshe 'di blos
thong ba dang /_sems can la byams pa dang snying rje skye ba sogs lam
gyi yon tan thams cad kyi rten gzhi yin zhing /_bcom ldan 'das
kyis kyang chos 'khor rim pa gsum du gsungs pa'i kun gyi thog
mar dge slong dag 'di ni sdug bsngal lo zhes sdug bsngal shes
par bya ba nas mgo brtsams te gsungs pa yin pas nges par rgyud
la ma skyes kyi bar du nyams su blang ngo /_/
'khor ba'i sdug bsngal mthong bzhin zhen cing chags/_/
ngan 'gro'i g.yang la 'jigs kyang mi dge spyod/_/
bdag dang bdag 'dra lam gol sems can rnams/
tshe 'di blo yis thong bar byin gyis rlobs/_/
'khor ba sdug bsngal du shes pa'i khrid do/_/_//

!_dge sdig 'dor len rgyu 'bras gzhung bzhin mdzad/_/
spyod pa mas 'dzegs theg pa'i babs dang bstun/_/
yang dag lta bas gang la'ang zhen pa med/_/
mtshungs med bla ma'i zhabs la phyag 'tshal lo/
don bzhi pa las rgyu 'bras kyi khrid la/_'chad nyan bgyi ba'i tshul
spyi dang 'dra/_bshad bya'i chos la/_spang bya mi dge ba'i las/_bsgrub
bya dge ba'i las/_thams cad las kyi rang bzhin du bstan pa dang
gsum/
dang po ni/
de ltar 'khor ba'i gnas ris mtho dman de dag tu skye ba ni/_rang
rang gi las dge ba dang mi dge ba bsags pa'i rgyus 'gro ba/
'khor ba ni las las skyes shing las kyi 'bras bus byas pa yin
pas/_mtho ris dang ngan song gi gnas su 'gro ba la byed pa po
gzhan med kyang /_stes dbang gis 'gro ba yang ma yin pas rnam pa
thams cad du dge mi dge'i rgyu 'bras la dpyad nas/_mi dge ba'i
phyogs spang zhing*/_dge ba'i phyogs bsgrub pa la 'bad dgos/_de
la spang bya mi dge ba bcu yod pa las/_dang po lus kyi las/_srog

gcod/_ma byin len/_'dod pas log par g.yem pa dang gsum
yin/_ngag gi rdzun phra ma tshig rtsub ngag kyal dang bzhi/_yid kyi las
brnab sems/_gnod sems/_log lta gsum dang bcu yod/
de las dang po srog gcod pa ni/_yul pha rol po mi'am dud 'gro
la sogs pa gang yin kyang gsod 'dod kyi kun slong dang bcas
pas srog gi dbang po 'gags par byed pa ste/_de yang dpa' bo
g.yul 'thab pa nas dgra gsod pa lta bu zhe sdang gi sgo nas srog
gcod pa/_ri dwags lta bu sha za 'dod/_lpags gyon 'dod de gsod
pa 'dod chags kyi sgo nas srog gcod/_dge sdig gi rgyu 'bras mi
shes pa'am/_mu stegs pa lta bu dge bar rlom nas srog gcod pa
ni/_gti mug gi sgo nas srog gcod pa yin/_de las kyang pha gsod
pa/_ma gsod pa/_dgra bcom pa gsod pa gsum ni mtshams med
pa'i las zhes bya ste tshe 'di dang phyi ma'i bar mtshams su bar do
med par dmyal ba mnar med du skye ba'i rgyu yin/_da lta rang re
rnams nas dngos su rang gis lag dar te srog ma bcad pa tsam
la bsams nas nga la srog gcod kyi sdig pa ni med snyam pa 'dug
kyang /_spyir mtho dman drag zhan su yang rkang 'og nas srog chags
phra mo bsad pa'i sdig pa grangs kyis mi chod pa med pa su yang med
la/_khyad par bla ma dang ser mo ba rnams ni yon bdag gi khyim du
byon skabs/_de dag gis sems can gyi srog bcad nas sha khrag

g.yos su byas te drangs pa'i tshe/_sems can bsad pa la 'gyod pa
dang*/_snying rje sogs gang yang med par sha khrag gi ro la sred pas
dga' bzhin du gsol tsa na/_srog gcod kyi sdig pa yon mchod
gnyis la khyad par med par 'thob/_mi chen dang dpon chen rnams
ni gang du byon kyang ja 'dren dang mgron kha la sogs kyi ched du
srog bcad pa grangs med/
phyug po rnams ni spyir phyugs lug ci tsam yod pa de thams cad
mthar gyis rgas pa'i dus na re re bzhin gsod pa las/_rang
bzhin gyi 'chi ba re gnyis las mi 'ong bas srog bcad pa grangs
kyis mi chod/_ma zad phyugs lug de dag gis kyang dbyar kha'i dus/
'bu sbrang grog ma nya dang sbal pa yan chad rtswa dang lhan du za ba rkang
lag gi rmig pas brdzi ba/_rta sbangs dang lci ba la sogs pa'i nang du
bsad pa grangs kyis mi chod cing /_de dag gi sdig pa yang bdag
po'i steng du 'ong*/_khyad par rta phyugs sogs gzhan las kyang lug
'di ni sdig pa mi zad pa'i 'byung gnas su 'dug ste/_kho rang nas
kyang sbrul dang /_sbal ba/_bye'u phrug sogs srog chags phra mo thams
cad kha zas su byed/_dbyar bal las kyi dus lug re re'i rgyab na
yang srog chags 'bum phrag re tsam yod pa de thams cad gsod/
dgun lu gu'i dus lu gu skyes 'phral la phyed tsam las mi lhag par
gsod/_ma mo rnams kyang rgas nas zungs ma zad kyi bar du bzho ba

dang /_lug gu'i bed bcad nas rgas tsa na thams cad bsad de
sha lpags la longs spyod/_thong ba dang sha bzan la sogs pa rnams
ni gang du phyin kyang gsod rgyu las gzhan med/_lug la shig byung
tshe lug re re'i rgyab nas kyang srog chags dung phyur re tsam yang
gsod/_des na lug brgya yod phyin chad bdag po de dmyal bar
lan cig skye nges can du 'dug
bud med rnams kyang gzhan dang gnyen sbrel nas rin brdzangs
dang skyel bsu sogs kyi dus su bshas lug grangs med pa gsod/
de phyin chad rang khyim du nam 'ong gi grangs la sems can re nges
par gsod/_de bzhin du gnyen dang nye ba rnams kyis bos 'ongs
skabs kyang kha zas gzhan byin na yid khar mi 'gro ba ltar byed
cing /_khram ma des 'gram pa 'gul mi shes pa ltar za yang /_bshas
lug tsho ba re bsad nas brang dang rgyu ma sogs che nges pa re sngon
du bzhag tsa na/
srin mo gdong dmar ma de mgar 'dug cig byas nas gri chung
zhig blangs te/_lcib thag ge za/_sang nyin sha khog de dmar tsa re
bkal nas rngon pa rang khyim du ldog pa ltar 'gro zhing /_nam phyin
phyin stong log mi byed pa rngon pa las kyang thu/_byis pa rnams nas
kyang rtsed mo'i dus mthong ba dang mi mthong bar bsad pa grangs
kyis mi chod cing /_tha na glang lcag dang rgyun lcag sogs thogs te

dbyar kha'i dus sa gzhi la brab kyin 'gro ba de lta bu'i dus bsad
pa grangs med/_des na rang re mi rnams ni srog gcod kyi las
thabs kho nas dus 'da' ba srin po dang 'dra zhing /_tshe gcig tu
rang gis bed bcad/_'o ma 'thung drin gyis bskyangs pa'i ma 'bri pha
ma 'dra ba rnams kyang bsad nas sha khrag longs spyod pa la bsam
na srin po las kyang thu/
de ltar srog gcod kyi las thabs de/_sdig pa'i yan lag bzhis
rdzogs par 'gyur te/_dper na rngon pas ri dwags gsod pa lta bu
la/_dang po shwa ba dang gla ba lta bu ri dwags shig dngos su mthong ba'i
tshe ri dwags de dang de'o snyam du ma nor bar shes pa ni/_gzhi sems
can yin par shes pa/_de la gsod 'dod kyi kun slong skyes pa ni/
bsam pa gsod sems skyes pa/_me mda' dang mda' la sogs pas
gnad du bsnun pa ni/_sbyor ba gsod thabs lag tu blang ba/_pha rol
ri dwags de de ma thag tu srog gi dbang po 'gags te lus sems
kyi tshogs pa gyes pa ni/_mthar thug srog gi dbang po 'gags pa
zhes bya ba yin/
yang bdag bzung gi bsha' lug cig gsod pa lta bu la mtshon
na/_dang po bza' dpon des bran nam shan pa la lug cig bsha'
dgos zer ba'i tshe/_gzhi sems can lug yin pa shes/_lug de
lta bu zhig bsha' dgos snyam pa'i tshe bsam pa gsod sems skyes/

gsod pa po des zhags pa zhig bzung ste song nas 'phral du gsod
rgyu'i lug gang yin pa de bzung /_lus gnam sa bsgyur/_rkang lag
'breng pas bkyig_mchu tha gus dkri ba sogs byed pa de gsod
thabs lag tu blangs/_de'i tshe sems can de gnad gcod kyi sdug
bsngal drag po dang bcas te dbugs phyi nang gi rgyu 'grul chad/
mig sngo ce re mchi ma khra thar re song nas ro khyim du drud 'ong skabs
mthar thug srog gi dbang po 'gags pa zhes bya/
de ma thag pags pa gris bshus skabs sha 'dar phril phril byed pa
de da dung khyab byed kyi rlung 'bros long ma byung bar yod pas gson
po dang 'dra ba de 'phral du me la bsreg thab tu btsos nas za bar
byed pa de la bsam na/_sems can gson por za bar 'dug pas
gcan gzan gtum po rnams dang khyad med par 'dug
des na de ring sems can zhig gsod snyam pa'i blo skyes pa'am/
ngag tu smras nas gsod ma gru yang /_gzhi sems can yin par shes
pa/_bsam pa gsod sems skyes pas sdig pa'i yan lag gnyis
rdzogs tshar ba yin pas/_dngos gzhi tshang ba tsam mi lci yang me
long du gzugs brnyan shar ba bzhin sdig pas gos tshar ba yin/
der ma zad gsod pa po dngos de ma gtogs sod zer mkhan la
sdig pa med snyam pa'am/_yod kyang cung zad yang snyam pa 'dug ste/
gsod du 'jug pa po lta ci/_mjug yi rang sgom mkhan dang bcas

pa thams cad la sdig pa'i las 'dra bar yod pa yin/_de yang mi
re re la sems can re bsad pa'i sdig pa ril po thob pa yin gyi/
srog gcod kyi sdig pa gcig mi mang pos bgo bsha' byed ba lta bu
ni med par shes dgos so/_/
gnyis pa ma byin par len pa la/
dbang gis len pa/_'jab bus len pa/_g.yo sgyus len pa dang
gsum yin/_de yang mi btsan po rgyal po lta bus thob thang gi gzhung
lta bu ma yin pa thob med kyi btsan btsugs byas nas 'phrog pa
dang /_dmag la sogs pa dpung shed kyi sgo nas dngos su 'phrog
'ong ba sogs ni/_dbang gis ma byin par len pa'am stobs kyis
len pa zhes bya/_rkun po lta bus bdag pos mi mthong sar lkog nas
rgyu zas blangs te bdag gir byed pa ni 'jab bus ma byin par
len pa yin/_tshong la sogs pa'i skabs su pha rol bslu byed kyi rdzun
gtong ba/_bre log dang srang log 'dzugs pa sogs kyis pha rol gyi
rgyu rdzas len pa ni/_g.yo sgyus ma byin par len pa yin/_des na deng
sang rang re rnams nas dngos su rku ba sogs ma byas phyin tshong
sogs g.yo thabs kyis sgo nas blangs pa thams cad la nyes pa yod
snyam pa mi 'dug ste/_g.yo sgyu byas phyin tshong gi khe ji tsam rnyed pa de

brkus pa dngos dang khyad med/_khyad par deng sang gi skabs su bla
ma dang ser mo ba rnams nas kyang tshong byed pa la nyes pa'am skyon
du mi lta zhing sku tshe de la bsgril nas pho rgod por rlom par 'dug
kyang /_bla ma ser mo ba zhig gi rgyud chud zos byed pa la tshong las thu
ba gang yang med de/_rtag tu de la g.yeng bas slob gnyer dang sgrib
sbyongs sogs byed rgyu'i blo g.yel zhing go skabs kyang med/_mtshan
mo nyal ba'i dus tshun chad tshong rtsis kyi bsam blo gtong bas dad
dang nges 'byung snying rje sogs kyi rtsa ba chad/_dus rtag tu 'khrul
pa'i gzhan dbang du 'gyur ba yin te/_sngon rje btsun mi la dgon
sde zhig tu byon nas mtshan grwa khang zhig gi sgor gzims bsdad
pas/_de na grwa pa zhig yod pa de mtshan mo nyal nas sang nyin ba
zhig bsha' rgyu yod pa de'i sha ko btsong thabs la bsam blo btang /
mgo des 'di khug_lag pa de'i sog pa la 'di ri/_dpung pa la 'di
ri/_lag ngar la 'di ri sogs ba de'i phyi nang thams cad la tshong
rtsis btang bas/_gnyid thun gcig kyang gnyid long ma byung bar
mjug ma ma gtogs thams cad la 'ding phog skabs nam langs/
der khong rang 'phral du langs nas chos spyod dang gtor ma gtong
ba sogs byed/_rje btsun da dung yang gzims nas bzhugs pas
kho 'ong nas khyed chos par rlom pa la/_chos spyod dang bzlas brjod
sogs gang yang byed mi nus par da dung yang nyal nas sdod pa

zer 'phya bar byed pa la/_rje btsun gyi zhal nas/_nga dus rtag tu de
ltar gnyid 'dug pa zhig min kyang mdangs sum nga rang la ba zhig
bsha' rgyu yod pa de btsong thabs la bsam blo gtong gin bsdad
pas gnyid long ma byung bar/_da nang gnyid du shor bar 'dug
gsungs pas kho'i mtshang la phog nas song /_dpe de bzhin du da lta
yang tshong kho na byed pa rnams nyin dang mtshan du tshong rtsis kyi mno
bsam kho na la 'khrul nas g.yengs shing /_'chi dus kyang de kho na'i
ngang du 'khrul nas 'chi/
der ma zad tshong byed dus kyang rang gi btsong rgyu'i dngos po de
ngan pa zhig yin kyang de la bstod ra sna tshogs byed pa dang /_sngar
mi 'di dang 'di dag la btsongs na gong 'di lta bu zhig sbyin zer
kyang de la ma brjes/_nga rang gis tshur nyo skabs kyang rin chen po
'di lta bu byin pa yin zer ba sogs rdzun kho na gtong /_de bzhin
du pha rol gzhan gnyis tshong byed pa la/_de rang gis nyo 'dod nas
gzhan gnyis mi 'grigs thabs kyi phra ma/_pha rol gyi rgyu rdzas la ngan
smras gtong ba dang /_bu lon gyi rgyus 'thab mo byed pa sogs tshig
rtsub/_don med par mi ri gong mo che zer ba dang /_nyo ma snyam yang
gong gtam pa sogs ngag 'khyal/_pha rol gyi rgyu rdzas la rlom sems
kyis bdag sprad pa'i brnab sems/_gzhan pham 'dod kyi gnod
sems/_bshas lug nyo tshong byed pa sogs srog gcod de/_log lta

dang 'dod log tsam ma gtogs mi dge bcu ka dngos su tshang zhing /
tshong de lam du ma song na ni rang gzhan gnyis ka'i rgyu rdzas chud
gzan te thams cad sdug la gtad/_mthar bdag gnod gzhan
gnod rang nyid mu ges 'chi ba zhig 'ong /_cung zad lam du song na
nor ni ji tsam 'byor bzhin chog shes med pa yin pas/_rnam thos
sras kyi longs spyod lta bu la dbang yang da dung sdig gi tshong byed pa
la dga'/_rnam g.yeng de kho na'i ngang du mi tshe zad nas 'chi khar
brang lag 'thab ste ngan song gi gting rdo byed pa zhig 'ong ba yin
pas rgyun mi 'chad pa'i sdig pa 'phel zhing rgyud chud zos su byed
pa la tshong las thu ba med/_dus rtag tu g.yo sgyus gzhan bslu ba'i
bsam pa gri rtse 'bug rtse khab rtse lta bu gang rno bltas nas/_rgyun du
bsam pa ngam pa na pa la gnas pas phan sems byang chub kyi sems dang
rgyab 'gal zhing mi dge ba mu mtha' med par 'phel bar 'gyur ba
yin no/_/ma byin par len pa 'di la yang sdig pa'i yan lag bzhi
sngar ltar yod cing /_rngon pa dang jag pa sogs la gro bcas kyi skal
skur phran bu re yod pa tshun chad srog gcod dang ma byin len gyi
nyes pa ni/_thams cad la mnyam par yod pa yin no/_/

gsum pa log g.yem ni/
khyim pa'i khrims yin te/_sngon bod du chos rgyal srong btsan sgam
po'i sku ring la/_dge ba bcu'i khrims bcas skabs khyim pa rigs
kyis bsrungs pa/_chos kyis bsrungs pa sogs la khyim pas spyod
pa bkag pa lta bu yin/_des na khyim pa yin kyang khrims dang ldan
pa zhig dgos shing /_rab tu byung ba rnams ni mi tshangs spyod rtsa ba
nas spangs dgos pa yin/_log g.yem de'i nyes pa che shos gzhan
gyi sdom pa gtong ba'i rkyen byas pa dang /_gzhan yang rang gi khu ba
phyung ba/_gzhan gyis bdag pa dang /_gla rngan sprad tshar ba/_rang dbang
yin kyang nyin mo dang /_bsnyen gnas bsrung ba dang /_na ba dang
sbrum ma dang /_mya ngan gyis non pa dang /_zla mtshan yod pa dang /_bang
ma sang ba dang /_dkon mchog gi rten yod sar bsgrod pa dang /_pha
ma dang rigs kyi srung ba dang /_ma smin pa'i gzhon nu ma dang /_kha
dang bshang lam la sogs par bsgrod pa ste/_yul dus gnas skabs
kyi sgo nas log g.yem gyi rnam pa tha dad pa nyams su myong ba'o/_/

bzhi pa rdzun la/
rdzun phal pa/_rdzun chen po/_mi chos bla ma'i rdzun dang gsum yod/
dang po ni/_gzhan bslu ba'i bsam pa can gyis rang bzhin rdzun du
smra ba thams cad dang /_gnyis pa ni/_dge ba la phan yon med/_sdig
pa la nyes pa med/_dag pa'i zhing na bde ba med/_ngan song na sdug
bsngal med/_sangs rgyas la yon tan med zer na de las thu ba'i
rdzun rngam po che bshad thabs med pas rdzun chen po zhes bya/_gsum
pa ni/_sa ma thob par thob/_mngon shes med par yod zer ba lta bu/
rang la med pa'i yon tan yod pa ltar smra ba thams cad mi chos
bla ma'i rdzun yin/_des na deng sang dam pa las kyang zog po brin
pa'i dus su song zhing /_mi thams cad kyang bsam spyod bsgyur sla
bas/_bla ma'am grub thob tu khas 'che ba kha cig g.yo sgyus gzhan
mgo bskor ba lhur len zhing /_lha ngas mthong lha la gtang rag byin/
'dre ngas mthong 'dre la chad pa bcad zer ba phal cher mi chos bla
ma'i rdzun kho na yin pas tsab tsob du zog po bslu brid can la blo
mi btod par/_rgyus yod kyi chos pa snyoms chung phyi nang mtshungs pa
la 'di phyi'i blo gtad 'cha' ba gal che/_lar zag bcas kyi mngon
shes phran bu 'jig rten pa'i lam du yod kyang de res 'ga' ba

yin pas thig mi thig sna tshogs 'ong /_zag med kyi mngon shes ni
'phags pa sa thob ma gtogs gzhan la med pas de 'dra ba ni
shin tu yang dka' 'o/lnga pa phra ma la mngon phra dang /
lkog phra gnyis yod/_dang po ni mi dbang yod po phal gyis mi gnyis
mnyam du yod pa la de gnyis dngos su phra mas 'byed cing 'dis
khyod la lkog tu ngan smras 'di dang 'di lta bu byas/_dngos su gnod
pa yang 'di dang 'di lta bu bskyal/_de ring khyed gnyis de 'dra
min pa ltar byed dam zhes mngon sum du phra ma byed pa ni mngon
phra/_gnyis pa ni/_mi yid mthun pa gnyis/_gcig gi drung du song ste/
khyod kyis de la rtsis chen du byed kyang des khyod la 'di dang 'di lta
bu zer ro zhes zer nas/_de gnyis phra mas 'byed pa la lkog phra zer/
de dag las kyang nyes pa che shos dge 'dun phan tshun thugs mi
mthun par byed pa dang /_khyad par gsang sngags kyi chos ston pa'i
bla ma dang slob ma'i bar du dbyen byed pa dang /_grogs mched phan
tshun nang mi mthun par byed pa ni shin tu yang nyes pa che'o/_/

drug pa tshig rtsub ni/
skye bo byad mi mdzes pa lta bu la de'i skyon mngon du sgrogs pa lta bu
ste/_dper na mi zhar ba dang /_'on pa sogs la/_long ba/_rna 'on
gzhan yang pha rol gyi
zhes pa lta bus mngon du 'bod pa dang /
mtshang nas brjod pa dang /_ngan du smra ba thams cad dang /_tshig rtsub
po min kyang 'jam po'i sgo nas pha rol po yid mi bde bar byed pa
yang tshig rtsub tu 'du la/_gzhan yang bla ma dge ba'i bshes gnyen
skyes bu dam pa rnams kyi drung du mi snyan pa sna tshogs brjod pa yang
nyes pa che'o/_/
bdun pa ngag kyal ni/
bram ze'i gsang sngags sogs chos ma yin pa chos su sems pa
dang /_smad 'tshong ma'i gtam dang /_chags sems kyi glu'i rnam pa
dang /_dmag dang chom rkun la sogs chags sdang skye ba'i gtam
mang po 'brel med du smra ba rnams dang /_khyad par gzhan kha ton
dang bzlas brjod byed pa sogs la de dag gi sems yengs su
'jug pa'i 'brel med kyi gtam mang po smra ba ni/_dge ba can gyi

tshogs bcag pa yin pas nyes pa lci/_ngag 'khyal sna tshogs pa smra
ba de yang rang bzhin du gang bab byung rgyal du smra ba ltar snang yang /
legs par brtags na chags sdang gis kun nas bslangs pa shas
che bas rang gzhan gyi rgyud la chags sdang ci tsam slong ba de tsam
du nyes pa che la/
ni ngag 'khyal dang bsres nas ci tsam 'don zlos byas kyang 'bras
bu mi 'byin zhing /_khyad par dge 'dun gyi tshogs gral lta bur ngag
'khyal sna tshogs smra ba ni/_tshogs pa gral gang re'i dge ba'i tshogs
mi gcig gis gcog cing sbyin bdag gi tshogs bsags chud
gzan pa yin/
spyir rgya gar 'phags pa'i yul du ldan grol gnyis gang rung dang
ldan pa ma gtogs dge 'dun gyi dkor la spyod par mi dbang zhing /
bcom ldan 'das kyis ma gnang mod kyang /_da lta rang re rnams
kyis sngags chog re gnyis re bslabs nas de 'don shes 'phral
dkor nag gang byung za bar 'dug ste/_gsang sngags kyi cho ga'i
sgo nas dkor za ba 'di la dbang thob cing /_dam tshig dang ldan
pa/_bskyed rdzogs la mkhas shing bsnyen pa 'khyol ba zhig med na/_gya
tshom du gsang sngags bon du gyer bas nyes pa lci zhing /_dkor nag
po 'di lcags bsregs kyi ril bu 'dra bas/_bskyed rdzogs zung
du 'jug pa'i khro'i 'gram pa dang ldan na ma gtogs/_tha mal gyis

zos na rgyud 'tshig cing brlag pa yin te/_ji skad du/_dkor nag
po srog gi spu gri yin/_/zos drags na thar pa'i srog rtsa gcod/_/ces
gsungs/_des na bskyed rdzogs dang ldan pa lta ci/_tshig tsam shes pa
de yang legs par mi 'don/_khyad par cho ga'i don po gal che shos
bsnyen pa yin pa la/_bsnyen mtshams su babs nas ngag 'khyal gyi
gter sgo phye ste/_chags sdang gi gtam 'brel med sna tshogs pas
dus 'da' ba ni rang gzhan phung la sbyor ba yin pas/_bla ma ser
mo ba rnams nas rgyun du ngag 'khyal gyi gtam 'di spangs nas smra
bcad dang bzlas brjod la brtson pa gal che ba yin no/_/
brgyad pa brnab sems ni/
gzhan pha rol gyi rgyu rdzas yid du 'ong ba la de nga'i yin na dga' ba
la snyam du yang dang yang du yid kyis bdag gir byed pa dang /_de
ngas lon pa'i thabs ci lta bu yod snyam pa sogs/_yid tsam gyis
gzhan nor la 'dod pa skyes pa thams cad yin/

dgu pa gnod sems ni/
gzhan la zhe sdang dang khong khro'i sems kyis ngas 'di dang 'di la
gnod pa 'di lta bu bya'o snyam pa dang /_gzhan la dpal 'byor yod
pa la mi dga' zhing /_'di 'di tsam du ma bde na ma skyid na 'di
la yon tan 'di lta bu med na ci ma rung snyam pa dang /_gzhan la mi
'dod pa byung na de la dga' ba bsgom pa sogs gzhan la gnod
par sems pa thams cad do/_/
bcu pa log lta ni/
rgyu 'bras med par lta ba dang /_rtag chad du lta ba ste/_de yang dge
ba la phan yon dang /_sdig pa la nyes pa med do snyam nas rgyu 'bras
med par lta ba yin/_rtag chad du lta ba ni mu stegs pa ste/_de la
spyir lta log sum brgya drug cu'am/_lta ngan drug cu rtsa gnyis sogs
su dbye yang bsdu na rtag chad du lta ba gnyis la 'du/_de la rtag
par lta ba ni/_bdag rtag par lta ba dang /_'jig rten gyi byed po
dbang phyug dang khyab 'jug la sogs pa rtag par 'dod/_chad par
lta ba ni/_chos thams cad ngo bo nyid las byung bar 'dod pas/_tshe snga

phyi las rgyu 'bras/_thar pa dang grol ba la sogs pa med par 'dod
de/_dbang phyug nag po'i gzhung las/_nyi shar chu bo thur du 'bab pa
dang /_/sran zlum tsher ma gzengs ring rno ba dang /_/rma bya'i mdongs
bkra blta na sdug pa rnams/_/sus kyang ma byas ngo bo nyid las byung /_/
zhes bshad/_nyi ma shar nas 'char ba 'di sus khrid nas 'ong ba
min/_chu bo thur du 'babs pa 'di sus kyang ded nas 'gro ba min/
sran ma thams cad zlum po yin pa 'di sus kyang ma bsgril/_tsher ma
thams cad gzengs ring zhing rno ba 'di la sus kyang rtse ma phyung /_rma
bya'i mdongs kyi thig le sna tshogs su bkra ba 'di sus kyang bris pa
min kyang rang gi ngo bo nyid kyis de ltar yin pa ltar/_'jig rten du
bde sdug dang legs nyes sna tshogs su snang ba yang ngo bo nyid kyis
de ltar byung ba yin gyis/_sngon gyi las dang /_tshe snga ma dang /_skye ba phyi
ma la sogs pa ni med do zhes 'dod/_de dag gi gzhung la bden
par bzung nas de'i rjes su zhugs pa'am/_min kyang rang bzhin du
rgyal ba'i bka'/_bla ma'i lung /_mkhas pa'i gzhung gang la yang mi
bden no snyam du the tshom dang /_sgro skur byed pa thams cad kyang log
lta yin no/_/
de ltar mi dge ba bcu po las kyang srog gcod dang log lta gnyis
po 'di sdig che ste/_srog gcod gong na sdig gzhan med/_/mi dge
bcu las log lta lci/_/zer ba de yin/_de yang dmyal ba pa ma

gtogs su la yang 'chi ba la mi 'tsher ba med cing rang gi srog
'di las gces pa cung zad kyang med pas srog de gcod pa sdig
pa lhag par che zhing /_sems can gcig gi srog bcad kyang srog
lan lnga brgya 'jal dgos pa dang /_gzhan yang sems can gcig
gi srog bcad kyang bar gyi bskal pa zhig tu dmyal bar gnas
dgos par mdo dran pa nyer bzhag las gsungs/
de las kyang dkon mchog gi rten bzhengs pa dang /_dge ba sogs
la snyad btags nas srog gcod sogs sdig pa'i las byed pa ni
lhag par yang lci ste/_pha dam pa'i zhal nas/_dkon mchog gi rten
sdig sdug gis bzhengs/_tshe phyi ma rlung la bskur/_zhes gsungs/_de
bzhin du dge ba byed par rlom nas/_bla ma rnams khyim du gdan
'dren pa dang /_dge 'dun pa tshogs pa sogs la sems can
bsad pa'i sha khrag 'dren pa ni/_yon mchod thams cad la srog
gcod kyi nyes pa 'go zhing /_sbyin bdag gis 'tsho ba drangs pa yang
sbyin bdag la ma dag pa'i sbyin pa dang /_mchod yul la log pa'i
'tsho bar 'gyur te/_dge ba las kyang sdig pa che ba yin/_bsad pa
'phral du gso nus pa'i dus ma gtogs srog gcod kyi sdig pas
mi gos pa'i dus med pas/_bla ma rnams nas kyang sku tshe dang mdzad
phrin la gnod par nges pas/_rnam shes bde chen du 'dren nus na
ma gtogs srog gcod kyi las 'di la ci nus su 'dzem dgos so/_/

log lta ni rgyud la skad cig skyes kyang sdom pa thams cad gtong /
nang pa'i khyur mi tshud/_dal ba'i lus rten kyang ma yin par 'gyur
zhing /rgyud log ltas bslad phyin chad dge ba byas pa yang thar pa'i
lam du mi 'gro/sdig pa byas pa yang bshags pa'i yul med pa yin
no/_/
mi dge ba'i las bcu po de dag gi 'bras bu ni/_re re la'ang bzhi
bzhi ste/_rnam smin gyi 'bras bu/_rgyu mthun ba'i 'bras bu/_dbang gi
'bras bu/_skyes bu byed pa'i 'bras bu dang bzhi yin/
dang po rnam smin gyi 'bras bu ni/
mi dge ba bcu po gang yin kyang /_kun slong zhe sdang gi dbang gis
byas na dmyal bar skye/_'dod chags kyi dbang gis byas na yi
dwags su skye/_gti mug gi dbang gis byas na dud 'gror skye/_ngan
song de dag tu skyes nas rang rang gi sdug bsngal la spyod dgos pa
yin/_yang na kun slong chen po zhes bya ba chags sdang rmongs gsum
shin tu tshabs che ba dang rgyun ring po'i sgo nas las bsags na
dmyal ba/_'bring gis yi dwags/_chung ngus dud 'gror skye ba yin no/_/

rgyu mthun pa'i 'bras bu ni/
rnam smin gyi 'bras bus 'phangs pas ngan song gi gnas ris las
thar nas/_mi'i lus rten thob pa'i dus myong ba yin kyang /_ngan song
gi gnas su yang las rang rang gi rgyu dang mthun pa'i sdug bsngal
gyi rnam grangs du ma yod pa yin/_rgyu mthun de la byed pa rgyu mthun
dang /_myong ba rgyu mthun gnyis/_byed pa rgyu mthun ni byed las mthun
par skye ba ste/_sngar srog gcod byed pa zhig yin na da lta yang srog
gcod pa la dga'/_sngar ma byin len pa zhig yin na da lta yang
rku ba la dga' ba sogs yin/_des na mi kha cig byis pa chung ngu'i
dus 'bu sbrang sogs mthong tshad gsod cing /_gsod pa la dga' ba
de rnams sngon srog gcod byas pa'i rgyu mthun pa yin/_de bzhin du
byis pa chung ngu'i dus nas mi rnams rang rang sngon bsags kyi las
dbang gis mi 'dra bar/_kha cig ni gsod pa la dga'/_kha cig ni
rku ba la dga'/_kha cig ni de dag la mi dga' zhing dge ba'i las
la spro ba sogs yod pa de sngon spyad pa'i las kyi lhag ma'am/_rgyu
mthun pa'i 'bras bu yin pas na/_snga ma gar skyes da lta'i lus la
ltos/_/phyi ma gar skye da lta'i las la ltos/_/zhes pa de yin/_der ma
zad dud 'gro rnams la yang /_khra dang spyang ki la sogs pa ni gsod

pa la dga' ba byi ba la sogs pa rku ba la dga' ba rnams kyang rang
rang gis sngon byas pa'i byed pa rgyu mthun yin no/_/
gnyis pa myong ba rgyu mthun ni/
mi dge ba bcu po re re la yang gnyis gnyis te/_sngon srog gcod
byas pa'i 'bras bu da lta tshe thung zhing nad mang ba yin te/_byis pa
chung ngu kha cig skyes 'phral la 'chi ba de dag sngar srog gcod byas
pa'i rgyu mthun yin pas/_de dag skye ba lan grangs mang po'i bar du
skyes tsam na 'chi ba shas che ba yin/_de bzhin du mi kha cig chung
ngu'i dus nas nad kyi rnam grangs mang pos mnar zhing /_rgas nas
'chi la thug gi bar du nad kyis mi gtong ba de dag kyang sngar srog
gcod dang brdung brdeg byas pa'i las 'bras smin pa yin pas/
'phral rkyen mang po'i bcos thabs la bsam blo mi gtong bar/_sngon
byas kyi las la bshags pa dang 'gyod sdom/_las ngan gyi gnyen po
dge sgrub sdig spong sogs la 'bad dgos pa yin no/_/

ma byin par blangs pas longs spyod dbul ba dang /
gal te longs spyod cung zad re yod na yang 'phrog pa dang rku ba
la sogs dgra zla dang thun mong bar 'gyur/_des na da lta yang nor
dang longs spyod kyi dbul ba rnams kyang 'bad rtsol ri bo tsam byed
pa las/_bsod nams me stag tsam gsog pa dga' ba yin/_rang la
sngon gyi sbyin 'bras kyis nor dang longs spyod la dbang skal med
na tshe 'dir 'bad rtsol che bas mi phan te/_rkun ma dang jag pa phal
cher gyi dus re re'i rnyed pa la bltas na/_de 'dra mang po rnyed na
sa steng du shong dka' ba tsam 'dug kyang /_mi tshe jag rkun la skyel
mkhan thams cad mthar mu ges 'chi bar 'dug pa dang /_de bzhin
du tshong byed pa dang /_dkor za ba sogs rnyed pa ci tsam che yang mi
phan par mthong la/_rang la sngon gyi sbyin 'bras shig yod na/_'bad
rtsol cung zad kyang med pa'i mi mang po tshe gcig tu longs spyod
kyis mi gtong ba yang yod pas/_longs spyod e yong re na mchod
sbyin la 'bad dgos pa yin/
'dzam gling las kyi sa pa 'dir tshe stod byas pa tshe smad la smin pa
shas che zhing /_zhing sa khyad par can re dang 'phrad na 'phral du yang
smin par 'gyur ba yin/_de'i phyir longs spyod yod du re nas g.yo

sgyus tshong dang /_rku ba sogs ma byin par len pa la brtson pa ni/
zhe 'dod dang lag len phyin ci log tu song ba zhes bya ste/bskal
pa mang po'i bar du yi dwags kyi skye gnas las mi thar zhing /_tshe
'dir yang mthar las kyis sun mas sleb nas je dbul je ngan
du 'gyur ba'am/_longs spyod cung zad re yod kyang de la spyod dbang
med pa dang /_rang gi ser sna'i rgyu las ci tsam 'byor bzhin phongs
sems dang med snang cher 'gro ba dang /_longs spyod sdig pa'i rgyur
'gro ba sogs longs spyod yod kyang bed mi chod pa yi dwags kyi
gter srung lta bur 'gyur ba yin/_des na ltar snang la phyug po ltar
snang ba rnams kyang legs par brtags na longs spyod de la tshe 'di
dang phyi ma'i bde skyid kyi rgyur 'gyur ba'i chos dang*/_lto gos sos
dal gyi bed ma chod na dbul po las kyang tha chad cing /_da lta nyid
nas yi dwags kyi rgyu mthun sleb pa rnams ma dag pa'i sbyin 'bras
yin no/_/
'dod pas log par g.yem pa'i 'bras bu ni/
khyim thabs mi mdzes shing /_lhod pa can dang /_dgra zla lta bu 'byung
bar gsungs/_da lta bza' tsho phal cher dus rtag tu 'thab rtsod
dang 'khon 'dzing kho na byed pa rnams kyang /_skyes pa'am bud med

de gshis ngan pa yin snyam pa 'dug ste/_de dag kyang rang rang gi
sngon 'dod log spyad pa'i rgyu mthun sleb pa yin pas/_gcig gis
gcig la zhe sdang mi bskyed par rang gi sngon byas kyi las ngan smin
pa shes par byas nas bzod bsran bskyed dgos te/_rje dam pa rin
po che'i zhal nas/_bza' tshang mi rtag tshong 'dus mgron po 'dra/_/
ngan shags 'thab mo ma byed ding ri ba/_/zhes gsungs/
rdzun du smra ba'i myong ba rgyu mthun gyis/
rang la skur pa 'debs pa mang ba dang /_gzhan gyis bslu bar byed
pa mang ba yin/_des na da lta rang la ma nyes pa'i kha yog dang /_skur
pa 'debs pa sogs byung na de yang rang gi sngon rdzun du smras pa'i
'bras bu yin pas/_de ltar smra ba po la zhe sdang bskyed pa dang /
ngan shags kyi rtsod pa sogs mi byed par 'dis bdag gi las
ngan mang po 'dzad pas drin che'o snyam du dga' pa bsgom dgos
te/_rig 'dzin 'jigs med gling pa'i zhal nas/_dgras log sgrub
byas kyang thugs dam gyi bogs 'don/_/gtam ma nyes kha yog dge
skul gyi lcag 'debs/_/'di chags zhen 'jig pa'i bla ma ru 'dug
pas/_/kho'i drin lan 'khor thabs med pa ru gzigs mdzod/_/ces
gsungs/

phra ma byas pa'i rgyu mthun gyis/
'khor g.yog mi mthun pa dang /_bdag nyid la rgol ba sogs
'byung ste/_bla ma'i grwa tshang ngam/_dpon gyi sku 'khor/_dud tshang gi
gla g.yog phal cher nang mi 'dum zhing*/_ji tsam smras kyang nyan du
mi btub par slar la rgol ba 'byung ste/_mi khyim phal gyi gla g.yog
rnams las sla ba zhig la mngags kyang lan gnyis lan gsum gyi
bar du ma thos pa ltar byed/_der kho zhe sdang langs nas drag tu smras
tsa na ma mos bzhin du dal gyis song nas las de bsgrubs kyang /
gzod las de lta bu byas yod ces gtam lan tsam yang mi byed
par rtag tu gshis ngan kho na la gnas pa de dag kyang /_dpon po
rang gis sngon phra ma byas pa'i las 'bras smin pa yin pas las
ngan la 'gyod pa bskyed/_rang gzhan gyi 'khon pa snum pa la 'bad
dgos pa yin/
tshig rtsub po smras pas/
rtag tu mi snyan pa thos shing /_rang gis smras pa yang 'thab mo'i tshig
tu 'gyur/_lar tshig rtsub po 'di dag ni mi dge ba rnams las nyes
pa lci shos yin te/_'jig rten pa'i dpe la yang /_tshig la mda'

mtshon med kyang mi sems tshal bar gtong /_zer ba ltar/_pha rol
po'i rgyud la zhe sdang glo bur du skyed pa dang /
khyad par yul gnyan pa la tshig ngan gcig smras pas kyang /_tshe
rabs mang po'i bar du ngan song nas mi thar bar byed pa yang yod
de/_sngon bram ze ser skya bya bas/_sangs rgyas 'od srung gi dge slong
rnams la/_rta'i mgo can/_ba lang gi mgo can zhes pa lta bu tshig
ngan mang po smras pas/_chu srin nya'i rigs mgo bco brgyad yod
par skyes pa de bskal pa'i bar du mi thar zhing /_de las 'phos nas
kyang dmyal bar skye bar gsungs pa dang /_gzhan yang dge slong ma
zhig gis/_dge slong ma gzhan la khyi mo zhes brjod pas/_khyi mo'i
skye ba lnga brgya blangs pa sogs de lta bu du ma yod pas/_dus rtag tu
'jam por smra ba la bslab cing /_khyad par 'phags pa'i gang zag
dang byang chub sems dpa' gang na yod mi shes pas thams cad
la dag snang sbyang /_yon tan dang bsngags pa brjod dgos/_byang
chub sems dpa' zhig la skur pa 'debs pa dang ngan smras byas na
khams gsum sems can bsad pa las nyes pa lci bar gsungs te/
khams gsum sems can bsad las sdig che ba/_/byang chub sems
dpa' rnams la skur pa btab/_/don med sdig chen bsags pa
mthol lo bshags/_/zhes gsungs/

ngag kyal ba'i rgyu mthun gyis rang gi tshig mi btsun zhing
spobs pa chung bar gsungs pas/
drang por smras kyang gzhan gyis bden du mi 'dzin pa dang /_mang
po'i nang du gtam bshad lta bu la rang nyid spobs pa chung ba 'byung
ba yin/
brnab sems kyi rgyu mthun pa'i 'bras bur yid la bsam pa
mi 'grub cing mi 'dod pa thog tu 'babs/_gnod sems kyis
'jigs shing skrag pa dang 'tshe ba mang*/_log ltas lta ba ngan pa la
gnas shing /_g.yo sgyus rang gi sems 'khrugs pa 'byung ngo /_/
dbang gi 'bras bu ni/_yul la smin pa ste/_srog gcod kyis sa
phyogs nyams mi dga' zhing ngam grog dang g.yang sa can la sogs
srog la gnod pa can du skye/_ma byin par blangs pas lo tog la sad
ser ldang /_ljon shing la 'bras bu mi chags/_mu ge yod pa'i sar skye/
log par g.yem pas bshang lci dang 'dam rdzab la sogs pa yid
du mi 'ong bar gnas dgos pa'o/_/rdzun gyis 'byor pa mi brtan
zhing rtag tu shes pa rtabs shing skrag pa'i yul rkyen dang 'phrad/_phra
mas yul ngam grog dang gcong rong can la sogs bgrod dka'
bar gnas dgos/_tshig rtsub pos rdo gseg dang tsher ma can la
sogs pa'i sa phyogs yid mi bde bar skye/_ngag 'khyal gyis so nam

byas kyang 'bras bu mi 'byung /_dus tshigs log cing mi brtan par
skye/_brnab sems kyis lo tog nyes shing gnas dus ngan pa'i sdug
bsngal mang po 'byung /_gnod sems kyis rtag tu 'jigs pa dang
'tshe ba mang ba'i yul du skye/_log ltas 'byor pa nyung zhing skyabs
dang dpung gnyen med par skye/
skyes bu byed pa'i 'bras bu las gang byas pa de mang por 'phel
nas/_skye ba dang tshe rabs su sdug bsngal mu mtha' med par brgyud
pa dang /_slar yang las ngan gong nas gong du 'phel nas 'khor ba
mu mtha' med par 'khyams par 'gyur ba yin no/_/
don gnyis pa bsgrub bya dge ba'i las bcu ni/
spyir mi dge ba bcu po de dag gi nyes dmigs shes nas de mi byed
snyam pa'i sdom pa yang dag par blangs pa de dge ba bcu yin te/
srog mi gcod pa dang /_ma byin pa mi len pa sogs bcu yin/_de
te rang gi dus gtan du'am/_gnas dus 'di lta bur zhes pa'am/
sems can 'di dang 'di lta bu'i srog mi gcod snyam pa sogs
dge ba'i las yin zhing /_bla ma dge ba'i bshes gnyen nam dkon
mchog gi rten la sogs pa'i drung nas khas blangs na ni lhag par

stobs che/_des na rang bzhin du srog mi gcod pa lta bus mi 'ong
gis gang ltar yang mi dge ba'i las de mi byed snyam pa'i dam
bca' zhig dgos pa yin/_de phyir khyim pa la sogs srog gcod
kyi las gtan du spong mi nus pa rnams nas kyang lo re'i nang nas/
hor zla dang po cho 'phrul gyi zla ba dang /_zla ba bzhi pa sa ga zla ba lta
bu la srog mi gcod par dam bca' ba'am/_yang na zla ba byung ngo
cog gi bco lnga dang /_gnam stong la srog mi gcod pa dang /_gzhan
yang lo dang zla ba zhag la sogs par dam bca' byas kyang phan
yon chen po thob ste/_sngon 'phags pa ka t+yA na'i drung du gnas pa'i
grong gis shan pas mtshan mo srog mi gcod pa'i khas len byas pa
nyi tshe ba'i dmyal bar skyes te/_nyin mo lcags bsregs kyi khang par
sdug bsngal myong zhing mtshan mo gzhal med khang du lha mo bzhis
bskor nas bde skyed myong ba lta bu yin/_de'i phyir dge ba bcu zhes
pa ni/_mi dge ba bcu spangs shing de'i gnyen po dkar po'i phyogs
nyams su len pa ste/
de yang srog gcod pa spangs nas sems can gyi srog bskyab
dgos/_de lus kyi dge ba dang po yin/_ma byin par len pa spangs
nas sbyin pa gtong dgos/_de lus kyi dge ba gnyis pa yin/_'dod
log spangs nas tshul khrims bsrung dgos/de lus kyi dge ba
gsum pa yin/_yang rdzun spangs nas bden par smra dgos/_de ngag

gi dge ba dang po yin/_phra ma spangs nas 'khon pa zlum dgos/_de
ngag gi dge ba gnyis pa yin/
tshig rtsub spangs nas snyan par smra dgos/_de ngag gi dge ba gsum
pa yin/_ngag 'khyal spangs nas kha ton byed dgos/_de ngag gi dge
ba bzhi pa yin/_yang brnab sems spangs nas gtong sems 'chang
dgos/_de yid kyi dge ba dang po yin/
gnod sems spangs nas phan sems bsgom dgos/_de yid kyi
dge ba gnyis pa yin/
log lta spangs nas yang dag pa'i lta ba rgyud la bsten dgos/_de
yid kyi dge ba gsum pa yin/
de dag gi rnam smin gyi 'bras bu ni/
mtho ris gsum gang rung du skye/_byed pa rgyu mthun gyis tshe rabs
thams cad du dge ba byed pa la spro zhing dge ba gong 'phel du
'gyur/
myong ba rgyu mthun/_srog gcod spangs pas tshe ring zhing nad nyung*/
ma byin len spangs pas longs spyod dang ldan zhing dgra rkun med/
'dod log spangs pas khyim thabs mdzes shing dgra zla nyung*/_rdzun
spangs pas kun gyis bstod cing byams/_phra ma spangs pas 'khor

g.yog gus/_tshig rtsub spangs pas snyan par thos/_ngag 'khyal spangs
pas tshig btsun/brnab sems spangs pas bsam don 'grub/
gnod sems spangs pas 'tshe ba dang bral/_log lta spangs pas lta
ba bzang po rgyud la skye/
dbang gi 'bras bu ni/_yul la smin pas/_sngar mi dge ba'i 'bras
bu de dag las ldog ste/_phun sum tshogs pa'i yon tan thams cad
kyis 'byor bar 'gyur ba yin/
skyes bu byed pa'i 'bras bu ni/_dge ba'i las gang byas pa de mngon
par 'phel nas/_bsod nams rgyun mi 'chad pa 'byung ba yin no/_/
don gsum pa thams cad las kyi rang
bzhin du bstan pa ni/
'di ltar ya ki srid pa'i rtse mo phyin chad nas/_ma ki dmyal ba
gdan la thug pa yan chad rang rang gi bde ba dang sdug bsngal gyi
rnam grangs bsam gyi mi khyab pa mi 'dra bar so sor myong ba de dag
thams cad kyang /_rang rang gi sngon bsags pa'i dge sdig gi las
'ba' zhig las byung ba yin te/_mdo sde las brgya pa las/_lus can
rnams kyi bde sdug ni/_/las rnams yin par thub pas gsungs/_/
las rnams kyang ni sna tshogs la/_/de yis 'gro 'di sna tshogs byas//

sna tshogs rnam par 'khyams shing 'jug_/las kyi drwa ba 'di che'o/_/
zhes gsungs/_da lta stobs dang mnga' thang nor dang longs spyod ci
tsam yod kyang /_'chi ba'i dus la babs pa'i tshe/_de dag las gcig
kyang rjes su mi 'brang zhing /_rang gis tshe 'dir bsags pa'i
las dge sdig kho na rang gi rjes su 'brangs nas/_de'i dbang gis
'khor ba'i gnas ris mtho dman du 'phen pa yin te/rgyal po la
gdams pa'i mdo las/_dus kyi nyen te rgyal po 'gro gyur na/_/longs
spyod mdza' dang bshes rnams rjes mi 'brangs/_/skyes bu dag ni
gang nas gar 'gro yang /_/las ni grib ma bzhin du rjes su 'brangs//
zhes gsungs/_des na da lta dge sdig gi las byas pa la/_'phral du
de'i 'bras bu 'di dang 'di'o zhes mi mngon kyang /_nam yang chud
zos su mi 'gyur bar tshogs shing dus la babs pa'i tshe rang rang
gis nyams su myong bar 'gyur te/_las brgya pa las/_lus can dag
gi las rnams ni/_/bskal pa brgyar yang chud mi za/_/tshogs shing
dus la babs pa na/_/'bras bu nyid du smin par 'gyur/_/zhes dang /
yon tan rin po che'i mdzod las/_sa bla mthon por gshegs pa'i
mkha' lding gi_/grib ma re zhig blta bar mi mngon yang /_/lus can
dag dang 'du 'bral spangs pa bzhin/_/tshogs shing dus la bab tshe
lhag par mngon/_/zhes gsungs/
dper na bya nam mkhar 'phur ba nam mkha'i dbyings mthon por

phyin pa'i tshe bya de'i grib ma mi mngon pa ltar snang yang /_grib ma
med pa min te mthar gang du babs kyang grib ma de/_der nag hril
gyis 'ong ba ltar dge sdig gi las byas pa 'phral la mi mngon yang /
mthar cis kyang rang gi steng du mi 'ong ba'i thabs med pa yin/
der ma zad las nyon gyi sgrib pa thams cad spangs pa'i sangs
rgyas dang dgra bcom pa rnams kyang las bdag gir bzhes dgos
na/_rang re so so'i skye bo rnams lta yang ci smos te/_sngon shAkya'i grong
du mnyan yod kyi rgyal po 'phags skyes po'i dmag 'ong nas shAkya
brgyad khri bsad pa'i tshe/_bcom ldan 'das kyis kyang dbu bsnyungs
ba la 'khor rnams kyis rgyu mtshan zhus pas/_sngon shAkya rnams nya
par gyur pa'i tshe nya du ma bsad nas zos shing /_nyin gcig nya chen
po gnyis bzung ba 'phral du ma bsad par ka ba la btags nas
bzhag pa/_nya de skam la phyungs nas 'gre ldog byed cing 'di rnams
kyis bdag cag nyes pa med par bsad pas slar bdag cag gis
kyang 'di dag nyes pa med par gsod par gyur cig snyam pas/_las
des 'bras bu nya chen gnyis rgyal po 'phags skyes po dang*/_de'i
blon po ma la gnod gnyis su skyes/_nya bsad pa rnams de gnyis kyi
dmag mir skyes te/_de ring shAkya rnams kha dag par byas pa yin/_nga
de'i tshe nya pa'i khye'ur skyes pa nya chen gnyis skam la phyung ba'i zug
rngu mi bzod par 'gre ldog byed pa la bltas nas bgad pas las

des de ring dbu bsnyungs ba yin/_ngas yon tan gyi chos 'di lta bu
dag thob med na/_'phags skyes po'i dpung gis de ring gsod par
'gyur ba yin gsungs/
de bzhin du sngon bcom ldan 'das byang chub sems dpar gyur pa
na/_mi nag mdung thung can bsad pa'i las kyi 'bras bu zhabs la
seng ldeng gi tshal pa zug pa dang /_bcom ldan 'das kyi nyan thos rdzu
'phrul can rnams kyi mchog 'phags pa mo'u gal gyi bu yang las
kyi dbang gis kun tu rgyu rnams kyis bkrongs pa yin te/_de yang
'phags pa shA ri'i bu dang /_mo gal gyi bu chen po gnyis dus dang
dus su dmyal ba dang yi dwags la sogs pa'i yul du byon nas
sems can gyi don mdzad pa las/_nyin gcig dmyal ba'i yul
du byon pas/_de na mu stegs kyi ston pa 'od srung rdzogs byed shi ba
dmyal bar skyes nas sdug bsngal gyi rnam grangs mang po myong gin
'dug pa de na re/_skyes bu dam pa khyed gnyis mi yul du slar byon
na/_kho bo'i slob ma rnams la khyed kyi ston pa 'od srung rdzogs byed
dmyal bar skyes pa de na re/_kun tu rgyu la dge sbyong med/_dge sbyong
shAkya'i nang na yod/_rang re rnams kyi chos lugs de phyin ci log tu
'dug pas khyed rnams kyis rang gi chos lugs de spongs la/_shAkya'i
sras kyi rjes su slobs shig_khyad par kho bo'i rus bu la mchod rten
byas nas der khyed rnams kyis mchod pa byed pa'i tshe/_kho bo'i steng

du lcags bsregs kyi char babs par 'dug pas de ltar ma byed
gsungs shig zer/_der mchog zung gnyis mi yul du byon nas/_shA
ri'i bu snga bar phebs pas mu stegs rnams la de skad gsungs
kyang las 'bras med pas mu stegs rnams kyis ma go_mo gal gyi
bu rjes nas byon te shA ri'i bu la/_khyed kyis 'od srung rdzogs byed
'dug gsungs/_mo gal gyi bus ma thos par 'dug pas ngas smra'o
gsungs nas byon te/_rdzogs byed kyi phrin bskur ba rnams gsungs
pas/_mu stegs pa rnams khros te 'dis rang cag la kha zer bas
ma tshad bdag cag gi ston pa la yang skur pa 'debs par 'dug
pas 'di choms shig zer nas brdung brdungs te/_sku lus 'dam bu
bzhin du bcom nas btang /_sngon chad yin na khong kun tu rgyu de
dag gis brdung du yod pa lta ci/_srid pa gsum po 'di tshogs kyang
khong gi ba spu'i rtse mo tsam yang bsgul mi nus pa yin kyang /_de'i
dus su ni sngar byas kyi las kyis non pas rdzu ba tsam yang ma dran na/
'phrul pa lta yang ci smos zhes gsungs te/_rang bzhin gyi mi phal
pa zhig dang khyad med par gyur/_der shA ri'i bus chos gos kyis
dkris nas khur te rgyal byed tshal du 'ongs nas/_grogs po shi ba
thos pa yang mi bya na/_mthong ba lta ci zhes gsungs nas dgra bcom
pa mang po dang lhan du sku mya ngan las 'das de 'phral mo gal gyi bu

yang mya ngan las 'das par gyur pa yin/
yang sngon kha che'i dge slong ra ba ti zhes bya ba mngon shes dang rdzu
'phrul thob pa/_slob ma mang po yod pa zhig nags gseb na chos
gos ngur smrig cig 'tshod cing yod tsam na/_de dang nye ba'i khyim
bdag gcig gis be'u stor nas btsal du phyin pas/_nags gseb
na du ba cig 'dug nas/_der bltar phyin pas dge slong zhig me
gtong gin 'dug_khyed ci byed pa yin byas pas chos gos 'tshod
pa yin zer/_tshos phru kha phye nas bltas pas sha ru 'dug pa mthong /
khong rang gis kyang sha ru mthong /_der khong khrid nas rgyal po la
gtad de/_'dis bdag gi be'u brkus pas chad pa chod cig byas
pas/_rgyal pos de dong du bcug
de nas zhag 'ga' na kho'i ba rang gis be'u rnyed nas/_dge slong
des be'u brkus par mi gda' bas gtong bar zhu ba phul na yang /
rgyal po yengs nas zla ba drug tu gtong ba ma byung*/_der khong rang
gi slob ma rdzu 'phrul thob pa mang po yod pa nam mkha' nas 'phur
te rgyal po'i drung du 'ong nas/_dge slong 'di yang dag pa zhig
lags pa gtong bar zhu/_zhus pas/_rgyal po dge slong gtong du byon
pas/_dge slong 'o brgyal ba gzigs nas shin tu 'gyod de ngas bya
ba de 'gyangs ches/_sdig chen po bsags 'dug zhus pas mi skyon
nga rang gis lan pa yin gsungs/_las ci 'dra bsags zhus pas/

sngon rkun po zhig tu skyes de dus be'u zhig brkus pa bdag pos
ded nas nags gseb na rang sangs rgyas shig mnyam par bzhag
'dug pa'i mdun tu bskyur nas bros pas/_des rang sangs rgyas
khrid nas zhag drug dong du bcug_de'i rnam smin gyis skye ba mang
por ngan song gi sdug bsngal myong /_tshe 'dir yang sdug bsngal myong
ba 'di rnam smin gyi tha ma yin gsungs/
de bzhin du rgya gar du rgyal po bde spyod kyi bu la mas za 'og gi
gos srub med pa zhig byin pas bus ngas 'di da dung mi gyon/
rgyal srid thob pa'i dus su gyon pa yin zer/_mas khyod kyi rgyal srid
thob pa'i dus med/_rgyal po 'das nas bus rgyal srid thob pa yin
pa la/_khyod kyi yab slob dpon klu sgrub dang sku srog gcig yin
pas klu sgrub ma grong bar mi 'da'/_klu sgrub tshe la dbang ba yin pas
'da' ba'i dus med/_des na khyod kyi phu bo du ma yang rgyal srid ma
thob par 'das pa yin zer bas bus de la thabs ci yod zer bar
ma na re/_slob dpon klu sgrub byang chub sems dpa' yin pas dbu
bslang na sbyin mchi/_de las thabs gzhan med zer/_bus klu sgrub kyi
drung du phyin nas dbu bslangs pas chod la khyer gsungs/
der ral gri thogs nas mgul la ji tsam brgyab kyang bar snang
la g.yug pa ltar song nas ma chod/_der slob dpon gyi zhal nas/
ngas mtshon brgyab pa'i rnam smin tshe rabs lnga brgya'i gong nas byang

tshar ba yin pas/_nga la mtshon gyis mi chod/_rtswa ku sha btu ba'i dus
'bu bsad pa'i rnam smin byang ma tshar bas ku shas rgyob dang chod
gsungs/_ku sha btus nas brgyab pas dbu sa la brul te/_nga ni
'di nas bde ba can du 'gro/_/phyi nas lus 'di la yang 'jug par
'gyur/_/gsungs nas klu sgrub zhi bar gshegs pa yin/
de ltar 'phags pa'i gang zag de rnams la yang /_de lta bu'i las
kyi rnam smin myong dgos pa yod na/_rang re rnams ni thog ma med
pa'i dus nas 'khor ba'i gnas ris 'dir 'khyams te las ngan
bsags pa grangs kyis mi chod pa yod kyang /_da dung yang bsags
na 'khor ba'i gnas las thar ba'i dus lta ci/_ngan song gi gnas
nas kyang thar dka' bas dus dang rnam pa thams cad du sdig pa'i
las phra rab tsam la yang 'dzem/_dge ba'i las chung ngu nas kyang ci
'grub du 'bad dgos te/_de ltar ma 'bad na sdig pa'i las skad
cig ma re res kyang bskal pa mang por ngan song du gnas dgos
pa yod pas sdig pa chung ngu 'di tsam gyis ci thub snyam du brnyas
par mi bya ste/_rgyal sras zhi ba lhas/_skad cig gcig byas sdig pas
kyang /_/bskal par mnar med gnas 'gyur na/_/thog med 'khor
bar bsags sdig gis/_/bde 'gror mi 'gro smos ci dgos/_/zhes
dang /_mdzangs blun las/_sdig pa chung ngu dag la yang /_/mi gnod
snyam du brnyas mi bya/_/me mdag chung ngu dag gis kyang /_/rtswa phung ri

tsam bsreg par byed/_/ces gsungs/
de bzhin du dge ba chung ngu tsam yang 'bras bu chen po 'byin pa
yin pas 'di tsam kyis ci bya snyam du brnyas par mi bya ste/_rgyal po
nga las nu sngon dbul por gyur pa'i tshe/_sran ma spar gang thogs
nas bag ma zhig bltar phyin pas/_lam du sangs rgyas bsod
skyabs grong khyer du byon pa dang mjal/_shin tu dad de sran ma spar
gang po sangs rgyas la gtor bas bzhi lhung bzed du song /_gnyis
thugs kar phog pa'i rnam smin gyis 'dzam bu gling du 'khor lo sgyur
ba'i rgyal por skyes/_sngar sran rdog bzhi lhung bzed du lhung ba'i
'bras bu gling bzhi la dbang ba'i rgyal srid lo brgyad khrir byas
shing /_gnyis thugs kar phog pa'i gcig gi 'bras bu rgyal chen
bzhi'i bdag po lo brgyad khrir byas/_gcig gi 'bras bu sum cu rtsa
gsum du brgya byin sum cu rtsa bdun brjes kyi bar la brgya byin gyi
rgyal srid phyed la dbang byas pa yin/_gzhan yang sangs rgyas la
dmigs nas tha na me tog gcig nam mkha' la gtor ba'i
'bras kyis brgya byin dang 'khor los sgyur ba thob pa'i mtha' yang
rnyed dka' bar gsungs/_de skad du yang mdzangs blun las/_dge
ba chung ngu dag la yang /_/mi phan snyam du brnyas mi bya/_/chu yi thigs
pa bsags pa yis/_/snod chen rim gyis gang bar 'gyur/_/zhes dang /
yon tan mdzod las kyang /_ji ltar sa bon yungs 'bru tsam pa'i

shing /_/a sho ta yi 'bras bu lo dus su//ces shing a sho ta zhes pa de'i sa bon yungs 'bru las
tshad tsam 'phel bas/_/dge sdig gzugs brnyan 'phel ba'i dper
mi phod/chung ba zhig las med kyang /_shing de bskyed pa'i tshe lo re la yal ga
dpag tshad re tsam du 'phel yang /_des kyang dge sdig gi 'bras bu
'phel ba'i dpe mi phod par gsungs pa yin no/_/
gzhan yang bslab pa'i gnas phra mo tsam la 'gal na yang nyes pa
chen po 'byin pa yin te/_sngon klu'i rgyal po e la'i 'dab bcom
ldan 'das kyi spyan sngar 'khor los sgyur ba'i gzugs kyis 'ongs
pa na/_bcom ldan 'das kyi zhal nas/_khyod kyis 'od srung gi bstan
pa la rma 'byin par ma zad/_nga'i bstan pa la'ang rma 'byin par byed
dam/_rang gi gzugs kyis chos nyon gsungs pas/_bdag la gnod
par byed pa mang bas rang gzugs kyis 'ong mi nus par 'dug
zer ba la/_lag na rdo rje la srung du bcug pas/_sbrul chen po dpag
tshad mang po khyab pa zhig gi mgor shing e la'i 'dab kyi sdong po
chen po skyes pa'i lcid kyis non zhing rtsa ba 'bus g.yeng bas sdug
bsngal chen po myong ba zhig byas nas byung ba/_de'i rgyu mtshan zhus
pas/_kho sngon sangs rgyas 'od srung gi bstan pa la dge slong yin
pa la/_lam kha zhig tu shing e la'i 'dab kyi sdong po chen po skyes
pa zhig la chos gos 'thogs pa kho shin tu khros te bslab pa khyad du

bsad nas/_shing de bcad pas de'i nyes pa yin par gsungs/
de lta bu'i dge ba dang sdig pa'i las de dag thams cad kyang las
dkar nag tu byed pa dang /_lci yang du byed pa thams cad kyang
bsam pa'i kun slong kho na gtso che ste/_dper na shing sdong po chen po
zhig gi rtsa ba sman yin na/_de'i sdong po dang lo ma yang sman yin la/
rtsa ba dug yin na lo ma dang sdong po yang dug yin gyi/_dug gi rtsa
ba la sman gyi lo ma sogs skye mi srid pa bzhin du/_kun slong chags
sdang gis bskyed cing bsam pa rnam par ma dag na/_las dge ba
ltar snang ba zhig byas kyang don du mi dge bar 'gyur zhing /_bsam
pa rnam par dag na ltar snang la mi dge ba lta bu zhig byas kyang don
du dge ba yin te/_yon tan mdzod las/_rtsa ba sman du mchis na myu
gu'ang sman/_/rtsa ba dug yin myu gu smos ci dgos/_/bsam pa dge
dang mi dge'i bye brag las/_/dge sdig gzugs brnyan che chung rjes
mi 'gro/_/zhes gsungs/
des na rang 'dod kyi 'khris rtsa ba nas med cing bsam pa rnam par
dag na/_rgyal sras byang chub sems dpa' rnams la lus ngag gi mi
dge bdun po dngos su gnang ba'i skabs yod de/_dper na ded
dpon snying rje chen pos mi nag mdung thung can bsad pa dang /
bram ze'i khye'u skar mas bram ze'i bu mo la mi tshangs pa spyod pa lta bu
yin/_de yang sngon bdag cag gi ston pa ded dpon snying rje chen

por sku skye ba bzhes skabs tshong pa lnga brgya dang bcas rgya mtshor
phyin pa'i lam du mi nag mdung thung can bya ba'i chom rkun gdug
pa can zhig tshong pa lnga brgya gsod du byung bas/_khong gi thugs
dgongs la tshong pa lnga brgya po 'di dag phyir mi ldog pa'i byang chub
sems dpa' sha stag yin pas 'di thams cad mi gcig gis
bsad na de bskal pa dpag tu med pa'i bar dmyal bar gnas
dgos par 'gyur bas snying re rje/_de bas ngas 'di bsad na 'di
dmyal bar mi 'gro bar 'dug pas nga rang dmyal bar song yang
thabs med snyam du blo stobs chen pos dgongs nas chom rkun pa
de bsad pas bskal pa bdun khri'i tshogs rdzogs pa yin/_de yang
ltar snang la mi dge ba yin te khong byang chub sems dpa' zhig
gis dngos su mi zhig bsad pa yin/_don du dge ba yin te khong
la rang 'dod kyi 'khris med cing 'phral du tshong pa lnga brgya'i srog
bskyabs pa dang /_phugs su mi nag mdung thung can dmyal ba'i
sdug bsngal las bskyabs pas dge ba rlabs po cher gyur ba yin/
de bzhin bram ze'i khye'u skar ma la dga' bas lo grangs mang por
nags su tshangs par spyad nas/_grong du bsod snyoms la byon skabs
bram ze'i bu mo zhig khong la chags nas 'chi bar rtsom pa de la snying
rje skyes te khyim thabs byas pas bskal pa bzhi khri'i tshogs rdzogs pa
yin/

des na srog gcod pa dang mi tshangs par spyod pa yang de dang de lta
bu la gnang ba yin gyi/_rang 'dod kyi sgo nas chags sdang rmongs
gsum gyis kun nas bslangs te spyod pa ni su la yang gnang ba
med/_ma byin par len pa yang phyug po ser sna can gyi longs spyod
las brku ba sogs byas nas/_de nyid kyi ched du dkon mchog
mchod pa dang /_ngan slong la sbyin par gtong ba sogs byed pa'i
byang chub sems dpa' blo stobs chen po rang 'dod rtsa ba nas med
pa la gnang ba yin/_rdzun du smra ba yang gsod pa la thug pa'i sems
can gyi srog bsrung ba dang /_dkon mchog gi dkor srung ba la
sogs pa'i ched du gnang ba yin gyi/_rang 'dod kyi sgo nas gzhan
bslu ba'i ched du gnang ba min/_phra ma ni dper na dge ba byed
pa zhig dang sdig pa la dga' ba'i mi zhig gnyis grogs mthun po
yod pa la/_sdig pa byed pa de dbang che bas dge ba byed pa de sdig
pa'i lam du sgyur gyis dogs na/_de gnyis dbyen byed pa lta bu'i
ched du gnang ba yin gyi/_rang bzhin du mthun gnyis 'byed pa la
gnang ba min/
tshig rtsub po yang 'jam pos 'dul mi nus pa'i rigs btsan
thabs kyis chos la gzud pa dang /_gdams ngag brjod pas mtshang
la rgol ba sogs kyi ched du gnang ste/jo bos/bla ma'i mchog mtshang
la rgol ba yin/_gdams ngag gi mchog mtshang thog tu 'bebs pa

yin/_zhes pa lta bu yin gyi pha rol po khyad du gsod pa'i tshig rtsub
gnang ba min/_ngag 'khyal yang /_gtam la dga' ba'i mi kha cig
smra ba bcad de chos la 'jug mi nus pa la thabs kyis brid de chos
sgor gzhug pa'i ched du ngag 'khyal gnang ba yin gyi/_rang gzhan
rnam par g.yeng ba'i rgyur gnang ba min/_yid kyi nyes pa gsum po
ni/_kun slong dge bar bsgyur du med cing rnam rtog ngan pa gcig
skyes nas mi dge bar 'gyur bas nam yang su la yang gnang ba
med do/_/
de ltar las dge ba dang mi dge ba'i byed po ni sems kho na yin
cing lus ngag gi sgor ma thon kyang /_sems kyi rnam rtog dge ba
dang mi dge ba'i 'bras bu chen po 'byin pa yang du ma yod pa yin
pas/_dus rtag tu rang gi sems la brtags nas sems dge bar
'dug na dga' ba bsgom zhing dge ba gong 'phel du bya/_mi dge
bar 'dug na 'phral du bshags pa bya zhing /_nga re ngan chos de tsam
thos kyang da dung yang rnam rtog de lta bu skye ba ngo re tsha/_da phyin chad
de lta bu'i kun rtog rgyud la mi 'char ba zhig 'bad dgos snyam du
bsam/_dge ba zhig bsgrub pa'i dus na yang dang po rang gi kun
slong la legs par brtags te/_kun slong dge bar 'dug na dge
ba de bsgrub/_kun slong gzhan la 'gran sems dang tshul 'chos dang
grags 'dod la sogs par 'dug na kun slong nan gyis bcos

nas byang chub sems kyis zin par bya/_cis kyang kun slong bsgyur du
ma btub na dge rtsa byed pa de bshol na legs te/_sngon dge bshes
'ban la yon bdag mang po mjal du 'ong ba yod pa la/_de'i snga
dro rten gsum rnams kyi drung du mchod bsham sogs shin tu legs
po zhig byas/_der khong gis rang gi kun slong la brtags pas yon
bdag rnams kyi mig sngar mdzes chos su song nas/_kun slong ma
dag par 'dug pas rten mchod rnams la thal ba spar gang gtor
nas/_dge slong rang zag zog ma byed par bzhugs shig gsungs/
de pha dam pas mkhyen nas/_bod kyi mchod rdzas shig la 'ban gung
rgyal gyi thal ba spar gang po de bzang gsungs skad/
de ltar dus dang rnam pa thams cad du rang gi rgyud la legs par
brtags na/_sdig pa'i las byed pa na 'phral du ngos zin nas
bshags sdom byed pa sogs kyis rgyud mi dge ba dang mi 'grogs
pa yin gyi/_so so'i skye bo'i sa 'dir kun rtog ngan pa'i bsam sbyor
rgyud la mi skye ba ni mi 'ong ste/_yang sngon dge bshes 'ban yon
bdag cig gi khyim du bzhugs skabs yon bdag rnams phyi rol du
song /_khong gi thugs dgongs la nga la ja med pas da gzod ri khrod
phyin skabs bskol rgyu'i ja zhig brku dgos snyam nas ja khug nang
phyag brgyab 'phral dran pas zin nas yon bdag rnams la bos te/
nga 'di ltar byed kyin 'dug pas 'di'i lag pa 'di mkhrig ma nas

chod cig gsungs skad/
de bzhin du jo bo rje lha gcig gi zhal nas kyang /_nga rang so sor
thar pa'i sgor zhugs nas nyes byas phra mos kyang ma gos/_byang sems
kyi bslab bya la nyes pa re re gnyis gnyis byung /_gsang sngags rdo
rje theg pa'i sgor zhugs nas nyes pa co le nyo le byung yang nyes ltung
dang 'grogs nas zhag gcig kyang sdod ma myong gsungs/_/lam du
byon pa'i bar la yang kun rtog ngan pa re tsam byung tsa na shing gi
maN+Dal zhig yod pa blangs nas 'phral 'phral bshags sdom mdzad/
de bzhin 'phan yul rgyal du dge bshes mang po tshogs pa'i gral
la zho ston zhig byung ba'i tshe/_dge bshes 'ban gral sked tsam na
bzhugs pa la/_gral gong ma rnams la zho mang du drangs pa gzigs
pas/_zho legs po zhig 'dug ste/_nga'i skal pa rang 'di nas mi
thob pa 'dra snyam pa zhig byung ba la/_de ma thag dran pas zin nas
zho 'thung dad can khyod 'dra ba dgongs nas phor pa kha sbub bzhag
phyag bde ba 'ong nas zho gsol bar zhu byas pas/_blo nyes po khos da
ci nas 'thung zin gyis gsungs nas gsol du ma 'dod/_khong dge
slong rnam dag gi ston skal mnyam por 'dod pa tsam la mi dge
ba'i cha ci yang med kyang /_zho legs pa de nas thob tu re ba'i rang
'dod tsam la dgongs nas ma gsol ba yin/
de ltar dus dang rnam pa thams cad du rang rgyud la brtags nas

dge sdig la spang blang byas na blo las su rung nas rgyud dge ba
'ba' zhig tu 'gyur ba yin te/_sngon bram ze sgra mkhan bya bas rgyun
du rang gi sems la brtags nas mi dge ba'i rtog pa re skyes tsa
na rde'u nag po re bzhag_dge ba'i rtog pa re skyes tsa na rde'u dkar
po re bzhag pas dang po nag po rkyang pa byung*/_gnyen po bskyed de
'bad nas spang blang byas pas/_bar du dkar nag phyed ma tsam byung /
mthar dkar po sha stag byung ba yin/
de ltar dus dang rnam pa
thams cad du dran pa dang /_shes bzhin gyis bzung nas dge ba'i
gnyen po bskyed de/_sdig pa'i las phra mo tsam gyis kyang ma gos par
bya dgos/
tshe 'dir sdig pa'i las bsags pa med kyang 'khor ba thog ma med
pa'i dus nas bsags pa'i las kyi mtha' mi mngon zhing /_de lta
bu'i myong 'gyur gyi las kyang bsam gyis mi khyab pa yod pas/_da lta
dge ba 'ba' zhig byed pa dang /_stong pa nyid la goms par byed pa
rnams la/_phyi ma ngan song la sogs par skye 'gyur gyi las bag la
nyal du yod pa gnyen po'i mthus mngon du bslangs nas tshe 'dir
smin te sdug bsngal ba yang yod de/_rdo rje gcod pa las/_shes rab
kyi pha rol tu phyin pa spyod pa'i byang chub sems dpa' mnar zhing
rab tu mnar bar 'gyur te/_de ma 'ongs pa na sdug bsngal myong
bar 'gyur ba'i las tshe 'dir smin pa'o/_/zhes gsungs/

de bzhin du sdig pa 'ba' zhig byed pa'ang /_dge ba'i las kyi myong
'gyur phra mo yod pa 'phral du smin pa'ang yod de/_sngon nyi 'og gi
rgyal khams su dang po zhag bdun rin po che'i char babs/_de nas
rim bzhin gos dang 'bru'i char babs te/_mthar sa'i char babs
nas thams cad sa 'og tu non nas shi ste dmyal bar skyes pa lta bu
yin/_des na dge ba can la sdug bsngal 'byung ba dang /_sdig pa
can skyid por 'byung ba thams cad kyang sngon gyi las smin pa yin
da lta dge sdig gi las gang byas phyi ma'am/_phyi ma'i phyi ma la
sogs par smin par 'gyur ba yin pas/_dus rtag tu rgyu 'bras kyi
zhing /
gnas 'di la nges shes bskyed nas spang blang byed pa gal che bas/
lta ba mtho mtho mo'i chos skad kyis rgyu 'bras khyad du gsod par mi
bya ste/_o rgyan chen pos/_rgyal po chen po nga'i gsang sngags 'di lta
ba gtso che/_lta ba'i phyogs su spyod pa ma shor bar mdzod/_de shor na
dge stong sdig stong nag po kha 'byams bdud kyi lta bar 'gro/_yang
spyod pa'i phyogs su lta ba ma shor bar mdzod/_de shor na dngos po
dang mtshan mas bcings nas grol ba'i dus med/_ces gsungs/
des na lta ba nam mkha' bas kyang mtho/_/las rgyu 'bras bag phye bas
kyang zhib/_/ces gsungs pa ltar/_lta ba gnas lugs kyi don ci
tsam rtogs bzhin rgyu 'bras la zhib tu 'gro ba zhig dgos te/_pha
dam pa rin po cher/_stong nyid rtogs na sdig pa byas na gnod dam

mi gnod zhus pas/_stong nyid rtogs na sdig pa bya don med/_stong
nyid rtogs pa dang snying rje skye ba dus mnyam gsungs/
des na chos yang dag pa zhig bsgrub 'dod na rgyu 'bras kyi spang
blang la gtso bor bya zhing lta ba dang spyod pa ya ma bral bar nyams su
blang dgos pa yin/
de ltar las rgyu 'bras kyi khrid de rgyud la skyes pa'i tshad rje btsun mi
la lta bu zhig dgos pa yin te/_rje btsun la slob ma rnams kyis rje
btsun gyi mdzad spyod 'di gang la bltas kyang so so'i skye bo'i blo'i
yul las 'das par 'dug pas/_rje btsun rin po che dang po nyid
nas rdo rje 'chang ngam sangs rgyas byang sems gang rung zhig gi sprul
pa yin par 'dug pas gsung bar zhu zhus pas/_rje btsun gyi zhal
nas/_khyed rnams kyis nga la rdo rje 'chang ngam sangs rgyas byang sems
gang rung zhig gi sprul pa yin snyam pa de nga la dad pa yin te/_chos
la log lta de las che ba med/_ngas dang po mthu dang ser ba la
bsten nas sdig tshabs po che de bsags 'phral/_nges par dmyal
bar skye ba las med snyam nas sgrub pa la snying rus phur tshugs su
byas pas/_gsang sngags thabs zab pa'i gnad kyis rgyud la yon
tan khyad par can skyes pa yin/_khyed rang rnams chos la snying rus
mi nus pa las rgyu 'bras la yid ches ma skyes pas lan/_rgyu 'bras
la snying thag pa nas yid ches skyes na/_nga'i snying rus de 'dra ba so

skye snying rus can kun la 'ong bar 'dug_de tsa na yon tan yang
rgyud la skye bas rdo rje 'chang ngam sangs rgyas byang sems kyi sprul pa
yin snyam pa yang yong bar 'dug gsungs/
des na khong gis dang por sdig pa bsags pas dmyal bar skye nges
pa'i blo thag chod pa rgyu 'bras la yid ches pa las byung zhing /_de la
brten nas chos la snying rus mdzad pas khong gi dka' spyad dang
snying rus kyi rnam thar 'dra ba rgya bod gnyis char na dka' ba yin/
des na las rgyu 'bras kyi gnad 'di dag snying thag pa nas yid
ches bskyed/_dus dang rnam pa thams cad du dge ba phra mo tshun chad
dam pa gsum gyis zin pa'i sgo nas ci nus su bsgrub/
sdig pa'i las phra rab tsam yang srog la babs kyang mi bya snyam du
dam bca' blang /_nangs par mal nas ldang ba'i tshe yang phyugs
lug lhas nas ldangs pa ltar har gyis langs nas mi 'gro bar/
mal nang der blo lhod kyis glod/_kha nang du log nas rang gi rgyud
la legs par brtag_mdang sum rmi lam du sdig pa byung ba la yang
'gyod pa dang bshags pa bya/_dge ba byung na dga' ba bsgom zhing
sems can gyi don du bsngo/_de ring gi nyi ma 'di la ngas mtha' yas
pa'i sems can thams cad rdzogs pa'i sangs rgyas kyi go 'phang
thob pa'i ched du dkar po dge ba'i las ci nus su bsgrub/_nag po
sdig pa'i las ci nus su spang bar bya'o/_/snyam du sems bskyed/_nub

mo nyal ba'i tshe yang dran med du lheb be mi nyal bar mal du dal
gyis bsdad nas sngar bzhin rtog dpyod btang /_ga re ngas de ring
gi nyi ma de la snying po ci lon/_las dge ba ci lta bu zhig 'grub snyam
du brtags shing /_dge ba'i las 'grub pa 'dug na dga' ba bsgom/
sems can thams cad sangs rgyas kyi go 'phang thob pa'i ched du
bsngo ba bya/_mi dge ba'i las byas pa 'dug na nga re ngan/_ngas de
ring gi nyi ma de la rang gis rang brlags 'dug snyam du 'gyod pa
bskyed/_snying thag pa nas bshags pa dang phyin chad de ltar mi byed
snyam du sdom sems blang /_dus dang rnam pa thams cad du dran dang
shes bzhin dang ma bral ba'i sgo nas phyi nang snod bcud kyi snang ba
thams cad la a 'thas kyi bden zhen mi bya zhing /_bden med sgyu
ma'i rnam rol du blo sbyang /
rtag par rang gi rgyud dge ba dang drang po'i lam la bzhag nas blo
las su rung bar bya ba ni 'di yan chad kyi blo ldog bzhi po nyams
su blangs pa'i don 'bras hril gyis dril ba yin pas/_de ltar byas
na dge ba gang byas shugs kyis dam pa gsum dang 'brel zhing /_ji
skad du/_dge ba can sman gyi sdong po dang 'dra/_/gang bsten bsten
pa kun rgyal nas gda'/_/sdig pa can dug gi sdong po dang 'dra/_/
gang bsten bsten pa kun brlags nas gda'/_/zhes gsungs pa
ltar/_rang gi blo las su rung ba'i mthu la brten nas 'brel tshad blo

kha yang dag pa'i chos kyi phyogs su bsgyur nus shing /_rang gzhan gyi
dge ba rlabs po che gong nas gong 'phel du 'gyur/_skye ba dang tshe
rabs thams cad du ngan 'gro log par ltung ba'i skye gnas su mi
skye zhing /_mtho ris lha dang mi'i lus rten khyad par can thob/_tha na
de lta bu'i chos ldan gyi gang zag de gang du gnas pa'i yul phyogs
rtag tu lha rnams kyis
tsam du yang dge zhing bkra shis pa dang /
bsrung bar 'gyur ba yin no/_/
rgyu 'bras rnam grangs shes kyang yid ches zhan/_/
dam chos thos pa mang yang nyams len med/_/
bdag dang bdag 'dra nyes spyod sems can rnams/_/
sems dang chos su 'dres bar byin gyis rlobs/_/
las rgyu 'bras kyi rnam grangs 'chad pa'i khrid do//_//

