Великолепные Облака Украшений: Молитва Линии Передачи

rdzogs pa chen po klong chen snying thig gi
brgyud pa'i gsol 'debs byin rlabs sprin mdzes zhes bya ba bzhugs/

/kun bzang rdo rje sems dpa' dga' rab rje/
/'jam dpal bshes gnyen shrI sing ha dang/
/dz+nyA na su tra paN chen bi ma lar/
/gsol ba 'debs so bdag rgyud byin gyis rlobs/

/mtsho skyes rdo rje rje 'bangs grogs gsum dang/
/kun mkhyen chos rje rig 'dzin 'jigs med gling/
/rgyal ba'i myu gu drin chen bla ma la/
/gsol ba 'debs so bdag rgyud byin gyis rlobs/

/nges 'byung byang chub sems kyi 'khri shing la/
/rnam dag dbang bzhis bdud rtsis reg pa las/
/bskyed rdzogs grub pa'i ut+pa rgyas pa dang/
/sku bzhi'i 'bras bu smin par byin gyis rlobs/

/zhes pa'ang gzhon nu a b+hayas so/
/kha skong ni/_kun mkhyen 'jigs gling rjes su/
phrin las 'od zer rgyal ba'i myu gu dang /
/nam mkha'i rdo rje gzhan phan mtha' yas zhabs/

/ye shes rdo rje chos kyi dbang po la/
/gsol ba 'debs so bdag rgyud byin gyis rlobs/
/pad+ma badz+ra 'jam dbyangs mkhyen brtse'i dbang/
/pad+ma blo gsal bstan 'dzin nor bu'i zhabs/

/pad+mabade chen bzang po bstan pa'i nyi/
/gsol ba 'debs so bdag rgyud byin gyis rlobs/
/sna tshogs rang grol 'jam dpal bstan 'dzin dang /
/pad+ma dagyes pa kun dga' dpal dang ldan/

/chos kyi blo gros mkhyen brtse'i 'od zer la/
/gsol ba 'debs so bdag rgyud byin gyis rlobs/
/ces rang la bka' drin thob pa'i brgyud rim ltar
'jigs med mkhyen brtse'i 'od zer gyis gsol ba btab pa'o/

/_!_zla bral mkhas grub rgya mtsho'i rjes su bzung /
/ris med thub pa'i bstan la thos bsam mdzad/
/bstan 'gror lhag pa'i sems kyi go cha can/
/'jigs med mkhyen brtse'i 'od zer la gsol ba 'debs/

/zhes pa'ang dad ldan 'gas bskul ngor rang nyid kyis so//