!_dam pa'i mkhas grub mang pos rjes su bzung /_/
bla ma'i bka' bzhin bsgrubs nas nyams su blangs/_/
thar pa'i lam mchog ma nor 'gro la ston/_/
mtshungs med bla ma'i zhabs la phyag 'tshal lo/_/
lnga pa thar pa'i phan yon dang drug pa bshes gnyen
bsten pa'i khrid la/
nyan pa'i tshul sogs 'dra/_bshad bya dngos la/_dang po thar pa zhes
bya ba ni/_'khor ba sdug bsngal gyi rgya mtsho chen po 'di las thar te/
nyan thos rang rgyal rdzogs pa'i byang chub gsum gang gi go 'phang
thob kyang thar pa yin/_de la yang rgyu dang 'bras bu gnyis las/_dang
po thar pa'i go 'phang de thob byed kyi rgyu ni/
dang po dal 'byor rnyed dka' ba nas bzung ste blo ldog rnam pa
bzhis rgyud las su rung bar byas nas/_lam thams cad kyi rming
rdo skyabs su 'gro ba nas bzung ste/_lam gyi dngos gzhi yongs su
rdzogs pa la thug gi bar du re re nas rang rang gi phan yon bshad
pa dang 'chad par 'gyur ba yin pas der 'du/_'bras bu ni nyan

thos rang rgyal rdzogs pa'i sangs rgyas gsum gyi go 'phang gang thob
kyang /_zhi ba bsil ba 'khor ba'i sdug bsngal gyi 'phrang las thar
ba can yin pas nga re dga'/_de'i nang tshan las kyang /_da res
theg pa chen po dang mjal bas/_dge ba bcu dang /_tshad med bzhi
dang /_phar phyin drug dang /_bsam gtan bzhi dang /_gzugs med
bzhi dang /_zhi lhag gnyis la sogs pa thams cad rdzogs pa'i byang
dngos gzhi dmigs pa med pa/
pa gsum gyis zin pas nyams su blang ngo /_/
rjes bsngo smon gyis thebs pa'i dam
drug pa bshes gnyen bsten pa'i khrid ni/
bla ma ma bsten par sangs rgyas 'grub pa'i lo rgyus mdo rgyud bstan
 thams cad nas ma gsungs/_mthong chos su yang rang bzo
dang pho tshod kyis sa lam gyi yon tan skyes pa gcig kyang med/_'di
ltar rang dang bcas pa'i sems can thams cad log pa'i lam
bcos thams
la rnam rig gzo ba nyid de/_thar pa dang thams cad mkhyen pa'i
lam la long ba bshes med thang stong du mgo 'khor ba dang mtshungs/
des na ded dpon la ma bsten par rin po che'i gling nas nor bu
blangs pa'i dpe med/_des na dge ba'i bshes gnyen dang dge ba'i

grogs po ni thar pa dang thams cad mkhyen pa'i sa mkhan mngon
sum yin pa'i phyir gus pas bsten dgos/
de la yang dang po bla ma brtag pa/_bar du bla ma bsten pa/_tha ma
dgongs spyod bslab pa dang gsum yod/
dang po bla ma brtag pa ni/
spyir so so'i skye bo ni grogs la sogs pa 'phral rkyen gyis bsgyur sla
bas dus dang rnam pa thams cad du dge ba'i bshes gnyen dang
dge ba'i grogs po la bsten dgos te/_dper na ma la ya'i tsan+dan
gyi nags khrod du sdong dum phal pa zhig lhungs nas lo mang song na
tsan+dan gyi dri bzang po de la 'gos nas shing phal pa de la yang dri
zhim 'byung ba dang 'dra bar/_skyes bu dam pa yon tan dang ldan pa
la bsten nas bsdad na de'i yon tan gyi dri bzang po 'gos nas
spyod lam thams cad de 'dra bar 'gyur te/_ji skad du/_ji ltar ma
la ya yi nags klung du/_/rnam par 'khyams pa'i sdong dum phal pa
yang /_/yal 'dab brlan pas tsan+dan dri bsung ltar/_/gang la bsten
pa de yi rjes su 'gro/_/zhes gsungs/
da lta dus snyigs mar song bas rgyud sde rin po che rnams nas
bshad pa'i bla ma mtshan nyid thams cad yongs su rdzogs par tshang

ba rnyed par dka' yang /_gang la bsten bya'i bla ma de yon tan 'di
dag tshang ba nges par dgos te/_phyi so thar/_nang byang sems/_gsang
ba gsang sngags te sdom pa gsum gyi gnang bkag gi gnas la
'gal ba ma song bas rgyud gtsang ba/_mdo rgyud bstan bcos kyi
gzhung la ma rmongs pa'i thos pa che ba/_mtha' yas pa'i sems can
rnams la bu gcig pa ltar brtse ba'i snying rjes rgyud brlan pa/_phyi
sde snod gsum dang*/_nang gsang sngags kyi rgyud sde bzhi'i cho ga la
mkhas pa/_don nyams su blangs pa la bsten nas rang rgyud la spangs
rtogs kyi yon tan khyad par can mngon du gyur pa/_sbyin dang snyan
smra don spyod don mthun te bsdu ba'i dngos po bzhis skal bzang gi
slob ma sdud pa de lta bu zhig dgos te/_dam pa'i chos tshul mtha'
dag rdzogs pa ni/_/snyigs ma'i mthus byas rnyed par dka' na yang /_/
sdom gsum gnang bkag gtsang ma'i sa gzhi la/_/thos dang snying rje
chen pos thugs rgyud brlan/_/sde snod sngags rgyud rgya mtsho'i cho ga
mkhas/_/spangs rtogs ye shes dri med 'bras bus phyug/_bsdu dngos
bzhi yi me tog rnam bkra bas/_/skal bzang slob ma'i bung ba sdud la
bsten/_/zhes gsungs/
khyad par gsang sngags rdo rje theg pa'i man ngag gi zab gnad ston
pa'i bla ma ni/_rgyud sde rin po che nas bshad pa'i smin byed dbang gi
chu bo zam ma chad pas rgyud smin pa/_dbang dus su khas blangs pa'i

dam tshig dang sdom pa'i gnas la 'gal ba med pa/_nyon mongs
dang rnam rtog chung bas rgyud zhi zhing dul ba/_gsang sngags rdo rje
theg pa'i gzhi lam 'bras bu'i rgyud don thams cad khong du chud pa/
yi dam lha'i zhal mthong ba la sogs bsnyen sgrub kyi rtags rdzogs
pa/_gnas lugs kyi don mngon du gyur nas rtogs pas bdag
rgyud grol ba/_thugs rgyud snying rjes gang bas gzhan don 'ba'
zhig gnyer ba/_'jig rten tshe 'di'i zhen pa spangs pas bya ba nyung
zhing /_phyi ma dang du len pas nan tan chos la sems pa/_'khor ba
sdug bsngal du mthong bas thugs skyo shas che zhing gzhan yang de la
bskul ba/_gang la gang 'dul gyi sgo nas slob ma rjes su 'dzin pa'i
thabs la mkhas pa/_bla ma'i bka' bzhin bsgrubs pas brgyud pa'i
byin rlabs dang ldan pa/_de lta bu zhig la bsten dgos te/_khyad par
man ngag ston pa'i bla ma ni/_/dbang thob dam tshig la gnas shin tu
zhi/_/gzhi lam 'bras bu'i rgyud don khong du chud/_/bsnyen sgrub rtags
rdzogs rtogs pas rang rgyud grol/_/snying rje tshad med gzhan don
'ba' zhig gnyer/_/bya ba nyung zhing nan tan chos la sems/_/skyo shas
cher ldan gzhan yang de la bskul/_/thabs la mkhas shing brgyud
pa'i byin rlabs ldan/_/de lta bu la bsten na dngos grub myur/_/zhes
so/_/
de las gzhan du spang bar bya ba'i bla ma'i mtshan nyid ni 'di lta

bu rnams yin te/_rang rgyud la thos bsam sgom pa'i yon tan cung
zad med kyang /_nga ni bla ma de dang de lta bu'i rgyal sras sam dbon
po sogs yin pa gzhan las lhag cing da dung nga'i brgyud pa rnams
kyang de ltar yin no snyam du bram ze ltar cho rigs kyis srung ba'am/
thos bsam sgom pa'i yon tan cung zad yod kyang de nyid phyi ma
don du gnyer ba'i kun slong rnam dag gis bsgrubs pa ma yin par/
rang nyid gang du bsti ba'i bla ma'i gdan sa sogs nyams kyis
dogs pas tshe 'di'i ched du byas pa rnams ni shing gi rang 'thag
lta bu zhes bya ste/_slob ma'i rgyud 'dul mi nus/_rang rgyud so skye phal
pa rnams dang khyad thon pa'i yon tan cung zad med kyang /_gzhan
blun pos dad pa byas pas ma brtags par go sa mthon por gyur
cing /_rnyed pa dang bkur stis rgyud sbos te rang rgyud nga rgyal gyis
khengs shing dam pa'i yon tan mi mthong ba khron pa'i sbal pa lta bu
zhes bya ste/
sngon khron pa zhig na sbal pa rgan po zhig rtag par sdod pa'i drung du
rgya mtsho chen po nas sbal pa zhig 'ong ba la/_khron pa'i sbal pa des
khyod gang nas 'ong byas/_nga rgya mtsho chen po nas 'ong zer/_khyod kyi rgya
mtsho de ci tsam yod dris pas rgya mtsho de shin tu che zer/_'o na nga'i
khron pa 'di'i bzhi cha tsam yod dam/_mi tshad do/_/'o na phyed tsam
mam mi tshad/_'o na khron pa 'di tsam yod dam/_mi tshad do zer bas/

de 'dra yod thabs med pas der blta dgos so zer nas gnyis ka
'grogs te phyin pas/_rgya mtsho mthong ba na khron pa'i sbal pa brgyal
nas mgo gas te shi skad/_mkhas pa'i bla ma bsten zhing mdo rgyud kyi
sbyang brtson med pas thos pa nyung ba/_rgyud nyon mongs rags shing
dran pa dang shes bzhin med pas sdom pa dang dam tshig 'chal ba/
rgyud tshod so skye las dma' yang grub pa'i mdzad spyod ltar byed pas
kun spyod gnam du gshegs pa/_khong khro dang zur za che bas byams
dang snying rje'i dpyangs thag chad pa/_de lta bu ni smyon pa'i lam
mkhan lta bu'i bshes gnyen zhes bya ste/_lam log par 'khrid/
khyad par rang las lhag pa'i yon tan cung zad kyang med cing /
byams dang snying rje byang chub kyi sems dang bral ba'i bla ma ni/_long
ba'i lam mkhan zhes spang blang gi mig phye mi shes pa yin te/_bram
ze bzhin du cho rigs srung ba'am/_/bsti gnas nyams par dogs
pa'i rdzing bu ru/_/thos bsam 'bras bu gnas min khrus la zhugs//
shing gi rang 'thag lta bu'i lam ston dang /_/so so'i skye bo'i rang
bzhin ma 'gal yang /_/blun po dad pas bab col gnas la sbyar/_/
rnyed dang bkur sti mchod pas khengs gyur pa'i/_/khron pa'i lag 'gro
lta bu'i bshes gnyen dang*/_/thos pa nyung zhing sdom dang dam tshig
'chal/_/rgyud tshod dma' la kun spyod sa blar gshegs/_/byams dang
snying rje'i dpyangs thag chad pa yi/_/smyon pa'i lam mkhan rnams

las sdig pa 'phel/_/khyad par rang las yon tan lhag bcas min//
byang chub sems bral grags pa'i mthus bsten na/_/long ba'i ded
dpon nor ba chen po ste/_/zol 'grogs mun pa'i smag tu 'khyams
par 'gyur/_/zhes gsungs/
de bas o rgyan chen pos kyang /_bla ma ma brtags dug 'thung 'dra//
slob ma ma brtags g.yang mchongs 'dra/_/zhes gsungs te/_bla ma
ni skye ba nas tshe rabs kyi blo gtad zhu zhing spang blang gi gnas
ston pa po yin pas/_legs par ma brtags par log pa'i bshes
gnyen dang 'phrad na dad pa can gyi tshe gcig gi dge ba'i tshogs
chud gzan zhing /_da res dal 'byor gyi lus rten rnyed pa chud zos
su 'gyur ba/_dper na shing ljon pa'i drung na sbrul gdug pa can
'khyil nas yod pa la/_shing gi grib ma'o snyam nas drung du phyin pas
sbrul gyis gsod pa dang 'dra ba yin te/_de phyir dam pa shin tu ma
brtags na/_/dad pa can gyi dge tshogs chud gzan zhing /_/dal ba
skabs shig rnyed pa sbrul gdug dang*/_/shing gi grib ma nor bzhin
bslu bar 'gyur/_/zhes gsungs/
des na legs par brtags shing ma nor bar dpyad nas sngar
bshad pa'i yon tan de dag tshang ba'i bla ma rnyed nas ni sangs
rgyas dngos kyi 'du shes dang ma bral bar bya dgos te/_de lta bu'i
yon tan kun rdzogs kyi bla ma ni/_phyogs bcu'i rgyal ba thams cad

kyi thugs rje ye shes kyi rang gzugs gdul bya sems can gyi don
du gang zag mi'i gzugs su byon pa tsam yin te/_mtha' dag yon
tan rdzogs pa'i bla ma ni//sangs rgyas kun gyi thugs rje ye shes
khams/_/gdul bya'i yul la skyes bu'i gzugs kyis byon/_/dngos
grub kun gyi rtsa ba bla na med/_/ces gsungs/
de lta bu'i bla ma dam pa ni/_gdul bya thabs kyis drang ba'i ched du
'phral gyi mdzad spyod sogs rang bzhin gyi mi kun dang mtshungs pa
ltar snang yang /_nges pa'i don du dgongs pa sangs rgyas su bzhugs
pas kun dang rnam gzhag 'gal/_mdzad spyod gang yang gdul bya'i
rgyud dang bstun pa'i dgongs pa can gyi mdzad spyod nyag gcig
yin pas kun las khyad par 'phags/_the tshom gyi dogs pa gcod
pa la mkhas shing /_slob ma'i log sgrub dang skyo ngal thams cad
bzod pas bu gcig pa'i ma lta bu yin te/_drang ba'i don du kun
dang phyogs mthun la/_/nges pa'i don du kun dang rnam gzhag
'gal//_dgongs pa can phyir kun las khyad par 'phags/_/the tshom
gcod mkhas log sgrub skyo ngal bzod/_/ces gsungs/
de lta bu'i yon tan kun ldan gyi bla ma ni/_'khor ba'i rgya mtsho chen
po las sgrol ba'i gru bo che lta bu/_thar pa dang thams cad mkhyen pa'i
lam ma nor bar ston pa'i ded dpon lta bu/_las dang nyon mongs
pa'i me dpung 'bar ba gsod pa'i bdud rtsi'i char pa lta bu/_ma

rig pa'i mun pa stug po sel zhing chos kyi snang ba byed pa nyi ma dang
zla ba lta bu/_log sgrub dang skyo ngal bzod cing lta spyod kyi shong yangs
che bas sa gzhi lta bu/_tshe 'dir phan pa dang phyi mar bde ba'i yon
tan thams cad kyi 'byung gnas yin pas dpag bsam gyi shing
lta bu/_theg pa dang grub mtha'i rnam grangs bsam gyis mi khyab pa'i
'dod dgu'i bang mdzod du gyur pa bum pa bzang po lta bu/_gang
la ci 'dod pa'i las bzhi'i phrin las rgya mtsho'i 'byung gnas su
bzhugs pa yid bzhin gyi nor bu lta bu/_mtha' yas pa'i sems
can kun la nye ring dang chags sdang med par snyoms pa byams
pa pha ma lta bu/_nam mkha'i mtha' dang mnyam pa'i sems can la
dmigs pas rgya che zhing /_sdug bsngal mgon med kyi sems can
la lhag par myur ba'i snying rje chu klung lta bu/_phrag dog gis 'pho
'gyur med cing bden 'dzin gyi rlung gis mi g.yo ba'i dga' ba
ri dbang lta bu/_chags sdang gis rgyud mi 'khrugs pa'i btang snyoms
char sprin lta bu yin te/
srid pa'i mtsho las sgrol ba'i gru bo che/_/lam mchog 'khrul par mi
'gyur ded dpon dngos/_/las nyon me tshogs 'joms pa'i bdud
rtsi'i char/_/ma rig mun pa sel ba'i nyi zlar mtshungs/_/theg pa shin
tu che bas sa gzhi 'dra/_/phan dang bde ba'i 'byung gnas dpag
bsam shing /_/chos kyi mdzod ldan bum pa bzang po ste/_/kun 'byung

yid bzhin nor bu las kyang lhag_/kun la snyoms par byams pas
pha ma yin/_/che zhing myur ba'i snying rje chu klung mtshungs/_/'pho 'gyur
med pa'i dga' ba ri dbang 'dra//'khrugs pa med pa'i btang
snyoms char sprin bzhin/_/zhes gsungs/
de lta bu'i bla ma ni thugs rje dang byin rlabs kyi ngos nas sangs
rgyas kun dang mnyam zhing /_bzang 'brel tshe gcig sangs rgyas
dang /_ngan 'brel 'khor ba mtha' can du 'gyur ba yin pas na/
de 'dra'i bla ma sangs rgyas kun dang mnyam/_/gnod pa byas kyang
bde ba'i lam 'brel na/_/zol med dad pas bsten pa'i skyes bu
la/_/mngon mtho nges legs yon tan char bzhin 'babs/_/zhes
gsungs so/_/
bar du bla ma bsten pa'i tshul yang /
sdong po bkod pa las/_rigs kyi bu khyod kyis bdag nyid la nad
pa'i 'du shes bskyed par bya'o/_/zhes sogs dpe don du ma'i sgo
nas gsungs pa ltar/_nad kyis gdung bas sman pa mkhas pa la
[) ]bsten pa dang /_'jigs bcas kyi lam du 'gro ba'i mgron pos
skyel ma dpa' bo bsten pa lta bu dang /_dgra jag dang gcan gzan
sogs kyi 'jigs pas nyen pa de las skyob pa'i ram zla bsten

pa lta bu dang /_rgya mtsho'i gling du 'gro ba'i tshong pa rnams kyis ded
dpon bsten pa lta bu dang /_chu yi pha rol tu 'gror 'dod pa'i grur
zhugs pa rnams kyis mnyan pa bsten pa ltar du/_skye shi dang nyon
mongs pa'i 'jigs pa las skyob pa'i bla ma dge ba'i bshes gnyen
la bsten dgos te/_nad pas sman pa mgron pos skyel ma dang*/_/
'jigs pas ram zla tshong pas ded dpon dang /_/gru pas mnyan pa
bzhin du skye shi dang /_/nyon mongs dgra yis 'jigs pas bsten
par bya/_/zhes gsungs/
srog la babs kyang bla ma dge ba'i bshes gnyen 'di'i thugs dang
'gal bar mi bya snyam du snying stobs kyi go cha che ba/_'phral rkyen
gyis snang ba mi 'gyur bas blo gros shin tu brtan pa/_lus srog yal
bar bor nas bla ma'i zhabs tog sgrub pa/_ci gsung gi bka' la
nyan nas rang nyid mi srung ba'i skyes bu de ni bla ma'i mos gus kho
nas grol bar 'gyur ba yin te/_go cha che la blo gros shin tu brtan//
lus dang srog la mi blta rim gro bgyid/_/ci gsung bkar dkri
bdag nyid mi srung ba'i/_/skyes bu de ni mos gus kho nas grol/_/zhes
so/_/
bla ma la sangs rgyas dngos su mthong ba'i dad pa che ba/_thabs la
mkhas pa'i mdzad spyod kyi dgongs gzhi shes shing dam pa'i chos
gang gsungs 'dzin par nus pa'i shes rab dang thos pa che ba/_sdug

bsngal ba dang mgon med pa la brtse ba'i snying rje che ba/bla mas
bka' stsal ba'i sdom pa dang dam tshig gi gnas la gus pa/lus
ngag yid gsum zhi zhing dul ba/_bla ma dang mched grogs kyi mdzad
spyod gang yang blor shong bas khong yangs pa/_ci yod bla ma'i phyogs
su gtong bas gtong phod che ba/_blo snang ma dag pa'i skyon rtog mi
mang bas dag snang dang ldan pa/_nyes spyod mi dge ba'i las byas
na dam pa'i thugs kyis khrel yong snyam du khrel yod dang ldan pa de
lta bu'i sgo nas bla ma bsten dgos te/_dad dang shes rab thos dang
snying rje che/_/sdom dang dam tshig la gus sgo gsum dul/_/khong yangs
gtong phod dag snang khrel yod ldan/_/zhes gsungs/
de bzhin du dus dang gnas skabs thams cad du bya ba dang spyod
pa thams cad bla ma'i thugs dang bstun nas sgrub cing /_thugs dang
'gal ba'i las mi 'byung bar bsrung ba la mkhas pa dang /_bka'
bkyon drag pos tshar bcad kyang khro ba dang 'khon 'dzin med pa rta
mchog lta bu/_bla ma'i mngag gzhug sogs kyi phyir du 'gro 'ong gi
gnas la skyo ba med pa gru lta bu/_las bzang po dang ngan pa ci dang
ci lta bu bka' stsal kyang mi theg pa med pa zam pa lta bu/_dka'
tshegs dang tsha grang thams cad bzod pa mgar ba'i bzo stegs lta
bu/_ci gsung gi bka' nyan pa bran khol lta bu/_nga rgyal spangs nas
dma' sa 'dzin pa phyags dar ba lta bu/_dregs pa spangs nas thams

cad la gus pa khyu mchog rwa chad pa lta bus bla ma bsten dgos par
mdo sdong po bkod pa la sogs pa'i mdo las gsungs pa yin te/
bla ma shin tu srung bas mdzangs pa dang*/_/bka' bkyon dag la mi
khro rta mchog bzhin/_/gru ltar 'gro 'ong gnas la skyo ba spang /_/zam pa
lta bur bzang ngan thams cad theg_/bzo stegs bzhin du tsha grang
gang yang bzod/_/bka' bzhin nyan pa bran khol lta bu dang /_/nga
rgyal spangs pa phyags dar lta bu dang*/_/dregs pa spangs pa khyu mchog
rwa chad ltar/_/bla ma bsten zhes sde snod dag las gsungs/_/zhes so/_/
zhabs tog rnam pa gsum gyi sgo nas mnyes par bya ba yang /_rab
sgrub pa'i mchod pa zhes bya ste/bla mas ci ltar bstan pa'i chos
thams cad dka' spyad dang snying rus kyi sgo nas nyams su len pa
yin/_'bring lus ngag gi zhabs tog yin te/_rang gi lus ngag yid
gsum bla ma'i bran du bkol nas zhabs phyi byed pa yin/_tha ma zang
zing gi 'bul ba rgyu zas longs spyod la sogs pa'i gtong phod kyi
sgo nas bla ma mnyes par byed pa ste/_'byor pa yod na dkon mchog
bzhi pa mchod/_/zhabs tog sri zhu lus ngag bkol ba'i las/_/mtha'
dag nam yang chud zos gyur pa med/_/mnyes pa gsum gyi nang na
sgrub pa mchog_/ces so/_/
bla ma'i mdzad spyod ma nges pa ji lta bu mdzad kyang thabs la mkhas
pa'i mdzad spyod du shes nas dag snang kho na bya dgos te/_sngon paN

chen nA ro pa de mkhas grub chen por gyur nas bzhugs skabs yi
dam gyi lhas khyod kyi tshe rabs kyi bla ma skyes mchog te lo pa yin
pas rgya gar shar phyogs su song zhig gsungs/_khong de ma thag tu
chas te shar phyogs su phyin kyang /_te lo pa gar bzhugs rtsad ma chod/
yul de'i mi rnams la dris pas rgyus med zer/_yul 'di na te lo
pa bya ba su yang yod dam byas pas/_mu to te lo pa/_sprang po te lo pa
bya ba yod zer/_grub pa'i mdzad spyod la nges pa med pas de yin
pa yang srid dgongs nas/_sprang po te lo pa de gang na yod dris pas/
pha ki gyang ral zhig na du ba 'ong ba 'di yin zer/_der phyin pas
te lo pas nya shi gson 'dres pa gzhong pa gang mdun du bzhag_nya
re blangs nas me la bsregs te zhal du gsol ba dang sbrags te se
gol re btang nas bzhugs 'dug_phyag btsal nas rjes su 'dzin
par zhus pas ci zer nga sprang po yin pa la gsungs/_nan gyis zhus
pas rjes su bzung ba yin/
de lta bu'i mdzad spyod kyang te lo pa ltog nas bza' rgyu ma rnyed par
nya gsod pa min kyang /_nya de blang dor gyi gnas la rmongs pa'i
sems can las ngan yin pa dang*/_khong la de 'dren pa'i nus pa
yod pas sha de 'brel bar gsol nas/_rnam shes dag pa'i zhing du
'phen pa yin/_de bzhin du sa ra ha pa mda' mkhan gyi tshul dang /
sha ba ri pa rngon pa'i tshul du yod pa sogs rgya gar 'phags pa'i

yul gyi grub pa'i dbang phyug phal che ba gdol pa la sogs shin tu
tha chad pa'i tshul du yod pa yin pas mdzad spyod gang la yang log
par mi blta zhing dag snang 'ba' zhig sbyang dgos te/_mdzad spyod
gang yang log par mi blta ste/_/'phags pa'i yul gyi dbang phyug
phal mo che/_/gdol pa g.yung po sdig spyod phal pa'i tshul/_/nyams pa
las kyang shin tu nyams par yod/_/ces gsungs/
de ltar ma yin par log par lta bas skyon la brtags na/_yun
ring 'grogs na sangs rgyas skyon yang mthong*/_/zhes pa ltar sangs
rgyas yin kyang skyon du mthong ba yin te/_sngon bcom ldan 'das
kyi mched ya dge slong legs pa'i skar ma zhes bya bas lo nyi shu rtsa
bzhir bcom ldan 'das kyi zhabs 'bring byas/_sde snod bcu gnyis
blo nas 'chad shes kyang thub pa'i mdzad pa thams cad g.yo sgyur
mthong /_'od 'dom gang yod med kyi khyad tsam ma gtogs nged
gnyis 'dra snyam du log rtog mi bzad pa skyes/_mi lo nyi shu rtsa bzhir
khyod g.yog byas/_/'od ni 'dom gang yod pa'i sku lus las/_/yon
tan til 'bru tsam zhig ngas ma mthong /_/chos ni nga mkhas mnyam
po'i g.yog mi byed/_/zer nas song /_der bcom ldan 'das kyi
nye gnas kun dga' bos byas nas legs pa'i skar ma gar skye
zhus pas/_legs pa'i skar ma da lta zhag bdun na tshe'i dus byas
te/_me tog ldum rar yi dwags shig tu skye gsungs/_kun dga'

bos legs skar gyi drung du phyin nas bcom ldan 'das kyis de
skad gsungs so byas pas/_legs skar gyis res 'ga' kho'i rdzun
de bden pa ltar 'ong ba yin pas zhag bdun du gzab par byas
la/_zhag bdun song ba dang kho la zhe khrel bda' dgos so snyam nas
zhag bdun du za ma ma zos par 'dug_zhag bdun 'gro ba'i nangs
mo kha skom pa las/_chu zhig 'thung pas chu ma 'ju bar tshe'i dus byas
nas me tog ldum ra na yi dwags gzugs mi sdug pa'i mtshan ma
dgus brgyan pa zhig tu skyes pa yin/_des na bla ma dam pa'i mdzad
spyod la skyon du mthong na rang gis rang la zhe khrel bda' zhing /_rang
re blo mig ma dag pa yin gyi/_khong gi mdzad pa la skyon nam nyes
pa'i cha cung zad kyang med do snyam du lhag par yang dad pa dang
dag snang byed dgos pa yin pas na/_rang gi nyer len dbang du
ma gyur bar/_/'khrul pa brtags pa'i nyes pa tshad med de/_/sde snod
bcu gnyis blo la chub pa yi/_/dge slong skar bzang sdig pa'i mthus
btab nas/_/ston pa'i mdzad pa g.yo sgyur mthong ba'i tshul/_/legs
par bsams nas rang gis rang nyid 'chos/_/zhes gsungs/
de bzhin du gal te bla ma dam pa de bdag la lhag par thugs
kyis sdang ba ltar snang na yang /_khro bar mi bya bar bdag gi skyon
'ga' zhig gzigs nas spyo ba ste bka' bkyon gyi sgo nas 'dul
ba'i dus la babs par gzigs nas 'dul ba yin snyam du bsam

zhing /_thugs zhi ba'i dus drung du bsnyen nas bshags sdom sogs
bya dgos par/_gal te bla ma sdang bar mngon gyur na/_/bdag skyon
gzigs nas spyo bas 'dul ba yi/_/dus la babs par rig nas
bshags sdom bya/_/cang shes skyes bu bdud kyi dbang mi 'gro/_/zhes
gsungs/
rgyun du rang nyid bla ma'i sku drung na gnas pa'i tshe yang /_bla ma
gdan las bzhengs pa'i tshe rang nyid kyang stan la mi 'dug par
'phral du ldang ba dang /_bzhugs pa'i dus su snyun sogs dri ba dang /
nyer spyad sogs 'di dgos par 'dug snyam pa skabs brtags
nas thugs dang 'thad pa dbul/_gshegs pa'i tshe zhabs 'bring du
'gro ba na yang /_sngon du song na bla ma la rgyab ston pa yin pas mi
'gro/_rjes nas song na zhabs rjes gnon pas mi 'gro/_g.yas nas
song na gral mgo gnon pas mi 'gro/_des na bla ma'i g.yon phyogs
nas cung zad rjes su 'brang ba lta bu'i gus pa dang bcas nas 'gro/
gal te 'jigs pa dang bcas pa'i lam lta bu yin na gnang ba
zhus te sngon du phyin yang 'gal ba med/_bla ma'i stan dang bzhon pa
sogs kyang /_bzhugs gdan brdzi ba dang /_chibs pa la zhon nas
'gro ba sogs mi bya/_khang pa'i sgo yang drag tu dbye ba dang shugs
kyis brdeg pa sogs mi bya bar dal bus 'byed gcod bya/_bla ma'i
drung du lus sgeg chos kyi rnam pa dang /_ngo 'dzum gnag ste 'dug

pa sogs spang /_ngag rdzun du smra ba dang ma brtags pa'i bab col ku
re dang rtsed mo sogs bzhad gad/_don med pa'i ngag kyal 'brel
med du smra ba sogs spang /_yid kyis gus pa dang 'jigs pa dang
bcas pas ci mi snyam pa'i blo spang bar bya ba sogs zhi ba'i spyod
lam la bslab dgos pa yang /_bla ma bzhengs tshe stan la 'dug pa
min/_/bzhugs pa'i dus na bsnyun 'dri nyer spyad dbul/_/gshegs
na zhabs 'bring sngon rjes g.yas nas min/_/stan dang bzhon pa
smad sogs bsod nams nyams/_/sgo 'phar brdeg dang sgeg chos ngo
'dzum gnag_/rdzun dang bab col bzhad gad 'brel med gtam/_/
spangs la sgo gsum nye bar zhi bas bsten/_/zhes gsungs/mi
gal te bla ma dmod pa dang sdang bar byed pa'i gang zag gzhan
yod na de dang rang nyid bshes par mi bya zhing /_gal te rang gi
nus pas ma dad pa dang smod pa sogs bzlog nus na de ltar bya/
nus na de dang bag phebs par byas nas gtam smra bar mi bya ste/_bla
ma dmod cing sdang ba'i gang zag dang /_bshes par mi bya nus pas
de bzlog cing /_/bag phebs smra na sdig pa'i gzhan dbang ni/_/lhag
par mthu che dam tshig skyon can byed/_/ces gsungs/
de bzhin du bla ma'i 'khor dang rdo rje spun sring rnams la yang /_yun
ring po ci tsam du 'grogs kyang skyo ba dang sun pa med par 'grogs
bde ba ska rags lta bu/_'phral gyi bya ba gang la yang che tshugs

bskyung ste 'jug par bde ba lan tshwa lta bu/_pha rol gyi ngan smras dang
'thab mo sogs byung ba'am/_mi theg pa'i khur bkal kyang bzod
bsran che ba ka ba lta bus 'grogs shing bsten dgos te/_'grogs
par bde ba ska rags lta bu dang /_'jug par bde ba lan tshwa lta bu
dang /_/bzod bsran che ba ka ba lta bu yis/_/bla ma'i 'khor dang rdo
rje'i spun la bsnyen/_/zhes so/_/
gsum pa tha ma dgongs spyod bslab pa ni/
de ltar bla ma bsten pa'i tshul thams cad nges par byas nas/_dper
na rdzing bu mchog la bsten pa'i ngang pa rnams kyis rdzing bu'i chu mi
rnyogs par dal gyis rtse zhing longs spyod pa dang /_bung ba me tog
gi tshal du rgyu ba'i tshe/_me tog gi kha dog dang dri la mi gnod par
me tog gi bcud myang nas 'gro ba dang 'dra bar/_skyo ba dang ngal ba
med par ci gsung bka' bzhin bsgrabs pas bla ma'i thugs bzung
ste/_dad pa dang snying rus kyi nyer len la brten nas/_bla ma dam
pa'i thugs rgyud na bzhugs pa'i thos bsam bsgoms pa'i yon tan
thams cad bum pa tshad ldan nas tshad ldan du byo ba bzhin du rang
rgyud la 'drong ngo shes par bya dgos te/_rdzing bu mchog la bsten
pa'i ngang pa dang /_/bung bas me tog bcud la ro myang bzhin/_/rtag

tu 'grogs pa'i spyod pa ngo mtshar can/_/skyo ngal med pas bla ma'i
thugs bzung nas/_/dad pas nye bar len pas yon tan myang /_/zhes
gsungs/
de bzhin du bla ma dam pa des byang chub sems dpa'i mdzad spyod
bsod nams dang ye shes kyi tshogs rlabs po che gsog pa'i dus
na/_rang gis kyang de dag gi khrod du zang zing gi longs spyod phra mo
re tsam mam/_lus ngag gi ngal ba byed pa 'am/_tha na yid kyis rjes
su yi rang dbul ba yan chad kyis don mthun par byas na dam pa
de'i thugs bskyed bla na med pa'i mthu las byung ba'i dge tshogs
ji snyed thob pa de tsam rang la yang thob pa/_sngon dbus gtsang
du 'gro ba'i mi gnyis kyi gcig la sran rtsam nyung ngu tsam las gro
bcas gzhan med pa la/_sran phye nyung ngu de cig shos la rtsam pa
zhib dkar mang po yod pa'i nang du bsres nas btang /_zhag shas
song tsa na rtsam pa mang po yod pa des cig shos la da khyod kyi rtsam
pa zad las che byas pas zad e yod lta'o zer nas bltas pas
da dung sran phye ma zad par 'dug_de bzhin lan grangs mang po'i
bar du bltas kyang sran phye ma zad par 'dug pas rtsam pa thams
cad mnyam za byed dgos pa byung ba yin/_dpe de bzhin du gzhan
gyi dge ba gang byed la rang gi zang zing ngam lus ngag gi sgo nas
cung zad tsam 'brel yang de'i dge ba mnyam du thob cing /_khyad

par bla ma dge ba'i bshes gnyen de'i ni 'phral gyi mngags gzhug
dang bang phyin tha na bzhugs khang la phyags dar byas pa tshun chad
kyang tshogs kyi lam ma nor ba yin pas ci nus su 'bad dgos
te/_'jug pa'i spyod la nges par zhugs pa yi/_/dam pa mchog gi
bsod nams ye shes tshogs/_/gang gi khrod du don mthun spyod pa
dang /_/mngags gzhug bang phyin phyags dar tshun chod kyang /_/ngal
ba 'bras bcas tshogs kyi lam mchog yin/_/zhes gsungs/
skyabs su 'gro ba dang tshogs bsags pa thams cad kyi zhing bla
na med pa yang bla ma las lhag pa med cing /_khyad par bla ma des
dbang bskur ba dang chos 'chad pa sogs kyi dus su ni/_dus
gsum phyogs bcu'i rgyal ba sras dang bcas pa thams cad kyi
thugs rje dang byin rlabs dam pa de la zhugs nas sangs rgyas
kun dang dbyer med du bzhugs pa yin pas/_dus gzhan du brgya
'bul stong 'bul mang po byed pa las kyang de dus zas kham gcig
tsam drangs pa bsod nams che ba yin/_bskyed rim gyis lha sgom
pa thams cad kyang rnam pa lha de dang der snang ba las ngo bo rang gi
rtsa ba'i bla ma las gzhan du med par shes na byin rlabs 'jug pa
myur zhing /_rdzogs rim gyi ye shes rgyud la skyes pa thams cad kyang
bla ma'i mos gus dang byin rlabs kho na'i mthu las/_thugs rgyud
rtogs pa'i ye shes rang rgyud la skyes pa yin pas na lam bskyed

rdzogs rim pa gnyis la sogs pa nyams len thams cad kyi bsgrub
bya'i ngo bo bla ma nyid du 'dus pas na/_mdo rgyud thams cad nas bla
ma sangs rgyas dngos su gsungs pa yin te/_ci phyir skyabs su 'gro
dang tshogs kyi zhing /_/bla ma sgrub pa'i rnal 'byor phyi nang gnyis/_/
bskyed rdzogs bsgrub bya'i ngo bo 'dir 'dus pas/_/mdo rgyud kun
nas sangs rgyas nyid du bstan/_/zhes so/_/
des na bla ma dam pa ni/_dgongs pa sangs rgyas kun dang dbyer
med par bzhugs kyang /_rang re ma dag pa'i gdul bya 'dren
pa'i ched du rnam pa gang zag mi'i gzugs su sprul nas dngos su
bzhugs pa'i dus 'dir/_ci gsung gi bka' bzhin bsgrubs nas
zhabs tog rnam pa gsum gyi sgo nas thugs yid dbyer med du gyur
pa zhig la 'bad dgos kyi/_de ltar ma yin par dngos su bzhugs
pa'i dus su rim gro dang bkur sti bka' bzhin sgrub pa sogs med
par/_zhal mi bzhugs pa'i skabs su gzugs brnyan 'dri zhing sgom
pa skad byed pa dang /_gnas lugs sgom pa skad zer nas zab zab
mo zhig gzhan du 'tshol zhing /_bla ma'i thugs rgyud kyi spangs rtogs
kyi yon tan rang rgyud la 'pho ba'i mos gus dang gsol 'debs
sogs mi byed pa de dag ni sgrub byed dang bsgrub bya 'gal ba zhes
bya zhing /_bar dor bla ma'i zhal mjal ba dang lam sna 'dren pa
sogs 'byung ba yang rang la mos gus tshad med pa yod pa dang /

bla ma'i thugs rje dang smon lam gyi stobs gong 'dzom pa las de
ltar snang ba tsam yin gyi/_dngos su bla ma der byon pa ni med pas
rang la mos gus med na bla ma ji tsam bzang yang bar dor lam sna
'dren pa mi 'byung ste/_rmongs pa phal cher gzugs brnyan 'dri zhing
bsgom/_/dngos su bzhugs la rim gro bgyi ba med/_/gnas lugs
bsgom zer bla ma'i thugs mi shes/_/sgrub dang bsgrub bya 'gal ba
nyon re mongs/_/mos gus med bzhin bar dor mjal ba mtshar/_/
ces gsungs/
dang po bla ma brtag pa la mkhas pa'i sgo nas brtag par bya ba
de yang dbang chos kyi 'brel ba ma zhus pa'i gong du legs par
brtags nas/_bla ma'i mtshan nyid tshang bar 'dug na bsten zhing /
ma tshang na mi bsten pa yin gyi/_bla ma bsten tshar nas ni ci mdzad
legs par mthong ba'i sgo nas yon tan 'ba' zhig la bsams
te dad pa dang dag snang sbyang dgos kyi/_skyon rtog sogs byas na
nyes pa bsam gyis mi khyab pa 'byung ba yin/_bla ma brtag par bya
ba de yang spyir mdo rgyud nas gang bshad pa'i yon tan tshang ba
zhig dgos pa yin kyang /_khyad par thugs rgyud byang chub kyi sems
dang ldan pa zhig ni nges par dgos pa yin pas/_mdor bsdu na
brtags pa gcig po byang chub kyi sems dang ldan mi ldan brtag
pa 'di la 'dus/_thugs rgyud byang chub kyi sems dang ldan pa zhig

yin phyin chad slob ma la yang 'di dang phyi mar gang phan pa de ltar
byed pas don du mi 'gyur ba mi 'ong zhing /_bla ma des bstan pa'i
chos kyang theg pa chen po'i lam dang 'brel bas cis kyang yang
dag pa'i lam du 'gro ba yin/_byang chub kyi sems dang mi ldan phyin
chad bla ma la rang 'dod kyi 'khris yod pas slob ma'i rgyud kyang
legs par mi thul zhing /_chos bstan pa yang ji tsam zab zab mo
dang /_mtshar ba ltar 'dug kyang mthar 'jig rten tshe 'di 'ba'
zhig gi ched du 'chor ba yin/_des na bla ma brtag pa'i gnad
thams cad 'dir 'du bas thugs rgyud byang chub sems kyis gang
ba zhig 'dug na cha lugs sogs ji ltar 'dug kyang bsten par
bya/_rgyud byang chub kyi sems dang bral ba ni/_'phral du nges 'byung
dang skyo shas sgrub tshugs dang kun spyod sogs ci tsam bzang ba ltar
snang yang bsten bya min no/_/'on kyang skyes bu dam pa rang rgyud sbas
tshul du bzhugs pa rnams kyi thun mongs ma yin pa'i yon tan rang
re so so'i skye bo rnams kyis ci tsam brtags kyang shes mi nus shing /
zog po g.yo sgyu can phal yang tshul 'chos kyi bslu thabs la mkhas
pas dam pa ltar snang ba yang yod pas/_rang nyid kyi tshe rabs nas
'brel ba'i bla ma de gtso che/_de yang bla ma de'i zhal mjal gsung
thos pa tsam mam/_tha na mtshan tsam thos pas kyang lus ba spu ldang
ba'i dad pa g.yo nus shing snang ba 'phral du sgyur nus pa de lta bu

ni rang gi tshe rabs kyi bla ma yin pas brtag mi dgos te/_sngon rje
btsun mi la la rong ston lha dgas/_khyed kyi tshe rabs kyi bla ma lho gro
bo lung gi dgon pa bya ba na/_skyes mchog sgra sgyur gyi rgyal po mar pa
lo tsA zhes bya ba bzhugs pa de yin pas der song gsungs pa'i tshe/
mar pa'i mtshan thos pa tsam gyis rje btsun la thun mongs ma yin
pa'i dad pa gting nas 'khrungs shing /_srog la babs kyang bla ma
de'i zhal mjal zhing thugs zin pa zhig byed dgos snyam du thugs
rgyud la skyes/_bla ma mjal du 'ong ba'i tshe yang /_mar pa zhing rmo ba
ltar byas nas rje btsun bsur phebs pa dang lam du mjal ba'i tshe/
bla ma yin pa ngo ma shes kyang tshe 'di'i snang ba tur tur po 'di dar
cig 'gags nas khrong nge lus 'dug gsungs/
spyir bla ma yang rang gi snang ba dag ma dag dang las dbang gis
sprod pa yin pas/_rang gi chos dang gdams ngag gi bka' drin
thob pa'i bla ma de ji ltar 'dug kyang sangs rgyas dngos kyi 'du shes
dang ma bral ba byed dgos/_rang la las 'phro med na bla ma bzang
po dang mjal ba'i skal ba med cing /_rang gi snang ba ma dag na
sangs rgyas dngos dang mjal yang yon tan can du mthong mi nus
pas/_rang gi sngon las kyi dbang gis gang dang mjal zhing bka'
drin thob pa'i bla ma de gtso che ba yin/_bar du bla ma bsten pa'i
dus su'ang tsha grang bkres skom sogs dka' ba thams cad khyad du

bsad de bla mas ci gsung gi bka' bzhin bsgrub/_dad gus kyis
gsol ba gdab/_'phral du rang gi bya spyod thams cad kyang bla ma la
zhus te/_dam pa des bka' ji ltar stsal ba ltar nyams su blang /_yid
khyed shes kyi dad pa'i sgo nas bsten dgos/_tha mar dgongs spyod
bslab pa zhes bya ba/_bla ma dam pa'i mdzad spyod thams cad legs
par brtags nas rang nyid kyis kyang de kho na bzhin du nyams su
blang /
'jig rten pa'i kha skad la yang /_bya ba thams cad lad mo yin/
lad mo'i nang nas gang mkhas yin zer ba ltar/_spyir chos byed pa
yang sngon gyi rgyal ba sras bcas kyi lad mo byed pa yin/_slob mas
bla ma bsten pa yang /_bla ma de'i rjes su slob pa yin pas bla ma'i
dgongs spyod ji ltar yin pa de rang rgyud la lon par byed dgos/
dper na slob mas bla ma bsten pa de/_sAts+tsha brkos phor nas phyung
ba lta bu zhig dgos pa yin te/_brkos phor la ri mo ji lta bu zhig
yod pa de thams cad sAts+tsha la dod nas yod pa ltar/_bla ma'i thugs
rgyud kyi yon tan ji tsam yod pa de dang 'dra ba'am/_min kyang de'i
phyogs mthun pa tsam nges par yod dgos/_des na dang po bla ma
brtags mkhas pa/_bar du bla ma bsten mkhas pa/_tha mar dgongs
spyod bslab pa la mkhas pa'i skyes bu de ni ci nas kyang yang dag
pa'i lam du 'gro ba yin te/_dang po bla ma brtags la mkhas pa dang //

bar du bla ma bsten la mkhas pa dang /_/tha mar dgongs spyod bslab
la mkhas pa yi/skyes bu de ni yang dag lam la 'gro//zhes so/
des na dge ba'i bshes gnyen dam pa yon tan thams cad dang
ldan pa rnyed nas/_de nyid bsten pa'i dus su lus dang srog la mi
lta bar byang chub sems dpa' rtag tu ngus byang chub sems dpa'
chos 'phags bsten pa dang /_paN chen nA ro pas skyes mchog te lo
pa bsten pa dang*/_rje btsun mi las lho brag mar pa bsten pa ltar
dgos te/
byang chub sems dpa' rtag tu ngus chos 'phags ji ltar bsten
na/_sngon byang chub sems dpa' rtag tu ngus shes rab kyi pha rol tu
phyin pa tshol zhing 'brog dgon pa zhig tu phyin pa na/_bar snang las/
rigs kyi bu shar phyogs su song zhig dang shes rab kyi pha rol tu
phyin pa thos par 'gyur gyi/_khyod kyi lus ngal ba dang gnyid rmugs
dang tsha grang dang nyin mtshan sogs yid la mi byed cing g.yas
dang g.yon du ma lta bar song zhig dang /_khyod kyis ring por mi
thogs par shes rab kyi pha rol tu phyin pa glegs bam du chud pa'am/
dge slong chos smra ba'i lus la yod pa thos par 'gyur te/_de'i tshe
rigs kyi bu khyod kyi gang las shes rab kyi pha rol tu phyin pa thos
pa de la ston pa'i 'du shes bskyed cing chos la gus par bya bas
phyi bzhin 'brang bar bya'o/_/de 'dod pa'i yon tan lnga po dag la

bsten pa mthong na yang byang chub sems dpa' rnams kyi thabs la
mkhas pa shes pas ma dad par mi bya'o/_/zhes pa la sogs pa thos
nas shar phyogs su song ba dang*/_ring por ma phyin par des bdag
gis sgra de la ci tsam 'gro dgos ma dris pas bdag shes rab kyi pha
rol tu phyin pa ston pa der 'gro mi shes so snyam nas/_de nyid du ngu
zhing cho nge 'debs te bdag ji srid shes rab kyi pha rol tu phyin pa
ma thob kyi bar du ngal dub dang bkres skom dang gnyid rmugs dang
nyin mtshan la sogs pa yid la mi byed par gnas par bya'o/_/snyam
nas de bu gcig pu shi ba'i ma bzhin du yid la byed pa gzhan
med par shes rab kyi pha rol tu phyin pa nam thos snyam du gdung
zhing 'dug pa na/_de bzhin gshegs pa'i gzugs shig mdun du
bzhugs nas chos tshol ba'i bsngags pa brjod cing /_'di nas
dpag tshad lnga brgya na spos ngad ldan pa zhes bya ba'i grong khyer rin
po che sna bdun gyi rang bzhin skyed mo'i tshal lnga brgyas bskor ba
yon tan thams cad phun sum tshogs pa/_de'i dbus kyi bzhi mdo
na byang chub sems dpa' chos 'phags kyi khang pa rin po che sna
bdun las byas pa khor yug dpag tshad kyi tshad tsam pa/_skyed tshal
la sogs pa'i longs spyod phun sum tshogs pa na/_byang chub sems
dpa' sems dpa' chen po chos 'phags 'khor dang bcas pa bud
med drug khri brgyad stong dang lhan cig 'dod pa'i yon tan lnga dang

ldan zhing dbang du gyur te rtse dga' zhing dga' mgur spyod de/_de
na gnas pa'i skye bo'i tshogs la dus gsum du shes rab kyi pha rol
tu phyin pa ston pa yod kyi/_de'i drung du song zhig dang de las shes
rab kyi pha rol tu phyin pa thos par 'gyur ro/_/zhes gsungs pa thos
nas de yid la byed pa gzhan med par gnas pa nas phyogs de
nyid du byang chub sems dpa' chos 'phags shes rab kyi pha rol
tu phyin pa ston pa yang thos/[ · ]ting nge 'dzin gyi sgo du ma yang mngon
du gyur/_phyogs bcu'i 'jig rten gyi khams nas sangs rgyas grangs
med pa shes rab kyi pha rol tu phyin pa ston pa yang mthong /_de
dag gi chos bstan nas byang chub sems dpa' chos 'phags kyi
bsngags pa brjod de mi snang bar song ngo /_/
de nas byang chub sems dpa' rtag tu ngus byang chub sems dpa'
chos 'phags la dga' ba dang dad pa dang gus pa skyes te bdag
ji lta bu'i tshul gyis byang chub sems dpa' chos 'phags kyi drung
du 'gro bar bya/_bdag ni dbul te byang chub sems dpa' chos
'phags la bkur sti bya ba'i gos sam/_rin po che'am/_dri dang /
phreng ba la sogs pa dge ba'i bshes gnyen la bsnyen bkur bya
ba'i yo byad ci yang med kyi/_bdag gi lus btsong la de'i rin gyis
byang chub sems dpa' chos 'phags la bkur sti bya'o/_/'khor ba
thog ma med pa nas bdag gi lus dpag tu med pa btsongs shing

'dod pa'i rgyus dmyal ba'i gnas su lus grangs med pa gshags
shing gtubs te chud zos kyang 'di lta bu'i chos kyi ched kyang ma
yin la/_'di lta bu'i skyes bu dam pa la bkur sti bya ba'i ched kyang
ma yin no snyam nas tshong 'dus kyi dbus su song ste mi su 'dod/_mi
nyo bar 'dod pa su yod ces sgra bsgrags shing bos kyang bdud sdig
can byang chub sems dpa' rtag tu ngus chos phyir dka' ba spyod pa
la phrag dog pas sus kyang mi thos par byas so/_/
de nas byang chub sems dpa' rtag tu ngus bdag nyid nyo ba ma rnyed
nas phyogs gcig tu song nas ngu zhing mchi ma phyungs te 'dug pa
na/_lha'i dbang po brgya byin gyis rtag tu ngu'i bsam pa brtag par
'dod nas/_bram ze'i khye'u'i gzugs su sprul te 'ongs nas/_nga la
mi ni mi dgos mod kyang nga mchod sbyin zhig byed pa la/_mi sha dang
mi tshil dang /_mi'i rkang rnams dgos pas khyod kyis btsong na rin
sbyin no smras pas/_rtag tu ngu dga' ste mtshon rnon po thogs nas
lag pa g.yas pa phug ste khrag gzag_brla g.yas pa sha med par
btogs nas rus pa gcog tu rtsig pa'i drung du song ba na/_tshong
dpon gyi bu mo zhig khang pa'i yang thog nas 'dug pa des mthong
nas drung du 'ongs te/_rigs kyi bu khyod kyi bdag nyid la 'di lta
bu'i na tsha ci'i phyir gtong ba yin zer/_der byang chub sems dpa'
chos 'phags la mchod pa'i phyir lus btsongs pa'i lo rgyus smras

pas/_de la de tsam du bkur sti byas pas yon tan ci zhig 'thob pa
yin zer/_des byang chub sems dpa' rnams kyi thabs la mkhas pa
dang shes rab kyi pha rol tu phyin pa ston par 'gyur zhing /_de la
bslab na rnam pa thams cad mkhyen pa thob nas sangs rgyas kyi yon
tan mang po dang ldan zhing sems can thams cad la chos rin po
che'i bgo bsha' byed pa yin no byas pas/_yon tan de lta bu dag
las yon tan sna re re'i ched du gang gA'i bye ma snyed kyi lus btang
yang chog par 'dug_'on kyang khyod bdag nyid la 'di lta bu'i na tsha
ma byed cig dang /_khyod kyis byang chub sems dpa' chos 'phags
la mchod pa dbul ba'i yo byad gang dgos pa kho mos khyod la sbyin
zhing /_bdag kyang khyod dang 'grogs nas byang chub sems dpa'
chos 'phags kyi drung du 'gro zhing /_yon tan de dag thob par bya
ba'i phyir dge ba'i rtsa ba bskyed par bya'o/_/zhes zer ro/_/
de nas lha'i dbang po brgya byin gyis rang gi gzugs bstan nas
rtag tu ngu la/_nga ni lha'i dbang po brgya byin yin te khyod kyi bsam
pa brtag pa'i ched du 'ong ba yin pas/_khyod ci 'dod pa sbyin gyis
slong zhig zer ba la/_bdag la sangs rgyas kyi yon tan bla na med
pa dag stsol cig byas pas/_de bdag gi yul ma yin pas sbyin mi
nus zer/_'o na bdag gi lus yongs su rdzogs par byed pa la ni
khyod kyis brtson mi dgos te/_bdag gis bden pa'i byin rlabs

bya'o zer nas/_bden pa gang gis bdag sangs rgyas rnams kyis
phyir mi ldog par lung bstan cing bdag gi lhag pa'i bsam pa
g.yo med pa'i bden pa dang bden pa'i tshig des bdag gi lus
sngon ji lta bar gyur cig_ces byas pa dang lus snga ma kho na ltar gyur/
brgya byin kyang mi snang bar gyur to/_/
de nas rtag tu ngu tshong dpon gyi bu mo dang 'grogs nas bu mo pha
ma'i khyim du song ste lo rgyus bshad nas/_mchod pa'i yo byad du ma
bslangs te tshong dpon gyi bu mo khol mo lnga brgya dang bcas pa shing rta
la zhon/_bu mo pha ma la sogs 'khor du ma dang bcas te shar phyogs
su song nas grong khyer spos ngad ldan pa na byang chub sems dpa'
chos 'phags 'khor brgya stong du ma la chos ston pa mthong ngo /_/
de mthong bas byang chub sems dpa' rtag tu ngu la dge slong bsam
gtan la gnas pa'i bde ba lta bu thob cing /_'khor bu mo lnga brgya
dang bcas te shing rta las babs nas byang chub sems dpa' chos
'phags kyi drung du song ngo /_/de'i tshe gnas de na byang chub sems
dpa' chos 'phags kyis shes rab kyi pha rol tu phyin pa'i khang pa
ni rin po che sna bdun las byas shing tsan+dan dmar pos brgyan pa/
mu tig gi drwa bas g.yogs pa phyogs bzhir yid bzhin gyi nor bu
rin po che bzhi bzhag pa'i sgron me dang dngul gyi pog phor bzhi
nas a ga ru nag po'i bdug pa 'ba' zhig 'bul ba/_de'i dbus

su rin po che'i sgrom bzhi'i nang na shes rab kyi pha rol tu phyin pa
gser gyi glegs bam la bai DUr zhun mas bris pa la lha dang mi
thams cad kyis mchod pa dbul zhing 'dug pa la rgyu mtshan dris
nas/_rtag tu ngu dang bu mo dpon g.yog lnga brgyas legs par
mchod de/_byang chub sems dpa' chos 'phags 'khor rnams la
chos ston pa'i drung du song ngo /_/
der song nas rtag tu ngu 'khor bu mo lnga brgya dang bcas pas mchod
pa'i yo byad de dag gis byang chub sems dpa' tshos 'phags la
mchod nas tshong dpon gyi bu mo 'khor dang bcas pas byang chub
mchog tu sems bskyed/_rtag tu ngus sngar mjal ba'i sangs rgyas
rnams gang nas byon pa dang gang du bzhud pa dris pas/_byang chub
sems dpa' chos 'phags kyis sangs rgyas rnams byon pa dang
bzhud pa med pa'i le'u gsungs nas gdan las bzhengs te khyim
du byon lo bdun gyi bar du ting nge 'dzin gcig la snyoms par
zhugs nas bzhugs pa la/_de'i bar du byang chub sems dpa' rtag
tu ngu 'khor bu mo lnga brgya dang bcas pa nyal ba dang 'dug pa'i spyod
lam spangs nas 'greng ba dang 'chag pa'i spyod lam gnyis kyis
dus 'da' zhing /_nam byang chub sems dpa' chos 'phags ting nge
'dzin de las bzhengs te chos ston par 'gyur snyam du de kho na la
sems shing 'khod do/_/de ltar lo bdun po de zad du nye ba na da ste

zhag bdun na byang chub sems dpa' chos 'phags ting nge 'dzin
las bzhengs nas chos ston par 'gyur ro zhes pa rtag tu ngus lha
rnams las thos nas/_'khor bu mo lnga brgya dang bcas pas gang du
byang chub sems dpa' chos 'phags chos ston par 'gyur ba'i sa
phyogs de dpag tshad gcig tshun chad phyags dar byas nas rdul mi
ldang ba'i ched du chag chag gdab par rtsom pa na bdud sdig can
gyis chu thams cad mi snang bar byas pas/_/byang chub sems dpa'
rtag tu ngus rang gi lus kyi rtsa thams cad phug nas khrag gis chag
chag btab pas tshong dpon gyi bu mo 'khor lnga brgya dang bcas
pas kyang rang rang gi lus kyi rtsa thams cad phug ste khrag gis
chag chag btab pa na lha'i dbang po brgya byin gyis khrag de thams
cad lha yul gyi tsan dan dmar por byin gyis brlabs/_rtag tu ngu
'khor dang bcas pas der seng+ge'i khri bkod pa phun sum tshogs
pa bshams pa la byang chub sems dpa' chos 'phags byon nas
bzhugs te/_shes rab kyi pha rol tu phyin pa bstan pas byang chub
sems dpa' rtag tu ngus ting nge 'dzin gyi sgo brgya stong phrag drug
cu thob/_sangs rgyas grangs med pa'i zhal mthong /_de nas bzung ste
rmi lam na yang sangs rgyas mthong ba dang ma bral zhing /_da lta yang
rdzogs pa'i sangs rgyas sgra dbyangs mi zad pa sgrogs pa'i drung na
bzhugs par gsungs pa yin no/_/

de bzhin du nA ro paN chen gyis te lo pa bsten pa'i dus su yang
dka' ba dpag tu med pa spyad pa yin te/_sngar bshad pa ltar nA
ros te lo pa sprang po'i tshul gyis bzhugs pa'i drung du mjal nas
rjes su 'dzin par zhus pas 'ong gsungs nas/_khong rang gar
'byon pa'i phyi bzhin du khrid chos ni ma gsungs/_nyin gcig
mkhar thog brtsegs dgu yod pa zhig gi rtse mor khrid nas bla ma'i
bka' bsgrub phyir mkhar 'di'i rtse nas mchongs nus pa yod dam
gsungs pas/_'di na mi gzhan ni su mi 'dug_nga rang la gsung ba
yin snyam/_mkhar gyi rtse nas mchongs pas lus thams cad brdab ste
na tsha dang sdug bsngal dpag tu med pa byung /_bla ma byon nas na'am
gsungs pa la/_na bas ma tshad ro bzhin thal zhus pas byin rlabs
mdzad nas lus sngar bzhin sos te yang khrid nas song /
nA ro pa me thong zhig gsungs/_me bus tsa na khong gi snyug gshags
ring po mang po la snum gyis byugs me la bsros nas ngar btags
te/_bla ma'i bka' bsgrub phyir 'di lta bu'i dka' ba yang spyad dgos
pa yin gsungs nas/_smyug ma gshags pa rnams rkang lag gi sen
bar nas drangs bas lus kyi lhu tshigs thams cad brgyang na tsha dang
sdug bsngal bzod blag med pa zhig byas nas bla ma ga shed byon
song /_zhag shas song 'phral bla ma byon nas smyug ma rnams blangs
pa'i shul nas khrag dang chu ser la sogs pa mang po byung /_yang

byin rlabs mdzad nas khrid de byon/_nyin gcig nA ro pa nga ltog gi
'dug_za ma zhig slong la shog gsungs/_zhing las byed pa'i mi mang
pos za ma za sar phyin nas bslangs pas thug pa bskol ba thod phor
gang byin/_phyir 'ong nas bla ma la drangs pas zhim zhim ltar gsol/
shin tu thugs dgyes pa'i tshul ston pas/_nA ro pa'i thugs dgongs
la ngas sngar bla ma'i zhabs phyi de tsam bsgrubs kyang da res 'dra ba'i
thugs mnyes po ma byung /_da dung slong du phyin na cung zad rnyed dam
snyam nas yang thod phor khyer te phyin pas/_khong rnams las byed pa
la song /_sngar gyi 'thung lhag de gar bzhag 'dug pa la/_da 'di kar
brkus pa drag snyam nas khyer te bros pas khong rnams kyis mthong /
rjes ded nas bzung ste 'chi la thug par brdung /_na tsha dpag tu
med pa byung ste de nas ldang ma nus par zhag mang por lus/_yang bla
ma byon nas byin rlabs mdzad de khrid nas song /
nyin gcig nA ro pa nga la nor rdzas mang po dgos pa yod pas rkus
la shog gsung /_phyug po zhig la rkur phyin pas tshor nas bzung
ste yang shi la thug par brdung /_zhag shas nas bla ma byon te na'am
gsungs pa la sngar ltar zhus/_byin rlabs mdzad nas yang khrid de
byon pa sogs de lta bu'i dka' chen bcu gnyis/_dka' phran bcu
gnyis dang dka' ba mi 'dra nyi shu rtsa bzhi sku lus gcig gi steng du
spyad pa yin/_de ltar dka' spyad thams cad rdzogs nas nyin gcig

nA ro pa khyod song la chu longs shog dang ngas me btang nas 'dug
gis gsungs/_nA ro pa chu blangs nas byon tshe khong gis me bus
nas 'dug pa bzhengs byon te phyag g.yon pas nA ro'i thong rtsa nas
bzung nA ro pa thod pa ston gsungs te/_phyag g.yas pas mchil
lham phud pa blangs nas dpral bar brgyabs pas nA ro pa nag
thum gyis brgyal song /_brgyal sangs pa dang bla ma'i thugs rgyud kyi
yon tan thams cad nA ro pa'i rgyud la skyes nas dpon slob gnyis
dgongs pa dbyer med du gyur nas 'dug
de ltar paN chen nA ro pas dka' ba nyi shu rtsa bzhi spyad pa de dag
kyang don du bla ma'i bka' lung yin pas sgrib pa sbyong ba'i thabs
su gyur pa las/_rnam pa rang bzhin don med pa'i ngal ba kho na
las 'di chos su 'dug snyam pa gcig kyang mi 'dug cing bla mas
kyang chos tshig gcig kyang ma gsungs/_slob mas kyang phyag rdog
gcig btsal ba lta bu'i chos la nyams len ma byas kyang grub thob
kyi bla ma dang mjal nas/_dka' ba khyad du bsad de ci gsung gi
bka' bzhin bsgrubs pas sgrib pa dag stobs kyis rtogs pa rgyud
la skyes pa yin/_des na bla ma'i bka' bzhin sgrub pa las lhag pa'i
chos kyi nyams len bya ba logs na ci yang med par bla ma'i bka'
bsgrubs pa de tsam du phan yon che zhing /_de bzhin du bla ma'i bka'
zur tsam bcag kyang nyes pa lhag par lci ba yin te/_yang skabs

shig te lo pas nA ro pa la khyod kyis bi kra ma shI la'i sgo srung gi paN+Di
ta'i khur de ma len cig gsungs/_phyis su khong yul dbus su byon
skabs/_bi kra ma shI la'i sgo srung gi paN+Di ta 'das pa dang thug_thams
cad kyis mu stegs pa dang rtsod nus pa gzhan mi 'dug pas/_byang
sgo srung ba'i paN+Di ta mdzad dgos zer nas nan gyis zhus te byang
sgo srung ba mdzad pas mu stegs pa zhig rtsod du byung ba la zhag mang
por brtsad kyang mu stegs pa ma thub/_bla ma la gsol ba btab pas
nyin gcig te lo pa spyan hu re drung du byon byung /_thugs rje re chung
de bas snga bar mi 'byon pa zhus pas/_ngas khyod la sgo srung gi paN+Di
ta ma byed ma smras sam/_da khyod kyis nga rang spyi bor bsgoms la
sdigs mdzub mu stegs pa la ston la rtsod cig gsungs/_de bzhin
byas pas nA ro pa rgyal te mu stegs kyi rtsod pa thams cad tshar
bcad pa yin no/_/
de bzhin du rje btsun mi la ras pas lho brag mar pa bsten pa'i
tshul ni/_de yang yul mnga' ris gung thang du mi la shes rab rgyal
mtshan zhes bya ba'i phyug po zhig la sras lcam sring gnyis yod pa'i
ming po de mi la thos pa dga' bya ba rje btsun mi la yin/_khong lcam
sring gnyis chung ngu'i dus yab 'das pas/_nor rdzas sogs gang
yod thams cad khu bo g.yu drung rgyal mtshan zhes bya bas 'phrog_khong
yum sras gsum zas nor ci yang med pas 'o brgyal mang po myong

nas gtsang gi g.yung ston khro rgyal dang*/_lha rje gnubs chung las
mthu dang ser ba bslabs te/_khu bo'i bu dang mna' ma la sogs mi
mgo sum cu so lnga thibs 'og tu bsad/_yul mi spyis sdang po byas
pas ser ba gyang rim gsum yod pa zhig phab/_de dag gi sdig pa
la 'gyod nas chos bsgrub pa'i thugs blo skyes te bla ma g.yung ston
gyi bka' bzhin rong ston lha dga' zhes bya ba rdzogs chen pa zhig
bzhugs pa'i drung du phyin nas chos zhus pas/
nga'i dam chos rdzogs pa chen po 'di rtsa ba byung rgyal/_rtse mo thob rgyal/
'bras bu yog rgyal/_nyin bsgoms na nyin 'tshang rgya/nub bsgoms na
nub 'tshang rgya/_skal ldan las 'phro can bsgom mi dgos par thos
pas grol ba dbang po yang rab kyi chos skal yin pas ster gsungs/
dbang dang gdams ngag gnang bas/_khong gi thugs dgongs la/
ngas dang po mthu byas pas zhag bcu bzhi la rtags chen po thon/
ser ba la zhag bdun gyis chog pa byung /_da mthu dang ser ba las
kyang sla ba'i chos nyin bsgoms na nyin 'tshang rgya/_nub bsgoms na
nub 'tshang rgya/_skal ldan las 'phro can la sgom mi dgos pa 'di
'dra dang 'phrad lugs kyis nga yang las 'phro can cig yin par
'dug snyam ma bsgoms par nyal bsdad pas chos dang gang zag tha
dad du song nas/_zhag 'ga' song ba'i tshe/_bla ma'i zhal nas khyod
sdig po che yin zer ba bden par 'dug_ngas chos kyi kha pho de yang

cung zad ches pas/_da ngas khyod mi 'drong bar 'dug_da khyod rang
lho brag gro bo lung zhes bya ba'i dgon pa na/_rgya gar gyi grub thob nA
ro pa'i dngos slob/_skyes mchog sgra sgyur gyi rgyal po mar pa lo tsA zhes
bya ba sngags gsar ma'i grub thob/_sa gsum na 'gran zla dang bral
ba zhig bzhugs/_de dang khyod rang tshe snga ma nas las 'brel 'dug
pas der song zhig gsungs/
der sgra sgyur mar pa'i mtshan thos pa tsam gyis sems la smra mi shes
pa'i dga' ba dang /_lus la ba spu kun g.yo ba'i bde ba dang /_mchi
ma 'khrugs pa'i mos gus tshad med pa zhig 'khrungs te/_bla ma dang
mjal te zhal mthong ba zhig nam 'ong na bsam zhing phyin pas/
bla ma yab yum la gzim lam khyad par can mang po byung nas rje
btsun 'byon par dgongs nas mar pa yang phru slog pa'i zol gyis
lung mda'i lam ka zhig tu bsu ba la phebs nas bzhugs/
der khong dang po sras dar ma mdo sde phyugs 'tsho ba dang mjal
nas byon pas lam khar bla ma mar pa phru slog pa dang mjal/_zhal
mthong ma thag smrar med pa'i dga' bde bsam gyis mi khyab pa'i
ngang la/_tshe 'di'i snang ba 'gags nas dar cig lus/_der bla
ma yin pa ni ma shes/_mar pa'i drung mjal du 'ong ba'i rgyu mtshan
rnams zhus pas/_ngas khyod rang mar pa dang sprad kyis khyod rang nga'i
phru 'di slog gsungs chang bum pa gang gnang nas byon song /_der

chang lhag mo ma lus par gsol/_phru rdzogs par slog pa'i tshe bla ma'i
drung nas sras 'bod du byung ba dang 'grogs nas phyin bla ma dang
mjal zhabs spyi bor blangs te bla ma lags/_bdag nyi ma la stod kyi
mi sdig po che gcig lags pas/_lus ngag yid gsum yang 'bul/
lto gos chos gsum yang bla ma la zhu/_tshe 'dir 'tshang rgya ba cig zhu
zhus pas/
sdig po che yin pa'i yus nga la mi 'gro/_ngas ched du sdig gsog tu
btang ba ni min/_khyod kyis sdig pa ci byas gsungs/_rgyu mtshan rgyas
par zhus pas/_'dug gang ltar yang lus ngag yid gsum 'bul
ba de bzang /_lto gos chos gsum kun mi 'ong /_yang na lto gos ster/
chos gzhan nas tshol/_/yang na chos ster lto gos gzhan nas tshol/
de gnyis 'doms/_ngas chos ster ba 'dom na tshe gcig la 'tshang
rgya mi rgya khyod rang gi snying rus la rags las gsungs/_'o na bla
ma'i drung du chos la gtad nas 'ongs pa lags pas lto gos gzhan
las tshol bar zhus/_zhag shas der bsdad/_lho brag phu mda' kun
la bsod snyoms byas pas nas khal nyer gcig rnyed pas bcu bzhi
la zangs ru bzhi ma gcig nyos/_drug sgye nang du blugs nas zangs
dang bcas bla ma'i drung du 'bul du phyin nas nas do sar bzhag
pas gzim khang mer ba zhig byung bas/_bla ma bzhengs te/_ban chung
shed po che zhig 'dug ste khyod kyis nged rnams gtibs 'og tu lag

mthus gsod snyam pa yin nam/_nas do phyir thon gsungs/_zhabs
thos phul nas nas do phyir 'don dgos byung*/_phyis zangs de stong
par phul/_skabs shig bla ma'i zhal nas/_nga la dbus gtsang nas
slob ma dad pa can mang po 'ong ba yod pa yar 'brog stag lung
pa dang /_gling pa'i mis brdungs nas rgyags chu dang 'bul ba mgo
thon du ma bcug pas de gnyis su ser ba re phob shog dang de yang
chos yin zhing /_gdams ngag kyang ster gsungs/_de gnyis su ser
ba chen po phab gdams ngag zhus pas/
khyod kyis ser ba rdog po gsum phab pa la ngas rgya gar nas dka'
ba spyad pa'i chos i yong ngam/_cis kyang chos dgos na lho brag la
kha ba 'dis nga'i gnyal lo ro nas 'ong ba'i bu slob rnams brdungs/
nga la'ang brnyas pa chen po rang byas pas der mthu thong dang /_mthu'i
rtags thon pa byung na paN chen nA ro'i tshe gcig lus gcig la
'tshang rgya ba'i gdams ngag ster gsungs/_der yang mthu'i rtags
thon pa byas te chos zhus pas/_he he khyod kyis sdig bsags pa'i
brngan par ngas lus srog la ma bltas par zhus pa'i gdams ngag
mkha' 'gro'i kha rlangs thu le ba rnams dgos zer ba ku re yin
rung cung drags pas dgod bro/_nga min gzhan zhig yin na gsod
du'ang 'ong /_da khyod rang gis yar 'brog pa rnams kyi lo skyin chug
la kha ba rnams kyi mi kun gsos shog cig_de byung na gdams ngag

ster/_de min nga'i phyogs la ma 'khor gsungs/_bka' bkyon mdzad/
der yi chad drags mang po ngus/_nangs par bla ma rang phebs nas/
mdangs ngas khyod la mang po rang 'thab 'dug_mi dga' ba ma byed
ga le byas gdams ngag ster bas ngang ma thung /_khyod las rem po
rang zhig 'dug pas nga dar ma mdo sde 'bog pa'i mkhar cig rtsig
rogs gyis/_de tshar nas gdams ngag kyang ster la/_lto gos kyang
nga rang gis sbyor gsungs/_de bar bdag chos med du shi na ci ltar
byed lags zhus pas/
de bar mi 'chi ba'i khag kyang nga rang gis theg cing kha pho che ba'i
chos med de/_khyod rang snying rus che rab cig 'dug pas nga'i
gdams ngag bsgom nus na tshe 'dir 'tshang e rgya yang blta ba
yin sogs zhal ta bzang po gnang nas/_rim bzhin shar gyi ri sna
zhig tu mkhar zlum po/_nub tu zla gam/_byang du gru gsum ste mkhar
gsum brtsigs su bcug nas thams cad phyed tsam re longs
skabs bka' bkyon dang bcas bshigs nas sa sa mal dang /
rdo rdo mal du bskyel bcug pas rgyab chad nas sgal pa zhig byung /
der bla ma la gzigs phul rung bkyon pa las mi yong /_yum la
gzigs phul rung las yus su 'gro bar 'dug snyam nas gzigs
ma phul bar ngus nas chos zhu grogs su sbran nas/_yum gyis kyang
chos gnang bar zhus pas/_za ma bzang po zhig gyis la nga'i rtsar

khrid shog gsungs/_skyabs 'gro'i lung dang sdom pa gnang nas/_de
kun thun mongs kyi chos bya ba yin/_thun mongs ma yin pa gsang
sngags kyi gdams ngag dgos na 'di 'dra byed dgos gsungs/_nA
ro'i rnam thar dka' ba spyad tshul rnams mdor bsdus shig gnang
nas/_khyod kyis 'ong ba dka' mo yin gsungs pas mchi ma 'chor
ba'i dad pa drag po skyes/_bla mas ci gsung sgrub pa'i yi dam drag
po bcas/_de nas zhag 'ga' song tshe zhabs 'chag pa'i phyag phyir
khrid nas/_shar lhor phyin nas sa 'gags shig tu khyod kyis mkhar
gru bzhi skya bo dgu thog gany+dzi ra dang bcu thog yod pa zhig brtsigs/
de bshigs kyang mi bshig_grub pa dang gdams ngag sbyin sgrub pa la
bzhag nas sgrub rgyags sbyor gyis gsungs/
de bzhin du mkhar gyi rming bting nas rtsig skabs bla ma'i thugs
sras bu chen gsum gyis sku rtsed la rdo chen po zhig bsgril byung ba
yang rmang du bcug nas thog so gnyis tsam 'byongs pa na bla ma
byon te gzigs nas sngar gyi rdo de la 'di gang nas byung gsungs/
rgyu mtshan zhus pas/_nga'i bu slob rim gnyis kyi rnal 'byor sgom
pa rnams kyis khyod kyi g.yog mi 'ong /_rdo 'di thon la rang gnas
su skyol gsungs/_yang mkhar rtse nas bshigs te rdo blangs nas
rang gnas su bskyal/_yang khyod rang gis longs la zhog gsungs/
blangs nas sngar ltar bzhag ste brtsigs pas mkhar bdun thog

longs pa'i tshe rked pa la sgal ba zhig byung /_da khyod kyis mkhar gyi
rtsig 'phro zhog la khyams kyi rnam pa'i zhol ka ba bcu gnyis gtsang
khang dang bcas pa zhig rtsigs gsungs brtsigs pas khyams longs
pa'i tshe yang tshang ra la sgal ba zhig byung*/_de dag gi skabs su
gtsang rong gi mes ston tshon po bde mchog gi dbang zhu ba dang /_dol
gyi mtshur ston dbang nge gsang 'dus kyi dbang zhu ba gnyis kyi
skabs su mkhar las kyi zhabs phyi bsgrubs pas dbang thob tu re
nas dbang gral du bsdad par bka' bkyon dang phyag 'bebs kho
na mdzad de dbang gral nas phud/_der rgyab thams cad rmar song
nas sgal mig gsum ka nas rnag khrag zag pa dang na tsha sogs
byung yang sa snod mdun du khyer nas mkhar las byas/
gzhung gi rngog ston chos rdor kyai rdor gyi dbang zhur byung bas/_yum
la phag nor gyi g.yu chen po zhig yod pa gnang nas de'i dbang
yon byas dbang gral du bsdad pas sngar ltar phyag 'bebs dang
bka' bkyon gnang nas dbang ma thob/_da ni nges par chos mi thob
par 'dug snyam 'khyams te byon pas lho brag khog pa'i dud cig
gis brgyad stong pa klog tu bcug
der rtag tu ngu'i rnam thar mthong bas rkyen byas chos phyir dka' ba
spyad de bla ma'i ci gsung bsgrub nas thugs zin pa zhig byed dgos
snyam ste phyir log_der yang bla mas bka' bkyon dang phyag 'bebs

kho na gnang bas yi chad de yod skabs/_yum gyis bla ma rngog pa'i
drung du brdzangs/_gdams ngag gnang nas bsgoms kyang bla ma'i
bka' ma khrol bas yon tan cung zad kyang skyer ma 'dod/_der bla
ma'i bka' bzhin yang rngog gi zhabs phyi byas te mar pa'i drung du
byon pas/_nyin gcig tshogs mchod cig gi gral du bla ma rngog pa
dang bcas pa la bka' bkyon rgya cher gnang nas phyag 'bebs su
chas byung bas/_khong gis thugs dgongs la/_nga las ngan po'i sdig
sgrib che bas rang sdug pas ma tshad bla ma rngog pa dang yum la yang
'di tsam gyi 'o brgyal byung /_da ni chos mi thob par sdig gsog pa
kho nar 'dug pas lcebs nas shi ba dga' snyam/_lcebs grabs byas
pas bla ma rngog gis bshol 'debs pa'i skabs su/_bla ma mar pa
yang thugs rgyal zhi zhing khong dpon g.yog rnams mdun du bos
te/_de nas rjes su bzung ste zhal ta bzang po mang po gnang nas/
mtshan mi la rdo rje rgyal mtshan du gsol/_bde mchog gi dbang
bskur ba'i tshe lha drug cu rtsa gnyis kyi dkyil 'khor mngon sum du
bstan nas/_gsang mtshan bzhad pa rdo rje zhes stsal/_dbang dang
gdams ngag thams cad bum pa gang byo'i tshul du gnang /_dka'
spyad drag pos nyams su blangs nas bsgrubs pas mchog dang thun
mong gi dngos grub thob pa yin/
des na sngon byon pa'i rgya bod kyi paN grub rig 'dzin ji snyed

cig yod pa de dag thams cad kyang yang dag pa'i bla ma dge ba'i
bshes gnyen bsten te ci gsung gi bka' bzhin tu bsgrubs nas
dgongs pa dbyer med du gyur pa yin pas/_mdzad spyod thams cad
la log par mi lta zhing g.yo sgyu dang zol zog med par rgyud drang
po'i sgo nas ma bsten na/_rdzun zhus phra mo tsam byas kyang nyes pa shin
tu lci ste/_sngon grub thob chen po zhig gi slob mas 'khor mang po
bsdus te chos 'chad pa'i skabs/_bla ma sprang po'i tshul gyis phebs
byung bas khrom gyi dbus su phyag 'tshal ba la ngo tsha nas ma mthong ba
ltar mdzad/_phyi dro tshogs pa grol 'phral mjal nas phyag phul bas/
da ci phyag mi 'tshal ba ci yin gsungs/_ma mthong lags zhus pas
de ma thag spyan gnyis ka sa la brul/_slar bzod par gsol nas
drang por zhus bas bla mas byin rlabs mdzad de spyan sor chud pa
yin/
de bzhin du rgya gar gyi grub chen nag po spyod pa yang 'khor mang
po dang bcas te rgya mtshor grur zhugs nas byon pa'i skabs shig
nga'i bla ma grub thob dngos yin kyang 'jig rten phyogs nas 'khor
dang longs spyod la sogs nga rang lhag par 'dug snyam pa shar bas
'phral du rgya mtshor gru bying ste chu nang du 'o brgyal mthong /_bla ma la
gsol btab pas dngos su byon te chu'i 'jigs pa las bskyabs
shing khyod nga rgyal chen po skyes pas lan pa yin/_ngas kyang 'khor

dang longs spyod ma bsgrubs pa yin ma gtogs de dag gi rtsol
sgrub byas na khyod 'dra ba zhig 'ong bar yod pa yin gsungs/
de ltar na sngar 'das pa'i sangs rgyas grangs med brjod kyis mi
langs pa zhig byon pa de dag gi thugs rjes kyang bskyabs par ma
nus par rang re 'khor ba sdug bsngal gyi rgya mtsho chen po 'dir
da lta'i bar du lus/_sngon byon pa'i grub brnyes kyi skyes bu chen po
bsam gyis mi khyab pa de dag gi yang thugs rjes gzigs pa'i
yul du ma gyur te zhal tsam mjal ba'i skal ba yang ma byung /_da lta
sangs rgyas kyi bstan pa'i mthar thug snyigs ma lnga bdo ba'i skabs
'dir mi'i lus rten tsam thob kyang mi dge ba'i gzhan dbang
'ba' zhig tu gyur/_blang dor gyi gnas la rmongs/_long ba bshes
med thang stong du 'khyams pa lta bu'i skabs 'dir/_bla ma dge ba'i
bshes gnyen dam pa rnams ni/_tshad med pa'i thugs rjes nye bar
dgongs te rang rang gi skal pa dang 'tshams pa'i gang zag mi'i
gzugs su byon nas/_dgongs pa sangs rgyas su bzhugs kyang
mdzad spyod rang rgyud pa dang bstun te/_thabs la mkhas pa'i sgo nas
rjes su bzung /_yang dag pa'i dam pa'i chos kyi sgor bcug_blang*
dor gyi mig phye/_thar pa dang thams cad mkhyen pa'i lam mchog
nor ba dang 'khrul pa med par ston pas na/_don du sangs rgyas
dngos dang khyad par med cing rang ngor sangs rgyas las kyang lhag

pa'i bka' drin gyis bskyangs pa yin pas/_dus dang rnam pa thams
cad du dad pa gsum gyi sgo nas legs par bsten pa la 'bad
dgos pa yin no/_/
dam pa mjal yang dman pa'i spyod pas bslus/_/
lam mchog rnyed kyang lam min g.yang la 'phyan/_/
bdag dang bdag 'dra'i gshis ngan sems can rnams/_/
rang rgyud chos kyis thul bar byin gyis rlobs/_/
dge ba'i bshes gnyen bsten pa'i khrid de/
thun mong gi sngon 'gro tshang ngo //_//

!_phyi yi skyabs 'gro mchog gsum thod bzhin khur/_/
nang gi skyabs 'gro rtsa gsum dngos su grub/_/
don gyi skyabs 'gro sku gsum mngon du byas/_/
mtshungs med bla ma'i zhabs la phyag 'tshal lo/_/
don gnyis pa thun min nang gi sngon 'gro la/
lam thams cad kyi rming rdo skyabs su 'gro ba/_theg pa chen po byang
chub mchog tu sems bskyed pa/_'gal rkyen sdig sgrib sbyong ba rdo
rje sems dpa'i sgom bzlas/_mthun rkyen tshogs bsags pa maN+Dal/
bdud bzhi cig car du gcod pa ku su lu'i tshogs bsags/
rtogs pa'i ye shes rang rgyud la bya ba'i thabs kyi mthar phyin pa bla
ma'i rnal 'byor dang drug
dang po lam thams cad kyi rming rdo
skyabs su 'gro ba'i khrid la/
skyabs 'gro'i dbye ba/_skyabs su 'gro tshul/_phan yon dang bslab bya
bstan pa dang gsum/_dang po ni spyir chos thams cad kyi sgo dbye ba

skyabs 'gro yin la/_skyabs 'gro'i sgo dbye ba ni/_dad pa yin pas
dad pa de la'ang nang gses kyis dbye ba gsum yod de/_dang ba'i
dad pa/_'dod pa'i dad pa/_yid ches pa'i dad pa dang gsum yod/
dang po dang ba'i dad pa zhes bya ba ni/_rgyal ba'i sku gsung thugs
rten mang po yod pa'i gtsug lag khang lta bur phyin pa'am/_bla ma
dge ba'i bshes gnyen skyes bu dam pa rnams bzhugs pa'i zhal
mjal ba'am/_de dag gi yon tan dang rnam thar thos pa lta bu'i
rkyen gyis 'phral la thugs rje ma chung snyam du sems dang ba 'dren
nas dad pa skyes pa de la dang ba'i dad pa zhes bya/
'dod pa'i dad pa ni/_'khor ba ngan song gi sdug bsngal la sogs
pa thos nas de dang bral 'dod skye ba/_mtho ris dang thar pa'i bde
ba thos na de la thob 'dod skye ba/_dge ba'i phan yon thos nas de
la sgrub 'dod/_sdig pa'i nyes pa mthong nas de la spong 'dod skye ba
rnams yin/
yid ches pa'i dad pa ni/_dkon mchog rin po che rnam pa gsum
gyi yon tan dang byin rlabs thun mong ma yin pa shes nas/_snying
thag pa nas yid ches/_dus dang gnas skabs thams cad du mi
bslu ba'i skyabs dkon mchog rin po che yin par shes nas/_skyid
rung sdug rung na rung tsha rung shi rung gson rung /_las ci byung

yang skyabs bslu ba med pa dkon mchog gsum po mkhyen snyam pa
ma gtogs/_blo gtad dang re ltos gzhan na med par yid khyed
shes kyi dad pa dang ldan pa la yid ches pa'i dad pa zhes bya ste/_o
rgyan rin po che'i zhal nas/_yid khyed shes kyi dad pas byin rlabs
'jug/_blo the tshom dang bral na ci bsam 'grub/_/ces gsungs/
des na dad pa ni chos dkar po'i yon tan thams cad skyed pa'i
sa bon lta bu yin pas/_dad pa med na sa bon mes tshig pa dang
'dra ste/_mdo las/_dad pa med pa'i mi rnams la/_/dkar po'i chos
ni mi 'byung ste/_/sa bon me yis tshig pa la/_/myu gu sngon mo ji bzhin
no/_/zhes gsungs/_de bzhin du dad pa ni 'phags pa'i nor bdun
gyi gtso bo yin te/_dad pa'i 'khor lo rin po che/_/nyin mtshan dge
ba'i lam la sbyor/_/zhes pa ltar yin pas nor thams cad kyi nang
na mchog tu gyur pa yin pa dang de bzhin du yon tan mi zad pa'i
'byung gnas yin pas gter dang /_thar pa'i lam du 'gro ba'i rkang
pa dang /_dge ba'i chos thams cad rang rgyud la sdud pa'i lag pa lta
bu yin te/_dad pa nor dang gter dang rkang pa'i mchog_/lag pa
bzhin du dge sdud rtsa ba yin/_/zhes gsungs/
des na dkon mchog gsum la thugs rje dang byin rlabs bsam
gyis mi khyab pa yod kyang /_de rang rgyud la 'jug par byed pa ni dad
pa dang /_mos gus kho na la rags las pa yin pas na/_rang la dad

pa dang mos gus rab cig yod na bla ma dkon mchog gi thugs rje
dang byin rlabs yang rab cig 'jug_de bzhin du dad pa dang mos
gus 'bring zhig yod na byin rlabs dang thugs rje yang 'bring zhig
'jug_dad pa dang mos gus tha ma zhig las med na/_byin rlabs
thugs rje cung zad las mi 'jug cing /_dad pa dang mos gus rtsa ba
nas med na byin rlabs dang thugs rje gtan nas mi 'jug pa yin/
rang la dad pa med na sangs rgyas dngos dang mjal nas rjes su
bzung yang mi phan te/_sngar bshad pa'i dge slong legs ba'i skar
ma dang /_bcom ldan 'das kyi gcung lhas byin la sogs pa lta bu
yin/_snying thag pa nas dad pa dang mos gus yod na da lta yang gang
gis gsol ba 'debs pa de'i drung na rgyal ba nyid bzhugs nas
byin gyis rlob bar 'gyur ba yin pas/_sangs rgyas kyi thugs rje la
nye ring med de/_ji skad du/_gang gis mos pas yid byed pa/_/de
yi mdun du thub pa bzhugs/_/dbang bskur byin gyis brlab par
'gyur/_/zhes dang*/_o rgyan chen pos/_dad pa can gyi gang zag pho
mo la/_/pad 'byung gang du'ang ma bzhud sgo nyal yod/_/nga yi tshe la
'das grong yod ma yin/_/dad ldan mi re'i mdun na pad 'byung re//
zhes gsungs/
rang la yid ches kyi dad pa yod na sangs rgyas kyi thugs rje gang du
yang 'jug pa/_dad pa yod na rgan mo khyi sos sangs rgyas zer ba

yin te/_sngon rgan mo ma bu gnyis yod pa'i bu yang dang yang rgya gar
du tshong la 'gro ba la ma rgan gyis rgya gar rdo rje gdan rdzogs pa'i
sangs rgyas gang du byon pa'i yul yin par 'dug pas/_khyod kyis
rgya gar nas nga rang la phyag 'tshal ba'i rten khyad par can cig
khyer shog_ces lan mang por smras kyang bus brjed nas rten ma lon/
skor cig yang bu rgya gar du 'gro ba'i tshe da res nga rang la phyag
'tshal ba'i rten zhig lon ma 'ong na nga khyod rang gi sngon du lcebs
nas 'chi'o zer ba la/_bu rgya gar du phyin tshong byas nas slar ldog gi
bar du brjed/_khyim du sleb kar mas smras pa dran nas/_da ci byed
ngas ma rgan mo la phyag 'tshal ba'i rten ni gang yang ma lon/_rten
med par khyim du phyin na ma rgan lcebs nas 'chi snyam ste/_g.yas
g.yon du bltas pas zur de na khyi mgo zhig 'dug_de'i so zhig
phyungs pa dar gyis dril te khyer 'ongs nas ma la byin/_'di bcom
ldan 'das kyi tshems mche ba yin pas khyod kyis gsol ba 'debs
pa'i rten gyis shig byas pas/_ma rgan gyis khyi so de la sangs rgyas kyi
tshems dngos su bzung nas dad pa bskyed de dus rgyun du phyag dang
mchod pa byas pas khyi so la ring bsrel mang po babs/_rgan mo 'chi
ba'i tshe 'ja' 'od kyi gur phub pa sogs byung ba yin/_der khyi so
la byin rlabs yod pa ma yin kyang /_rgan mo dad pa che ba'i stobs
kyis sangs rgyas kyi tshems dngos yin snyam pas sangs rgyas kyi byin

rlabs khyi so la zhugs te sangs rgyas kyi tshems dang khyad ma byung ba
yin/
gzhan yang kong po na jo bo 'ben bya ba'i glen pa zhig yod pa
dbus su jo bo rin po che mjal du phyin/_jo bo'i mdun na lha gnyer
sogs gzhan su yang med skabs shig la drung du song nas/_mchod
pa'i zhal zas dang mar me rnams mthong bas zhal zas kyi zan 'di
rnams mar me'i mar khu la bsgres nas jo bo rin po ches gsol ba
yin par 'dug_mar khu rnams mi 'khyag pa'i ched du me sbar bar
'dug_jo bo khong ji ltar gsol ba ltar nga yang za dgos snyam/_zhal
zas kyi rtsam pa mar me'i mar khu la bsgres nas zos/_jo bo'i zhal
la bltas te/_lha bshos khyi yis khyer kyang 'dzum mol mol/_mar me
rlung gis bskyod kyang 'dzum mol mol byed pa bla ma bzang /_nga rang
gi lham 'di khyod la bcol ba yin pas nyar tshags gyis dang /
ngas khyod la bskor ba zhig byed 'ong zer/_lham phud de jo bo'i
drung du bzhag_kho rang bar skor la song ba'i shul du lha gnyer 'ong
nas lham de phyi rol du dor bar brtsams pas/_jo bo rin po ches
gsung byon te/_de kong po 'ban gyis nga la bcol ba yin pas ma
'dor gsungs/_slar kho 'ong nas lham blangs te bla ma bzang po bya
ba khyod yin/_sang phod nged rang tsho'i yul du shog dang /_ngas phag
rgan bshas nas sha btso/_nas rgan btsos nas chang bsnyal te bsgug

'dug zer bas/_jo bo'i zhal nas 'ong gsungs/_der kho rang khyim
du phyin nas chung ma la/_ngas jo bo rin po che mgron du bos yod/
khong nam 'byon mi shes pas khyod kyis rgyun du khong e 'byon lta ba
ma brjed zer skad/_der sang phod tsam na nyin gcig kho'i chung ma
chu len du phyin pas chu nang du jo bo'i sku'i gzugs brnyan mngon
sum du shar nas 'dug_chung ma 'phral la khyim du rgyug nas chu nang
pha ki na cig 'dug_de khyod kyis bos pa'i mgron po de min nam
byas pas/
kho 'phral du rgyug nas bltas pas chu nang du jo bo rin po che shar ba
mthong nas/_jo bo chu nang du lhungs pa yin snyam ste chu nang du lcebs
nas jo bo'i sku la 'jus pas dngos su bzung ste khrid 'ong rgyu zhig
byung /_khyim du khrid nas 'ong bas lam bar na rdo chen po zhig yod
pa'i drung du sleb tshe/[ — ]nga rang mi nag gi khyim du mi 'gro gsungs
nas 'byon du ma 'dod par brag la thim song /_der jo bo rang byon
du shar ba la rdo le jo bo dang /_chu nang du jo bo'i sku gzugs shar ba
la chu jo bo zer te/_da lta yang byin rlabs lha sa'i jo bo dang mnyam
zer nas kun gyis phyag mchod sogs byed pa zhig yod pa yin/_de
yang kho rang la dad pa brtan po yod pa'i stobs kyis sangs rgyas
kyi thugs rje der 'jug pa yin gyi/_gzhan du na mar me dang lha
bshos la zos/_lham jo bo'i sku drung du bzhag pa la nyes pa las ci

yod kyang dad pa'i mthus yon tan de ltar byung ba yin/
der ma zad gnas lugs don dam pa'i bden pa mngon sum du
rtogs pa yang dad pa kho na la rags las te/_mdo las kyang /_shA
ri'i bu don dam pa ni dad pas rtogs par bya ba kho na yin no
gsungs/_dad pa thun mong ma yin pa skyes pa'i mthu las bla ma
dkon mchog gi byin rlabs rang rgyud la zhugs nas yang dag pa'i
rtogs pa rgyud la skye zhing gnas lugs yang dag pa'i don mthong
tshe bla ma dang dkon mchog la yid ches/_phyir mi ldog pa'i dad pa
thun mong ma yin pa skye bas gnas lugs kyi don rtogs pa dang
yid ches kyi dad pa gnyis gcig grogs gcig gis byed pa yin
te/_sngon dwags po rin po che 'byon khar rje btsun la tshogs pa skyong
ba'i dus nam yin zhus pas/_ji zhig na da lta dang mi 'dra ba'i
sems kyi ngo bo lhag gis mthong ba'i rtogs pa zhig rgyud la skye/_de'i
dus su pha rgan nga la yang sangs rgyas dngos su mthong ba'i dad pa
brtan po skye ba yin pas de dus tshogs pa skyong gsungs pa yin/
des na bla ma dang dkon mchog gi thugs rje dang byin rlabs rang
rgyud la 'jug pa ni mos gus dang dad pa kho na la rags las te/
sngon jo bo rje lha gcig la slob ma zhig gis mtshan nas bos te/_jo
bo byin rlabs shig zhu dang zhus pas/_bu lhod po mos gus shig zhu
dang gsungs/

de ltar dad pa dang mos gus thun mong ma yin pa zhig gi sgo nas
yid khyed shes kyi blo gzhan du mi 'gyur ba zhig ni/_skyabs su 'gro
ba'i sgo 'byed lta bu yin pas med thabs med/_de lta bu'i dad pa
dang ldan pa'i skyabs 'gro de la yang /_kun slong gi sgo nas dbye
na gsum ste/_'di ltar dmyal ba yi dwags dud 'gro ste/_ngan song
gsum gyi sdug bsngal la 'jigs shing skrag nas mtho ris lha dang
mi'i bde ba tsam don du gnyer bas skyabs su 'gro na/_skyes bu chung
ngu'i skyabs 'gro zhes bya/
'khor ba'i gnas ris 'di mtho dman gang du skyes kyang sdug
bsngal gyi rang bzhin las ma 'das par shes nas/_rang nyid 'khor
ba'i sdug bsngal thams cad las grol ba'i zhi ba myang 'das kyi
go 'phang tsam don du gnyer nas/_dkon mchog gsum la skyabs
su 'gro na skyes bu 'bring gi skyabs 'gro zhes bya/_mtha' med pa'i
'khor ba sdug bsngal gyi rgya mtsho chen po na gnas pa'i sems can
'di dag thams cad sdug bsngal gyi rnam grangs bsam gyis mi khyab
pas mnar bar mthong nas/_de thams cad rnams mkhyen bla na med
pa yang dag par rdzogs pa'i sangs rgyas kyi go 'phang la 'god pa'i
ched du skyabs su 'gro na skyes bu chen po'i skyabs 'gro zhes bya/_de
ltar kun slong rnam pa gsum las da res kyi skabs su mtha' yas
pa'i sems can thams cad rdzogs pa'i sangs rgyas kyi go 'phang la

'god par 'dod pa'i skyes bu chen po'i blo dang ldan pas skyabs su
'gro dgos te/_mtho ris lha dang mi'i bde ba tsam ni 'phral du bde
ba ltar snang yang don du sdug bsngal las ma 'das shing mtho ris
kyi bde 'bras zad nas slar yang ngan song du ltung bar 'gyur bas/
mtho ris kyi bde ba dar cig tsam pa don du gnyer ba la dgos
pa med/_rang nyid gcig pu zhi bde mya ngan las 'das pa nyan thos
dang rang sangs rgyas kyi go 'phang tsam thob kyang thog ma med pa'i
dus nas rang gi pha mar gyur pa'i sems can rnams mtha' med
pa'i 'khor ba sdug bsngal gyi rgya mtshor lhung ba rnams kyi don ma
byas par gyur na mi rung bas/_sems can thams cad sangs rgyas
kyi go 'phang thob par 'dod pas dkon mchog gsum la skyabs
su 'gro ba ni/_skyes bu chen po'i lam bsod nams tshad med pa'i
'jug ngogs yin pas de lta bu la bsten dgos te/_rin chen phreng
ba las/_sems can khams ni tshad med la/_/phan 'dod de ni de
'dra'o/_/zhes gsungs so/_/
gnyis pa skyabs su 'gro ba'i tshul ni/
thun mong theg pa'i lugs la sangs rgyas la ston pa/_chos la lam/
dge 'dun la lam sgrub pa'i grogs su mos te skyabs su 'gro ba

dang /_thun mong ma yin pa gsang sngags spyi'i tshul gyis sgo gsum
bla ma la 'bul/_yi dam la bsten/_mkha' 'gro la grogs kyi tshul
du byas nas skyabs su 'gro/_khyad par thabs mchog rdo rje snying po'i
lugs kyi rtsa sprul skur bsten/_rlung longs skur sbyang /_thig le chos
skur dag pa'i myur lam la skyabs su 'gro ba dang /_mthar thug bslu
ba med pa gnas lugs rdo rje'i skyabs 'gro ni skyabs yul de dag
gi thugs rgyud la bzhugs pa'i ye shes ngo bo stong pa/_rang bzhin
gsal ba/_thugs rje kun khyab rnam gsum dbyer med chen po rang
rgyud la bsgrub byar byed cing la bzla ba'i tshul gyis skyabs su 'gro
ba yin/
de ltar skyabs su 'gro ba'i tshul thams cad nges par byas nas
skyabs su 'gro ba dngos kyi skabs su skyabs 'gro'i tshogs zhing
gsal 'debs pa ni/_rang nyid 'dug pa'i sa phyogs 'di dag
thams cad rin po che sna tshogs las grub pa'i zhing khams mdzes
shing yid du 'ong ba me long gi ngos ltar 'jam pa/_la lung dang
'bar 'bur gshang gshong gi rnam pa med pa/_de'i dbus rang gi
mdun du dpag bsam gyi sdong po yal ga lnga pa lo 'dab dang me
tog 'bras bu phun sum tshogs pa phyogs kun tu rgyas pas shar lho
nub byang gi nam mkha'i dbyings thams cad khyab pa/_yal 'dab
thams cad la rin po che'i dril g.yer 'phyangs 'phrul sna tshogs

pas brgyan pa/_de'i dbus kyi yal ga'i steng du seng ge chen po
brgyad kyis btegs pa'i rin po che'i khri'i steng du sna tshogs pad+ma
nyi ma zla ba'i gdan la ngo bo dus gsum sangs rgyas thams cad
'dus pa'i ngo bo/_mtshungs med thugs rje'i gter mdzod dpal
ldan rtsa ba'i bla ma yin pa la/_rnam pa o rgyan rdo rje 'chang chen po sku
mdog dkar la dmar ba'i mdangs chags pa/_zhal gcig phyag
gnyis zhabs gnyis rgyal po rol pa'i stabs su bzhugs pa/_phyag
g.yas gser gyi rdo rje rtse lnga pa sdigs pa'i tshul du 'dzin pa/_g.yon
mnyam bzhag gi steng na ka pA la 'chi med ye shes kyi bdud rtsis
bkang ba'i bum pa dpag bsam ljon shing gi kha rgyan dang bcas pa
'dzin pa/_sku la za ber chos gos phod ka mnabs pa/_dbu la pad
zhu gsol ba/_yum mkha' 'gro ye shes mtsho rgyal dkar mo gri gug
dang thod pa 'dzin pa dang mnyam par sbyor ba/_de lta bu zhig rang gi
mdun gyi nam mkhar zhal rang la phyogs pa'i tshul gyis bzhugs
par bsgom/
de'i spyi bor brgyud pa'i bla ma thams cad tho brtsegs kyi tshul du
gsal gdab dgos pa la/_rgyud sde spyi'i brgyud pa'i bla ma grangs
las 'das kyang /_khyad par rdzogs chen snying thig rtsa ba'i brgyud
pa/_chos sku kun tu bzang po/_longs sku rdo rje sems dpa'/_sprul sku
dga' rab rdo rje/_slob dpon 'jam dpal bshes gnyen/_gu ru shrI

 ha/_mkhas pa dz+nyA na sU tra/_paN chen dri med bshes gnyen/_o rgyan
pad+ma 'byung gnas/_chos rgyal khri srong lde'u btsan/_lo chen bai ro tsa
na/_mkha' 'gro ye shes mtsho rgyal te thugs sras rje 'bangs grogs
gsum/_kun mkhyen klong chen rab 'byams/_rig 'dzin 'jigs
med gling pa rnams rang rang gi rgyan dang cha lugs rdzogs pa/_gong
ma'i bzhugs gdan la 'og ma'i dbu ma reg tsam du tho brtsegs
su bzhugs par bsgom/_de'i mtha' skor du yi dam rgyud sde bzhi'i
lha tshogs rnams dang dpa' bo mkha' 'gro'i tshogs bsam gyis mi
khyab pas bskor ba/
mdun gyi yal ga'i steng du bcom ldan 'das rgyal ba shAkya thub pa
la bskal pa bzang po'i rdzogs pa'i sangs rgyas stong rtsa gnyis la
sogs phyogs bcu dus gsum gyi sangs rgyas rnams kyis bskor ba/
thams cad kyang mchog gi sprul sku tshangs par spyod ba'i cha byad can/
dbu la gtsug tor dang zhabs la 'khor lo sogs mtshan bzang
po sum cu rtsa gnyis dang /_dpe byad bzang po brgyad cus brgyan pa/
zhabs thams cad rdo rje skyil mo krung gis bzhugs pa/_sku mdog
thams cad dkar ser dmar ljang mthing ga_sku la 'od dang 'od
zer bsam gyis mi khyab pa 'phro bar gsal/
g.yas kyi yal ga'i steng du 'jam dbyangs phyag na rdo rje spyan ras
gzigs te rgyal sras rigs gsum mgon po gtso bor gyur pa'i nye

ba'i sras chen brgyad la byang sems 'phags pa'i dge 'dun gyis
bskor ba/_thams cad kyang sku mdog dkar ser dmar ljang mthing
ga_longs spyod rdzogs sku'i rgyan chas bcu gsum gyis mdzes shing /
zhabs thams cad mnyam pa'i ltabs kyis bzhengs pa/_g.yon gyi
yal gar shA ri'i bu dang mo'u gal gyi bu ste nyan thos mchog gnyis
la nyan rang 'phags pa'i dge 'dun gyis bskor ba/_thams cad
kyang sku mdog dkar po/_sku la chos gos rnam gsum gsol ba/_phyag
na 'khar gsil dang lhung bzed sogs bsnams pa/_zhabs thams
cad bzhengs pa'i stabs kyis bzhugs par gsal gdab/
rgyab kyi yal gar chos dkon mchog glegs bam brtsegs pa'i rnam
pa can/_'od kyi drwa mig gi klong na rdzogs pa chen po'i rgyud 'bum
phrag drug cu rtsa bzhis steng ma byas nas thams cad kyang gdong
dar rang la bstan te khra chem me bzhugs shing /_A li dang kA li'i
rang sgra sgrogs pa/_de dag gi bar mtshams thams cad na ye shes
dang las las grub pa'i dpal mgon chos skyong srung ma pho rgyud
thams cad zhal phyir phyogs nas rang gi dam chos byang chub sgrub
pa'i 'gal rkyen bar chad srung zhing phyi'i bar chad nang du mi gtong
ba'i phrin las mdzad pa/_chos skyong srung ma mo rgyud thams cad zhal
nang du phyogs nas nang gi dngos grub phyir mi gtong ba'i phrin las
mdzad pa/_de dag thams cad kyang mkhyen brtse nus gsum gyi yon

tan dpag tu med pas bdag nyid la rjes su brtse zhing /_'dren
pa'i ded dpon chen po gcig tu bzhugs par bsam/
rang gi g.yas su skye ba da res kyi pha/_g.yon du ma/_mdun du gang
rang la sdang bar byed pa'i dgra/_gnod par byed pa'i bgegs
gnyis kyis thog drangs khams gsum rigs drug gi sems can
thams cad sa gzhi'i ngos na khrom chen po ltar tshogs nas thal mo
sbyar te/_lus gus pa'i sgo nas phyag 'tshal/_ngag gus pa'i sgo nas
skyabs 'gro 'don/_yid gus pa'i sgo nas mtho ru gtong ngam/_dma'
ru gtong ngam/_skyid sdug legs nyes/_na tsha dang sdug bsngal ci byung
yang /_bla ma dang dkon mchog rin po che khyed ma gtogs skyabs
dang skyob pa/_mgon dang dpung gnyen/_re sa dang skyabs gnas
gzhan na med pas/_dus de ring nas bzung ste ji srid byang chub
snying po ma thob kyi bar du blo gtad dang yid ches khyed la bcol/_blo
pha la mi 'dri/_gros ma la mi byed/_thag rang gis mi bcad/_bla ma dang
dkon mchog rin po che khyed la bsten/_khyed la 'bul/_khyod cig
bsgrub/_khyed las gzhan pa'i skyabs dang re sa med do snyam pa'i
gdung ba drag pos/
dkon mchog gsum dngos bde gshegs rtsa ba gsum/_/rtsa rlung
thig le'i rang bzhin byang chub sems/_/ngo bo rang bzhin thugs rje'i
dkyil 'khor la/_/byang chub snying po'i bar du skyabs su mchi/_/zhes

thun re la ci nus su bsags shing tha na'ang skyabs 'gro 'bum phrag
gcig ma thub kyi bar du/_thun du bcad nas 'gro nges dang /_rgyun du
yang skyabs 'gro la yi dam du bya/_de ltar skyabs su 'gro ba'i tshe rang
gi pha ma g.yas g.yon du bsgom zhing dgra bgegs gnyis mdun
du bsgom ste/_pha ma las kyang dgra bgegs gal che bar bsgom
dgos pa'i rgyu mtshan ci yin snyam na/_rang re theg pa chen po'i sgor
zhugs pa'i gang zag rnams ni/_mtha' yas pa'i sems can thams
cad la byams snying rje byang chub kyi sems snyoms par bsgom dgos
shing /_khyad par bsod nams kyi tshogs rgya chen po rdzogs shing dge
 rtsa ba gang bsags thams cad chud mi za ba'i ched du bzod
pa bsgom pa gtso bor bya dgos la/
bzod pa de yang /_zhe sdang skye yul med na bzod pa su la bsgom/
zer ba ltar dgra bgegs gnyis kyis gnod pa byas pa la brten
nas bzod pa'i dka' thub skye ba yin pa dang /legs par brtags
na chos phyogs nas pha ma las kyang dgra bgegs gnyis drin du
che ba yin te/_pha mas ni 'jig rten tshe 'di sgrub pa'i g.yo thabs
thams cad bslabs nas phyi ma ngan song gi gting nas mi thar
ba zhig byed pa yin pas de tsam drin du mi che la/_dgra bgegs
gnyis ni dgras rang la log sgrub byed pa'i sgo nas bzod pa sgom
pa'i rten du 'gyur ba dang /_rang nyid gtan du 'khor ba nas mi thar

ba'i 'phyangs thag_sdug bsngal thams cad kyi 'byung gnas nor rdzas
longs spyod sogs dang dbang med du 'bral bar byed pas drin che/
gdon bgegs kyang bzod pa sgom pa'i yul du 'gyur ba dang /
des na tsha dang sdug bsngal btang ba la bsten nas rang gi sngar
byas kyi sdig pa mang po 'byang ba dang /_de yang khyad par rje btsun
mi la lta bu yang a khu dang a nes nor rdzas longs spyod thams cad
'phrog pa'i rkyen gyis chos dang mjal ba dang /_dge slong dpal
mo lta bu klu gdon gyis nyen nas spyan ras gzigs bsgrubs pas
mchog gi dngos grub thob pa sogs chos dang mjal ba'i rgyu byed
pas kyang drin che ba yin te/_kun mkhyen chos kyi rgyal po'i zhal nas/
'tshe bas nyen nas chos dang 'phrad pa de//thar lam rnyed pas
gnod byed bka' drin che/_/sdug bsngal yid byung chos dang 'phrad
pa de/_/gtan bde rnyed pas sdug bsngal bka' drin che/_/mi min
gnod pas chos dang 'phrad pa de/_/'jigs med rnyed pas 'dre
gdon bka' drin che/_/mi sogs sdang bas chos dang 'phrad pa de/_/
phan bde rnyed pas sdang byed bka' drin che/_/rkyen ngan drag pos
chos dang 'phrad pa de/_/'gyur med lam rnyed rkyen ngan bka' drin
che/_/gzhan gyis bskul bas chos dang 'phrad pa de/_/snying po'i don
rnyed skul mkhan bka' drin che/_/mnyam du drin gzo dge ba de la
bsngo/_/zhes gsungs pa ltar yin pas/_tshe 'dir bka' drin che ba

dang tshe rabs snga ma'i pha ma'ang yin pas gal che ba yin no/_/
mthar thun bsdu ba'i tshe rang gis mos gus dung dung ba byas pa'i
rkyen gyis skyabs yul lha tshogs rnams kyi sku las 'od zer dpag
tu med pa 'phros/_rang gzhan sems can thams cad la phog pas
rang gzhan sems can thams cad bya khyu 'ur rdos dkrogs pa
ltar 'ur dir gyis 'phur te skyabs yul lha tshogs rnams la thim/
skyabs yul lha tshogs rnams kyang mtha' nas rim bzhin 'od du zhu
nas dbus kyi bla ma skyabs gsum kun 'dus la thim/_spyi bo'i tho
brtsegs kyi lha tshogs thams cad kyang mar bla ma la thim/_bla ma yang
'od du zhu nas 'od du yal te chos sku spros bral gdod ma'i ngang la
sems rnam rtog gi 'phro 'du dang bral bar ci gnas su bzhag_de
las ldang ba'i tshe dge ba mtha' yas pa'i sems can gyi don du
bsngo zhing /_dge ba 'di yis myur du bdag_/dkon mchog gsum po
'grub gyur nas/_/'gro ba gcig kyang ma lus pa/_/de yi sa la 'god
par shog_/ces brjod/
dus dang rnam pa thams cad du sems dran shes dang ma bral ba'i
ngang nas skyabs yul gyi lha tshogs de dag 'gro ba'i tshe phrag pa
g.yas kyi nam mkhar bsgom/_de bskor ba byed pa'i gnas yin/
'dug pa'i tshe spyi bo'i gtsug gi nam mkha' la bsgom/_de gsol ba
'debs pa'i rten yin/_za 'thung gi tshe mgrin pa'i dbus su bsgom/

de ci za ci 'thung gi phud mchod sa yin/_nyal ba'i tshe snying gi dbus
su bsgom/_de 'khrul pa 'od gsal du sba ba'i gnad yin pas/_de
ltar spyod lam thams cad du skyabs yul lha tshogs kyi gsal snang
dang ma bral ba'i ngang nas/_dkon mchog rin po che rnam pa gsum
la yid khyed shes kyi dad pas blo snying bkal te skyabs 'gro kho na la
brtson par bya'o/_/
gsum pa bslab bya dang phan yon bstan pa la/
dang po bslab bya la/_spang bya gsum dang /_bsgrub bya gsum dang /_cha
mthun gsum yod pa las/_dang po spang bya gsum ni/
sangs rgyas la skyabs su song nas 'khor bar 'khor ba'i lha la
phyag mi btsal zhes bya ste/_phyi rol mu stegs pa'i lha dbang phyug dang
khyab 'jug la sogs rang nyid 'khor ba'i sdug bsngal las ma grol
ba rnams dang /_gzhan yang yul lha dang gzhi bdag la sogs pa
'jig rten gyi lha 'dre mthu bo che rnams la phyi ma'i skyabs gnas su
bzung nas phyag dang mchod pa la sogs pa mi bya/_chos la skyabs su
song nas sems can la 'tshe ba spang zhes gsungs te/_sems can
gzhan la gnod cing 'tshe ba'i bya ba rmi lam tsam du yang mi bya bar
'bad pa drag pos ci nus su bsrung*/_dge 'dun la skyabs su song

nas grogs mu stegs can dang mi 'grogs zhes gsungs te/_rgyal
ba'i bstan pa dang ston pa rdzogs pa'i sangs rgyas la mi dad pa'i phyi
rol mu stegs pa'i rigs dang mthun par mi 'grogs/_'on kyang mu
stegs can dngos bod na med kyang /_rang gi bla ma dang chos la gshe
zhing smod pa dang gsang sngags zab mo'i chos la skur pa 'debs pa
la sogs mu stegs pa dang 'dra ba gzhan dang mi 'grogs/
bsgrub bya gsum ni/
sangs rgyas la skyabs su song nas sangs rgyas dkon mchog gi sku'i
rten chag dum yan chad gus pas mchod/_spyi bos bteg gtsang
sar bzhag_sangs rgyas dkon mchog dngos kyi 'du shes bskyed de
dad pa dang dag snang bya/_chos la skyabs su song nas gsung rab yi
ge'i ras ma na gcig yan chad la gus pa bskyed/_spyi bos mchod
de chos dkon mchog dngos kyi 'du shes bzhag_dge 'dun la
ser yan chad dge 'dun dngos kyi 'du shes bzhag nas gus pas
mchod/_spyi bos bteg_gtsang sar bzhag dad pa dang dag snang bya/

cha mthun gsum ni/
da lta rang la blang dor gyi gnas ston pa'i bla ma dge ba'i bshes
gnyen la/_sangs rgyas dkon cog dngos kyi 'du shes bzhag nas
tha na sku'i grib ma tsam la yang mi 'gong bar zhabs tog dang
bsnyen bkur la 'bad/_bla ma dam pa des bka' ji ltar stsal ba'i
gsung rnams la chos dkon mchog dngos kyi 'du shes bzhag nas
ci gsungs dang du blang zhing gsung gi zur tsam yang mi bcag_bla
ma'i 'khor dang slob ma rang gi grogs tshangs par mtshungs par
spyod pa rnams la dge 'dun dkon mchog dngos kyi 'du shes
bzhag ste lus ngag yid gsum gus pas bsten zhing mi mnyes pa
skad cig ma tsam yang mi bya/_khyad par gsang sngags rdo rje theg pa
'dir skyabs yul gyi gtso bo bla ma yin pas/_bla ma'i sku dge 'dun/
gsung dam chos/_thugs sangs rgyas te/_dkon mchog kun 'dus kyi
ngo bor shes par byas nas/_ci mdzad legs mthong dang /_blo gtad
khyed shes kyi sgo nas bsten zhing rtag tu gsol 'debs la 'bad/
gal te rang gi sgo gsum gyi spyod pas thugs sun phyungs na skyabs
yul thams cad spangs par 'gro bas snying rus dang zhe bcad
drag pos bla ma mnyes pa'i thabs la dus dang rnam pa thams cad

thudu 'bad par bya/_spyir skyid sdug dang legs nyes na tsha dang sdug
bsngal la sogs pa ci byung yang blo bla ma dkon mchog kho na la
gtad/_skyid na dkon mchog gi thugs rjer shes par bya dgos te/
'jig rten 'di'i bde ba dang dge ba'i dngos po tha na tsha ba'i dus
ser bu'i ngad phra mo tsam ldang ba tshun chad sangs rgyas kyi thugs rje
dang byin rlabs yin par gsungs shing de bzhin du sems la dge
ba'i rnam rtog skad cig ma zhig skyes pa yang sangs rgyas kyi byin
rlabs bsam gyis mi khyab pa'i mthu kho na yin te/_spyod 'jug las/
ji ltar mtshan mo mun nag sprin rum na/_/glog 'gyu skad cig rab
snang ston pa ltar/_/de bzhin sangs rgyas mthu yis brgya lam na/_/
'jig rten bsod nams blo gros thang 'ga' 'byung /_/zhes gsungs/
des na phan pa dang bde ba'i dngos po ci yod pa sangs rgyas kyi thugs
rjer shes par bya zhing /_na tsha dang sdug bsngal gdon bgegs kyi
bar chad la sogs pa ji lta bu byung yang /_dkon mchog gsum la
gsol ba 'debs pa ma gtogs na tsha dang gdon bgegs sel
ba'i thabs gzhan la blo mi gtad/_gal te sman dpyad dang gto
bcos sogs byed dgos byung na yang /_de dag kyang dkon mchog
gsum gyi phrin las su shes pas nyams su blang /_gang snang ba thams
cad dkon mchog gsum gyi rnam rol du shes pas dad pa dang dag
snang sbyang /_rang nyid phyogs gzhan du don gnyer la sogs par

'gro ba'i dus kyang /_gar 'gro ba'i phyogs kyi sangs rgyas dang dkon
mchog la phyag 'tshal te 'gro/_dus dang rnam pa thams cad du snying
thig gzhung gi skyabs 'gro dkon mchog gsum dngos sogs sam/
yang na theg pa spyi'i skyabs 'gro/_bla ma la skyabs su mchi'o/_/sangs
rgyas la skyabs su mchi'o/_/chos la skyabs su mchi'o/_/dge 'dun la
skyabs su mchi'o/_/zhes skyabs 'gro bzhi skor du grags pa 'di dag
la yi dam du bya/
gzhan la yang skyabs su 'gro ba'i bsngags pa brjod cing skyabs
'gro la bkod de rang gzhan thams cad kyi 'di phyi'i blo gtad
dkon mchog gsum la bca' zhing skyabs 'gror 'bad/_nyal ba'i
tshe yang sngar bshad pa ltar tshogs zhing lha tshogs snying dbus su
gsal btab ste/_de la sems gtad nas gnyid du 'jug pa'am/
de ltar mi nus na bla ma dang dkon mchog thams cad bdag la
thugs rje dang brtse bas nye bar dgongs te bdag gi sngas na mngon
sum du bzhugs yod snyam du dad pa dang dag snang bya zhing dkon
mchog rjes su dran pa dang ma bral bar nyal/_bza' btung byed pa'i
tshe yang dkon mchog gsum mgrin par gsal btab ste bza'
btung gi ros mchod pa'am/_de ltar ma nus na ci za ci 'thung
thams cad kyi phud nas dkon mchog gsum mchod cig snyam du
mos pa bya/_rang la gos gsar pa lta bu gyon rgyu yod na yang dang po

rang gis ma gyon pa'i gong du dkon mchog gsum mchod snyam du
nam mkha' la deng tsam bya/_de nas dkon mchog gsum gyis rang
la gnang ba yin snyam du rang gis bgo_phyi rol yul gyi rnam pa la
yang me tog gi skyed mos tshal dang /_chu klung rnyog pa med pa/_khang
bzang dang /_nags tshal nyams dga' ba/_nor dang longs spyod rgya
chen po/_skyes pa dang bud med mdzes shing rgyan gyis brgyan pa la
sogs pa rang gi yid dga' zhing chags par byed pa'i dngos po ci
dang ci mthong yang dkon mchog rin po che rnam pa gsum po mchod
snyam du mos pa bya/_chu la bcu ba'i tshe yang dang po dkon mchog
gsum la mchod kha 'phangs nas rjes su rang gi snod du gcu/_rang
la tshe 'di'i bde skyid snyan grags rnyed pa la sogs pa 'dod cing
yid du 'ong ba ci byung yang dkon mchog gi thugs rje yin/_dkon
mchog gsum po rang mchod snyam du mos gus dang dag snang bya/_rang
gi phyag dang mchod pa lha bsgom sngags bzlas la sogs dge ba'i
rtsa ba gang 'grub thams cad kyang dkon mchog gsum la mchod
par 'bul zhing sems can gyi don du bsngo ba bya/_nya stong dus drug /
la sogs par dkon mchog gi mchod pa ci nus su bya zhing /_rgyun
du dkon mchog gsum gyi dus mchod mi bcag_dus dang rnam pa
thams cad du skyid sdug ci byung yang dkon mchog gsum la skyabs
'gro kho na mi brjed par bya/_de ltar byas pas rmi lam du 'jigs

skrag la sogs skyes pa'i tshe skyabs 'gro byed pa byung na bar dor
yang de ltar du 'byung ba yin pas de lta bur ma byung bar 'bad/
mdor na blo gtad dkon mchog gsum kho na la bcol nas/_srog
la babs kyang skyabs 'gro mi gtong ba zhig dgos te/_sngon rgya gar
du nang pa'i dge bsnyen zhig mu stegs pa rnams kyis bzung nas
khyod dkon mchog gsum la skyabs 'gro byed pa gtong na mi gsod/
de mi gtong na khyod gsod pa yin zer ba la/_ngas tshig tsam du ni
dkon mchog gi skyabs 'gro gtong*/_snying thag pa nas ni mi gtong
zer bas dge bsnyen mu stegs pa rnams kyis bsad pa yin te/
de lta bu zhig cis kyang dgos/_dkon mchog la skyabs su 'gro ba
spangs na chos zab zab mo ji lta bu zhig nyams su blangs kyang nang
pa'i khyur mi tshud de/_phyi pa nang pa skyabs 'gro'i khyad/_zer ba yin/
mi dge ba'i las la 'dzem bag bya ba dang /_lha dang rtsa rlung sogs
bsgoms pas thun mong gi dngos grub thob pa mu stegs pa rnams la
yang yod kyang /_dkon mchog gi skyabs 'gro mi shes pas thar pa'i
lam dang bral zhing gtan du 'khor ba las mi thar ba yin/
jo bo rje a ti sha yang mdo sngags kyi chos rgya mtsho lta bu la mi mkhyen
pa dang mi gzigs pa cung zad med kyang /_de dag kun las kyang
thog mar skyabs 'gro kho na gnad du che bar dgongs nas 'khor
'dus pa thams cad la skyabs 'gro kho na gsungs pas skyabs 'gro

paN+Di ta zhes grags/_des na thar pa'i lam du zhugs shing nang pa
sangs rgyas pa zhig yin phyin chad skyabs 'gro dang skyabs 'gro'i
bslab bya srog la babs kyang mi 'dor bar nyams su blang dgos te/
mdo las/_gang zhig sangs rgyas skyabs 'gro ba/_/de ni yang dag dge
bsnyen te/_/nam du yang ni lha gzhan la/_/skyabs su 'gro ba ma yin
no/_/dam pa'i chos la skyabs 'gro ba/_/'tshe zhing gnod pa'i sems
dang bral/_/'phags pa'i dge 'dun skyabs 'gro ba/_/mu stegs can
dang 'grogs mi bya/_/zhes sogs gsungs pa ltar ro/_/
da lta rang re dkon mchog gsum gyi rjes 'jug tu rlom pa rnams
kyang /_dkon mchog gi rten la sogs pa rnams la gus pa cung zad
kyang med pas sangs rgyas kyi sku gzugs dang gsung rab kyi glegs
bam sogs la nor rdzas kyi 'du shes bzhag nas tshong byed pa dang /
gta' mar 'jog pa sogs byed pa ni/_dkon mchog gsum gyi
sku glud la za ba zhes bya ste nyes pa shin tu lci/_gzhan yang sangs
rgyas kyi sku gzugs bris pa dang 'bur du yod pa sogs thig tshad
sogs kyis gzhal nas bzo bcos byed pa'i skabs ma yin par/
dus gzhan du mi mdzes pa'i cha nas glengs te skyon rtog sogs
byas na nyes pa shin tu lci bas de ltar mi bya/_gsung rab yi ge'i
glegs bam la sogs pa yang sa rjen par 'jog pa dang /_'gom
yug sogs byed pa dang /_yig ldeb sgyur ba'i tshe mdzub mo mchil ma

dang bcas pas reg pa sogs ma gus pa'i spyod lam byed pa thams
cad nyes pa lhag par lci ste/_bcom ldan 'das kyis/_lnga brgya'i tha
mar gyur ba na/_/nga ni yi ge'i gzugs su gnas/_/nga yin snyam du
yid byos la/_/de tshe de la gus pa gyis/_/zhes gsungs shing /_'jig
rten pa'i kha skad la yang /_bka' thog tu sku ma 'jog zer ba ltar/
sangs rgyas kyi sku gsung thugs rten thams cad las/_gsung rten ni
blang dor gyi gnas ston pa dang*/_bstan pa'i rgyun 'dzin pa sogs
kyis sangs rgyas dngos dang khyad par cung zad kyang med cing khyad
par 'phags par gsungs pa yin/
der ma zad da lta phal cher gyis rdo rje dang dril bu ni rang bzhin
nyer spyad lta bu las dkon mchog gi rten yin snyam pa mi byed kyang /
rdo rjes ni sangs rgyas kyi thugs ye shes lnga la sogs pa mtshon zhing /
dril bus kyang zhal gyi rnam pa yod pa rgyud sde 'og ma las rnam par
snang mdzad dang*/_gong ma rnams las rdo rje dbyings kyi dbang phyug
mar bshad pas sku'i rnam pa dang /_yum brgyad kyi sa bon dngos su
yi ge'i rnam pa dang /_gzhan yang sangs rgyas kyi gsung chos kyi sgra
dbyangs mtshon par byed pa yin pas sku gsung thugs rten gsum
ka'i mtshan nyid tshang ba dang /_khyad par gsang sngags rdo rje theg
pa'i dkyil 'khor gyi 'khor lo yongs rdzogs tshang zhing dam tshig gi
rdzas thun mongs ma yin pa yin pas/_brnyas bcos byas na nyes pa

lci zhing dus rtag tu bkur sti'i sgo nas zhabs tog byed dgos pa
yin no/_/
de ltar skyabs su song ba'i phan yon yang /_dkon mchog gsum
la skyabs su 'gro ba 'di ni chos thams cad kyi gzhi rten yin te/
gang gis skyabs su song ba tsam gyis thar pa'i sa bon 'debs pa
dang /_mi dge ba'i tshogs las ring du byed pa dang /_dge ba gong
du 'phel ba dang /_sdom pa kun gyi rten gzhir 'gyur zhing /_yon
tan thams cad kyi 'byung gnas su 'gyur ba dang /_gnas skabs su
yang dkar phyogs kyi lha rnams kyis srung zhing smon pa yid bzhin
du 'grub pa dang /_rtag tu dkon mchog gsum gyi snang ba dang mi
'bral zhing tshe rabs dran pa dang /_'di phyir bde zhing mthar thug
sangs rgyas kyi go 'phang thob pa la sogs phan yon dpag tu med
par gsungs te/_skyabs 'gro bdun cu pa las/_sdom pa kun la yod
mod kyang /_/skyabs su ma song ba la med/_/ces gsungs pa ltar so
thar gyi dge slong dge tshul dge bsnyen sogs kyi sdom pa thams
cad kyi yang rten du skyabs 'gro med thabs med cing /_de las
gzhan du byang chub mchog tu sems bskyed pa dang /_gsang sngags
rdo rje theg pa'i dbang bskur ba sogs thams cad kyi sngon du skyabs
su 'gro ba mtshan nyid tshang ba 'gro dgos shing /_tha na nyin gcig
gi gso sbyong tsam len pa'i sngon du'ang skyabs 'gro med thabs med

pas sdom pa dang yon tan thams cad kyi rten gzhi byed pa yin/
dkon mchog gsum gyi yon tan shes nas dad pas skyabs su 'gro
ba lta ci tha na sangs rgyas zhes bya ba'i sgra tsam rna bar thos pa dang /
sku gsung thugs kyi rten gang rigs la 'brel pa cung zad tsam byas
pa la'ang rgyud la thar pa'i sa bon thebs nas mthar mya ngan las
'das pa thob par 'gyur te/_sngon phag gcig khyis ded nas mchod
rten zhig yod pa la bskor ba byas pas de'i rgyud la thar pa'i sa
bon thebs par 'dul ba las gsungs pa dang /
gzhan yang sAts+tsha gcig gis mi gsum sangs rgyas zer ba yin te/
sngon lam ka zhig na sAts+tsha zhig yod pa mi gzhan zhig gis mthong ste
sAts+tsha 'di 'di ltar bzhag na char pas myur du 'jig pas mi 'jig
par bya'o snyam nas drung de na lham krad dor ba zhig yod pa bkab
nas bzhag_yang mi gzhan zhig gis lham krad shin tu mi gtsang ba
'di sAts+tsha'i steng du bkab pa ma legs so snyam nas dor bas lham
'gebs pa po dang 'dor ba po gnyis kas bsam pa bzang po'i
'bras bus phyi ma rgyal srid thob pa yin te/_ji skad du/_bsam pa
bzang pos mchil lham zhig_/thub pa'i dbu la bzhag pa dang /_/
gzhan gyis de nyid bsal byas pa/_/gnyis kas rgyal srid thob par
gsungs/_des na dang po sAts+tsha 'debs pa po dang /_bar du lham
'gebs pa po dang /_tha mar de bsal pa po gsum ka yang gnas

skabs su rgyal srid sogs mngon mtho'i bde 'bras thob cing
mthar thug thar pa'i sa bon thebs te rim gyis 'tshang rgya ba'ang
yin no/_/
mi dge ba'i tshogs las ring du byed pa yang yin te/_snying thag pas
dad gus drag po'i sgo nas dkon mchog gsum la skyabs su song
na sngar byas kyi las mi dge ba yang srab pa dang zad par 'gyur
zhing /_phyin chad kyang dkon mchog gi thugs rjes rgyud byin gyis
brlabs nas snang ba dge bar 'gyur bas mi dge ba'i las mi
byed pa yang yin te/_rgyal po ma skyes dgras pha bsad pa yang dkon
mchog la skyabs su song bas dmyal ba zhag bdun myongs nas thar
bar gsungs pa dang /_lhas byin mtshams med pa'i las gsum byas
pas gson bzhin du dmyal ba'i mes sreg pa'i tshe sangs rgyas kyi
gsungs la yid ches nas/_ngas da ni rus pa'i gting nas sangs
rgyas la skyabs su mchi'o/_/zhes brjod pas rang sangs rgyas rus pa
can bya bar 'gyur bar gsungs pa lta bu yin/_des na da lta rang
re rnams bla ma dge ba'i bshes gnyen gyi drin las dam pa'i chos
yang dag pa thos te/_dge ba'i las sgrub blo dang /_mi dge ba spong
blo cung zad tsam re skyes pa'i skabs 'dir/_snying thag pa nas dkon
mchog gsum la skyabs su 'gro ba la 'bad na rgyud byin gyis
brlabs te/_dad pa dang dag snang /_nges 'byung dang skyo shas/_rgyu

'bras la yid ches la sogs lam gyi yon tan thams cad gong
nas gong 'phel du 'gyur zhing /_de ltar ma yin par bla ma dang
dkon mchog la skyabs 'gro dang gsol ba 'debs pa btang
snyoms su lus na/_da lta nges 'byung dang skyo shas sogs ci tsam
bzang bar yod kyang /_snang ba brid mkhas/_rig pa col chung /
rnam rtog bslu skyen pas da lta dge bar yod 'phro la yang /_mi dge
bar 'gyur 'gro ba la tshegs med pas phyin chad kyi mi dge ba rgyun
gcod pa yang skyabs 'gro las lhag pa med par shes par bya'o/_/
gzhan yang /_sgrub pa brtson 'grus can la bdud rnams lhag par
sdang /_/zhes dang /_chos zab tsa na nag po'i bdud kyang zab/_/ces
gsungs pa ltar/_da lta dus snyigs mar thug pas zab mo'i don
bsgom pa dang /_dge ba rlabs po che byed pa rnams la/_'jig rten
tshe 'di'i bslu brid dang /_gnyen grogs kyis bshol 'debs/_na tsha
dang gdon bgegs kyi 'gal rkyen/_rang gi yid la the tshom dang
rnam rtog la sogs chos kyi bar chad ni cir yang brdzu zhing dge
ba'i tshogs 'joms pa yin pas/_de dag gnyen po dkon mchog
gsum la skyabs 'gro sogs snying thag pa nas 'bad na/_chos kyi
bar chad thams cad mthun rkyen du 'char zhing dge ba gong nas
gong 'phel du 'gyur/_der ma zad da lta'i dus su dud nag pa
rnams nas kyang lo gcig gi bar du na tsha dang god kha sogs mi

'byung ba'i srung ba byed pa yin zer nas dbang lung dang gzhi
bsnyen sogs gang yang med pa'i bla ma dpon g.yog kha shas bos
te/_drag sgrub kyi dkyil 'khor zhig zhal phye/_bskyed rdzogs gang
yang med pa'i mig phor khog tsam re bsgrad nas zan gong zhig gi
steng du zhe sdang bzod dka' ba bskyed de/_khug khug_sod sod/_ya
ya/_rgyob rgyob zer zhing thos tsa na snang ba rtsub reg la 'ong ba zhig
bton nas sha khrag gi dmar mchod kho na byed 'dug ste/_de lta bu
de legs par brtags na/_rje btsun mi las/_ye shes pa'i lha 'jig
rten pa'i srung skyob la spyan 'dren pa de rgyal po khri thog nas phabs
te phyags dar gyi las bcol ba dang 'dra gsungs pa dang /
rje dam pa sangs rgyas kyis/_gsang sngags kyi dkyil 'khor grong
pa'i ra tshang du bzhengs nas gnyen po yin pa skad/_ces gsungs
pa ltar gsang sngags bon du gyer ba'i nyes pa 'go zhing /_bsgral
las byed pa de yang rang 'dod kyi 'khri ba med pa'i gang zag gis/
bstan 'gro'i don rlabs po che bsgrub pa'i phyir du zhing bcu tshang
ba'i dgra bgegs sgrol ba la gnang ba yin gyi/_rang gzhan gyi
phyogs zhen dang bcas pas zhe sdang rang mtshan pas bsgral las
byas na pha rol bsgral bar mi nus shing rang nyid dmyal bar skye
ba'i rgyu byed pa dang /_bskyed rdzogs dang dam tshig med par sha khrag
gi dmar mchod kho na byas pas ye shes pa'i lha dang chos skyong ba'i

srung ma mi 'grub cing /_nag phyogs pa'i lha 'dre rnams 'dus nas
de'i mchod pa dang gtor ma sogs la longs spyod de/_'phral du
phan pa ltar byed kyang phugs su mi 'dod pa du ma sbyin pa yin pas
de bas blo gtad dkon mchog la bcol/_rgyud zhi zhing dul ba'i
bla ma dang ser mo ba bos nas skyabs 'gro 'bum ther re bsags
bcug na srung ba la yang de las lhag pa med de dkon mchog gi
skyabs 'og tu tshud/_tshe 'dir mi 'dod pa thams cad mi 'byung zhing
'dod dgu'i bsam pa thams cad ngang gis 'grub/_dkar phyogs
kyi lha rnams kyis srung zhing nag phyogs kyi gdon bgegs rnams
nye mi nus pa yin te/_sngon rkun po byed pa zhig gzhan gyis bzung
nas/_sangs rgyas la skyabs su mchi'o sogs skyabs 'gro tshar re
dang sbrags dbyug pas na nges pa re brgyabs nas mngags btang
bas/_skyabs 'gro'i tshig de rnams na tsha'i zug rngu dang dbyer med
du yid la lhang lhang gsal bzhin zam pa zhig gi sna 'og tu nyal
nas bsdad pas/_zam thog na tshur lha 'dre mang po 'ong ba rnams
'di na dkon mchog la skyabs 'gro byed pa zhig 'dug zer nas
co dir gyis bros song /_des na snying thag pa nas dkon mchog la
skyabs su song na tshe 'di'i gnod pa sel ba la de las lhag pa med
cing /_phyi ma thar pa dang rnam mkhyen gyi go 'phang yang thob pa sogs
phan yon bsam gyis mi khyab ste/_dri ma med pa'i mdo las/_skyabs

su song ba'i bsod nams gang*/_/gal te de la gzugs mchis na/
/nam mkha'i khams ni kun bkang yang*/_/de ni de bas lhag par
'gyur/_/zhes dang /_phar phyin bsdus pa las/_skyabs song bsod
nams gzugs mchis na/_/khams gsum 'di yang snod du chung /_/rgya
mtsho chen po chu yi gter/_/phul gyis gzhal bar ga la nus/_/zhes
gsungs/_gzhan yang nyi ma'i snying po'i mdo las/_sangs rgyas skyabs
su sems can su 'gro ba/_/bdud rnams bye bas bsad par mi nus
/tshul khrims nyams shing blo ni 'khrugs gyur kyang /_/de ni nges
par skye ba'i pha rol 'gro/_/zhes sogs gsungs pa ltar phan yon
tshad med pa dang ldan pas na chos thams cad kyi rten gzhi skyabs
su 'gro ba'i gnas 'di la nan tan du bya dgos so/_/
skyabs gsum brten kyang snying nas yid ches dman/_/
bslab gsum nod kyang bsrung sdom yal bar bor/_/
bdag dang bdag 'dra snying med sems can rnams/_/
mi ldog dad pa brtan par byin gyis rlobs/_/
lam thams cad kyi rming rdo skyabs su 'gro ba'i khrid do//_//

!_shes rab chen pos myang 'das mngon du mdzad/_/
snying rje chen pos 'khor ba dang du blangs/_/
thabs la mkhas pas 'khor 'das dbyer med rtogs/_/
mtshungs med bla ma'i zhabs la phyag 'tshal lo/_/
gnyis pa theg chen gyi rtsa ba byang chub mchog tu sems bskyed pa'i
khrid la gsum/_tshad med bzhi'i blo sbyong ba/_byang chub mchog tu
sems bskyed pa/_smon 'jug gi bslab bya bzung ba'o/_/
dang po tshad med bzhi'i blo sbyong ba la/
spyir byams pa dang snying rje dga' ba btang snyoms bzhi las/_thog
mar byams pa nas smos kyang /_'dir nyams su blangs nas rim
pa bzhin blo sbyong ba'i tshe/_dang po btang snyoms nas ma sbyangs na/
byams pa dang snying rje sogs phyogs ris can du shor nas rnam par
dag pa zhig mi 'ong ba yin pas/_des na dang po btang snyoms nas
blo sbyong ba yin/_btang snyoms zhes bya ba ni/_dgra la zhe sdang btang /
gnyen la dga' gdung btang /_sems can thams cad la nye ring
dang chags sdang med par snyoms pa la btang snyoms zhes bya/_da

lta'i gnas skabs na pha ma dang gnyen 'dun la sogs rang phyogs
la shin tu chags/_dgra dang de'i phyogs la sdang zhen mi bzad par
byed pa 'di yang ma brtags pa'i skyon yin/_tshe rabs snga ma rnams
su da lta'i dgra 'di rnams kyis kyang rang gi gnyen byas nas brtse
bas 'grogs/_mthun pas bskyangs/_phan btags pa yang bsam
gyis mi khyab/_da lta gnyen du brtsi ba 'di rnams kyang tshe rabs snga
ma la rang gi dgrar gyur te gnod pa byas pa yang du ma yod pa sngar
bshad pa ltar/_'phags pa ka t+yA nas/_pha sha za zhing ma la rdeg_/las
ngan dgra bo pang na bzung /_/chung mas khyo yi rus pa 'cha'/_/'khor
ba'i chos la gad mo bro/_/zhes gsungs pa ltar dang /
der ma zad sngon chos rgyal khri srong lde'u btsan gyi sras mo lha lcam
pad+ma gsal zhes bya ba dgung lo bcu bdun lon pa zhig 'das
skabs/_chos rgyal gyis slob dpon rin po che la/_bdag gi sras mo
lha lcam 'di las dag pa zhig kyang yin pa 'dra ste/_bdag rgyal po
khri srong lde'u btsan gyi bu mor skyes/_khyed lo paN sangs rgyas dngos
lta bu 'di tsam gyi zhal mjal ba yin/_'on kyang tshe thung ngu 'di lta
bu 'byung ba ji ltar lags/_zhus pas/_slob dpon gyi zhal nas khyed
kyi sras mo lha lcam 'di las dag pas khyed kyi sras mor skyes pa ci
yang min/_sngon pad+ma bdag dang chos rgyal chen po bo d+hi satwa rnams
rigs ngan gyi bu gsum du skyes nas/_mchod rten chen po bya rung kha

shor bzhengs pa'i skabs su lha lcam 'di sbrang bu tre ma zhig gi lus
blangs nas yod pas/_rgyal po nyid kyi rtse'u chung la zos pa'i tshe/_rgyal
pos dran med du phyag gis byabs pas sbrang bu shi bar gyur pa de'i
tshe srog gi lan chags kyis khyed kyi sras mos skyes pa yin gsungs/
chos rgyal khri srong lde'u btsan rje btsun 'jam dpal dbyangs
dngos la de lta bu'i lan chags kyi bu rgyud yod na skye bo gzhan la
lta yang ci smos/
des na da lta rang re pha ma dang bu rgyud du 'brel/_brtse gdung dang
'dun pa bsam gyis mi khyab pa byed/_de la sdug bsngal dang mi
'dod pa byung na rang la byung ba las kyang thu ba'i mya ngan 'byung
ba rnams kyang /_sngon gcig gis gcig la gnod pa bskyal ba'i
lan chags 'khor ba sha stag yin/_da ltar rang gi dgra ru gyur pa
'di rnams kyang tshe rabs snga ma rnams su pha ma ma byas pa ni su
yang med/_da lta yang dgra la dgrar bzung yang des rang la gnod
pa'i nges pa'ang med de/_rang gis dgrar bzung yang des tshur la
dgrar mi 'dzin pa dang /_dgrar 'dzin kyang gnod pa skyel mi nus
pa yang yod la/_'phral du gnod pa bskyal yang de'i rgyus rang gi
tshe 'di'i snyan grags 'phel ba dang /_dam pa'i chos dang mjal ba
sogs mthar thug gi phan bder 'gyur ba yang yod/_rang gi thabs
kyis de'i yid dang bstun nas 'jam po'i tshig gis shad sbyangs

te mthun par byas na/_gnyen du 'gyur ba la yang tshegs med/_de
bzhin du da lta gnyen du bzung ba rnams kyang bu tshas pha ma bslus
pa dang gsod pa sogs byed pa yang yod cing /_rang dang mi mthun
pa'i 'gal zla rnams dang bsdongs nas/_de'i phyogs bzung ste nor
'phrog rtsod pa 'gyed pa sogs du ma yod pa dang /_gal te mthun
pa ltar yod na ni/_de la sdug bsngal dang mi 'dod pa sogs byung
na rang la byung ba las kyang thu ba'i sdug bsngal myong ba dang /_gnyen
dang bu tsha la sogs pa de dag gi ched du sdig rlabs po che bsags
nas phyi ma dmyal bar 'phen pa dang /_rang gi chos yang dag pa zhig
bsgrub par 'dod kyang de dag gis bshol 'debs pa dang /_pha ma
dang bu brgyud sogs blos ma thong bas chos phyi bshol du lus nas
bsgrub long mi 'byung ba sogs dgra las kyang thu ba'i gnod pa skyel
ba yin/
de bzhin du skye ba phyi ma phan chad la yang da lta rang gis dgrar
'dzin pa 'di dag rang gi bu rgyud du skye ba dang /_gnyen rnams
dgrar skye ba sogs nges pa med/_des na dgra gnyen gyi snang ba skad
cig ma 'di la bden par bzung nas chags sdang gis las ngan
bsags/_rang nyid ngan song gi gting rdo byed pa zhig byas pa la
dgos pa ci yod/_des na rang gis mtha' yas pa'i sems can
thams cad la pha ma dang bu tsha'i 'du shes nye bar bzhag ste/_sngon

gyi dam pa gong ma'i rnam thar bzhin dgra gnyen mnyam pa nyid du
blta bar bya'o snyam du bsam zhing /_dang po rang gi yid la shin tu
mi dga' zhing khong khro dang zhe sdang skye ba'i yul rnams la thabs du
ma'i sgo nas khong khro dang zhe sdang mi skye ba'i tshul la blo sbyangs nas/
rang bzhin gyi mi phan gnod gang yang med pa'i bar ma rnams dang
snyoms par bya/
de nas bar ma rnams kyang tshe rabs thog ma med pa'i dus nas
rang gi pha ma byas pa la grangs kyis mi chod pa sogs la bsams
nas/_da lta skye ba 'di'i pha ma dngos dang 'dra bar brtse gdung gi
blo ma skyes bar du blo sbyang zhing bsgom/_mthar dgra gnyen bar ma
gsum gang rung du snang ba'i sems can thams cad rang gi tshe
'di'i pha ma dang khyad med du snying rje'i blo ma skyes bar du bsgom/_de
ltar ma byung na rang bzhin du dgra gnyen gang la yang snying rje dang
zhe sdang sogs mi skye bar snyoms pa tsam byung yang /_de ni phan med
gnod med gti mug btang snyoms pa zhes bya ste btang snyoms tshad
med pa'i go mi chod/_des na btang snyoms tshad med pa drang srong gi
mgron 'gyed pa lta bu zhes bya ba/_dper na drang srong rnams mgron
nam ston mo 'gyed pa'i tshe mtho dman drag zhan bzang ngan rab
'bring thams cad la khyad med par 'gyed pa dang mtshungs par/
nam mkhas gar khyab kyi sems can thams cad snying rje chen po'i

yul du mnyam zhing snyoms pa zhig dgos pa yin pas/_de ltar ma
byung gi bar du blo sbyang /
de nas byams pa bsgom pa ni/_de ltar btang snyoms tshad med par
bsgoms pas khams gsum gyi sems can thams cad byams pa
chen po'i yul du snyoms par byas pa de dag thams cad la dmigs
nas/_dper na bu tsha chung ngu pha mas skyong ba na/_bu des tshur la log
sgrub byas pa dang rang gi dka' tshegs thams cad khyad du bsad de/
bu de bde thabs skyid thabs 'jam thabs kho na la lus ngag yid
gsum gyi sgo nas brtson pa ltar du/_sems can de dag tshe 'di dang
phyi mar bde ba dang legs pa'i thabs sna tshogs la rang gi lus
ngag yid gsum gyi 'bad pa 'don/_sems can de dag thams
cad kyang rang bde na skyid na snyam du rang gi bde skyid kho na don du
gnyer ba las/_mi bde ba dang sdug bsngal 'dod pa ni su yang med/
'on kyang bde ba'i rgyu dge ba sgrub mi shes par/_mi dge ba bcu la
longs spyod pas zhe 'dod dang lag len phyin ci log tu gyur nas
'dod pa bde ba 'dod kyang 'ong ba sdug bsngal kho na 'ong ba'i
sems can 'di thams cad/_rang rang so so'i 'dod pa ltar bde ba
dang skyid pa kho na byung na ci ma rung snyam du yang dang yang du bsgom
zhing /_mthar rang la bde ba 'dod pa ci lta bar sems can thams
cad la yang bde ba kho na 'dod pa rang dang khyad med du ma byung

gi bar du bsgom/_de bzhin du mdo sde dag las/_byams pa'i lus
kyi las dang /_byams pa'i ngag gi las dang /_byams pa'i yid kyi
las zhes gsungs pa ltar/_kha yis tshig bshad kyang /_lag gis bya
ba byed kyang /_sems can gzhan la gnod pa med par drangs shing
byams pa'i tshul kho na bya/_spyod 'jug las/_mig gis sems can lta
na yang /_/drang zhing byams pa'i tshul gyis blta/_/
zhes gsungs pa ltar tha na mig gis sems can gzhan la lta na
yang /_'dzum zhing yid du 'ong ba'i tshul gyis lta ba las/_sdang mig
sogs khro ba'i tshul gyis mi blta ste/_sngon mi dpon btsan po gzhan
la mig log kho na lta ba zhig yod pa/_phyis dud gcig gi ma sgyed
'og tu lhag ma za ba'i yi dwags su skyes pa dang /_'phags pa'i gang
zag khyad par can la mig log bltas pas/_dmyal bar skyes par
gsungs pa sogs yod pas/_lus kyi spyod lam thams cad kyang
'jam zhing yid du 'ong ba'i sgo nas gzhan la mi gnod cing phan
gdags pa lhur len/_ngag gis tshig gcig smra yang /_de gzhan la
khyad gsod sun 'byin zur za sogs mi bya bar/_bden pa dang snyan
par smra/_yid kyi sgo nas kyang gzhan la phan par byas na/_de'i bzang
lan 'ong du re ba dang /_spyod lam dang ngag 'jam smra ba sogs
kyis/_gzhan gyi rang la byang chub sems dpar mthong thabs kyi tshul
'chos byed pa sogs ma yin par/_snying thag pa nas gzhan la phan

par 'dod pa dang /_bde ba 'dod pa kho na bya/_bdag skye ba nas skye
ba/_tshe rabs nas tshe rabs thams cad du sems can gzhan gyi tha
na ba spu'i khung bu gcig tsam la gnod pa byed pa ma gyur cig_phan
'dogs par gyur cig snyam du yang nas yang du smon lam gdab/
khyad par rang la bsten pa'i dud 'gro dang 'khor g.yog tha na sgo khyi
yan chad la brdung rdeg dang bkol spyod kyi ha cang mnar ba sogs
mi bya bar/_dus dang rnam pa thams cad du lus ngag yid gsum
gyi sgo nas byams par bya/_da lta bran khol dang sgo khyi sogs su skyes
nas thams cad kyis brnyas bcos dang sdang ba sogs byed pa 'di
rnams kyang sngon dbang yod rer skyes skabs gzhan la khyad gsod
dang /_brnyas bcos sogs byas pa'i las 'bras smin pa dang lan
chags 'khor ba yin/
da lta rang la thob thang dang longs spyod yod pa rgyu mtshan du byas
nas gzhan la brnyas par byas na/_skye ba phyi ma la de'i lan chags
'khor nas rang yang gzhan gyi bran khol sogs byed par 'gyur ba
yin pas rang las dman pa la lhag par yang byams par bya/_khyad
par rang gi pha ma dang gzhan yun ring gi nad pa sogs la sgo
gsum gyis phan par byas tshad phan yon bsam gyis mi khyab ste/_jo
bo rje lha gcig gi zhal nas/_thag ring gi mgron po/_yun ring gi
nad pa/_pha ma rgas 'khogs sogs la byams par byas na stong nyid

snying rje'i snying po can bsgom pa dang 'dra bar gsungs/_khyad par pha
ma ni bu la lhag par brtse zhing drin che bas rgas pa'i dus pha ma'i
zhe gcod pa ni sdig pa lhag par du lci zhing /_bcom ldan 'das kyis
kyang yum gyi drin lan bsab phyir sum cu rtsa gsum gyi lha yul du
byon nas chos gsungs/_bus phrag pa g.yas g.yon gnyis su pha ma
gnyis khur te sa chen po la bskor ba byed pa tsam gyi zhabs tog
bsgrubs kyang pha ma'i drin lan mi 'khor zhing pha ma chos la btsud
na drin lan 'khor bar gsungs pas/_dus rtag tu lus dang ngag
dang yid kyi sgo nas pha ma'i zhabs tog bsgrub/_blo chos la 'gyur
ba'i thabs la 'bad/_gzhan yang o rgyan chen pos/_rgas pa yi mug
ma 'jug bkur stis skyongs/_/zhes gsungs pa ltar/_rang las rgan
pa thams cad la lus ngag gi byams pa byed cing yid la ci 'thad
kyis skyongs/
lar deng sang rang re rnams nas 'khor ba'i 'dug chus sgrub pa
la sems can la gnod mi byed pa'i thabs mi 'dug zer kyang
thabs yong de/_sngon li yul du dge tshul gnyis kyis 'phags pa
'jam dpal bsgrubs pas/_'jam dpal gyi zhal mjal te/_nga dang
khyed gnyis las 'brel med/_khyed gnyis kyi tshe rabs kyi lha skal
'phags pa spyan ras gzigs yin/_spyan ras gzigs de da lta
bod na rgyal po byed cing bzhugs yod pas der song zhig gsungs/

khong gnyis bod du 'ong bas lha sa'i lcags ri'i rgyab na/_mi mang po
bsad pa dang btson du bzung ba mthong nas 'di rnams ci yin
dris pas/_rgyal pos chad pa bcad pa yin zer/_rgyal po de spyan ras
gzigs min par 'dug_nged gnyis la yang chad pa gcod las
che bas bros pa drag snyam/_khong gnyis bros 'ong ba rgyal pos mkhyen
nas 'bod mi btang nas mdun du bos te/_khyed gnyis 'jigs mi
dgos/_bod dmu rgod gdul dka' bas ngas chad pas bcad pa'i
mi bsad pa dang gtub pa sogs sprul pa byas pa yin gyi/_dngos
su nga rang gis sems can gcig gi ba spu'i khung bu tsam la yang
gnod pa bskyal ba med gsungs/
khong bod kha ba can gyi rgyal srid skyong zhing phyogs kyi rgyal po sde bzhi
mnga' 'og tu bsdus/_mtha' yi dmag dpung thams cad btul te
phyogs kyi so kha bsrungs/_dgra 'dul gnyen skyong gi mdzad pa rgya
chen po de lta bu mdzad dgos kyang sems can gcig gi ba spu'i
khung bu la yang gnod pa ma bskyal na/_da lta rang re'i gzhis ngan
'bu tshang lta bu 'di 'dzin pa la sems can la gnod pa ma bskyal
ba'i thabs med pa ga la yin/_sems can la gnod pa bskyal bas
gnod lan rang la 'khor nas tshe 'di dang phyi mar sdug bsngal mu
mtha' med pa la spyod pa'i rgyu byed pa las/_tshe 'di tsam du yang phan
pa mi 'grub ste/_mi bsad pa la stong dang /_rku byas pa la 'jal sprod

pa sogs rang gi nor dang longs spyod chud gzan pa ma gtogs/
de dag la brten nas longs spyod 'grub pa ni su yang mi 'dug
pa'i phyir ro/_/des na byams pa tshad med pa bya mas bye'u gso ba lta
bu zhes bya ste/_bya mas bye'u gso ba'i tshe/_dang po tshang 'jam zhing
bde bar bcas/_de nas kyang gshog pas bkab/_drod la bcar/
spyod lam thams cad 'jam po'i sgo nas bye'u de 'phur ma song gi
bar du skyong ba dang 'dra bar/_khams gsum gyi sems can thams
cad la lus ngag yid gsum gyi sgo nas byams par bya ba la bslab
par bya'o/_/
de nas snying rje bsgom pa ni/
sdug bsngal drag pos mnar ba'i sems can zhig la dmigs nas
de sdug bsngal gyi gnas dang bral bar 'dod pa yin/_gang zhig
nag can btson dong du bcug pa de nyid mthar gsod du nye ba'am/
shan pa'i mdun sar dud 'gro 'chi kha ma lta bu'i sems can sdug
bsngal drag pos gdung ba zhig blo yul du bsams la/_de la brtse
ba'i yul ma dang bu'i 'du shes bskyed/_ces gsungs pas/_dper
na nag can gyi btson pa zhig rgyal pos gsod sar khrid pa'am/
bsha' lug shan pas bzung ste bkyig bzhin pa sogs la bltas

nas/_sems can gzhan de dang de yin snyam pa'i blo de bor nas/
de nga rang yin na ji ltar byed snyam du pha rol sdug bsngal myong ba'i
sems can de la rang nyid yin pa'i blo bzhag_da ci byed bros sa
dang gab sa/_skyabs dang skyob pa ni med/_'bros ni mi nus/_'phur
ni mi shes/_shed dang dpung gis rgol ni mi thub/_da lta skad cig ma
'di'i bar la tshe 'di'i snang ba thams cad dang 'bral/_tha na gces
par bskyangs pa'i lus kyang shul du bzhag nas/_tshe phyi ma'i lam po
cher 'gro dgos pa 'di ya re nga snyam pa la sogs de dag gi sdug
bsngal rang thog tu blangs nas blo sbyang /
yang na bsha' lug gsod sar khrid pa lta bu la bltas nas/_'di
nga'i a ma rgan mo de yin na ji ltar byed snyam du de la lug yin
pa'i blo de bor nas/_snying thag pa nas rang gi ma rgan de yin par
bsgom/_nga'i ma rgan mo de nyes pa cung zad kyang med par gzhan
gyis 'di ltar gsod na da ci byed/_nga'i ma rgan la sdug bsngal ci
lta bu zhig yod snyam du snying thag pa nas rang rgyud la blang /_der
ma rgan mo de 'phral du shan pas gsod pa'i sdug bsngal las thar
'dod dang snying brtse dung dung ba skyes tsa na 'di snyam du/_da lta sdug
bsngal myong ba 'di rang gi da lta'i pha ma min kyang /_skye ba nas tshe
rabs kyi pha ma ni nges par yin/_pha mar gyur nas da lta'i pha ma
bzhin du drin chen pos bskyangs pa sha stag yin pas da lta'i pha ma

dang khyad mi 'dug_'di lta bu'i sdug bsngal drag pos mnar ba'i
pha ma 'di snying re rje/_'di da lta nyid du myur ba nyid du skad cig
nyid du sdug bsngal 'di las thar na ci ma rung snyam du snying rje drag
po shas mi bzod pa mchi ma thon thon du bsgom/_der snying rje skye bar
'dug na/_sdug bsngal 'di lta bu myong ba ni/_sngon mi dge ba byas
pa'i las 'bras yin/_da lta mi dge ba'i las la spyod pa rnams kyang
phyi nas 'di lta bu'i sdug bsngal myong bar nges pas snying re rje snyam
du/_srog gcod byed pa sogs sdug bsngal gyi rgyu bsgrub pa rnams la
dmigs nas snying rje bsgom/_de nas dmyal ba dang yi dwags sogs
su skyes pa'i sems can rnams kyi sdug bsngal la dmigs nas/_de
dag rang yin pa dang /_pha ma yin pa sogs kyi blo bzhag ste/_snying rje
bsgom pa la 'bad/_mthar khams gsum gyi sems can 'di thams
cad/_nam mkhas gar khyab sems can gyis khyab cing /_sems can
gyis gar khyab las ngan dang sdug bsngal gyis khyab pas/_las ngan
dang sdug bsngal kho na la spyod pa'i sems can 'di rnams snying re
rje/_'di thams cad rigs drug so so'i las snang sdug bsngal bag
chags thams cad dang bral nas/_gtan gyi bde ba rdzogs ba'i
sangs rgyas kyi go 'phang thob na ci ma rung snyam du snying thag pa nas
bsgom/_de ltar snying rje bsgom pa de yang dang po'i gnas skabs su
sdug bsngal gyis nyam thag pa'i sems can gang rung re re dmigs

yul du byas nas de kho na la bsgom/_de nas rim pa bzhin du blo
sbyang ste/_mthar sems can thams cad la spyi khyab tu bsgom pa
sogs ma byas na/_snying rje bsgom pa de yang spyi 'byams go yul lta
bur shor nas ci bzhin pa mi 'ong /_khyad par rang la bsten pa'i
phyugs lug dang khyer rta sogs kyi sdug bsngal dang dka' las la
bltas nas snying rje bsgom/
de yang da lta rang re rnams nas rang gi sgo phyugs kyi dud 'gro
rnams la sna 'bigs pa dang /_bya gcod pa/_spu btog pa/_gson khrag
'byin pa sogs dmyal ba dang 'dra ba'i sdug bsngal du ma gtad
nas/_de dag la sdug bsngal yod snyam pa'i snang ba tsam yang mi
byed par 'dug pa 'di/_legs par brtags na snying rje ma bsgoms
pa'i skyon yin/_legs par brtags na da lta rang gi skra nyag ma
gcig 'then nas btog na a tsha tsha zer zhing bzod mi nus pa lta
bu'i zug rngu yod/_de bzhin du gnag phyugs rnams lus kyi rtsid pa
ci yod thams cad gcus phur brgyab nas shed kyis 'then/_shul
dmar rjen du phud/_spu nyag ma re re'i shul nas khrag thigs pa re
'babs/_na tsha dang sdug bsngal ma bzod par 'khun bu byed kyang
de la sdug bsngal yod snyam pa mi byed par/_rang gi lag ngor chu
bur du song ba la mi bzod pa skye/_de bzhin du rta khal sogs zhon
nas 'gro ba'i tshe yang rang gi 'phong na nas sga thog tu sdod mi nus

par bzur te sdod dgos skabs kyang /_rta khal de la ni dka' las
sam sdug bsngal cung zad kyang yod snyam pa mi byed/_cis kyang 'gro
mi nus par hu thug gom rdugs pa'i skabs/_da rung yang 'dis ngan
gshis byas nas mi 'gro ba yin snyam ste/_zhe sdang langs nas rdeg
btsog byed pa las de la sha tsha skad cig kyang mi skye/_khyad par bsha'
lug sogs gsod pa'i skabs/_dang po mang po'i khyu nas bzung ba'i
tshe/_de la 'jigs skrag gi snang ba bsam gyis mi khyab pa yod pas/
dang po gang du bzung sa der sha la khrag tshom 'byung*/_de rjes lus
gnam sa bsgyur yan lag 'breng bas bkyig_mchu tha gus dkris/
dbugs phyi nang gi rgyu 'grul bcad de gnad gcod kyi sdug bsngal
dos drag po myong ba'i skabs su yang da dung cung zad 'chi ba 'gor
na shan pa las ngan phal cher zhe sdang langs nas 'di la 'chi rgyu
mi 'dug zer te brdung rdeg sogs byed/_shi ma thag de'i pags
bshus nang lto phyung /_de ma thag gnag phyugs gzhan zhig la khong
khrag bton te/_de yang lus gom tshugs mi thub par 'khyor ro ro
'gro ba zhig byas/_shi khrag dang gson khrag gnyis bsres pas sngar
bsad pa de'i nang lto g.yos nas za phod pa 'di las kyi srin po
dngos su 'dug_da legs par bsam na dud 'gro de dag rnams
kyi sdug bsngal la bltas nas/_de rang yin par bsgoms na ci 'dra
zhig 'dug_rang gi mchu lag pas bkab nas dbugs bgags

te cung zad sdod dang /_de la na tsha dang 'jigs skrag ci lta bu zhig
'dug_de ltar legs par brtags nas de lta bu'i sdug bsngal drag
po la khor mor spyod pa'i sems can de thams cad snying re rje/_de
thams cad sdug bsngal gyi rnam grangs de dag las skyob pa'i nus pa
bdag la yod na ci ma rung snyam du yang dang yang du bsgom/
khyad par byams pa dang snying rje'i mnga' bdag bla ma ser mo ba
rnams yin dgos pa las/_bla ma dang ser mo ba rnams la byams
pa dang snying rje spu tsam yang med par sems can sdug la gtad pa
khyim pa rnams las kyang thu ba 'di sangs rgyas kyi bstan pa mtha'
la thug ste/_sha za dang srin po mchod gnas su byed pa'i skabs la
babs pa yin/_sngon bdag cag gi ston pa shAkya thub pa yang 'khor
los sgyur ba'i rgyal srid mchil ma'i thal ba bzhin du bor te rab
tu byung*/_'khor dgra bcom pa'i tshogs dang bcas pa thams cad
lhung bzed dang 'khar gsil bsnams te zhabs thang du bsod
snyoms la phebs pa las/_rta khal dang dre'u sogs yod pa lta ci/
bcom ldan 'das nyid la chibs pa zhig kyang chibs rgyu med pa de/
sems can sdug la gtad pa sangs rgyas pa'i chos lugs min par
dgongs nas ma chibs pa yin gyi/_bcom ldan 'das thabs rdugs
nas rta rgan zhig chibs rgyu ma rnyed pa ga la yin/_da lta rang re'i
ser mo ba rnams grong chog sogs la 'byon skabs g.yag rgan re'i

sna a lung du phug nas der rnga ma'i thag pa rtsub nges pa re drangs/
de'i rgyab tu zhon nas phyag gnyis kyis shed phyung ste thag pa 'then
res kyis sna nang du drud pas g.yag rgan sna'i na tsha ma bzod par
skor ling byed pa na shed phyung ste lcag rgyun gyis brab/_der 'phongs
la lcag gis brabs pa'i na tsha ma bzod par rgyug tsa na yang sna nas
'then/_yang sna'i na tsha ma bzod par bsdad tsa na lcag gis brab/_de
gnyis res mos kyis song song bas lus ngal dub dang sdug bsngal
du gyur/_spu nyag ma re nas rngul thigs pa re 'babs/_lce dos phyar
tsam drud de 'gro mi nus par dbugs har sgra 'don pa'i tshe/_da
dung yang 'di legs par mi 'gro ba ci yin na snyam zhe sdang langs
nas lcag yu dbyug pa des 'phongs la brab/
de yang zhe sdang gis shed phyung che bas dbyug pa de dum bu gnyis
byas/_chag 'phro de sked gseb tu drangs/_rdo mdung zhig blangs/_sga
thog nas phyir la 'khor te g.yag rgan gyi tshang ra la brdung gin
'gro ba de snying rje cung zad kyang rgyud la ma skyes pas lan/_da de tsa
na g.yag rgan de la rang yin pa'i blo zhig bzhag_rang gi rgyab tu
mi theg pa'i khur chen po zhig bskur/_sna thag pas drangs/_'phongs
lcag gis brab/_rtsibs ma yob chen gyis bcom pas mdun rgyab
dang g.yas g.yon thams cad na zug tsha zug gi ngang la skad cig
tsam yang ngal gso long med par gyen mthon po la 'dzegs/_thur

gzar mo la babs/_chu chen po la 'bog_thang chen po la bgrod/
zas kham gcig kyang za long med par da nangs nam langs nas do
dgong nyi ma dmar thag ma chad bar mi 'dod bzhin du 'gro dgos
byung na/_de la dka' tshegs dang ngal dub ci lta bu zhig yod/_na tsha
dang bkres skom ci lta bu zhig myong snyam nas sdug bsngal rang thog
tu blangs na/_snying rje drag po shas mi bzod pa zhig mi skye ba'i thabs
de bzhin du spyir bla ma dang ser mo ba zhes bya ba ris med pa'i
sems can thams cad kyi skyabs dang skyob pa mgon dang dpung
gnyen yin pa la/_rang la bza' btung dang 'bul ba byed pa'i yon
bdag de rang phyogs su bzung nas de la srungs shig dang skyobs
shig zer zhing dbang skur dang byin rlabs byed/_las ngan gyi rgyus
'phangs pas lus ngan blangs ba'i yi dwags dang 'byung po gnod
med/
byed kyi 'dre de gzhan phyogs su bzung*/_de la zhe sdang skyes te sod
sod dang rgyob rgyob zer nas brdung rdeg gi stangs ka byed/_lha 'dre
gnod byed de gsod rgyu dang brdung rgyu zhig tu 'dzin pa de yang
rang rgyud chags sdang gi dbang du shor nas mnyam pa'i snying rje chen
po ma skyes pas lan/_da legs par brtags na yon bdag las
kyang gnod byed de snying rje ste/_gnod byed kyi lha 'dre de las ngan gyi
rgyus 'phangs/_lus ngan yi dwags su skyes pas/_na tsha dang 'jigs

skrag gi snang ba dpag tu med/_rtag tu bkres skom dang ngal dub kho
na la spyod/_snang ba thams cad dogs par 'char rgyud zhe sdang dang
gdug rtsub che bas shi ma thag dmyal bar 'gro ba mang bas de las
snying rje ba su yod/_yon bdag de la na tsha dang zug rngu skyes kyang
des las ngan 'dzad pa ma gtogs las ngan mi sog_gnod byed
des bsam ngan gyis gzhan la gnod pa byas pas las ngan gyi rgyus
ngan song gi gting du 'phen pa yin/
des na rgyal ba thabs mkhas la thugs rje che bas drag shul dang
mngon spyod kyi las kyis lha 'dre bskrad pa dang bsdigs pa sogs
gsungs pa de yang /_lha 'dre de kho rang snying rje bas/_dper na byis
pa chung ngu nyan du ma btub pa la mas brdung rdeg byed pa lta bu dang /
sdig pa dang mi dge ba kho na la longs spyod pa'i sems can de las
ngan gyi rgyun bcad nas rnam shes dag pa'i zhing du 'phen nus na
bsgral las byed pa sogs gnang ba yin gyi/_yon bdag dang grwa
'khor sogs rang phyogs su bzung nas de la chags/_lha 'dre dang
gnod byed de gzhan phyogs su bzung nas de la sdang /_chags sdang
gi dbang gis rang phyogs srung ba dang gzhan phyogs brdung ba'i
thabs rgyal bas gsungs pa ga la yin/_de lta bu'i chags sdang gi
blo dang ldan phyin lha 'dre yid kyi gzugs can de dag bskrad pa
dang brdungs pa sogs byas kyang nyan du mi btub cing slar rang

la gnod pa byed/_chags sdang gi blo can lta ci/_lha 'dre rang rgyud
du bzung nas song na dga' ba tsam gyi blo yod kyang lha 'dre mi thul
ba/_sngon rje btsun mi la mchong lung khyung gi rdzong na bzhugs skabs/
bgegs kyi rgyal po bi nA ya kas cho 'phrul byung ste/_a tsa ra mig
phor khog tsam bsgrad pa lnga gzim khang du 'dug pa/_bla ma dang
yi dam la gsol ba btab rung ma song /_yi dam gyi bskyed rim
bsgoms nas drag sngags bzlas kyang 'gror ma 'dod pa'i tshe/_nga
la lho brag mar pas/_snang srid sems su ngo sprad cing /_sems nyid
'od gsal stong par ngo sprad pa yin pas/_gdon bgegs phyi rol
du bzung nas song na dga' ba 'di byed don mi 'dug dgongs te/
lha 'dre rang snang du shes pa'i lta ba'i ngar gdengs skyes nas nang du
'tshangs kyis byon pas/_khong rnams skrag nas mig rig rig byed
cing mi snang bar gyur/
de bzhin du brag srin mo'i glu las kyang /_lar bag chags bdud
'di sems las byung /_/sems kyi de nyid ma shes na/_/khyod song zhig
byas pas nga mi 'gro/_/rang sems stong par ma rtogs na/_/'dre nga
yis mi tshad gzhan yang yod/_/rang sems rang gis ngo shes na/_/mi
mthun rkyen rnams grogs su 'char/_/nga brag srin mo yang 'bangs
su mchi/_/zhes pa ltar/_lha 'dre rang sems su shes pa'i lta ba'i
gdengs dang ma ldan na/_zhe sdang gi lha 'dre 'dul ga la nus/_de

bzhin du sbyin bdag gi khyim du 'byon skabs kyang yon bdag des
bshas lug ci tsam zhig bsad nas drangs kyang thugs la dogs pa
tsam yang med par dgyes bzhin du gsol/_khyad par srung ba dang
gsol mchod sogs byed pa'i skabs rdzas sha gtsang ma zhig dgos
zer nas/_da lta 'phral du bsad pa'i sha tshil khrag tsa re rlangs pa
phal le ba de la gtsang mar 'dzin zhing /_de dag gis gtor ma
dang mchod rdzas thams cad brgyan te rngam rngam dang rdzig rdzig byed
pa de dag bon dang mu stegs pa lta bu zhig gi chos lugs yin na
ma gtogs nang pa sangs rgyas pa'i chos lugs ni min/_nang pa
sangs rgyas pa'i chos lugs yin na chos la skyabs su song nas
sems can la 'tshe ba spang dgos rgyu yin pa la/_gang du 'gro yang
der sems can re'i srog la 'tshe ba byas nas bsad/_sha khrag la
longs spyod na skyabs 'gro dang ci'i phyir mi 'gal/
khyad par theg pa chen po'i byang chub sems dpa'i lugs la mtha'
yas pa'i sems can thams cad kyi skyabs dang skyob pa byed dgos
rgyu la/_gang bskyab par bya rgyu'i sems can las ngan de la snying
rje spu tsam yang med par/_bskyab bya sems can de bsad nas sha
khrag g.yos su byas/_skyob pa po byang chub sems dpa' de'i drung
du bzhag tsa na dgyes bzhin du rkan sgra thag ge gsol 'gro na de
las thu ba dang sdug pa ci yod/_gsang sngags rdo rje theg pa'i gzhung

rnams las/_sha khrag mchod pa gzhung bzhin ma tshogs te/_/si ha phra
men thugs dang ci 'gal ba/_/yul gyi mkha' 'gro'i sku la bzod
par gsol/_/zhes gsungs te/_sha khrag gi mchod pa gzhung bzhin
du tshogs pa zhes bya ba de/_gsang sngags kyi rgyud sde'i gzhung nas
bshad pa bzhin du tshogs dgos pa la zer ba yin/_gsang sngags
kyi gzhung nas ji ltar bshad na/_sha lnga bdud rtsi rnam pa lnga/_/bza'
bca' btung ba phyi yi tshogs/_/zhes bya ste/_gsang sngags kyi dam
rdzas su 'os ba'i sha lnga po/_mi sha dang /_rta sha dang /_khyi sha la sogs
pa kha zas kyi ched du gsod par mi 'gyur ba'i sdig med kyi sha lnga
po tshogs rdzas su bshams pa sha khrag mchod pa gzhung bzhin du
tshogs pa yin/_de ltar ma yin par gtsang dme'i gnyis rtog gis
bcings nas/_mi sha dang /_khyi sha sogs la mi gtsang ba dang dman
par 'dzin zhing kha zas kyi ched du 'phral la bsad pa'i sha zhim
pa dang tsho ba la gtsang mar 'dzin na/_dang du blang ba'i dam tshig
lnga/_/gtsang dmer bltas dang bag med spyad/_/ces bya ba'i gtsang
dmer lta ba yin pas dang du blang ba'i dam tshig dang 'gal/_rung
ba'i sha lnga po yin kyang kha zas bdud rtsir sgyur nus pa dang /_dben
par dngos grub sgrub pa'i tshe ma yin par/_sha'i ro la sred pas grong
yul du bag med du zos na/_dang blang gi dam tshig bag med du
spyad pa zhes bya ste/_de yang 'gal/

des na rdzas sha gtsang ma zhes bya ba de yang kha zas kyi don du bsad
pa ma yin zhing /_rang gi las kyis shi ba'i sha zhes sems can rang
gi las kyi dbang gis rgas nas tshe zad pa'am/_nad kyis shi ba la
sogs pa'i sha la zer ba yin/_de ltar ma yin par 'phral du bsad
pa'i sha khrag dron mo dkyil 'khor du bzhag na lha ye shes pa thams
cad brgyal 'gro bar mnyam med dwags po rin po ches gsungs/
gzhan yang lha ye shes pa spyan drangs nas/_bsad pa'i sha khrag gis
mchod na ma sngon du bu bshas pa dang 'dra zhes gsungs te/_dper
na ma mgron du bos nas de'i sngon du bu bsad pa'i sha bzhag na ma
de dga' 'am mi dga'/_de bzhin du rgyal ba sras dang bcas pa
thams cad khams gsum gyi sems can thams cad la bu gcig
pa'i ma bzhin du brtse bas dgongs te bzhugs pa la/_las ngan gyi
gzhan dbang du gyur pa'i dud 'gro bsam med cig bsad nas sha
khrag gi mchod pa byas pas rgyal ba dgyes pa'i thabs med de/_rgyal
sras zhi ba lhas/_gang zhig lus la kun nas me 'bar ba/_/'dod pa
kun gyis yid bder mi 'gyur ltar/_/de bzhin sems can gnod
pa byas na yang /_/thugs rje che rnams dgyes pa'i thabs med do/_/
zhes gsungs/
des na bsad pa'i sha khrag kho na la longs spyod bzhin sha mchod
dang khrag mchod byas te srung ma gsol mchod sogs byas tshe/_lha

ye shes pa rnams dang /_rgyal bstan srung ba'i chos skyong rnams kyang
byang chub sems dpa' sha stag yin pas/_de dag gis shan pa'i
'dun pa lta bus sems can bsad pa'i mchod rdzas la bzhes pa lta
ci/_de'i phyogs tsam du nye mi nus/_nag phyogs kyi lha 'dre mthu bo che
bsad pa'i sha dron mo dang /_khrag dron mo la dga' ba/_sems can
la gnod pa'i las la rtag par brtson pa de dag der 'dus nas
de'i sha khrag gi mchod pa byas pa la longs spyad de/_gnas skabs
su dmar chog byed pa de'i rjes su 'brang zhing mthun rkyen phran bu
re sgrub/_rtag par sems can la gnod pa 'ba' zhig byed pas/_na
tsha dang ye 'drog glo bur du gtong zhing der yang dmar chog byed
pa de 'ong nas sha mchod dang khrag mchod byas pas re zhig phan
pa ltar byed/_khong gnyis gcig grogs gcig gis byed de rtag
tu 'bral ba med par sha za so la chas pa ltar/_za rlom/_'cha' rlom/
rnyed rlom kho nas rgyu/_dmar chog mkhan po de yang lha 'dre ma rungs
pa de dag gis rgyud brlams pas sngar nges 'byung dang skyo shas/_dad
pa dang dag snang /_chos kyi snang ba yod pa de dag thams cad 'grib/
sangs rgyas nam mkhar 'phur yang dad pa dang /_sems can rgyu ma
lug kyang snying rje med par las kyi srin po dmag la chas pa ltar/
gdong dmar phyur re/_shes pa khro ling nge/_rgyud rtsub hrag ge_rtag tu
gzer gur re ba zhig byas/_lha 'dre'i sdong grogs byas pas ngag

nus dang byin rlabs yod pa'i snyems 'chang zhing /_shi ma thag dmyal
bar rdo 'phangs pa ltar 'gro ba'am/_yang na las ngan gyi kha cung zad
ma gang bas/_lha 'dre ma rungs pa'i 'khor du skyes te sems can gyi
srog la dbang ba'am/_khra dang spyang ki la sogs par skye bar 'gyur
pa yin/_sngon chos rgyal khri srong lde'u btsan gyi sku ring la rgyal po'i
sku'i rim gror/_bon po rnams kyis sha mchod dang khrag mchod byas
pa'i tshe/_o rgyan sangs rgyas gnyis pa/_paN chen bi ma mi tra/_mkhan
chen byang chub sems dpa' la sogs lo paN rnams kyis bon po'i
yas la gzigs nas thugs shin tu ma dga' ste/_bstan pa gcig
la ston pa gnyis mi 'ong /_/chos lugs gcig la byed lugs gnyis
mi 'byung /_/chos kyi khrims dang mi mthun bon lugs 'di/_/sdig pa
phal gyi thun mongs ma yin pas/_/'di 'dra byed bcug nged rnams
rang yul 'gro/_/
zhes gsungs shing paN+Di ta thams cad gros med par thugs blo
gcig tu gyur te/_rgyal pos chos gsung bar zhus kyang chos mi
gsungs/_bzhes pa drangs kyang mi bzhes par bzhugs pa yin/_da
lta rang re sngon gyi paN grub byang chub sems dpa' de dag gi rjes
'jug yin par rlom zhing /_gsang sngags kyi cho ga zab mo thams
cad bon du gyer te sems can la gnod pa byas na/_bstan pa'i bla
btsong dkon mchog gi rkang 'dren/_rang gzhan dmyal bar 'phen

pa yin pas/_dus rtag tu dman pa'i sa bzung /_hrul po'i gos gyon/
sems can thams cad la phan ci thogs byed cing byams pa dang
snying rje gnyis po 'di kho na rgyud la skye nges kyi bar du chig sgril
du 'bad na kha ton dang dge sbyor/_sems can gyi 'gro don sogs
g.yer po che'i chos shig ma 'grub kyang rung ste/_chos yang dag par
sdud pa'i mdo las/_sangs rgyas thob par 'dod pas chos mang po la
bslab par mi bgyi yi/_chos gcig la bslab par bgyi'o/_/de gang
zhe na snying rje chen po'o/_/gang la snying rje chen po yod pa de la sangs
rgyas kyi chos thams cad lag mthil du yod pa ltar 'gyur ro/_/zhes
gsungs/
sngon dge bshes ston pa'i drung du sku mched gsum dang khams lung
pa'i slob ma yin pa'i btsun pa zhig mjal du byung ba la/_ston pas
pu to ba khong ci mdzad kyin gda' gsungs pas/_khong gis dge
'dun brgya phrag mang po la chos gsung gin gda' zhus pas/_ngo
mtshar che/_de yang gcig yin gsungs/_dge bshes phu chung ba khong
ci mdzad kyin gda' gsungs pas/_rang gzhan gyi yo byad mang pos
rten gsum 'ba' zhig bzhengs shing gda' zhus pas sngar bzhin
gsungs/_dgon pa ba khong ci mdzad kyin gda' gsungs pas/_khong
sgom 'ba' zhig mdzad kyin gda' zhus pas/_sngar bzhin gsungs/
khams pa lung pa khong ci mdzad kyin gda' gsungs pas/_khong grog

kha re ru bzhugs/_dbu btums te bshum pa 'ba' zhig mdzad cing
gda' zhus pas/_ston pas dbu zhwa phud/_thugs kar thal mo sbyar/
spyan chab mang po phyung nas shin tu ngo mtshar che/_chos bya ba khong gis
byas pa yin/_'di'i yon tan mang po bshad rgyu yod de/_da lta bshad
na khong mi mnyes par 'dug gsungs/_khams pa lung pa khong dbu
btums nas bshum pa 'ba' zhig mdzad pa'i tshe/_'khor ba na sdug
bsngal gyis mnar ba'i sems can rnams la dgongs nas snying rje
kho na bsgoms te bshum pa yin/_de bzhin du byams pa dang snying rje
gnyis po 'di gal che ba'i rgyu mtshan mang po spyan snga bas gsungs
pa'i tshe/_glang thang pas phyag mdzad de/_bdag dus 'di nas bzung
ste byams snying rje 'ba' zhig sgom par zhu zhus pas/_dge ba'i
bshes gnyen pas dbu zhwa phud/_shin tu yang cha bzang lags zhes
lan gsum gsungs/
rang rgyud kyi sdig sgrib sbyong ba la yang snying rje las lhag pa med de/
sngon rgya gar du dam pa'i chos mngon pa la dgra lan gsum byung
bas nub pa na/_bram ze'i dge slong ma gsal ba'i tshul khrims zhes
bya bas bdag bud med du gyur pa/_skye ba dman pas sangs rgyas kyi
bstan pa gsal bar byed mi nus pas skyes pa dang 'grogs te bu
bskyed la/_dam pa'i chos mngon pa dar du gzhug go dgongs nas/
rgyal rigs shig dang 'dus pa las 'phags pa thogs med dang /

bram ze zhig dang 'dus pas dbyig gnyen 'khrungs/_sras gnyis ka
cher skyes nas pha'i las dri ba la ma na re/_khyed gnyis pha'i las kyi
don du bskyed pa ma yin gyi/_sangs rgyas kyi bstan pa dar bar bya
ba'i don du bskyed pa yin pas chos slob la/_dam pa'i chos mngon
pa'i bstan pa dar ba zhig gyis shig zer bas/_dbyig gnyen kha
che'i 'dun bzang gi drung du mngon pa slob pa la song /_thogs med
kyis ri bo bya rkang can du phyin nas rgyal ba byams pa'i zhal mjal
 gdams ngag zhus chog pa zhig bya dgongs nas byams pa bsgrub/
lo drug gi bar du dka' ba spyad de bsgoms pas rmi lam bzang
po tsam yang ma byung /_der khong gis da mi 'grub pa yin pa 'dra
dgongs yi chad de byon pas/_lam ka zhig na mi zhig gis lcags
kyi sdong po chen po zhig ras 'jam pos phyi yin 'dug
khyod kyis 'di 'di ltar phyis nas ci byed pa yin dris pas/_nga la
khab med pas/_ngas 'di zad nas khab cig byed 'dod pa yin
zer/_khong gi thugs dgongs la lcags kyi sdong po chen po 'di ras
'jam po 'dis phyis pas zad nas khab tu gyur pa'i dus mi 'ong /
brgya la 'ong yang de'i tshe kho ga la yod/_'jig rten pa rnams don
med pa'i las la 'di tsam gyi dka' las byed pa la bltas na/_ngas
dam pa'i chos bsgrub pa la snying rus ye ma nus par 'dug dgongs
phyir log nas byon te/_slar yang lo gsum gyi bar du bsgrubs kyang

rtags tsam yang ma byung*/_da ni nges par mi 'grub pa 'dra dgongs
nas byon pas/_yang lam kha zhig na brag ri chen po dgung la reg
pa zhig gi drung na mi zhig gis bya sgro zhig chu nang du shan nas brag
de la byab cing 'dug_khyod ci byed pa yin dris pas/_'di'i brag
'di mtho ches nas nga rang gi khang pa brag 'di'i nub na yod pa'i
steng du nyi ma mi 'char bar 'dug pas/_brag 'di zad nas med
par byed pa yin zer/_khong gi thugs la yang sngar ltar dgongs
nas slar log ste lo gsum du bsgrubs kyang rmi lam bzang po tsam
yang ma byung bas khong yi chad de da ni cis kyang mi 'grub par
'dug dgongs byon 'ongs pas/_lam kha zhig na khyi mo rkang pa
gnyis zha ba zhig khog smad thams cad 'bus g.yengs rung da dung
gzhan la zhe sdang skyes nas khog stod khong gi steng du zug cing khog
smad drud nas 'dzin du 'ong ba ltar byed pa la/_khong snying rje drag po
shas mi bzod pa zhig skyes/_sku lus kyi sha bcad de byin nas khog
smad kyi 'bu bsal bar 'dod pa la phyag gis bsal na 'bu bsad
kyis dogs/_'bu 'di rnams lces blangs te bsal dgos dgongs
kyang khyi'i lus thams cad rul ba dang rnag gis gang bas mthong
bzhin du lces reg ma nus te spyan btsum nas ljags brkyangs pas/
ljags khyi ro la ma thug par sa la thug song /_spyan phyes nas bltas
pas khyi ro mi snang bar rje btsun byams pa 'od kor re bzhugs

'dug_thugs rje re chung de tsam du zhal mi ston pa zhus pas/_ngas
khyod la zhal ma bstan pa min/_nga dang khyod la 'bral ba med kyang /
khyod sdig sgrib ches pas ma mthong ba yin/_khyod kyi lo bcu gnyis su
sgrub pa byas pas sdig sgrib cung srab pas khyi mo ru mthong zhing /_da
lta snying rje chen po skyes pas sgrib pa lhag ma med par dag ste nga rang
dngos su mthong ba yin/_de yid mi ches na nga rang phrag par thogs
la mi thams cad la ston dang gsungs/_thogs med kyis byams pa
phrag pa g.yas su thogs te/_tshong 'dus su phyin nas mi thams cad
la nga'i phrag pa na ci 'dug gsungs pas/_thams cad kyis ci yang
mi 'dug zer/_cung zad bag chags srab pa'i rgan mo zhig gis
khyod kyi phrag pa na khyi ro rul pa zhig 'dug zer/_de nas thogs
med mgon po byams pas dga' ldan lha yul du khrid de byams chos
sde lnga sogs bstan nas/_slar mi yul du byon te theg pa chen po'i
bstan pa dar bar mdzad pa yin/_des na sdig pa sbyong ba la yang
snying rje las lhag pa'i chos med cing /_byang chub kyi sems thun mong
ma yin pa rgyud la skye ba'i rgyu ma nor ba yin pas thabs du ma'i sgo
nas snying rje 'di bsgom pa la 'bad dgos/
de ltar snying rje bsgom pa de yang ma lag rdum ma'i bu chus khur ba lta
bu zhes bya ste/_ma lag pa med pa zhig gi bu chus khyer na/_bu la snying
brtse ba'i sdug bsngal drag po shas mi bzod pa skye/_rang la lag pa

med pas chu nang nas 'don ni mi nus/_da ci drag na snyam du thabs
kho na sems shing snying nas mi bzod par 'o dod 'bod cing rgyug pa
dang 'dra bar khams gsum gyi sems can thams cad sdug bsngal
gyi chu bos khyer/_'khor ba'i rgya mtshor bying ba la shas mi bzod pa'i
snying rje skye yang rang la de dag sdug bsngal las skyob pa'i nus pa
med/_da ci byed snyam du snying thag pa nas bla ma dang dkon mchog la
gsol ba 'debs shing snying rje bsgom par bya'o/_/
de nas dga' ba bsgom pa ni/
gang zhig rigs rus stobs 'byor mnga' thang dang ldan pa la
sogs mtho ris kyi yul na bde zhing skyid pa/_tshe ring ba/_'khor
mang ba/_longs spyod dang ldan pa zhig dmigs yul du bsams
nas/_de la 'gran sems dang phrag dog med par/_da rung 'di bas
kyang mngon mtho'i dpal gyis 'byor zhing /_'tshe ba med pa/_shes
rab che ba la sogs phun sum tshogs pa du mas 'byor par shog
cig_sems can gzhan rnams kyang 'di lta bu'i go 'phang la gnas
na nga re dga' snyam du yang dang yang du bsgom/_de yang dang po gang
la skye sla ba'i yul rang gi nye ba dang mdza' bshes la sogs pa la
yon tan dang bde skyid yod pa la dmigs nas dga' ba bsgom/

de rgyud la skyes nas bar ma rnams la bsgom/_de nas rang la gnod
byed kyi dgra dang khyad par phrag dog gi gnas su gyur pa thams
cad la/_gzhan 'byor phun tshogs la mi bzod pa'i blo ngan gyi rtsa ba
drungs nas phyung ste/_bde ba dang ldan pa'i cha thams cad la dga'
ba khyad par can du bsgom zhing mthar dmigs pa med pa'i ngang la
bzhag
de yang dga' ba ni/_phrag dog med pa'i blo yin pas thabs sna
tshogs pas blo sbyangs te phrag dog gi blo ngan 'di rgyud la mi skye
ba'i thabs la 'bad dgos/_khyad par rgyal ba'i sras po byang chub
sems dpa' rnams kyis sems can thams cad kyi don du sems
bskyed nas sems can de dag thams cad gtan du bde ba rdzogs
pa'i sangs rgyas kyi go 'phang dang*/_'phral du bde ba mngon mtho lha
mi'i go 'phang la bkod dgos rgyu yin pa la/_sems can rang rang
gi las dbang gis yon tan nam 'byor pa phra mo re thob pa la/_mi
dga' ba skye ba'i thabs ci la yod/_rang rgyud phrag dog gis bslad
phyin chad gzhan gyi yon tan mi mthong zhing /_rang gi sdig tshabs po
che gsog pa yin te/_sngon rje btsun mi la sku bsod dang phrin las
rgyas pa'i skabs/_mtshan nyid kyi ston pa dar blo zhes bya ba phrag dog
skyes nas rgol du byung ba la/_rje btsun gyis mngon mkhyen dang rdzu
'phrul ci tsam zhig bstan kyang yid mi ches shing log lta dang skur

'debs kho na byed pas phyis gdon chen po zhig tu skyes pa dang /
yang dge bshes rtsag phu ba zhes bya ba'i mtshan nyid pa zhig gis rje
btsun la dug drangs pa sogs kyang phrag dog kho na'i dbang gis
yin/_des na phrag dog can gyi gang zag de la/_sangs rgyas dngos
su byon kyang 'dren mi nus te rang rgyud phrag dog gis bslad pas
gzhan gyi yon tan mi mthong /_yon tan ma mthong bas dad pa spu
tsam yang mi skye/_dad pa ma skyes pas thugs rje dang byin rlabs kyi
snod du mi rung ste/_lhas byin dang legs skar gnyis kyang bcom
ldan 'das kyi gcung yin pas khong gnyis phrag dog gis rgyud
'khrugs te/_bcom ldan 'das la dad pa cung zad skyer ma 'dod
pas tshe gcig tu ston pa'i drung na gnas kyang 'dul ba'i thabs
med pa yin/
der ma zad gzhan la bsam pa ngan pa kho na bzung bas de la cung
zad kyang mi gnod kyang rang gi sdig tshabs po che sog pa yin te/
sngon dge bshes che rab gnyis 'gran zlar yod pa la/_gcig la
bud med yod zer ba gcig gis thos pas/_nye gnas la ja zhim
po zhig skol cig_gtam snyan thos zer/_ja bskol nas drangs te
gtam snyan ci gsan zhus pas/_rang re'i 'gran zla de la bud med
byung zer lo/_de kun spangs grags rgyal gyis gsan pas/_zhal
nag ting song nas de gnyis sdig pa gang che'am/_gsungs zer/_de

ltar phrag dog dang 'gran sems sogs rtag tu sgom pa de rang la
mi phan gzhan la mi gnod/_don med du rang gi sdig sog pa yin
pas de lta bu'i bsam pa ngan pa de spangs te/_dus rtag tu gzhan la
rigs dang gzugs dang nor dang thos pa la sogs yon tan dang
mthun rkyen ci tsam 'byor pa la snying thag pa nas dga' ba bsgom
zhing /_'di la 'di lta bu'i yon tan dang 'byor pa sogs yod pa nga
re dga'/_da dung 'di la 'di dag las lhag pa'i stobs dang 'byor
pa thos pa yon tan la sogs pa'i dpal gyis 'byor zhing phun
sum tshogs par gyur na ci ma rung snyam du snying thag pa nas bsgom/
dga' ba tshad med pa rnga mos rnge'u stor nas rnyed pa lta bu zhes bya ste/
rnga mo de sems can gzhan las kyang bu la lhag par brtse ba yin
pas/_de'i rnge'u de stor na de tsam gyi mya ngan che zhing /_gal te rnyed
na bsam gyis mi khyab pa'i dga' ba skye ba de lta bur bslab bo/_/de
ltar tshad med pa bzhi po de dag byang chub kyi sems mtshan nyid pa
rang rgyud la skye ba'i rgyu ma nor ba yin pas/_ci nas kyang rgyud la ma
skyes bar du bsgom dgos/
de ltar tshad med pa bzhi po de yang don tshur bsdus te go sla bar
byas na/_bsam pa bzang po zhig la 'du ba yin pas dus dang rnam
pa thams cad du bsam pa bzang po kho na la bslab dgos/_sngon
jo bo rje lha gcig phyag bsnyung ba la 'brom ston gyi pang du bzhag

nas 'di la khyod kyis byin rlabs shig gyis dang /_khyod la bsam pa
bzang po yod pa yin gsungs/_bsam pa bzang po kho na gtsigs
su mdzad/_khams bde byed pa la yang bsam pa bzang po byung ngam
gsungs/_zhal ta mdzad pa thams cad la yang bsam pa bzang po
gyis ang gsungs pa yin/_bsam pa bzang ngan 'di'i dbang gis
las dkar nag dang stobs che chung thams cad kyang bsgyur 'gro
ba yin/_bsam pa bzang na lus ngag gi las gang byas dge bar
'gyur ba yin te/_sngar sAts+tsha'i steng du lham krad bzhag pa'i lo rgyus
lta bu dang /_bsam pa ngan na rnam pa dge ba ltar snang ba rnams kyang
don du mi dge bar 'gyur bas/_dus dang rnam pa thams cad du
bsam pa bzang po la bslab dgos/_ji skad du/_bsam pa bzang na
sa dang lam yang bzang /_/bsam pa ngan na sa dang lam yang ngan/_/
thams cad bsam pa dag la rags las pas/_/rtag par bsam pa
bzang la 'bad par bya/_/zhes gsungs/
bsam pa bzang na sa dang lam yang ji ltar bzang na/_sngon rgan mo
ma bu gnyis lag sbrel byas nas chu chen po zhig la 'bog pas/_ma
bu gnyis ka chus khyer song /_mas bsam pa la bu mo 'di chus mi
khyer ba zhig byung na nga rang chus khyer kyang khyer snyam/_bu mos bsam
pa la/_a ma chus ma khyer na nga rang khyer kyang khyer snyam/_gnyis kas
gcig gis gcig la bsam pa bzang po byed bzhin/_chu nang du shi

bas gnyis ka tshangs pa'i 'jig rten du skyes pa yin/_yang sngon bya
sa ko khar/_gru zhig gi nang du btsun pa drug bang chen pa zhig dang
bdun zhugs nas phyin pas/_gru btang nas chu'i bzhi cha tsam song
ba dang gru pa na re gru lci 'dug pas rkyal shes pa zhig yod na bobs
yang na nga chu nang du 'bab pa yin pas khyed tsho'i gcig gis skya ba
zung zer ba la/_thams cad kyis chu la rkyal ba dang /_skya ba 'dzin pa
gnyis ka mi shes par 'dug pas/_bang phyin pas thams cad 'chi ba
bas nga gcig pu shi ba drag zer nas chu la mchongs pas/_de ma thag
'ja' zug me tog gi char babs/_rkyal mi shes kyang chu'i pha ri la
sleb nas ma shi ba yin/_de sngon chos byas pa zhig min kyang 'phral
du bsam pa bzang po gcig skyes pa la yang de lta bu'i phan yon
yod pa yin/
bsam pa ngan na sa dang lam yang ji ltar ngan na/_sngon sprang po zhig
rgya sgo'i 'gags su nyal nas rgyal po 'di mgo chad nas shi ste nga
rang rgyal po byas na ji ma rung snyam pa yang dang yang du blo la skyes/
nangs par gnyid du shor nas nyal yod pa'i tshe rgyal po shing rta la
zhon nas 'ong bas shing rta'i 'khor los kho'i rke la brgyab ste mgo
bcad pa yin/_lar rang gis chos zhus pa'i don po dus dang rnam
pa thams cad du dran pa dang shes bzhin gyis bzung nas rang rgyud
la brtag dpyad ma byas na don med du chags sdang gi blo drag pos

las ngan tshabs po che sog 'gro ba la tshegs med pa yin/_sprang rgan
de yang 'grub mi srid pa'i bsam blo de lta bu zhig skyes pas 'bras
bu 'phral du smin pa yin te/_rgyal po pho brang gi dbus na rin po
che'i khri la bde skyid dang ldan par gzims nas bzhugs yod pa'i
dbu chad don kyang med/_gal te chad nas rgyal po grongs song yang
rgyal po'i sras kyis rgyal srid mi byed/_blon po stag gzig dom dred
lta bu yod pa de dag gis rgyal sa mi 'dzin par/_sprang rgan kho ser
kha se rgyal sa la 'god don ci la yod/_des na rang rgyud la legs
par ma brtags na/_don med du de lta bu'i bsam pa ngan pa yang skye
srid pa yin pas/_dge bshes sha bo pa'i zhal nas/_srid pa mang po
'phel gyi yid kyi rgyal srid ma skyongs/_/zhes gsungs/
gzhan yang /_sngon bcom ldan 'das dge slong gi dge 'dun dang
bcas pa sbyin bdag gi khyim du bsod snyoms la spyan drangs pa'i
tshe/_slong mo ba rgyal rigs kyi khye'u zhig dang /_bram ze'i khye'u zhig
ste gnyis yod pa/_bram ze'i rigs kyi khye'u des sangs rgyas 'khor
bcas kyis bsod snyoms ma bzhes gong bslangs pas ci yang ma
rnyed/_rgyal rigs kyi khye'u des bzhes pa zin nas bslangs pas lhung
bzed kyi lhag ma kha zas bzang po mang po rnyed/_de gnyis phyi dro lam
bar zhig tu gtam byas pas/_rgyal rigs kyi khye'u de na re/_gal
te nga la nor dang longs spyod cig yod na ngas bcom ldan 'das

'khor dang bcas pa la ji srid 'tsho ba'i bar du na bza' dang /
bsod snyoms kyis mchod de/_yo byad thams cad kyis bstabs nas
bsnyen bkur bgyid do zer/_bram ze'i khye'u na re/_gal te nga la
dbang zhig yod nas yul gyi rgyal po yin na ngas dge sbyong mgo
reg de 'khor dang bcas pa'i mgo drungs nas bcad do zer/_der
rgyal rigs kyi khye'u de yul gzhan zhig tu phyin nas shing sdong chen
po zhig gi grib ma la bsdad pas/_shing gzhan gyi grib ma yol nas
song yang khye'u yod pa'i grib ma de ma yol bar bsdad/_yul de'i
rgyal po shi nas sras med pas mi bsod nams dang dbang thang gang
che ba de rgyal po byed do zer nas thams cad kyis btsal bas/_khye'u
de gung yol kyang grib mas ma btang bar gnyid log pa mthong bas
bslangs nas rgyal srid la bkod/_phyis kho rang gi 'dod pa ltar
sangs rgyas 'khor bcas la yang mchod pa yin/_bram ze'i khye'u de
lam 'gags shig tu nyal bsdad pas/_shing rta 'khyams pas rke la
phog ste mgo bcad pa'i lo rgyus kyang yod/_des na rtag tu bsam pa
bzang po kho na la bslabs na tshe 'dir yang bsam pa'i don thams
cad yid bzhin du 'grub/_dkar phyogs kyi lha rnams kyis srung zhing
sangs rgyas dang byang chub sems dpa' thams cad kyis byin gyis
rlob/_ci byas dge bar 'gyur zhing 'chi kha gnad gcod mi 'byung /
phyi ma lha dang mi yi go 'phang thob cing*/_mthar thug rdzogs pa'i

sangs rgyas kyi go 'phang mngon du 'gyur ba yin pas/_tsab tsob
tu rang rgyud la mi rtog par phyag dang bskor ba kha ton dang bzlas
brjod sogs dge ba rgya chen po byed khul las/_rtag tu rang gi rgyud
la brtags nas bsam pa bzang po la bslab pa gal che'o/_/
gnyis pa sems bskyed pa dngos la/
blo stobs kyi khyad par gyis dbye na gsum yod de/_rgyal po rnams
dang po rang nyid kyis pha rol gyi sde thams cad zil gyis mnan/
rang phyogs kyi dpung bstod de sngon la rang nyid rgyal po byas nas/
de rjes su sde mnga' ris skyong bar 'dod pa bzhin du/_thog mar
rang nyid sangs rgyas kyi go 'phang thob par byas nas/_de'i rjes su
sems can thams cad kyang sangs rgyas kyi sa la 'god par 'dod
pa rgyal po lta bu'i sems bskyed/_mnyan pa zhes bya ba gru pa rnams
kyis rang dang grur zhugs pa'i mi la sogs pa thams cad mnyam du
chu'i pha rol tu 'gro bar 'dod pa ltar/_rang dang sems can thams
cad lhan cig tu rdzogs pa'i sangs rgyas kyi go 'phang thob par
'dod pa mnyan pa lta bu'i sems bskyed/_phyugs rdzi rnams kyis dang
por phyugs lug rnams rtsa chu rnyed pa dang /_'phar spyang sogs kyis
gnod pa med par byas te sngon du ded/_rang nyid de'i phyi bzhin

'brangs te rjes nas 'ong ba dang 'dra bar/_sngon la khams gsum
gyi sems can thams cad rdzogs pa'i sangs rgyas kyi go 'phang la
bkod nas phyi nas rang nyid 'tshang rgya bar 'dod pa dang gsum
las/_dang po rgyal po lta bu ni 'dod chen po'i sems bskyed ces bya
ste blo stobs tha ma yin/
gnyis pa mnyan pa lta bu ni/
ye shes dam pa'i sems bskyed ces bya ste/_blo stobs 'bring po yin
zhing dper na rje btsun byams pa lta bu'i sems bskyed yin par
gsungs/_rdzi bo lta bu ni dpe med pa'i sems bskyed ces bya ste/
shin tu blo stobs chen po dang ldan pa/_dper na rje btsun 'jam
dpal dbyangs lta bu'i sems bskyed yin par gsungs pa yin/
sa mtshams kyis dbye na/_tshogs sbyor gyi lam na mos pas spyod
pa'i sems bskyed/_sa dang po nas bdun pa'i bar la lhag bsam
rnam dag gi sems bskyed/_dag pa'i sa gsum na rnam par smin
pa'i sems bskyed/_sangs rgyas kyi sa na sgrib pa spangs pa'i sems
bskyed dang bzhi yod/_sems bskyed rang gi ngo bos dbye na kun
rdzob sems bskyed dang /_don dam sems bskyed gnyis yod/_kun
rdzob sems bskyed la yang nang gses kyi dbye ba gnyis te/_smon pa

sems bskyed dang /_'jug pa sems bskyed gnyis/_de yang spyod
'jug las/_'gro bar 'dod dang 'gro ba yi/_/bye brag ji ltar shes
pa ltar/_/de bzhin mkhas pas 'di gnyis kyi/_/bye brag rim bzhin
shes par bya/_/zhes gsungs/
dper na nyi ma lha sa lta bu zhig tu 'gro ba la/_dang po nga lha sar
gcig 'gro snyam pa ltar du/_dang po ngas sems can thams cad
rdzogs pa'i sangs rgyas kyi go 'phang thob pa zhig bya snyam pa 'gro bar
'dod pa lta bu smon pa'i sems bskyed/_lha sar 'gro ba dngos kyi gro
chas dang khal rta sogs sta gon byas nas dngos su lam du zhugs
te 'gro ba ltar/_sems can thams cad rdzogs pa'i sangs rgyas
kyi go 'phang thob par bya ba'i ched du sbyin pa gtong /_tshul khrims
bsrung /_bzod pa bsgom/_brtson 'grus brtsam/_bsam gtan la
mnyam par 'jog_shes rab la blo sbyang snyam nas lam pha rol tu
phyin pa drug la dngos su slob pa ni/_'gro ba dngos lta bu 'jug pa
byang chub kyi sems yin/_de lta bu'i smon pa dang 'jug pa'i sems
bskyed de gnyis ka kun rdzob byang chub kyi sems yin zhing /_tshogs
sbyor gyi lam du de lta bu'i sems bskyed la bsten nas yun ring
por sbyangs pa'i mthu las/_mthar mthong lam du chos thams cad
kyi gnas lugs de bzhin nyid/_spros pa thams cad bral ba'i ye
shes stong pa nyid kyi don mngon sum du rtogs pa ni don dam pa'i

sems bskyed yin/_don dam sems bskyed mtshan nyid pa bsgom
stobs kyis thob dgos pas cho ga la mi ltos/_'dir las dang po
pas kun rdzob sems bskyed cho ga la ltos pa yin pas bla ma las
len tshul sems bskyed 'bog chog ltar bya/_de ltar thob pa'i
sems bskyed de mi nyams shing gong du 'phel ba'i phyir du dus dang
rnam pa thams cad du 'di ltar yang dang yang du blang dgos/
de yang mdun gyi nam mkhar sangs rgyas dang byang chub sems
dpa' la sogs pa thams cad sems bskyed kyi dpang por skyabs
'gro'i tshogs zhing ji lta ba bzhin gsal gdab/_'di ltar nam
mkha'i mthas khyab pa'i sems can 'di thams cad tshe rabs thog
ma med pa tshun chad du rang gi pha mar ma gyur pa ni gcig kyang
med/_pha mar gyur pa'i tshe da lta'i pha ma bzhin du gces spras sna
tshogs kyis bskyangs/_zas su phud byin/_gos kyi rtse g.yogs/_shin tu
byams pa'i sgo nas bskyed bsrings pa'i drin can sha stag yin par
nges la/_de lta bu'i pha ma drin can de dag thams cad 'khor ba sdug
bsngal gyi rgya mtsho chen po'i rba la bying /_gti mug gi mun pa 'thug
pos bsgribs/_lam dang lam ma yin pa'i blang dor ni mi shes/_yang
dag pa'i lam ston gyi bshes gnyen dang ni bral/_skyabs dang skyob
pa/_mgon dang dpung gnyen/_re ltos dang skyabs gnas su yang
med par long ba bshes bral thang stong du 'khyams pa lta bu'i ma

rgan de thams cad 'khor ba'i gnas 'dir bzhag nas/_rang nyid
gcig pu zhig thar pa la dgos pa ci yod/_de'i phyir bdag gis
sems can thams cad kyi don du byang chub mchog tu sems bskyed
nas sngon gyi rgyal sras byang chub sems dpa' rnams kyi mdzad spyod
rlabs po che la bslab cing /_'khor ba na sems can gcig kyang mi
gnas pa/_de tsam du brtson 'grus brtsam mo snyam pas/_ho sna tshogs
snang ba chu zla'i rdzun ris kyis/_/'khor ba lu gu rgyud du 'khyams
pa'i 'gro/_/rang rig 'od gsal dbyings su ngal gso phyir/_/tshad
med bzhi yi ngang nas sems bskyed do/_/zhes ci mang du brjod pa'i
mthar/
tshogs zhing gi lha tshogs rnams la mos gus dung dung pa zhig byas
pas/_lha tshogs thams cad mtha' nas rim pa bzhin du 'od du
yal te dbus kyi bla ma skyabs gsum kun 'dus la thim/_bla ma yang
'od du zhu nas rang la thim pa'i rkyen gyis skyabs yul lha tshogs
de dag gi thugs rgyud na bzhugs pa'i don dam pa'i byang chub kyi
sems rang rgyud la lhang gis skyes par bsam/_byang chub sems
mchog rin po che/_/ma skyes pa rnams skyes gyur cig_/skyes pa nyams pa
med par yang*/_/gong nas gong du 'phel bar shog_/ces smon lam
dang /_'jam dpal dpa' bos sogs kyis bsngo ba bya/
de lta bu'i byang chub kyi sems bskyed pa 'di ni/_rgyal bas chos kyi

sgo mo brgyad khri bzhi stong gsungs pa thams cad kyi snying po dril
dril ba/_yod na des chog_med na thabs chags kyi gdams pa/
nad brgya sman gcig_sman dkar po chig thub lta bu yin/_gzhan
tshogs bsags pa/_sgrib ba sbyang ba/_lha bsgom pa/_sngags bzla ba la
sogs chos nyams su len pa thams cad kyang byang chub kyi sems
yid bzhin gyi nor bu 'di rgyud la skye ba'i thabs tsam du nyams
su len pa yin gyi/_byang chub kyi sems la ma bsten par rang rang
so so'i lam gyis rdzogs pa'i sangs rgyas kyi go 'phang thob par
mi nus/_byang chub kyi sems 'di rgyud la skyes na chos gang bsgrub
thams cad rdzogs pa'i sangs rgyas kyi go 'phang thob pa'i rgyur 'gro
ba yin pas/_dus dang rnam pa thams cad du rang rgyud la byang chub
kyi sems nyag ma re skye ba'i thabs la sgo du ma nas bslab/_rang la
byang chub kyi sems kyi man ngag ston pa'i bla ma de yang chos theg pa
chen po'i lam du 'dzud pa po yin pas/_gdams ngag gzhan ston
pa las bka' drin lhag par che ba yin te/_jo bo rje lha gcig gis
bla ma gzhan gyi mtshan nas brjod pa'i tshe phyag thugs kar thal mo
sbyar/_jo bo gser gling pa'i mtshan nas brjod pa'i tshe/_phyag thal mo
spyi bor sbyar te spyan chab g.yo bzhin du gsung ba la/_slob ma rnams
kyis jo bos bla ma rnams kyi mtshan nas brjod pa la khyad par 'di
tsam mdzad pa/_bla ma de rnams kyi thugs rgyud kyi yon tan la che

chung yod pa yin nam/_bka' drin la che chung gi khyad yod pa gang
yin zhus pas/_jo bo'i zhal nas/_nga'i bla ma de thams cad grub pa
thob pa sha stag yin pas yon tan la che chung med/_bka' drin la
che chung yod de/_nga'i rgyud kyi byang chub kyi sems nyag ma gcig po
'di jo bo gser gling pa'i bka' drin gyis thob pa yin pas khong
bka' drin che gsungs/_de ltar sems bskyed pa de yang /_sems
mchog bskyed pa mi gtso skyes pa gtso/_/zhes pa yin pas/_byams pa
dang snying rje byang chub kyi sems rang rgyud la nges par skyes pa zhig
dgos kyi/_don sems thog tu ma blangs par sems bskyed 'bum
phrag mang po bton kyang snying po til 'bru tsam yang med de/_rgyal ba
sras dang bcas pa'i spyan sngar byang chub tu sems bskyed par khas
blangs nas de bzhin du mi byed na/_rgyal ba sras bcas bslu bar
'gyur ba yin pas nyes pa lci ba las med pas/_dus rtag tu sems
can thams cad la g.yo sgyu spangs te/_byang chub kyi sems rgyud la
bskyed pa la 'bad par bya'o/_/
gsum pa byang chub kyi sems bskyed pa'i bslab bya bstan pa la/
byang chub smon pa'i bslab bya bdag gzhan mnyam pa/_brje ba/_bdag
bas gzhan gces pa bsgom pa dang gsum/_'jug pa'i bslab bya pha
rol tu phyin pa drug nyams su blang ba rnams las/

dang po bdag gzhan mnyam pa byang chub kyi
sems bsgom pa ni/
'di ltar thog ma med pa'i dus nas 'khor ba sdug bsngal gyi rgya
mtsho chen po 'dir 'khyams pa'i rgyu nga med la nga dang /_bdag med
la bdag tu bzung nas bdag kho na gces par bzung bas lan pa
yin/_des na 'di ltar brtag dgos te/_da lta rang gis dus dang
rnam pa thams cad du rang la bde ba kho na 'dod cing sdug bsngal
gyi rnam pa sna gcig kyang mi 'dod/
tha na lus la tsher ma zug pa dang /_me stag lhung ba tsam yang 'phral
du sdug bsngal mi bzod pa skyes nas a tsha tsha zer zhing bsran mi
bzod/_rgyab nas shig gis zos na yang de ma thag de la zhe sdang
drag po zhig glo bur du langs te bsnyabs nas shig de bzung /_sen
mo gcig gi steng du bzhag nas gcig gis shed kyis gcur/_shig
bsad zin kyang da dung yang zhe sdang gi dbang gis sen mo yang
yang brdar bar byed/_lar da lta phal cher shig bsad pa la sdig
pa med snyam pa 'dug kyang /_shig gsod pa 'di thams cad kun
slong zhe sdang gis bslangs pa yin pas dmyal ba bsdus 'joms

su skye ba'i rgyu ma nor ba yin/_des na rang la sdug bsngal chung ngu de
tsam yang mi bzod par/_de'i lan du gzhan la gnod pa dang sdug
bsngal chen po byed pa 'di ngo re tsha/_khams gsum gyi sems can
'di dag thams cad kyang rang la bde ba thams cad 'dod/_sdug
bsngal sna gcig kyang mi 'dod pa rang dang 'dra ba kho na yin/_de
ltar bde ba ni 'dod/_sdug bsngal ni mi 'dod kyang /_bde ba'i rgyu
chos dge ba bcu sgrub mi shes par/_sdug bsngal gyi rgyu mi dge ba
kho na la brtson pas zhe 'dod dang lag len phyin ci log tu gyur
te/_sdug bsngal 'ba' zhig gis gdung ba'i sems can 'di thams
cad thog ma med pa'i dus nas bdag gi pha ma ma byas pa ni gcig
kyang med/_bdag da res mtshan ldan gyi bla ma dam pas rjes su
bzung /_dam pa'i chos kyi sgor zhugs/_khe nyen gyi khyad par shes pa
yin pas/_rmongs pa'i gzhan dbang du gyur pa'i ma rgan sems can
thams cad rang dang khyad par med par brtse bas skyong /_log sgrub
dang phyogs ris bzod par byas te/_dgra gnyen mnyam pa nyid du
bsgom par bya'o snyam du yang yang bsgom/
dus dang rnam pa thams cad du rang la phan pa dang bde ba'i dngos
po ci ltar 'dod pa de gzhan yang de ltar 'dod pas/_rang gi bde
ba sgrub pa'i ched du 'bad rtsol dang brtson 'grus byed pa ltar/
gzhan gyi bde ba sgrub pa'i ched du yang de ltar brtson/_rang la sdug

bsngal gyi rnam pa phra mo tsam yang spong ba la brtson pa ltar/_gzhan
la yang sdug bsngal phra mo tshun chad spong ba la brtson/_rang la bde
skyid dang longs spyod sogs yod na dga' ba ltar/_gzhan la bde
skyid dang longs spyod sogs yod pa la snying thag pa nas dga' ba
bsgom/_mdor na khams gsum gyi sems can thams cad rang dang
khyad med du bltas nas/_'phral dang yun gyi bde ba 'ba' zhig
sgrub pa'i thabs kho na lhur len dgos pa yin te/_rje dam pa sangs
rgyas la/_drung pa gzi rna can gyis gdams ngag tshig gcig gis
chog pa zhig zhus pas/_khyed rang ci ltar 'dod pa de gzhan rnams
kyang de ltar 'dod pa yin pas de dang sbyor cig gsungs/_des na
rang la gces par 'dzin pa dang /_gzhan la sdang bar 'dzin pa'i
chags sdang gi blo ngan rtsa ba drungs nas phyung ste bdag gzhan mnyam
pa nyid du blta bar bya'o/_/
gnyis pa bdag gzhan brje ba
byang chub kyi sems ni/
dngos su na tsha dang bkres skom la sogs sdug bsngal gyis gdung
ba'i sems can mthong chos su yod pa'am/_min na sdug bsngal
gyis gdung ba'i sems can zhig mdun du bsams nas/_rang gi

dbugs phyir rgyu ba'i tshe/_bdag gi bde ba dang legs pa lus dang
longs spyod dge ba'i rtsa ba dang bcas pa gos phud de g.yogs pa
ltar khong la sbyin/_khong gi sdug bsngal ci yod pa de dag thams cad
rang nyid kyis dang du blang bar bsam pa dang lhan cig dbugs
nang du rngubs pas/_de nyid bde ba dang ldan sdug bsngal dang bral
bar bsam pa'i gtong len sems can gcig nas thams cad kyi
bar la rim par bsgom/_dngos su rang la mi 'dod pa dang sdug
bsngal la sogs pa byung ba'i tshe yang /_khams gsum 'khor ba'i
gnas na 'di lta bu'i sdug bsngal myong ba'i sems can du ma yod
pa de dag thams cad kyang snying re rje/_de thams cad kyi sdug bsngal
gyi skal pa bdag la smin zhing /_de dag thams cad sdug bsngal
dang bral/_bde ba dang ldan par shog cig snyam du snying thag pa nas
bsgom/_rang la bde ba dang skyid pa la sogs pa byung na/_bdag gi
bde ba 'dis sems can thams cad bde bar gyur cig snyam du
bsgom/
de ltar bdag gzhan brje ba byang chub kyi sems 'di ni/_chos theg
pa chen po'i lam du zhugs pa thams cad kyi bsgom bya mthar thug
gi snying po ma nor ba yin te/_'di lan cig rgyud la skyes pas kyang
bskal pa mang po'i sdig sgrib 'dag_bsod nams dang ye shes kyi
tshogs rgya chen po rdzogs/_ngan song dang ngan 'gro log par ltung

ba'i skye gnas las thar bar 'gyur ba yin te/_sngon bdag cag
gi ston pa 'di shing rta 'dren pa'i dmyal bar skyes pa'i tshe/_grogs
kA ma ru pa bya ba dang khong gnyis kyis dmyal ba'i shing rta 'dren pa
las/_khong gnyis ka stobs chung bas 'dren ma nus pa la/_dmyal
srung rnams kyis mtshon cha rab tu 'bar bas bsnun zhing 'tshog
pas shin tu sdug bsngal bas/_khong gis bsam pa la/_nged gnyis
kas drangs kyang mi 'drong bar sdug bsngal bar mtshungs par 'dug
pa la/_bdag gcig pus sdug bsngal bar drangs la/_'di bde bar
gzhug dgos dgongs te/_dmyal srung rnams la 'di'i thag pa
yang bdag gi gnya' ba la thogs shig_bdag gcig pus shing rta
drang bar bya'o byas pas/_dmyal srung khros te/_sems can rang rang
gi las la spyod pa la sus ci bya zer nas khong gi dbu la tho lum
bsnun pas/_bsam pa bzang po'i mthus dmyal ba nas tshe 'phos
te lha yul du skyes/_'di thub pa'i gzhan phan gyi thog ma yin par
gsungs/
de bzhin du sngon bcom ldan 'das nyid ded dpon mdza' bo'i
bu mor skyes pa'i tshe yang bdag gzhan brje ba 'di thugs rgyud la
skyes ma thag ngan song gi sdug bsngal las grol ba yin te/_de yang
sngon khyim bdag mdza' bo zhes bya ba zhig gi bu skyes tshad shi nas/
theng cig bu zhig skyes pa sos su re nas ming bu mor btags/_khyim

bdag rgya mtshor nor bu len du phyin pas gru gzings zhig ste shi
bu de cher skyes nas rang gi ma la pha'i rigs gang yin dris pas/
drang por brjod na rgya mtshor song gis dogs nas 'bru 'tshong ba'i
rigs yin byas pas/_des kyang 'bru tshong byas pas nyin re bzhin kar+sha
pa Ni bzhi re rnyed pas ma la bsnyen bkur byas pa na/_'bru tshong byed
pa gzhan rnams kyis khyed 'bru tshong byed pa'i rigs ma yin pas/
'bru tshong byed pa mi rigs so zer nas bkag pa la/_khong slar 'ong
nas yang ma la rigs gang yin dris pas/_spos 'tshong ba'i rigs
yin zer bas/_yang spos 'tshong byas te nyin re bzhin kar+sha pa Ni
brgyad re rnyed pa ma la zhabs tog byas/_yang spos 'tshong rnams
kyis bkag pas gos tshong ba'i rigs yin zer nas gos btsongs
pas/_nyin re bzhin kar+sha pa Ni bcu drug re rnyed pa ma la byin/_yang
gos 'tshong pa rnams kyis bkag pas rin po che 'tshong ba'i rigs
yin zer nas rin po che 'tshong ba'i las byas pas/_nyin re bzhin
kar+sha pa Ni sum cu so gnyis re rnyed pa yang ma la byin/_der tshong pa
gzhan rnams kyis khyed rgya mtsho nas nor bu len pa'i rigs yin
pas rang gi rigs kyi las gyis shig zer bas/_khong khyim du 'ong
nas ma la/_nga rang nor bu len pa'i rigs yin par 'dug pas/
rgya mtsho chen por nor bu len du 'gro ba yin zer ba la/_ma na re/
khyod nor bu len pa'i rigs yin kyang /_khyod kyi pha dang mes po la

sogs pa thams cad rgya mtshor nor bu len du phyin nas shi ba yin
pas/_khyod kyang song na 'chir 'ong bas ma 'gro bar 'dir sdod la
tshong gyis byas kyang /_kho nyan du ma btub par rgya mtshor 'gro ba'i
chas thams cad sta gon byas nas/_'gro ba'i tshe mas gtong ma phod
par bu'i gos kyi mtha' nas bzung ste ngus pas bu khros te nga rang
rgya mtshor 'gro ba la khyod kyis bkra mi shis pa byas te ngu ba zer nas
ma yi mgo la rdog pas bsnun nas song bas rgya mtshor gru gzings
zhig ste khong thams cad chur bying ste phal cher shi
khos shing leb cig la 'jus pas mtsho gling zhig tu thon/_der
dga' ba zhes bya ba'i grong rin po che'i khang pa mdzes shing yid
du 'ong bar phyin pas/_mdzes sdug gi lha mo bzhi byung ste/_dar zab
'bol brtsegs kyi gdan bting /_dkar gsum mngar gsum gyi
mchod pa phul te 'gro bar rtsom pa na khyod lho phyogs su ma 'gro zhig
nyes pa chen po 'byung nyen yod zer/_ma nyan par phyin pas/_dga'
ba can zhes bya ba'i grong sngar bas mdzes par sleb ste/_mdzes sdug
gi bu mo brgyad kyis sngar ltar zhabs tog byas te/_lho phyogs su ma
'gro zhig nyes pa 'byung ngo zer yang ma nyan par phyin pas/_ra ro
zhes bya ba'i grong sngar bas phun sum tshogs par sleb ste/_mdzes
sdug gi lha mo bcu drug gis bsus nas zhabs tog byas te lho
phyogs su ma 'gro zhig nyes pa chen po 'byung ngo zer/_yang phyin pas

mkhar dkar po rtse mo dgung la reg pa zhig 'dug pa bla ma tshangs
pa'i mkhar zhes bya ba yin te/_der phyin pas mdzes sdug gi lha
mo sum cu rtsa gnyis kyis bsus nas dar zab 'bol brtsegs kyi
gdan bting /_dkar gsum mngar gsum gyi mchod pa phul te
'dir sdod zer yang khong 'gro 'dod pa zhig byung nas 'gro bar
rtsom pa na/
khyod ci nas 'gro yang lho phyogs su ma 'gro zhig nyes pa 'byung ngo
zer/_'on kyang lho phyogs su 'gro 'dod pa zhig byung nas phyin pas
lcags kyi mkhar dgung la reg pa zhig gi sgo drung na/_mi nag po
mig dmar ljig ge ba lag na lcags kyi dbyug pa ring po thogs pa
zhig 'dug pa la mkhar 'di'i nang na ci yod pa yin dris pas/_ci
yang mi smra bar 'dug_drung du phyin pas de 'dra ba mang po 'dug_de
dag mthong ba na khong skrag nas sha zing spu zing byed cing nyes pa
na nyes pa/_nyes pa 'byung zer ba de 'di yin par 'dug dgongs
bzhin mkhar de'i nang du phyin pas/_mi zhig gi mgo la lcags kyi
'khor lo zhig 'khor te klad pa skya tha la la gtor gyin 'dug_khyod
las ci byas pa yin dris pas/_ngas ma'i mgo la rdog pa bsnun pa'i
rnam smin myong ba yin/_khyod bla ma tshangs pa'i mkhar gyi bde skyid de
la longs spyod nas mi 'dug par 'dir sdug bsngal nyo ru ci phyir
'ong ba yin zer bas/_'o na nga yang 'dir las kyis khrid pa yin pa

'dra dgongs pas/_de ma thag nam mkha' nas/_gang bcings pa de
nyid grol bar gyur cig_gang grol ba de nyid bcing bar gyur cig
zer ba'i sgra grags te 'khor lo khong gi dbu thog tu 'khor nas sngar
ltar klad pa skya tha la la gtor zhing na tsha dang sdug bsngal drag po
bzod dka' ba byung bas/_de'i rkyen gyis khong gis rang 'dra ba'i
sems can rnams la snying rje drag po skyes te/_'khor ba'i gnas
ris 'di na nga dang 'dra bar ma'i mgo la rdog pa bsnun te sdug
bsngal myong ba'i sems can yang du ma yod/_de dag thams cad kyi
sdug bsngal kyang bdag la smin te bdag kho nas myong bar shog cig
sems can gzhan thams cad kyis 'di 'dra ba'i sdug bsngal skye ba
dang tshe rabs thams cad du mi myong bar shog cig snyam pa byung bas/
de ma thag 'khor lo nam mkha' la 'phags te/_khong sdug bsngal
las grol nas tA la bdun srid kyi steng na bde cham me 'dug_de
lta bu'i bdag gzhan brje ba byang chub kyi sems 'di ni/_byang chub
sgrub pa la med du mi rung ba'i chos mthar thug pa yin pas/_sngon
bka' gdams kyi dge ba'i bshes gnyen rnams kyang thugs dam
gyi mthil 'di la mdzad pa yin te/_sngon dge bshes 'chad kha ba
de gsar rnying gi chos dang tshad ma'i pu sti mang po mkhyen pa yin pa
la/_skabs shig dge bshes lcags shing ba'i drung du byon pas/_khong
gi dbu sngas na dpe chung pu sti zhig 'dug_de zhal phye nas gzigs

pas de'i nang na/_khe dang rgyal kha gzhan la sbyin/_/gyong dang bub
kha rang gis blang /_/zer ba zhig 'dug pas/_chos ngo mtshar can
zhig yin par 'dug dgongs nas/_chos 'di ji skad bya ba yin
gsungs pas/_'di glang thang pa'i tshig rkang brgyad ma bya ba yin
zer/_'di'i gdams ngag de su la yod dris pas/_dge bshes glang
thang pa la yod zer/_de zhu ru 'gro dgongs te lha sar byon/_zhag
'ga' bskor ba mdzad nas bzhugs pas/_dgong cig glang thang
nas 'ong ba'i mdze pho gcig gis glang thang pa grong zer/_gdan sa
pa ci 'dra yod dris pas zhang zhung pa dang*/_mdo sde pa bya ba gnyis
yod de khong gnyis gdan sa su byed la mi 'chams par 'dug zer/
khong rnam pa gnyis gdan sa ngas byed kyi pham rgyal brtsad nas ma
'chams pa min/_zhang zhung pa na re khyed bgres shos lags pas
gdan sa mdzad par zhu/_ngas kyang glang thang pa dang khyad med du
'khur zer/_mdo sde pa na re khyed yon tan che bas gdan sa mdzad
par zhu zer/_khong gnyis dag snang sbyong res yin kyang /_khong gis bla
ma'i gdan sa la ma 'chams zer ba skyon can du go nas/_de gnyis
mi 'chams lugs kyis chos de med par 'dug_da gdams ngag de
yod pa su drag ces rtsad bcad pas/_thams cad kyis sha ra ba drag
zer/_sha ra ba de dge 'dun stong re tsam la pu sti mang po'i gzhung
bshad mdzad cing 'dug pa la/_zhag 'ga' nyan yang khong 'dod

pa'i chos kyi tshig zur tsam yang ma byung /_'di la yang chos de e
yod mi shes par 'dug_yod med dris la yod na sdod/_med na 'gro
dgos dgongs te/_sha ra ba mchod rten la bskor ba mdzad pa'i drung
du phyin nas na bza' bting ste/_'di la cung zhig bzhugs par zhu/
zhu ba cig bdog lags zhus pas/_jo bo khyed la gros thag ma chod
pa ci yod/_ngas ni 'dun ma thams cad stan thog tu bcad pa yin
gsungs/_der khong gis bdag gis mthong ba'i chos zhig na/_khe
dang rgyal kha gzhan la sbyin/_/gyong dang bub kha rang gis blang /_bya ba
gcig gda'/_der bdag gi blo la 'phrod pa zhig byung ste/_chos de
zab mi zab ci ltar lags zhus pas/_jo bo de khyed kyi blo la 'phrod
rung mi 'phrod rung /_sangs rgyas thob par mi 'dod na ma gtogs/
thob par 'dod na chos de med thabs med pa zhig yin gsungs/
de'i gdams ngag de bla ma la yod dam zhus pas yod/_nga'i nyams
len thams cad kyi gtso bo de yin gsungs/_'o na gdams ngag
de bdag la gnang bar zhu zhus pas/_khyod yun ring por nga'i rtsar
sdod nus sam nus na ster gsungs/_der khong nas lo drug la blo
sbyong tshar gcig nyams khrid du byas te bsgoms pas bdag gces
'dzin gyi 'khri ba gtan nas med pa zhig byung ba yin/
des na bdag gzhan brje ba byang chub kyi sems bsgom pa 'di ni/
tshe 'dir yang na tsha dang sdug bsngal la sogs zhi ba/_lha 'dre dang

gdon bgegs 'dul ba la sogs pa la yang 'di las lhag pa'i
gdams pa med pas/_dus dang rnam pa thams cad du bdag gces
'dzin gyi blo ngan 'di dug ltar spangs te/_bdag gzhan brje ba
byang chub kyi sems 'di bsgom pa la 'bad par bya'o/_/
gsum pa bdag bas gzhan gces pa bsgom pa ni/
bdag 'khor bar gnas rung /_dmyal bar skyes rung /_na rung /_tsha
rung /_nyams nyes ci byung yang bzod par bya yi/_sems can gzhan
gyi sdug bsngal bdag la smin par shog cig_bdag gi bde ba dang
dge ba'i 'bras bu khong la rdzogs par shog cig_snyam du zhe thag pa
nas bsam zhing dngos su yang de ltar nyams su blang ba ste/_dper
na jo bo'i bla ma byams pa'i rnal 'byor pa dang /_d+harma rak+Shi ta dang /
bdag cag gi ston pa 'di rgyal po pad+mar sku skye ba bzhes pa dang /
rus sbal du skye ba bzhes pa dang /_rgyal po gtsug na nor bur skye
ba bzhes pa'i dus la sogs pa ltar yin te/_de yang jo bo'i bla
ma byams pa'i rnal 'byor pa bya ba des chos gsungs pa'i rtsa ru mi
gcig gis khyi la rdo brgyab pas/_bla mas a na na gsungs nas khri
thog nas 'gyel/_gzhan rnams kyis khyi la ci yang mi sto bar 'dug
pa la tshul 'chos re che snyam pa byung bas/_bla mas de mkhyen nas sku

rgyab bstan pas khyi la rdo brgyab pa'i thad na khyu re skrangs 'dug pas
thams cad yid ches te/_khyi la rdo brgyab pa'i na tsha dngos su khong
gis blangs pa yin/
de bzhin bla ma d+harma rak+Shi ta bya ba de dang po nyan thos bye brag smra
ba'i paN+Di ta yin sku tshe 'di la sngon chad theg chen gyi chos ma thos
kyang*/_theg chen gyi rigs la gnas pas snying rje chen po rtsol med
du mnga'/_khong bzhugs pa'i nye 'khor du mi zhig nad drag po zhig
gis thebs pa la/_sman pa na re/_nad 'di la mi gson po'i sha zhig
yod na phan te mi rnyed/_gzhan thabs med zer/_des phan na ngas
sbyin gyis gsungs nas rang gi brla sha bcad nas byin/_nad pas
sha de zos pas phan/_khong la stong nyid ma rtogs pas zug rngu chen
po byung yang snying rje che bas 'gyod pa ma skyes/_nad pa la phan nam
dris pas/_kho na re bdag gi nad la phan lags te khyed 'o brgyal
du bcug zer/_khyed bde na nga shi yang bzod gsungs/_zug che bas
mnal cung zad kyang ma byung /_tho rang mnal zim tsam zhig byung
ba'i mnal lam na/_mi dkar po zhig byung nas byang chub thob par
'dod pas khyod kyi 'di lta bu'i dka' ba spyad dgos/_legs so
legs so gsungs nas rma la ljags mchil btab nas phyag gis
byabs pas rmen pa'ang med par song ba rmis/_mnal sad tsa na de
bzhin song 'dug_mi de thugs rje chen po yin par 'dug_de nas

gnas lugs kyi dgongs pa ji lta ba bzhin thugs la 'khrungs te/
'phags pa klu sgrub kyi dbu ma rig pa'i tshogs kyi tshig rnams zhal
du sha ra ra 'don pa zhig byung bar gda'/
yang sngon thub pa 'di rgyal po pad+ma bya bar 'khrungs pa'i dus su/
dus gcig gi tshe khong gi mnga' ris su nad yams chen po byung
nas mi mang po shi bas/_rgyal pos sman pa rnams bos nas/_'di
la cis phan dris pas/_nad 'di la nya ro hi ta'i sha yod na phan/
gzhan gang phan nad kyi grib kyis rmugs nas mi shes par 'dug
zhus pas/_rgyal pos dus bzang la babs pa'i snga dro khrus byas/_gos
gsar pa gyon/_gso sbyong blangs/_dkon mchog la mchod pa rgya chen
po phul/_gsol ba drag po btab nas/_bdag shi ma thag chu klung ldog
byed du nya ro hi tar skye bar gyur cig_ces smon lam btab ste/_khang
bzang khru stong yod pa'i kha nas mchong ngo /_/de ma thag chu der nya
der brdzus nas skyes/_de nas mi'i skad du nga nya ro hi ta yin pas/
nga'i sha longs la zo zhig ces smras pas thams cad kyis sha blangs te/
gzhogs gcig gi sha zad tsa na/_gzhogs bsgyur zhing bcad pas
gcig zad tsam na gcig gi sha skyes te/_de ltar res mos kyis zos
pas nad pa thams cad la phan no/_/der mi thams cad la nga khyed
tsho'i rgyal po pad+ma yin te/_ngas khyed rnams nad las skyob pa'i ched
du rang gi srog blos btang nas nya ro hi tar skyes pa yin pas/_khyed

tshos nga la drin lan du sdig pa spongs la dge ba ci nus sgrubs shig
gsungs pas/_de dag gis kyang bka' bzhin du bsgrubs pas/_de
nas bzung ste de dag ngan 'gro log par ma ltung ngo /_/
gzhan yang thub pa 'di nyid rus sbal chen po zhig tu 'khrungs pa'i
dus su/_tshong pa lnga brgya rgya mtshor phyin pas gru zhig ste/_'chi la thug
pa la rus sbal gyis mi'i skad du thams cad nga la zhon cig_ngas
bsgral gyis gsungs nas tshong pa thams cad khur te bsgral bas
ngal zhing dub ste mtsho mthar gnyid pas/_sbrang bu ke ta ka brgyad
khris khong gi khrag 'jib pas/_gnyid sad de bltas pas sbrang bu
mang po 'dug_chur phyin pa'am 'gre ldog byas na sbrang bu 'chi bar
dogs nas de ka la bzhugs te sku srog btang bas/_sangs rgyas
pa'i dus su sbrang bu rnams lha brgyad khrir gyur nas chos nyan pas/
de dag gis bden pa mthong ba yin/
yang thub pa 'di yul sha ke ta bya bar rgyal po gser gyi gtsug tor
bya ba dang /_btsun mo mdzes ldan dga' byed ma'i sras su 'khrungs/
'di'i dbu la nor bu rin po che'i gtsug tor yod pa las bdud
rtsi 'bab cing de lcags la reg pas/_lcags rnams gser du sgyur
bar nus pa zhig rang chas su byung bas/_de'i mtshan yang gtsug na
nor bu zhes bya bar btags so/_/'di 'khrungs dus rin po che sna
tshogs kyi char yang babs so/_/de la glang po bzang po'i ri bya ba'i

glang po'i mchog cig kyang yod do/_/rgyal po des 'jig rten chos
bzhin du skyong zhing rtag tu sbyin pa rgya chen po byas pas/_phongs pa
dang slong pa rgyun chad par byas so/_/drang srong 'bri khu bya ba la pad+ma
las skyes ba'i bu mo mtshan ldan cig yod pa/_rgyal po la btsun
mor phul lo/_/de la sras pad+ma'i gtsug tor zhes bya ba rgyal po nyid
dang mtshungs pa zhig btsas so/_/de nas rgyal po mchod sbyin rgya
chen po byed par 'dod nas/_drang srong 'bri khu dang /_rgyal po bzod
dka' sogs skye bo mang po bsdus so/_/de'i tshe brgya byin gyis rgyal
po'i bsam pa brtags pa'i phyir/_srin por sprul nas sbyin sreg
gi me nang nas 'thon te/_rgyal po'i drung du 'ong nas bza' btung
bslangs so/_/rgyal pos bza' btung sna tshogs byin pas bzar ma
'dod/_cung zad bgad nas nga la bsad ma thag pa'i sha khrag dron
mo dgos zhes smras pas/_rgyal po cung zad mya ngan du gyur te/_'tshe ba
ma byas na de 'dra mi rnyed cing /_bdag gi srog bcad kyang 'tshe ba
byed par mi nus la/_ma byin na 'di yang re thag 'chad na ji ltar
bya dgongs pas/_da ni rang gi sha khrag sbyin pa'i dus la bab bo snyam
ste nga rang gi sha khrag sbyin gyis gsungs pas/_'khor rnams rtab
rtab por gyur te thams cad kyis bzlog kyang ma bzlog par/_rang gi
rtse chung la gtar nas khrag 'thung du bcug pas/_des kyang mgrin
par thug gi bar du 'thungs so/_/yang rang gi sha rnams bcad cing

byin pas des kyang rus pa la thug gi bar zos pas/_'khor thams
cad mya ngan gyis non zhing /_khyad par btsun mo brgyal nas sa la
'gyel lo/_/da dung yang rgyal po dran pa ma nyams par 'dug pas/
brgya byin shin tu rang ste/_bdag ni brgya byin lags pas sha khrag
mi 'tshal gyi/_sbyin pa'i 'phro gcad du gsol/_zhes smras nas/_lha'i
bdud rtsi blangs nas rgyal po'i rma la btab pas rgyal po'ang snga ma kho
na bzhin gyur to/_/de nas rgyal pos glang po bzang po'i ri mdun na
'don tshangs pa'i shing rta la phul lo/_/de'i tshe drang srong ma ru rtse'i
slob ma bsam gtan thob pa zhig byung ba la bkur sti chen po byas
nas khyed ci bzhed dris pas/
nga'i slob dpon la rig byed bslab pa'i yon du/_slob dpon rgas
shing g.yog gis phongs pas/_g.yog cig dbul bar 'dod nas
khyed kyi btsun mo dang sras slong du mchis so byas pas/_rgyal pos
kyang gnang ngo /_/des kyang khyer te slob dpon la phul lo/_/rgyal po
bzod dka' glang po la chags nas rang gi yul du log ste/_glang
po nga la sbyin dgos zer ba'i 'phrin btang bas/_glang po bram ze
la byin tshar byas kyang ma nyan par/_glang po mi ster na dmag byed
zer nas/_dmag khyer byung ba la/_rgyal po gtsug na shin tu yid
dbyung bar gyur te/_kye ma 'dod pa'i dbang gis mdza' bshes kyi
dam pa nyid kyang skad cig gis dgra'i mchog tu gyur to/_/bdag

gi g.yul bshams na bde blag tu thub ste/_sems can mang po la
gnod pas bdag rang 'bros par bya dgongs pa dang /_rang sangs
rgyas bzhi drung du byon nas/_rgyal po chen po nags su gshegs pa'i
dus la bab bo gsungs nas rdzu 'phrul gzhan brten gyis nags su
gshegs so/_/der blon po rnams kyis ma ru tse can du sras slong du
phyin pas des kyang byin no/_/
de nas sras kyis dmag dpon byas te 'thabs pas bzod dka'
pham nas rang gi gnas su bros so/_/der bzod dka' bsam sbyor
ngan pa'i dbang gis yul der nad dang mu ge chen po byung ba la/
bzod dkas bram ze rnams la cis phan dris pas/_rgyal po gtsug
na'i gtsug tor gyi nor bu de yod na phan pas slong du phyin pa
drag zer ro/_/mi ster las che byas pas/_de la slong ba la mi ster ba
med ces grags pas cis kyang ster zer nas/_bram ze zhig slong du
btang ngo*/_/de'i tshe rgyal po gtsug na nags tshal gyi gnas rnams
lta zhing song song bas ma ru tse'i gnas dang nye ba zhig tu phyin to/
/de'i tshe gtsug na'i btsun mos rtsa ba dang lo ma la sogs tshol ba
la nags su rgyu ba dang /_rngon pa zhig dang 'phrad nas/_rngon pas
btsun mo gtses pas nyen te/_rgyal po gtsug na bdag bskyab tu
gsol zhes smre sngags bton pas/_rgyal pos rgyang ring po nas tshor
te/_ci yin snyam nas ltar phyin pas/_rngon pas rgyang ring po nas 'ong

ba mthong nas drang srong du rtog ste/_dmod pas 'jigs nas bros
so/_/rgyal pos btsun mo rgyal srid kyi bde ba rgya chen po la longs
spyod pa/_sdug bsngal chen po de lta bu nyams su myong ba gzigs pas
thugs dbyung ste/_kye ma 'dus byas kyi chos gang la yang yid brtan
pa med do snyam du dgongs so/_/de'i tshe bzod dkas btang ba'i
bram zes rgyal po gtsug na'i drung du phyin te lo rgyus brjod nas/
gtsug tor bslangs pas khyod rang chod la khyer gsungs pas/_bram
zes kyang gtsug tor bcad nas phyin pas/_bzod dka'i yul gyi
nad dang mu ge thams cad rgyun chad do/_/
rgyal po gtsug na gtsug tor bcad pa'i zug gis rkyen byas nas/
tsha dmyal rnams la snying rje skyes nas brgyal te sa la 'gyel lo/_/de'i
ltas bzang pos bskul te lha'i tshogs mang po dang rgyal po'i 'khor
mang po der 'dus nas/_rgyal po la ci nongs zhus pas/_rgyal po
yar tsog gis bzhengs/_gdong gi khrag rnams phyag gis cung zad
phyis nas/_bzod dka' gtsug tor slong du byung nas byin pa yin
gsungs/_de byin pa la thugs 'dod ci bdog zhus pas/_bzod
dka'i yul gyi nad dang mu ge sogs la phan du re ba ma gtogs
rang 'dod gcig kyang med/_'on kyang 'dod pa chen po gcig rtag
tu yod gsungs/_de gang lags zhus pas/_sems can thams cad
bskyab par 'dod pa zhig yin gsungs/_'o na 'gyod par ma gyur

tam zhus pas/_'gyod pa med gsungs/_'o brgyal ba'i rnam 'gyur la
bltas na yid mi ches so/_/zhus pas/_ngas gtsug tor bzod dka'
'khor bcas la byin pa la 'gyod pa ma skyes na/_nga'i lus snga ma kho
na bzhin du gyur cig_gsungs pas/_de bzhin du gyur to/_/der
'khor rnams kyis pho brang du gshegs par zhus pas ma gnang ba
la/_yang rang sangs rgyas bzhi byon nas/_dgra rnams la'ang phan par
mdzad na gnyen rnams ci ste dor/_da ni pho brang du gshegs par
rigs so gsungs nas/_der pho brang du gshegs te 'khor rnams
phan bde la bkod pa yin no/
pha rol tu phyin pa drug ni/don gnyis pa 'jug pa'i bslab bya
sbyin pa tshul khrims bzod pa brtson 'grus bsam gtan te/_thabs
spyod pa'i phyogs kyi pha rol tu phyin pa lnga/_shes rab ye shes kyi tshogs
te drug yin/_dang po sbyin pa'i pha rol tu phyin pa la/
zang zing gi sbyin pa/_chos kyi sbyin pa/_mi 'jigs pa skyabs kyi sbyin
pa dang gsum yin/_zang zing gi sbyin pa de la gtong ba dang /
gtong ba chen po/_shin tu gtong ba dang gsum yod/_gtong ba ni

tha na ja theb dang /_nas phor gang yan chad rgyu rdzas gzhan la sbyin
pa de yin/_de la rang gi bsam pa rnam par dag na dngos po la che
chung med de/_ltung bshags las kyang tha na dud 'gro'i skye gnas su
skyes pa la zas kham gcig tsam bstsal ba'i dge ba'i rtsa ba zhes
gsungs/_rgyal ba thabs mkhas la thugs rje che ba'i mnga' bdag
yin pas gzungs sngags la sogs pa'i mthu la brten nas chu
thigs dang nas 'bru tsam gyi sbyin pas kyang /_yi dwags kyi rigs
gang+gA'i klung gi bye ma snyed mang po la phan thogs par gsungs/
dkar gsur dmar gsur la sogs pa 'di dag kyang mkha' la
rgyu ba'i yi dwags kyi rigs la phan lhag par che zhing /_de la brten
nas sems can gyi srog la za ba'i 'byung po mi ma yin pa rnams/
gnas skabs dri gsur gyi zas kyis tshims pa dang /
chos kyi sbyin pas rgyud grol ba sogs la brten nas sems can gyi
srog la mi 'tshe bas sems can mang po 'chi ba'i 'jigs pa las
skyob pas/_skyabs kyi sbyin pa yang yin te/_don du sbyin pa rnam pa
gsum ka tshang /_des na chu sbyin dang gsur bsngo la sogs pa byed
pa ni/_bya sla la chod che ba'i chos yin pas/_lo re bzhin chu gtor
'bum ther re tsam bsngo ba dang /_rgyun du yang gsur dang chu gtor
ma chags par byed pa gal che ba yin/de bzhin du rang la rgyu
rdzas longs spyod cung zad re 'byor pa byung na yang /_de la shi spar

'thams nas tshe 'di phyi gnyis ka'i don du spyod mi bra bar/_ci tsam
zhig yod kyang med snyam nas mug skad 'don pa ni da lta nyid nas
yi dwags kyi rgyu mthun sleb pa yin pas/_de ltar mi byed par yar
dkon mchog la mchod pa/_mar ngan slong la sbyin gtong la sogs
pa mchod sbyin gyi phyogs la 'bad dgos te/_rje mi la'i zhal nas
kyang /_lto kha nas brus la sbyin pa thong /_zhes gsungs/
de ltar ma yin par rang 'dod kyi dbang du btang na/_lho 'dzam bu
gling gi rgyu rdzas longs spyod thams cad mi gcig la yod kyang chog
mi shes/_rang la yod pa de kha nas 'bug mi bra bar yar mchod
mar sbyin byed rgyu de da gzod gzhan nas e rnyed snyam pa lta bu zhig
'char 'ong ba yin/_lar zang zing gi sbyin pa la sogs rgyu rdzas kyi
dngos pos chos byed pa 'di byang chub sems dpa' khyim pa la gtso
bor gsungs pa yin pas/_rab tu byung ba rnams kyis 'dod pa chung
zhing chog shes pa kho na la bslab/_ri khrod dang dgon pa brten te
dka' spyad dang snying rus kyi sgo nas lam lhag pa'i bslab pa gsum
nyams su len pa de gal che ba yin/_rang gi dge sbyor bcag nas
tshong dang so nam la sogs g.yo sgyu dang sdig pa'i sgo nas rgyu rdzas
bsags te/_des yar mchod mar sbyin byed pa sogs chos byed par
rlom pa rnams ni/_chos chos bzhin ma byas na chos kyis slar ngan
song gi rgyu byed bya ba de yin pas/_de la snying po ci yang med/_des

na dus dang rnam pa thams cad du chog shes kho na la bsten pa 'di
gal che ba yin no/_/
gtong ba chen po zhes bya ba ni/_rta dang glang po bu dang bu mo la
sogs rang la lhag par rtsis che ba dang /_dkon pa'i rigs gzhan
la sbyin pa de yin/
shin tu gtong ba ni/_rang gi lus dang srog dang yan lag la sogs
pa sbyin par gtong ba ste/_dper na rgyal bu snying stobs chen pos
stag mor lus sbyin btang ba dang /_slob dpon klu sgrub kyis rgyal po
bde spyod kyi bu la dbu sbyin par btang ba dang /_lha lcam man+ne bzang
mos stag mor lus sbyin btang ba la sogs pa de lta bu yin te/_'di
dag sa thob pa'i byang chub sems dpa' rnams ma gtogs so so'i
skye bo phal gyis nyams su blang mi nus pas/_da lta blo yis lus srog
longs spyod thams cad la chags pa med par sems can gyi don du
bsngo zhing*/_phyis nas dngos su gtong nus par smon lam 'debs
pa yin/
chos kyi sbyin pa ni/_gzhan la dbang bskur/_chos bshad/_lung
'bogs pa sogs gzhan rgyud dge ba la sbyor ba'i thabs byed pa
de yin/_'on kyang rang 'dod rtsa ba nas ma zad kyi bar gzhan don
sgrub lo byas kyang gzugs brnyan tsam las mi 'ong ste/jo bo la
'khor slob rnams kyis/_tshogs pa skyong ba'i dus nam yin/_gzhan

don byed pa'i dus nam yin/_gshin po la 'pho ba 'debs pa'i
dus nam yin zhus pas/_tshogs pa skyong ba'i dus stong nyid rtogs
shing mngon shes skyes pa'i dus yin/_gzhan don byed pa'i dus rang
don zad tsa na yin/_gshin po la 'pho ba 'debs pa'i dus mthong
lam thob nas yin gsungs/_yang jo bo'i zhal nas/_da lta snyigs
ma'i dus su pho zo 'don pa'i dus ma yin/_snying rus 'don pa'i
dus yin/_che sa bzung ba'i dus ma yin/_dman sa bzung ba'i dus
yin/_'khor g.yog bsten pa'i dus ma yin/_dben pa bsten pa'i
dus yin/_slob ma bsrel ba'i dus ma yin/_rang nyid bsrel ba'i
dus yin/_tshig rjes bsrung ba'i dus ma yin/_don la bsam pa'i
dus yin/_phan tshun 'gro ba'i dus ma yin/_sa gcig tu sdod pa'i
dus yin gsungs/
yang dge bshes ston pa la/_sku mched gsum gyis/_dben par
nyams su len pa dang /_sems can la chos kyis phan 'dogs pa
gnyis khebs gang che lags zhus pas/_ston pa'i zhal nas/_rang
rgyud la nyams rtogs ci yang med pa'i las dang po pa'i gang zag
gis sems can la chos kyis phan btags kyang mi thogs te/_byin
rlabs snod stong pa byo ba dang 'dra ste/_byin rlabs la 'ong rgyu med/
gdams ngag sbang ma ma mnan par bsing ba'i chang dang 'dra ste/
gdams ngag la ro bcud med/_drod thob la brtan pa ma thob pa'i

mos pas spyod pa'i gang zag gis sems can gyi don byar mi btub
ste/_byin rlabs bum pa gang byo dang 'dra ste/_gzhan gang tsam na
rang nyid stong par 'gyur/_gdams ngag sgron me lag brgyud dang
'dra ste/_gzhan gsal tsam na rang nyid 'grib par 'gyur/_sa thob
na mar sems can gyi don grub tshad bya ba yin te/_byin rlabs bum
ba bzang po'i dngos grub dang 'dra ste/_gzhan thams cad smin par
byas kyang /_rang nyid la gang stong med/_gdams ngag mar me'i gzhi
ma dang 'dra ste/_gzhan gsal bar byas kyang /_rang la 'grib pa med
pa yin/_des na da lta snyigs ma'i dus 'dir so so'i skye bos dben
par byams snying rje byang chub gyi sems la blo goms par bya ba ma
yin par/_sems can la dngos su phan gdags pa'i dus ma yin/
rang rgyud kyi nyon mongs pa srung ba'i dus yin/_dper na sman chen
po'i ljon shing gi myu gu de bcad pa'i dus ma yin/_srung ba'i dus
yin gsungs/
des na dngos su sems can la chos kyi sbyin pa gtong ba ni cung
zad dka'/_rang gis nyams su ma blangs par chos gzhan la bshad
pa 'dis ni gzhan la phan ci yang mi thogs/chos bshad pa la
brten nas 'bul ba dang rnyed nor bsdu ba ni/_rgya gar dam pas/
nor sgrub pa'i zong chos la byed gsungs pa de yin pas/_rang 'dod
ma zad kyi bar du/_gzhan don byed pa la mi rings par rang gis

kha ton dang bzlas brjod/_rgyal ba'i bka' gsung rab bklag pa
sogs dkar phyogs kyi lha 'dre rnams kyis nyan nas rgyud grol ba'i
smon lam byed/_chu gtor dang lus sbyin la sogs pa'i mjug tu/
sdig pa ci yang mi bya sogs chos sbyin yod pa de tsam gyis 'thus
par bya/_rang 'dod zad pa'i dus su/_zhi bde dang sos dal gyi
dbang du skad cig kyang ma lus par gzhan don kho na gtso bor bya
ba'i dus la bab pa yin pas de ltar bya/
mi 'jigs pa skyabs kyi sbyin pa ni/_sems can skyabs med pa la
skyabs/_mgon med pa la mgon/_dpung gnyen med pa la dpung
gnyen byed pa thams cad dang /_khyad par bcom ldan 'das kyis
'dus byas kyi dge ba thams cad las/_sems can gyi srog skyabs
pa phan yon che bar gsungs pas/_dbang yod rnams nas/_ri rgya
dang klung rgya sdom pa dang /_gzhan dag nas kyang /_gsod sar khrid
pa'i bshas lug blu ba dang /_'chi bar nye ba'i nya dang 'bu sbrang gi
skyabs byed pa sogs dngos su thabs sna tshogs pa'i sgo nas sems
can la phan 'dogs pa lhur len pa yin no/_/de ltar sbyin pa rnam
pa 'di dag ni/_gsang sngags kyi dam tshig gi yang gtso che shos
yin te/_rigs lnga'i sdom bzung las/_rin chen rigs kyi dam tshig
tu/_/sbyin pa rnam bzhi rtag tu sbyin/_/zhes gsungs pa ltar ro/_/

gnyis pa tshul khrims kyi pha rol tu phyin pa la/
nyes spyod sdom pa'i tshul khrims/_dge ba chos sdud kyi tshul khrims/
sems can don byed kyi tshul khrims dang gsum yod/_dang po nyes
spyod sdom pa'i tshul khrims ni/_lus ngag yid kyi sgo nas gzhan don
du mi 'gyur ba'i mi dge ba bcu po thams cad dug bzhin du spong
ba de yin/
dge ba chos sdud kyi tshul khrims ni/_dge ba'i rtsa ba cha phra mo re yan
chad dus dang rnam pa thams cad du ci 'grub gang 'grub tu byed
pa de yin/_lar 'jig rten pa phal pa'i kha skad la yang /_dge ba
kha zhor lag zhor/_sdig pa 'gro zhor 'dug zhor zer ba ltar/_rang
gi dus dang rnam pa thams cad du dran shes dang bag yod kyi sgo
nas brtags te/_spang blang gi gnas la ma 'bad na/_tha na rtsed mo
tsam gyi zhor la'ang sdig pa tshabs po che du ma gsog 'gro ba yin
pas/_ji skad du/_sdig pa chung du tsam la yang /_/mi gnod snyam du
brnyas mi bya/_/me stag phra mo gcig gis kyang /_/rtswa phung ri tsam sreg
par byed/_/ces gsungs/_de bzhin du dus dang rnam pa thams cad
du/_dran dang shes bzhin gyis bzung nas nyams su blangs na/_dge
ba'i tshogs bsam gyis mi khyab pa yang zhar dang zhor la 'grub 'gro

ba yin te/_tha na lam kha zhig na ma Ni rdo mkhar zhig yod kyang de la
zhwa phud dang zhe sa bya/_de g.yas phyogs su bzhag ste bskor ba'i tshul
gyis 'gro/_de yang dam pa gsum gyis zin par byas na/_rdzogs pa'i
byang chub kyi rgyu ma nor bar 'gro bas/_ji skad du/_dge ba phra mo tsam
la yang /_/mi phan snyam du brnyas mi bya/_/chu yi thigs pa bsags pa
yis/_/snod chen rim gyis gang bar 'gyur/_/zhes pa ltar/_sngon gyi
dus su phag cig khyis ded de mchod rten la bskor ba byas pa dang /
srin 'bu bdun shing lo'i steng nas chur lhungs pa chu yi 'khor
phyogs kyis chu nang du yod pa'i mchod rten la bskor ba bdun byas
pa sogs kyang thar pa'i rgyur gyur pa'i lo rgyus lta bu yin pas/_dus
dang rnam pa thams cad du sdig pa sna re yan chad spang /_dge ba sna
re yan chad ci 'grub bsgrub/_de dag sems can gyi don du bsngo ba
la byang chub sems dpa'i bslab bya dang sdom pa thams cad 'dus
pa yin no/_/
sems can don byed kyi tshul khrims ni/_sngar bshad pa ltar rang
'dod rtsa ba nas zad pa'i dus su/bsdu ba'i dngos po bzhi la
bsten nas sems can gyi don dngos su bsgrub pa la 'bad pa de
yin la/_las dang po pa'i dus su/_dge sgrub sdig spang gi bslab
bya gang nyams su len yang dam pa gsum gyis zin pa'i sgo nas
sems can thams cad kyi don du bsngo ba de la 'dus pa yin no/_/

gsum pa bzod pa'i pha rol tu phyin pa la gsum ste/
gzhan gyi log sgrub bzod pa'i bzod pa/_chos phyir dka' spyad
bzod pa'i bzod pa/_zab mo'i don la mi skrag pa'i bzod pa dang
gsum yod/_dang po gzhan gyi log sgrub bzod pa'i bzod pa ni/
gzhan gyi rang la dngos su rdung rdeg dang*/_'phrog bcom tshig ngan
smra ba sogs dang /_lkog nas mi snyan par brjod pa sogs la zhe
sdang dang khong khro mi bya bar slar la byams pa dang snying rje bskyed
nas de dag la phan 'dogs pa de yin/_de ltar ma byas par khong
khro'i dbang du btang na/_bskal pa stong gi tshogs bsags khong khro
gcig gis 'joms/_zer ba ltar yin te/_spyod 'jug las/_bskal
pa stong du bsags pa yi/_sbyin dang bde gshegs mchod la sogs/
/legs spyad gang yin de kun kyang /_/khong khro gcig gis 'joms
par 'gyur/_/zhes gsungs/_des na zhe sdang lta bu'i sdig pa med/
/bzod pa lta bu'i dka' thub med/_/de bas bzod la nan tan tu/
/sna tshogs tshul gyis bsgom par bya/_/zhes gsungs pa ltar/_khong
khro'i nyes dmigs dran nas dus dang rnam pa thams cad du bzod
pa sgom pa la 'bad dgos te/_rgya gar dam pas/_dgra sdang las kyi
'khrul snang yin pa la/_/zhe sdang gdug sems skyur cig ding ri ba/_/

zhes dang /_jo bo rje lha gcig gi zhal nas kyang /_gnod pa byed pa
la khong ma khro/_gnod pa byed pa la khong khro na/_bzod pa ci tsam na
bsgom/_zhes gsungs/
des na rang la tshur ngan smras dang gnod pa ma nyes pa'i kha yog
la sogs pa byung na de la khong khro dang 'khon 'dzin spangs na/_des
sdig pa dang sgrib pa mang du 'dzad cing /_bzod pa la brten nas
tshogs rlabs po che rdzogs pa yin pas/_gnod pa byed pa la bla ma
ltar blta dgos te/_zhe sdang skye yul med na bzod pa su la bsgom
zer ba de yin/_lar da lta'i dus na de bla ma'am dge slong bzang po
zhig yin te khong khro che zer/_'jig rten gyi khams na skyon gcig
la khong khro las thu ba med na/_khong khro che bzhin tu bzang po zhig ji
ltar yin/_rgya gar dam pa'i zhal nas kyang /_'dod chags kyi las
brgya bas/_zhe sdang gi las skad cig ma gcig sdig pa che ba yin
te ma go zhes gsungs/_chos rgyud la skyes pa'i gang zag de/_lus
ngag yid gsum ras bal rdog pas mnan pa'am/_phye thug la zo
mar btab pa ltar 'jam lhan gyis song ba zhig dgos/_de ltar ma
yin par dge sbyor cung zad re 'grub pa'am/_srung sdom sna re tsam
dag pa la/_nga ni de dang de lta bu yin no snyam du dus rtag tu nga rgyal
gyis rgyud khengs nas/_gzhan pha rol po'i tshig gcig gi smra lugs
legs nyes la'ang nga la brnyas byung /_nga la smad byung zer nas rgyud

khro ling nge yod pa de chos dang rang rgyud so sor song nas chos kyis
sems la cung zad kyang ma phan pa'i rtags yin/_dge ba'i bshes
gnyen spyan snga ba'i zhal nas/_'o cag thos bsam sgom gsum byas
kyin/_nga bdag je cher song nas bzod sran sha'u bas chung ba/_ko
long gtsang btsan pas dam par 'dug pa 'di thos bsam sgom
gsum log par song ba'i rtags yin/_zhes gsungs/
des na dus dang rnam pa thams cad du dma' mo'i sa bzung /_hrul
po'i gos gyon/_bzang ngan 'bring gsum gong du khur nas byams
snying rje byang chub sems la gzhi bcol te rang rgyud chos kyis 'dul
ba ni nyams len gyi gnad ma nor ba yin pas/_sems la mi phan
pa'i lta ba mtho mtho dang sgom pa zab zab mo stong las kyang dga'
ba yin/
chos phyir dka' spyad bzod pa'i bzod pa ni/_dam pa'i chos sgrub
pa'i ched du dka' tshegs tsha grang thams cad khyad du bsad nas
bsgrub dgos te/_rgyud las kyang /_me tshogs spu gri'i mtsho yang brgal
nas ni/_/phyi mthar thug gi bar du dam chos btsal/_/zhes gsungs/
sngon gyi jo bo bka' gdams pa dag gi gtad sa bzhi zhes bya ba/
blo phugs chos la gtad/_chos phugs sprang la gtad/_sprang phugs shi
la gtad/_shi phugs grog stong la gtad ces gsungs/_da lta rang
re rnams nas chos la dka' spyad dang snying rus cung zad kyang mi

dgos par/_'jig rten tshe 'di'i bya ba bsgrub pa'i zhor la bde
skyid snyan gsum dang ldan pa'i ngang nas chos 'grub tu re/_gzhan
la yang de ltar yod par rlom nas/_de bla ma bzang po zhig yin chos
'jig rten gnyis ka 'dzom yod zer te/_chos 'jig rten gnyis ka
'dzom thabs ga la yod/_chos 'jig rten gnyis ka 'dzom par rlom
pa de la/_'jig rten bzang po re 'dzom yod shas che ma gtogs
chos yang dag pa de med thag chod/_chos dang 'jig rten gnyis
ka mnyam du bsgrub par rlom pa de/_khab rtse gnyis kyis bzo drub pa
dang /_me chu gnyis snod gcig tu 'jog pa dang /_rta gnyis kha yar
mar du bskor nas mnyam du zhon nas 'gro bar rlom pa dang 'dra ste
'grub thabs gtan nas med/
gang zag cig la bdag cag gi ston pa sangs rgyas shAkya thub pa
las lhag pa zhig yod thabs med de/_des kyang chos 'jig rten
gnyis ka mnyam du 'grub pa'i thabs ma dgongs nas 'khor los
sgyur ba'i rgyal srid kyang mchil ma'i thal ba bzhin du bor nas chu
bo ne+e rany+dza na'i drung du lo drug gi bar du lo re la chu thigs pa re
dang nas 'bru re gsol nas dka' spyad dang snying rus mdzad pa
yin/_rje btsun mi la ras pa lta bus kyang /_sgrub pa nyams su len
pa'i dus kha zas med/_rgyab gos med mdzad nas/_zwa kho na gsol te
sgrub pa mdzad pas lus thams cad keng rus ltar song /_lus la spu

sngo zho le ba skyes/_gzhan dag gis mthong tshe mi yin nam 'dre yin
ngo mi shes par ma gyur par dka' spyad dang snying rus mdzad de chos
nyams su len pa de/_chos dang 'jig rten mnyam du sgrub pa'i thabs
med pa'i don yin gyi/_mi la ras pa thabs rdugs nas chos dang
'jig rten mnyam du sgrub ma shes pa ga la yin/_de bzhin du grub
chen me long rdo rjes kyang gla khe'i shun pa kho na gsol te/_lo dgu'i
bar du sgrub pa mdzad pas grub pa thob pa dang /
kun mkhyen chos kyi rgyal po klong chen rab 'byams pas kyang /_dngul
chu ril bu nyi shu rtsa gcig gis zla ba mang po'i 'tsho ba mdzad pa dang /
kha ba bab dus sgye zhig gi nang du 'dzul nas gos gdan gnyis
ka'i go bcad de chos phyogs su dka' ba spyad pa sogs/_sngon gyi
grub thob thams cad 'jig rten tshe 'di'i bya ba thams cad rgyab tu
bskyur nas dka' spyad dang snying rus kyi sgo nas bsgrubs te grub pa
thob pa sha stag yin gyi/_'jig rten tshe 'di'i bya ba sgrub pa'i zhor la
bde skyid snyan gsum 'dzom pa'i ngang nas chos bsgrubs te grub pa
su yang med/_rig 'dzin 'jigs med gling pa'i zhal nas kyang /
lto 'bol ba gos dro ba sdod gnas skyid pa/_sbyin bdag legs pa
zhig gi sta gon byas phyin chad chos ma 'grub gong du bdud 'grub
tshar ba yin/_zhes gsungs/_dge bshes sha bo pa'i zhal nas kyang /
snying nas chos byed na blo rtse sprang po la gtad dgos/_sprang po'i tha ma

'chir 'jug nus pa zhig dgos pa yin/_blo sna de lta bu zhig skyes
na/_lha 'dre mi gsum gyis 'o brgyal du mi 'jug nges pa yin/_zhes
gsungs/_rje mi la'i zhal nas kyang /_nga na na dri mi med pa dang /_/shi
na ngu mi med pa ru/_/ri khrod 'di ru 'chi nus na/_/rnal 'byor bsam
pa rdzogs pa yin/_/sgo na mi rjes med pa dang*//nang na khrag rjes med
pa ru/_/ri khrod 'di ru 'chi nus na/_/rnal 'byor bsam pa rdzogs pa
yin/_/gar song dri mi med pa dang /_/'dir song gtad so med pa ru//
ri khrod 'di ru 'chi nus na/_/rnal 'byor bsam pa rdzogs pa yin/_/
ro rul 'bu yis za ba dang /_/rtsa rgyus sbrang bus 'jibs pa ru/_/ri
khrod 'di ru 'chi nus na/_/rnal 'byor bsam pa rdzogs pa yin/_/zhes
gsungs/
des na 'jig rten tshe 'di'i zhen pa thams cad rlung la bskur nas
dka' tshegs dang tsha grang thams cad khyad du bsad de chos sgrub pa
zhig cis kyang dgos pa yin no/
zab mo'i don la mi skrag pa'i bzod pa ni/_zab mo stong pa nyid
kyi gnas lugs dang /_khyad par rang bzhin rdzogs pa chen po'i
gnas lugs bya rtsol dang bral ba'i gnad/_dge sdig rgyu 'bras
las 'das pa'i rdo rje'i gad mo bcu gnyis dang /_ngo mtshar ba'i
tshig chen brgyad la sogs pa thos pa na/_de dag la log lta mi skye
zhing de dag gi dgongs pa phyin ci ma log pa lon pa'i thabs la

'bad par bya/_de ltar ma yin bar de dag la log lta skyes pa'am/
skur pa btab na chos spong ba'i las zhes bya ste/_bskal pa grangs
med pa'i bar du dmyal ba'i gting nas mi thar ba'i rgyu yin/_de
skad du yang /_mtshams med lnga las thu ba'i las ngan pa/_/chos spong
las ngan bsags pa mthol lo bshags/_/zhes gsungs/_jo bo rje
lha gcig gi drung du rgya gar gyi dge slong sbyangs pa'i yon tan bcu
gnyis la gnas pa gnyis byung*/_jo bos gang zag gi bdag med
gsungs pas khong gnyis dga'/_chos kyi bdag med gsungs pa'i
tshe 'jigs 'jigs de ltar mi gsung bar zhu zer/_zab mdo 'don
pa thos pa'i tshe rna ba 'gebs pas/_jo bo thugs chad de byams snying
rje byang chub kyi sems la blo sbyangs nas chos zab mo la yid ches pa
zhig med na/_srung sdom dag pa gcig pus gar yang mi phyin par
'dug gsungs/_sngon sangs rgyas bzhugs pa'i dus kyang stong pa
nyid zab mo'i don bstan pa thos pas/_dge slong mngon pa'i nga rgyal
can mang po'i kha nas khrag tsha ba skyugs te shi ba dang*/_dmyal bar
skyes pa la sogs pa'i lo rgyus yod pa lta bu yin pas/_zab mo'i
chos dang de ston pa'i gang zag la snying thag pa nas mos gus bya
zhing /_gal te rang nyid blo chung ba'i skyon gyis mos par ma gyur kyang /
skur pa 'debs pa spang bar bya ba ni ci nas gal che'o/_/

bzhi pa brtson 'grus kyi pha rol tu phyin pa la'ang /
go cha'i brtson 'grus/_sbyor ba'i brtson 'grus/_chog par mi 'dzin
pa'i brtson 'grus dang gsum yin/
dang po go cha'i brtson 'grus ni/_sngon gyi dam pa gong ma rnams dang /
sangs rgyas dang byang chub sems dpa' rnams kyi rnam thar dang
mdzad spyod/_chos phyir dka' ba spyad pa'i lo rgyus sogs ji dang ji
lta bu zhig thos kyang khong rnams sangs rgyas dang byang sems yin
pas de ltar mdzad pa yin/_rang res de lta bu zhig ga la nus snyam
du sgyid mi lug par khong rnam pas de ltar mdzad pas grub pa thob
par 'dug_nga yang de dag gi rjes 'jug yin pas de las lhag pa
zhig ma thon kyang /_de lta bu zhig ma 'grub par thabs mi 'dug snyam
pa dang /_khong rnam pas kyang de lta bu'i dka' spyad dang snying rus
dgos na/_rang re las ngan gyi khur gyis non/_thog ma med pa'i dus
nas chos la sbyangs 'phro med pa zhig gis dka' spyad dang snying
rus ci'i phyir mi dgos/_des na da res dal 'byor gyi mi lus thob/
mtshan ldan gyi bla ma mjal/_zab mo'i gdams ngag thob/_yang dag
pa'i chos tshul bzhin sgrub pa'i skal pa yod pa'i dus 'dir dka'
ba dang du blang /_lci ba rgyab tu khur/_lus srog 'ben du btsug sha

khrag gzan du bor te/_snying thag pa nas chos shig mi sgrub re snyam du
dam bca' ba de yin/
sbyor ba'i brtson 'grus ni/
chos la byed blo dang sgrub blo zhig yod
kyang /_sang bya dang gnangs bya'i ngang du mi tshe'i nyi ma zad nas/_chos
sgrub 'dod kyi ngang nas mi tshe 'dzad pa de spang dgos te/'brug
pad+ma dkar pos/_mi tshe 'di bshas ra'i dud 'gro dang 'dra//yud
tsam re song yang 'chi la nye/_/de ring dang sang gi ngang ring 'dis/_/
mal mtha' nas 'o dod 'chor ro ang /_/zhes gsungs/sdar
des na chos phyi bshol gyi ngang du skad cig kyang mi bzhag par/
ma'i pang du sbrul zhugs pa'am/_sgeg mo'i mgo la me shor ba ltar/
'jig rten tshe 'di'i bya ba thams cad cog gis bzhag_ling gis
bskyur nas 'phral dang 'phral du chos la 'bad dgos/_de ltar ma
byas na 'jig rten gyi bya ba zin dus med pa gcig rjes gcig
non du 'ong ba chu'i gnyer ma lta bu yin pas chos sgrub pa'i longs
skabs mi 'ong /_rang gis blo thag chod nas 'jig rten gyi bya ba
nam bskyur kyang de'i dus su zin pa yin te/_kun mkhyen chen pos/
'jig rten bya ba shi shir zin dus med/_/nam bzhag dus na zin pa
chos nyid yin/_/zhes dang /_bya byed byis pa'i rtsed mo 'dra/_/byas na
mi zin bzhag na zin/_/zhes gsungs/_des na dam pa'i chos la sgrub
'dod kyi blo zhig skyes pa'i tshe/_mi rtag pas skul ma btab ste/_chos

le lo dang phyi bshol gyi dbang du skad cig kyang mi lus par 'phral
dang 'phral du chos la 'jug pa de sbyor ba'i brtson 'grus yin/
chog par mi 'dzin pa'i brtson 'grus ni/_rang gi mtshams dang
bsnyen sgrub kha ton dang dge sbyor la sogs pa cung zad re 'grub
pa'i tshe/_de tsam gyis chog shes mi bya bar tshe dang sgrub pa snyoms pa'i
dam bca' blangs nas ji srid rdzogs pa'i sangs rgyas kyi go 'phang
ma thob bar du brtson pa rgyun ring la shugs drag pa chu bo'i rgyun
lta bu zhig dgos te/_dam pa gong ma dag gi gsung las/_chos sgrub
pa'i dus g.yag ltog gis rtswa za ba lta bu zhig dgos/_zhes gsungs/
g.yag ltog gis rtswa za ba'i tshe/_kham sngon ma gcod pa'i dus nas phyi
ma mig gis bltas nas za ba ltar/_chos kyi bya ba sngon ma sgrub pa'i
dus nas 'di 'grub pa dang 'di bsgrub snyam du blos blangs te/_sgo
gsum sos dal dang chos med du skad cig kyang ma lus pa zhig gi
ngang nas nyin re bzhin yang chos la brtson pa je cher 'bad dgos
te/_rig 'dzin 'jigs med gling pa'i zhal nas kyang /_'chi ba la
ji tsam bcar bzhin dge sbyor la snying rus cher 'gro ba 'di chos
pa sad kyis ma khyer ba'i rtags yin/_zhes gsungs/
da lta sgom chen dang bla ma bzang por grags pa dag la/_gzhan
dag na re/_da khyed tshos phyag dang kha ton tshogs bsags sgrib sbyong
sogs dgos dogs med zer zhing ngo bstod byed la/_rang rang nas

kyang nga de dang de lta bu yin pas gang yang mi dgos snyam pa 'dug
ste/_mnyam med dwags po'i zhal nas/_mi dgos snyam pa de dgos
bdo yin pa'i rtags yin gsungs/
rgya gar jo bo dI paM ka ras kyang nyin re bzhin phyag sa khal le sAts+tsha
'debs pa la brtson/_'khor rnams kyis khyed bla ma chen po zhig sa
las mdzad pa mis kyang 'phya zhing /_'o brgyal bar 'dug pas nged
rnams kyis byed par zhu zhus pas/_ci zer 'o na nga'i zan kyang khyed
rnams kyis za'am gsungs/_des na rdzogs pa'i sangs rgyas ma thob
kyi bar du sbyang bya las dang bag chags yod cing /_thob bya gong ma
gong ma'i yon tan yod pa yin pas dal khom dang res 'ga'i chos
su ma song bar snying thag pa nas chos la chog shes med par 'bad
dgos/_lar sangs rgyas kyi go 'phang thob mi thob brtson 'grus
'di kho na la rags las pa yin pas/_brtson 'grus rnam pa gsum
po 'di la 'bad dgos pa yin te/_shes rab rab cig yod kyang
brtson 'grus tha ma zhig las med na chos pa tha ma zhig las mi 'ong /
shes rab tha ma zhig las med kyang /_brtson 'grus rab cig yod na
chos pa yang rab cig 'ong /_brtson 'grus med na yon tan gzhan
yod kyang mi phan pa/_kun mkhyen 'jigs med gling pa'i zhal nas/
brtson 'grus med pa'i gang zag la/_/shes rab dang ni dbang 'byor
stobs/_/gang gis skyob par mi nus te/_/gru gzing yod pa'i ded

dpon la/_/skya bas rdugs pa ji bzhin no/_/zhes gsungs/
des na dus dang gnas skabs thams cad du/lto tshad la phab/
gnyid srang la gcur/_rig pa gzhur la drangs nas/_thang lhod med
pa'i brtson 'grus gzhu brdungs pa lta bu zhig med na/_dal khom re
'ga'i chos kyis ni gar yang mi phyin no/_/
lnga pa bsam gtan gyi pha rol tu phyin pa ni/
dang po 'du 'dzi dang rnam g.yeng thams cad spangs nas gnas
dben pa zhig ma brten na/_bsam gtan rgyud la skye mi nus pas/
dang po rnam g.yeng spang ba gal che/_de yang 'dus pa ni 'bral
ba'i chos can yin te/_pha ma dang /_spun zla/_bza' mi dang /_gnyen
grogs/_tha na lhan cig skyes pa'i lus kyi sha rus kyang so sor 'bral
ba'i chos can yin na/_rtag pa med pa'i mdza' bshes la chags
nas ci byed snyam du bsams nas/_rtag tu gcig pur gnas par
bya dgos te/_ras pa zhi ba 'od kyis/_rang nyid gcig pu sangs rgyas
kyi ngang /_/chos mthun grogs po dge sbyor gyi rten/_/gsum bzhi phan
chad chags sdang gi rgyu/_/bdag des kyang gcig pur bsdad pa zhig
lags/_/zhes gsungs/_'dod pa ni nyes pa thams cad kyi 'byung
khungs/_yod kyang chog mi shes/_longs spyod dang 'byor pa ji tsam

yod bzhin ser sna 'phel ba yin te/_ji skad du/_gang la nor yod
de la ser sna yod/_/ces dang /_yod kyin je dgos phyug po 'dra/_/
zhes gsungs/_nor med tsa na dgra dang bral/_/zhes pa ltar/_rang la
zas nor dang longs spyod la sogs pa ji tsam 'byor pa de tsam du
dgra dang rkun po la sogs pas kyang 'tshe zhing /_de la brten nas
dus dang rnam pa thams cad du/_de nyid gsog pa dang /_srung ba dang /
spel ba gsum gyis mi tshe zad la/_de yang sdug bsngal dang sdig pa
kho na ma gtogs med pas na/_'phags pa klu sgrub kyis kyang /_gsog
dang srung dang spel bas nyam thag pas/_/nor ni phung khrol mtha'
yas shes par bya/_/zhes gsungs/
lho 'dzam bu'i gling gi rgyu rdzas dang longs spyod thams cad mi gcig
la yod kyang /_don du ni mi gcig gi lto gos gnyis las byed rgyu
gzhan med/_'on kyang ci tsam 'byor bzhin rang gcig pu tsam gyi
yang kha la za mi bra/_rgyab la gyon mi bra bar sdig sdug gtam ngan
thams cad khyad du bsad de phyi ma rlung la bskur/_tshe 'di srog dang
bsdos/_rgyu rdzas phra mo re'i ched du khrel dang ngo tsha gzhung dang phyi thag
chos dang dam tshig thams cad khyad du gsod/_za rlom/_rnyed rlom/
thob rlom kho nas dus 'da' ba 'byung pos gtor ma tshol ba lta bu'i
ngang du nyin gcig gi dal khom dang bde skyid kyang nyams su ma
myongs bzhin du mi tshe zad/_mthar longs spyod bsags bsags

rang gi srog la babs nas/de kho na'i ched du gri kha dang mtshon
khar 'chi/_tshe gcig tu bsags pa'i rgyu rdzas longs spyod ni/_dgra
la sogs pa gzhan gyis longs spyod de chud zos kho nar 'gyur/
de'i ched du bsags pa'i sdig pa'i phung po ri rab tsam zhig ni/
rang nyid kho na'i skal par thob ste ngan song bzod par dka' ba'i
gting nas thar pa'i dus med par 'khyams pa de lta bu yin pas/
'byor pa cung zad re yod na da lta rang dbang yod tshe 'dir phyi
ma'i rgyags phye bzang po re tshags su tshud par byas nas/_lto gyi na
dang gos lhags skyob tsam gyis chog shes par bya/ji ltar byas kyang
de bzhin du tshe 'di kho na don du gnyer ba'i mi rnams ni byis pa'i
grogs po zhes bya ba yin te/_de dag ni phar la phan par byas kyang /
tshur la gnod pa byed pas byas pa mi gzo ba/
'thad pa'i dus med pas mgu bar dka' ba/_kho bas rang lhag na
ni phrag dog byed/_rang bas kho lhag na ni khyad du gsod pa/_ji tsam
'grogs bzhin mi dge ba 'phel zhing dge ba 'grib pa yin pas
de dag ring du spang /_tshong dang so nam bzo dang rig shes la sogs
pa la brten nas mang po dang 'brel zhing don mang pos rnam par
g.yeng ba ni/_'du 'dzi yin te/_de yang rtag tu brel zhing don chung
ba/_ji tsam brtson kyang snying po med pa/_dgra btul kyang mtha' med
pa/_gnyen bskyangs kyang mtha' med pa/_zin pa'i dus med pa'i bya

byed dang rnam g.yeng thams cad mchil ma'i thal ba bzhin dor
te/_pha yul rgyab tu bskyur/_mi yul dang du blangs/_gnas brag rtsa ru
bsdad/_grogs ri dwags dang 'grogs/_bab lus sems la bskur/
gyong lto gos gtam gsum la btang nas/_mi med kyi lung stong kho
nar mi tshe bskyal te/_ji skad du/_rje btsun mi la ras pa'i zhal nas/
mi med lung pa'i brag phug na/_/skyo chad de ba la sangs dus med/_/
bla ma dus gsum sangs rgyas la/_/yid dung nge ba la 'bral ba med/_/
ces gsungs pa ltar byas na/_yid skyo ba'i gnas su bsam gtan 'khor//
zer ba yin pas nges 'byung dang skyo shas/_dad pa dang dag snang /
bsam gtan dang ting 'dzin la sogs lam gyi yon tan thams
cad rang shugs kyis skye ba yin pas/_de lta bu la ci nas kyang 'bad/
de bas na dben pa'i nags khrod ni/_sngon gyi sangs rgyas dang byang
chub sems dpa' rnams kyis kyang zhi ba brnyes pa'i gnas/_'du
'dzi dang rnam g.yeng med pa/_tshong dang so nam med pa/_byis pa'i
grogs dang bral ba/_bya dang ri dwags 'grogs na bde/_chu dang lo
ma dka' thub kyi zas dang mthun pa/_rig pa ngang gis dwangs/_ting
nge 'dzin shugs kyis 'phel ba'i gnas/_de na dgra med/_gnyen
med/_chags sdang gi sgrog las grol ba yon tan du ma dang ldan pa'i
gnas yin te/_de lta bu'i dben pa'i gnas su dngos su phyin nas
sdod pa lta yang ci smos/_tha na dben pa'i gnas der 'gro bsams

nas/_de'i phyogs su gom pa bdun bor yang /_bskal pa gang+gA'i klung
gi bye ma snyed du phyogs bcu'i sangs rgyas thams cad la mchod pa
phul ba las kyang phan yon che bar/_sangs rgyas bcom ldan 'das
kyis zla ba sgron me'i mdo la sogs pa las gsungs/
de lta bu'i gnas su ji skad du/_ri khrod dben pa'i gnas mchog
na/_/spyod lam thams cad dge ba yin/_/zhes pa ltar/_ched du brtson
'grus brtsams nas dge ba ma bsgrubs kyang /_nges 'byung dang skyo
shas/_byams dang snying rje la sogs pa lam gyi yon tan thams cad
ngang ngam shugs kyis skye bas/_spyod lam thams cad kyang rang bzhin
gyis dge ba 'ba' zhig tu 'gyur/_'du 'dzi'i gnas su 'bad nas
bkag kyang mi kheg pa'i chags sdang dang nyon mongs pa thams cad
kyang /_dben pa'i gnas su sleb pa tsam gyis rang shugs kyis chung
du 'gro/_lam gyi yon tan thams cad rang rgyud la skyed par sla ba
yin te/_'di dag ni bsam gtan gyis sngon du 'gro ba'i chos yin
pas ci nas kyang gal che bas med thabs med do/_/
bsam gtan dngos la/_byis pa nyer spyod kyi bsam gtan/_don rab
'byed pa'i bsam gtan/_de bzhin gshegs dge'i bsam gtan
dang gsum yin/_de yang bde gsal mi rtog pa'i nyams la zhen
nas/_de nyid la ched du gnyer te nyams zhen gyi rtsi dang bcas par
sgom pa'i dus na/_byis pa nyer spyod kyi bsam gtan zhes bya/_nyams

kyi zhen pa dang bral nas bsam gtan gyi ro myong med kyang stong
'dzin gnyen po'i phyogs la zhen nas sgom pa'i dus na/_don rab
'byed pa'i bsam gtan zhes bya/_stong 'dzin gnyen po'i blo dang
bral te/_chos nyid rnam par mi rtog pa'i ting nge 'dzin la gnas pa
ni/_de bzhin gshegs dge'i bsam gtan zer ba yin/_de ltar
bsam gtan sgom pa'i dus thams cad du lus kyi gnad du rnam
snang chos bdun byed pa dang /_mig gi gnad du lta stangs byed pa
sogs gal che ste/_lus drang na rtsa drang /_rtsa drang na rlung drang /_rlung
drang na sems drang zer ba yin pas/_nyal ba 'khras pa la sogs mi
byed par lus drang por bsrangs te yid gang du'ang mi rtog
yang mi 'dzin pa'i ngang la mnyam par 'jog pa ni/_bsam gtan
gyi pha rol tu phyin pa'i ngo bo yin no/_/
drug pa shes rab kyi pha rol tu phyin pa la/
thos pa'i shes rab/_bsam pa'i shes rab/_sgom pa'i shes rab dang
gsum/
dang po thos pa'i shes rab ni/_chos kyi tshig don thams cad bla mas
gsungs/_rang gis nyan te gsungs pa bzhin go ba de yin/
bsam pa'i shes rab ni/_bla mas gsungs pa'i don de dag thams

cad go lo dang thos lor mi bzhag par/_rang rgyud la gshar sbyangs
byas te rtog dpyod dang bsam gzhig gi sgo nas gtan la phab/_ma
shes pa gzhan la dri/_de yang shes lo dang yin lo tsam gyis chog
shes mi bya bar nges par dben pa'i ri khrod bzung nas gcig pur
nyams su len pa'i dus su nyams len gyi gnad gzhan la dri mi
dgos par nyams len rang rkya thub nges su zhun thar bcad pa de
yin/
sgom pa'i shes rab ni/_shes nas nyams su blangs te bsgoms pas
gnas lugs don gyi rtogs pa ma nor pa rang rgyud la skyes/_kho thag
nang nas chod/_yin min gyi sgrog las grol te gnas lugs kyi rang
zhal mthong ba de yin/_de yang dang po thos bsam gyis sgro 'dogs
bcad nas/_sgom pas nyams su len pa'i dus su/_'di ltar phyi yul
lnga'i snang ba thams cad med bzhin 'khrul ngo la snang ba rmi lam lta
bu/_rgyu rkyen rten 'brel tshogs pa las glo bur du snang ba sgyu ma lta bu/
med pa la yod par snang ba mig yor lta bu/_snang bzhin bden par
ma grub pa smig rgyu lta bu/_phyi nang gang la yang med bzhin snang ba
brag cha lta bu/_rten dang brten par med pas dri za'i grong khyer lta bu/
snang la rang bzhin med pas gzugs brnyan gyi snang ba lta bu/_med
snang cir yang 'char ba sprul pa'i grong khyer lta bu ste/_dngos po med
pa'i stong gzugs sgyu ma'i dpe brgyad du bltas pas yul gyi snang

ba rdzun pa'i rang bzhin du go la/_de ltar snang ba'i mkhan po yul
can sems kyi gshis lugs la brtags pas yul snang ma 'gags
la yul gyi 'dzin rtog zhi/_chos nyid stong gsal nam mkha' lta bur
rtogs pa'i ngang du 'jog pa ni shes rab kyi pha rol tu phyin pa yin
no/_/
de ltar pha rol tu phyin pa drug po de dag kyang phar bkral na pha rol
tu phyin pa re re la yang gsum gsum du phye ba'i bco brgyad de las
kyang zang zing gi sbyin pa la gsum du dbye bas nyi shu/_de'i steng du
thabs kyi pha rol tu phyin pa dang nyer gcig_stobs kyi pha rol tu
phyin pa dang nyer gnyis/_smon lam gyi pha rol tu phyin pa dang nyer
gsum/_ye shes kyi pha rol tu phyin pa dang nyer bzhi yin la/
de las kyang rgyas par dbye na pha rol tu phyin pa re re la yang drug
drug tu dbye bas sum cu rtsa drug tu 'gyur ba yin te/_de yang dper
na sbyin pa'i pha rol tu phyin pa la yar chos kyi sbyin pa lta bu la
mtshon na/_bshad mkhan po'i bla ma/_bshad rgyu'i chos/_bshad yul
slob ma dang gsum 'dzom nas chos bshad pa de sbyin pa'i pha rol
tu phyin pa/_de ltar bshad pa'i dus na rnyed pa dang bkur sti la
sogs mi 'dod cing /_rang gi che ba 'byin pa dang /_gzhan la zur
za ba sogs nyon mongs pa'i dri ma dang ma 'dres par 'chad pa de
tshul khrims kyi pha rol tu phyin pa/_tshig gcig gi don yang lan

grangs mang po'i bar du bskyar te dka' tshegs dang ngal ba thams
cad khyad du bsad nas 'chad pa de bzod pa'i pha rol tu phyin
pa/_le lo dang phyi bshol gyi dbang du mi gtong bar bshad pa'i dus
las mi yol bar 'chad pa de brtson 'grus kyi pha rol tu phyin pa/
gang bshad rgyu'i tshig don de las sems gzhan du mi yengs par
nor 'khrul dang lhag chad spangs nas 'chad pa de bsam gtan
gyi pha rol tu phyin pa/_de ltar bshad pa'i dus na 'khor gsum rnam
par mi rtog pa'i shes rab kyi rtsis zin pa de shes rab kyi pha rol tu
phyin pa ste phar phyin drug ka tshang ba yin/_yang zang zing gi sbyin pa
mar sprang po la bza' btung sbyin pa lta bur mtshon na/_sbyin rgyu sbyin
mkhan sbyin yul gsum 'dzom nas sbyin pa de sbyin pa/_de yang ngan
pa dang skyon can sogs mi sbyin par rang gi za rgyu'i bza' btung
nas sbyin pa tshul khrims/_yang dang yang du bslangs kyang khong mi
khro ba bzod pa/_dka' tshegs dang ngal ba la mi bsam zhing yun
du mi 'gor bar sbyin pa de brtson 'grus/_de las sems gzhan
du mi yengs pa bsam gtan/_'khor gsum bden med du shes pa
shes rab ste/_pha rol tu phyin pa drug ka tshang zhing /_de bzhin du tshul
khrims la sogs gzhan la yang des rigs 'gre'o/_/
yang pha rol tu phyin pa de dag tshur bsdu na/_rje mi las/_bdag
'dzin spangs pa'i pha rol na/_/sbyin pa bya ba logs na med/_/g.yo

sgyu spangs pa'i pha rol na/_/tshul khrims bya ba logs na med/_/don
la mi skrag pha rol na/_/bzod pa bya ba logs na med/_/nyams len
'bral med pha rol na/_/brtson 'grus bya ba logs na med/_/ngang la
gnas pa'i pha rol na/_/bsam gtan bya ba logs na med/_/gnas
lugs rtogs pa'i pha rol na/_/shes rab bya ba logs na med/_/byas
tshad chos kyi pha rol na/_/thabs zhes bya ba logs na med/_/bdud
bzhi bcom pa'i pha rol na/_/stobs zhes bya ba logs na med/_/don
gnyis 'grub pa'i pha rol na/_/smon lam bya ba logs na med/_/nyon
mongs rang mtshang rig pa na/_/ye shes bya ba logs na med/_/ces
gsungs/
yang khu rngog 'brom gsum gyis/jo bo la/_lam gyi chos thams cad kyi
mchog gang lags zhus pas/_jo bo'i zhal nas/_mkhas pa'i mchog
bdag med kyi don rtogs pa yin/_btsun pa'i mchog sems rgyud
dul ba yin/_yon tan gyi mchog phan sems che ba yin/_gdams
ngag gi mchog rtag tu rang sems la lta ba yin/_gnyen po'i mchog
gang yang rang bzhin med par shes pa yin/_spyod pa'i mchog 'jig
rten dang mi mthun pa yin/_dngos grub kyi mchog nyon mongs pa je
chung la song ba yin/_grub rtags kyi mchog 'dod pa je chung la song
ba yin/_sbyin pa'i mchog ma chags pa yin/_tshul khrims kyi mchog
sems zhi ba yin/_bzod pa'i mchog dman sa bzung ba yin/

brtson 'grus kyi mchog bya ba thong ba yin/_bsam gtan gyi mchog
blo ma bcos pa yin/_shes rab kyi mchog gang la yang der 'dzin
med pa yin/_zhes sogs gsungs/
yang rig 'dzin 'jigs med gling pa'i zhal nas kyang /_chog shes
la sbyin pa'i phar phyin gnas/_/de yi ngo bo gtong sems yin/_/
dkon cog gis ma khrel na tshul khrims yod/_/dran rig ma nyams
pa bzod pa'i mchog/_kun gyi grogs su brtson 'grus dgos/
zhen lhar sgom bsam gtan te/_/'dzin zhen rang grol shes rab bo/
de la bsam dang bsam byed med/_/tha mal ma yin nges shes bral/_/
mya ngan 'das zhi dam pa'o/_/'di ni kun la brjod mi bya/_/sems
kyis dam par zung zhig gu/_/zhes gsungs/
de ltar pha rol tu phyin pa drug la sogs pa byang chub sems dpa'i
gzhung lam rgya chen po de thams cad mdo hril gyis dril na stong
nyid snying rje'i snying po can zhig la 'ub kyis 'dus pa yin te//snang
dpal sa ra ha pa'i do ha las kyang*/_snying rje dang bral stong pa nyid
lta ba/_/des ni lam mchog rnyed pa ma yin te/_/gal te snying rje 'ba'
zhig bsgom na yang /_/'khor ba 'dir gnas thar pa yod dam ci/_/
gang la gnyis po yod par gyur ba de/_/srid par mi gnas mya ngan
'das mi gnas/_/zhes gsungs/_srid pa dang mya ngan las 'das pa
gnyis kar mi gnas pa ni/_mi gnas pa'i myang 'das rdzogs pa'i

sangs rgyas kyi go 'phang yin no/_/de bzhin du mgon po klu sgrub kyi
zhal nas/_stong nyid snying rje'i snying po can/_/byang chub sgrub pa kha cig
la'o/_/zhes dang /_jo bo rje lha gcig la 'brom ston pas chos thams
cad kyi mthar thug gang lags/_zhus pas/_chos thams cad kyi mthar
thug stong nyid snying rje'i snying po can yin gsungs/_dper na 'jig
rten na sman dpa' bo chig thub bya ba nad thams cad kyi gnyen por
'gro ba zhig yod pa yin/_dpe de bzhin du sman dpa' bo chig thub
lta bu/_chos nyid stong pa nyid kyi don rtogs na nyon mongs pa thams
cad kyi gnyen por 'gro ba yin gsungs/_'o na stong nyid rtogs zer
ba kun gyi chags sdang kha ma bri bar gda' ba ci lags zhus pas/
jo bo'i zhal nas de kun kha stong du song ba yin/_stong pa nyid kyi
don gsha' mar rtogs na/_lus ngag yid gsum ras bal rdog pas
mnan pa'am/_phye thug la zo mar skyur ba bzhin du 'gro/_slob dpon
Ar+ya de ba'i zhal nas/_chos rnams kun gyi gnas lugs stong par
'dug gam mi 'dug snyam du the tshom zos pa tsam gyis kyang srid pa
hrul por 'gro bar gsungs/
des na stong pa nyid kyi don phyin ci ma log pa zhig rtogs na sman
dpa' bo chig thub dang mtshungs te/_lam gyi chos thams cad de'i
khong na yod gsungs/_stong pa nyid rtogs pa'i khong na lam gyi chos
thams cad ji ltar yod zhus pas/_jo bo'i zhal nas/_lam gyi chos

thams cad pha rol tu phyin pa drug tu 'dus te/_stong pa nyid kyi don
phyin ci ma log pa zhig rtogs na/_phyi nang gi dngos po mtha' dag
la zhe 'dod 'dzin chags med pas sbyin pa'i pha rol tu phyin pa
rgyun chad med par yod/_'dzin chags med pa la mi dge ba'i dri
mas mi gos pas tshul khrims kyi pha rol tu phyin pa rgyun chad med
par yod/_de la nga dang nga yir 'dzin pa'i khong khro med pas bzod
pa'i pha rol tu phyin pa rgyun chad med par yod/_de rtogs pa'i don
la sems mngon par spro ba dang ldan pas brtson 'grus kyi pha rol
tu phyin pa rgyun chad med par yod/_de la dngos por 'dzin pa'i
g.yeng ba dang bral bas bsam gtan gyi pha rol tu phyin pa rgyun
chad med par yod/
gang la yang 'khor gsum du rtog pa'i yid dang bral bas shes
rab kyi pha rol tu phyin pa rgyun chad med par yod gsungs/_'o na
don rtogs pa gcig la stong pa nyid kyi lta sgom kho nas sangs rgya ba
lags sam zhus pas/_'di ltar snang tshod grags tshod 'di thams
cad rang gi sems las ma byung ba med/_sems rig pa dang stong
pa gnyis med du rtogs pa de lta ba yin/_de la ma yengs par dran
pa rgyun chags su gnas pa de sgom pa yin/_de'i ngang nas sgyu ma lta
bu'i tshogs gnyis gsog pa de spyod pa yin/_de de ltar nyams 'og
tu tshud pa zhig yod na rmi lam du 'ong /_rmi lam du byung na 'chi khar

'ong /_'chi khar byung na bar dor 'ong /_bar dor byung na mchog gi
dngos grub thob nges pa yin gsungs/_des na rgyal bas chos kyi sgo
mo brgyad khri bzhi stong gsungs pa thams cad kyang /_byang chub kyi
sems stong nyid snying rje'i snying po can 'di rgyud la skye ba'i thabs
su gsungs pa yin/_byang chub kyi sems rin po che 'di dang bral na/
lta sgom gyi chos ci tsam zab zab 'dra yang rdzogs pa'i sangs rgyas
thob pa la ci yang mi phan/_bskyed rim dang rdzogs rim la sogs
gsang sngags kyi nyams len rnams kyang /_byang chub kyi sems kyis
zin na tshe 'dir rdzogs pa'i sangs rgyas thob pa'i rgyur 'gro ba yin
kyang /_byang chub kyi sems dang bral na mu stegs pa'i lam dang khyad
par med/_mu stegs pa rnams la'ang lha bsgom pa sngags bzla ba/_rtsa
rlung sgom pa/_rgyu 'bras la spang blang byed pa sogs du ma yod kyang /
skyabs 'gro dang sems bskyed gnyis po 'di med pas 'khor ba'i
gnas las thar mi nus pa yin/_des na dge bshes kha rag sgom
chung gi zhal nas kyang /_skyabs 'gro nas bzung ste sngags kyi bar du
sdom pa thams cad blangs kyang 'jig rten pa'i chos la blo ma log
na phan med/_dus rgyun du gzhan la chos 'chad kyang rang gi nga rgyal
ma zhi na phan med/_yar skyed bton kyang skyabs 'gro'i chos gzhug
shor na phan med/_nyin mtshan med par dge sbyor la 'bad kyang
byang chub sems kyis ma zin na phan med/_ces gsungs/

skyabs 'gro dang sems bskyed gnyis po 'di'i gzhi legs par ma
zin par chos la thos bsam sgom gsum rgya gang che byed lo byas
kyang /_dper na dgun kha'i 'khyag rom gyi steng du mkhar brtsegs
dgu yod pa bzhengs te/_de la zhal ba dang ri mo la sogs pa'i rnam
'gyur byas pa dang 'dra ste phugs su snying po ci yang med/_des na
skyabs 'gro dang sems bskyed gnyis po 'di chos ngan pa'am/_las
dang po pa'i chos yin snyam du gal chung mi byed par/_lam thams
cad kyi sbyor dngos rjes gsum 'di ga'i khong nas rdzogs pa zhig
byed dgos pas/_bzang ngan mtho dman thams cad nas 'di kho na
la rtsal du bton nas sbyang bar byed pa gal che'o/_/
khyad par bla ma dang ser mo ba lta bu dad zas dang gshin dkor za
ba dang /_shi bo'i yar 'dren byed pa rnams la ni/_rgyud na byang chub
kyi sems bcos ma ma yin pa zhig med pa'i thabs med/_byang chub
kyi sems dang bral na cho ga dang sgrib sbyong sogs ji ltar byas kyang
shi gson su la yang phan mi thogs/_gzhan don ltar snang de yang
phugs su rang 'dod kho na dang 'dres pas/_rang la yang dkor sgrib
dang nyes pa mi zad pa bskyed cing phyi ma ngan song du 'gro ba las
'os med pa yin/
des na gang zag zhig la yang /_nam mkha' la bya ltar 'phur ba/_sa
'og tu byi ltar 'dzul ba/_ri brag la zang thal du 'gro ba/_mngon shes

thogs pa med pa/_rdo la phyag zhabs kyi rjes 'jog pa la sogs ngo
mtshar gyi rnam grangs ji lta bu yod kyang rgyud la byang chub kyi sems
med bar 'dug na/_de mu stegs pa'am yang na gdon chen po zhig
gis rgyud brlams pa gnyis las 'gro sa med/_de lta bu de la dang po
blun dad kyis rjes su 'brangs nas mos gus dang 'bul ba sogs
byas kyang /_mthar rang gzhan gnyis ka phung ba las med/_byang chub
kyi sems yang dag pa zhig rgyud la yod par 'dug na/_yon tan
gzhan ci yang med kyang de la gang 'brel don dang ldan pa yin/
'on kyang byang chub sems dpa' gang na yod mi shes/_shan pa dang
smad 'tshong ma la sogs pa'i khrod na yang thabs la mkhas pa'i byang
chub sems dpa' du ma yod par gsungs/_des na gang zag gzhan
gyi rgyud na byang chub kyi sems yod pa dang med pa shes dka' bas/
bcom ldan 'das kyis kyang /_nga dang nga 'dra ba ma gtogs gang
zag gi tshod gang zag gis mi bzung /_zhes gsungs/
des na rang rgyud la byang chub kyi sems gang gis skyed pa'i lha dang
bla ma dge ba'i grogs po la sogs pa de la sangs rgyas dngos kyi
'du shes bzhag_rang rgyud la yang gnas lugs kyi don rtogs snyam
pa dang /_mngon shes dang /_ting nge 'dzin thob pa/_yi dam lha'i zhal
mthong ba la sogs pa lam rtags kyi yon tan ltar snang ba ci lta bu
byung yang de la brten nas 'pho 'gyur med pa'i byams snying rje byang

chub kyi sems gong 'phel du 'gro bar 'dug na/_de nyid yon tan
yin par thag bcad/_gal te de dag la brten nas byams snying rje
byang chub kyi sems 'grib par 'dug na/_lam rtags ltar snang ba
de dag kyang bdud kyi bar chad dam phyin ci log gi lam yin par
gdon mi za/_khyad par gnas lugs kyi rtogs pa bcos ma ma yin
pa de rgyud la skyes na/_yul gong ma la dad pa dang dag snang /_'og
ma la byams dang snying rje la sogs pa thun mongs ma yin pa zhig skye
mi 'ong ba'i thabs med de/_mnyam med dwags po rin po ches/rje
btsun mi la la/_tshogs pa skyong ba'i dus nam yin zhus pas/ji
zhig na khyed rang gi sems kyi ngo bo da lta'i 'di ma yin pa the tshom
thams cad dang bral ba zhig lhag ger mthong 'ong ste/_de'i dus
su pha rgan nga la yang sangs rgyas dngos kyi 'du shes thun mongs ma
yin pa zhig skye zhing /_sems can la byams snying rje yang bcos ma
ma yin pa zhig skye nges pas/_de'i dus su tshogs pa skyongs shig
gsungs/_des na byams pa dang snying rje byang chub kyi sems la gzhi
bcol nas chos la thos bsam sgom gsum ya ma bral bar nyams
su len dgos/_dang po thos pas sgro 'dogs ma bcad na nyams su
len mi shes pas/_ji skad du/_thos pa med pa'i sgom pa de/_/lag
rdum brag la 'dzegs pa 'dra/_/zhes gsungs/
thos pas sgro 'dogs gcod zer ba de yang shes bya'i chos rgya che

zhing grangs mang ba thams cad shes par bya mi dgos te/_de thams
cad snyigs dus tshe thung gcig la shes kyang mi nus/_des na rang
gis gang nyams su blang bar bya rgyu'i chos de thog mtha' bar gsum
du sgrub pa'i tshul thams cad ma nor bar shes shing /_de la bsam
pas sgro 'dogs thams cad chod dgos pa yin/_sngon jo bo rje snye
thang na bzhugs pa'i tshe/_zhang sna chung ston pa dang /_kyung ston pa dang /
lhang tshang ston pa gsum gyis tshad ma'i grub mtha' zhus pas/_jo bo
zhal nas/_phyi rol mu stegs pa dang /_nang pa sangs rgyas ba'i grub
mtha' mang du yod/_de thams cad rnam par rtog pa'i phreng ba yin/
rnam rtog bgrang gis mi lang dgos pa med/_tshe la longs med pas
snying po'i don bsdu ba'i dus yin gsungs/
zhang sna chung ston pas/_snying po'i don ji ltar bsdu zhus pas/_jo bo'i
zhal nas/_nam mkha' dang mnyam pa'i sems can thams cad la
byams pa dang snying rje byang chub kyi sems sbyang /_de rnams kyi don
du tshogs gnyis gsog pa la 'bad par gyis/_de las byung ba'i
dge ba'i rtsa ba thams cad sems can thams cad dang thun mong du
rdzogs pa'i byang chub tu bsngos/_de thams cad kyi rang bzhin stong
pa mtshan nyid rmi lam sgyu ma lta bur shes par gyis gsungs/_de ltar
nyams len snying po'i gnad du bsdu ma shes na shes shes go go rig
rig mang pos phan pa ci yang med de/_sngon jo bo rje lha gcig bod

du phebs pa'i tshe/_lo chen rin chen bzang pos gdan drangs pas/
jo bos lo tsA ba la/_chos 'di dang 'di lta bu mkhyen nam zhes rim
par dris pas mi mkhyen pa med pa ltar 'dug pas/_jo bo mgu ste
ngo mtshar che/_khyed lta bu'i mkhas pa bod na bzhugs bzhin du kho
bo bod du 'ong mi dgos par 'dug gsungs/_slar yang de thams
cad stan thog gcig tu nyams su len na ci ltar byed gsungs
pas/_rang rang gi gzhung nas ji ltar bshad pa ltar nyams su len
pa yin zhus pas/_jo bo ma dgyes te/_lo tsA ba rul/_nga bod du 'ong
dgos par 'dug gsungs/_'o na ji ltar byed zhus pas/_chos
thams cad gnad gcig tu bsdus nas nyams su len dgos pa
yin gsungs/
des na bla ma'i man ngag gi steng du nyams len gyi gnad dril ba
de ma shes pa'i thabs med/_de ltar shes nas nyams su ma blangs na
ci yang mi phan te/_rje mi la'i zhal nas kyang /_mi ltog pa la zan go
bas mi chog za dgos pa ltar/_chos shes pas mi phan nyams su blang
dgos/_zhes gsungs/_de ltar nyams su blangs pa'i don po rang
rgyud kyi nyon mongs pa dang bdag 'dzin gyi gnyen por song ba zhig
yod dgos te/_rje mi la'i zhal nas/_zos ma zos dmar chung byad la
shes/_/zer ba ltar/_chos shes ma shes dang nyams su blangs ma blangs
bdag 'dzin dang /_nyon mongs pa'i gnyen por song ma song gis

shes gsungs/_de bzhin du dge bshes ston pa la/_pu to bas/_chos
dang chos ma yin pa'i gnam thig gang lags zhus pas/ston pa'i
zhal nas/_nyon mongs pa'i gnyen por 'gro na chos yin/_mi 'gro na
'jig rten pa kun dang mi mthun na chos yin/_mthun na
chos min/_bka' lung dang mthun na chos yin/_mi mthun na chos
min/_rjes bzang na chos yin/_rjes ngan na chos min/_gsungs/
yang slob dpon lce sgom gyi zhal nas/_las rgyu 'bras la yid ches
pa ni/_dbang po tha ma'i yang dag pa'i lta ba yin/_phyi nang gi chos
thams cad snang ba dang stong pa dang rig pa dang stong pa zung 'jug
bzhir rtogs pa ni/_dbang bo 'bring gis yang dag pa'i lta ba yin/
chos min/
blta bya lta byed rtogs pa gsum dbyer med par rtogs pa ni/_dbang
po rab kyi yang dag pa'i lta ba yin/_dmigs pa rtse gcig pa'i ting
nge 'dzin la gnas pa ni/_dbang po tha ma'i yang dag pa'i sgom pa
yin/_zung 'jug bzhi'i ting nge 'dzin la gnas pa ni/_dbang po
'bring gi yang dag pa'i sgom pa yin/_bsgom bya sgom byed nyams
myong gsum med cing mi dmigs pa ni/_dbang po rab kyi yang dag
pa'i sgom pa yin/_las rgyu 'bras mig gi 'bras bu ltar srung ba
ni/_dbang po tha ma'i yang dag pa'i spyod pa yin/_chos thams cad
rmi lam sgyu ma lta bu'i tshul gyis spyod pa ni/_dbang po 'bring gi yang
dag pa'i spyod pa yin/_gang ci la yang mi spyod pa ni/_dbang po rab

kyi yang dag pa'i spyod pa yin/_bdag 'dzin nyon mongs rnam rtog
sogs je chung je chung la song ba ni/dbang po rab 'bring tha ma
gsum ka'i yang dag pa'i drod rtags yin/_zhes gsungs shing /
mnyam med dwags po'i lam mchog rin po cher yang 'di dang
mthun par gsungs/
des na chos thos pa'i dus snying po'i gnad bsdu shes dgos te/
kun mkhyen chen pos/_shes bya nam mkha'i gza' skar 'dra/_/bslab
dgos gnas la zad pa med/_/da res chos sku snying po'i don/_/'gyur
med btsan sa bzung na legs/_/zhes gsungs/_bsam pa'i dus
sgro 'dogs chod pa dgos te/_rgya gar dam pa sangs rgyas kyi zhal
nas/_bla ma'i gdams ngag tshol ba la khra tshang mas gzan tshol ba
lta bu zhig dgos/_chos nyan pa'i dus ri dwags sgra la nyan pa lta bu
zhig dgos/_sgom pa'i dus lkugs pas ro myang ba lta bu zhig dgos/
bsam pa'i dus byang bas lug 'dreg pa lta bu zhig dgos/_'bras
bu'i dus nyi zla sprin las grol ba lta bu zhig dgos gsungs/des na
chos la thos bsam sgom gsum ya ma bral ba dgos te/_mnyam med
dwags po rin po che'i zhal nas/_chos la thos bsam sgom gsum
dkrug mar byed pa ni gnad ma nor ba yin gsungs/_de ltar thos
bsam sgom gsum byas pa'i 'bras bu yang byams snying rje byang chub
kyi sems gong nas gong du 'phel zhing /_bdag 'dzin dang nyon

mongs pa je chung je chung la song ba zhig ni nges par dgos pa yin
no/_/
de ltar byang chub tu sems bskyed pa'i khrid 'di ni chos thams cad
kyi nying khu/_lam thams cad kyi snying po yod na des chog nges pa dang /
med na thabs chags nges pa'i chos yin pas go lo dang thos lor
mi bzhag par snying thag pa nas nyams su len pa gal che'o/_/
sems mchog bskyed par rlom yang skyes pa med/_/
phyin drug lam la bslabs kyang rang 'dod bcas/_/
bdag dang bdag 'dra blo chung sems can rnams/_/
byang chub sems mchog 'byongs par byin gyis rlobs/_/
lam thams cad kyi rtsa ba theg pa chen po byang chub mchog tu sems
bskyed pa'i khrid do/_/_/_/

!_sgrib gnyis dri mas dben kyang sbyong tshul ston/_/
lam mchog mthar phyin nges kyang slob pa'i tshul/_/
srid zhi'i mtha' las 'das kyang srid na snang /_/
mtshungs med bla ma'i zhabs la phyag 'tshal lo/
don gsum pa sgrib pa sbyong ba bla ma rdo rje
sems dpa'i sgom bzlas la/
chos gsan pa'i tshul la sogs pa 'dra/_dngos gzhi gsan par bya
ba'i chos la/
zab mo'i lam gyi nyams rtogs khyad par can skye ba la bar du
gcod pa'i gtso bo ni sdig sgrib bag chags yin/_de yang kun
gzhi'i me long la rtogs pa'i gzugs brnyan 'char bar byed pa
la sgrib pa sbyong ba gal che ste/_dper na me long la gzugs brnyan
'char bar byed pa la byi dor byed pa gal che ba ltar yin/_de'i phyir
sgrib pa sbyong ba'i thabs grangs med pa zhig rgyal bas bstan pa las/
de dag thams cad kyi mchog tu gyur pa ni/_bla ma rdo rje sems dpa'i

sgom bzlas yin/_de yang spyir sdig pa'i las gang yang bshags
pas mi 'dag pa med de/_sngon gyi dam pa dag gi zhal nas/_spyir
sdig pa la yon tan med kyang /_bshags pas 'dag pa sdig pa'i
yon tan yin gsungs/_des na phyi so thar gyi sdom pa dang 'gal ba/
nang byang chub sems kyi bslab bya dang 'gal ba/_gsang ba sngags
kyi dam tshig nyams pa sogs sdig pa'i las ci tsam tshabs che yang /
bshags pas mi 'dag pa med de/_bram ze'i khye'u mi gdung ba'am
sor mo'i phreng ba can gyi mi stong dgu brgya go dgu bsad pa yang /
bshags pas sor chud de tshe de la dgra bcom pa'i go 'phang thob/
rgyal po ma skyes dgras rang gi pha bsad pa yang phyis bshags pas
sor chud de/_dmyal ba dar gyi pho long brdabs pa tsam myongs nas
thar pa sogs du ma rdzogs pa'i sangs rgyas kyis mdo sde rnams las
gsungs/_des na mgon po klu sgrub kyi zhal nas kyang /_gang zhig
sngon chad bag med gyur pa la/_/phyis nas bag dang ldan par gyur
pa de/_/zla ba sprin bral lta bur rnam mdzes te/_/dga' bo sor phreng
mthong ldan bde byed bzhin/_/zhes gsungs/
de yang gnyen po stobs bzhi tshang ba'i sgo nas/_snying thag pa nas
legs par bshags na 'dag pa yin gyi/_rang bzhin du kha yengs
mig yengs/_sems rnam rtog gzhan gyi rjes su 'brangs bzhin du/
ngag nas mthol lo bshags so sogs bshags tshig tsam kha ton

byed pa dang /_phyis kyang bshags pas chog pas phyin chad sdig pa'i
las byas kyang mi gnod do snyam pa sogs kyi sgo nas bshags pa
byas kyang mi 'dag ste/_rje mi la'i zhal nas/_sdig bshags pas e
'dag snyam pa na/_/dge ba dran na 'dag pa yin/_/zhes gsungs/
des na bshags pa gang la yang gnyen po stobs bzhi tshang ba ni/
ci nas kyang gal che/_de la stobs bzhi ni/_rten gyi stobs/_nyes
byas sun 'byin gyi stobs/_sdom pa'i stobs/_gnyen po kun spyod kyi
stobs dang bzhi yin/
dang po rten gyi stobs ni/_skabs 'dir rdo rje sems dpa' la
skyabs su bzung nas smon 'jug gi byang sems dang ldan pa de
yin/_skabs gzhan du yang sdig pa bshags pa'i yul de nyid rten
yin te/_dper na phung po gsum pa'i dus sangs rgyas so lnga dang /
de bzhin du dge ba'i bshes gnyen nam/_sku gsung thugs rten la
sogs pa gang gi drung nas bshags pa byed kyang de nyid rten gyi
stobs yin/_de bzhin du smon 'jug byang chub kyi sems bskyed pa
ni/_sdig pa bshags pa thams cad la med du mi rung /_byang chub tu
sems bskyed pa med na sdig ltung stobs bzhi tshang bas bshags
kyang cung zad srab tu 'gro ba tsam las rtsa ba nas 'dag par ma
gsungs/_byang chub kyi sems bcos ma ma yin pa de rgyud la skyes na/
sngon chad sdig pa'i las ci tsam byas pa thams cad rang bzhin gyis

dag par gsungs te/_spyod 'jug las/_sdig pa shin tu mi bzad
byas na yang /_/dpa' la brten nas 'jigs pa chen po ltar/_/gang
la bsten nas yud kyis grol 'gyur na//de la bag can rnams
kyis cis mi bsten/_/des ni dus mtha'i me bzhin sdig chen rnams/
/skad cig gcig gis nges par sreg par 'gyur/_/zhes gsungs/
nyes byas sun 'byin pa'i stobs ni/_sngar byas kyi sdig pa mi dge
ba'i las thams cad la 'gyod sems byed pa de yin/_de ltar sdig
pa la sdig tu mthong zhing /_de la 'gyod sems drag po'i sgo nas mi
'chab par bshags pa med na mi 'dag ste/_phung po gsum pa las
kyang /_mthol lo bshags so/_/mi 'chab bo/_/mi sbed do/_/zhes gsungs/
de bzhin du mkhas grub karma chags med kyis kyang /_'gyod pa med
na bshags pas mi 'dag pas/_/sngar byas sdig pa khog tu dug
song ltar/_/ngo tsha 'jigs skrag 'gyod pa chen pos bshags/_/zhes
gsungs/
sdom pa'i stobs ni/_rang gis sngar byas pa'i sdig pa'i las de nyid
dran te/_da nyi ma phyin chad srog dmar po 'di la bab kyang /_de lta
bu'i sdig pa'i las mi bgyid do snyam pa de yin/_phung po gsum
pa las kyang /_slan chad kyang gcod cing sdom par bgyi'o/_/zhes
gsungs pa dang /_de bzhin du bde smon las kyang /_phyin chad sdom
sems med na mi dag pas/_/phyin chad srog la bab kyang mi dge'i

las/_/da nas mi bgyi sems la dam bca' bzung*/_/zhes gsungs/
gnyen po kun tu spyod pa'i stobs ni/_sngar byas kyi sdig pa'i gnyen
por dge ba'i las gang sgrub pa dang /_khyad par rgyal ba sras dang
bcas pa la phyag 'tshal ba/_gzhan gyi bsod nams la rjes su yi
rang ba/_dge ba'i rtsa ba byang chub tu bsngo ba/_smon pa dang 'jug
pa'i byang chub tu sems bskyed pa/_gnas lugs ma bcos pa'i ngo
bo skyong ba sogs yin te/_sngon mnyam med dwags po rin po che'i
slob ma sgom pa zhig gis/
nas 'gyod de zhus pas/_gsung rab de nyid bzhengs shig gsungs/
sngar gsung rab kyi blus zos pa dran
gsungs rab de bzhengs par brtsams pas rnam g.yeng mang du
byung /_des sun nas sku mdun du phyin te/_gsung rab bzhengs pa la
yang rnam g.yengs mang po rang byung /_sdig pa bshags pa la yang ngo
bo skyong ba rang las zab pa med dam zhus pas/_dwags po rin po che
dgyes te/_don du de ga rang yin/_sngar byas pa'i sdig pa'i phung po
ri ram tsam yod kyang /_ngo bo mthong ba'i skad cig la 'dag pa yin
gsungs/
des na sdig pa sbyong ba la byang chub kyi sems sgom pa dang gnas
lugs ma bcos pa'i rgyun skyong ba gnyis las zab pa med pas
'dir yang de gnyis dang ma bral ba'i sgo nas rdo rje sems dpa'
bsgoms te bdud rtsi 'bebs sbyong byed pa dang /_yig brgya bzla ba

sogs yin/
de ltar gnyen po stobs bzhi'i dag pa dran pa'i ngang nas/_rdor
sems sgom bzlas byed pa dngos ni/_rang nyid tha mal du gnas
pa'i spyi bor mda' gang tsam gyi steng gi nam mkhar pad+ma dkar po
'dab ma stong brdal zhig bsgom/
de'i steng du zla ba'i dkyil 'khor nya gang ba zhig bsgom/_nya gang
zer ba de che chung gi tshad ma yin gyi/_zla ba'i cha shas thams cad
kha gang ba'i tshes bco lnga'i zla ba lta bu phyogs thams cad la ya yo
'khyag 'khyog med par kyi ler yod pa'i don yin/
de'i steng du hUM yig dkar po 'od zer bkrag mdangs dang ldan pa
gcig sgom/_gzhan ma'i lugs la hUM yig de las 'od zer spro bsdu
sogs yod kyang rang lugs la med/_de nas skad cig gis hUM yig
de nyid gnas gyur nas/_ngo bo dus gsum sangs rgyas thams cad
'dus pa'i ngo bo mtshungs med thugs rje'i gter mdzod dpal ldan
rtsa ba'i bla ma yin pa la/
rnam pa longs spyod rdzogs pa'i sku ston pa rdo rje sems dpa' sku
mdog dkar po gangs ri'i phung po la nyi ma 'bum gyis 'khyud pa
lta bu/_zhal gcig phyag gnyis phyag g.yas rig stong gi rdo rje rtse lnga
pa thugs kar gtod pa'i tshul gyis 'dzin pa/_g.yon snang stong gi
dril bu dku la brten pa/_zhabs gnyis rdo rje'i skyil mo krung gis

bzhugs pa/sku la longs spyod rdzogs pa'i rgyan chas bcu gsum
gyis spras pa/_de yang dar gyi chas gos lnga dang /_rin po che'i rgyan
brgyad las/
dang po dar gyi chas gos lnga ni/_cod pan dang gcig_stod g.yogs
dang gnyis/_dar dpyangs dang gsum/_sku regs dang bzhi/_smad
dkris dang lnga'o/_/
rin po che'i rgyan brgyad ni/_dbu rgyan dang gcig_snyan rgyan g.yas
g.yon gnyis gcig tu brtsis pa dang gnyis/_mgul rgyan dang
gsum/_dpung rgyan gnyis gcig tu brtsis pa dang bzhi/_do shal
dang se mo do gnyis gcig tu brtsis pas lnga/_phyag gdub gnyis
gcig tu brtsis pas drug_sor gdub rnams gcig tu brtsis pas
bdun/_zhabs gdub gnyis gcig tu brtsis pas brgyad do/_/
yum snyems ma dkar mo dang gnyis med du 'khril ba/_sku snang la
rang bzhin ma grub pa snang stong chu zla lta bu'am/_me long du gzugs
brnyan shar ba lta bu bkra lam me yod pa/_rang gi spyi bor rang gi kha
lta phyogs su zhal gyu nas bzhugs yod pa de lta bu zhig bsgom pa de
rten gyi stobs yin/
de nas de ltar gsal btab pa de yang thang sku dang gyang sku lta bu'i
leb la bcar bcar po yang ma yin/_sa sku dang gser sku lta bu'i
dngos po gdos bcas kyi rang bzhin sems med bems po'i rnam

pa lta bu'ang ma yin/_snang cha nas spyan gyi dkar nag tshun chad ma
'dres bar gsal ba la/_stong cha nas dngos po gdos bcas sha
khrag nang khrol la sogs pa'i rnam par grub pa spu tsam yang med
pa/_nam mkhar 'ja' tshon shar ba'am/_shel bum dri ma med pa lta
bu/_drin chen rtsa ba'i bla ma dang mgon po rdo rje sems dpa' gnyis
su med pa'i rang bzhin thugs ye shes kyi mkhyen cha dang bcas pas/
bdag dang sems can thams cad la thugs brtse ba chen pos rjes
su dgongs te bzhugs pa'i spyan sngar/
rang gi tshe rabs 'khor ba thog ma med pa nas bzung ste dus da lta
la thug gi bar du/_lus ngag yid gsum gyi sgo nas sdig pa mi dge
ba bcu/_mtshams med pa lnga/_lci ba bzhi/_log pa brgyad/_phyi so sor
thar pa'i sdom pa dang 'gal ba/_nang byang chub sems dpa'i bslab
bya dang 'gal ba/_gsang ba rig 'dzin sngags kyi dam tshig dang
'gal ba/_'jig rten pa'i mna' zos pa/_rdzun bshad pa/_khrel dang
ngo tsha nyams pa la sogs sdig pa'i las bsags tshad dngos su dran
pa thams cad blo la blangs te/
bla ma rdo rje sems dpa'i spyan sngar rang nyid ngo tsha 'jigs skrag
'gyod pa dang bcas pas sha zing spu zing byed cing mthol lo
bshags so snyam pa dang /_de bzhin du rang gi yid la mi dran pa'ang
tshe rabs 'khor ba thog ma med pa'i dus tshun chad nas bsags pa

du ma zhig yod nges pas/_de dag thams cad mi 'chab bo/_/mi sbed
do/_/mthol lo bshags so/_/bzod par gsol lo/_/sdig pa dang sgrib
pa de dag thams cad dus da lta nyid du/_myur ba nyid du/_'dug sa
'di ru lhag ma tsam yang med par byang zhing dag pa zhig thugs rje
ma chung snyam pa ni sun 'byin pa'i stobs/
sngon chad ni bdag mi shes rmongs pa'i dbang gis sdig pa dang mi
dge ba'i las de dag bsags pa lags kyi/_da ni drin chen gyi
bla ma'i thugs rje la brten nas khe nyen shes pa'i rang bzhin can
yin pas/_da phyin chad ni srog la bab kyang sdig pa'i las de lta bu
mi bgyid do/_/snyam pa ni sdom pa'i stobs te/_de lta bu'i dag pa dran
pa'i ngang nas/_AHbdag nyid tha mal spyi bo ru/_/sogs nas/_ma lus
byang par mdzad du gsol/_/zhes brjod/
de nas rdor sems yab yum gnyis su med pa'i thugs kar zla
ba'i dkyil 'khor yungs kar glebs pa tsam gyi steng du hUM yig
dkar po spus bris pa lta bu zhig gsal la/_oM badzra satwa sa ma ya
sogs/_yi ge brgya pa tshar gcig brjod pas/_hUM gi mtha' skor du
yi ge brgya po rwa langs pa lta bu gcig la gcig ma reg tsam du
bskor bar bsam/_de nas rang gi ngag nas yi ge brgya pa gsol
'debs kyi tshul du bzlas pas/_yig 'bru rnams las thugs rje ye
shes kyi bdud rtsi 'khyags rom mes zhu ba las chu'i thigs pa ltar/

thig thig hram hram du babs pa/_sku'i dbyibs brgyud yab yum
snyoms par zhugs pa'i sbyor mtshams nas thon rang gzhan sems
can thams cad kyi spyi bo nas zhugs/_lus kyi nang gi nad thams
cad khrag rul rnag rul/_gdon thams cad srog chags sdom sdig
pa sbal pa nya sbrul lcong mo shig la sogs pa'i rnam pa/_sdig sgrib
thams cad dud khu sol khu thal dud sprin pa rlangs pa'i rnam par
chu sna rgyug pas sa rdul ded pa ltar bdud rtsi'i rgyun gyis thogs pa
med par ded de rkang mthil 'og sgo ba spu'i bu ga rnams nas nag
nyil gyis phyir thon/_rang gi 'og tu sa gas pa'i mar zhabs na/_'chi
bdag las kyi gshin rje la 'khor lan chags bu lon sha mkhon gyi
bdag po bdag mo thams cad kyis bskor te kha lag sbar gsum
zed nas yod pa'i nang du song bar bsams la yig brgya bzla/
de yang dmigs pa thams cad cig car du gsal nus na de ltar
bya/_de ltar mi nus na res 'ga' rdo rje sems dpa'i sku zhal phyag
sogs la dmigs pa gtad de bzla/_res 'ga' rgyan cha lugs la
dmigs pa gtad de bzla/_res 'ga' bdud rtsi'i rgyun gyis nad
gdon sdig sgrib bkru ba la dmigs pa gtad de bzla/_res 'ga'
'gyod pa dang sdom sems dran par byas te bzla/_de nas mthar sa
'og na 'khod pa'i 'chi bdag las kyi gshin rje la sogs lan
chags bu lon sha mkhon gyi bdag po rnams kyang ngoms shing tshim/

lan chags 'khor/_bu lon sod/_sha mkhon byang /_sdig sgrib dag
gshin rje de'i kha lag sbar gsum yang zum/_sa gas pa yang sos/
rang gi lus 'di yang phyi gsal nang gsal 'od kyi rang bzhin du
yod pa'i lus dbus su rtsa dbu ma dang /_de las gyes pa'i 'khor lo
bzhi po gdugs kyi rtsibs ma lta bu/ba de ltar gsal gdab/
lte ba sprul pa'i 'khor lo rtsa 'dab drug cu rtsa bzhi kha yar gyu ba/
snying ga chos kyi 'khor lo rtsa 'dab brgyad kha mar gyu ba/
mgrin pa longs spyod kyi 'khor lo rtsa 'dab bcu drug kha yar gyu ba/
spyi bor bde chen gyi 'khor lo rtsa 'dab sum cu rtsa gnyis kha mar gyu
slar yang bdud rtsi'i rgyun sngar ltar babs pas/_rang gi lus spyi
bor bde chen gyi 'khor lo nas bzung ste rtsa 'khor lo bzhi po
thams cad dang /_de las gyes pa'i lus kyi nang thams cad rkang
lag gi sor mo'i rtse tshun chad/_shel bum 'o mas gang ba ltar bdud
rtsi'i rgyun gyis skya ltem me gang /_bum dbang /_gsang dbang /_sher
dbang /_tshig dbang rin po che ste dbang bzhi thob/_las kyi sgrib pa/
nyon mongs pa'i sgrib pa/_shes bya'i sgrib pa/_bag chags kyi sgrig pa
ste sgrib ba bzhi dag_dga' ba/_mchog dga'/_khyad par gyi dga'
ba/_lhan cig skyes pa'i dga' ba ste dga' ba bzhi'i ye shes rgyud
la skyes/_sprul sku/_longs sku/_chos sku/_ngo bo nyid sku ste sku bzhi'i go

'phang rgyud la bzhag par bsam/
de nas/_mgon po bdag ni mi shes rmongs pa yis sogs nas/_byang
zhing dag par mdzad du gsol/_/zhes gnong tshig brjod ma thag tu/
bla ma rdo rje sems dpa' dgyes bzhin zhal 'dzum pa dang bcas
te/_rigs kyi bu khyod kyi sdig sgrib nyams chags thams cad dag
pa yin no/_/zhes gnang ba byin te 'od du zhu nas rang la thim pa'i
rkyen gyi rang nyid sngar bskyed pa dang 'dra ba'i rdo rje sems dpar
gnas gyur/
de'i thugs kar zla ba'i dkyil 'khor yungs 'bru glebs pa tsam gyi
steng du/_dbus su hUM mthing ga_de'i mdun du oM dkar po/_g.yas su
badzra ser po/_rgyab tu sa dmar po/_g.yon du twa ljang gu rnams gsal
nas/_/oM badzra satwa hUM/_zhes bzlas pa dang mnyam du yig 'bru lnga
po las/_'od zer kha dog dkar ser dmar ljang mthing ga lnga yar
'phros pa'i rtse la sgeg sogs 'dod yon gyi lha mo rnams kyi phyag na
bkra shis rtags brgyad/_rgyal srid sna bdun/_'phan gdugs/_rgyal
mtshan/_bla re/_gser gyi 'khor lo rtsibs stong /_dung dkar g.yas su
'khyil ba la sogs mchod rdzas dpag tu med pa spros nas/_phyogs
bcu'i zhing khams rab 'byams bsam gyis mi khyab pa na bzhugs
pa'i rgyal ba sras dang bcas pa thams cad la thugs mnyes pa'i
mchod pa phul/_tshogs rdzogs sgrib pa dag thugs rje dang byin rlabs

thams cad 'od zer kha dog sna tshogs pa'i rnam par byung nas rang
la thim pas/_mchog thun mong gi dngos grub lam dang 'brel ba
rig 'dzin bzhi dang /_mthar thug gi 'bras bu mi slob zung 'jug
gi go 'phang mngon du gyur par bsam pa de/_rang don chos sku'i
rten 'brel bsgrigs pa yin/
yang yig 'bru lnga po las 'od zer kha dog sna tshogs brgya stong
grangs med pa mar 'phros/_khams gsum rigs drug gi sems
can thams cad la phog_de rnams kyi rgyud la yod pa'i sdig sgrib
sdug bsngal bag chags dang bcas pa thams cad mun par nyi ma
shar ba ltar sang sang dag_phyi snod kyi 'jig rten thams cad mngon
par dga' ba'i zhing khams dang /_nang bcud kyi sems can thams
cad rdo rje sems dpa' dkar ser dmar ljang mthing ga lnga'i rang
bzhin du gyur nas/_de thams cad kyi zhal nas/_oM badzra satwa hUM/
zhes 'ur di ri ri sgrogs par bsam nas bzla ba ni/_gzhan don
gzugs sku'i rten 'brel bsgrigs pa yin/
de ltar yang chos spyod bag chags rang grol las/_'phro 'dus don
gnyis byas nas rtog sgrib sbyangs/_/zhes gsungs pa yang 'di lta
bu'i dmigs gnad la zer ba yin/_dmigs pa'i gnad 'di
lta bu la brten nas gsang sngags rdo rje theg pa thabs mkhas pa'i
gnad kyis bsod nams dang ye shes kyi tshogs bsam gyis mi

khyab pa yang skad cig ma re la rdzogs shing*/_nam mkhas gar khyab
kyi sems can gyi don yang mnyam du bsgrub nus pa yin/_de ltar
bzlas pa ci rigs pa byas pa'i rjes su thun bsdu ran pa na/phyi snod
kyi 'jig rten mngon dga'i zhing du snang ba thams cad nang bcud
kyi rdor sems rigs lnga'i lha tshogs la bsdu/_de rnams kyang rim
gyis 'od du yal nas rang la bsdu/_rang yang mtha' nas rim gyis
'od du yal nas thugs ka'i oM la thim/_o~M badzra la/_badzra sa la/_sa
twa la/_twa hU~M gi zhabs kyu/_'a chung ha khog_mgo bo zla tshes thig le nA
da'i bar rim bzhin thim nas/_nA da yang nam mkhar 'ja' tshon
yal ba ltar mi dmigs spros pa dang bral ba'i ngang la dar cig
lhod de mnyam par bzhag
de nas yang rnam rtog zhig 'char ba rtsom pa na/_slar yang snod
bcud thams cad rdo rje sems dpa'i zhing khams su bkra lam gyis
gsal la/_dge ba 'di yis myur du bdag_/rdo rje sems dpa'
'grub gyur nas/_/sogs bsngo ba dang smon lam bya/
de ltar rdor sems sgom bzlas byed pa 'di la sogs pa bzlas
brjod gang byed kyi dus su sems dmigs pa las gzhan du ma
yengs pa dang /_bzlas brjod mi tshig gis bar ma chod pa ni ci nas
kyang gal che ste/_rgyud las kyang /_gal te ting 'dzin 'di med na/_/rgya
mtsho'i 'jing gi pha bong bzhin/_/bskal par bzlas kyang 'bras mi

'byin/_/zhes dang /_de bzhin du dag dang ma dag stong 'gyur yin/_/
ting 'dzin yod med 'bum 'gyur yin/_/zhes gsungs/
sngags dang bsnyen pa bzla ba'i dus su tha mal ma dag pa'i long
gtam gzhan dang bsres nas bzla ba ni/_sngags ma dag pa yin te/
dper na gser dang dngul la ra gan nam zangs la sogs pa cung
zad 'dres kyang /_gser min nam dngul log tu grags te/_des
gser dngul gyi go mi chod pa dang 'dra/_des na o rgyan chen po'i
zhal nas kyang /_lo gcig 'bag bsnyen byas pa bas/_/zla gcig smra
bcad byas pa dga'/_/zhes gsungs/
des na da lta'i dus grong chog pa rnams kyang tshogs gral sogs
su 'don pa dang bzlas brjod kyi dus smra bcad byed pa ni ci nas
kyang gal che/_tha mal pa'i ngag 'khyal dang 'dres pa'i 'don zlas
sogs la snying po ci yang med pa dang /_khyad par gshin po sogs
kyi don yin na/_bar do na gnas pa'i sems can de/_'jigs skrag
dang sdug bsngal la sogs pas gdung ba'i tshe phan du re nas yon
gnas dang bla mchod la sogs pa'i drung du rgyug_de'i tshe de dag
gi ting nge 'dzin mi gsal ba dang*/_sdom pa dang dam tshig mi dag
pa dang /_chags sdang gi gtam dang rtog pa la sogs pa 'char gyin
yod na/_bar do'i 'gro ba de mngon shes dang ldan pa yin pas/_de
dag shes nas bla mchod la log lta'am zhe sdang skyes nas rkyen des

ngan song du 'gro bar bshad pas/_de lta bu'i bla mchod ni/_yod pa
las kyang med pa dga'/_khyad par gsang sngags rdo rje theg pa'i
cho ga rnams ni/_bskyed rim gsal 'debs brjod pa tshig gi sgo/_/
zhes bskyed rim gyi gnad de dag gsal 'debs pa'i tshig tsam
yin pa la/_gsal 'debs rgyu'i bskyed rdzogs kyi don la blo kha tsam
yang mi phyogs par kha tshig stong pa zhig gis gsal gsal bsgom
bsgom dmigs dmigs la sogs pa cho ga'i tshig rigs mang po
zhig gyar ma gyer khug 'ur 'ur chem chem du gyer te/_don gyi snying
po ngag gi bzlas brjod bsnyen pa dngos la thug tsa na/_blo bag gis
lhod tha na lus tshugs drang po zhig yod pa yan chad shig gis
bshig_mi dge ba brgya phrag gi 'byung khungs tha ma kha la sogs pa
gzhib/_phu mda' la shod kyi gtam 'brel ba med pa'i ngag 'khyal
mang po'i gter sgo phye/_phreng ba stong bgrang rgyu nag bda' bda' byed
pas dus 'da'/_phyi 'phred tsa na gnam la gcig bltas nas/_badzra
puSh+pa d+hu pe zer zhing rol mo 'ur chems se gtong ba ni/cho ga'i
gzugs brnyan las kyang yang brnyan tha chad pa yin pas/_de lta
bu las ni bsam pa rnam par dag pa'i sgo nas ltung bshags sam
bzang spyod tshar re tsam bton na de dga' nges so/_/
de ltar ma dag pa'i bzlas brjod dang cho ga'i gzugs brnyan la
brten nas gshin po ngan song du 'phen pa'i bla mchod des ni/

gson po'i sku rim byas kyang phan las gnod pa che ba de dang 'dra/
de lta bu des dkor zos pa yang lcags kyi tho lum me 'bar ba zos
pa dang 'dra nges pa de yin no/_/
des na dad zas dang gshin dkor za ba rnams ni bla ma'am grwa ba
su yin kyang 'dra ste/_sha che chung thud srab 'thug 'bul ba bzang
ngan kho na la thugs dam gyi mthil du mi bya bar/_nad pa'am shi bo
su yin kyang 'dra ste gal 'gags la bab ste sdug thug pa'i sems
can skyabs dang bral ba de la phan 'dod kyi byams pa dang snying rje
byang chub kyi sems kyis zin par byas nas/_bskyed rdzogs rang gis
gang shes snying thag pa nas ma yengs par 'bad/_de ltar mi shes pa
rnams kyang tshig rjes don dran tsam mam/_tha na yang nyam thag pa'i
sems can la byams pa dang snying rje dkon mchog gsum gyi bden
mthu bslu ba med pa la dad pa nges shes sogs lus ngag yid
gsum chun gcig dril gyis 'bad de/_cho ga dang bzlas brjod
sogs sgra dag sgros gtsang ba re 'grub nges byas na/_skyabs gnas
dkon mchog gsum gyi thugs rje rgyu 'bras bslu ba med pa'i nus
mthu byang chub sems kyi phan yon tshad med pa rnams la brten nas/
nad pa dang shi bo gang yin de la phan thogs nges shing /_mi'i stan
thog nas rang gi sgrib pa sbyong zer ba ltar/_rang gzhan gyi tshogs
gnyis mnyam du rdzogs/_'brel tshad thar pa'i lam la 'god pa yin

pas de lta bu re la ci nas kyang 'bad dgos so/_/
lar da lta'i dus na bla ma'am ser mo cung zad bzang du re ba rgyu
'bras shes pa rnams ni/_dkor gyi nyes dmigs tsam la 'jigs
nas nad pa dang shi bo sdug thug pa'i sems can de la/_byin rlabs
dang bsngo smon tsam yang mi byed par byams snying rje byang chub sems
kyi rtsa ba gcod/_phal cher ni ha cang rang 'dod che ches pas sbyin
bdag gi tshogs gral du 'ong /_de tshang la dgos rgyu'i 'don pa de
mi 'don par/_rang gi kha ton nag lcibs lcibs shig blangs te de
chags mi nyan pa'i khur gyis 'don tshul byed/
de dag su yin kyang 'dra ste rang don gyi 'don pa dang bzlas brjod
sogs cung zad re byed pa de la gzab gzab lta bu re byed cing /_de
rang gi sgrib sbyong ngam dkor sbyong yin khul byed/_sbyin bdag gi
'don pa mang tshogs kyi gral du byed pa de la ni kha yengs mig
yengs khral rgyug ma byed/_gang bskyab par bya rgyu'i sems can shi
gson su yin kyang /_de'i don ni blo la mi 'char ba de rnams ni
byams snying rje byang chub sems kyi rtsa ba chad pa yin pas/_rjes nas
dkor sbyong byas kyang rang 'dod yid byed kyi blo ngan des dkor
sgrib sbyong ba yang dka'/_dang po nyid nas byams snying rje byang chub
kyi sems la gzhi bcol/_bskyed rdzogs sogs ci shes ci nus la
nga thag pa nas 'bad/_sems can la phan 'dod kyi kun slong

dang ma bral ba byas na/_rang gi khyim nas bskyed rdzogs bsgoms
te bzlas brjod byas pa dang*/gzhan gyi khyim nas bskyed rdzogs
bsgoms te bzlas brjod byas pa la ni khyad par spu tsam yang med
cing /_gang ltar yang rang 'dod kyi blo dang bral te/_gzhan don
la dmigs dgos pa ni 'dra 'dra yin pas de lta bu re nges par
dgos so/_/
de ltar sems dmigs pa las gzhan du mi yengs shing tha mal gyi
smra ba dang ma 'dres par/_dus gcig la yi ge brgya pa lan brgya rtsa
brgyad bzlas na sngar byas kyi sdig sgrib dang nyams chags thams
cad nges par dag pa bla ma rdo rje sems dpa'i zhal gyis bzhes
pa yin te/_dri med bshags rgyud las kyang /_bde bar gshegs
pa thams cad kyi thugs kyi yang snying nyams chags dang rtog sgrib
thams cad sbyong bar byed pa/_yi ge brgya pa zhes bya ba bshags pa
thams cad kyi rgyal po 'di dus gcig la lan brgya rtsa brgyad du
bzlas na nyams chags thams cad bskangs te/_ngan song gsum du
ltung ba las thar bar 'gyur ro/_/rnal 'byor pa gang zhig gis yi
dam du bcas nas 'don na/_mi de tshe 'di la'ang dus gsum gyis
sangs rgyas thams cad kyi sras kyi dam par dgongs nas srung skyob
mdzad la/_shi 'phos nas kyang bde bar gshegs pa rnams kyi sras
kyi thu bor 'gyur pa gdon mi za'o/_/zhes gsungs/

de bzhin du gsang sngags rdo rje theg pa'i sgor zhugs nas rtsa ba
dang yan lag gi dam tshig nyams chags gang byung yang /_nyin
re bzhin rdo rje sems dpa' bsgoms nas yi ge brgya pa nyi shu rtsa
gcig re bzlas na/_des ltung ba byin gyis brlabs pa zhes bya ste/
ltung ba byung ba'i rnam smin gong nas gong du 'phel 'gro rgyu med pa
dang /_yi ge brgya pa 'bum phrag gcig bzlas na ltung ba thams cad
rtsa ba nas dag par snying po rgyan las gsungs te/[ — ]pad dkar zla
ba'i gdan gnas pa'i/_/rdo rje sems dpa' legs dmigs te/_/yi
ge brgya pa cho ga bzhin/_/nyi shu rtsa re bzlas gyur na/_/ltung sogs byin
gyis brlabs 'gyur phyir/_/'phel ba ru ni mi 'gyur zhes/_/grub pa
mchog rnams kyi bshad pas/_/rtag par du ni nyams su blang /_/'bum
phrag gcig tu bzlas gyur na/_/rnam par dag pa'i bdag nyid 'gyur//
zhes gsungs/
de'i phyir na da lta'i dus 'dir bod yul 'di na bla ma ser mo mi
skya pho mo yan chad dbang re thob ma myong ba ni su yang med/_des na
gsang sngags kyi sgor ma zhugs pa su yang med pa yin la/_gsang
sngags kyi sgor zhugs phyin chad ni/_dam tshig ma bsrungs na dmyal
ba dang /_bsrungs na rdzogs pa'i sangs rgyas kyi go 'phang thob pa
gnyis las 'gro sa gzhan med pa/_dper na sbrul snyug dong du
bcug pa lta bur gsungs/_sbrul zhig snyug dong du bcug na/_yang na

de yar kha dang yang na mar zhabs gnyis las 'gro sa med pa lta bu
yin/_yon tan mdzod las kyang /_sngags la zhugs pa'i skyes bu ngan
song dang /_/sangs rgyas gnyis las 'gro sa gsum pa med/_/ces
gsungs/_des na gsang sngags kyi dam tshig ni/_phra zhing grangs mang
la srung dka' ba yin pas/_jo bo rjelha gcig lta bus kyang /_sngags
la zhugs pa'i dus nyes pa car rgyag nyar rgyag byung gsungs na/_da
lta rang re gnyen po chung ba/_dran pa nyams pa/_shes bzhin med pa/
ltung ba'i rnam grangs legs par mi shes pa rnams la ni/_ltung ba'i
rnam grangs char pa bzhin 'bab par gdon mi za bas/_de dag gi
gnyen por dus dang rnam pa thams cad du rdor sems sgom bzlas
'di la yi dam du bzung nas tha na yang yig brgya nyer gcig re ma
chag par byed pa ni gal che'o/_/
gal te rang ngos nas bskyed rdzogs kyi gnad la mkhas pa/_dran pa
dang shes bzhin gsal ba sogs la brten dam tshig nyams pa'i
skyon ma byung yang /_gzhan rtsa ba'i dam tshig nyams pa dag dang
gtam bsre ba dang /_spyod lam gyis 'brel ba/_tha na lung pa gcig
gi chu la btung bas kyang zlas nyams dang zhor nyams kyi nyes pa skyed
pa yin pas bshags sbyong la 'bad dgos te/_rgyud las kyang /
nyams la 'grogs shing nyams pa skong ba dang /_/nyams dang snod
min rnams la chos bshad dang /_/nyams la mi 'dzem nyams pa de

dag gi_/nyams grib skyon gyis gos par 'gyur to 'tshal/_/tshe 'di'i
rkyen dang phyi ma'i sgrib gyur rnams/_/rang gnong 'gyod pa'i sems
kyis mthol lo bshags/_/zhes gsungs/
tshogs gral gcig na dam tshig nyams pa'i mi gcig yod kyang /
de'i nyams grib kyis phog ste dam ldan brgya stong yod kyang sgrub pa'i
'bras bu cung zad kyang mi 'byin pa 'o ma rul pa thigs pa gcig
gis ma rul pa zangs gang yang rul bar byed pa dang /_sbal pa rma
can gcig gis sbal pa thams cad rma can du byed pa lta bu yin
te/_ji skad du/_ji ltar 'o ma thigs pa gcig_/rul bas thams cad
rul ba ltar/_/rnal 'byor nyams gyur gcig gis ni/_/rnal 'byor
can kun ma rungs byed/_/ces gsungs/
der ma zad bla ma skyes bu dam pa grub pa thob pa zhig yin kyang
nyams grib kyis mi gos pa ni su yang med de/_'gro mgon gling rje
ras pa lta bu yang tsA ri'i gnas nang du zhing skyong gi mkha' 'gros
bar chad brtsams nas nyi ma'i gung la mun rub ste skar ma khra kyi
le 'char ba'i mun pa byung yang /_thogs pa med par dmar nag
rak+ta'i mtsho 'gram du phyin nas rdo rje'i glu blangs te bro brdungs rdo
la zhabs rjes bzhag pa da lta yang mjal du yod pa de lta bu'i grub
thob yin kyang /_phyis slob ma dam tshig nyams pa zhig mdun du byung
bas nyams grib kyis thugs myos te gsung smra mi shes par gyur pa'i

lo rgyus yod/_de bzhin du grub thob o rgyan pa'i mgur las kyang /
gangs can gyi sprang po rin chen dpal/_/dgra nyams grib min pas
thub ma myong /_/grogs bla ma min pas skyob ma myong /_/zhes gsungs/
des na gsang sngags rdo rje theg pa'i dam tshig 'di ni nyams na
nyes pa che zhing srung bar yang shin tu dka' bas/_rang rgyud la mi
brtags par nga dam ldan yin no snyam nas nga rgyal byas pas ni ci
yang mi 'ong ste/_sngags gzhung dag las/_sgo gsum dkyil 'khor
gsum gyi khyer so dang skad cig ma gcig bral kyang /_gsang sngags
kyi dam tshig las 'das par bshad pa yang yod pas/_bsrung dka'
zhing rgyas par dbye na sa ma ya 'bum sde'i grangs su gsungs pas
rnam grangs mang la nyams pa'i nyes pa yang /_rgyud las/_rdo rje srin
pos snying khrag 'thung ba dang*/_/tshe thung nad mang nor yal dgras
'jigs dang /_/mnar med dmyal ba shin tu skyi g.ya' bar/_/sdug
bsngal mi bzad yun ring gnas par 'gyur//zhes gsungs pa
ltar yin pas/_rang gi blo la mngon pa dang mi mngon pa'i nyams
chags nyes ltung thams cad kyi gnyen por dus dang rnam pa thams
cad du rdor sems sgom bzlas dang yig brgya'i bshags pa byed
pa la 'bad dgos te/_sngon gyi dam pa dag gi zhal nas kyang /_dang
po nas sdig gis ma gos pa dang /_gal srid gos na bshags pa
byed pa gtso che ba yin gsungs/_bshags na 'dag pa yang gsang

sngags kyi dam tshig nyams pa 'di sla ba yin te/_nyan thos kyi lugs
la rtsa ltung skor gcig byung na rdza be'u chag pa dang 'dra ste slar gso
ba'i thabs med par gsungs/_byang sdom rin po che'i nyer spyad chag
pa dang 'dra ste/_dper na rin po che'i nyer spyad chag na mgar ba
mkhas pa la brten nas bcos su yod pa ltar/_gzhan rkyen dge
ba'i bshes gnyen la brten nas gso rung bar gsungs/_gsang
sngags kyi sdom pa ni rin po che'i nyer spyad cung zad zhom pa dang
'dra ste/_rang nyid kyis kyang lha sngags ting 'dzin la brten nas
bshags pa byas kyang lhag ma med par dag par gsungs pa yin/
de yang 'phral dang 'phral du bshags na 'dag sla ste/_yun lon
nas ni nyes pa gong nas gong du 'phel ba yin pas bshags lhag
par dka' zhing /_lo gsum 'das phan chad bshags pa'i yul las
'das pas bshags pa byas kyang mi 'dag par gsungs so/_/
gzhan yang ngag nus dang byin rlabs kyi sgo nas gzhan gyi srung
skyob byed pa dang /_sad ser dang nad yams gcod pa/_nad pa
dang sri'u gso ba sogs rang don dang gzhan don sbrel mar byed pa
rnams kyang /_ngag nus dang byin rlabs yod par byed pa la/_ngag
gi sgrib pa dag dgos shing /_ngag gi sgrib pa dag par byed pa la
snying po yi ge brgya pa las lhag pa su yang med pas/_dus dang rnam
pa thams cad du yig brgya'i bzlas pa la 'bad pa gal che ste/_rje

bla ma'i zhal nas kyang /_zhal kyal gyi tshul du/_gzhan la srung skyob
byed pa dang /_dkor za ba rnams kyis dang po rang gi ngag sgrib sbyong
ba la yig brgya 'bum ther brgya re ma thon pa'i thabs med ces
gsungs te/_rje'i zhal slob tu gyur pa la/_yig brgya 'bum phrag nyis
brgya re dang brgya re thub pa du ma yod cing /_tha ma rnams kyang yig
brgya 'bum phrag gnyis gsum re ma song ba ni su yang med pa lta bu
yin no/_/
des na bla ma rdo rje sems dpa' ni/_rigs brgya rigs gcig tu
'dus pa'i rang bzhin/_gsang chen rigs gcig rdo rje sems
dpa' zhes bya ste/_yi dam gyi lha zhi khro rab 'byams bsam gyis mi
khyab pa dag kyang*/_rdo rje sems dpa' la ma 'dus pa med/_ngo bo
rtsa ba'i bla ma dang dbyer med du bsgoms pas/_bla ma'i rnal 'byor
kyang kun 'dus nor bu'i lugs su bsgom pa zhes shin tu zab pa'i
mthar thug pa yin/_sngags kyang snying po yi ge brgya pa las lhag pa
med tshul sngar bshad pa ltar yin pas/_'di las zab pa'i chos ni
gang na yang med par shes par bya'o/_/
phan pa'i gdams ngag thos kyang tshig tu lus/_/
cung zad nyams su blangs kyang g.yeng bas bslus/_/
bdag dang bdag 'dra 'khrul gzugs sems can rnams/_/
bskyed rdzogs snying po lon par byin gyis rlobs/_/

sgrib pa sbyong ba bla ma rdo rje sems dpa'i sgom bzlas kyi khrid do/_/_/_/
!_kun rdzob rdzun par shes kyang tshogs gnyis gsog_/
don dam sgom med rtogs kyang mnyam par 'jog_/
zung 'jug mngon du 'gyur kyang brtson 'grus rtsom/_/
mtshungs med bla ma'i zhabs la phyag 'tshal lo/_/
don bzhi pa tshogs bsags pa maN+Dal gyi khrid ni/
bsod nams dang ye shes kyi tshogs gnyis ma rdzogs na/_dag pa
gnyis ldan gyi sangs rgyas thob pa'i thabs med/_de bzhin du tshogs
gnyis yongs su ma rdzogs par/_stong pa nyid kyi don ma nor ba de
yang rgyud la skye mi nus te/_mdo las/_ji srid tshogs gnyis dam
pa de ni ma rdzogs par/_/de srid stong nyid dam pa de ni rtogs mi
byed/_/ces gsungs/_de bzhin du gzhan yang /_don dam lhan cig
skyes pa'i ye shes ni/_/tshogs bsags sgrib pa dag pa'i lag rjes
dang /_/rtogs ldan bla ma'i byin rlabs kho na las/_/thabs gzhan
bsten pa rmongs par shes par bya/_/zhes gsungs/_stong nyid mngon
du rtogs nas kyang /_da dung ji srid rdzogs pa'i sangs rgyas kyi go

'phang ma thob par lam gong nas gong du bgrod dgos pas na/
bsod nams dang ye shes kyi tshogs gnyis bsags pa la 'bad
dgos te/_rnal 'byor gyi dbang phyug tai lo pa'i zhal nas/_bu snang ba
rten cing 'brel 'byung 'di/_/don skye ba med par ma rtogs par/_/
tshogs gnyis shing rta'i 'phang lo dang /_/'bral bar ma byed nA ro pa//
zhes dang /_rnal 'byor dbang phyug birba pa'i do ha las kyang /_kun
rdzob sangs rgyas mi re'i gding chen ldan gyur kyang /_/bsod nams
tshogs chen mi gcog ci nus 'bad par bya/_/zhes dang /_mnyam med
dwags po rin po che'i zhal nas kyang bsags sbyang rang sar dag
kyang tshogs chung ngu nas bsags zhes gsungs/
des na tshogs bsags pa'i thabs la bsam gyis mi khyab pa zhig
rgyal ba thabs mkhas la thugs rje che bas gsungs pa yin kyang /
de'i nang nas mchog tu gyur pa ni maN+Dal 'bul ba 'di yin zhing /
rgyud las/_sangs rgyas zhing khams thams cad la/_/stong gsum zhing
khams ma lus pa/_/'dod pa'i yon tan brgyan pa yi/_/mchod na
sangs rgyas ye shes rdzogs/_/zhes pa ltar/_de la maN+Dal 'bul ba'i
dus su/_rang lugs kyi phyag len la bsgrub pa'i maN+Dal dang mchod
pa'i maN+Dal gnyis yod/_de la maN+Dal gyi rgyu ni/_rang gi 'byor pa dang
bstun nas rab gser dngul la sogs rin po che'i maN+Dal/_'bring
'khar ba la sogs rgyu dag pa/_tha na rdo leb dang shing leb la sogs

pa'i stegs 'jam pos kyang rung /_de la 'god rgyu'i tshom bu ni/_rab
g.yu/_byi ru/_mu men/_mu tig la sogs pa rin po che/_'bring a ru ra/
skyu ru ra la sogs pa'i sman gyi 'bras bu/_tha ma nas/_'bras/_gro sran
ma la sogs 'bru'i rigs byed/_yang tha yang rdo dang gseg ma/_bye
ma la sogs pas kyang dmigs pa'i rten tsam rung /_gang ltar yang
maN+Dal gyi gzhi de byi dor legs par byas la/
dang po sgrub pa'i maN+Dal tshom bu lnga bkod/_de'i dbus kyi tshom bu de
sangs rgyas rnam par snang mdzad la bud+d+ha rigs kyi lha tshogs kyis
bskor ba/_mdun gyi tshom bu de sangs rgyas rdo rje mi bskyod pa la rdo
rje rigs kyi lha tshogs kyis bskor ba/_lho'i tshom bu de sangs rgyas
rin chen 'byung ldan la rin chen rigs kyi lha tshogs kyis bskor
ba/_nub kyi tshom bu de sangs rgyas snang ba mtha' yas la pad+ma rigs
kyi lha tshogs kyis bskor ba/_byang gi tshom bu de sangs rgyas don yod
grub pa la las kyi rigs kyi lha tshogs kyis bskor bar bsam/
yang na dbus kyi tshom bu de rtsa ba'i bla ma dang o rgyan chen po dbyer
med pa la rdzogs chen brgyud pa'i bla ma thams cad tho brtsegs su
bzhugs pa/
mdun gyi tshom bu de sangs rgyas shAkya thub pa la bskal pa bzang
po'i sangs rgyas stong rtsa gnyis kyis bskor ba/
g.yas kyi tshom bu de nye ba'i sras chen brgyad la byang sems

'phags pa'i dge 'dun gyi bskor ba/
g.yon gyi tshom bu de nyan thos mchog gnyis la nyan rang 'phags
pa'i dge 'dun gyis bskor ba/
rgyab kyi tshom bu de 'od kyi drwa mig gi klong na chos dkon mchog
glegs bam brtsegs pa'i rnam par bzhugs pa ste/_skyabs 'gro'i
tshogs zhing ltar gsal gdab/
gang ltar yang sgrub pa'i maN+Dal de mchod stegs la sogs par
dgod/'byor na mchod pa sna lnga sogs kyis bskor/_sku gsung thugs
rten gyi mdun nas 'bul ba'am/_ma 'byor na sgrub pa'i maN+Dal med
kyang rung /_tshogs zhing yid kyis gsal gdab/
de nas mchod pa'i maN+Dal de lag pa g.yon gyis bzung /_g.yas kyi
mkhrig mas yun ring phyi bzhin du yid dmigs pa las ma yengs
pa'i sgo nas yan lag bdun pa sogs bya/_de yang maN+Dal la ma dag
 zhig phyi rgyu yod pa kho na'i don gyis byi dor byed pa min/_rang
rgyud sgrib gnyis kyi dri ma 'dag pa'i ched du/_dka' tshegs kyi sgo
nas maN+Dal la byi dor byed pa yin pas na/_sngon gyi bka' gdams
pa chen po dag gi phyag gi mkhrig ma'i mdun ngos kyis maN+Dal phyis
pas brdol nas rmar song ba'i tshe/_zur ngos kyis phyis shing /_de
yang brdol ba'i tshe rgyab ngos kyis phyis pa sogs kyi lo rgyus yod pa
yin/_des na byi dor byed pa'i tshe yang snam ras sogs gzhan gyis

mi phyi bar/_lag pa'i mkhrig ma kho nas phyi ba sogs sngon gyi bka'
gdams pa chen po dag gi phyag srol yin pas de ltar bya/
de nas tshom bu 'god pa'i tshe/_maN+Dal so bdun ma 'di sa skya'i 'gro
mgon chos rgyal 'phags pas mdzad pa ste/_'jug pa bde bas
gsar rnying ris med la khyab che bas/_skabs 'dir yang dang po de
ltar dbul ba'i phyag srol yod pas de ltar bya/_gzhan du gsar
rnying gang la yang rang rang so so'i lugs kyi maN+Dal 'bul thabs du
ma yod cing /_khyad par rnying ma'i gter kha re re la yang maN+Dal re
dang /_rang lugs 'dir yang /_sku gsum gyi maN+Dal rgyas par 'bul
ba'i cho ga kun mkhyen chen po'i zhal gsung ma snying thig rnams na
du ma yod pa ltar yin pas gang ltar dbul yang chog
so bdun ma ltar 'bul ba'i tshe/_dang po/_o~M badzra b+hu mi sogs kyi
tshe/_maN+Dal lag g.yon gyis bzung bzhin pa la/_g.yas pas ba byung
dang dri bzang gi chus chag chag gdab/
de nas g.yas pa'i mtheb srin gyis me tog gi tshom bu zhig bzung
ste/_o~M badzra re khe sogs kyi sngags tshig dang sbrags nas/_maN+Dal gyi
gzhi la g.yas su bskor zhing mthar dbus su bzhag_bzos pa'i
lcags ri 'god rgyu yod na yang skabs 'dir dgod/_de nas ri yi
rgyal po ri rab ces brjod pa'i tshe/_dbus su maN+Dal tshom bu che ba
gcig dgod/_de nas shar lus 'phags po la sogs pa gling bzhi

'god pa'i tshe/_shar rang phyogs sam yang na 'bul yul gyi phyogs
gnyis gang byas kyang 'dra/_gang ltar yang shar nas rim pas g.yas
skor gyis dgod/_lus dang lus 'phags sogs gling g.yog dgod
pa'i tshe/_gling rang rang gi nub dang shar du gling g.yog gnyis re
rim pa ltar dgod/_de nas rin po che'i ri bo shar/_dpag bsam
gyi shing lho/_'dod 'jo'i ba nub/_ma rmos pa'i lo tog byang du dgod/
de nas rgyal srid bdun gter chen po'i bum pa dang brgyad rim
pas phyogs bzhi dang mtshams bzhir dgod/_de nas sgeg mo la
sogs pa'i phyi sgeg bzhi phyogs bzhi dang /_me tog ma la sogs
pa'i nang sgeg bzhi mtshams bzhir dgod/_de nas nyi ma shar/_zla ba
nub/_rin po che'i gdugs lho/_phyogs las rnam par rgyal ba'i rgyal
mtshan byang du bkod la/_de nas lha dang mi yi longs spyod ma tshang ba
med pa zhes pa'i tshe/_de dag gi steng du go mtshams med par spungs
nas tog la sogs pa yod na bzhag_'di nyid rje btsun rtsa ba dang
brgyud pa bcas pa'i dpal ldan bla ma dam pa rnams dang /_sangs
rgyas dang byang chub sems dpa'i tshogs dang bcas pa rnams la
dbul bar bgyi'o/_/zhes brjod do/_/
'di skabs su kha cig gis ma tshang ba med pa/_tshang zhing yid du
'ong ba 'di nyid zer ba yod kyang de ni gzhung na med pas lhag pa
yin zhes rje bla mas gsungs/

'di dag gi dmigs rim rnams rje bla mas zhal khrid mdzad dus
'di tsam las gsung srol med pas 'dir yang ma bris la/_'on
kyang khrid yig rtsa bar dgongs 'dus rnam bshad la zhal 'phang
mdzad pa ltar rgyas par shes 'dod pa dag gis der blta bar bya'o//
de nas sku gsum gyi maN+Dal rang gzhung ltar 'bul ba la/
dang po thun mongs sprul sku'i maN+Dal/_sngar tshom bu bkod pa'i skabs
bshad pa de lta bu'i gling bzhi ri rab tshangs ris kyi lha gnas dang
de 'dra ba stong song ba'i tshe/bcas pa de gcig la brtsis nas/
stong dang po spyi phud kyi 'jig rten zhes bya/_stong dang po spyi phud kyi
'jig rten na/_gling bzhi pa'i 'jig rten stong yod pa de gcig
la brtsis nas/_de 'dra ba'i spyi phud kyi 'jig rten stong song ba'i
tshe/_stong gnyis pa bar ma'i 'jig rten zhes bya/_stong gnyis pa bar
ma'i 'jig rten de gcig la brtsis nas/_de 'dra ba stong song ba'i
tshe/_stong gsum gyi stong chen po'i 'jig rten gyi khams zhes bya/_de
na gling bzhi pa'i 'jig rten gyi khams bye ba phrag brgya yod pa
ni/_sangs rgyas sprul pa'i sku gcig gi gdul zhing yin te/_dper
na sangs rgyas shAkya thub pa'i zhing khams mi mjed 'jig rten gyi
khams zhes pa lta bu yin/_de lta bu'i zhing khams grangs med bsam
gyis mi khyab pa dag na lha dang mi yi yo byad dam pa rgyal srid rin
po che sna bdun la sogs bdag pos yongs su bzung ba dang ma

bzung ba ji snyed yod pa de dag thams cad blos blangs nas/_de'i
steng du rang gi lus longs spyod/_tshe bsod nams/_kha rje dbang thang /
dus gsum du bsags pa'i dge ba'i rtsa ba bde skyid bde ba'i
dngos po dang bcas pa/_gces dgu phongs dgu thams cad ma lus
lus pa med pa spungs te chags pa dang zhen pa til 'bru tsam yang
med par bla ma sprul sku'i lha tshogs la 'bul ba ni thun mong sprul
sku'i maN+Dal/_de'i steng du bkod pa chen po lnga'i zhing khams na zhing
dang gzhal med khang gi bkod pa bsam kyis mi khyab pa dang /_sgeg
sogs 'dod yon gyi lha mo grangs med pas brgyan pa blos dpag tu
med pa dag sprul nas/_bla ma longs sku'i lha tshogs la 'bul ba ni/
thun min longs sku'i maN+Dal/
chos dbyings skye ba med pa maN+Dal gyi gzhi'i tshul du bzhag nas/
snang bzhi la sogs rtog tshogs gang shar thams cad tshom bu'i tshul
du bkod de/_bla ma chos sku'i lha tshogs la 'bul ba ni/_khyad par
chos sku'i maN+Dal yin pas/_de lta bu'i dmigs gnad khong du chud
pa'i ngang nas/_mos gus kyi gdung ba dang bcas/_oM AHhUM/_stong
gsum 'jig rten bye ba phrag brgya'i zhing /_/sogs brjod/
grangs gsog pa'i tshe lag g.yon gyis maN+Dal dang po phul ba ltar
bzung nas/_g.yas kyis maN+Dal tshar re bzhin tshom bu re dbul
zhing gsog_de ltar byas pas lag pa g.yon pa shin tu na ste maN+Dal

gtan nas bzung mi nus pa lta bur ma gyur gyi bar du snying rus
bskyed de/maN+Dal lag pas bteg nas bzung de yang chos la dka'
spyad dang snying rus byed zer ba de za ma za rgyu med pa tsam kho na la
mi zer te/_dus dang gnas skabs thams cad du bsgrub par dka'
ba thams cad la snying rus byas nas nyams su len pa de yin pas
na/_'di tsam gyis kyang bzod pa dang brtson 'grus la brten nas
tshogs rdzogs stobs che ba yin pas nyams su blang /_cis kyang
bzung mi nus pa na mdun stegs la sogs pa'i steng du bzhag
ste/_tshom bu dbul bzhin grangs gsog_ja skabs la sogs par
mtshams thams cad du sngar dbul ba'i bkod pa de bsdus nas/
tshom bu so bdun ma sngar ltar dbul zhing grangs gsog pa sogs bya/
de lta bu'i sgo nas maN+Dal 'bum phrag gcig 'gro nges bya dgos la/
skabs 'gar sku gsum gyi maN+Dal rgyas par 'bul mi nus pa dag
gis/_sa gzhi spos chus byugs shing sogs/_maN+Dal tshom bu bdun ma
kho na phul kyang chog_gang ltar yang dang po sbyor ba sems bskyed kyi
rtsis zin pa dang /_bar du dngos gzhi dmigs pa med pa dang /_tha
mar mjug bsngo ba'i rgyas yongs su thebs pa ste/dam pa gsum gyi
rtsis zin pa gal che ba ni thams cad la 'dra'o/_/
de ltar maN+Dal 'bul ba 'di'i skabs su nas dang gro la sogs pa
'bru'i maN+Dal 'bul ba'i tshe/_rang la 'byor pa yod na maN+Dal gyi

mchod 'bru rnying pa yang zlos gtan nas mi bya zhing /_gsar pa kho
nas dbul/_de ltar phul ba de yang bya byi'u dang long sprang la sogs
par sbyin par gtong ba'am/_rten la sogs pa'i drung du spungs
te 'jog pa sogs gang rung bya zhing /_rang gis bdag tu bzung
nas longs spyod pa sogs mi bya/_ma 'byor na ci 'byor pa'i tshod
du mchod 'bru brje ba dang /_dbul po sogs yin na 'bul thengs
gcig gi mchod 'bru kho na yang nas yang du phul kyang rung /
gang ltar yang sa rdul dang yug po bya brun la sogs pa lhad thams
cad bsal te dngos gtsang bar bya zhing /_gur gum la sogs pa dri
bzang po'i chus rlan phab ste 'bul/_ci nas kyang 'byor pa med pa'i
dbul po la sogs pa'i rigs dang /_rdul gcig steng na rdul snyed
kyi zhing khams dngos su blos sprul te 'bul nus pa'i dbang rab
rnams la dgongs nas/_sa dang gseg ma la sogs pas kyang dbul
rung bar gsungs pa yin gyi/_rang la yod bzhin du mchod sbyin gyi
phyogs su gtong mi bra bar/_sngags dang dmigs pa la sogs pa'i
rgyu mtshan bden bden yin yin mo mang po bkod nas/_yin rlom
byed pa ni rang mgo rang gis bskor ba yin/_der ma zad rgyud dang
man ngag thams cad nas/_gtsang zhing gtsang mar sbyar ba'i mchod
pa'i tshogs/_/zhes dang /_gtsang mar sbyar ba'i mchod yon 'di/_/
zhes sogs gsungs kyi/_btsog cing btsog par sbyar ba sogs ma

gsungs pas/_rang gi kha 'phro dang 'bags btsog sogs mchod
rdzas su byed pa dang /_nas kyi 'go ma rang gi za rgyu dang /_snyigs ma
mchod 'bru dang bca' rtsam sogs byed pa dang /_de bzhin du sngon
gyi bka' gdams pa dag gi zhal nas/_bzang po rang gis byas te
thud kyi sngo sa dang /_lo ma'i ser sa nas dkon mchog la phul bas
mi 'ong gsungs pa ltar/_mar la sogs pa'i kha tsha sa dang /_rul ba
nas bca' mar dang mar me 'bul zhing /_legs sa nas rang gi za
ba sogs ni bsod nams zad pa'i rgyu yin pas spang dgos/_zhal
zas dang gtor ma la sogs bca' ba'i tshe yang /_zan gyi dka'
sla rang gang za ba'i tshod tsam byed dgos kyi/_bzo sla ba la bsam
nas gtor zan sla mo byed pa ni mi rung ste/_jo bo lha gcig gi zhal
nas/_bod phyug po mi 'ong gtor zan sla mo byed kyin 'dug pa/_zhes
gsungs/
de bzhin du jo bo'i zhal nas/_bod na bsod nams bsags pa
la chu gcig pos kyang chog par 'dug_rgya gar tshad khungs che bas
bod kyi chu 'di 'dra ba'i legs pa med gsungs pa ltar/_rang gi
brtson 'grus nus na tshogs bsags pa la chu gtsang mas yon chab
phul ba yang phan yon bsam gyis mi khyab/_yon chab de yang ting
bdun sogs dbul ba'i snod kyang byi dor legs par byas/_gral la
bsgrig pa'i tshe yang bar yangs drags pa dang dog drags pa sogs

med pa'i 'tshams pa dang /_ya yo 'khyag 'khyog med pa dang /_chu nang
du 'bru dang spu rdul srog chags sogs ma 'dres pa dang /_ma gang ba
dang ha cang gang drags pa sogs ma yin par mchod stegs kyi steng
du chu bo ba la sogs kyang med par mdzes shing yid du 'ong ba bya/
de bzhin du bzang spyod las kyang /_bkod pa khyad par 'phags pa'i
mchog rnams kyis/_/zhes gsungs pa ltar/_mchod pa'i rnam pa gang
yin kyang tha na bsham tshul dang bkod tshul yan chad mdzes shing
yid du 'ong ba byas na/_rgyal ba sras bcas la gus pa'i rgyus rang gi
bsod nams kyi tshogs rgya chen po rdzogs pa yin pas ci nas kyang
'bad par bya dgos so/_/
yang rang la 'byor pa med pa dang mi nus pa sogs kyis bsam pa
rnam par dag pa'i sgo nas 'bags btsog dang dman pa sogs
dbul mi rung ba yang ma yin te/_rgyal ba sras bcas la gtsang
dme'i 'dzin rtog med pas na/_sngon dbul mo grong nyug mas bcom
ldan 'das la mar me phul ba'i lo rgyus dang /_de bzhin du mdze mo
zhig gis slong mo byas pas 'bras khu zhig rnyed pa/_nyan thos 'od
srungs chen po la phul ba'i tshe/_'bras khu'i nang du sbrang bu zhig lhung
ba bsal bar brtsams pas/_mdze mo'i mdzub mo yang 'bras khu'i
nang du chad kyang /_'od srungs chen pos de'i bsam pa rdzogs pa'i
phyir gsol/_des nyin gcig gi bsod snyoms kyi go yang chod par

mdzad pas mdze mo yang dga' ste sum cu rtsa gsum pa'i lha yul
du skyes pa lta bu yin no/_des na maN+Dal dbul ba'i dus su yang
bsam pa rnam par dag pa'i sgo nas/_rang gis gang 'byor pa de
dngos gtsang zhing yid du 'ong bar byas nas dbul ba ni gnad
dam pa yin la/_de lta bu'i maN+Dal 'bul ba la sogs tshogs gsog
pa'i thabs la 'bad pa 'di ni lam gyi gnas skabs thams cad du
'dor du mi rung ba'i nyams len yin te/_rgyud las kyang /_tshogs ma
bsags la dngos grub med/_/bye ma btsir bas mar mi 'byung //zhes
gsungs/_tshogs ma bsags par dngos grub 'byung du re ba ni/_chu
kha'i bye ma btsir nas snum sgrub pa dang 'dra ste/_bye ma sa ya brgya
btsir kyang de'i khong na snum gyi cha spu'i rtse mo tsam yang 'ong rgyu med/
tshogs bsags pa las dngos grub 'dod pa ni til 'bru btsir
nas snum sgrub pa dang 'dra/_til ci tsam btsir yang de tsam gyi til
mar 'byung la/_tha na til 'bru gcig sen mo'i steng du btsir kyang /
des sen mo'i steng thams cad snum kyi le 'ong ba yin/_de bzhin
du tshogs ma bsags par dngos grub 'dod pa ni chu dkrogs nas
mar sgrub pa dang 'dra la/_tshogs bsags nas dngos grub 'dod pa
ni 'o ma dkrogs nas mar 'dod pa dang 'dra/_zhes gsungs/
des na mthar thug mchog gi dngos grub thob pa ni/_tshogs gnyis
rdzogs pa'i 'bras bu ma nor ba de yin pas/_bsod nams dang ye

shes kyi tshogs ma rdzogs par dag pa gnyis ldan gyis sangs rgyas
thob thabs med pa sngar yang bstan la/_mgon po klu sgrub kyi zhal
nas/_dge ba 'di yis skye bo kun/_/bsod nams ye shes tshogs
rdzogs nas/_/bsod nams ye shes las byung ba/_/dam pa sku gnyis
thob par shog_/ces gsungs/_dmigs bcas bsod nams kyi
tshogs rdzogs pas gzugs sku dam pa dang /_dmigs med ye shes
kyi tshogs rdzogs pas chos sku dam pa thob pa yin no/_/
de bzhin du gnas skabs 'jig rten pa'i dngos grub thams cad
kyang tshogs rdzogs pa las 'byung gi_rang gis tshogs ma bsags
par 'bad rtsol ci tsam che yang phan pa med de/_dper na 'phral
gyi longs spyod zas nor tsam la'ang sngon gyi bsags rgyab kyis
'byor pa kha cig ni 'bad rtsol cung zad ma byas kyang rang bzhin
gyis longs spyod kyis mi gtong ba dang /_yang kha cig ni tshe gcig
tu tshong dang so nam la sogs thabs sna tshogs pa'i sgo nas gsog
brun gyi 'bad rtsol la brtson kyang phan pa til 'bru tsam yang med
par mthar mu ges 'chi ba la sogs pa mthong chos su gyur pas
kyang shes la/_de bzhin du nor lha dang chos skyong sogs bsgrubs
nas dngos grub 'dod pa yang rang la sngon bsags kyi sbyin 'bras
med na/_de dag gis sbyin mi nus te/_sngon ri khrod pa zhig 'tsho bas
dbul nas dam can bsgrubs pas dngos su grub nas mi dang mi

lab pa bzhin byung yang dngos grub ci yang ma byung ba la dam can
na re/_khyod la sngon gyi sbyin 'bras cung zad kyang med pas/_kho bos
dngos grub sbyin mi nus par 'dug zer/_nyin gcig sprang po mang
po zhig gi gral du thug pa phor gang rnyed de slar 'ong bas dam can
na re/_de ring ngas khyod la dngos grub byin pa e shes zer/_thug
pa phor gang rnyed de de ni nga min kyang sprang po thams cad la 'dug
khyod kyi dngos grub bam de ni ma shes byas pas/_thug pa blud pa'i tshe
khyed rang gi phor pa'i nang du tshil rdog chen po zhig lhung ba de nga'i
dngos grub yin pa la zer skad/_de bas na rang la sngon bsags
med na nor sgrub la sogs pas kyang dbul ba bsal mi nus te/
'jig rten pa'i nor lha la sogs pas longs spyod kyi dngos grub
ster nus na/_rgyal ba sras dang bcas pa thams cad de dag rnams
las mthu stobs dang rdzu 'phrul brgya stong 'gyur gyis che zhing /_ma
bcol bar yang sems can thams cad la phan par mdzad pa sha
stag yin pas/_de dag gis 'jig rten gyi khams 'dir longs
spyad kyi char phab ste thams cad kyi dbul ba cig car du bsal
bar nges pa la de ltar ma mdzad pa'i phyir ro/_/
des na longs spyod dang 'byor pa la sogs pa rnams kyang bsod
nams bsags pa'i 'bras bu kho na las 'byung ba yin pas na/
'bad rtsol ri bo tsam byed pa las/_bsod nams me stag tsam

gsog pa dga' ba yin no/_/
lar da lta'i dus na rang re mtha' 'khob kyi yul la ltos pa'i
longs spyod dang dbang thang phra mo tsam re skyes pa la/_thams cad
kyis bla ma mkhyen de ji lta bu zhig yin nam zer nas ha las
'dogs byed kyang /_de tsam re la bsod nams chen po rang
bsags dgos par mi 'dug ste/_zhing dang bsam pa dag na mi
dbang nga las nus sran rdog bdun gyi sbyin 'bras kyis/_sum cu
rtsa gsum man chad dbang byas pa'i lo rgyus dang /_rgyal po gsal
rgyal lta bu'i mnga' thang yang zan dron lan tshwa med pa zhig gi sbyin
'bras su gsungs pa dang /
sngon jo bo rje lha gcig bod la phebs pa'i dus bod yul kun da
lta las ches 'byor zhing rgyas pa'i dus yin kyang /_jo bo'i zhal nas/
bod pre ta pu ri'i rgyal khams dngos su 'dug_bod yul na zhing
dag pa zhig la nas bre gang sbyin par btang ba'i sbyin 'bras la
longs spyod mkhan mi 'dug ces gsungs/_des na 'phral gyi zang
zing dang dbang thang cung zad re la ngo mtshar rmad du 'dzin pa ni/
gcig tu rang nyid blo chung ba dang /_gnyis su 'jig rten 'dir
snang gi zhen pa che ba dang /_gsum du las 'bras kyi 'phel tshul
sngar a sho ka'i 'bras bu bstan pa sogs kyi gnad ci bzhin ma go
ba'am/_go yang yid ma ches pa'i rtags bstan pa yin pas/_snying

nas nges 'byung gi blo bcos ma ma yin pa rgyud la skyes pa zhig yin
na/_'jig rten 'dir snang gi phun tshogs phyug po klu lta bu/_mthon
po gnam lta bu/_btsan po thog lta bu/_mchor po 'ja' tshon lta bu ji
'dra ba mthong yang /_de la rtag pa dang brtan pa snying po til gyi shun
pa tsam yang med par shes nas/_mkhris nad can la btso zan byin
pa ltar zhe log ge ba zhig dgos pa yin/_der ma zad tshe 'di'i
longs spyod la sogs pa la ched du re nas tshogs bsags pa la
'bad pa sogs kyang 'jig rten pa phal pa la rung gi_nges 'byung
gi chos yang dag pa'i ni phyogs dang nye ba ma yin te/_thar pa'i go
'phang thob pa'i chos yang dag pa zhig 'dod na/_sngar yang nas
yang du smos pa ltar 'jig rten tshe 'di'i zhen pa thams cad mchil
ma'i thal ba bzhin du bor nas pha yul rgyab tu bskyur/_mi yul dang
du blangs/_gnas dben pa kho na bsten te na dga' dang shi skyid kyi
ngang nas bsgrub pa zhig dgos te/
mnyam med dwags po rin po che la slob ma zhig gis/_da lta snyigs
ma'i dus 'dir chos yang dag pa zhig sgrub pa la zas gos dang yo
byad dka' bar 'dug pas/_nor sgrub dum pa re bya'am/_bcud len
bzang po re slob bam/_yang na nges par 'chir 'jug nus pa zhig
dgos pa yin nam/_gang lags zhus pas/_nor sgrub byas kyang rang
la sngon gyi sbyin 'bras med na 'ong ba yang dka' zhing /_snying nas

chos bzhin byed pa la tshe 'di'i ched du nor sgrub pa yang 'gal/
bcud len byas kyang sngon bskal pa yar dar la sa rdo chu shing la
sogs pa'i bcud ma shor ba'i dus lta bu deng sang mi 'ong bas/_da
lta'i dus na phan med/_nges par 'chir bcug pa yang mi 'ong ste/
dal 'byor tshang ba'i lus rten da res kyi 'di 'dra ba phyin chad rnyed
par dka'/_'on kyang nges par shi ma shi med par nyams su len
nus pa'i blo zhig snying thag pa nas skyes na/_lto gos kyis phongs pa
mi 'ong ste/_chos pa mu ges shi ba'i dpe med/_bcom ldan 'das kyis
kyang phye bre re la mu tig bre re 'jal ba'i mu ge byung yang sangs rgyas
kyi rjes 'jug zas gos kyis mi phongs par gsungs/_zhes gsungs/
des na rgyal ba'i sras po byang chub sems dpa' rnams ni tshogs
bsags pa dang sgrib sbyong gang byed kyang /_nam mkha'i mthas khyab
pa'i sems can thams cad kyi don du byed pa nyag gcig yin pas/
rang gi tshe 'di'i ched du sgrub pa lta yang ci smos/_rang don du rdzogs
pa'i sangs rgyas kyi go 'phang thob par 'dod kyang theg pa chen po'i
lam gtan nas ma yin pas na/_tshogs bsags dang sgrib sbyong
gang dang gang byed kyang mtha' yas pa'i sems can thams cad kyi
don du dmigs pa las/_rang 'dod kyi blo dang gtan nas ma 'dres
pa zhig cis kyang gal che'o/_/
de ltar byas na rang don dang tshe 'di'i bde skyid sogs mi 'dod

kyang zhor la 'byung ste/_me 'bud pa'i tshe dud pa zhor la 'byung ba
dang /_nas btab pas sog ma zhor la 'byung ba lta bu yin pas
na/_de dag la ched du gnyer ba'i blo ni dug bzhin du spang bar bya
dgos so//_//
!_lnga pa bdud bzhi cig car du gcod pa
ku sA li'i tshogs gsog ni/
de la 'dir ku sA li'i tshogs gsog ces lus sbyin nyung ngu zhig
'byung ba 'di/_spyir sems nyid ngal gso nas bla ma'i rnal 'byor
dang 'brel bar 'byung bas/_bla ma'i rnal 'byor gyi cha lag tu byas
kyang chog mod kyi/_tshogs bsags pa maN+Dal gyi yan lag tu byas
kyang mi 'gal bas na/_skabs 'dir sbrel te gsungs pa bka'
srol la yod pa bzhin 'dir yang 'chad do/_/de la ku sA li zhes pa
ni/_sprang po'i don yin pas tshe blos btang gi rnal 'byor ri khrod pa
lta bu tshogs gsog pa'i longs spyod gzhan mi rnyed pa rnams kyis
dmigs pa la brten nas rang gi lus kyi mchod sbyin byed pa yin/
de yang dngos po gzhan thams cad kyang rang gi lus 'di gso ba'i
ched du 'bad rtsol dang rtsol sgrub gsog 'jog dang gces spras

sogs byed pa yin la/_longs spyod gzhan thams cad las kyang rang
gi lus 'di nyid gces 'dzin che bar nges pas na/_lus la gces
'dzin bcad de mchod sbyin bya ba ni/_dngos po gzhan gyi mchod
sbyin bya ba las lhag par yang phan yon che ba yin te/_ji skad du/_rta
dang glang po brgya 'gyur yin/_/bu dang chung ma stong 'gyur yin/_/lus
kyi mchod sbyin 'bum 'gyur yin/_/zhes dang /_ma cig gi zhal nas/
chags med lus sbyin byed pa de/_/tshogs gnyis yin par ma shes
nas/_/phung po gces 'dzin byas pa de/_/ma sprul pa'i sku la mthol lo
bshags/_/zhes gsungs/
de yang dang po rang nyid dmigs pa la goms po yod na rnam shes
nam mkhar spar te/_skad cig gis khros mar bskyed kyang 'dra/_de
ltar min na rang gi snying dbus su sems rnam par shes pa'i ngo bo
ma cig khros ma nag mo gar thabs ling nge yod pa/_phyag g.yas gri
gug nam mkhar phyar zhing g.yon thod khrag thugs kar 'dzin pa/_rna
ltag g.yas su phag zhal nag pos ngur sgra sgrogs pa khro mo'i cha byad
can de lta bu zhig bskyed la/_phaTaHces brjod pa'i tshe rtsa dbu ma'i
lam brgyud spyi bo tshangs pa'i bu ga nas rgyangs kyis thon pa'i mod
la rang gi lus de nyid ro ru gyur nas ling gis 'gyel/_de yang da
lta'i lus 'di lta bu ma yin par che ba tsho ba snum pa stong gsum gyi
rgya khyon dang mnyam pa gcig tu bsgom/_de nas rang nyid ma cig

khros ma nag mor gsal ba'i phyag g.yas kyi gri gug des rang gi
lus bem po de'i smin mtshams su tshad tsam byas pas thod pa sgar
gyis bkog_thod pa de yang da lta'i 'di lta bu ma yin pa stong gsum
gyi rgya khyon dang mnyam pa gcig tu bsgom/_de nas khros ma'i phyag
g.yon pas thod pa de blangs nas mi mgo'i sgyed pu ri rab dang
mnyam pa gsum gyi steng du dpral ba rang la bstan te bkod/_yang
khros ma'i phyag g.yas kyi gri gug des bam ro de nyid ling gis
blangs te thod pa'i nang du bzhag_de nas thod pa'i steng gi nam
mkhar bdud rtsi'i rang bzhin haM yig dkar po zhig dang /_thod
pa'i 'og tu me'i rang bzhin yi ge a thung dmar po zhig bsgom/
de nas/_oM AHhU~M zhes brjod pa'i tshe a thung las me 'bar thod
pa dros nang gi bam ro de bdud rtsi'i rang bzhin du so ro ro zhu
nas khol te thod pa'i kha gang nas 'bags btsog dang dri ma ma
dag pa'i cha thams cad lbu ba dang spris ma'i rnam par phyir lud de/
rlangs pa haM yig la phog pas haM yig kyang dros te bdud rtsi dkar
dmar gyi rgyun babs pa yang gnyis med du 'dres shing mthar haM
yig kyang 'od du ltem gyis zhu nas thod pa'i bdud rtsi dang gnyis
med du thim par bsams la/
phaTaHlus gces 'dzin sogs brjod/_rang gis oM AHhU~M zhes
brjod pa'i tshe/[ \u0f00] gyis kha dog dri ro la sogs pa'i skyon thams

cad sbyangs/_AHyis mang por spel/_hUM gis gang la gang 'dod kyi
dngos por bsgyur te/_zag med ye shes kyi bdud rtsi 'dod rgu yid
bzhin gyi sprin 'phro ba'i rol pa dang rang bzhin du gyur par bsam/
de nas rang gi mdun gyi nam mkhar rin po che'i khri rkang dar zab
'bol brtsegs dang bcas pa'i steng du/_drin can rtsa ba'i bla ma
sku dngos su bzhugs pa de'i steng gi cha la rtsa brgyud kyi bla ma/_bar
gyi cha la yi dam gyi lha tshogs/_thod pa'i kha'i thad kyi nam mkha' la
dpal mgon bdun cu rtsa lnga la sogs ye shes dang las la grub
pa'i chos skyong srung ma'i tshogs dang yul lha gzhi bdag la sogs
pa 'khod/_de'i 'og gi sa gzhi'i steng du bgegs rigs stong phrag
brgyad cu/_byis pa'i gdon chen bco lnga la sogs bgegs rigs
lan chags kyi mgron gtso bor gyur pa'i/_khams gsum rigs drug
gi sems can thams cad nyi zer la rdul 'khrigs pa ltar bskyed/
de nas steng gi rtsa brgyud kyi bla ma sangs rgyas dang byang chub sems
dpa'i tshogs dang bcas pa thams cad kyis ljags rdo rje'i sbu gu
can gyis bdud rtsi'i bcud drangs te gsol/_rang gi tshogs rdzogs/
sgrib pa dag_dam tshig nyams chags byang /_mchog thun mong gi
dngos grub thob par bsam/_bar na yi dam rgyud sde bzhi drug gi lha
tshogs rnams kyi ljags rang rang gi phyag mtshan/_rdo rje/_'khor lo/
rin chen/_pad+ma/_rgya gram la sogs pa'i rnam pa can gyi sbu gus bdud

rtsi'i bcud drangs te gsol/_rang gi tshogs rdzogs sgrib pa dag_dam
tshig nyams chags byang*/_mchog thun mong gi dngos grub thob par
bsam/_dpa' bo mkha' 'gro chos skyong srung ma dpal mgon bdun
cu rtsa lnga dang bcas pa la sogs pa rnams kyi ljags nyi zer gyi sbu gu
can gyis bdud rtsi'i bcud drangs te gsol/_rang gi tshogs rdzogs/
sgrib pa dag_dam chos byang chub sgrub pa'i 'gal rkyen bar chad
thams cad bsal/_mthun rkyen smon pa'i legs tshogs thams cad
spel bar bsam/_de yar mgron la dkar 'gyed yin/
de nas rang nyid dmigs pa la goms po yod na rang nyid ma cig
khros ma nag mor gsal ba'i thugs ka nas las byed kyi mkha' 'gro
ma dkar ser dmar ljang mthing ga brgya stong grangs med pa nyi zer
la rdul 'khrigs pa lta bu zhig spros nas/_de dag gis khams gsum
'gro ba rigs drug gi sems can thams cad la snod ye shes kyi ka
pA la bcud zag med kyi bdud rtsis gang ba re re byin pas ngoms
shing tshims par bsam/_yang rang nyid dmigs pa la goms po med
na/_rang nyid khros mar gsal ba'i phyag g.yon pa'i thod pa de nyid
kyi thod pa'i bdud rtsi bcus shing gtor bas khams gsum rigs
drug gi gnas su bdud rtsi'i char babs pa la thams cad kyi 'thung
bas ngoms shing tshims par bsam/_de ni mar mgron la dkar
'gyed yin/

yang bdud rtsi khol ba'i rlangs pa las yar mchod yul la mchod
yon/_zhabs bsil/_me tog_bdug spos/_mar me/_dri chab/_zhal
zas/_rol mo/_bkra shis rtags brgyad/_rgyal srid sna bdun/_'phan
gdugs/_rgyal mtshan/_bla re/_gser gyi 'khor lo rtsibs stong /_dung
dkar g.yas su 'khyil ba la sogs pa mchod sprin bsam gyis mi
khyab pa spros nas mchod/_rang gzhan sems can thams cad kyi
tshogs rdzogs sgrib pa dag par bsam/_de yar mgron la khra 'gyed
yin/
yang mar mgron rigs drug gi sems can thams cad la rang rang
gang la gang 'dod ci la ci 'dod kyi yo byad thams cad char
bzhin du babs pas thams cad dga' mgu tshims shing yi rang /_khyad
par rang gi tshe 'khor ba thog ma med pa nas bzung ste tha ma da la
thug gi bar du/_bsad pa tshe thung ba'i lan chags/_'phrog pa nor
dbul ba'i lan chags/_brdung ba nad mang ba'i lan chags/_gong
mas bskyabs pa'i lan chags/_/'og mas bkur ba'i lan chags/
bar ma mdza' ba'i lan chags/mtho ba mkhar gyi lan chags/_dma'
ba sa zhing gi lan chags/_gnyen grogs srid sde'i lan chags/_bu
tsha phyugs kyi lan chags/_bza' ba zas kyi lan chags/_bgo ba gos
kyi lan chags/_bu lon 'brel gyi lan chags/_zho bzhos pa'i lan
chags/_khal bkal ba'i lan chags/_rmo rmos pa'i lan chags/_bed

du bcad pa'i lan chags la sogs tshe lan/_srog lan/_sha lan/
rus lan chags pa'i lan chags bu lon sha 'khon gyi bdag po
bdag mo thams cad snod bzung ste bu lon bsnyag pa ltar du 'dus
pa la/_de dag thams cad la rang rang gang la gang 'dod/_ci la ci
'dod/_zas 'dod pa la zas/_gos 'dod pa la gos/_longs spyod
'dod pa la longs spyod/_skyed tshal 'dod pa la skyed tshal/_bzhon pa
'dod pa la bzhon pa/_gnas khang 'dod pa la gnas khang /_gnyen
grogs 'dod pa la gnyen grogs la sogs 'dod rgu'i longs spyod
zad pa med pa'i gter du gyur nas char ltar babs pa la/
rang rang gis longs spyad nas lan chags 'khor/_bu lon sod/_sha
mkhon byang /_sdig sgrib dag_thams cad kyang ngoms shing tshims te
dga' bar bsam/_yang de dag gi lhag ma khas zhan pa/_dbang chung
ba/_zha bo/_long ba/_'on pa/_lkugs pa la sogs rigs drug gi sems
can sdug bsngal gyis gdung ba nyam thag pa thams cad la rang rang
gang la gang 'dod kyi dngos po/_skyabs med pa la skyabs/_mgon
med pa la mgon/_dpung gnyen med pa la dpung gnyen/_gnyen
grogs med pa la gnyen grogs/_srid sde med pa la srid sde/_nad
pa la gso ba'i sman/_'chi ba spong ba'i bdud rtsi/_zha bo la rdzu 'phrul
gyi rkang pa/_long ba la ye shes kyi spyan/_'on pa la zag med kyi rna ba/
lkugs pa la shes rab kyi lce la sogs par gyur te long spyod pas

thams cad ngoms shing tshims/_rigs drug so so'i las snang sdug
bsngal bag chags thams cad dang bral te/_pho thams cad 'phags
pa spyan ras gzigs kyi go 'phang /_mo thams cad rje btsun
'phags ma sgrol ma'i go 'phang thob ste/_khams gsum 'khor ba dong
nas sprugs par bsam/_de ni mar mgron la khra 'gyed yin/
de ltar dmigs pa ma zin par du oM AHhUM kho na brjod/_de nas/
phaTaH_yar mchod yul mgron gyi sogs/_gshis rdzogs pa chen po
ma bcos aH_zhes brjod cing /_mchod bya mchod byed mchod yul
dang bcas pa thams cad mi dmigs pa'i ngang la mnyam par
bzhag_spyir gcod gzhung rnams las/_dkar 'gyed dmar 'gyed
khra 'gyed nag 'gyed de 'gyed chen bzhi bshad kyang /_'dir dkar
'gyed dang khra 'gyed gnyis las dmar 'gyed dang nag 'gyed
med pa yin/
lar da lta'i dus na gcod byed par rlom pa rnams nas/_gcod zer
rgyu de lha 'dre ma rungs pa dag bsad bcad gtub brdungs bskrad
nas rlag par byed pa'i drag shul gyi las shig yin par bzung /_des
na gcod pa zer ba de yang dus dang rnam pa thams cad du yang
khros 'khrugs rngam ste zhe sdang dang nga rgyal kho nas dpa' bskyed de
yod pa/_gshin rje'i las mkhan lta bu zhig yod dgos snyam zhing
nad pa sogs la gcod byed pa'i tshe yang /_khros 'khrugs rngams

pa'i drag shul gyi dpa' bskyed de sdang mig phor ba tsam re bsgrad/
khu tshur dang kha pho mnyam rdeg byed cing /_rdung rdeg sbar mo btab
nas nad pa'i rgyab la gyon pa'i gos hrul yan chad gted de/_des
lha 'dre 'dul bar rlom pa 'dug kyang /_de 'dra ba'i chos lugs de
nor ba yin te/_ma cig gi zhal nas kyang /_thog ma med pa'i dus
nas las ngan gyi rgyu byas/_rkyen ngan gyi rlung gis ded/_'khrul snang
dang sdug bsngal kho na la khor mo yug tu spyod/_shi tsam na ngan song
gi gting rdo las 'gro sa med pa'i lha 'dre gdug pa can de dag
ngas snying rje'i lcags kyus bzung ste/_rang gi sha dron mo dang khrag
dron mo zas su byin nas/_byams snying rje byang chub sems kyis snang
ba bsgyur te/_rang gi 'khor du bsdu ba yin pa la/_ma 'ongs pa'i
gcod mkhan chen po de dag gis nga'i snying rje'i lcags kyus bzung
ba'i nor/_lha 'dre ma rungs pa de dag bsad pa dang /_skrod pa dang /
rdung bar rlom pa ni gcod log bdud kyi bstan pa dar ba'i rtags
yin par gsungs shing /_de bzhin du nag po dgu phrug gi gcod pa
la sogs pa gcod log ji snyed cig 'byung bar gsungs pa thams
cad kyang byams snying rje byang chub kyi sems dang bral nas drag shul
gyis lha 'dre 'dul bar rlom pa kho nar 'dug pa'i phyir ro/_/
de lta bu des 'byung po phra mo nus pa chung ba re re gnyis gnyis
'dul nus pa ltar 'dug rung /_lha 'dre ma rungs pa gdug pa can

dag dang 'phrad na slar la rang gi srog la rgol ba yang yod de du
ma zhig mthong chos su gyur pas mtshon la/_khyad par chos rnam dag
sgrub pa'i gang zag cig la 'dre 'dul byin rlabs la sogs skyes
pa lam rtags kyi yon tan yin nam/_bdud kyi bar chad yin shes
dka' ste/_lha 'dre ma rungs pa dag gis rgyud brlams pa phal mo
che mngon shes dang nus pa sogs yod pa ltar snang yang /_phugs su
yang dag pa'i chos dang je 'gal la 'gro zhing mthar dge sems
til gyi 'bru tsam yang med par 'gyur/_dkor rnam smin gyi bu lon
ri bo tsam zhig gi khur gyis non kyang /_rnyed pas tshe 'di tsam la
yang phan mi 'dogs par mthar 'tsho ba'i zas gos tsam yang mi
rnyed pa'am/_mi bra bar gyur nas 'chi ba de dag ni/_sngar bshad pa
ltar nyi tshe ba'i dmyal gnas la sogs par skye bar nges pa yin no//
des na gcod pas 'dul rgyu'i lha 'dre ni/_phyi na su yang med par
nang na yod de/_phyi 'khrul snang lha 'dre'i gzugs su snang ba de
thams cad kyang nang nga dang bdag tu 'dzin pa'i snyems byed kyi rtsa
ba ma chod pa las byung ba yin te/_ma cig gi zhal nas kyang /_thogs
bcas bdud dang thogs med bdud/_/dga' brod bdud dang
snyems byed bdud//de yang snyems byed bdud la thug_/ces gsungs/
des na 'dre zhes bya ba bdag 'dzin snyems byed kyi bdud yin la/
de yang gzhan du/_'dre mang po bya ba 'du shes yin/_/'dre ngar ma

bya ba ngar 'dzin yin/_/'dre rgod po bya ba rnam rtog yin/_/'dre de
dag chod na gcod pa zer/_/zhes bya ste/_rje mi las brag srin mo la
gsungs pa las kyang /_'dre khyod las thu ba ngar 'dzin yin/_/
'dre khyod las mang ba 'du shes yin/_/'dre khyod las langs shor
rnam rtog yin/_/zhes sogs gsungs/_de bzhin du gcod kyi dbye
ba gsungs pa yang /_gnyan sa ri khrod 'grim pa phyi yi gcod/_/phung
po gzan du bsgyur ba nang gi gcod/_/nyag gcig rtsad nas gcod
pa don gyi gcod/_/gcod de gsum dang ldan pa'i rnal 'byor pa
lags te/_/zhes gsungs/
des na gcod byed pas thams cad kyang ma rig pa dang 'khrul snang
thams cad kyi rtsa ba bdag 'dzin rtsad nas gcod pa la/_nyag cig
rtsad nas gcod pa don gyi gcod ces bya ba yin pas/_de ma bcad
par phyi 'khrul snang gi 'dre bsad pas mi sod/_brdung bas mi thub/
mnan pas mi non/_bskrad pas mi 'gro ste/_dper na me ma spangs
par du ba spang du mi nus pa ltar nang snyems byed kyi rtsa ba ma chod
par de'i rtsal las byung ba'i phyi 'khrul snang gi lha 'dre med par
byed mi nus te/_brag srin mos kyang /_rje btsun la/_'dre sems kyi
rtsa bar ma shes na/_/'dre nga bas mi tshad gzhan yang yod/_/khyod song
zhig byas pas nga mi 'gro/_/zhes sogs zhus pa ltar dang /_rje btsun
gyi zhal nas kyang /_'dre 'dre ru bzung na gnod pa yin/_/'dre sems

su shes na grol ba yin/_/'dre stong par rtogs na chod pa yin/_/
zhes dang*/_gdon gnod sbyin pho mo'i snang ba 'di/_/ma rtogs dus
na bdud yin te/_/tho 'tshams bar du gcod par byed/_/rtogs na
bdud kyang lha yin te/_/dngos grub thams cad khyod las 'byung /_/
zhes sogs gsungs pa ltar/_nang 'drer 'dzin gyi rtog pa rtsad nas
gcod pa la gcod gsungs pa yin gyi/_'dre gsod pa min/_'dre
rdung ba min/_'dre bskrad pa min/_'dre mnan pa min/_'dre rlag pa
min/_des na gcad bya phyi na med de nang na yod pa shes par bya
dgos so/_/
lar chos gzhan phal che ba'i lugs la phrin las kyi rno so/_drag
shul gyi nus mthu/_mda' rtse mdung rtse thams cad phyir la bskor
nas phyi dgra bgegs kyi steng du phrin las ston pa yin kyang /_rang
re'i chos lugs 'di la/_rje btsun mi la'i zhal nas kyang /_nga'i
chos lugs 'di bdag 'dzin rtsad nas bcad de chos brgyad rlung
la bskur nas bdud bzhi kha skyengs su 'jug pa'i chos lugs yin
gsungs pa ltar/_nyams su blangs tshad kyi kha nang la log nas nang
ngar 'dzin gyi steng du mthu rtsal nus pa thams cad yod dgu rtsal
sprugs su byed pa yin/_des na srungs shig skyobs shig brgya zer
ba las kyang /_zo zhig khyer cig gcig gis dga'/_lha srung brgya ra
mdar sbran pa las kyang /_lha 'drer brgyar za 'jug pa dga' ste/_ji

skad du/_nad pa 'dre la gtad pa yin/_/skyel ma dgra la bcol ba
yin/_/srungs shig skyobs shig brgya las kyang /_/zo zhig khyer cig
gcig gis dga'/_/a ma jo mo'i chos lugs yin/_/zhes gsungs/
des na nang 'drer 'dzin gyi rtsa ba bcad na snang ba dag par shar
nas bdud rigs chos skyong du gnas 'gyur/_chos skyong sprul skur
zhal bsgyur ba zhes bya ba de 'byung ba yin pa la/_de ltar ma shes par
da lta gcod byed par rlom pa rnams nas lha 'dre phyi na yod par
bsams te/_rtag tu 'drer 'dzin gyi snang ba dang ma bral bar bsdad
pas snang ba thams cad 'dre dang rgyal 'gong du shar te/_rang nyid
kyang blo sos mi dal zhing /_gzhan la yang phu ya ki na 'dre/_mda'
ma ki na 'dre/_'dre de red/_bdud de red/_btsan de red/_ngas rig
yod/_ngas bzung yod/_ngas bsad yod/_khyod la 'jab kyin 'dug
ngas bskrad yod/_phyi mig gcig bltas byung /_zer ba la sogs rdzun
gyi mgo skor kho na gtong zhing pho byas byas mo'i dpa' skad 'don/
de tsa na lha 'dre dang yi dwags rnams kyis kyang de'i rgyus lon te/_de
gar song du 'gro zhing /_bud med bla yangs ma la sogs pa rnams kyi
rgyud la brlams te/_nga lha yin/_nga 'dre yin/_nga shi bo yin/_nga khyod
kyi pha rgan yin/_ma rgan yin bya ba la sogs pa bden bden dang /
yin yin mo du ma bshad/_kha cig tu nga lha yin/_nga chos skyong yin/
nga dam can yin la sogs pa zer zhing rdzun lung dang mngon shes

du ma sgrogs par byed de/_'dres bla ma mgo g.yogs/_bla mas yon
bdag mgo g.yogs pa ni/_'jig rten pa'i kha skad la/_pha mgo
bus g.yogs bu mgo dgras g.yogs zer ba ltar/_snyigs ma'i rang
rtags mngon du gyur nas/_rgyal khams bdud kyi dbang byed pa yin
te/_o rgyan chen po'i lung bstan las/_snyigs ma'i dus na skyes pa'i
snying la pho 'dre 'jug_/bud med snyig la mo 'dre 'jug_/byis pa'i
snying la the'u rang 'jug_/btsun pa'i snying la dam sri 'jug_/bod mi
re'i snying la 'dre re 'jug_/ces pa ltar dang /_the'u rang lha ru mthong
ba'i dus bod sdug pa'i dus la babs pa yin/_zhes gsungs pa'i
lung bstan thog tu bab pa yin no/_/
des na phyi 'khrul snang lha 'dre bgegs kyi rnam pa ltar snang ba la
bden bden dang yin yin gyi rgyab skyor mi bya bar/_thams cad
kyang rmi lam dang sgyu ma lta bu'i rnam rol du rtsal sbyang /_gnas
skabs su gnod bya dang gnod byed ltar snang ba'i lha 'dre dang
nad pa gnyis ka yang /_las ngan dang 'khrul snang gi rgyu las byung
zhing gnod bya dang gnod byed du 'brel pa yin pas na nye ring
dang chags sdang mi bya bar/_gnyis ka la byams pa dang snying rje byang
chub kyi sems bsgom/_rang gi gces 'dzin dang bdag 'dzin rtsa
ba nas bcad de lus srog phangs pa med par lha 'dre'i gzan du
ster/_rgyud zhe sdang dang gdug rtsub zhi ste shes rgyud dam pa'i chos la

'khor ba'i chos bshad dang smon lam la sogs pa snying thag pa nas
byed/_mthar thug gnod bya dang gnod byed/_lhar snang dang 'drer
snang /_bdag gzhan gnyis su 'dzin pa'i re dogs dang chags sdang /
bzang ngan dang dga' sdug gi rtog pa thams cad rtsa gdar bcad
de/_ji skad du/_lha med 'dre med lta ba'i gdeng /_/yengs med 'dzin
med sgom pa'i gnad/_/blang med dor med spyod pa'i gnad/_/re med
dogs med 'bras bu'i gnad/_/zer ba ltar/_gcad bya gcod byed
thams cad chos nyid mnyam pa nyid kyi klong du gdal na/_nang snyems
byed gdon gyi rtsa ba chod de mthar thug don gyi chod tshad mngon du
'gyur ba yin no/_/
bdag med go yul yod kyang bdag rtog rags/_/
gnyis 'dzin spong blo byas kyang re dogs ldangs/_/
bdag dang bdag 'dra bdag lta'i sems can rnams/_/
bdag med gnas lugs rtogs par byin gyis rlobs/_/
tshogs bsags pa maN+Dal gyi khrid do/_/_/_/

ma'i byin rlabs lags pas drin du gzo bar mdzod/_/ces dang /
dge bshes kha rag sgom chung gi zhal nas/_bla ma 'jig rten dang
'jig rten las 'das pa'i dngos grub thams cad kyi byed pa por
ngo shes dgos zhes dang /_sde snod gsum shes kyang bla ma la mos gus
med na phan med/_ces gsungs/
khyad par gsang sngags rdo rje theg pa'i lam thams cad ni/_bla ma
kho na gal che ba yin pas/_bla ma'i rnal 'byor sgom pa yang rgyud sde
thams cad nas gsungs shing /_de nyid bskyed rdzogs sgom pa thams
cad las kyang lhag par gsungs te/_rgyud las/_gang gis bskal pa
bye ba ru/_/lha sku 'bum phrag bsgoms pa las/_/bla ma skad cig dran pa
mchog_/ces gsungs/
yang dgos rang bzhin rdzogs pa chen po snying thig rdo rje snying po'i
theg pa 'di las ni/_theg pa 'og ma ltar rtog spyod dang gtan
tshigs la sogs pa'i sgo nas zab mo'i don gtan la 'bebs pa
yang ma gsungs/_rgyud sde 'og ma ltar thun mong gi dngos grub la
brten nas mthar thug mchog la sbyor bar yang ma gsungs/_rgyud
sde gong ma gzhan ltar dbang gsum pa'i dpe'i ye shes la brten
nas don gyi ye shes ngo sprod pa yang rtsal du bton nas ma gsungs
te/_brgyud pa gser gyi nyag thag la dam sel gyi g.ya' yis ma
gos pa'i rtogs pa mchog ldan gyi bla ma kho na la/_sangs rgyas dngos

kyi 'du shes bzhag yid khyed shes kyis mos gus drag pos gsol
ba 'debs pa la brten nas thugs yid dbyer med du 'dres te/
byin rlabs 'pho ba'i stobs kyis rtogs pa rgyud la skye bar bzhed pa
yin te sngar drangs pa ltar/_don dam lhan cig skyes pa'i ye shes
ni/_/tshogs bsags sgrib pa dag pa'i lag rjes dang /_/rtogs ldan
bla ma'i byin rlabs kho na las/_/thabs gzhan bsten pa rmongs par
shes par bya/_/zhes dang /_sa ra has kyang /_bla mas smras pa gang gi
snying zhugs pa/_/lag pa'i mthil na gnas pa'i gter mthong 'dra/_/
zhes gsungs/
de bzhin du kun mkhyen chos kyi rgyal pos sgyu ma ngal gso las kyang /
bskyed rim dang rdzogs rim sgom pa la sogs pa rnams ni rang rang
gi lam gyi ngo bo des mi grol te/_de yang spyod pa dang bogs 'don
sogs la brten pa yin/_bla ma'i rnal 'byor ni rang gi lam gyi ngo bo
'di kho nas gnas lugs kyi rtogs pa rgyud la skyes te grol ba yin
pas na/_lam thams cad las bla ma'i rnal 'byor zab pa yin/_zhes
gsungs/_de skad du/_dam tshig bkod pa'i rgyud las kyang /_mtshan
dang dpe byad ldan pa'i lha/_/bskal pa 'bum du bsgom pa bas/_/bla ma
skad cig dran pa mchog_/bsnyen sgrub bzlas pa sa ya bas/_/bla ma'i
gsol 'debs lan gcig mchog_/ces dang*/_a ti bkod pa las/
drin dang ldan pa'i bla ma de/_/spyi bo'i gtsug gam snying gi dkyil/

/yan lag mthil du gang bsgoms pa/_/sangs rgyas stong gi dngos
grub kyang /_/gang zag de yis 'dzin par 'gyur/_/zhes dang /_rje
rgod tshang pa'i zhal nas/_bla ma'i rnal 'byor bsgom pa na/_/skyon zad
yon tan rdzogs par 'gyur/_/zhes dang /_bskyed rim bsgom pa mang
lags kyang /_/bla ma sgom pa'i gong na med/_/rdzogs rim bsgom pa
mang lags kyang /_/blo khel ling bskyur gong na med/_/ces gsungs/
de bzhin du 'bri gung skyob pa rin po ches kyang /_bla ma sku bzhi'i
gangs ri la/_/mos gus kyi nyi ma ma shar na/_/byin rlabs kyi chu rgyun
mi 'bebs pas/_/sems mos gus 'di la nan tan mdzod/_/ces
dang /_rje btsun rang rig ras pa'i zhal nas kyang /_rje la gsol ba
mi 'debs pa'i/_/mi rtog ye shes 'dod pa de/_/byang bstan phug par
nyi sgug 'dra/_/snang sems 'dres dus de la med/_/ces gsungs/
des na gnas lugs ma bcos pa'i rtogs pa rgyud la skye ba ni/
mos gus bla ma'i rnal 'byor kho na la brten nas rgyud la skye ba ma
gtogs thabs gzhan gang gis kyang rtogs mi nus pas na/_rje nA
ro pa yang /_theg pa gsum la mkhas pa'i paN+Di tar gyur/_mu stegs
kyi rgol ba thabs cad tshar bcad de/_bi kra ma shI la'i byang sgo srung
ba'i paN+Di ta mdzad pa'i dus su yang /_ye shes kyi mkha' 'gro mas
khyod tshig la mkhas pa yin gyi/_don la mkhas pa ma yin pas na/_da
dung yang bla ma bsten dgos so zhes lung bstan pa ltar/_dka' ba

du ma'i sgo nas te lo pa bsten pa'i tshe/_te lo pa'i zhal nas/_'di
tsam bstan yang mi go ba zhes gsungs te mchil lham gyis dpral
bar bsnun pas gnas lugs kyi rtogs pa skyes te bla ma dang
dgongs pa mnyam par gyur pa dang /
slob dpon 'phags pa klu sgrub kyis ngar snabs cig dor ba klu'i
byang chub kyis tsen gyis blangs nas longs spyad pas mchog gi
dngos grub thob par bshad pa dang /_de bzhin du rig 'dzin
'jigs med gling pa'i zhal nas kyang /_kho bos kyang rgyal ba gnyis
pa'i gsung rab mthong nas/_sangs rgyas dngos kyi 'du shes bcos
ma ma yin pa rgyud la skyes te phur tshugs su gsol ba btab pas/
ye shes kyi skus rjes su bzung ste rang byung gi rtogs pa rgyud la skyes/_/
dus de nas bzung ste zhu ba po brgya phrag thal ba la khrid btab pa
yin te/_brtson 'grus can 'jig rten pa'i bsam gtan las na
mi 'phar/_shes rab can rtog dpyod kyi phyogs su gol/_don dam
pa'i rtogs tshul mos gus kyi srang la theg pa sha stag byung ngo*/_/zhes
gsungs/
de bzhin du lo chen bai ro tsa na rgyal mo tsha ba'i rong du spyugs pa'i
tshe/_sprang rgan mi pham mgon po zhes bya ba rgan po lo brgyad cu 'gro
ba shin tu rgas shing 'khogs pa zhig la/_sgom thag lus la bcings/
sgom rten sked la btsugs te byin rlabs bla ma'i lam khyer 'di

bstan pas/_ka dag khregs chod kyi dgongs pa ma nor ba rgyud la
skyes te lus rdul phran du dengs nas sangs rgyas pa sogs yin
pas/_'di las lhag pa'i zab lam ni theg pa rim pa dgu'i chos
zhal bsdur kyang mi rnyed de ming du sngon 'gror btags kyang /_don
du dngos gzhi'i lam thams cad kyi gnad 'gag mthar thug pa de
yin pas/_dus dang rnam pa thams cad du 'di kho na la nyams len
gyi mthil bcol na/_nyams len gzhan ci yang med kyang rung ba
yin pas snying thag pa nas 'bad pa ci nas kyang gal che'o/_/
de lta bu'i zab lam bla ma'i rnal 'byor de nyid nyams su blang ba la
don gsum ste/_tshogs zhing gsal gdab pa/_yan lag bdun pa
'bul ba/_phur tshugs su gsol ba gdab pa las/_dang po tshogs
zhing gsal 'debs pa ni/_zhing khams sbyong ba sems stobs chen
po'i spyod yul yin pas snang bas gar khyab thams cad pad+ma 'od
kyi pho brang bkod pa mtshan nyid thams cad yongs su rdzogs par
gsal ba'i dbus su/_rang nyid dbang gi snod du rung ba dang /_bde
stong gi ye shes skyed pa dang /_rjes su 'dzin pa'i rten 'brel gyi
khyad par las/_ngo bo mkha' 'gro ye shes mtsho rgyal yin pa la/_rnam
pa rje btsun rdo rje rnal 'byor ma sku mdog dmar mo zhal gcig
phyag gnyis spyan gsum bla ma'i thugs kar rings pa'i tshul gyis
gzigs pa/_de yang rings pa'i tshul zer ba de bla ma mjal ba la

gcig tu dga' ba'i brel langs pa lta bu'i rnam 'gyur la zer ba
yin/_phyag g.yas na ma rig gti mug gi gnyid las slong bar byed
pa'i thod pa'i Da ma ru nam mkha'i dbyings su 'khrol ba/_g.yon
dug gsum rtsad nas gcod pa'i gri gug dkur brten pa/_sku
gcer mo rus pa'i rgyan can me tog gi chun 'phyang can snang la
rang bzhin med pa nam mkhar 'ja' tshon shar ba lta bu zhig bsgom/
de'i spyi bor mda' gang tsam gyi steng gi nam mkhar rin po che sna
tshogs las grub ba'i pad+ma 'dab ma 'bum brdal zhig bsgom/_de'i
steng du nyi ma'i dkyil 'khor/_de'i steng du zla ba'i dkyil 'khor/
de'i steng du ngo bo dus gsum sangs rgyas thams cad 'dus pa'i
ngo bo mtshungs med thugs rje'i gter mdzod dpal ldan rtsa ba'i bla
ma yin pa la/_rnam pa o rgyan rdo rje 'chang chen po sku mdog dkar
la dmar ba'i mdangs chags pa/_zhal gcig phyag gnyis zhabs
gnyis rgyal po rol pa'i stabs su bzhugs pa/_sku la za ber chos
gos phod ka gsol ba/_dbu la pad zhu mnabs pa/
de yang o rgyan rin po che'i dbu zhwa 'di la mi 'dra ba gsum yod
de/_o rgyan sangs rgyas gnyis pa de nyid lho nub 'o ma can gyi rgya
mtsho las pha yi rgyu las ma bskyed/_ma yi rkyen las ma grub/_pad+ma
ge sar gyi sdong por rig pa thol skyes su 'khrungs snang srid gzhir
bzhengs su rtogs dus/_mkha' 'gro ma rnams kyis rigs bdag gi

tshul du gsol ba la pad+ma kha 'bus zhes bya/_dur khrod chen po brgyad
du brtul zhugs kyi spyod pa mdzad de/_spyod pa legs nyes kyi mtha'
stong pa'i dus su mkha' 'gro ma rnams kyis che rtags kyi tshul du
gsol ba la sha ba'i mnyen zhu zhes bya/_za hor rgyal po gtsug lag
'dzin gyis gson bsregs mdzad pa'i tshe/_rdo rje'i sku la 'byung ba
me yi gnod pas ma tshugs te ngo mtshar pad+ma'i dbus na sku gcer
bu grang grang bsil bsil ltar bzhugs pa'i tshe/_rgyal po ngo mtshar
dang dad pa skyes nas/_za 'og ber mdzod gsar pa'i sgo phyes la/_/
nga yi zhwa gos thams cad khyer la shog_/ces zer te sku chas thams
cad dang rgyal srid 'bangs 'khor dang bcas pa 'bul dus kyi
dbu zhwa de la pad+ma mthong grol zer ba las/_'dir pad+ma mthong grol
lam 'dab ldan rigs lnga 'di nyid yin te/
de yang bskyed rdzogs zung 'jug mtshon pas phyi nang rim pa gnyis/
sku gsum mtshon pas yar rtse gsum/_sku lnga'i 'gro don mdzad pa
mtshon pas kha dog lnga/_thabs dang shes rab mtshon pas nyi ma dang
zla ba/_dam tshig la mu mtha' med pas mu khyud mthing ga_ting nge
'dzin g.yo 'gul med pas rdo rje'i tog_lta ba'i yang rtse rtogs
shing sgrub pa mtha' ru phyin pas rgod kyi rtse sgros brgyan pa/_de lta bu
zhig yin/_phyag g.yas gser gyi rdo rje thugs kar sdigs mdzub
kyis 'dzin pa/_g.yon mnyam bzhag gi steng na ka pA la 'chi med

ye shes kyi bdud rtsis bkang ba'i tshe'i bum pa dpag bsam ljon
shing gi kha rgyan dang bcas pa 'dzin pa/_mchan khung g.yon na yum
lha lcam mkha' 'gro'i dbang phyug sbas pa'i tshul gyi kha TAM ga 'dzin
pa/_kha TAM de yang ngo bo rang bzhin thugs rje gsum mtshon pa'i yar
rtse gsum/_chos sku longs sku sprul sku gsum mtshon pa'i thod pa skam
rlon rnyid gsum/_theg pa rim pa dgu mtshon pa'i rwa la lcags lung
dgu/_ye shes lnga mtshon phyir dar tshon sna lnga/_dur khrod chen po brgyad
du brtul zhugs kyi spyod pa mdzad de ma mo dang mkha' 'gro dbang
du bsdus pa'i brdar shi skra dang gson skra la sogs pas brgyan pa
de lta bu zhig gsal gdab/_de'i mtha' skor du 'od lnga'i drwa ba mig
mang ris su shar ba'i nang khong 'ja' 'od zlum 'khyil gyi dbus na/
rgya gar gyi rig 'dzin brgyad bod kyi rje 'bangs nyer lnga la sogs
rtsa gsum dam can rgya mtsho tha mal gyi snang ba rang 'gags su 'gro
ba zhig gsal gdab/
spyir bla ma'i rnal 'byor bsgom pa 'di la sgom lugs mi 'dra ba
gsum yod pa las/_skyabs 'gro'i dus tshogs zhing de bla ma tho
brtsegs su bsgom par bya ba yin te/_o rgyan chen po'i dbu gtsug
na rdzogs chen brgyud pa'i bla ma thams cad tho brtsegs su gsal
'debs pa yin/_rdor sems sgom bzlas kyi dus kyi de kun 'dus
nor bu'i lugs su bsgom par bya ba yin te/_rtsa brgyud kyi bla ma

thams cad bla ma rdo rje sems dpa' gcig la 'dus par sgom pa
yin/_bla ma'i rnal 'byor gyi skabs kyi 'di bla ma khrom tshogs su
sgom par bya ba yin te/_rdzogs chen brgyud pa'i bla ma thams cad
dang /[ · ]rtsa gsum dam can rgya mtsho thams cad o rgyan chen po'i sku'i
mtha' skor na khrom tshogs pa ltar bzhugs pa yin/_de nas/_e ma ho/
rang snang lhun grub dag pa rab 'byams zhing /_/sogs nas/_gsal
stong mnyam gnas chen po'i ngang du gsal/_/zhes tshig don 'brel
chags par gsal btab la/_de nas mos gus kyi gdung ba drag po
bskyed de/_hUM/_oM rgyan yul gyi nub byang mtshams/_sogs nas/_gu
ru pad+ma sid+d+hi hU~M/_zhes brjod ma thag tu zangs mdog dpal gyi ri
bo pad+ma 'od kyi pho brang rten dang brten par bcas pa thams cad
dngos su byon te/_rang gis bskyed pa'i dam tshig pa la chu la chu
bzhag pa ltar gnyis su med par thim par bsam/
gnyis pa yan lag bdun pa 'bul ba ni/
'di ltar rdo rje theg pa'i lam thabs mang ba dang /_dka' ba med pa
dang /_dbang po rnon po'i spyod yul yin pas/_sems stobs chen
pos tshogs bsags pa la rgyun chags su bslabs pas/_pha rol tu
phyin pa'i bskal pa chen po'i tshogs 'dir skad cig ma la 'dum

nas tshe gcig la sogs par grol ba yin no/_/de'i phyir gsang ba
bla na med pa'i tshogs zhing gi rab dang phul tu gyur pa yang rdo rje
slob dpon nyag gcig tu nges pas bla ma'i rnal 'byor dang rjes su
'brel bar byung la/_de la tshogs gsog pa'i sgo mtha' yas pa yan
lag bdun du 'du ba las/
dang po nga rgyal gyi gnyen po phyag 'tshal ba'i yan lag ni/
rang gi lus brgya stong grangs med pa zhing gi rdul gyi grangs snyed
cig sprul te nam mkha'i mtha' dang mnyam pa'i sems can thams
cad kyang rang dang lhan du phyag 'tshal bar bsam zhing /_hrIHbdag
lus zhing gi rdul snyed du//rnam par 'phrul pas phyag 'tshal lo//zhes
brjod/_de yang spyir khrid sbyang 'bum lnga tshang tsam byed pa rnams nas
skyabs 'gro sogs dang sbrel te phyag 'tshal kyang rung bas de ltar
byed pa'i phyag len kyang yod mod/_'on kyang phyag gi khrid dngos
'di yin pas bla ma'i rnal 'byor dang 'brel bar phyag 'tshal na ni
phun sum tshogs par 'gyur ro/_/de yang phyag 'tshal ba'i tshe lus kyi
sgo nas phyag 'tshal ba/_ngag gis phyag 'tshal dang gsol 'debs
kyi tshig 'don pa/_yid kyis ci mdzad khyed shes dang blo gtad ling
bskyur gyi mos gus dang bcas/_bdag dang sems can thams cad

lhan cig phyag 'tshal ba'i dmigs pa sogs lus ngag yid gsum
chun gcig dril du byed pa ni gnad che la/_de ltar ma yin par
kha yengs mig yengs sems phyi rol gyi yul gyi rjes su 'brangs/
g.yas phyogs nas 'gro 'dug dang smra brjod byed pa byung na mig
dang shes pa de phyogs su g.yeng zhing thal mo 'gram pa g.yon gyi
steng du sbyar/_g.yon phyogs su de bzhin byung na mig dang shes pa de
phyogs su g.yeng zhing 'gram pa g.yas kyi steng du thal mo sbyar ba lta
bu/_sems rnam g.yeng gi dbang du btang /_lus de kho nas khyo ro ro
phyag 'tshal 'dogs byed pa la ni/_rang gi gzugs por sdug gtad
pa tsam las snying po ci yang med pa shes par bya'o/_/
der ma zad phyag 'tshal tshe yang thal mo khong stong du pad+ma kha 'bus
pa lta bur sbyar dgos kyi/_thal mo la nang khong stong med par lag
mthil gnyis sprad de bca' ba dang /_sor rtse thug tsam byed pa
sogs ni mi rung ste/_thar pa chen po phyogs su rgyas pa'i mdo las/
pad+ma kha 'bus phye 'dra ba/_/lag gnyis spyi bor thal sbyar te/_/lus
dpag med pa'i sprin tshogs bcas/_phyogs bcu'i sangs rgyas la
phyag 'tshal/_/zhes dang /_yon tan mdzod las kyang /_bab col
goms pa min pa'i lus btud nas/_/snying gar gus bcas mngon
rtogs ngom pa la/_/me tog dogs pas rab bzung snyim pa'i snod/_/ga
bu chung gi brtul zhugs 'dzin pa yin/_/zhes gsungs/

de nas rim bzhin thal mo spyi bor sbyar bas lus kyi sgrib pa 'dag
mgrin par sbyar bas ngag gi sgrib pa 'dag_snying gar sbyar bas
yid kyi sgrib pa 'dag
de nas lus kyi ma lnga sa la phab pa zhes bya ba/_dpral ba dang gcig
lag mthil gnyis/_pus mo gnyis dang lnga po sa la phab ste phyag byas
pas/_nyon mongs pa dug lnga'i sgrib pa 'dag pa dang /_sku gsung
thugs yon tan phrin las lnga'i byin rlabs thob pa la sogs pa'i
dgos pa yod pas de ltar bya/_de nas yar langs pa'i tshe yang
rked pa drang por bsrangs te thal mo bcas nas yang sngar ltar phyag
'tshal dgos pa yin gyi/_thal mo legs par mi bca' bar lag pa
g.yug tsam byed pa dang /_pus mo dang dpral ba sa la mi reg par
sgur tsam byed pa dang /_yar ldang ba'i tshe rked pa legs por mi
bsrang bar sgur phyag byed pa sogs ni ma gus pa'i rnam 'gyur yin
pas gtan nas mi rung /
sgur phyag byas pa'i rnam smin gyis gyang ro khur zhes bya ba rgyab tu lba
ba chen po yod pa'i mi'u thung sgur te 'gro ba de lta bu'i lus len
par gsungs pas na/_phan yon yod du re nas phyag 'tshal ba yin
gyi/_lus ngan len byed du phyag 'tshal kyang mi dgos par 'dug
pas/_grangs mang po rang ma thub rung gang thub de dngos gtsang zhing
rnam par dag pa re e thon lta ba la 'bad dgos/_des na 'tshal

sla ba la bsams nas ri ngos lta bu'i gzar la gtad pa dang /_gad
'khris la sogs pa nas phyag 'tshal ba la ni snying po cung zad kyang
med do/
der ma zad da lta'i dus bla ma la sogs pa'i drung du mjal ba'i tshe/
phyag cung zad legs pa gcig btsal nas de nas sgur tsam gnyis
byed cing /_de nyid mi drag gi phyag yin pa skad byed de/_shes med
phal mo ches de'i rjes su slob pa ni shin tu tha chad pa yin/_chos
zhus pa'i don po tha na phyag gcig gi 'tshal lugs tshun chad ma
shes pa bla ma las nyan nas shes par bya zhing /_gang shes de dus dang
rnam pa thams cad du ma brjed par nyams su len dgos rgyu yin
pa la/_bya sla ba dang shes sla ba de tsam yang nyams su mi len na chos
zhus pa la don 'bras ci yang med pa'i phyir ro/_/
des na chos zhus pa'i don po phyag rdog gcig gi 'tshal lugs
tshun chad chos mi shes pa rnams las khyad par 'phags pa zhig
dgos te/_sngon rje btsun mi la bla ma rngog pa'i drung du chos zhur
phebs pa'i tshe/_bla ma rngog pas grwa pa mang po la rgyud brtag gnyis
gsung gin 'dug pa rje btsun gyis rgyang ring po nas mjal te phyag
'tshal bas/_bla ma rngog pa yang dgyes te/_dbu zhwa phud nas phyag lan
mdzad cing /_chos mtshams kyi rten 'brel kyang legs/_pha gi na phyag
'tshal ba 'di lho brag mar pa'i slob brgyud kyi phyag 'tshal lugs

su 'dug pas khong su yin dris shog gsungs/_lar bla ma bsten
nas chos zhus pa de snam bu tshos la 'phangs pa ltar sngar gyi de dang
ye mi 'dra ba/_bla ma dam pa de'i mdzad spyod ci 'dra ba de 'dra ba'i
rjes su slob pa zhig dgos rgyu yin/
dper na snam bu tshos su bcug pa de la tshos kha legs nyes tsam
yod pa srid kyang /_sngar tshos su ma bcug pa'i dus las mdog
gzhan du gtan nas ma 'gyur ba ga la srid/_da lta'i dus na chos
lan grangs brgyar zhus kyang shes rgyud sngar gyi de las spu gang gis
bzang du ma song zhing bya byed spyod pa thams cad 'jig rten pa las
cung zad kyang ma log pa ni chos dred dam nyams kyi rgyur song ba
zhes bya/_de 'dra de ni sdig can chos kyis thul kyang chos dred chos
kyis mi thul/_gyong po snum gyis thul kyang mar skogs snum gyis mi
thul/_gsungs pa ltar/_dge ba'i phan yon/_sdig pa'i nyes dmigs/
sangs rgyas kyi yon tan ci lta bu thos kyang /_de 'dra zer dar snyam
pa tsam las blo sna 'gyur ba'i nges shes dang dad pa cung zad kyang
skyer mi btub pas na/_rdzogs pa'i sangs rgyas dngos su byon kyang de
la phan gdags mi nus te/_o rgyan chen po'i zhal nas kyang /_chos
smras go dred khyer ba'i 'khor mi brten/_/dam tshig tshod yod byed
pa'i grogs mi 'grogs/_/zhes gsungs/
des na chos tshig gcig gi don shes kyang de nyid rang gi rgyud la

'dres ngo shes par nyams su len dgos/_bla ma bsten pa'i don po
bla ma de'i sku gsung thugs kyi mdzad spyod la blta zhing de'i rjes su
slob dgos te/_'jig rten pa'i kha skad la yang /_bya ba thams cad
lad mo yin/_/lad mo'i nang gi gang mkhas yin/_/zer ba ltar bla
ma de'i phyi nang gsang gsum gyi yon tan gang yod pa rang rgyud
la blangs nas/_dper na sAts+tsha brkos phor nas bton pa lta bu zhig
dgos pa yin no/_/
spyir phyag 'tshal zhes pa zhe sa dang gus pa'i rnam 'gyur tsam yin
pas/_phyag 'tshal tshul kyang mang zhing yul so so'i yul srol la nges
pa med kyang /_'dir rgyal ba'i bka' lung dang mthun pa'i phyag gi
'tshal lugs bla mas gsungs/_rang gis go zhing shes bzhin du sla
chos sam/_che 'gying gi dbang gis legs par mi 'tshal ba ni/_phyag
'tshal yul la ma gus pa'i brnyas bcos kyi rnam 'gyur yin pas/
khral phyag de 'dras ni nyes pa skyed pa tsam las dgos don ci yang
med par shes dgos so/_/
de ltar ma yin par tshul bzhin du phyag 'tshal ba ni/_phan yon tshad
med de/_sngon dge slong zhig bcom ldan 'das kyi dbu skra dang sen
mo'i mchod rten la phyag 'tshal ba la/_kun dga' bos de'i phan
yon bcom ldan 'das la zhus pas/_phyag lan cig 'tshal bas rang
gi lus kyis ci tsam non pa'i dbang chen gser gyi sa gzhi la ma

thug gi bar du rdul ci tsam yod pa de'i grangs kyi 'khor los sgyur
ba'i rgyal srid nyams su myong yang da dung de'i phan yon gyi mtha'
mi thug par gsungs/_de bzhin du mdo las/_bcom ldan 'das kyi
dbu'i gtsug tor bltar mi mngon pa ni/_bla mar bya ba'i skye bo la
gus par btud de phyag 'tshal ba las byung ngo /_/zhes gsungs te/
mthar thug rdzogs pa'i sangs rgyas kyi dbu'i gtsug tor bltar mi
mngon pa 'grub pa'i rgyur 'gyur ba yin no/_/
gnyis pa mchod pa 'bul ba'i yan lag ni/
dngos su rang gis ci 'byor pa'i mchod pa sngar maN+Dal gyi dus
bshad pa ltar dngos gtsang zhing rnam par dag pa ser snas ma
bcings shing tshul 'chos dang ngoms chos su ma song bar bshams
la des dmigs rten tsam byas te/_yid kyis nam mkha' dang sa
gzhi thams cad lha mi'i mchod rdzas/_me tog_bdug spos/_mar me/
dri chab/_zhal zas la sogs pa dang /_gzhal med khang dang /_yul
mkhar/_kun dga' ra ba/_rgyal srid bdun/_bkra shis rtags brgyad/
rdo rje'i lha mo bcu drug la sogs pas glu gar dang rol mo'i khyad
par byang chub sems dpa' kun tu bzang po'i mchod pa'i rjes su
'gro ba sprul dgos te/_de yang byang chub sems dpa' kun tu bzang

po'i ting nge 'dzin gyi mthu las/_rang gi thugs ka nas 'od zer kha
dog mi 'dra ba bye ba brgya stong sangs rgyas kyi zhing grangs med pa'i
rdul dang mnyam par spros/_'od zer de re re'i rtser yang byang chub
sems dpa' kun tu bzang po rang 'dra ba re re sprul/_de re re'i
thugs ka nas sngar dang 'dra ba'i 'od zer spro zhing /_de'i rtser kun
tu bzang po sprul pa sogs grangs med bsam gyis mi khyab pa'i bar
du spros te/_de dag re res kyang dpag tu med pa'i mchod rdzas kyi
rnam grangs bsam gyis mi khyab pas phyogs bcu'i rgyal ba sras dang
bcas pa la mchod pa ni/_'phags pa kun tu bzang po'i mchod pa'i
sprin phung zhes bya ba ste/_de 'dra ba rang gi blos ci lcog tu sprul te
'bul zhing /_dngos bshams yid sprul ting 'dzin gyis/_/snang srid
mchod pa'i phyag rgyar 'bul/_/zhes brjod/
de yang rang la 'bul ba'i nus pa yod na/_rgyal ba sras bcas
la bzhes pa'i nus pa yod pa yin pas/_'jig rten gyi khams na
bdag pos ma bzung pa'i lha dang mi'i longs spyod ji snyed yod pa
thams cad kyang blos blangs nas 'bul zhing /_yid kyis ci tsam
sprul nus pa de tsam du sprul nas phul na tshogs rdzogs pa la dngos
su 'byor pa dang khyad par spu tsam yang med pas/_mchod pa 'bul
ba la yo byad med snyam mi dgos shing /_des na dus dang rnam pa
thams cad du rang dang gzhan gyi yo byad ci yod pa dang ci mthong

ba thams cad la dang po dkon mchog gsum mchod/_rtsa brgyud kyi
bla ma mchod snyam pa'i blo sngon du gtong zhing /_tha na lam ka zhig na
chu dwangs mo zhig 'bab pa'am/_me tog gi thang zhig 'dug pa tshun
chad yid la 'babs pa'i dngos po gang mthong thams cad rang gi
blos blangs te dkon mchog gsum mchod snyam pa yid la byas na
tshogs zhar dang zhor la rdzogs pa yin pas de ltar bya dgos so/_/
gsum pa sdig pa bshags pa'i yan lag ni/
tshe 'khor ba thog ma med pa nas de ring yan chad du dran pa dang
mi dran pa'i sdig ltung /_lus ngag yid gsum gyi sgo nas mi dge ba
bcu mtshams med pa lnga/_de dang nye ba lnga/_lci ba bzhi/_log pa brgyad/
dkon mchog gi dkor la 'bag pa sogs kha na ma tho ba'i las ci
bsags pa thams cad gnong 'gyod drag pos mthol lo bshags
so/_/slan chad mi bgyid do snyam pa la sogs sngar rdor sems sgom
bzlas kyi dus su bshad pa ltar gnyen po stobs bzhi'i dag pa dran
pa'i ngang nas bshags pas/_sdig sgrib thams cad rang gi lce thog
tu nag phung gis 'dus pa la/_tshogs zhing lha tshogs kyi sku gsung
thugs las 'od zer byung ba phog pas dri ma bkrus pa bzhin dag
par bsams nas/_sgo gsum mi dge'i las rnams kun/_/'od

gsal chos sku'i ngang du bshags/_/zhes brjod/
bzhi pa phrag dog gi gnyen po rjes su yi rang
ba'i yan lag ni/
rgyal ba rnams kyis sems can gyi don du chos kyi 'khor lo chen
po bskor ba dang /_byang chub sems dpa' rnams kyi spyod pa rlabs
po che/_sems can rnams kyi bsod nams dang thar pa cha mthun gyi
dge ba/_rang gis sngar byas pa/_da lta byed bzhin pa/_phyis byed par
nges pa thams cad la snying thag pa nas dga' ba chen pos rjes su
yi rang ba bsgom zhing /_bden pa gnyis kyis bsdus pa yi/_/dge
tshogs kun la rjes yi rang /_/zhes brjod/
de yang kun rdzob kyi bden pa dang don dam gyi bden pa gnyis la
ma 'dus pa'i chos ni theg pa rim pa dgu la sogs pa gang na yang
med pas/_de gnyis kyis bsdus pa'i rang gzhan thams cad kyi dge
ba zag bcas dang zag pa med pa thams cad la rjes su yi rang ba
yin no/_/de lta bu'i rjes su yi rang ni phan yon tshad med de/_sngon
rgyal po gsal rgyal gyis bcom ldan 'das 'khor dang bcas pa
la zla ba bzhir gdugs tshod la spyan drangs te longs spyod thams

cad kyis mchod pa'i tshe/_slong mo byed pa'i dbul mo zhig yod pa
des bsam pa la/_rgyal po gsal rgyal 'di sngon yang bsod nams
bsags pa'i mthus longs spyod dang 'byor pa 'di tsam gyi bdag /
por gyur/_ston pa khyad par can 'di 'dra ba'i bsod nams kyi zhing
dang mjal/_da dung yang bsod nams kyi tshogs rgya chen po 'di lta
bu bsags pa ni ngo mtshar che'o snyam du snying thag pa nas rjes su yi
rang ba kho na bsgoms pas bsod nams tshad med pa thob pa bcom
ldan 'das kyis mkhyen nas/_dgongs mo yon bsngo mdzad pa'i tshe/
rgyal po la khyod kyis bsod nams bsags pa'i dge rtsa 'di khyed
rang la bsngo'am/_khyod las ches bsod nams thob pa de la bsngo
gsungs pas/_rgyal pos dge rtsa su che yang de la bsngo ba mdzad par
zhus pas/_dbul mo de'i ming nas bzung ste yon bsngo bar mdzad/
zhag gsum gyi bar du de ltar mdzad pas rgyal po ma dga' ste/_de
ltar mi mdzad pa'i thabs blon po rnams dang bgros pas sang nyin
thub pa 'khor bcas la bsod snyoms 'dren pa'i tshe/_bza' ba dang
bca' ba la sogs snod kyi phyi rol du mang po pho nas/_de dag slong
mo ba rnams kyis len pa na rgyab rdung mang po byas te len ma bcug
na/_des phan nam zer/_de ltar byas pas snga sor rjes su yi rang
'bul mkhan gyi dbul mo de yang kha zas bo ba rnams len du 'ong
ba la len ma bcug par rgyab rdung byas pas/_dbul mo khong khro skyes

pas dge rtsa 'joms te/_de nyin rgyal po'i ming nas bzung ste yon
bsngo mdzad pa yin/
des na mi dge ba dang dge ba'i rnam grangs lus ngag gi lag len
gyi steng na cung zad kyang med de rang gi bsam pa kho nas bzhag pa/
sngar yang nas yang du smos pa ltar yin pas na/_gzhan gyi dge ba
byed pa la 'gran sems dang /_ngas de lta bu'i dge ba byas so snyam
du nga rgyal ba la sogs pa 'jig rten tshe 'di'i lo 'dod dang chos
brgyad kyi dug gis khyab pa'i dge ba rgya gang che byed khul byed pa
las/_bsam pa rnam par dag pa'i sgo nas gzhan gyi dge ba byed
pa thams cad la bltas te snying thag pa nas rjes su yi rang ba sgom
zhing de'i dge rtsa rdzogs pa'i byang chub tu bsngos na de kho na tshogs
che ba yin te bcom ldan 'das kyis rgyal po la gdams pa'i mdo
las rgyas par gsungs so/_/
de bzhin du chags med rin po ches kyang /_gzhan gyi dge ba byed
pa thos pa'i tshe/_/de la phrag dog mi dge'i sems spangs nas/_/snying
nas dga' bas rjes su yi rang na/_/de yi bsod nams mnyam du
thob par gsungs/_/zhes dang /_sdud pa las kyang /_stong gsum ri
rab srang la gzhal bas tshad gzung rung /_/rjes su yi rang dge ba
de ni de lta min/_/zhes sogs gsungs pas na rjes su yi rang ba
'di bya sla la chod che ba'i chos yin pas dus dang rnam pa thams

cad du nyams su blang ngo /_/
lnga pa chos kyi 'khor lo bskor bar skul ba'i yan lag ni/
sangs rgyas dang byang chub sems dpa' bla ma dge ba'i bshes
gnyen la sogs pa gzhan don rlabs po che'i khur bzod pa rnams/
'gro ba'i log sgrub dang skyo ngal gyis thugs sun nas chos mi
gsung bar zhi bder gzhol ba dag gi drung du/_bdag kyang lus
bye ba brgya stong grangs med par sprul nas/_'khor lo dang nor bu la
sogs pa phul nas chos kyi 'khor lo bskor bar gsol ba gdab
par bsam zhing /_theg gsum chos 'khor bskor bar bskul/_/zhes
brjod/
de yang spyir nyan thos rang rgyal byang chub sems dpa'i theg pa
gsum du rgyal ba'i chos thams cad 'dus pas de'am/_yang na
phyi kun 'byung 'dren pa'i theg pa nyan thos rang rgyal byang sems
gsum/_nang dka' thub rig byed kyi theg pa kri ya u pa yo ga
gsum/_gsang ba dbang sgyur thabs kyi theg pa ma hA a nu a ti
gsum ste/_theg pa gsum la nang gses dgur dbye ba de dag
gdul bya gang la chos gang gis 'dul ba de lta bu'i chos 'khor

bskor bar gsol ba 'debs pa yin no/_/
drug pa mya ngan las mi 'da' bar gsol ba
'debs pa'i yan lag ni/
zhing khams 'di dang gzhan dag tu bla ma dang sangs rgyas byang chub
sems dpa' gang dag sems can gyi don mdzad zin nas mya ngan
las 'da' bar bzhed pa dag gi mdun du/_sngon dge bsnyen tsun
das gsol ba btab pa ltar/_bdag gi lus mang po sprul te gsol
ba btab pas/_'khor ba ma stongs kyi bar du bzhugs nas sems
can gyi don mdzad par bsams la/_ji srid 'khor ba ma stongs
bar/_/mya ngan mi 'da' zhugs gsol 'debs/_/zhes brjod/_/
bdun pa bsngo ba'i yan lag ni/_da ltar gyi dge bas mtshon nas
rang gzhan gyi dus gsum dang 'brel bar bsags pa'i dge ba
thams cad sems can thams cad kyi don du 'jam dpal gzhon
nus yongs bsngo ltar dmigs pa med pa'i shes rab kyi rgyus
'debs pa dang bcas/_dus gsum bsags pa'i dge rtsa kun/_/
byang chub chen po'i rgyu ru bsngo/_/zhes brjod/

de lta bu'i bsngo ba 'di ni dus dang rnam pa thams cad du dge rtsa
che phra gang byas kyi mjug tu ma brjed par nyams su len dgos te/
de ltar ma bsngos na dge ba'i rtsa ba gang 'grub de dge 'bras lan
cig smin nas zad par 'gyur la/_mthar thug byang chub thob pa'i
rgyur bsngos na/_dge 'bras lan brgyar myangs kyang dge rtsa de rdzogs
pa'i sangs rgyas kyi go 'phang ma thob par mi zad cing gong nas gong
du 'phel bar 'gyur ba yin te/_blo gros rgya mtshos zhus pa'i mdo
las/_ji ltar chu thigs rgya mtsho che nang lhung /_/rgya mtsho ma zad bar
du de mi 'dzad/_/de bzhin byang chub yongs bsngos dge ba yang /_/
byang chub ma thob bar du de mi 'dzad/_/ces gsungs/
de bzhin du rang gis mthar thug nyan thos rang rgyal rdzogs pa'i
byang chub la sogs pa'i go 'phang thob par 'dod pa'am/_de bzhin
du mngon mtho lha mi'i lus rten thob par 'dod pa'am/_gzhan yang
tshe ring ba dang gzugs bzang ba la sogs pa gnas skabs kyi
'bras bu rnams gang rung la dmigs nas dge rtsa zhig bsgrubs
kyang /_de nyid de'i ched du bsngo dgos te/_'bri gung skyob pa rin po
che'i zhal nas/_tshogs gnyis yid bzhin nor bu la/_/smon lam gyi
byi dor ma byas na/_/dgos 'dod kyi 'bras bu mi 'byung bas/_/mjug
bsngo ba 'di la nan tan mdzod/_/ces gsungs/
des na rang gi dge ba byas pa rdzogs pa'i byang chub kyi rgyur 'gyur

mi 'gyur bsngo ba'i dbang las 'byung ba yin/_'dus byas kyi dge
ba ci tsam rgya che ba bsags kyang bsngo bas kha ma bsgyur na thar pa'i
lam du mi 'gro ste/_dge bshes khams pa lung pa'i zhal nas/_'dus
byas kyi dge ba thams cad lung ma bstan yin pas/_sems can gyi
don du smon lam rgya chen po thob/_ces gsungs/_de bzhin du rang
gi pha ma dang nye 'brel la sogs pa'i ched du dge ba byed pa dang /
shi bo la sogs pa'i don du dge ba byed pa yang ma bsngos na mi thob
la/_bsngos na ji ltar bsngos pa de ltar thob ste/
sngon yangs pa can gyi grong khyer na yod pa'i skye bo rnams kyis
bcom ldan 'das sang nyin kyi gdugs tshod la spyan drangs te/_spyan
'dren pa dag slar song ba'i rjes su yi dwags lnga brgya 'ong nas/
bcom ldan 'das la sang nyin yangs pa can pa dag gis bcom
ldan 'khor bcas la bsod snyoms phul ba'i dge rtsa de nged rnams
la bsngo bar zhu zer/_bcom ldan 'das kyis mkhyen bzhin du khyed
rnams su yin/_yangs pa can pa'i dge rtsa dag khyed rnams la ci'i
phyir bsngo/_gsungs pas/_nged rnams yangs pa'i grong gi skye bo 'di
dag gi pha ma rnams yin te/_ser sna'i las kyis yi dwags su skyes
pa yin zer/_'o na sang nyin bsngo ba byed pa'i dus su khyed rnams
kyang shog cig dang bsngo bar bya'o gsungs pas/_nged rnams lus
ngan 'di lta bu blangs pas ngo tsha nas 'ong mi phod par 'dug zer/

bcom ldan 'das kyi zhal nas/_khyed rnams las ngan bsags pa'i
dus su ngo tsha dgos rgyu yin pa la/_de dus ngo ma tsha nas da lus
ngan blangs tshar steng ngo tsha bas ci phan/_mi 'ong na bsngo ba'i thabs
med gsungs/_'o na 'ong lags zer nas song /_sang nyin bsngo ba'i
dus yi dwags rnams bsngo ba zhu ba la 'ong bas/_yangs pa can gyi
skye bo rnams skrag nas bros pa na/_bcom ldan 'das kyi zhal nas
khyed rnams skrag mi dgos/_'di dag khyed rang tsho'i pha ma rnams yi
dwags su skyes pa yin te/_'di dag gis 'di ltar zer bar 'dug
pas/_dge rtsa bsngo'am mi bsngo gsungs/_'o na cis kyang bsngo bar
zhus pas/_bcom ldan 'das kyis/_sbyin pa 'di yi dge rtsa gang /_/
de dag yi dwags rjes su song /_/yi dwags lus ngan med pa dang /_/
mtho ris bde ba thob par shog_/gsungs pas yi dwags de dag tshe
'phos te/_sum cu rtsa gsum gyi lha yul du skyes par gsungs/_de
bzhin du rje btsun mi la'i zhal nas kyang*/_ri la sgom pa'i sgom
chen dang /_/'tsho ba sbyor ba'i yon bdag gnyis/_/sangs mnyam por
rgya ba'i rten 'brel yod/_/rten 'brel gyi snying po bsngo ba yin/_/zhes
gsungs/
de ltar bsngo ba byed pa de yang rdzogs pa'i byang chub kyi rgyur bsngo ba
byed pa la ni/_'khor gsum dmigs pa med pa'i shes rab kyi rtsis
zin dgos te/_de ltar ma yin par 'khor gsum la bden zhen gyi

dri mas bslad na bsngo ba dug can pa zhes bya ste/_sdud pa las/_ji
ltar dug dang 'dres pa'i kha zas bzang za ba/_/dkar po'i chos la
dmigs pa'ang de 'drar rgyal bas gsungs/_/zhes so/_/
de yang 'khor gsum ni/_gang bsngo rgyu'i dge rtsa/_su'i ched du bsngo
ba'i gang zag_ci'i phyir bsngo ba'i dmigs yul dang gsum yin te/
de gsum la bden med rtogs pa'i shes rab kyis zin pa'i bsngo
ba dug med dngos de so so'i skye bo'i sa 'dir mi 'ong bas na/_sngon
gyi sangs rgyas dang byang chub sems dpa' dag gis ji ltar bsngos
'khor gsum yongs dag pa de ltar bsngo' snyam nas bsngos na/
gi bsngo ba'i go chod de/_ltung bshags las kyang /_ji ltar 'das
pa'i sangs rgyas bcom ldan 'das rnams kyis yongs su bsngos
pa dang /_ji ltar ma byon pa'i sangs rgyas bcom ldan 'das rnams
kyis yongs su bsngo bar 'gyur ba dang /_ji ltar da ltar bzhugs
pa'i sangs rgyas bcom ldan 'das rnams kyis yongs su bsngo bar
mdzad pa de bzhin du bdag gis kyang yongs su bsngo bar bgyi'o/_/
zhes dang /
bzang spyod las kyang /_'jam dpal dpa' bos ji lngar mkhyen pa
dang /_/kun tu bzang po de yang de bzhin te/_/de dag kun gyi rjes su
bdag slob cing /_/dge ba 'di dag thams cad rab tu bsngo/_/zhes
gsungs/_de bas na dge ba rdzogs pa'i byang chub kyi rgyur 'gyur

ba'i gnad ma chug pa ni mjug bsngo ba'i rgyas yongs su thebs pa
'di kho na la rags las pa yin pas na rnam pa kun tu 'bad par
bya'o/_/
gsum pa phur tshugs su gsol ba 'debs shing rgyu
rdo rje bzhi'i ngo bor sgrub pa ni/
'di ltar dpal mgon bla ma dam pa ni/_dkyil 'khor gang du he ru
ka'i ngo bor dbang rdzogs/_mthong ba dang thos pa dang dran pa dang
reg pa tsam gyis thar pa'i sa bon 'debs shing /_sangs rgyas thams
cad dang 'phrin las kyi byed pa gcig pas dkon mchog bzhi
par byon/_rang ngor tshe gcig lus gcig la smin grol zab mo'i
lam dang thugs rje byin rlabs kho nas rdo rje 'chang gis sar btsan
thabs su bkod pas sangs rgyas las kyang bka' drin mchog tu
lhag cing /_yon tan gyi sgo nas gzhal na dgongs pa nam mkha'
ltar rgya che/_mkhyen brtse rgya mtsho ltar tshad med/_thugs rje chu klung ltar
shugs drag_rang bzhin ri rgyal ltar thugs brtan/_'gro bar pha ma
ltar thugs snyoms shing*/_yon tan re re'i cha yang dpag tu mi nus
la/_gsol ba btab pa tsam gyis ci 'dod kyi dngos grub thams

cad 'bad med du 'byung ba yid bzhin gyi nor bu rin po che khyed
la brten/_khyed la re/_khyed gcig bsgrub snyam pa'i mos gus mchi ma
'khrugs pa dang bcas/_dang po dngos grub bsgrub pa'i dus su/_rje
btsun gu ru rin po che/_/khyed ni sangs rgyas thams cad kyi/_/sogs
nas/_rje btsun chen po pad 'byung mkhyen/_/bar song nas/_gsol
'debs rgyud bskul gyi 'dzab badzra gu ru kho na la 'bad/_sid+d+hi brgya
re song mtshams/_rje btsun gu ru rin po che/_/la sogs pa sngar ltar
bya/_de ltar bsnyen pa ci tsam bzla ba'i phyed tsam song nas/_dngos
grub skul ba'i dus su/_sid+d+hi phreng skor re'i mtshams su/_bdag la
re sa gzhan na med/_/sogs nas/_sgrib gnyis sbyongs shig nus mthu
can/_/yan chad tshar re bya/
de nas dngos grub zhu ba'i dus su dbang bzhi len pa'i dmigs pa
bya ba ni/_gu ru'i smin mtshams nas oM yig chu shel lta bu 'tsher ba
las 'od zer 'phros/_rang gi spyi bo nas zhugs/_lus kyi las srog
gcod ma byin len pa 'dod pas log par g.yem pa gsum dang /
lus skyed byed rtsa yin pas rtsa'i sgrib pa dag_sku rdo rje'i byin rlabs
zhugs pa sogs nas/_sprul sku'i go 'phang thob pa'i skal ba rgyud
la bzhag par bsam/_yang mgrin pa nas AHyig pad+ma rA ga ltar
'bar ba las 'od zer 'phros/_rang gi mgrin pa nas zhugs/_ngag
gi las rdzun phra ma tshig rtsub ngag kyal bzhi dang /_ngag 'phel byed

rlung yin pas rlung gi sgrib pa dag_gsung rdo rje'i byin rlabs zhugs/
sogs nas/_longs spyod rdzogs sku'i go 'phang gi skal ba rgyud la
bzhag par bsam/_yang thugs ka'i hUM yig nam mkha'i mdog can
las 'od zer 'phros/_rang gi snying ga nas zhugs/_yid kyi las
brnab sems gnod sems log lta gsum dang /_yid 'phel byed
thig le yin pas thig le'i sgrib pa dag_thugs rdo rje'i byin rlabs
zhugs sogs nas/_chos sku'i go 'phang gi skal ba rgyud la bzhag
par bsam/_slar yang thugs ka'i hUM las hU~M yig gnyis pa zhig
skar mda' 'phangs pa bzhin du chad/_rang sems dang tha dad med
par 'dres/_sgo gsum gyi rten gzhi kun gzhi'i las dang shes bya'i
sgrib pa dag_ye shes rdo rje'i byin rlabs zhugs sogs nas/_mthar
thug gi 'bras bu ngo bo nyid sku'i go 'phang gi skal ba rgyud la bzhag
go_zhes brjod cing bsams te/_mthar thugs yid dbyer med du
bsres nas mnyam par bzhag
thun bsdu ba'i tshe/_nam zhig tshe yi dus byas tshe/_/sogs nas/_bsam
don 'grub par mdzad du gsol/_/zhes brjod pa dang mnyam du mos
gus dung dung ba zhig byas pas/_gu ru rin po che'i zhal 'dzum pa
dang spyan rjes chags su g.yo ba'i ngang nas thugs ka nas 'od zer
dmar po drod tsha lam gyis 'bar ba zhig 'thon/_rang rdo rje rnal
'byor mar gsal pa'i snying gar reg pa'i mod la 'od kyi gong bu

sran ma tsam du gyur/_de nyid mthar me stag yar ba bzhin du thag sgra
dang bcas gu ru rin po che'i thugs kar 'dres pa'i ngang la mnyam
par bzhag_
rjes la snang srid thams cad bla ma'i rnam rol du gsal zhing /_dge
ba 'di yis myur du bdag_/dpal mgon bla ma 'grub gyur nas/_/
sogs bsngo ba dang /_zangs mdog dpal ri'i smon lam 'don par
bya'o/_/
de lta bu'i bla ma'i rnal 'byor de yang 'gro ba'i tshe phrag pa g.yas kyi
nam mkhar bsgom/_de bskor ba byed pa'i rten yin/_'dug pa'i tshe
spyi bo'i gtsug gi nam mkha' la bsgom/_de gsol ba 'debs pa'i
rten yin/_za 'thung byed pa'i tshe mgrin pa'i dbus su bsgom/_de
ci za ci 'thung gi phud mchod sa yin/_nyal ba'i tshe snying gi dbus
su bsgom/_de shes bya bum 'jug gi gnad bsdus pa yin/_mdor
na dus dang rnam pa thams cad du gang du 'dug pa'i gnas zangs
mdog dpal gyi ri bo dngos yin snyam pa'i dran 'dzin dang /_snang
ba thams cad bla ma'i skur sbyangs te mos gus bya/_na tsha dang gdon
bgegs mi 'dod pa la sogs pa byung na bdag gi las ngan 'dzad
pa'i thabs su bla ma'i thugs rjes gnang pa yin snyam du dga' ba
bsgom zhing spang blo mi bya/_skyid la zos bde dge sbyor 'phel ba la
sogs byung na/_de dag kyang bla ma'i thugs rjer shes te/_nga rgyal dang

dga' brod med par bya/_ting nge 'dzin bsgom pas skyo dub dang bying
rgod la sogs pa byung na/_bla ma'i thugs dang rang gi rig pa dbyer
med du bsres te gnas lugs lta ba'i rang mdangs bskyangs shing /
gsol 'debs bsnyen pa badzra gu ru la chig dril bya/_de ltar byas
na snang ba thams cad lha dang bla mar 'char zhing /_spyod lam thams
cad dge bar 'gyur ba yin te/_rje mi la'i zhal nas/_nga 'gro na
snang ba lam du 'khyer/_/tshogs drug rang grol kyi 'gro lugs yin/
/sdod na ma bcos rnal mar sdod/_/snying po don gyi sdod lugs yin/
/za na stong nyid kyi zas la za/_/gzung 'dzin spangs pa'i za lugs
yin/_/'thung na dran shes kyi chab la 'thung /_/rgyun chad med pa'i
'thung lugs yin/_/zhes gsungs/
der ma zad gsang sngags rdo rje theg pa'i lam la zhugs nas/_dam
tshig nyams chags byung na gso ba dang*/_bskyed rdzogs rdzogs chen
la sogs pa'i lam thams cad bsgom pa la dbang ba dang /_gegs
dang gol sa mi 'byung ba dang /_yon tan gyi tshogs gong nas gong du
'phel ba la sogs pa thams cad kyang rtsa ba smin byed kyi dbang la
thug pa yin te/_ji skad du/_gsang sngags dbang la ma bsten 'grub
par mi 'gyur te/_dper na mnyan pa lag skya med pa bzhin/_zhes
dang /_dbang ma bskur la dngos grub med/_/bye ma btsir las mar
mi 'byung /_/zhes gsungs/

de yang dang po mtshan nyid ldan pa'i rdo rje slob dpon gyis/_dkyil
'khor du bcug nas dbang bskur ba de gzhi'i dbang yin la/_bla
ma'i rnal 'byor la brten nas gzhan rkyen la ltos pa med par rang
nyid kyis dbang bzhi len pa ni lam dbang yin/_mthar thug 'bras
bus 'od zer chen po'i dbang ngam zab gsal gnyis med kyi
dbang bskur thob nas/_mngon par rdzogs pa sangs rgyas pa 'bras
bu'i dbang ngo /_/de la yang dag rdzogs smin gsum gyi zab gnad
bsam gyis mi khyab pa dang ldan pa yin pas/_dngos gzhi nyams su
len pa'i tshe yang spyir sngon 'gro'i chos thams cad 'dor du mi rung
mod kyang /_khyad par bskyed rdzogs sogs sgom pa'i tshe bla ma'i rnal
'byor la brten nas lam dbang blang ba 'di thun re'i mgor yang
ma chag par bya ba ni gnad dam pa'o/_/
de ltar na mos gus dang dam tshig rnam par dag pa gang zhig 'di
yan chad kyi lam mthar phyin pas kyang dngos gzhi la mi ltos par
rnga yab dpal gyi ri bor dbugs dbyung /_dag pa'i zhing khams
der rig 'dzin rnam pa bzhi'i lam nyi zla'i bgrod pa las kyang myur
bas kun tu bzang po'i sa la phyin par 'gyur ro/_/
'di dag gi skabs su nyan pa po spro ba bskyed pa la sogs pa'i ched
du nang rgyud yo ga gsum gtso bor gyur pa'i bstan pa'i byung tshul
lo rgyus kyi sgo nas rgyas bsdus 'tshams pa re gsung srol yod pa

'dir yang cung zad 'god na/_de yang snga 'gyur nang pa bskyed
rdzogs rdzogs chen gsum ma hA a nu a ti gsum du grags pa'i
rgyud sde 'di dag gi bstan pa'i babs tshul la gsum ste/_rgyal ba
dgongs pa'i brgyud pa/_rig 'dzin brda yi brgyud pa/_gang zag
snyan khung du brgyud pa dang gsum mo/_/
dang po rgyal ba dgongs pas brgyud pa ni/
gdod nas ye sangs rgyas pa'i ston pa kun tu bzang po nyid kyi
thugs rje'i rnam par 'phrul pa tshad med pa las/_sangs rgyas thams
cad kyi zhing khams dang gnas dang ston pa sku bzhir snang ste/_nyid
las mi gzhan pa'i 'khor sku lnga lhun grub kyi rig 'dzin dang /_rgyal
ba rgya mtsho'i tshogs bsam gyis mi khyab pa rnams la chos thams
cad tshig dang brda'i sgo nas ma gsungs kyang /_thugs rje chen po
rang rig pa ye shes kyi rang gdangs 'bad med lhun grub tu gsal
ba nyid las ston pas mi gsung bar gsungs pa na/_'khor rnams
kyis don gyi dgongs pa phyin ci ma log pa'i don mngon du gyur te
spangs rtogs kyi yon tan dbyer med par gyur pa'o/_/
de nyid go rtogs kyi skal pa dang mi ldan pa rnams la lam stegs
kyi theg pa gzhan gsungs pa'i tshul ni/_spyir 'jig rten gyi khams

bsam gyis mi khyab par gang la gang 'dul gyi sprul pa grangs med
du sprul nas 'gro ba'i don mdzad la/_bye brag tu rigs drug gi
gdul bya rnams la sprul sku thub pa drug gi tshul gyis 'dul bar
mdzad/_khyad par 'dzam bu'i gling 'dir sangs rgyas shAkya thub pa de
nyid kyis lha dang mi yul du chos kyi 'khor lo rim pa gsum bskor
te/_rgyu mtshan nyid kyi theg pa 'dul ba mdo sde mngon pa rnams dang /
sngags phyi pa kri ya u pa yo ga la sogs pa gsungs pa ste/_de yang
ji skad du/_nyon mongs 'dod chags 'dul ba'i gnyen po ru/
'dul ba'i sde snod nyi khri chig stong gsungs/_/nyon mongs zhe sdang
'dul ba'i gnyen po ru/_mdo sde'i sde snod nyi khri chig stong gsungs/
nyon mongs gti mug 'dul ba'i gnyen po ru/_/mngon pa'i sde snod
nyi khri chig stong gsungs/_/dug gsum cha mnyam 'dul ba'i gnyen
po ru/_sde snod bzhi pa nyi khri chig stong gsungs/_/zhes pa ltar ro/_/
/
gnyis pa rig 'dzin brda yis brgyud pa ji ltar byung ba ni/
bcom ldan 'das shAkya thub pa nyid kyis mya ngan las 'da' khar
gsang sngags bla na med pa'i bstan pa phyis 'byung bar lung bstan
te/_nga ni 'di nas mi snang nas/_/lo ni brgyad dang nyi shu'i tshe/_/lha
gnas gsum du grags pa yi/_/bstan pa'i snying po dam pa zhig_/

'dzam gling shar gyi phyogs mtshams kyi/_/mi las skal ldan rigs
can te/_/rgyal po dza zhes bya ba la/_/sngon ltas bzang po snang bar
'gyur/_/drag shul can zhes bya ba'i rir/_/grogs kyi sems can
dman pa'i rigs/_/lang+ka'i bdag po la sogs par/_/lag na rdo
rjes snang bar 'gyur/_/zhes lung bstan nas sku mya ngan las 'da'
tshul bstan/_de nas lung bstan pa dang mthun par nang pa bla med
kyi bstan pa bskyed rdzogs gsum byung ste/_chos ma hA yo ga'i rgyud
rnams ston pa gshegs nas lo nyi shu rtsa brgyad na/_rgyal po dza la rmis
ltas bdun byung ste/_rang gi khang steng du rin po che gser gyi glegs
bam la baiDUr zhun mas yi ger bris pa'i gsang sngags rgyud sde'i
pusti mang po dang /_phyag rdor gyi sku khru gang pa zhig rnyed do/_/gsol ba
btab pas rdo rje sems dpa' zhal mthong gi le'u shes nas de dang
phyag rdor gyi sku la brten te zla ba drug bsgrubs pas/_rdo rje sems
dpa'i zhal mjal byin gyis brlabs pas/_glegs bam rnams kyi
don ma lus pa mkhyen te de las rim par dar ro/_/
lung a nu yo ga'i byung tshul ni/_yang dus de'i tshe dam pa'i rigs
can dra ma lngas ri ma la ya'i rtse mor phyogs bcu'i bud+d+ha thams cad
yid la byas te/_kye ma kyi hud kye ma klong /_/ston pa sgron ma'i 'od
nub na/_/'jig rten mun pa gang gis sel/_/zhes pa la sogs pa'i
gdung tshig nyer gsum bton pas/_de bzhin gshegs pa thams

cad kyis gsang ba'i bdag po la bskul te/_gsang ba'i bdag po
khyod nyon cig_/_sngon gyi go cha yal lam ci/_/lo ka'i sdug bsngal mi
shes sam/_/snying rjes sa la babs nas kyang /_/lo ka'i gdung ba sel
bar gyis/_/zhes bskul pas/_gsang bdag gis gsungs par zhal
gyis bzhes te/_thog ma tha ma med pa ru/_/bdag gis dam bca' mi
'dor ba'i/_/skul ba'i dus ni gang byung ba/_/bdag kyang de bzhin
cho 'phrul snang /_/zhes gsungs nas ri ma la ya'i rtser dam pa'i
rigs can lnga la mdo dgongs 'dus la sogs pa gsungs/_nub
phyogs o rgyan gyi yul d+ha na ko Sha'i gling du lag na rdo rje sprul pa'i
sku dga' rab rdo rje la dpal gsang ba'i rgyud dang man ngag dang /
phur pa dang /_ma mo'i rgyud la sogs pa gsungs te/_de dag kyang o
rgyan pad+ma thod phreng la bka' babs nas rim par dar/
khyad par man ngag a ti yo ga'i bstan pa byung tshul ni/_dang po
lha'i yul du dar te/_de yang sum cu rtsa gsum lha'i gnas na lha de
ba bzang skyong la yid la skyes pa'i bu lnga brgya tsam yod pa'i/_che ba
kun dga' snying po zhes bya ba skyes zla gzhan las blo gros dang sgyu
rtsal khyad par 'phags pa zhig byung ste/_bsam gtan gyi khang pa na
gcig pur sdod cing rdo rje'i bzlas pa la dga' 'o/_/de la lha'i bu
sems lhag can zhes grags so/_/lha'i bu de la chu mo glang gi lor
rmis ltas bzhi rmis te/_sarba bud+d+has 'od zer phyogs bcur 'phros

gdul bya'i gang 'dod sgo phye nas/_/rtsol med dbyig dang ldan par
mdzod/_/ces bskul bas shrI badzra satwa'i thugs ka nas rin po che
rang 'bar gyi 'khor lo byung ste/_sems dpa' rdo rje la gtad de
'di skad do/_/gnyis med ye shes gsang ba'i don/_/byar med rtsol
med ye sangs rgyas/_/dbu ma chen po grags pa'i lam/_/'dus pa'i
'khor la bstan par gyis/_/zhes bskul bas sems dpa' rdo rjes
bshad par dam bcas pa/_badzra satwa nam mkha' che/_/tshig spyod yul
ma yin pa la/_/bdag gis sgrogs par shin tu dka'/_/ma rtogs pa
la tshig sgo nas/_/mtshon pas rtogs par bya ba'i phyir/_/ci rigs pa
yis rnal 'byor sgrol/_/zhes zhal gyis 'ches nas/
de nas phyag na rdo rjes shar phyogs su rdo rje snang ba'i zhing du de
bzhin gshegs pa rdo rje gsang ba la sogs pa rdo rje'i rigs rnams
dang /_lho phyogs lo ka'i khams rin po che'i snang bar ta thA ga ta rin
po che'i zhabs la sogs pa rat+na'i rigs rnams dang*/_nub phyogs
pad+ma brtsegs par b+ha ga wAn pad+ma'i 'od la sogs pad+ma'i rigs
bsam gyis mi khyab pa rnams dang*/_byang phyogs rnam dag grub par
ta thA ga ta grub par snang ba la sogs pa las kyi rigs mtha' yas
pa dang /_dbus phyogs mtha' dang bral ba'i zhing khams su ta thA
ga ta shrI bai ro tsa na la sogs pa de bzhin rigs kyi rgyal ba mang
po rnams las/_rmad byung bstan pa'i snying po rtsol med rang byung gi

dgongs pa rgyu 'bras las 'das pa'i chos a ti yo ga'i don rnams
sgro 'dogs bcad cing /_rgyal ba thams cad kyi dgongs pa'i bcud
blangs nas/_sum cu rtsa gsum gyi gnas rnam par rgyal ba'i khang
bzang gi dbu rtse srog shing rdo rje rtse dgu pa dang bcas pa'i dbus
khang na lha'i bu sems lhag can yod pa de las dang skal par ldan
par mkhyen te mdun du byon/_srog shing gi rdo rje rtse dgu pa'i steng
du rin po che 'bar ba'i khri'i khar phyag na rdo rje bzhugs/_rat+na sna
tshogs las grub pa'i gdugs phub/_lha rdzas kyi mchod pa mang pos
mchod de/_sems lhag can la rgyal thabs spyi blugs rdzogs pa'i
dbang brda'i sgo nas bskur/_man ngag 'phrul gyi lung bcu phog
gzhan dbang bdun man ngag lnga dang*/_tan+t+ra dang man ngag mang po
dus mtha'i skad cig la rdzogs par bstan nas/_rgyal tshab dam
par dbang bskur te/_rmad byung bstan pa'i snying po 'di/_/lha gnas
gsum du grags gyur nas/_/yang sprul gang zag thugs sras kyis/_/
'dzam gling dbus su rgyas par shog_/ces gsungs te bstan pa lha
gnas gsum du rgyas par gyur to/_/
de nas mi yul du byung ba'i lo rgyus ni/_rgya gar nub phyogs o rgyan
mkha' 'gro ma'i yul/_d+ha na ko Sha'i gling /_mtsho ku tra'i 'gram/_rdo rje
gling phug gi gnas/_me tog bkra ba'i tshal nyams dga' ba de na/
yab rgyal po u pa rA tsa dang /_yum snang gsal 'od ldan ma gnyis

la/_sras mo me tog gsal zhes bya ba mtshan dang ldan pa/_dge sems
dang byang sems lhag par che ba/_g.yo sgyu dang bag med spangs te
rab tu byung ba dge slong ma'i khrims skyon bral rnam par dag pa
srung zhing dge slong ma lnga brgya'i 'khor dang bcas nas gnas pa
la/_shing mo glang gi lo dbyar zla ra ba'i tshes brgyad kyi tho rengs rmi
lam na/_ta thA ga ta thams cad las 'od zer 'phros te nyi zla gnyis
su gyur pa/_nyi ma spyi bo nas mar thim/_zla ba rkang mthil nas yar
thim pa rmis/_nangs par rtogs pa skyes te mtsho ku tra'i 'gram du
khrus byas nas 'dug pa la/_phyag na rdo rje bya'i rgyal po ngang pa zhig
tu sprul nas sems lhag can yi ge hU~M du bsdus nas sprul pa la ngang
pa bzhir sprul/_nam mkha' las babs te khrus byas nas gsum slar
nam mkha' la 'phur/_gsang bdag gi sprul pa'i bya des sras mo'i
thugs kar mchu lan gsum gtugs nas hUM 'od 'bar ba zhig
thugs kar bstims te 'phur song /_der mo ya mtshan skyes te yab
dang 'khor rnams la lo rgyus bsnyad pas/_yab rgyal po ya mtshan
zhing dgyes te sangs rgyas kyi sprul pa zhig 'byung ngam gsungs/_bya
dga' dang rim gro cher mdzad/_der sbrum ma'i rnam pa med par lo
dus na thugs ka nas rdo rje rtse dgu 'od 'bar ba zhig byung ste zhu
ba las khye'u chung mtshan dpes brgyan pa phyag g.yas pa rdo rje dang
g.yon rin po che'i phyag shing thogs pa/_rdo rje sems dpa' nam

mkha' che la sogs pa zhal 'don du mdzad pa zhig byung ngo*/_/der
thams cad dgyes nas bram ze mtshan mkhan la bstan pas/_bram
ze shin tu ngo mtshar bar gyur te/_'di ni sprul pa'i sku theg pa mchog
gi bstan pa'i bdag po zhig 'byung bar 'dug zer ro/_/thams cad
dga' ba'i rab tu gyur cing phyag na rdo rje bsnams pas mtshan yang
dga' rab rdo rje zhes btags/_thams cad kun dgyes pas dgyes
pa rdo rje/_bzhad pas bzhad pa rdo rjer btags/_rgyal srid bzung ba
la phyag na rdo rje mngon sum du byon te/_rgyal thabs spyi blugs rdzogs
pa la sogs pa'i dbang rnams bskur/_klong dgu bam po nyi khri la
sogs pa rgyud dang man ngag thams cad dus mtha'i skad cig la
rdzogs par mdzad/_dga' rab rdo rje nyid la bstan pa'i bdag por
dbang bskur/_dam can rnams la grogs mdzod cig ces bstan
pa'i srung mar gnyer gtad cing bskos so/_/der dga' rab rdo rje
nyid rtsol med rdzogs pa chen po'i sa la skad cig gis sangs rgyas
so/_/
de'i dus na rgya gar 'phags pa'i yul na pha bram ze bde skyong dang
ma ku ha na gnyis la 'phags pa 'jam dpal gyi sprul pa'i bu bram
ze snying po grub pa'am bde mchog snying po zhes bya ba zhig yod pa
phyis rab tu byung nas paN+Di ta lnga brgya'i gtso bor gyur cing*/_slob
dpon 'jam dpal bshes gnyen zhes grags pa la/_'phags pa

'jam dpal gyis lung bstan te 'di nas nub phyogs o rgyan gyi
yul mtsho ku tra'i 'gram dur khrod gser gling he chen brdal ba'i
dbus rdo rje gling phug gi gnas na/_rdo rje sems dpa'i sprul pa
sangs rgyas thams cad kyi rtsol med bstan pa'i bdag po/_rgyal ba
thams cad kyis dbang bskur ba/_sprul pa'i sku dga' rab rdo rje zhes
bya ba bzhugs kyi/_khyod de ru song la rmad byung bstan pa'i snying po a
ti yo ga zhes bya ba rtsol med du 'tshang rgya ba'i chos yod pa de zhus
la sprul pa'i sdud pa po yang gyis shig ces lung bstan pas/_'jam
dpal bshes gnyen gyis paN+Di ta gzhan rnams la/_nub phyogs o
rgyan gyi yul na rgyu 'bras las 'das pa'i chos ston pa zhig yod
par 'dug pas de tshar gcod pa la 'dong dgos gsungs nas
gros byas te/_thu bo rA dza hasti la sogs pa bdun gyis o rgyan gyi
gnas bgrod dka' bar byon/
rgyu dang 'bras bu gsang sngags phyi nang gi chos gang nas brtsad
cing bgro gleng byas kyang dga' rab rdo rje ma thub nas/_'jam dpal
bshes gnyen gyis grogs rnams la sprul pa'i sku la rgyu 'bras las
'das pa'i chos zhu'am zhes dris pas/_thu bo rA dza hastis ni zhu bar
snyam yang 'o skol gyis brnyas pa byas pas zhu mi spobs zer/_la la
ni 'o cag kyang nges par 'gyur bas zhu'o zer/_bshags pa byed
par gros byas nas/_la las ni phyag dang bskor ba byas/_la las ni

ngu zhing mchi ma byung*/_'jam dpal bshes gnyen gyis phyag btsal
nas smre sngags bton/_sprul pa'i sku la bdag gis brnyas pa shor/
rtsod pa'i tshig mang po byung rgyal du smras pas/_rang gi lce 'di bcad
la bshags pa bya dgos snyam spu gri btsal ba na/_sprul pa'i skus
dgongs te khyod kyi lce bcad pas sdig pa mi 'dag gi_rgyu 'bras
kyi chos las khyad par du 'phags pa'i chos zhig rtsoms shig_des
'dag par 'gyur ro gsungs te/_las dang skal bar mi ldan pa
rnams ni slar log_'jam dpal bshes gnyen ni brda' bstan
pa tsam la skad cig gis rtogs pas chos thams cad khong du chud/
bstan pa yongs su rdzogs phyir rgyal thabs spyi blugs kyi dbang
bskur/
klong dgu bam po nyi khri la sogs pa rgyud dang man ngag thams cad
yongs su rdzogs pa gtad/_'jam dpal bshes gnyen zhes mtshan
btags/_de nas sprul pa'i sku dga' rab rdo rjes gdams pa'i don
rnams bris nas bka' stsal ba/_sems kyi rang bzhin ye nas bud+d+ha
ste/_/sems la skye 'gags med pa nam mkha' 'dra/_/chos kun mnyam
nyid yang dag don rtogs na/_/de nyid ma btsal bzhag na sgom pa
yin/_/zhes gsungs/
'jam dpal bshes gnyen gyis rtogs pa'i don khong du chud nas
rtogs pa brjod pa/_bdag ni 'jam dpal bshes gnyen te/_/gshin

rje gshed kyi dngos grub thob/_/'khor 'das mnyam pa chen por
rtogs/_/sarba dz+nyA na'i ye shes shar/_/zhes gsungs/_byang sems rdo la
gser zhun bshags par brtsams/_sprul pa'i bka'i sdud pa po'ang
mdzad do/_/'jam dpal bshes gnyen la shrI si has zhus te/_de yang
rgya nag sho sha'i gling du yab dge ldan dang yum snang gsal ma'i
sras su 'khrungs/_slob dpon hasti b+ha la las sgra tshad rtsis sogs
rig gnas lnga la mkhas par sbyangs/_lo nyi shu rtsa lnga la slob dpon
'jam dpal bshes gnyen dang mjal te/_zab mo a ti'i bstan
pa rgyud lung man ngag dang bcas pa rdzogs par zhus te/_spros bral
mchog gi rtogs pa mngon tu gyur/_shrI si ha las/_o rgyan sangs rgyas
gnyis pa/_mkhas pa dz+nyA na su tra/_paN chen bi ma la mi tra/_lo chen bai
ro tsa na rnams kyis zhus pa ste/_de yan chad ni rig 'dzin brda'i
brgyud pa'o/_/
de nas bod kha ba can gyi yul 'dir snying po'i
bstan pa ci ltar dar na/
sngon bcom ldan 'das zhal bzhugs pa'i tshe bod yul 'dir mi'i
'gro ba med pa la phyis su 'phags pa spyan ras gzigs kyis sprul

pa'i spre'u brag srin gnyis las mi'i 'gro ba mched/_de yang chos
med khrims med gong na dpon med mgo med ja sig tu yod dus/
rgya gar gyi rgyal po dmag brgya pa la sras gcig 'khrungs pa de/_rkang
lag thams cad ngang pa bzhin 'brel pa/_spyan bya mig ltar yas
'gebs pa/_de lta bu zhig 'dug nas yab kyis 'di mi ma yin gyi
bu zhig yin 'dug pas spyugs btang ba grags zer nas sras cung
zad nar son pa na spyugs btang bas las dbang gis rkang 'khyar
te bod yul du pheb/_phyugs rdzi 'ga' zhig dang 'phrad de/_gang nas
'ong su yin dris pas gnam la mdzub mo bsgrengs pas/_gnam
gyi lha yin snyam nas thams cad kyi gnya' bar sa rdo khur nas khri
brtsigs te dpon du mnga' gsol ba de rgyal po la snga ba gnya' khri
btsan po zhes grags te byang chub sems dpa' sgrib pa rnam sel gyi
sprul pa yin/
de nas rgyal rabs mang zhig song ba'i tshe/_'phags pa kun tu
bzang po'i sprul pa lha tho tho ri snyan btsan gyi ring la pho brang yum bu
bla mkhar gyi steng du sku'i rten tsin+ta ma Ni'i sku dang /_gsung gi rten
mdo sde za ma tog bkod pa dang /_spang skong phyag brgya pa rnams dang /
thugs kyi rten shel gyi mchod rten khru gang pa rnams byung ste/_dam
pa chos kyi dbu brnyes/_de nas rgyal rabs lnga na 'phags pa spyan
ras gzigs kyi sprul pa rgyal po srong btsan sgam po byung ste/_mtha'

'dul dang yang 'dul gyi gtsug lag khang rnams dang /_lha sa'i
gtsug lag khang bzhengs/_rje btsun sgrol ma'i sprul pa rgya bza' kong
jo dang /_jo mo khro gnyer can gyi sprul pa bal bza' khri btsun gnyis
khab tu bsus pa'i rdzongs su jo bo rnam pa gnyis spyan drangs/_thon
mi saM b+ho Tas bod yi ge med pa la yi ge'i srol btod/_rgya gar paN+Di
ta lha rig pa'i seng ge las sgra bslabs te/_mdo sde dkon mchog
sprin la sogs pa'i 'gyur gyi mgo btsugs/_rgyal po'i smin mtshams
nas sprul pa'i dge slong A kar ma ti zhes bya bar sprul te/_rgya gar
yul gyi mu stegs pa'i rgyal po btul/_rgya gar dang zangs gling gi
mtshams bye ma'i gling tsan dan sbrul gyi snying po'i khong nas rang byung
'phags pa mched lnga spyan drangs/_lha sa'i bcu gcig zhal khyad par
du 'phags pa bzhengs/_rgyal po 'di'i ring la sangs rgyas kyi bstan
pa'i srol btod/
de nas rgyal rabs lnga na 'phags pa 'jam dpal gyi sprul pa rgyal
po khri srong lde'u btsan 'khrungs te/_dgung lo bcu gsum lon pa'i
tshe yab gshegs/_bcu bdun gyi bar du ngam ta ra klu gong dang /_lha
bzang klu dpal la sogs pa'i blon po rnams dang bgros nas
dmag jag gi sgo nas yul khams mang po btul te mnga' 'og tu
btsud/_de nas yab mes kyi yig tshang gzigs pas lha tho tho ri snyan
shal gyi ring la dam pa chos kyi dbu brnyes/_srong btsan sgam pos

srol btod pa sogs yab mes gong ma thams cad chos kho na mdzad
par 'dug pas/_bdag gis dam chos kho na dar zhing rgyas pa zhig
mdzad dgos dgongs nas/_chos blon 'gos pad+ma gung btsan dang
gros byas/_blon po gzhan la thabs kyis gdam ga bskur te gtsug
lag khang zhig bzhengs par kun gros mthun nas/_sa 'dul mkhan
gyi bla mchod btsal ba'i tshe/_rgyal po'i mchod gnas nyang ting 'dzin
bzang po bsam yas mchims phu na bzhugs pa la zhus pas/_rgya
gar shar phyogs za hor gyi yul na chos rgyal go ma de byi bya ba'i
sras po mkhan chen zhi ba 'tsho bzhugs pa zhi gnas kyi gsal snang
gis mkhyen te/_rgyal po la gsungs pas spyan drangs sa btul yang
Ar+ya pA lo'i gling na klu gnas pa'i se phung zhig yod pa gcod par
shes nas klu des lha 'dre thams cad ra mdar slog_dge bsnyen nyer
gcig dang mi dang mi ma yin rnams kyi dmag dpung bsdus/_nyin
mis brtsigs pa rnams mtshan mo lha 'dres bshigs te sa rdo thams
cad rang gnas su bskyal/_der rgyal pos mkhan po la 'di ltar
yong ba bdag sgrib pa che'am mkhan pos byin gyis ma brlabs sam/
bsam pa mi 'grub pa lags sam zhes zhus pas/
mkhan po'i zhal nas/_bdag gis byang chub kyi sems 'byongs kyang
lha 'dre rnams zhi bas mi thul drag pos 'dul dgos par 'dug
da lta rgya gar rdo rje gdan na/_o rgyan pad+ma 'byung gnas zhes bya ba/

sku rdzus skyes su 'khrungs pa/_rig pa'i gnas lnga la mkhas pa/_don
dam gyi rtsal 'byongs pa/_mchog thun mong gi dngos grub brnyes pa/
bdud bcom sde brgyad bran du khol ba/_lha 'dre thams cad 'dar
zhing 'byung po 'dul ba zhig bzhugs pa de spyan drangs na/_lha 'dre
thams cad 'khu mi nus te/_rgyal po'i thugs dgongs mthar phyin
par 'gyur ro gsungs/_rgyal pos de 'dra spyan mi 'drong ngam zhus
pas/_sngon gyi smon lam yod pas spyan 'drong ste/_sngon bal yul du
bya rdzi gsal le'i bu mo bde mchog ma la rta rdzi/_phag rdzi/_bya rdzi/_khyi
rdzi bzhis bshos pa'i bu bzhir gyur dus mchod rten bya rung kha shor
bzhengs te smon lam btab pa'i lo rgyus rnams gsungs te/_sba khri
bzher/_rdo rje bdud 'joms/_mchims shAkya pra b+ha/_shud pu dpal
gyi seng+ge rnams la gser phye bre re/_gser gyi pa tra re bskur nas rgya
gar la brdzangs/
de rnams kyis slob dpon bod yul du gtsug lag khang gi sa gzhi
byin gyis rlob par 'byon dgos pa'i zhu ba phul bas zhal gyis
bzhes te rim bzhin byon nas/_lam du brtan ma bcu gnyis/_skyong
ma bcu gnyis/_dge bsnyen nyer gcig la sogs pa bod yul gyi lha
'dre thams cad dam la btags nas brag dmar du phebs/_gtsug
lag khang gi sa btul te/_bsam yas lhun gyis grub pa'i gtsug
lag khang dbu rtse rim gsum/_gling bzhi/_gling phran/_yag sha ltag 'og

nyi ma dang zla ba/_lcags ri mu khyud kyis bskor ba bzhengs/_mkhan
po dang /_slob dpon pad+ma/_bi ma la mi tra gsum gyis rab gnas me
tog lan gsum du 'thor/_ngo mtshar gyi ltas dang cho 'phrul mang du
byung /_de nas mkhan pos 'dul ba dang /_mdo lugs kyi srol bzung /
slob dpon pad+ma dang /_bi ma mi tras sngags kyis bstan pa btsugs/
de'i dus su o rgyan sangs rgyas gnyis pa dang*/_paN chen bi ma mi
tra gnyis kyis/_thugs sras rje 'bangs grogs gsum/_nyang ban ting
'dzin bzang po la sogs pa snod dang skal par ldan pa rnams la
shan 'byed la bzla rang grol mngon sum du ston pa rdzogs chen a ti
yo ga la sogs pa nang rgyud yo ga gsum gyi chos kyi 'khor lo bskor
te/_de phyin chad kyi brgyud pa la gang zag snyan brgyud du grags/
der ma zad o rgyan sangs rgyas gnyis pas rje 'bangs skal ba
dang ldan pa rnams la rang rang las 'phros dbang ba'i chos bka'
bsam gyis khyad pa zhig gnang ste dpe rgyud shog ser la bris nas
gter du sbas/_ma 'ongs rjes 'jug gi don du smon lam gtad rgya
dang bcas te mdzad pa/_phyis lung bstan dus la babs pa na sngon
gyi smon lam la dbang ba'i grub thob sprul pa'i sku glo bur ba re byon
te zab mo gter gyi sgo phyes/_las can gyi gang zag mang po rjes su
bzung ste 'gro don mdzad pa rnams las brgyud pa ni/_brgyud pa drug
ldan nam dgu ldan la sogs par grags pa yin no/_/

 ltar sprul sku gter ston grangs med pa 'byung ba las 'dir
rig 'dzin 'jigs med gling pa ni 'phags pa sems nyid ngal
gso dngos su dge ba'i bshes gnyen gyi tshul bzung nas/_o rgyan
sangs rgyas gnyis pa/_paN chen bi ma mi tra/_kun mkhyen klong chen
rab 'byams la sogs pa las dgongs brda snyan brgyud kyi brgyud
gsum chig rdzogs su blangs te/_las dang skal par ldan pa'i gang
zag rnams la bstan pa yongs rdzogs kyi chos 'khor bskor zhing
mngon par rdzogs pa'i sangs rgyas su bzhugs pa yin te/_ji skad
du/_lus ni gang zag lha mi yang /_/dgongs pa dam pa sangs rgyas
dngos/_/zhes pa ltar ro/_/
des na rje bla ma'i zhal nas kyang*/_khyed rnams kyis nyams su len
cing gsol ba 'debs nus na/_nga yi bla ma rdo rje 'chang rje btsun
'gro ba'i mgon po de nyid bstod 'dod dang mos gus kyi dbang
gis bzhag pa tsam ma yin par nges par rdzogs pa'i sangs rgyas rdo
rje 'chang chen po nyid gang zag mi yi tshul bzung ste sems can gyi
don du byon pa zhig yin la/_de dang khyed tsho'i bar na nga ma gtogs
brgyud pa gzhan gyis chod pa med/_ngas kyang bla ma rdo rje 'chang dang
po mjal nas bzung ste ci gsung bka' bzhin bsgrubs/_mnyes
pa gsum gyi sgo nas bsten pa ma gtogs tha na spyan log cig
gzigs pa tsam gyi yang thugs la mi 'bab pa'i bya ba byed ma myong

bas na/_brgyud pa gser gyi nyag thag la dam sel gyi g.yas ma gos
pa zhig nges par yin pas byin rlabs kyi brgyud pa gzhan dang mi
'dra ba zhig yin/_zhes gsungs/
de dag kyang rgyud nyi zla kha sbyor las/_lo rgyus don gyis ma bshad na/_/
gsang chen nges pa'i bka' 'di la/_/yid mi ches pa'i skyon du
'gyur/_/zhes pa ltar/_brgyud pa khungs la thug pa'i che ba dang /_lo
rgyus bshad pas rjes 'jug yid ches bskyed pa'i dgos pa yod pa
yin pas na/_'dir bla ma'i rnal 'byor dang 'brel nas bshad pa
yin no/
de lta bu'i bla ma'i rnal 'byor gyi bsnyen pa'i tshad kyang 'bum phrag
brgya tham pa kho na yin te ci nas kyang 'gro nges par bya dgos so/_/
de ltar ma byas par sngon 'gro'i chos 'di dag la de tsam gal mi
che'am snyam pa'am/_dngos gzhi'i chos kyi zab zab mo'i kha skad la
re nas sngon 'gro nyams su len long med par bskyed rdzogs sogs
bsgom lo byed pa rnams ni/_'jig rten pa'i kha skad la/_mgo ma
tshos gong lce snyabs/_/mal ma dros gong rdog pa rkyong /_/zer ba ltar/
sngon 'gro'i chos gzhug shor ba'i nyams len la snying po til 'bru
tsam yang med cing /_drod rtags glo bur ba cung zad skyes kyang
brtan pa med pa rtsig rming ma blangs pa'i mkhar dang 'dra'o/_/gal
te sngon 'gro'i dus sbyangs pa sogs byed khul byas kyang /_dngos

gzhi'i dus de dag sngon 'gro'i chos yin pas da ni mi dgos so
snyam du 'dor ba yang de dang 'dra ste/_lam gyi gzhi rten sngon 'gro'i
chos dor bas gyang med pa'i ri mo ltar chos kyi rtsa ba chad pa yin
pas na/_dus dang rnam pa thams cad du sngon 'gro'i chos 'di dag
la nges shes bcos ma ma yin pa re skyes skyes su 'bad cing /_khyad
par byin rlabs kyi 'jug sgo bla ma'i rnal 'byor 'di kho na la nyams
len gyi mthil gtad de 'bad pa ni gnad dam pa yin no/_/
drin chen bla ma sangs rgyas dngos mthong yang /_/
rang gshis gyong bas dam pa'i bka' las 'gongs/_/
khams gsum sems can pha mar go na yang /_/
gdug rtsub che bas mched la tshig rtsub shor/_/
bdag dang bdag 'dra las ngan sems can rnams/_/
skye ba 'di dang tshe rabs thams cad du/_/
zhi dul des shing mnyen lcugs ldan pa yis/_/
dge ba'i bshes grogs bsten par byin gyis rlobs/_/
rtogs pa'i ye shes btsan thabs su bskyed pa/_byin rlabs kyi 'jug
sgo bla ma'i rnal 'byor gyi khrid do/_/_/_/

!_rmongs pa'i 'gro la thugs rje lhag par 'jug_/
sdig po che la rjes su lhag par 'dzin/_/
gdul dka'i khams la thabs mkhas lhag par ston/_/
mtshungs med bla ma'i zhabs la phyag 'tshal lo/_/
de nas 'da' ka ma'i man ngag_'pho ba ma bsgoms
sangs rgyas kyi khrid ni/
spyir 'pho ba la dbye na lnga ste/_rab chos sku lta ba rgyas 'debs kyi
'pho ba/_'bring longs sku bskyed rdzogs zung 'jug gi 'pho ba/_tha
ma sprul sku tshad med thugs rje'i 'pho ba/_tha mal pa 'du shes gsum
ldan gyi 'pho ba/_gshin po rjes 'dzin thugs rje lcags kyu'i 'pho ba
dang lnga yod de/
de la dang po rab chos sku lta ba rgyas 'debs kyi 'pho ba ni/_tshe
'dir gnas lugs ma bcos pa'i lta ba ma nor ba rgyud la skyes
shing goms 'dris byed pa rnams/_'chi kha'i tshe ka dag khregs chod
kyi gsang lam nas dbyings dang rig pa'i gnad la brten te chos
sku'i klong du 'pho ba de yin/
'bring longs sku bskyed rdzogs zung 'jug gi 'pho ba ni/_bskyed

rdzogs dbyer med kyi rnal 'byor la goms 'dris byas shing sgyu ma lta
bu'i lha sku la rtsal 'byongs pa dag 'chi ba'i tshe bar do 'khrul pa'i
snang ba 'char ba dang mnyam du zung 'jug ye shes kyi skur 'pho ba
de yin/
tha ma sprul sku tshad med thugs rje'i 'pho ba ni/_gsang sngags smin
byed kyi dbang thob cing /_dam tshig la skyon ma zhugs/_bskyed rdzogs
la mos pa byed cing bar do'i gdams ngag dang ldan pa rnams/_ji
skad du/_mngal sgo dgag nas ru log dran par bya/_/snying rus dag
snang dgos pa'i dus gcig yin/_/zhes gsungs pa ltar/_ma dag
pa'i mngal sgo ngan pa bkag cing /_snying rje chen po'i 'phen pa dang /
skye ba sprul pa'i lam khyer la brten nas zhing dag pa'i skye gnas su
'pho ba de yin/
tha mal pa 'du shes gsum ldan gyi 'pho ba ni/_rtsa dbu ma la lam
gyi 'du shes/_sems rnam shes kyi thig le la mgron po'i 'du shes/
gnas bde chen dag pa'i zhing la 'gro sa'i 'du shes byas te 'pho
ba yin/
gshin po rjes 'dzin thugs rje lcags kyu'i 'pho ba ni/_rtogs pa
mchog ldan gyi gang zag snang sems las su rung ste/_bar do'i shes
rgyud mkhyen pa'i rnal 'byor pas gzhan 'chi ka ma'am bar do na
yod pa la/_'pho ba 'debs pa de yin/_de yang spyir gshin po la

'pho ba 'debs pa la/_mthong lam thob pa zhig nges par dgos te/
rje mi la'i zhal nas kyang /_mthong lam gyi bden pa ma mthong bar/_/
gshin po la 'pho ba ma 'debs shig_/ces gsungs/
'on kyang 'pho ba gdab pa'i dus ma nor ba de phyi dbugs chad nas/
nang dbugs ma chad pa'i dus de yin te/_de lta bu'i dus nges pa
can dang 'phrad na 'pho ba'i man ngag la cung zad goms 'dris
yod pa gang rung rung gis 'pho ba btab na yang /_phan thogs che
zhing ngan song gi skye gnas la sogs pa dgag par nus te/_'gron
po lam du zhugs pa la grogs kyis sgyur ba dang 'dra/_de ltar ma yin
par lus sems bral tshar nas ni 'pho ba dka' ste/_de 'dra de la
'pho ba 'debs pa la bar do'i skye gnas mkhyen pa zhig dang /_sems
la dbang thob pa zhig dgos/_de lta bu'i rnal 'byor pa zhig yin na
bar do gdos bcas kyi lus dang bral ba de rkyen gyis sgyur bar sla
ba yin pas/_bar do rang nas 'pho ba btab na rnam shes dag pa'i
zhing du spar nus pa yin gyi/_shi tshar nas kyang phung po la rnam shes
bkug ste 'pho bar rlom pa la ni snying po ci yang med gsungs/
de bas na da lta bla ma'am sprul sku la sogs pa'i ming tsam btags
pa phal mo ches gshin po la 'pho ba 'debs pa ni/_byams snying rje
byang chub sems kyis kun nas bslangs te rang 'dod kyi 'khris rtsa
ba nas med na ni/_byang chub sems kyi kun slong las gshin po la

yang phan thogs shas che zhing rang la sgrib par mi 'gyur mod/_de lta
ma yin par rang gi rnyed tshol gyi ched du ngag 'don tsam shes pa la
brten nas 'pho ba 'debs shing /_gshin po'i 'pho rta sogs len pa
ni shin tu tha chad pa yin te/_ji skad du/_rang thar pa'i skam sar ma
phyin par/_/mi gzhan gyi 'dren ston byed pa de/_/de gnyis kyang cung
zad cha ma mthun/_/dpe chus khyer mi la mis 'jus 'dra/_/zhes pa
ltar dang /
sngon rtogs ldan bstan 'dzin chos 'phel tsA rir byon pas skabs
shig khong gi snang ba la snga sor khong rang nas 'pho ba btab ste/_'pho
rta blangs pa'i mi zhig yod pa des khrag mtsho dmar po zhig gi nang
nas mgo mthong tsam byas te/_khong gi mtshan nas 'bod cing nga ci
byed dgos rgyu yin zer ba la/_khong skrag nas ngas tsA ri bskor ba
khyod la byin pa yin byas pas mi snang bar gyur skad/_der ma zad
rtogs pa mchog ldan gyi gang zag skyes bu dam pa yin kyang shi bo'i
'bul ba blangs nas gsung chog sogs ma byas na sa lam la sgrib
pa yin te/_sngon rdzogs chen rin po che 'gyur med theg mchog
bstan 'dzin zhing gshegs pa'i tshe dri med zhing skyong mgon po
gdung chog la spyan drangs pas nyin gang gi ring la khrus chog dang
dgug pa kho na mdzad nas yang dang yang 'pho ba btab ste/_gang
zag phal pa zhig la byed pa ltar mdzad pa la/_grwa pa rnams nas de

ltar mdzad pa'i rgyu mtshan dris pas/_sngon khong gis gshin po rta
nag po 'bul mkhan zhig la gsung chog dang bsngo smon sogs ma
mdzad 'dug pa/_de shin tu sdig can gyi gang zag cig tu 'dug
pas khong gi sa lam la cung zad sgrib par 'dug kyang /_da lta nged
rnam gnyis mthu bsdongs dpung bsdongs byas te phan thogs par
byung song gsungs te/_de mgo log bstan 'dzin zer ba yin skad/
des na bla ma dang sprul pa'i sku chen po'i go sar yod pa rnams nas
kyang /_gshin po'i 'bul ba bzhes pa'i tshe thugs bskyed dang bsngo
smon gsung chog sogs gnad du 'gro nges re ma mdzad na/_nga de
dang de lta bu yin no snyam pa tsam gyis ni gang yang mi 'ong ste/_dam
pa gong ma'i skye srid 'khrul med du zhal gyis bzhes pa'i sprul pa'i
sku mchog rnams nas kyang*/_dang po ka kha ga nga nas brtsams te yi
ge'i klog sbyang tshun chad phal pa'i gang zag rnams dang khyad med
du slob dgos kyin 'dug pas/_gong ma'i dus mkhyen pa'i yi ge'i
klog 'don brjed nas bskyed rdzogs kyi rnal 'byor ma brjed par
lus med nges yin pas/_chibs gong thub tsam nas dkor la mi
'byon par thugs bskyed dang mtshams sgrub re la cung zad slob
dgos sam snyam mo/_/
de la da res kyi skabs su 'chad rgyu'i 'pho ba 'di ni/_tha mal pa
'du shes gsum ldan gyi 'pho ba'am/_rnam shes bla ma'i 'pho ba zhes

bya ste/_dri med bshags rgyud las/_'da' ka 'od kyi gong bu sgra yis
'pho/_/zhes pa dang yang mthun/_'di lta bu'i 'pho ba 'di rtogs pa
mchog ldan gyi gang zag la ni mi dgos te/_de 'dra de rgyud las/
'chi ba zhes bya rnam rtog ste/_/mkha' spyod gnas su khrid par byed//
ces dang /_gzhan yang /_'chi ba 'chi ba zhes bya ba/_/rnal 'byor
sangs chung rgya ba yin/_/zhes gsungs pa ltar/
tshe 'dir btsan sa zin pa'i gang zag skye 'chi'i rang dbang thob
pa rnams ni/_'chi ba ltar snang yang da lta gnas gcig nas gcig
tu 'gro ba lta bu las med la/_bskyed rdzogs kyi gnad la goms pa
rnams ni/_sngar bshad pa ltar skye 'chi bar do'i nyams len gsum
gyis sku gsum du 'pho ba yin no/_/des na ji skad du/_lam sbyangs
pa dman na 'pho bas bsu/_/gsungs pa ltar/_lam brtan pa ma thob
pa'i rigs can dang /_gang zag sdig po che la sogs pa la gnad
'di dgos pa yin/_'di lta bu'i man ngag dang ldan na ci tsam du
sdig po che yin kyang ngan song gi skye sgo khog nges la/_mtshams med
pa'i las ngan bsags pa lta bu mar gyi zang thal du 'gro ba rnams
kyang gdams pa 'di dang 'phrad na/_ngan song gi skye gnas su 'gro
mi dgos nges pa yin te/_rgyud las/_nyin bzhin bram ze gsod pa
dang /_/mtshams med lnga ni byed pa yang /_/'di yi lam gyis grol
'gyur te/_/sdig gis gos par mi 'gyur ro/_/zhes pa yang /_bu ga

dgu yi steng phyogs su/_yid kyis bsams te 'pho byed na/_/sdig gis
gos par mi 'gyur te/_/dag pa'i zhing du skye bar 'gyur/_/zhes dang /
gzhan yang ji skad du/_gnas spyi gtsug nyi zla'i gdan steng na/_/
pha mtshan ldan gyis bla ma'i zhabs drung du/_/rtsa dar dkar gyi lam
la 'gro shes na/_/mtshams med lnga po byas kyang grol/_/zhes gsungs/
des na lam zab mo 'pho ba'i gdams pa 'di ni ma bsgoms par
sangs rgyas pa'i chos/_sdig po che btsan thabs su grol ba'i gsang
lam yin te/_sangs rgyas rdo rje 'chang gi zhal nas/_nyin bzhin bram
ze gsod pa dang /_/mtshams med lnga po byed pa yang /_/gdams pa
'di dang 'phrad gyur na/_/grol 'gyur 'di la the tshom med/_/ces
dang /_o rgyan chen po'i zhal nas kyang /_bsgoms te sangs rgyas kun
la yod/_/ma bsgom chos ni nga la yod/_/ces dang /
paN chen nA ro pas/_sgo dgu 'khor ba'i skar khung can/_/sgo gcig
phyag rgya chen po'i sgo/_/sgo dgu bcad nas sgo gcig phye/_/thar pa'i
lam la the mi tshom/_/zhes dang /_lho brag mar pa lo tsA'i zhal nas/
ngas da lta'i dus su 'pho ba sbyangs/_/sbyangs shing sbyangs shing yang
yang sbyangs/_/tha mal 'chi yang nyam nga med/_/snga 'dris byas pa'i
gdeng zhig yod/_/ces dang /_rje btsun bzhad pa rdo rjes/_bsre 'pho
mtshams sbyor gyi gdams ngag 'di/_/gnad bar do 'joms pa'i
lam mkhan yin/_/lam 'di dang ldan pa'i mi yod dam/_/srog rtsol

dbu mar tshud pa'i mi re bde/_/chos kyi dbyings su sleb pa 'di e
ma ho/_/zhes gsungs/
de lta bu'i gdams pa de la dang por sbyong ba dang /_las su sbyar ba
gnyis yod/_dang po sbyong ba ni/_da lta rang nyid kyis 'pho ba'i khrid
zhus te/_yang dang yang du sbyang zhing rtags ma thon gyi bar du 'bad
pa de yin/_de yang da lta rang nyid lus kyi rtsa rlung thig le'i cha
thams cad ma nyams shing dar ba'i dus na 'pho ba la brten nas
dngos su 'pho ba cung zad dka' zhing /_'chi ka'i dus la babs
pa'am/_shin tu rgas 'khogs pa'i dus na ni 'pho sla ba yin te/
dper na shing tog dang 'bras bu sogs dbyar kha dar la babs
pa'i dus na ni btu dka' la/_ston ka smin nas lhung la nye ba'i tshe
gos 'dab tsam reg kyang lhung 'ong ba dang 'dra ba yin no/_/
de nas las la sbyar ba ni/_rang nyid la 'chi ltas byung ste cis kyang
mi bzlog par shes shing thim rim la sogs pa byung ba'i tshe bya
dgos kyi/_de las gzhan du mi rung ste/_rgyud las/_dus la babs na
'pho bya ste/_/dus min lha rnams gsod par 'gyur/_/zhes gsungs/
de la spyir thim rim la mang du yod kyang go bde ba'i dbang du byas
na/_dbang po lnga/_'byung ba bzhi/_snang mched thob gsum gyi thim
rim rnams yod pa la/_dang po ni rang gi sngas mgor ser 'tshogs
lta bu yod na/_de dag gi 'don pa gsungs pa'i sgra la nyan na 'ur

tir tir tsam las tshig gi 'bru thos rgyu med tsa na rna ba'i shes pa
'gags pa yin/_de ltar min kyang gzhan gyi smra brjod kyi gtam
la sogs pa la yang rgyang nas grags pa ltar sgra tsam thos kyang tshig
'bru mi thos pa yin/_de bzhin du mig gi gzugs la bltas pas
kyang long nge long nge zhig las/_rang bzhin ci yin pa mi mthong ba'i
tshe mig gi shes pa 'gags/_des mtshon nas snas dri/_lces ro/_lus
kyi reg bya la sogs mi myong bar 'gyur ba'i tshe thim rim phyi ma yin
pas/_'di dus ngo sprad gdab dgos shing /_'pho ba 'debs mkhan
yod na 'debs pa'i dus ma nor ba yin/
de nas sha yi khams sa la thim pas lus dong du lhung ba dang /_ri
bos non pa lta bu lci snang 'char te/_da lta mi 'chi ka ma 'ga' res
nga yar la 'then zer ba dang*/_nga'i sngas 'di mtho ru chug la song
zer ba de yin/_de nas khrag gi khams chu la thim dus kha chu dang sna
chu la sogs pa 'dzag_de nas drod kyi khams me la thim dus kha sna
thams cad skam pa dang /_lus kyi drod mtha' nas sdud de kha cig
la spyi bo nas rlangs pa phyur ru ru 'ong ba de yin/_dbugs kyi khams
rlung la thim pa'i tshe/_gyen rgyu/_thur sel/_me mnyam/_khyab byed kyi
rlung thams cad srog 'dzin gyi rlung la 'dus nas dbugs nang du
sdud dka' zhing /_dbugs kyi gnas glo ba nas lam mid pa dkar
nag brgyud de dbugs phyir la brtsegs pa de yin/_de nas lus kyi

khrag thams cad srog rtsar 'dus te snying dbus su khrag gi thigs pa
gsum rim par brgyab pas dbugs ring po gsum phyir la 'phen
zhing phyi dbugs khrog gis chad/_de'i dus su spyi bo nas pha las
thob pa'i thig le dkar cha thur du rgyug ste/_phyi rtags su nam mkha'
g.ya' dag pa la zla 'od phog pa lta bu'i dkar lam 'char/_nang
rtags su shes pa gsal nyams dang ldan zhing zhe sdang gi rtog pa so
gsum 'gags/_de snang ba zer ba yin/
lte ba nas ma las thob pa'i rak+ta dmar cha gyen du rgyug pas phyi
rtags su nam mkha' dag pa la nyi 'od phog pa lta bu'i dmar lam
'char/_nang rtags su shes pa bde nyams che/_'dod chags kyi rtog
pa bzhi bcu 'gags/_de mched pa zer ba yin/
de nas dkar dmar gnyis snying dbus su 'phrad pa'i bar du rnam
shes tshud nas phyi rtags su nam mkha' g.ya' dag pa la smag gis
khyab pa lta bu'i nag lam dang /_nang rtags su shes pa mi rtog pa'i
nyams 'char zhing gti mug gi rtog pa bdun 'gags de nas nag
thum gyis brgyal 'gro/_de nyer thob zer ba yin/
de nas cung zad brgyal sangs nas nam mkha' slong byed kyi rkyen
gsum dang bral ba lta bu'i gzhi dus kyi 'od gsal 'char ba de
rang ngo shes nas mnyam par bzhag na rab chos skur 'pho ba zhes bya
ba yin te bar do med par sangs rgya ba yin/_de nas rim pas chos

nyid dang srid pa'i bar do sogs 'char ba yin te/_de dag dngos
gzhi'i khrid kyi cha lag yin pas 'dir mi spro'/_/
de nas lam la goms 'dris chung ba dag 'pho ba las la sbyar
ba'i dus ma nor ba ni thim rim rnams 'char ba'i mgo rtsom pa'i
dus der yin te/_de'i dus su tshe 'di'i zhen pa thams cad rbad
kyis bcad/_da res 'chi ba 'di bla ma'i gdams ngag la brten
te dag pa'i zhing khams su dpag chen gyi mda' 'phangs pa ltar
'gro ba yin pas nga re dga' snyam du sems kyi dpa' bskyed/_'pho
ba'i dmigs pa sogs rang gi yid la gsal dka' zhing gsal
'debs nus pa'i grogs yod na gsal 'debs su 'jug_gang
ltar yang skabs 'dir sngar sbyangs pa ltar lam zab mo 'pho ba'i
gdams pa la bsten te btsan thabs su 'pho dgos pa yin no/_/
de ltar sbyong ba dang las la sbyar ba gang gi tshe yin yang 'dra ste/
'pho ba'i gdams pa dngos bsgom pa'i rim pa ni/_stan bde ba la
rdo rje'i skyil mo krung la sogs pa bca' zhing /_lus drang por bsrang /
sngon 'gro bla ma rgyang 'bod nas bzung ste bla ma'i rnal 'byor gyi bsdu
rim dang bcas yongs su rdzogs pa gsal la rgyas par bya/
de nas dngos gzhi'i dmigs pa ni/_rang gi gzhi lus kyi phung po
'di nyid skad cig gis rdo rje rnal 'byor ma sku mdog dmar mo
zhal gcig phyag gnyis/_zhabs gnyis mnyam pa'i 'dor stabs

can/_spyan gsum nam mkhar gzigs shing /_'pho lung gi dus
'dir cung zad zhi ma khro'i nyams chags pa zhig bsgom/_phyag g.yas
ma rig gti mug gi gnyid las slong ba'i thod pa'i Da ma ru nam
mkha'i dbyings su 'khrol ba/_g.yon dug gsum rtsad nas gcod
pa'i gri gug dkur brten pa/_sku gcer mo rus pa'i rgyan dang me
tog gi chun 'phyangs can/_snang la rang bzhin med pa dar dmar gyi
gur phub pa lta bu zhig bsgom/_de phyi lus kyi stong ra yin/
de'i lus kyi dbus drang po na rtsa dbu ma khang stong nang ka ba btsugs
pa ltar bsgom dgos te/_de yang g.yas g.yon gang du'ang ma yo
bar lus kyi dbus drang po na yod pa'i don gyis dbu ma zer ba
yin/_de yang chos sku 'gyur ba med pa mtshon pa'i brdar mthing gi
shun pa ltar sngo ba/_bag chags kyi sgrib pa srab pa'i brdar pad+ma'i
'dab ma ltar srab pa/_ma rig pa'i mun pa bsal ba'i brdar til
gyi mar me ltar gsal ba/_lam dman pa dang lam log par mi 'gro
ba'i ched du chu shing gi ldem bu ltar drang ba ste/_mtshan nyid bzhi
dang ldan pa/_mtho ris dang thar pa'i lam mtshon pa'i ched du yar
sne spyi bo tshangs pa'i bu ga na rgya mthongs kha phye ba ltar had por yod
pa/_'khor ba dang ngan song gi sgo 'gegs pa mtshon pa'i mar sne
lte 'og sor bzhi'i thad na rtsa phug rdugs su kha zum pa/_de lta bu
zhig gsal gdab/_de nang rtsa'i stong ra yin/_de nas rtsa dbu ma

de'i nang snying ga'i thad na snyug ma tshigs kyis 'gags pa lta bu'i
tshigs shig yod par bsam/_de'i steng du rlung gi thig le ljang skya
'gul ba dang 'phrigs pa'i rnam pa can zhig bsgom/_de'i steng du
rang gi sems rnam shes kyi ngo bo yi ge hrIHyig dmar po'i ring
cha tshegs drag dang bcas pa dar lcog rlung gis brdabs pa ltar
'phar 'dar hri li li yod pa/_de lta bu zhig bsgoms te/_de rig pa
sems kyi rten gzhi yin/
de nas rang gi spyi bor khru gang tsam gyi steng gi nam mkhar rma bya
chen po brgyad kyis btegs pa'i rin po che'i khri'i steng du sna
tshogs pad+ma dang nyi ma zla ba'i gdan sum brtsegs kyi steng na/_ngo bo
dus gsum sangs rgyas thams cad 'dus pa'i bdag nyid mtshungs
med thugs rje'i gter mdzod dpal ldan rtsa ba'i bla ma yin pa
la/_rnam pa sangs rgyas bcom ldan 'das mgon po 'od dpag tu
med pa sku mdog dmar po pad+ma rA ga'i lhun po la nyin byed 'bum
gyis 'khyud pa lta bu/_zhal gcig phyag gnyis mnyam bzhag gi steng
na 'chi med ye shes kyi bdud rtsis gang ba'i lhung bzed 'dzin pa
mchog gi sprul sku tshangs par spyod pa'i cha lugs can/_sku la chos
gos rnam gsum gsol zhing dbu la gtsug tor dang zhabs la
'khor lo la sogs mtshan bzang po sum cu rtsa gnyis dang*/_dpe
byad bzang po brgyad cus brgyan pa/_'od dang 'od zer mu mtha'

med par 'phro ba de lta bu zhig gsal/_de'i g.yas su rgyal ba kun
gyi snying rje'i rang gzugs 'phags pa spyan ras gzigs dbang
phyug sku mdog dkar po zhal gcig phyag bzhi'i dang po gnyis
thugs kar thal mo sbyar ba/_g.yas 'og mas shel dkar gyi phreng ba
'dren pa/_g.yon 'og mas pad+ma dkar po'i yu ba nas 'dzin pa'i
me tog gi 'dab ma snyan gyi thad kar kha bye ba/_'od dpag med kyi
g.yon du rgyal ba thams cad kyi mthu stobs nus pa'i bdag nyid
gsang ba'i bdag po phyag na rdo rje sku mdog mthing ga phyag gnyis
rdo rje dang dril bu bsnol stabs su 'dzin pa/_de gnyis ka'ang
longs spyod rdzogs pa'i rgyan chas bcu gsum gyis spras pa/
de yang 'od dpag med srid zhi'i mtha' la mi gnas pa'i brdar
zhabs rdo rje skyil mo krung dang*/_sems dpa' gnyis 'gro don skyo
dub dang bral ba'i brdar zhabs bzhengs pa'i stabs kyis bzhugs
pa/_gtso bo de gsum gyi mtha' bskor du lam zab mo 'pho ba brgyud
pa'i bla ma thams cad dwangs pa'i mkha' la sprin phung 'khrigs pa
ltar bzhugs nas/_rang gzhan sems can thams cad la brtse ba'i
zhal gyis phyogs/_'dzum pa'i spyan gyis gzigs/_dgyes pa'i thugs
kyis dgongs nas rang gzhan sems can thams cad 'khor ba dang
ngan song gi sdug bsngal las bsgral te/_bde chen dag pa'i zhing
du 'dren pa'i ded dpon chen por bzhugs par bsams la/_rang

nyid gzhi lus rdo rje rnal 'byor ma sogs nas/_spyan gsum nam
mkhar gzigs/_de'i khong dbus rtsa dbu ma sogs/_mtshan dpe
rdzogs pa'i phung por gsal/_zhes gsal gdab/
de nas yid khyed shes kyi dad pa'i sgo nas lus ba spu gzings/
mig mchi ma 'khrugs pa dang bcas/_bcom ldan 'das de bzhin
gshegs pa dgra bcom pa yang dag par rdzogs pa'i sangs rgyas
mgon po 'od dpag tu med pa la phyag 'tshal lo/_/mchod do skyabs
su mchi'o/_/zhes lan ci mang brjod mthar/_e ma ho/_gnas rang
snang don gyi 'og min na/_/sogs nas/_dbyings chos sku'i rgyal
sa zin par shog_/bar thams cad tshang bar tshar gsum/_rjes
ma la yid mos gus man chad tshar gsum/_de'i yang rjes ma la/
dbyings chos sku'i rgyal sa zin par shog_/lan gsum brjod/_de
dag gi tshe bla ma dang mgon po 'od dpag med la mos gus mchi
ma 'khrugs pa lta bu'i ngang nas rig pa sems kyi rten gzhi hrIH_yig
kho na la sems bzung /_de nas spar chog gi tshe rkan gyi phugs nas
hrIHhrIHzhes lnga tshar brjod pa dang mnyam du rig pa sems kyi rten
gzhi yi ge hrIH_dmar po de rlung gi thig le ljang skya g.yo ba'i rnam
pa can des btegs te 'dar phri li li byed cing je mtho je mthor
song /_spyi bo tshangs pa'i bu gar thon pa dang mnyam du hika ces
brjod pas/_dpag chen gyi mda' 'phangs pa ltar yar te sangs

rgyas 'od dpag med kyi thugs kar thim par bsam/_yang snying gar
hrIHyig gsal la/_dmigs pa sngar ltar bcas hika sgra bdun nam
nyer gcig sogs brjod/_lugs ka gzhan la hika brjod nas spar
zhing ka brjod pas mar 'bebs pa'i dmigs pa bya srol yod kyang /
'dir ka brjod nas mar 'bebs srol med/
yang bcom ldan 'das mgon po 'od dpag tu med pa sogs
nas/_gsol 'debs dang spar chog sogs sngar ltar bcas ji tsam
'tshams par sbyang /_de nas yang bcom ldan 'das sogs nas/
mchod do skyabs su mchi'o/_/lan bdun nam gsum la sogs pa'i
mthar/_gter ston nyi zla sangs rgyas kyi 'pho ba 'jag 'dzugs ma
rdzogs chen nas brgyud pa ltar gyi gsol 'debs bsdus pa/_sangs
rgyas 'od dpag med la phyag 'tshal lo/_/o rgyan pad+ma 'byung gnas
la gsol ba 'debs/_/drin chen rtsa ba'i bla mas thugs rjes zung /_/
rtsa ba brgyud pa'i bla mas lam sna drongs/_/zab lam 'pho ba 'byongs
par byin gyis rlobs/_/myur lam 'pho bas mkha' spyod bgrod par
byin gyis rlobs/_/bdag sogs 'di nas tshe 'phos gyur ma thag/
bde ba can du skye bar byin gyis rlobs/_/zhes lan gsum gyi rjes
ma la/_bde ba can du skye bar byin gyis rlobs/_/zhes pa lan gsum
bya zhing /_spar chog sogs sngar ltar de dag ji ltar 'tshams par
sbyangs nas yang /_bcom ldan 'das de bzhin gshegs pa sogs

sngar ltar dang /_gnam chos kyi 'pho ba dpal yul nas brgyud pa'i
gsol 'debs/_e ma ho/_shin tu ngo mtshar 'od dpag med mgon
dang /_/thugs rje chen po phyag rdor mthu chen thob/_/bdag sogs rtse
gcig yid kyis gsol ba 'debs/_/zab lam 'pho ba 'byongs par
byin gyis rlobs/_/bdag sogs nam zhig 'chi ba'i dus byung tshe/_/
rnam shes bde chen 'pho bar byin gyis rlobs/_/lan gsum gyi tshig
rkang rjes ma yang bskyar dang /_spar chog sogs sngar ltar yin/
gsol 'debs rjes ma gnyis po 'di klong chen snying thig gi khrid
gzhung ma yin pas/_rig 'dzin 'jigs med gling pa nas brgyud pa
min kyang /_rdzogs chen rin po che dang /_sgo chen sogs nas brgyud
de/_skyabs rje rdo grub rin po che la chu bo gcig 'dres su bzhugs
pa des gsung srol ltar/_rje bla mas kyang gsung bar 'dug la/_'on
kyang grub rje rin po che la dwags po nas brgyud pa'i bka' brgyud
kyi 'pho ba'i khrid rgyun kyang bzhugs pas 'pho ba'i ngag 'don grub
rje'i bsgrigs mar de nyid gyi gsol 'debs kyang yod mod kyang /
rje bla mas gsung srol med la/_gang ltar yang brgyud srol mi 'dra
ba thams cad dmigs rim sogs la khyad par med pas khrid rgyun
chu bo gcig 'dres su song bar nges shing /_skyabs rje rdo grub rin
po che'i drung nas rje bla mas lan grangs du mar gsan pa bcas rje
bla ma nas 'pho khrid thob pa rnams kyis kyang /_bka' brgyud kyi 'pho

lung yang thob par byas nas brgyud 'debs sogs bton kyang chog
par sems so/_/gsol 'debs bsdu ma 'di gnyis kyang grub rje'i
bsgrigs ma lta bu yin nam/_gang ltar yang gzhan rnams dang cung
zad mi 'dra tsam 'dug pas/_'dir rje'i gsung rgyun ltar bris pa
yin no/_/
yang gnam chos 'pho lung gi dus rje bla mas mang tshogs la 'pho
ba gdab pa'i dus/_'di rnams nam zhig tshe yi dus byas tshe/_/zhes
gsung srol yod pa brda' ma 'phrod par bzung nas/_da lta kha cig
gis 'dir snang nam zhig dang /_'di nas nam zhig sogs su
'don pa ni/_cung zad ma dag gam snyam mo/_/de ltar yang dang yang
du sbyangs pa song nas mthar 'jog khar/_sku lnga'i dbyings su rgyas
gdab pa'i ched du/_phaTaHlnga phrugs su brjod cing /_gnas lugs
spros pa dang bral ba'i ngang du mnyam par bzhag de nas spyi gtsug
gi brgyud pa'i bla ma thams cad gtso bo gsum la thim/_sems
dpa' gnyis kyang 'od dpag med la thim/_'od dpag med 'od
du zhu nas rang la thim pas/_rang nyid skad cig gis bcom ldan
'das mgon po tshe dpag tu med pa sku mdog dmar po zhal gcig
phyag gnyis zhabs gnyis rdo rje skyil krung gis bzhugs pa/_phyag
gnyis mnyam bzhag gi steng na 'chi med ye shes kyi bdud rtsis
gang ba'i tshe bum dpag bsam ljon shing gi kha rgyan can 'dzin pa/

rdza dpal sprul o rgyan 'jigs med chos kyi dbang pos mdzad/
sku la longs spyod rdzogs pa'i rgyan chas bcu gsum gyis spras pa de
lta bu zhig tu bsgoms la/_oM a mA ra Ni dzI wan ti ye swA hA/_zhes
brgya rtsa dang tshe gzungs sogs 'don/_des tshe la mi gnod cing
rten 'brel gyi bden pas tshe gegs kyang zhi ba yin/_des na gzhan
shi bo dang 'chi ka ma la gdab pa dang rang nyid 'chi ba'i tshe las
la sbyar ba'i dus 'di mi dgos/_de ltar sbyangs pas 'byongs pa'i
rtags kyang gzhung las/_mgo na chu ser zil pa phrom/_/'jag ma dal
gyis tshugs sogs 'byung /_/zhes pa lta bu'i rtags ma thon gyi bar
du nan tan gyis sbyang dgos pa yin no/_/mjug dge ba bsngo zhing /
bde ba can du skye ba'i smon lam la sogs pa 'don par bya'o/_/
de ltar zab lam 'pho ba'i gdams pa 'di ni bskyed rdzogs kyi
rnam grangs gzhan ltar dus yun ring du sbyang mi dgos par bdun
phrag gcig tsam sbyangs na nges par rtags thon du 'byongs pas/_ma
bsgoms par 'tshang rgya ba'i chos zhes pa'ang gsungs pa ltar yin
pas myur lam bla na med pa 'di lta bu la thams cad kyis yi dam du
bya ba'i rigs so/_/
rang mgo mi thon ro mgor ca co sgrogs/_/
nyams su mi len bshad rgyangs gdugs ltar phub/_/
bdag dang bdag 'dra zog po'i rigs can rnams/_/
sgrub la snying rus nus par byin gyis rlobs/_/

'pho ba ma bsgoms sangs rgyas kyi khrid do/_/
de ltar dal 'byor rnyed par dka' ba la bsams nas dal ba'i
rten la snying po blang /_tshe mi rtag pa'i tshul la bsams nas brtson
'grus kyi lcag gis brabs/_'khor ba mtha' dag sdug bsngal gyi rang
bzhin du shes nas nges 'byung dang snying rje'i blo bskyed/_rgyu 'bras
kyi rnam grangs shes nas dge sdig la spang blang du bya/_thar pa'i phan
yon dran pas 'bras bu la brod pa bskyed/_yang dag pa'i dge ba'i
bshes gnyen bsten nas dgongs spyod bslab pa ste/_thun mong phyi'i
sngon 'gro khrid rkang drug dang /
dkon mchog gsum la skyabs su bzung nas thar pa'i lam gyi
rten gzhi bca'/_byang chub mchog tu sems bskyed de rgyal sras
kyi spyod pa rgya mtsho'i khog phub/_rdo rje sems dpa'i sgom bzlas la
bsten nas nyes pa thams cad kyi rtsa ba sdig ltung stobs bzhi'i
sgo nas bshags/_sku gsum gyi zhing khams maN+Dal du phul te/_yon
tan thams cad kyi rtsa ba bsod nams dang ye shes kyi tshogs bsag
byin rlabs thams cad kyi 'byung gnas bla ma la gsol ba btab ste
rtogs pa'i ye shes rang rgyud la skyed pa ste/_thun min nang gi sngon
'gro khrid rkang lnga dang /
lam mthar ma phyin par 'chi ba thog bab tu byung na dag pa'i zhing

du mtshams sbyor ba 'pho ba ma bsgom sangs rgyas te khyon khrid rkang
bcu gnyis yin la/_de dag kyang sngon 'gro blo ldog bzhi dang /_thar
pa'i phan yon la brten te bcos ma ma yin pa'i nges 'byung bskyed
cing lam thams cad kyi sgo phye/_yon tan thams cad kyi 'byung gnas
dge ba'i bshes gnyen bsten te lam gyi rten 'brel bsgrig
skyabs 'gros gzhi bzung /_byang chub mchog tu sems bskyed/_phyin
drug gi lam la bslabs nas rnam pa thams cad mkhyen pa rdzogs
pa'i sangs rgyas kyi lam yang dag pa la khrid par byed pa ste/_khrid
tshul gzhan du/_snang ba gsum dang /_skyes bu gsum dang /_phyag chen
mdo lugs su khrid par grags pa la sogs pa thams cad kyi lam
gnad yongs su rdzogs pa'i 'di tsam du 'dus pa yin la/
thabs bla na med pa rdor sems dang maN+Dal la bsten pa'i bsags
sbyong gnyis dang /_zab mo byin rlabs kyi gsang lam bla ma'i rnal
'byor dang /_ma bsgom par sangs rgyas pa 'pho ba'i gdams pa
rnams ni/_khrid tshul 'di'i khyad par gyi chos bla na med pa yin/_da
dung yang snying thig rdo rje snying po'i lam gyi dngos gzhi thun mong ma
yin pa'i sgor 'jug pa la ni/_khyad par gyi sngon 'gro'i sgo nas sku
gsum dang sems rig gi sna khrid de/_don gyi ngo sprod rig pa rtsal
gyi dbang bskur nas gzod nyams khrid dmar bcang du 'debs pa
yin no/_/

de ltar bshad pa thams cad kyang tshig gi snyan cha dang sdeb sbyor
gtso bor ma bton par/_rje bla ma'i gsung sgros zhal gdams kyi
gsung ngag ji ltar yod pa ltar la/_rang tshig gi bsre bslad ci
nus su spangs te go sla ba dang sems la phan pa kho na gtso bor
bton nas bris shing /_de las kyang mtshang 'don gyi zhal gdams
dmigs kyis bkar nas gsungs pa du ma yod pa rnams kyang rang
gis gang zin thams cad skabs ci rigs par 'phros don gyi tshul
du bkod pa yin la/_de dag kyang gzhan skyon lta ba'i mig sgor ni
mi bzung ste/_kha nang du log nas rang skyon lta ba'i me long du byas
nas/_skyon mtshang de dag rang la yod dam med legs par brtag
yod par 'dug na skyon ngos bzung /_mtshang yul nas phud de yang
dag pa'i lam la blo lhan gyis 'gro ba zhig tu rang gis rang rgyud
'chos dgos pa yin pas na/_jo bo rje lha gcig gi zhal nas/_dge
ba'i bshes gnyen gyi mchog mtshang la rgol ba yin/_gdams ngag
gi mchog mtshang thog tu 'bebs pa yin/_grogs kyi mchog dran pa
dang shes bzhin yin/_skul ma'i mchog dgra bgegs dang na tsha
sdug bsngal yin/_thabs kyi mchog bcas bcos med pa yin/_zhes
gsungs pa ltar gdams ngag mtshang thog tu phab/_chos dang rang
sems zhu dag byas/_rgyun du dran pa dang shes bzhin gyis bzung ste
le lan thams cad rang la bda' zhing /_kun rtogs ngan pa gcig

skyes pa tshun chad/_kha yan tu mi btang bar rang rgyud chos kyis
'dul ba ni gnad dam pa yin no/_/
de ltar byas na rang drin rang la che/_chos kyis sems la phan/_bla ma
bsten pa la don sgo byung ba yin te/_jo bo'i zhal nas/_phan btags
pa'i mchog chos la btsud pa yin/_phan thogs pa'i mchog chos la
blo sna 'gyur ba yin gsungs/
mdor na da res dal 'byor gyi mi lus thob/_mtshan ldan gyi bla ma
mjal/_zab mo'i gdams ngag thob/_chos theg pa rim dgu nyams
su blangs nas sangs rgyas rang la bsgrub tu yod pa'i skabs 'dir/
tshe rabs gtan gyi chus tshugs na da res ma tshugs na da res
blo legs na da res nyes na da res/_'dun ma gtan legs dang
gtan nyes kyi sa mtshams tshe gang dus brgya'i za ma lan gcig
yin pas/_rang mgo nyi ma chos kyis bton nas dus rtag tu 'chi
ba'i skul ma gdab/_tshe 'dir blo sna bstung /_brtson 'grus srog dang
brdos nas dge sgrub dang sdig spang la 'bad/_mtshan nyid kun ldan
gyi bla ma bsten nas ci gsung dang du blang /_blo snying brang gsum
dkon mchog gsum la gtad de/_skyid na dkon mchog gi thugs
rje/_sdug na sngon bsags kyi las 'phror shes shing /_bsam pa bzang
po byang chub kyi sems dang ldan pa'i ngang nas nyams len bsags
sbyong gnyis la 'bad de/_mthar thug mos gus dang dam tshig rnam

par dag pa'i sgo nas/_/brgyud ldan gyi bla ma mchog dang thugs yid
dbyer med du 'dres te/_tshe 'dir btsan sa zin par bya zhing /_ma
rgan sems can thams cad 'khor ba'i btson dong nas 'don pa'i
blo stobs kyi khur khyer ba ni/_gdams ngag gi gnad thams cad
bsdus pa yin no/_/
de ltar brgyud gsum man ngag bdud rtsi'i klung /_/
brgyud ldan bla ma'i zhal chab mngar mo'i bcud/
rim dgu'i theg pa'i nyams len snying po'i gnad/_/
ma nor yongs su bsdus pa 'di kho na/_/
spros bshad tshig gi spun pa yongs dor nas/_/
yang zab nyams len gnad kyi ro bsdebs te/_/
nyams myong zhal gyi gdams pas btsos pa'i bcud/_/
legs bshad 'di ni g.yos legs kha zas 'dra/_/
gshis ngan dug gsum spyod pa'i tha rgod la/_/
mtshang 'don zhal gdams rdo rje'i thong btsugs te/_/
yang dag dam chos rlan gyis 'debs mkhas pa/_/
legs bshad 'di ni thabs mkhas zhing pa 'dra/_/

nges 'byung blo sna gshin po'i zhing sa la/_/
byang chub sems kyi sa bon legs btab nas/_/
bsags sbyong thabs kyis yon tan 'bras skyed pa/_/
legs bshad 'di ni skal bzang lo tog 'dra/_/
rang skyon mtshang nas brus te drungs 'byin zhing /_/
yon tan thabs mkhas ngag gis lan brgyar 'doms/_/
rtag tu phan pa 'ba' zhig lhur len pa/_/
legs bshad 'di ni ma ma sdug gu 'dra/_/
tshig tsam ma yin don gyi zab khyad can/_/
mtshungs med dam pa'i zhal rlangs ma yal ba/_/
legs bshad 'di 'dra snying gi nor bu ru/_/
thob rnams yang dag lam gyis zin par nges/_/
phan dang sgrub pa lhur len dam pa'i gzhung /_/
sgra dang snyan ngag tshig gis ma yin te/_/
phal dang grong pa'i ngag gis yang dag lam/_/
legs 'doms sems dpa' rnams kyi khyad chos yin/_/

kun bzang bla ma'i zhal lung*/
gzhung bshad tshig gis spros pa rgya che yang /_/
blo rmongs yid kyi khang bur 'jug dka' zhing /_/
don zab lta grub mthon po'i kha skad kyang /_/
snyigs spyod blo chung skye bos nyams len dka'/_/
de slad gzhung 'di shes sla don du 'dus/_/
blo chung blo yi khung bur gser gyi bcud/_/
blo dman yid kyi mun par mar me bzhin/_/
don bzang rang gsal khro med slob dpon yin/_/
bshad yam tshig la zhen pa'i mkhas pa dang /_/
gzhung lugs gdams par ma shar ston chen kyang /_/
dam pa'i man ngag bcud 'di 'thungs dang gzod/
nyams len gnad kyi lus zungs los kyang rgyas/_/
stong sgom mun rdo 'phen pa'i sgom chen dang /_/
dge sbyor byas yus 'dren pa'i sgrub pa po/_/
rang rgyud tshod ma longs pa'i grub brdzu rnams/_/
lam 'di mthong na snying gi thur ma byed/_/

bshad yam tshig gi spros gzhung mang thos shing /_/
snyan tshig 'ja' tshon ri mo bri mkhas kyang /_/
drin ldan bla ma'i zhal rgyun ma lags pa/_/
rang bzo'i tshig ris bsres pa 'di la med/_/
mtshungs med bla ma sangs rgyas dngos byon te/_/
gangs ljongs 'jig rten skal pa bzang po ru/_/
gyur pa'i dus tshod de las 'gyangs min pas/_/
da dung rdo rje'i mched bzhugs 'di la dpang /_/
de slad yang dag bka' yi bsdu ba ru/_/
brtson pa'i rgyu yang dam pa'i drin las te/_/
mos gus bsam pa bzang po'i lag ris la/_/
yi rangs lhar bcas mched kyis stsal bar rigs/
slad nas 'byon pa'i skal bzang gang zag kyang /_/
tshul 'di mthong na bla ma sangs rgyas de/_/
dngos su mjal ba'i mos gus skyed cig dang /_/
gsung gi gnad la nor 'khrul med dam snyam/_/

de 'dra de las gang zhig thob pa yi/_/
dge ba de yang mar gyur 'gro ba kun/_/
bshes gnyen dam pas zin nas dam pa'i gsung /_/
sgrub pa'i 'bras legs mthong ba'i rgyu ru bsngo/_/
khyad par mtshungs med bla ma rdzogs sangs rgyas/_/
de yi zhal gyi bdud rtsis bskyangs mtha' dag_/
tshom bu gcig tu mngon par sangs rgyas nas/_/
'gro ba'i 'dren par chas pa'ang mthong gyur cig_/
dam pa'i legs bshad bdud rtsi'i bcud gsol te/_/
gdams pa'i myos glus skal bzang yid 'gugs pa'i/_/
drin chen bla ma'i rgyal tshab mchog rnams kyang /_/
zhabs pad rdo rje'i khri la brtan gyur cig_/
bdag kyang deng nas tshe rabs thams cad du/_/
bla ma mchog dang de yi rjes 'jug gi_/
bran du gyur nas ci gsung bka' sgrub cing /_/
mnyes pas rjes su 'dzin pa yod gyur cig_/

'khor ba'i mtha' dang lus can mtha' de srid/
lus dang longs spyod dge ba kun spungs te/_/
nyam thag ma rgan rnams kyi g.yog bgyid cing /
de kun rdzogs sangs rgyas pa'i chos 'dzin shog_/
gnas skabs su yang brgyud pa rin po che'i/_/
byin rlabs nyi ma snying la legs 'char zhing /_/
dben pa'i gnas su tshe 'di mthar byas te/_/
mtshungs med bla ma'i drung der 'gro bar shog_/
de ltar klong chen snying gi thig le'i thun mongs phyi nang gi khrid yig
mtshungs med bla ma dam pa'i zhal rgyun ltar bris pa 'di yang /_snga
sor rje bla ma'i zhal slob sdom brtson dam pa sgron ma tshe ring nas
khong rang gi thugs la gang nges zin ris su bris nas byin te/_'di
la gzhi byas nas khyed kyis rje'i zhal rgyun bcos med kyi khrid yig
cig cis kyang bris shig ces nan tan gyis bskul ba dang /_khyad
par rje btsun bla ma mchog gi smin grol gyi bstan pa 'dzin pa'i
rgyal tshab sprul pa'i sku rin po che kun bzang theg mchog rdo rje'i
zhal snga nas bri gzhi'i shog bu dang bcas pa gnang nas lan grangs
gnyis gsum gyi bar du gsung gis bskul ba dang /_slar yang

skyabs mgon bla ma dam pa'i gdams ngag gi brgyud pa 'dzin pa'i
thugs sras yongs kyi thu bo yongs rdzogs bstan pa'i mnga' bdag
sku zhabs rin po che gzhan phan mtha' yas 'od zer nas/_rje bla
ma'i zhal rgyun gsung sgros ltar yi ger bris na/_bla ma dran pa'i
mos gus kyi gsos su 'dug pas cis kyang bris shig ces gsung
gis dbugs dbyung gnang ba dang /_gzhan yang ji srid byang chub
snying po'i mthas gtugs pa de srid du me mar gyi 'od dang sdong bu
ltar 'grogs par nges pa/_dpral ba'i mig ltar brtse ba'i rdo rje'i
mched po du mas legs so'i dbugs dbyung dang blo gros kyi zur
gsos thob pa la brten nas/_mtshungs med grub brgya'i gtsug rgyan
rig 'dzin byang chub rdo rje'i zhal snga nas/_o rgyan 'jigs med
chos kyi dbang po zhes ming gi cod pan byin pa yin na yang /_don
tu dug lnga me 'bar a bu hral por 'bod pa'i gdol spyod mkhan
de nyid kyis/_ru dam o rgyan bsam gtan chos gling gi yang dben
'jigs byed dus dgra'i dbang po'i pho brang dben pa'i yon tan
ma tshang ba med pa'i rgyan gyis brjid chags par spras shing /_drod
bcud nyi zer gyi 'od snang spyi bos len la/_bsil bcud bdud
rtsi'i thigs pa rkang pas 'thungs pa'i ljon shing dang /_'khri shing
dang /_lcug ma dang /_phang phung dang /_ldum bu dang /_sdong po'i bye brag
rigs mi gcig pa du ma'i yal ga dang /_lo ma dang /_me tog dang /

rdza dpal sprul o rgyan 'jigs med chos kyi dbang pos mdzad/
'bras bu 'phyangs 'phrul drwa ba dang*/_drwa ba phyed par bres pa'i khong
seng nas sngo bsangs nam mkha'i bu mo'i 'dzum zer gyi bdud rtsis
snying la sim pa cir yang sbyin pa'i gnas su/_legs par grub par
bgyis pa 'dis kyang mtha' yas pa'i sems can thams cad lam
mchog 'di la brten nas gdod ma'i mgon po'i gzhi klong du rnam
par grol ba'i rgyur gyur cig_/_//
!_oM swa sti sid+d+hi/_grol ba drug ldan kun bzang dgongs pa'i gter/_/
klong chen nam mkha'i rnal 'byor phyag rgyas bkrol/_/klong chen snying
thig ces grags grub gnyis dpal/_/'dod rgur sbyin la mthu dang
rlabs che ba/_/gang de'i sngon 'gro'i chos bshad thos tsam gyis/_/yid
can blo sna btsan thabs sgyur nus pa/_/'jigs med rgyal ba'i myu
gu'i zhal gyi lung /_/o rgyan chos kyi dbang po'i legs gsung bcud//
gtan pa med pa'i chos sbyin sgo 'byed phyir/_/sde bzhi dge ba bcu
ldan chos srid kyi/_/gnyer chen pad+ma legs grub dad 'byor ni/_/
rdzogs ldan sprin las phyi mo'i chos char phab/_/dge bas 'od gsal
rdo rje rtse mo'i bstan/_/srid pa gsum du dar rgyas yun ring gnas/_/
'brel bcas 'gro rnams gdod ma'i rgyal srid cher/_/myur du spyod
cing don gnyis lhun grub shog_/

ces pa'ang phyi mo'i zhu dag dang chabs cig dag pa'i snang ba ris
su ma chad pa blo gros mtha' yas pa'i sdes ched du brjod pa dge
legs 'phel/_/
b+hadzamAani/_tathAta_gto
yi ge nyi shu rtsa drug pa 'di dbe cha'i nang du bzhag na dpe cha der ci 'drar
bgoms kyang nyes ba mi 'byung bar 'jam dpal rtsa rgyud las gsungs so/
kun bzang bla ma'i zhal lung /
mdzad pa po/_dpal sprul o rgyan 'jigs medachos kyi dbang po/
dpe sgrig 'gan 'khur pa/_bla rung gzhung las khang /
dpe sgrig pa/_bstan pa dar rgyas/
phyi shog mdzes ris pa/_bstan pa dar rgyas/

'grem dus/_phyi lo_2015_lo/
shog tshad/[230 mm 165 mm]
yig grangs/_khri[ 13]